الجنية المزمولة الجزء 1

سلات لقراية اخيرا خديت لباك ب مستحسن مالين دار فرحو يومين او من بعد سلات لحفلة تافقو مالين دار باش يمشيو لواحد لمدينة فالاطلس المتوسط حيت كاين واحد خالي كيتداوا فواحد ضاريح تماك... وصلنا صراحة ديك لبلاصة لي فيها ضاريح زوينة مي تيتيز والو عامر غير بناس لمشيرين او لمراض مهم كالية لواليد نتا بقا هنا مع لواليدة ديالك او انا او خوتك انزلو لمدينة. ناري على زهر عندي دخلنا لداخل انا او لواليدة طلاقينا بخالتي او ولدها عندو شي 16 عام او جدة سلمنا عليهم واحد لوقيتة كيبان لية بنادم شد بلاصتو او تكوانسة او بدا جاي واحد راجل دارب واحد جلابة او سلهام تكون عندو شي 55 عام بدا بنادم كيتحنى او كيبوسليه يديه قالت ليا جدة فاش يوصل لعندك تحنا بوس يديه بديت كندحك كتليها لواليد او مكانبوسليهش يديه غير مرة فالعام بقا غانبوسهم لهاد وجه تب ... ولله غير وصل لعندي او مد لية يديه شديتها اوبستها ناري شدرت ولله ماحسيت بدا كيشوف فية ولد خالتي اوكيدحك كالية حتى انا طرا لية نهار لول بحال هكا خونا شريف كتليه مكاين لاشريف لا والو خونا داير طلاميس هاتشي غاطلقات باينة داير لكرو شي قلوة مهم داك ليل كامل منعستش او كيدرت تحنيت لخونا اوبستليه يديه بلا منحس قررت غير يصبح صباح نشوف بلانو كيفاش مهم فقت داك نهار معطل اصلا دار لي كرينا ملاصقة مع ضاريح دخلت نشوف داك لولي صالح كيف كيكولوليه مي لقيتو صافي داز او دخل لواحد لقبة لي عاسين عليها جوج رجال مشيت قصدتهم كتليهم بغيت نشوف لوالي كالولية مامساليش سير تال من بعد يلاه غانمشي اهوما يبانو لية شي عيالات جاين وهازين وآآحد درية حلآوة ولاه او كانت صخفانة دخلوها لعند خونا او خرجو مشيت عند سيدة لي كانت هزاها كتليها خالتي مال بنتك كاتلية راه صارعها جن او كيبغيها مخلاهاش تزوج نآري شهاد لهدرة كنسمع ودرية دخلوها غاهي بوحدها عند داك لوالي او ناعسة من لفوق مشيت كنقلب على شي كوان نطل على داك تامل بحالاش كيصرع ديك درية طلعت لسطح ديال دار لي كارين بديت كنبقشش حتى بالية واحد شريجيم ناري فاش طليت شنو شفت.... يتبع...