(15 )إلى مبردتش نديوها سبيطار.المهم دايرة راسي مخلوعة وكنقلب فملوكتي وهو حدايا شوي قالي جاتني بردات ياك قلت ليه اه هبطت ليها سخانة الحمد لله.قالي واخا هاكاك نمشيو سبيطار قلت ليه لا صافي رآه دوشت ليها قبيلة يمكن ضربها البرد دابا لباس اففف خرجت مني خلعة حيت مولفة ماما لي كتعتقني.قالي الله يسمح لينا من عدابها.قلت ليه اه وحتى انت سمح ليا فيقتك فهاد ليل قالي واش انتي حمقة انا لي خاصني نفيق ونجي رآه بنتي هادي ماشي نخليكم بوحدكم. وأنا نقول مع راسي هادي هي الفرصة فين نشدو ومعندي مندير بالنفخة الخاوية.نضت من حداه حطيت ملاك وغطيتها وجلست مقابلة معاه قلت ليه بشوي ولكن انت خليتينا بجوج ا هشام وسمحتي فينا.ناض بالزربة وجا جلس حدايا قالي غلطة ومستاعد نصلحها غير عطيني فرصة.قلت ليه ومراتك قالي خلينا منها دابا خليني غير معاك انا معرفتش فين كان مخبي عليا هادشي وفين كانو عينيا قلت ليه كنتي كتشوفني بحال شي حيوانة ياك.قالي ماشي هكاك انا منكدبش عليك مكنتش باغي ندزوج بيك غير الوالدة بغات دير ديك القضية ديال تاخد ليا مرا على قد يدها وباش مناخدش شي برانية تديني عليها هادشي لي فكرت هي فيه وانا كنت باغي شي وحدة نختارها بوحدي ونحس بيها داكشي علاش كنت كنشوف فيك مرا ديال الدار لي اخترتها الحاجة.قلت ليه وكان عاجبك داك العداب لي كانو داركم مدوزينو عليا قالي إيمان عفاك نساي داكشي وخلينا فهاد الساعة شد ليا يدي وانا محيدتهاش حيت هشام بدأ يرطاب ويتعسل هنا فين غنضرب الضربة ديالي قرب لوجهي وحيد من عليه شعر لي هابط وانا خليتو قرب بزاف وانا كنقول فنفسي شنو ندير ندفعو ولا نخليه.لا مغندفعوش غندوقو ونخليه تابعني.بدا يبوسني وأول مرة هشام كيبوسني بهاد الطريقة حيت لمرات لي نعس معايا كيجي من الآخر بلا مقدمات بلا رومنسية.
(16 )بحال إلى كان غير ملي مكيلقى فين يفرغ كيجي عندي ولكن دابا لا حاسة بيه باغيني انا وعاجبو الحال.ولكن المشكلة انا مكنعرفش نبوس ويلي على شوهتي اويلي واش نبقى بحال الخشبة قلت لا تفكرت شي لقيطات شايفاهم فافلام وعشت معاه.هشام زاد قرب ودار يدو مورا عنقي والأخرى مورا ضهري وكان مزال باغيني.ولكن انا حبست مخاصوش يشبع دابا قلت ليه بعد مني آش هادشي كنديرو قالي لا حبيبة خليني عفاك. (اواااااه هشام لأول مرة كيقول حبيبة ياك أولد لحرام ملي كنت قدامك وفالحلال كنتي مدوز عليا الحراير ودابا وليت حبيبة نتوما هاكا ارجال كيعجبكم الحرام والوسخ)المهم قلت ليه لا صافي بعد عليا.شوي صونا تلفونو جاوب آلو لمياء(لمياء هي مراتو) شوي قاليها آه مزال فدار عمي ملاك مريضة مزال منجي وقطع (هههه هاهو جا نهار لي غنتغرج فيك حتى نتي وتجربي هاد العافية ديال راجلك يكون مع مرا اخرى)قلت ليه نوض سير عندها قالي لا غنبقى معاك احبيبة قلت ليه خاصك تمشي مبغيتش يشوفك شي واحد يمشي يقولها لماما مغيعجبهاش الحال.قالي نبقا حتى يقرب نهار يطلع ونمشي قلت ليه لا سير دابا شد يدي وبدا يبوسهم وقالي خاصني نشوفك عفاك اليوم ملي تجي ماماك خرجي عندي قلت ليه سير ا هشام متشوفني منشوفك قالي غنتسناك.وخرج بزز.عنقت بنتي ونعست وانا فرحانة حيت اكيد هاديك الحمارة كتشوى داباهههه.المهم طلع نهار وجات ماما والبنات مقلتش ليها شنو وقع فليل حيت بالصح مغيعجبهاش الحال.مورا الغدا تاصل بيا هشام كيأكد على الخرجة لبست وقاديت وخرجت تلقاليا ومشينا مخلا فين داني وفرحان السيد كيضحك من ودنيه حتى طاح ليل قلت ليه خاصني نرجع وكل شوي يقولي بلاتي. المهم دوزت معاه عشية ولا في الأحلام وخلاص لي كادو لي شرا ليا وانا غير كنتقلق ليه ونتبعكك هادي مبغيتهاش هادي بغيتها ههه
لا يوجد تعليقات
أضف تعليق