الحلقة السابعةعشر من سلسلة شهر ونص فدار القحاب

كلثوم مشات وخلاتني فالكار بقيت كانشوف فيها …… تاخرجات مع الباب ديال المحطة ….. بدون شعور جوج دمعات نزلو من عينييا ….. واحد الشارفة كانت كالسة حدايا دوزت معاها أكفاس تسافيرة غاندوزها فحياتي …… قالت ليا الفراق صعيب أولدي وهدا غاديال دنيا أما ديال الأخرة كثر الله إرزقنا حسن الخاتمة …… شفت فيها وبقيت ساكت مادويتهاش …… أش كاتجيك هد لبنية باينة فيها بنت الناس ختك ؟؟ لا …… مك ؟؟ لا ….. مكاتجيني وااااااالو ناري هد بنت القحبة ديال الشارفة علاش كاتقلب كاتشوف فكلتوم بقا فيها ربعين عام ديال الحوايا و كاتقول ليا واش مك الكلخ لقحبة يماه و قلة مايدار …….. من بعد ملي ماعطيطهاش راس الخيط،ديال أش كاتجيني،كلثوم بغات تدخلني بداك السؤال التافه المألوف عند كل مغربي ملي كايبغي إدوز بيك الطريق …. فين غادي إنشاء الله ؟؟….. غادي لتزنيت …… مزيان هي خدام هنا ؟؟ سمحي ليا الحاجة ندوز …… هزيت صاكي ورجعت لكراسة لورانيين و توسعي فيها بقيتي ليا غانتي …….. لكار ديمارا وزاد خرجنا من لمدينة شد الطريق …… الكار كيداير تشوف من برا تقول هنا نبات …… وبنادم كيداير تاهو …… واحد لابس السبرديلة من 4 دالعشية وحييدها باش إتنفسو رجليه وخنزنا … الشارفة دار ليا الله تاويل د الخير مابقيتش حداها …… مزال مادرناش تا ساعة ديال طريق ……. و هي تبدا تقية …… عق ….. عق ديالها إسمعوه هدوك لي مييتين أما الحيين راه بوعاتهوم معاها …… واحد المرا عندها تربية صغيرة دارت لينا طيارة ….. إلى نعسات راه غمضنا عينينا إلى فاقت راه الكار كل كايفيق ….. مها كاتوقف كاتبقى دير ليها ديك سروهرو وااااااالو ….. تربية معليهاش دنب هي غا تربية واحد القواد ديال باها ….. لي كايغوت على المرا لي مرضنا …… و تيهاديك مالها واش مغاتنعسش واش مارضعتيهاش …… ونعسي لخراااا راه برزتي الناس …… كايدوي مع المرا بحال إلى جايبا ديك تربية غا من شي بركصة ماشي هو ….سببها …….. و والله مابرزطاتنا قد مابرزطنا هو …… ناض عندو واحد قاليه شريف هديك راها غا تربية وحنا صابرين ليها راه كاع دزنا من هد المرحلة و مها راه ماعندها مادير ليها …… و سيدي نتا دخل سوق راسك أش جابك كاع تهضر معايا فين كاتعرفني أنا كاندوي مع مراتي …. ونتا مالك …… حيوان فصفة ديال البشر ……. تهدنات تربية نعسات و قلنا لاباس غانغمضو عينينا …… الشيفور كايضرب الشقوفة ريحت الكيف عطات …… تا واحد مادوا الناس صابرين قلنا اللهم ريحت الكيف ولا ريحت رجلين ….. شكون غاينوض إدوي ؟؟ غاينوض تاني داك الحيوان ….. والإخوان راه خنزتونا الله إرحم واليدين راه كار هدا لي كايكمي إشري طموبيلتو …….. لكريسون جاوبو واشريف راه غا الشيفور هداك صبر و قول الله إعفو …….. و مال الشيفور الكار ديال باه ؟؟ و شريف راه شيفورماتقدش على خدمتو نتا راك ناعس و جابد عليها و هو غايبقى مخرج عينيه فهد الباربريز تال 8 د الصباح وقدرو الضروف الله إرحم واليدين …… ليلة كحلة تسافيرة كحلة مكفسة ……. و أخيرا لكار غادي يوقف فتزنيت …… مع السابع د،صباح بنادم مبوق بنعاس،نزلت هزيت صاكي مشيت لتليبوتيك نعييط،على البار لي قالت ليا كلثوم عييط،ليهوم إلى وصلتي ….. دخلت لتليبوتيك لحت جوج دراهم كايبقى تيليفون إصوني تايعيا واااااالو مكاينش لي يجاوب ….. تكلخت فديك لحضة واش كاين شي بار خدام مع سبعة د الصباح قلت صافي غانخليها تا نوصل لتافراوت ونجرب تاني …… مشيت شديت الطاكسي لتافراوت ……. وصلت لتافراوت قلت غا نعاود نشوف عا الله و اش إجاوبني شي حد وااااالو فرتوس باقي ناعس …… بقات فيا كلثوم ماعنديش،كيندير باش،نقول ليها راه وصلت تبقى مرتاحة ……. مشيت تقديت شوية شوية من الخضرة …… وخديت واحد البلغة الواليدة واخديت ديالي تا أنا و خديت فوقيا حيت البلاد عندنا كاتجي شوية ناقصة الراجل يبقى لابس سروال الدجين والتجاكيطة فالدوار ……. جمعت تقضية ديالي و بقيت كانقلب على الخطاف لقيتو قال ليا ما عليك غاتسنى إبانو واحد ربعة د البلايص خرين مغانمشيش خاوي بقيت كانتسنى جاو ربعة د البلايص زاد وصلت حطني حدا الشانطي،….. وبقيت جابد،عليها كحطة ….. بين دوار عندنا و الطريق الرئيسية واحد روبوع ساعوة على رجليك ……. دخلت للدوار أوال واحد غانتلاقا معاه هو الفقيه ديال الدوار ……. على سلامتك أموحماد …….. الله إسلمك أ الفقيه نتا كيداير لاباس،عليك …… لاباس أولدي ……. السلام لي دارو معايا الفقيه معاجبنيش كايدوي معايا وحدر راسو مقادرش إشوف فيا …… قاليا سير أوليدي ترتاح راه غاتكون عييتي ……. قلت ليه أاااااه الفقيه الله إعاونك …. على السلام أولدي ….. مشيت لدارنا ديريكت بقيت كاندق وااااااالو ….. مكاينش لي يحل ليا ……. كانعييط ” إيمي …..،إيمي ….. إيمي ” تقول دارنا ماعمرها سكنات طاحت شي،شتاء دوك اليامات شفت جناب الباب باينة فيه ماتحلش مدة الغيس باقي فجنابو والشراجم مسدودين ……. قلت صافي الواليدة هد،الشتاء لي،دازت غاتكون كرفسطها تاني القطرة سدات الدار ومشات عند عمتي …… بين دارنا و دار عمتي جبدا عمتي الفوق ديال الدوار وحنا لتحت ….. طلعت عندها لقيت باب دارها محلول ومجموعين فيه عيالات الدوار مفرشين واحد الحصيرة وحاطين صنية د أتاي و طبسيل كبير كايحطوه الناس فالعزو كايكون فيه لوز والتمر كايهزوه دراري،صغار صداقة على المييت …… كانشوف داك المنضر جاب ليا الله بلي كانحلم سهيت ودوك العيالات تا هما بقاو كايشوفو فيا تا وحدة ماقدا تنطق بشي كلمة عمتي خرجات من الدار وضربات عليا وقف من البعيد كانشوف جات عندي عمتي قالت ليا جيتي يا ولدي يا موحماد معطل …………….. مي ماتت …………… عمتي دوي كيفاش جيت معطل ماماك كاتسنى فيك تشوفك … ولكن جيتي نتا ومشات هي ……مامكتابش ليكوم تلاقاو … كاع الناس ديال الدوار لي فسلا صيفتنا ليهوم البريات باش لي شاف إقوليك سير شوف مك واااااالو يا ولدي …… شي خبار عليك مكايناش …. كاع هدوك لي وصلاتهوم البرة ردو علينا بلي مكايشوفوكش إلا نتا البرا وصلاتك ومارضيتيش عليها حنا كنا قلنا بلي راك سبقتي الواليدة ديالك ……. ماماك دفنوها الناس،البارح …….. مات مورا الضهر …… الله أعمتي علاش دفنتوها قبل مانجي ……. وباش عارفينك أولدي واش غاتجي الغيب حجتو معاه …..ماماك تعدبات تمحنات ديال بصاح مشات عند،سيدي ربي،باش ترتاح …….. عمتي عنكاتني هي كاتبكي ونا كانبكي ماماك أولدي راها كاترضي عليك و كاتنطق بسميتك تا طلعات روحها عند الله …… دخل دخل أولدي والحمد لله ملي رجعتي ليا نتا ….. أما راه كنت قلت عائلة خويا ما بقاش عندها أثار ……. شنو واقع الواليدة ياعمتي ؟؟ كيفاش ماتت ونا مزال مكملتش تا عشرين يوم باش خليتها ؟؟ هديك أولدي مكاتعرفش نهار واحد،مكاتعرفش عشرين ….. الناس،ديال الدوار راه كايقولو نتا السبب فموتها ولكن أولدي كدوب …. كدوب ماتديش على هضرتهوم ماماك كانت مريضة قبل ماتعرف بلي راك مابقيتيش مع براااهيم غا ملي عرفات تزاد عليها الحال و جبتها عندي لدار بقات سيمانة دا مول الأمانة أمانتو ….. أنا ولدي،فيا مك….. فيا باك….. فيا عمتك…… تا أنا راه ماعندي حد من غيرك ……. سير أولدي ترتاح العصر نمشي معاك لقبرها تزوره ….. وراه البارح واليوما شديت العزو بقا فيه غدا …….. العذاب عاد غاتبدا فيه أموحماد لا أم لا أب لا لا أخ …….. بين عشية وضحها وليت تا أنا بحال كلثوم وخديجة ….. مشينا أنا وعمتي العصر زرنا قبر الواليدة قلت ليها مي مهم أنا عندي إحساس بلي راك كاتسمعني …….. راني جيت بغيت نشوفك ……… وراه مامكتابش مي راه ماشي بخاطري …… مي ……. كاتسمعني ياك ؟؟ مي نتي مسامحاني ياك ؟؟ ياك مسامحني ؟؟ مي وصيتك راه مغانفرطش،فيها أصلي راه مغانساهش وراه غانجي ديمانزورك نتي وبا …… ولدي مك راه بقا غالجسد ديالها فالقبر روحها راه طلعات عند الله …….. براكة ……براكة خليني ياعمتي نعاود لمي ……. خليني ندوي معاها ……مشينا أنا وعمتي دعينا على با تا هو ……. ورجعنا للدار …..دوزنا نهار الثالث فالعزو بقينا أنا وياها قلت ليها عمتي ماتفرطيش فدارنا راها أمانة فرقبتك …… أناغدا راه غانمشي فحالي…… الله أولدي فين غاتمشي …… عمتي خاصني نمشي …… خاصني نمشي،ماعندي ماندير هنا …….. بقا أولدي معايا غا شوية نسني فيها راك مافايتني بواااااالو فيها لا لا أعمتي غدا خاصني نمشي …… حس بيك أولدي و كن عندي فين نمشي،تا أنا كن مشيت … مهم الموت والحيا هدي أولدي واحد الأمانة خلتها عندي الواليدة ديالك ملي تزاد عليها الحال شي نقرة ديالها راه خاصني نعيطيها ليك نحييدها على رقبتي …….. عمتي الله إطول ليا فعمرك ماشي وقت هدشي هذا ديك النقرة خليها عندك ويلا متي ولا مت أنا مسامحك فيها دنيا و أخرة …… لغد ليه هزيت صاكي ورجعت لعداب الأليم ……. و العالم ديال القحاب عاوتاني و ولاد القحاب ………..

يتباع ………