(17 )المهم هشام طحت ليه على لمودباس ديالو كيحمق على النص مزير فالدجين والمكياج والبارفان.وهادشي مكنتش دايراه من قبل.المهم هشام باقي كيطمع وانا جارا ليه شحيمة. وخاصني مراتو تزيد تعدب.دازت شي شهرين واحنا كنتلاقاو وهشام غير كيدير فالخاطر ويشتت فالفلوس.هادشي جا مع الصيف والشركة عطاونا كونجي.قالي والو نسافرو انا وياك واخا غير يومين داكشي لي درت قلت لماما عفاك قابليلي ملاك بغيت نمشي رحلة مع بنات الشركة قنطانة معارضتنيش.هزيت حوايج لي غنحتاج ومشيت كوافورة درت براسي ها لاسيغ ها سوان ديال الوجه ومشيت انا وياه كنتساراو نهار لول مشينا لوطيل وكان باغي بيت واحد قلتلو لا.نهار تاني مشينا مدينة أخرى فيها دار ديال 1 ولد خالو حدا البحر غير مسدودة عيط ليه قالو بغيتها قاليه انا غتاصل بالعساس يعطيك سوارت.داكشي ليكان مشينا لدار وملي دخلنا وهو كيدور بيا قلت وانا كنتفشش وكنقول مع راسي هادشي باش كيشدوكم القح... كتبغيو لي يردوكم بحال الكلاب ولي شدة معاكم طريق مكتبغيوهاش.المهم وصل ليل وهشام كيبان ليا كيتلون باغي غير منين يدوز ليا وتلفونو نهار كامل طافيه قلت ليه شعلو الوقت وزمان.شعلو وانا حداه كنشوف شحال من appel ديال مراتو اكيد غتموت بالفقصة شوي دخلت انا وياه فجو رومنسية خدمت موسيقى وانا لابسة كسيوة الى تحنيت يبان كلشي وبديت نشطح ليه وهو حال فمو ومكره يطير عليا شوي جرني عندو وتكيت وكون تشوفو هشام طالع بالبوسان من الرجلين.المهم راكم عارفين البقية بقينا متكيين وانا حاطة راسي على صدرو وهو كيلعب فشعري. شوي صونا تلفونو مبغاش يجاوب قلت ليه جاوبها قالي لا قلت ليه جاوبها مغنتقلقش.قالها آلو كنسمعها كتغوت قالها مغنجيش ومتاصليش بيا صدعتيني انا مشغول وهنا هو كيهضر وانا بديت نبوس فيه وكندير صوت راكم عارفينو ...
(18 ) وهو مبقاش قادر يتحكم فراسو بالحركات لي كندير ليه شديت من عندو تلفون وقطع وكملت معاه.المهم زدنا يومين وقلت ليه نرجع توحشتك بنتي ورجعنا ومخليت ماشريت لماما وخواتاتي وبنتي.ملي مشيت كل مرة نتلاقاك و كل ليلة يتاصل بيا فليل وبقاو نهضرو وكنسمع شحال من مرة مراتو كتغوت.وهنا غيجي السبب.واحد العشية جالسة فدار حتى كنسمع الباب كيتفرع خرجت نشوف شكون لقيتها هي جات كتعاير وتخاصم تفرقي مع راجلي يا الفاعلة يا تاركة يا لي فيك ويالي فيك ماما كانت باغا تجاوبها غمزتها تسكت وقلت ليها ببرود كيجي يشوف بنتو واش نجري عليه ولا نفرقو على بنتو وهي بدات كتقلى فالسم.قلت ليها عقلتي نهار دخلتي عليا حتى لدار ومرحمتينيش وانا كرشي لفمي وقلتيلي شكون نتي اصلا حتى دابا شكون نتي اصلا ويلا راجلك مبقاش باغيك بيناتكم ربطيه حداك ومتجيش تصدعيني وسديت الباب ودخلت وانا كنموت بالضحك حيت هادشي لي كنت باغا.وهزيت تلفون تاصلت بيه قلتلو شد مراتك جاية مشوهاني وتعاير وتغوت عليا.حتى هو ميكونش من العاكزين مشا لدار حيح عليها.الله ربي كبير و كما تدين تدان.المهم بقا الحال هاكا وانا كنتلاقا هشام ولكن قاطعة عليه الما والضو حتى البوسة مكنخليه قلت ليه ياكما ولفتي لحرام انا ميمكنش ليا نبقى هاكا معاك داكشي علاش آخر مرة نتلاقاو هشام كان غيحماق متقبلش نقوليه منتلاقاوش وكملتها مبقيتش كنجاوبو ويلا جا لدار زعما يشوف ملاك كنتخبى ميشوفنيش صافي ولا معصب وكيسفط ميساجات كيقولي غير جاوبيني ولي بغيتيها نديروها.هضرت معاه قلتليه مبغيت منك والو غير عطيني تيساع مبقيت قادة على صداع ولا الحرام.قالي نديرو الحلال قلت ليه وهاديك قالي هي فالدار معاهم ونتي نسكنك بوحدك قلتليه علاه نهار جبتيها لدار خليتيني انا ياك جريتي عليا حتى دابا إلى بغيتيني انا وبنتك
لا يوجد تعليقات
أضف تعليق