شاركنا رأيك في القصة أسفله في التعليقات، ولا تنسى دعوة أصدقائك لقراءة القصة وكذلك تسجيل اعجابك بصقحتنا على الفيسبوك
الجزء 1:
ﻓﻲ ﺩﻭﺍﺭ ﺍﻟﻮﺍﻓﻲ ﻛﺎﻧﺖ ﺗﺘﺴﻜﻦ ﻓﻴﻪ ﻭﺍﺣﺪ ﺍﻟﺒﻨﺖ ﺳﻤﻴﺘﻬﺎ ﺍﻟﺴﻌﺪﻳﺔ ﻭﻛﺎﻧﻮ ﻛﺎﻉ ﻣﺎﻟﻴﻦ ﺍﻟﺪﻭﺍﺭ ﻣﺴﻤﻴﻴﻦ ﻋﻠﻴﻬﺎ ﺍﻟﺴﻌﺪﻳﺔ ﺍﻟﻬﺒﻴﻠﺔ..ﺣﻴﺖ ﻛﺎﻧﺖ ﻫﺒﻴﻠﺔ ﻟﻮﺍﺣﺪ ﺍﻟﺪﺭﺟﺔ ﻛﺒﻴﺮﺓ ..ﺩﻳﻚ ﺍﻟﻈﺮﺍﻓﺔ ﺩﻳﺎﻟﻬﺎ ﺍﻟﻠﻲ ﻭﺻﻼﺕ ﻟﺪﺭﺟﺔ ﺍﻟﺴﺬﺍﺟﺔ ﺧﻼﺕ ﻛﻠﺸﻲ ﻳﺴﻤﻲ ﻋﻠﻴﻬﺎ ﺍﻟﻬﺒﻴﻠﺔ..
ﻛﺎﻧﺖ " ﺍﻟﺴﻌﺪﻳﺔ " ﺗﺘﺴﻜﻦ ﻣﻊ ﻣﻬﺎ " ﻣﻠﻴﻜﺔ" ﻛﺎﻧﺖ ﻃﻴﺎﺑﺔ ﻓﻲ ﻋﺮﺍﺳﺎﺕ ﺍﻟﺪﻭﺍﺭ..ﻭﺑﺎﻫﺎ "ﺑﻮﺷﻌﻴﺐ" ﻛﺎﻥ ﻓﻼﺡ ..ﻣﻘﺎﺑﻞ ﺃﺭﺿﻮ ﺑﻴﺪﻭ..
ﻭﻛﺎﻥ ﻋﻨﺪﻫﺎ ﺧﻮﻫﺎ ﺻﻐﻴﺮ ﻋﻨﺪﻭ 5 ﺳﻨﻴﻦ..
ﺍﻟﺴﻌﺪﻳﺔ ﻛﺎﻥ ﻋﻨﺪﻫﺎ 17 ﻋﺎﻡ ﻗﺮﺍﺕ ﺣﺪ ﺍﻟﺴﺎﺩﺱ ﻭﺧﺮﺟﺎﺕ ..ﺗﻘﺎﺑﻞ ﺧﻮﻫﺎ ﻭ ﺗﻌﺎﻭﻥ ﻣﻬﺎ ﻓﻲ ﺍﻟﺪﺍﺭ ﻭ ﻓﻲ ﺍﻟﻌﺮﺍﺳﺎﺕ ﺍﻟﻠﻲ ﺗﺘﻤﺸﻲ ﻟﻴﻬﻢ..
ﺍﻟﺴﻌﺪﻳﺔ ﻣﺎﻋﻄﺎﻫﺎﺵ ﺍﻟﻠﻪ ﺣﻘﻬﺎ ﻓﻲ ﺍﻟﺰﻳﻦ ﺩﺍﻛﺸﻲ ﻻﺵ ﻛﺎﻧﻮ ﻣﺎﻟﻴﻦ ﺍﻟﺪﻭﺍﺭ ﺗﻴﻀﺤﻜﻮ ﻋﻠﻴﻬﺎ ﻭ ﻳﺸﺪﻭ ﻓﻴﻬﺎ..
ﻭﻭﺍﺣﺪ ﺍﻟﻨﻬﺎﺭ ﻛﺎﻧﺖ ﺧﺎﺭﺟﺔ ﻣﻦ ﺍﻟﺪﺍﺭ ﺗﺠﻴﺐ ﺷﻲ ﺳﺨﺮﺓ ﻟﺒﺎﻫﺎ..ﺷﻌﺮﻫﺎ ﻣﺸﻌﻜﻚ ﻭ ﻭﺟﻬﻬﺎ ﺣﺎﻟﺘﻮ ﻭﻻﺑﺴﺔ ﺳﻨﺪﺍﻟﺔ ﻣﻘﻄﻌﺔ..ﻭﺣﻮﺍﻳﺠﻬﺎ ﻣﻮﺳﺨﻴﻴﻦ..ﻭﻫﺎﺯﺓ ﻭﺍﺣﺪ ﺍﻟﻌﺼﺎ ﻭﻏﺎﺩﺓ ﻟﻠﺤﺎﻧﻮﺕ..ﻭﻓﺎﺵ ﻛﺎﻧﺖ ﺭﺍﺟﻌﺔ ﻟﻠﺪﺍﺭ..ﺩﺍﺯ ﺣﺪﺍﻫﺎ " ﺍﺩﺭﻳﺲ" ﺑﺎﻟﻤﻮﻃﻮﺭ..103..ﺍﺩﺭﻳﺲ ﺍﻟﻠﻲ ﻛﺎﻥ ﻫﻮ ﻓﺎﺭﺱ ﺃﺣﻼﻡ ﺍﻟﺴﻌﺪﻳﺔ..ﻛﺎﻥ ﺗﻴﺴﻜﻦ ﺣﺪﺍﻫﻢ ﻣﺎﺧﺪﺍﻡ ﻣﺎﺭﺩﺍﻡ ﺗﻴﻌﺎﻭﻥ ﺑﺎﻫﺎ ﻓﻲ ﺍﻟﺤﺮﺙ..ﻭﺗﻴﺒﺮﻳﻜﻮﻟﻲ ﻣﻊ ﻣﺎﻟﻴﻦ ﺍﻟﺪﻭﺍﺭ..
ﺍﺩﺭﻳﺲ: ﻭﺍﺍﺍﺍﺍﺍﺍ ﺍﻟﺴﻌﺪﻳﺔ ﻭﺍﺗﺘﻲ ﻛﻴﺪﺍﻳﺮﺓ؟؟
ﺍﻟﺴﻌﺪﻳﺔ: (ﻭﺍﺧﺎ ﺣﺎﻟﺘﻬﺎ ﺣﺎﻟﺔ..ﺑﺪﺍﺕ ﺗﺘﻘﺎﺩ ﻑ ﺷﻌﺮﻫﺎ ﻭﻫﻮ ﻭﺍﻟﻮ ﺷﺎﺩ ﺍﻟﺮﻳﺰﻭ..) ﺍﻟﺴﻲ ﺍﺩﺭﻳﺲ ﺑﺨﻴﻴﻴﻴﺮﻭ؟
ﺍﺩﺭﻳﺲ: ﻻﺍﺍﺍﺍﺍ ﻭﺍﻟﻮ ﺑﺎﺱ..ﺃﻳﻮﺍ ﺳﻠﻤﻲ ﻋﻠﻰ ﭘﺎﻙ ﺍﻟﻠﻪ ﻳﻌﺎﻭﻥ..
ﺍﻟﺴﻌﺪﻳﺔ: ﺗﺪﻭﺯ ﺑﺨﻴﻴﻴﺮ ﺁﺳﻴﻴﻲ ﺩﺭﻳﺲ..
ﻣﺸﺎﺕ ﺍﻟﺴﻌﺪﻳﺔ ﻟﻠﺪﺍﺭ ﻭﺗﺘﻨﻘﺰ ﺑﺎﻟﻔﺮﺣﺔ ﻣﺎﻗﺎﺩﺍﻫﺎ ﻓﺮﺣﺔ ﺣﻴﺖ ﺩﺭﻳﺲ ﻗﺎﻟﻴﻬﺎ ﺍﻟﺴﻼﻡ..ﻣﻠﻠﻲ ﺩﺧﻠﺖ ﻟﻘﺎﺕ ﻣﻬﺎ ﺗﺘﻮﺟﺪ ﺑﺎﺵ ﺗﻤﺸﻲ ﻟﺸﻲ ﻋﺮﺱ ﻓﻲ ﺍﻟﺪﻭﺍﺭ..
ﻣﻠﻴﻜﺔ: ﻭﺍﺍﺍﻩ ﻫﺎ ﺩﻳﻚ ﺍﻟﻤﺴﺨﻮﻃﺔ..ﺩﻭﺯﻱ ﻭﺟﺪﻱ ﻟﺒﺎﻙ ﻭﺧﻮﻙ ﺍﻟﻐﺪﺍ ﻭﻋﺠﻨﻲ ﺍﻟﺨﺒﺰ ﺭﺍﻧﻲ ﻏﺎﻳﺒﺔ ﻟﻴﻮﻡ ﺗﻮﺍﻝ ﺧﻴﻤﺔ ﺍﻟﺪﻛﺎﻟﻴﺔ ﺩﺍﻳﺮﺓ ﺍﻟﻌﺮﺱ ﻟﻮﻟﺪﻫﺎ..ﻭﻓﺎﺵ ﺗﺴﺎﻟﻲ ﻟﺤﻘﻲ ﻋﻠﻴﺎ..
ﺍﻟﺴﻌﺪﻳﺔ: ﻭﺍﺍﺍﻣﻲ ﺭﺍﻧﻲ ﻋﻴﺎﺍﺍﺍﻧﺔ ﺑﺎﻏﺎ ﻏﻴﺮ ﻧﺮﻛﺪ ﻋﺎﻓﺎﻙ..
ﻣﻠﻴﻜﺔ: ﻭﺍﺵ ﻏﺪﻳﺮﻱ ﺍﻟﻠﻲ ﻗﻠﺖ ﻟﻴﻚ ﻭﻻ ﻧﺮﺩ ﻟﻴﻚ ﻇﻬﺮﻙ ﺭﻃﺐ ﻣﻦ ﻛﺮﺷﻚ..ﺑﺸﻲ ﻫﺮﺍﻭﺓ..
ﺍﻟﺴﻌﺪﻳﺔ: ﺃﻭﻳﻠﻲ ﺁﻣﻲ !! ﻭﺍﺵ ﺍﻧﺎ ﻣﺎﻗﻠﺘﺶ ﻟﻴﻚ !!! ﺭﺍﻩ ﻇﻬﺮﻱ ﺭﻃﺎﺍﺍﺍﺏ ﻟﻲ ﻭﻭﻻ ﺭﻃﺐ ﻣﻦ ﻛﺮﺷﻲ ﻭﺍﻟﻠﻪ ﺍﻟﻌﻈﻴﻴﻴﻴﻢ..
ﻣﻠﻴﻜﺔ: ( ﻫﺰﺍﺕ ﺻﻨﺪﺍﻟﺔ ﻭﺗﺒﻌﺎﺗﻬﺎ ﻭﻫﻲ ﻫﺎﺭﺑﺔ) ﻭﺍﺵ ﻏﺘﺪﺧﻠﻲ ﻟﻠﻜﻮﺯﻳﻨﺔ ﻭﻻ ﻻ..؟
ﺍﻟﺴﻌﺪﻳﺔ: ﺻﺎﻓﻲ..ﺻﺎﻓﻲ ﺁﻣﻲ ﻫﺎﻧﺎ ﺩﺍﺧﻠﺔ..ﻏﻨﻜﻤﻞ ﻭﻧﻮﺻﻞ ﻋﻠﻴﻚ
ﻣﺸﺎﺕ ﻣﻬﺎ ﻣﻠﻴﻜﺔ ﻟﻠﻌﺮﺱ ﻭﻫﻲ ﺑﻘﺎﺕ ﺗﺎﻛﻤﻠﺖ ﺍﻟﺸﻐﻞ ﻋﺎﺩ ﺗﺒﻌﺘﻬﺎ..ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﻠﻲ ﺯﺍﺩﺗﻬﺎ ﻋﻠﻴﻬﺎ ﻫﻲ ﻭﺍﺣﺪ ﺍﻟﺠﻼﺑﺔ ﻣﺤﺮﺗﻜﺔ ...ﻭﻓﺎﺵ ﻭﺻﻠﺖ ﻟﻘﺪﺍﻡ ﺧﻴﻤﺔ ﺍﻟﺪﻛﺎﻟﻴﺔ ﻣﺨﻠﻮﻫﺎﺵ ﺗﺪﺧﻞ ﺣﻴﺖ ﺣﺎﻟﺘﻬﺎ ﺣﺎﻟﺔ ﻳﺼﺤﺎﺑﻮﻫﺎ ﻃﻼﺑﺔ ﻭﺑﺪﺍﺕ ﺗﻐﻮﺕ:
ﺍﻟﺴﻌﺪﻳﺔ: ﻭﺍﺍﺍﺍﺍﺍﺍﻣﻲ ﻭﺍﺍﺍﺍ ﻣﺎﺍﺍﻟﻴﻴﻴﻴﻜﺔ..ﻭﺍﺗﻲ ﺁﺟﻲ ﻋﺪﻱ ﺭﺍ ﻣﺨﻼﻭﻧﻴﺶ ﻧﺪﺧﻞ ﺗﻘﻮﻝ ﻓﻲ ﺍﻟﺠﺪﺍﻡ!!..ﻭﺍﺗﻮﻡﺍ ﺧﻠﻴﻮﻧﻲ ﻧﺪﺧﻞ ﺭﺍﻧﻲ ﺑﻨﺖ ﺍﻟﻄﻴﺎﺑﺔ..
ﻣﺸﺎﻭ ﺻﺤﺎﺏ ﺍﻟﺤﺴﻨﺎﺕ ﻭﺻﻠﻮﻫﺎ ﻟﻤﻠﻴﻜﺔ..ﻋﺎﺩ ﺟﺎﺕ ﺗﺠﺮﻱ ﺑﺎﺵ ﺗﺪﺧﻠﻬﺎ..
ﻣﻠﻴﻜﺔ: ﺍﻟﻤﺴﺎﻣﺤﺔ..ﺍﻟﻤﺴﺎﻣﺤﺔ..ﻫﺎﺩﻱ ﺭﺍ ﻏﻲ ﺑﻨﺘﻲ ﺍﻟﻬﺒﻴﻠﺔ ﺧﻠﻴﻮﻫﺎ ﺗﺪﺧﻞ..
ﻣﻠﻴﻜﺔ ﺷﺪﺍﺕ ﺍﻟﺴﻌﺪﻳﺔ ﻣﻦ ﺷﻌﺮﻫﺎ ﻭﻗﺎﻟﺘﻠﻴﻬﺎ:
ﻣﻠﻴﻜﺔ: ﻳﺎﺭﺑﻲ ﻋﻠﻰ ﺑﻨﺖ ﻋﻨﺪﻱ ﻭﺍﺗﺘﻲ ﻣﺎﻟﻚ ﺩﺍﻳﺮﺓ ﻫﺎﺩ ﺍﻟﺤﺎﻟﺔ ﻓﺮﺍﺳﻚ؟؟؟ ﻣﻘﺪﻳﺘﻴﺶ ﺗﺎﺗﺨﻮﻱ ﻋﻠﻴﻚ ﺳﻄﻞ ﺩﻟﻤﺎ ﻭﺗﻤﺸﻄﻲ ﺷﻌﻜﺎﻛﺘﻚ ﻋﺎﺩ ﺗﺠﻲ..ﺃﻭﻳﻠﻲ ﺃﻭﻳﻠﻲ ﻭﺣﺪﺩﺩﺩﺩﻱ...
ﺍﻟﺴﻌﺪﻳﺔ: ﻣﺎﺍﺍﺍﺍﻟﻲ ﺁﻣﻲ !! ﺭﺍﻩ ﺍﻟﻠﻲ ﺯﻳﻦ ﺯﻳﻴﻴﻴﻦ ﺁﻣﻤﻤﻲ ﻭﺍﺧﺎ ﻣﻴﻌﻮﻡ ﻏﻴﻴﻴﻴﺮ ﻣﻦ ﺗﻨﻴﻦ ﻟﺘﻨﻴﻦ...
ﻣﻠﻴﻜﺔ: ﻭﺍﺍﺍﺍﻋﺒﺎﺩ ﺍﻟﻠﻠﻪ ﺯﻳﺪﻱ ﻗﺪﺍﻣﻲ ﺯﻳﻴﻴﻴﺪﻱ ﺣﻜﻠﻬﻢ ﻣﻴﺴﻤﻴﻮﻙ ﺍﻟﺴﻌﺪﻳﺔ ﺍﻟﻬﺒﻴﻠﺔ..
ﺝ2: ﻣﻠﻴﻜﺔ ﺩﺧﻠﺖ ﻫﻲ ﻭﺍﻟﺴﻌﺪﻳﺔ ﻟﻠﻜﻮﺯﻳﻨﺔ ﻭﻣﻠﻴﻜﺔ ﺑﻘﺎﺕ ﻣﻨﻮﻳﺔ ﻭﺭﺍﺩﺓ ﻣﻊ ﺑﻨﺘﻬﺎ ﺍﻟﺒﺎﻝ ﻻﺗﺪﻳﺮﻟﻴﻬﺎ ﺷﻲ ﺷﻮﻫﺔ ﻓﻬﺎﺩ ﺍﻟﻌﺮﺱ.. ﺑﻘﺎﺕ ﺍﻟﺴﻌﺪﻳﺔ ﻏﻴﺮ ﺗﺪﻭﺭ ﻓﻌﻴﻨﻴﻬﺎ..ﻭﻛﻞ ﺷﻮﻳﺔ ﺗﻘﻮﻟﻴﻬﺎ..: ﺍﻟﺴﻌﺪﻳﺔ: ﻭﺍﻣﻤﻲ !! ﺧﻠﻴﻨﻲ ﻧﻬﺒﻂ ﻟﻠﻌﺮﺱ ﺭﺍ ﺗﻴﻌﺠﺒﻨﻲ ﺍﻟﺸﻌﺒﻲ..ﺑﻐﻴﺖ ﻧﺸﻄﺢ.. ﻣﻠﻴﻜﺔ: ﻭﺍﻟﻠﻪ ﻭﻣﺴﻜﺘﻲ ﺗﻨﺠﻤﻌﻬﺎ ﻣﻌﺎﻙ ﺑﺸﻲ ﺩﻗﺎﺕ ﺗﺘﻮﻟﻲ ﺗﺸﻄﺤﻲ ﺣﺪﺍﻳﺎ ﻣﻦ ﺣﺮﻫﺎ.. ﺍﻟﺴﻌﺪﻳﺔ: ﺷﺘﻲ ﺃﻣﻤﻲ!! ﻧﺘﻲ ﺭﺍﻛﻲ ﻣﺴﻤﻮﻭﻭﻣﺔ ﻭﻣﺘﺘﺒﻐﻴﺶ ﻟﻲ ﺍﻟﺨﻴﺮ.. ﻣﻠﻴﻜﺔ: ﺃﻧﺎ ﺍﻟﻠﻲ ﻣﺴﻤﻮﻣﺔ ﻭﻻ ﻧﺘﻲ ﺍﻟﻠﻲ ﻣﺎﺑﺎﻏﺎﺵ ﺗﺠﻤﻌﻲ ﺭﺍﺳﻚ ﻭﺗﻜﻮﻧﻲ ﻣﺮﺍ ..ﺭﺍ ﻻﻟﻴﺎﺗﻚ ﻋﻨﺪﻫﻢ 2 ﻭﻻﺩ ﺭﺍ ﺣﻨﺎ ﻓﻠﻌﺮﻭﺑﻴﺔ ﺍﻟﺒﻨﺎﺕ ﺗﻴﺘﺠﻮﺟﻮ ﻋﻠﻰ 12 ﻋﺎﺍﺍﻡ ﻟﻴﺼﺤﺎﺑﻠﻴﻚ ﺭﺍﻛﻲ ﺑﺎﻗﺎ ﺻﻐﻴﺮﺓ.. ﺍﻟﺴﻌﺪﻳﺔ: ﻭﺍ ﻣﻤﻲ!! ﺭﺍﺗﺎﻧﺎ ﺑﺎﻏﺎ ﻧﺘﺠﻮﺝ ﻭﻧﺪﻳﺮ ﺩﺍﺭﻱ ﻣﺎﻟﻲ ﻣﻌﻠﻴﺎﺵ ﺍﻟﻠﻪ؟ ﻣﻠﻴﻜﺔ: ﺑﻬﺒﺎﻟﻚ ﻫﺬﺍ ؟؟ ﻣﺤﺎﺍﺍﺍﻝ ﺃﺑﻨﻴﺘﻲ ﺍﻟﺴﻌﺪﻳﺔ: ﻭﺍﻳﻠﻪ ﺁﻣﻤﻲ ﺧﻠﻴﻨﻲ ﻧﺪﺧﻞ ﻧﺸﻄﺢ ﺷﻮﻳﺔ. ﻣﺘﻌﺮﻓﻲ ﻧﻠﻘﺎﻩ ﺗﻤﺎ.. ﻣﻠﻴﻜﺔ: ﺷﻜﻮﻧﺎﻫﻮ ﺁﺑﻨﻴﺘﻲ؟ ﺍﻟﺴﻌﺪﻳﺔ: ﺍﻟﻌﺮﻳﺲ ﺁﻣﻤﻲ،، ﻣﻠﻴﻜﺔ: ﺃﺭﻳﻠﻲ ﺩﻳﻚ ﺍﻟﺸﻌﻜﻮﻛﺔ ﻧﻘﺎﺩﻫﺎ ﻟﻴﻚ ﻋﺎﺩ ﺳﻴﺮﻱ .. ﺩﻳﭙﺎﻧﺎﺕ ﻟﻴﻬﺎ ﺩﺍﻙ ﺍﻟﺸﻌﺮ ﺷﻮﻳﺔ ﻭﻣﺸﺎﺕ ﺍﻟﺴﻌﺪﻳﺔ ﺗﺘﻨﻘﺰ ﺑﺎﻟﻔﺮﺣﺔ..ﻏﻴﺮ ﺩﺧﻠﺖ ﻟﻠﻌﺮﺱ ﻭﺑﺪﺍ ﻛﻠﺸﻲ ﺍﻟﺪﻭﺍﺭ ﻳﻀﺤﻚ..ﻫﺎﻫﻲ ﺍﻟﺴﻌﺪﻳﺔ ﺍﻟﻬﺒﻴﻠﺔ..ﻭﺍﻟﺴﻌﺪﻳﺔ ﻣﻤﺴﻮﻗﺎﺍﺍﺍﺵ ﺗﺤﺰﻣﺖ ﻭﺑﺪﺍﺕ ﺗﺸﻄﺢ ﻭﻛﻮﻥ ﻏﻴﺮ ﺗﺘﻌﺮﻑ ﺗﺸﻄﺢ ﻭﻏﻴﺮ ﺗﺘﻨﻘﺰ ﻭﺗﺨﺮﺑﻖ ﻭﺍﻟﻨﺎﺱ ﺗﻴﻀﺤﻜﻮ..ﺍﻟﺼﺮﺍﺣﺔ ﻧﺸﻄﺎﺗﻬﻢ ﺑﻬﺒﺎﻟﻬﺎ.. ﻣﻠﻠﻲ ﻭﺻﻞ ﺍﻟﻌﺸﺎ ﺣﻄﻮ ﻟﻴﻬﺎ ﻫﻲ ﻭﻣﻬﺎ ﻣﻊ ﺍﻟﻌﻴﺎﻻﺕ ﺍﻟﻠﻲ ﺗﻴﻌﺎﻭﻧﻮ ﺗﻌﺸﺎﻭ ﻭﺳﺎﻻﻭ ﺧﺪﻣﺘﻬﻢ ﻭﻣﺸﺎﻭ ﻓﺤﺎﻟﻬﻢ ..ﻣﻠﻠﻲ ﻭﺻﻠﻮ ﻟﻠﺪﺍﺭ..ﺑﺪﻟﻮ ﻋﻠﻴﻬﻢ ﻭﻃﺎﺣﻮ ﺩﻭﻭﻭﻭﺩﺓ ﺑﺎﻟﻌﻴﺎﺍﺍ.ﺗﺎﻝ ﺍﻟﺼﺒﺎﺍﺍﺡ.. ﻣﻠﻠﻲ ﻭﺻﻞ ﺍﻟﺼﺒﺎﺡ..ﻓﺎﻗﺖ ﻣﻠﻴﻜﺔ ﺗﺘﻮﺟﺪ ﺍﻟﻔﻄﻮﺭ ﻟﺒﻮﺷﻌﻴﺐ ﺭﺍﺟﻠﻬﺎ..ﻭﺍﻟﺴﻌﺪﻱﺓ ﺧﺎﺍﺍﺍﻣﺮﺓ ﺑﺎﻟﻌﻴﺎ ﺩﻟﺒﺎﺭﺡ..ﻭﻣﻠﻠﻲ ﺣﻄﺎﺕ ﺍﻟﻔﻄﻮﺭ ﻗﺎﻟﻴﻬﺎ ﺑﻮﺷﻌﻴﺐ: ﺑﻮﺷﻌﻴﺐ: ﺷﺘﻚ ﺩﺭﺗﻲ ﻏﺎ ﺍﻟﺒﻐﺮﻳﺮ ﻭﺍﻟﺨﺒﺰ..ﻓﻴﻦ ﺍﻟﺒﻄﺒﻮﻁ ﻭ ﺍﻟﺨﺒﺰ ﺍﻟﺤﺎﺭ؟؟؟ ﻣﻠﻴﻜﺔ: ﺍﻳﻮﺍ ﻗﻀﻲ ﺃﺑﻮﺷﻌﻴﺐ ﺭﺍﻧﻲ ﻋﻴﺎﻧﺔ ﻟﻴﻮﻭﻭﻡ.. ﺑﻮﺷﻌﻴﺐ: ﻭﺍﺧﺎ ﺃﻻﻟﺔ ﻧﺪﻭﺯﻭﻫﺎ ﻟﻴﻚ ﻟﻴﻮﻭﻡ.. ﻣﻠﻴﻜﺔ: ﺍﻟﻤﻬﻢ ﺷﻮﻑ ﺃﺑﻮﺷﻌﻴﺐ..ﺍﻟﻠﻲ ﻧﻄﻮﻟﻮﻩ ﻧﻘﺼﺮﻭﻩ..ﺍﻧﺎ ﺭﺍ ﺻﺎﻓﻲ ﻫﺰﻳﺖ ﺍﻟﺮﺍﻳﺔ ﺍﻟﺒﻴﻀﺎ ﻣﻊ ﺑﻨﺘﻚ.. ﺑﻮﺷﻌﻴﺐ: ﻣﺎﻝ ﺩﻳﻚ ﺍﻟﻤﺰﻏﻮﺑﺔ ﺗﺎﻧﻲ ﺍﺵ ﺩﺍﺭﺕ ﻋﺎﻭﺗﺎﻧﻲ؟؟؟ ﻣﻠﻴﻜﺔ: ﺑﺤﺎﻝ ﺩﻳﻤﺎ ﻓﻨﻤﺎ ﺗﻤﺸﻲ ﻣﻌﺎﻳﺎ ﻟﺸﻲ ﻗﻨﺖ ﺗﺸﻮﻫﻨﻲ..ﻭﻟﻴﺖ ﻏﺎﺭﻗﺔ ﻓﺤﻮﺍﻳﺠﻲ.. ﻣﻜﺮﻫﺘﺶ ﺷﻲ ﺣﺪ ﻳﺎﺧﺪﻫﺎ ﻭﻳﻌﻄﻴﻨﻲ ﻓﺒﻼﺻﺘﻬﺎ ﻣﺎﻛﻴﻨﺔ ﺍﻟﺼﺎﺑﻮﻥ .. ﺑﻮﺷﻌﻴﺐ: ﻫﻬﻬﻪ ﻭﺍﻟﻠﻬﻴﻼ ﺃﻣﻠﻴﻜﺔ..ﺍﻳﻮﺍ ﻫﺎﺩﺷﻲ ﺍﻟﻠﻲ ﻋﻄﻰ ﺍﻟﻠﻪ ﺃﺍﻟﻤﻬﺒﻮﻟﺔ..ﺭﺍ ﺑﻨﺘﻚ ﻫﺎﺩﻳﻚ ﻭﺍﺵ ﻧﻠﻮﺣﻮﻫﺎ.. ﻣﻠﻴﻜﺔ: ﻭﺍﻧﺖ ﺯﻋﻤﺎ ﺭﺍﻙ ﺑﻮﻫﺎ ﻣﺎﻟﻚ ﺃﺧﻮﻳﺎ ﻣﺘﺪﺑﺮ ﻟﻴﻬﺎ ﻓﺸﻲ ﻭﺍﺣﺪ ﻳﻬﻨﻴﻨﺎ ﻣﻨﻬﺎ ﻭﺗﻠﺴﻖ ﻓﻴﻪ ﻭﻣﻨﻮ ﻟﻬﺒﺎﻟﻬﺎ .. ﺑﻮﺷﻌﻴﺐ: ﻭﺍﺗﺘﻲ ﺷﻜﻮﻥ ﻏﻴﺒﻐﻲ ﻳﺎﺧﺪ ﻣﺮﺍ ﻫﺒﻴﻠﺔ ﺑﺤﺎﻟﻬﺎ؟؟ ﻣﻠﻴﻜﺔ: ﻭﺩﺍﻙ ﺩﺭﻳﺲ ﻣﺎﻟﻮ ﻳﺎﻙ ﺗﻴﺨﺪﻡ ﻣﻌﺎﻙ ﻣﺮﺓ ﻣﺮﺓ ﻓﻠﺤﺮﺕ ..ﺑﻘﺎ ﺗﺸﻜﺮﻟﻴﻪ ﺍﻟﺪﺭﻳﺔ ﻗﺪﺍﻣﻮ ﺑﺎﺵ ﻳﺒﻐﻲ ﻳﺎﺧﺪﻫﺎ.. ﺑﻮﺷﻌﻴﺐ: ﻧﻮﺿﻲ ﻣﻦ ﻗﺪﺍﻣﻲ ﺩﺍﺑﺎ..ﻭﺍﺵ ﻧﺘﻲ ﺑﻌﻘﻠﻚ ﻭﻻ ﻻ؟ ﻭﺍﺵ ﺑﺎﻏﺎﻧﻲ ﻧﻌﻄﻲ ﺑﻨﺘﻲ ﻟﻠﻲ ﻳﺴﻮﺍ ﻭﺍﻟﻠﻲ ﻣﺎﻳﺴﻮﺍﺍﺍﺍﺍﺵ..؟؟؟ ﻣﻠﻴﻜﺔ: ﻭﺍﺍﺍﺍﻟﻤﻬﻢ ﺷﻐﻠﻚ ﻫﺪﺍﻙ ﻫﺎﻫﻲ ﻗﺪﺍﻣﻚ ﻻ ﻣﺎﺩﺍﻫﺎ ﺣﺪ ﻧﺪﻳﺮﻭﻫﺎ ﻗﺪﻳﺪ ﻭﻧﻬﻨﺎﻭ.. ﺑﻮﺷﻌﻴﺐ: ﺳﻴﺮﻱ..ﺳﻴﺮﻱ ﻓﻴﻘﻲ ﺍﻟﺪﺭﻳﺔ ﻭﻗﻀﻲ ﺷﻐﻠﻚ ﻭﺍﻟﻠﻲ ﺑﻐﺎﻫﺎ ﻣﻮﻻﻧﺎ ﺗﻜﻮﻥ.. ﻣﻠﻴﻜﺔ: ﻫﺎﺍﺍﻫﻲ ﻧﺎﻳﻀﺔ.. ﻣﺸﺎﺕ ﻣﻠﻴﻜﺔ ﺗﺘﻔﻴﻖ ﻓﺎﻟﺪﺭﺍﺭﻱ .. ﻭﺍﻟﺴﻌﺪﻳﺔ ﺑﺤﺎﻝ ﻛﻞ ﻧﻬﺎﺭ ﺗﺘﻔﻴﻖ ﺷﺎﺩﺓ ﺍﻟﺮﻳﺰﻭ ﺑﺪﺍﻙ ﺍﻟﺸﻌﺮ ﻻ ﻣﺘﻼﺕ ﻓﻔﻴﻠﻢ ﺩﻟﺨﻠﻴﻊ ﺗﻄﻔﺮﻭ ..ﻧﺎﺿﺖ ﻭ ﻏﺴﻠﺖ ﺣﺎﻟﺘﻬﺎ..ﻭﻋﺎﻭﻧﺎﺕ ﻣﻬﺎ ﺑﺤﺎﻝ ﺩﻳﻤﺎ ﻓﺎﻟﺸﻘﺎ ﻭﻫﻲ ﺗﻘﻮﻟﻴﻬﺎ ﻣﻬﺎ ﻭﺍﻗﻴﻠﺔ ﻳﺎ ﺩﻳﻚ ﺍﻟﺪﺭﻳﺔ ﻏﺎﻧﻤﺸﻴﻮ ﺍﻧﺎ ﻭﻳﺎﻙ ﺗﻮﺍﻝ ﺧﺎﻟﺘﻚ ﻓﺎﻃﻨﺔ ﻓﺎﻟﻤﺪﻳﻨﺔ..ﺷﻲ ﺳﻮﻳﻤﻴﻨﺔ ﻭﻧﺠﻴﻮ..ﺃﺵ ﺑﺎﻧﻠﻴﻚ؟؟ ﺍﻟﺴﻌﺪﻳﺔ: ﺁﻩ ﺃﻣﻤﻲ ﺑﺎﻏﺎ ﻧﻤﺸﻲ ﺃﻧﺎ ﺩﻳﻨﻲ.. ﻣﻠﻴﻜﺔ: ﺻﺎﻓﻲ ﻏﻨﺘﺸﺎﻭﺭﻭ ﻣﻊ ﺑﻮﻙ ﻭﻧﻤﺸﻴﻮ.. ﻭﺩﺍﻛﺸﻲ ﺍﻟﻠﻲ ﻛﺎﻥ ﻗﺎﺩﻭ ﺃﻣﻮﺭﻫﻢ ﻭﻣﺸﺎﻭ ﻋﻨﺪ ﻓﺎﻃﻨﺔ..ﻓﺎﻃﻨﺔ ﺍﺧﺖ ﻣﻠﻴﻜﺔ ﻣﺰﻭﺟﺔ ﻭﻋﺎﻳﺸﺔ ﻓﻲ ﻛﺎﺯﺍ ﻋﻨﺪﻫﺎ 2 ﺑﻨﺎﺕ ﺑﺎﻗﻴﻦ ﺑﻼ ﺯﻭﺍﺝ ﻭﺣﺪﺓ ﺳﻤﻴﺘﻬﺎ ﺳﻠﻤﻰ ﻭﻭﺣﺪﺓ ﺭﺑﺎﺏ ﺳﻠﻤﻰ ﻣﺘﺘﺤﻤﻠﺶ ﺍﻟﺴﻌﺪﻳﺔ.. ﻣﻠﻠﻲ ﻭﺻﻠﻮ.
ﺝ3: ﻏﻴﺮ ﺷﺎﻓﺘﻬﻢ ﺳﻠﻤﻰ ﺑﻨﺘﻬﺎ ﺍﻟﻜﺒﻴﺮﺓ ﻋﻨﺪﻫﺎ 18 ﻋﺎﺍﺍﻡ ﻭﻫﻲ ﺗﻜﺤﻞ ﺑﺎﻟﻌﻤﺎ.. ﺳﻠﻤﻰ: ﺧﺎﻟﺘﻲ!!!ﺟﻴﺘﻮ؟؟ ﺍﻟﺴﻌﺪﻳﺔ: ﻻ ﺑﺎﻗﻲ ﻫﻬﻬﻪ ﺭﺍﺣﻨﺎ ﺟﺎﻳﻴﻦ ﻓﺎﻟﻄﺮﻳﻖ ﺑﺎﻗﻲ ﻣﺎﻭﺻﻠﻨﺎ ﻫﻬﻬﻪ.. ﺳﻠﻤﻰ: ( ﺿﺤﻜﺖ ﻟﻴﻬﻢ ﺿﺤﻜﺔ ﺻﻔﺮﺍ) ﺳﺒﺤﺎﻥ ﺍﻟﻠﻪ ﺑﺎﻗﺎ ﺃﺧﺘﻲ ﺍﻟﺴﻌﺪﻳﺔ ﻫﺒﻴﻠﺔ.. ﻣﻠﻴﻜﺔ: ﺍﻳﻮﺍ ﻻﻭﺍﻩ ﺃﺑﻨﺖ ﺧﺘﻲ ﻭﺍﺵ ﻏﺘﺨﻠﻴﻨﺎ ﻭﺍﻗﻔﻴﻦ ﺣﺪ ﺍﻟﺒﺎﺏ ؟؟ ﺳﻠﻤﻰ: (ﻗﻠﺒﺖ ﻋﻴﻨﻴﻬﺎ ﻭﻋﻮﺟﺎﺕ ﻓﻤﻬﺎ) ﺍﺍﻩ ﺩﺧﻠﻮ .. ﺩﺧﻠﻮ ﻭﺟﺎﺕ ﻓﺎﻃﻨﺔ ﺗﺘﻌﺎﻧﻖ ﻫﻲ ﻭ ﺧﺘﻬﺎ.. ﻓﺎﻃﻨﺔ: ﻣﺮﺣﺒﺎﺍﺍﺍﺍﺍﺍﺍ ﺑﻴﻜﻢ ﺃﺧﻮﻳﺘﻲ ﺷﺤﺎﻝ ﺗﻮﺣﺸﺘﻚ ﺷﺤﺎﻝ ﺗﻮﺣﺸﺘﻚ ﺯﻳﺪﻱ ﺯﻳﺪﻱ ﻣﺮﺣﺒﺎﺍﺍ..ﻛﻴﺪﺍﻳﺮﺓ ﺃﺑﻨﻴﺘﻲ ﺍﻟﺴﻌﺪﻳﺔ ﻻﺑﺎﺱ؟؟ ﺍﻟﺴﻌﺪﻳﺔ: ﻻﺑﺎﺱ ﺃﺧﺎﻟﺘﻲ ﺗﺎﺣﻨﺎ ﺗﻮﺣﺸﻨﺎﻙ ﻭﺗﻮﺣﺸﻨﺎ ﻃﻮﺍﺟﻨﻚ..ﻧﻴﺖ ﺍﻧﺎ ﺩﺍﺑﺎ ﻓﻲ ﺍﻟﺠﻮﻭﻭﻭﻉ ﺃﺧﺎﻟﺘﻲ ﺑﻐﻴﺖ ﻧﺎﻛﻮﻝ.. ﻓﺎﻃﻨﺎ: ﺇﻳﻴﻪ ﺃﺑﻨﻴﺘﻲ ﺟﻠﺴﻮ ﻣﺮﺣﺒﺎ.. ﻭﺟﺪﺍﺕ ﻟﻴﻬﻢ ﻓﺎﻃﻨﺔ ﻣﺎﻳﺎﻛﻠﻮﻭ ﻭﺩﻳﻚ ﺍﻟﻬﻴﺸﺔ ﺩﻳﺎﻝ ﺍﻟﺴﻌﺪﻳﺔ ﺗﺘﺎﻛﻞ ﺑﻮﺍﺣﺪ ﺍﻟﻬﻴﻴﻴﻒ ﺑﺤﺎﻝ ﺍﻟﻰ ﻋﻤﺮﻫﺎ ﺷﺎﻓﺖ ﺍﻟﻨﻌﻤﺔ ﻭﺑﻨﺎﺕ ﺧﺎﻟﺘﻬﺎ ﺗﻴﺸﻮﻓﻮ ﻭﻳﺘﻌﺠﺒﻮ..ﻭﻭﺍﺣﺪ ﺍﻟﻠﻘﻄﺔ ﺑﺪﺍﻭ ﻳﺘﻐﺎﻣﺰﻭ ﻭﻫﻮﻣﺎ ﻳﺘﻔﺮﻛﻌﻮ ﺑﺎﻟﻀﺤﻚ ﻋﻠﻴﻬﺎ.. ﻭﻣﻬﺎ ﻣﻠﻴﻜﺔ ﺑﺪﺍﺕ ﺗﻘﺮﺹ ﻓﻴﻬﺎ ﺑﺎﺵ ﺗﺠﻤﻊ ﺭﺍﺳﻬﺎ ﻭﺗﺎﻛﻞ ﻛﻲ ﺍﻟﻨﺎﺱ .. ﺍﻟﺴﻌﺪﻳﺔ: ﺁﺍﺍﺍﺍﺍﻱ ﺁﻣﻤﻲ ﻣﺎﻟﻚ ﻗﺮﺻﺘﻴﻨﻴﻴﻴﻲ ﺍﺵ ﺩﺭﺗﺎﺍﺍﺍﻭ؟؟؟ ﻣﻠﻴﻜﺔ: ﺃﻧﺎﺍﺍ ﻗﺮﺻﺘﻚ ...ﺍﻟﻠﻠﻪ ﻳﻤﺴﺨﻚ ﻛﺘﺮ ﻣﺎﻧﺘﻲ ﻣﻤﺴﻮﺧﺔ ﻳﺎ ﻫﺎﺩ ﺍﻟﺒﻨﺖ.. ﺍﻟﻤﻬﻢ ﻛﻤﻠﻮ ﺍﻟﻤﺎﻛﻠﺔ ﻭﺍﺭﺗﺎﺣﻮ ﺷﻮﻳﺔ ﻣﻦ ﺍﻟﻌﻴﺎ ﺩﺍﻟﺴﻔﺮ..ﻭﻓﺎﺵ ﻧﺎﺿﻮ ﻣﻦ ﺍﻟﻨﻌﺎﺱ.. ﺩﺧﻠﺖ ﻋﻨﺪﻫﻢ ﺭﺑﺎﺏ ﻟﻠﺒﻴﺖ ﻓﻴﻦ ﻛﺎﻧﻮ ﻣﺘﻜﻴﻴﻦ.. ﺭﺑﺎﺏ: ﺧﺎﻟﺘﻲ ﻓﻘﺘﻮ؟ ﺍﺭﺗﺎﺣﻴﺘﻮ ﺷﻮﻳﺔ؟؟ ﻣﻠﻴﻜﺔ: ﺇﻳﻴﻪ ﺃﺑﻨﻴﺘﻲ ﺷﻮﻳﺔ ﺍﻟﺤﻤﺪ ﻟﻠﻪ.. ﺍﻟﺴﻌﺪﻳﺔ ﻧﺎﺿﺖ ﻣﻘﻠﻮﺑﺔ ﻭﺑﻐﺎﺕ ﺗﺨﺮﺝ ﻣﻦ ﺍﻟﺒﻴﺖ..ﻭﻫﻲ ﺗﺠﺮﻫﺎ ﻣﻬﺎ.. ﻣﻠﻴﻜﺔ: ﻭﺍﺵ ﻧﺘﻲ ﺑﺎﻏﺎ ﺗﻔﺮﻛﻌﻲ ﻟﻲ ﻣﺮﺍﺭﺗﻲ؟ ﻭﺍﺵ ﺑﺎﻏﺎ ﺗﺨﺮﺟﻲ ﻫﻮﻛﺔ ﻗﺪﺍﻡ ﺍﻟﻨﺎﺱ ﺗﻄﻴﺮﻳﻬﺎ ﻣﻨﻬﻢ ﺧﻠﻌﺔ ﺑﺸﻌﻜﺎﻛﺘﻚ..ﻣﺸﻄﻲ ﺩﺍﻙ ﺍﻟﺮﺍﺱ ﻋﺎﺩ ﺧﺮﺟﻲ ﻭﻻ ﻧﻘﻄﻌﻮ ﻟﻴﻚ ﻭﻧﺨﻠﻠﻲ ﻣﻚ ﻗﺮﻋﺔ.. ﺍﻟﺴﻌﺪﻳﺔ: ﻭﺍﺧﺎ ﺃﻣﻤﻲ.. ﺍﻟﻤﻬﻢ ﻣﻠﻠﻲ ﺧﺮﺟﺎﺕ ﺍﻟﺴﻌﺪﻳﺔ ﻣﻦ ﺍﻟﺒﻴﺖ ﻟﻘﺎﺕ ﺧﺎﻟﺘﻬﺎ ﺗﺘﻌﻤﺮ ﺃﺗﺎﻱ ﻭﺳﻮﻻﺗﻬﺎ: ﺍﻟﺴﻌﺪﻳﺔ: ﺧﺎﻟﺘﻲ ﻓﻴﻨﻬﻢ ﺑﻨﺎﺗﻚ؟ ﻓﺎﻃﻨﺔ: ﺭﺍﻫﻮﻣﺎ ﻓﺒﻴﺘﻬﻢ ﺃﺑﻨﻴﺘﻲ..ﻏﻴﺮ ﺩﺧﻠﻲ ﻋﺪﻫﻢ ﻣﺘﺤﺸﻤﻴﺶ.. ﺩﺧﻠﺖ ﺍﻟﺴﻌﺪﻳﺔ ﻭﻫﻲ ﺗﻠﻘﻰ ﺳﻠﻤﻰ ﻣﻜﻮﻧﻴﻜﻄﻴﺎ ﻭﻟﻜﻦ ﺍﻟﺴﻌﺪﻳﺔ ﻣﻐﺘﻔﻬﻤﺶ ﺍﺷﻨﻮ ﺩﺍﻙ ﺍﻟﻌﺠﺐ.. ﺍﻟﺴﻌﺪﻳﺔ: ( ﻣﺸﺎﺍﺕ ﺩﺧﻼﺕ ﺭﺍﺳﻬﺎ ﻓﺎﻝpc ) ﺷﻨﻮ ﻫﺎﺩﺍ ﺍﺧﺘﻲ ﺳﻠﻤﻰ؟ ﺳﻠﻤﻰ:(ﺳﻠﻤﻰ ﺑﻐﺎﺕ ﺗﻄﻨﺰ ﻋﻠﻴﻬﺎ ﺣﻴﺖ ﻋﺎﺭﻓﺎﻫﺎ ﻫﺒﻴﻠﺔ) ﻫﺬﺍ ﺍﺧﺘﻲ ﻭﺍﺣﺪ ﺍﻟﺼﻨﺪﻭﻭﻕ ﻋﺎﻣﺮ ﺑﺒﻨﺎﺩﻡ ﻧﻮﺭﻳﻚ؟ ﺍﻟﺴﻌﺪﻳﺔ: ﺃﻭﻳﻠﻲ ﺣﻲ!! ﻛﻴﻔﺎﺵ ﺩﺧﻠﻮ ﻫﻨﺎ؟ ﺳﻠﻤﻰ: ﻳﺎﺧﺘﻲ ﻏﻴﺮ ﺍﻟﺴﺨﻂ ﻛﻠﻤﺎ ﺗﻴﺴﺨﻂ ﻋﻠﻴﻬﻢ ﺷﻲ ﺣﺪ ﺗﻴﺪﺧﻠﻮ ﻫﻨﺎ ﻣﺘﻴﺒﻘﺎﻭﺵ ﻳﺨﺮﺟﻮ.. ﺍﻟﺴﻌﺪﻳﺔ: ﻧﺎﺍﺍﺍﺭﻱ ﻗﻔﺮﺗﻬﺎﺍﺍﺍ ﻗﻔﺮﺗﻬﺎﺍﺍ ﺩﻳﻤﺎ ﻣﻠﻴﻜﺔ ﺗﺘﺴﺨﻂ ﻋﻠﻴﺎﺍﺍﺍﺍ ﻗﻔﺮﺗﻬﺎﺍﺍﺍ.. ﺳﻠﻤﻰ: (ﺗﻜﺮﺷﺨﺎﺍﺍﺕ ﺑﺎﻟﻀﺤﻚ ﻋﻠﻰ ﺍﻟﺴﻌﺪﻳﺔ) ﻫﻬﻬﻬﻪ ﺍﻳﻮﺍ ﺷﺘﻲ ﺧﺎﺹ ﺩﺍﺑﺎ ﺧﺎﻟﺘﻲ ﻣﺘﺒﻘﺎﺵ ﺗﺴﺨﻂ ﻋﻠﻴﻚ.. ﺍﻟﻤﻬﻢ ﺑﻘﺎﺕ ﺳﻠﻤﻰ ﺷﺎﺩﺓ ﻑ ﺍﻟﺴﻌﺪﻳﺔ ﻭﻣﻦ ﺑﻌﺪ ﻗﺎﻟﻮ ﻏﻴﺨﺮﺟﻮ ﺷﻮﻳﺔ ﻭﺑﺎﺵ ﺍﻟﺴﻌﺪﻳﺔ ﻣﺘﺴﻤﻌﺶ ﻣﻦ ﻣﻬﺎ ﻛﻠﻤﺔ ﺍﻟﻤﺴﺨﻮﻃﺔ ﻧﺎﺿﺖ ﻟﺒﺴﺖ ﻭﺍﺣﺪ ﺍﻟﻜﺴﻮﺓ ﺗﺘﻠﺒﺴﻬﺎ ﻣﻦ ﻋﻴﺪ ﻟﻌﻴﺪ ﻭﺩﻫﻨﺖ ﺩﺍﻙ ﺍﻟﺮﺍﺱ ﺑﺎﻟﺰﻳﺖ ﺑﺎﺵ ﻳﻠﺒﺪ ﻭ ﻣﺸﻄﺎﺗﻮ ﻣﺰﻳﺎﺍﺍﻥ ﻭﺟﻤﻌﺎﺗﻮ ..ﻭﻣﻠﻠﻲ ﻛﺎﻧﻮ ﺧﺎﺭﺟﻴﻴﻦ.. ﻣﻠﻴﻜﺔ: ﺇﻳﻮﺍ ﺩﺍﺑﺎ ﻭﻟﻴﺘﻲ ﺑﻨﺎﺩﻡ .. ﺍﻟﺴﻌﺪﻳﺔ: ﻫﺎﻧﺎ ﺁﻣﻤﻲ ﺭﺍﻧﻲ ﻭﻟﻴﺖ ﻣﺮﺿﻴﺔ ﻣﻌﺎﻙ ﻳﺎﻙ ﺍﻣﻤﻲ ﻏﻲ ﻣﺘﺴﺨﻄﻴﺶ ﻋﻠﻴﺎ.
ﺝ4: ﺍﻟﻤﻬﻢ ﺧﺮﺟﻮ ﻟﻮﺍﺣﺪ ﺍﻟﺠﻮﻃﻴﺔ ﻛﺒﻴﻴﻴﺮﺓ ﻭﺑﻘﺎﻭ ﻳﺪﻭﺭﻭ ﻭﺗﻤﺎﻙ ﻣﻠﻴﻜﺔ ﻭﺍﻟﺴﻌﺪﻳﺔ ﺑﻘﺎﻭ ﻏﻴﺮ ﺣﺎﻟﻴﻦ ﻓﺎﻣﻬﻢ..ﺃﺷﻤﻨﻚ ﻳﺎ ﭘﻴﺠﺎﻣﺎﺕ ﺃﺵ ﻣﻨﻚ ﻳﺎ ﺤﻮﺍﻳﺞ ...ﻛﻠﺸﻲ ﺩﻭﺧﻬﻢ.. ﺍﻟﺴﻌﺪﻳﺔ: ﻫﺎﻧﺎﺍﺍﺭﻱ ﺁﻣﻤﺘﻲ ﺷﻮﻓﻲ ﻟﺨﻴﺮ.. ﻣﻠﻴﻜﺔ: ﻭﺍﻳﻴﻴﻪ ﺗﺒﺎﺭﻙ ﺍﻟﻠﻪ ﻋﻄﺎ ﺍﻟﻠﻪ ﺍﻟﺸﺮﺍﻭﻁ..ﺧﺎﺹ ﻏﺎﻟﻔﻠﻮﺱ.. ﺳﻠﻤﻰ: ﻫﻬﻬﻪ ﻻﻋﺠﺒﺎﺗﻜﻢ ﺷﻲ ﺣﺎﺟﺔ ﺃﺧﺎﻟﺘﻲ ﺧﻮﺩﻭﻫﺎ ﻣﺎﻣﺎ ﺗﺨﻠﺺ.. ﻓﺎﻃﻨﺔ: ﺇﻳﻴﻪ ﺃﺧﻴﺘﻲ ﻏﻴﺮ ﺧﻮﺩﻭ ﺍﻟﻠﻲ ﺑﻐﻴﺘﻮ.. ﻣﻠﻴﻜﺔ: ﻻﻭﺍﻩ ﺃﺧﻴﺘﻲ ﺑﻼ ﻣﻨﺰﻳﺪﻭ ﻧﺘﻘﻠﻮ ﻋﻠﻴﻜﻢ ﺍﻟﻠﻪ ﻳﺮﺣﻢ ﺍﻟﻮﺍﻟﻴﺪﻳﻦ ﻫﺎﺣﻨﺎ ﺗﻨﺸﻮﻓﻮ ﺑﻌﻮﻳﻨﺎﺗﻨﺎ.. ﺍﻟﺴﻌﺪﻳﺔ ﺩﺍﺧﺖ ﻭﺳﻂ ﻫﺎﺩ ﺍﻟﺠﻮﻃﻴﺔ ﻭﻣﻜﺮﻫﺘﺶ ﺗﺪﻳﻬﺎ ﻛﻠﻬﺎ ﻣﻌﺎﻫﺎ..ﻫﻬﻪ. .. ﺑﻘﺎﺕ ﻏﺎﺩﺓ ﻭﺣﺎﻟﺔ ﻓﻤﻬﺎ ﻭﻫﻲ ﺗﻮﻗﻒ ﻋﻨﺪ ﻭﺍﺣﺪ ﻣﻮﻝ ﺍﻟﻤﺎﻋﻦ ﻭﺗﺘﻘﻮﻝ ﻟﻤﻬﺎ ﻧﺎﺭﻱ ﻣﻤﻲ ﺷﻮﻓﻲ ﺍﻟﻤﺎﻋﻦ ﻛﻴﺪﻳﺮﻳﻦ!! ﻣﺎﺟﺎﺕ ﻓﻴﻦ ﺗﻜﻤﻞ ﻫﻀﺮﺗﻬﺎ ﺣﺘﻰ ﺗﻬﺮﺳﻮ ﻟﻴﻬﺎ ﺷﻲ ﻛﻴﺴﺎﺕ ﻛﺎﻧﻮ ﻗﺪﺍﻣﻬﺎ ﻭﻣﻦ ﺍﻟﻜﻴﺴﺎﻥ ﺍﻟﻐﺎﻟﻴﻴﻦ..ﻣﻮﻝ ﺍﻟﻤﺤﻞ ﺑﺪﺍ ﻳﻐﻮﺕ.. ﻣﻮﻝ ﺍﻟﻤﺤﻞ: ﺁﻻﻟﺔ ﺁﻻﻟﺔ ﺍﺵ ﺩﺭﺗﻲ؟؟ ﺍﻟﺴﻌﺪﻳﺔ: (ﺗﺘﻐﺒﻦ) ﻭﺍﻟلّه ﻣﺎ ﺩﺭﺕ ﺷﻲ ﺣﺎﺟﺔ ﺃﻣﻤﻲ ﺭﺍﻫﻮﻣﺎ ﺗﻬﺮﺳﻮ ﺑﻮﺣﺪﻫﻢ ﻣﻠﻴﻜﺔ: ﺃﻭﻳﻠﻲ ﻣﻴﻤﺘﻲ ﻭﺍﺵ ﻧﺘﻲ ﻣﻌﻨﺪﻛﺶ ﺍﻟﻌﻴﻨﻴﻦ..ﺍﻟﻤﻬﻢ ﺃﺳﻴﺪﻱ ﺳﻤﺤﻠﻴﻨﺎ..ﺧﻠﻴﻨﺎ ﻟﻴﻚ ﺍﻟﺮﺍﺣﺔ..ﺯﻳﺪﻱ ﻗﺪﺍﻣﻲ.. ﻣﻮﻝ ﺍﻟﻤﺤﻞ: ﻭﺍﺍﺍﻻﻟﺔ ﺗﺘﻲ ﻭﺍﺵ ﺩﺧﻮﻝ ﺍﻟﺤﻤﺎﻡ ﺑﺤﺎﻝ ﺧﺮﻭﺟﻮ؟؟ﻭﺍﺵ ﻋﺮﻓﺘﻲ ﻫﺎﺩ ﺍﻟﻜﻴﺴﺎﻥ ﺷﺤﺎﻝ ﺩﺍﻳﺮﻳﻦ؟؟ ﻣﻠﻴﻜﺔ:(ﺟﺒﺪﺍﺕ 20 ﺩﺭﻫﻢ) ﻫﺎﻙ ﺃﺳﻴﺪﻱ ﻭﺳﻤﺤﻠﻴﻨﺎ.. ﻣﻮﻝ ﺍﻟﻤﺤﻞ: ﻭﺍﺵ ﻧﺘﻲ ﺗﻀﺤﻜﻲ ﻋﻠﻴﺎ؟؟ﺭﺍﻩ ﺍﻟﻜﻴﺴﺎﻥ ﺍﻟﻠﻲ ﻫﺮﺳﺖ ﺗﻴﺪﻳﺮﻭ 200 ﺩﺭﻫﻢ.. ﻣﻠﻴﻜﺔ: ﻫﻲ ﺷﺤﺎﻝ ﺑﺎﻟﺮﻳﺎﻝ؟؟ ﻣﻮﻝ ﺍﻟﻤﺤﻞ: ﻫﻲ 4000 ﺭﻳﺎﺍﺍﻝ..ﻓﻬﻤﺘﻲ ﺩﺍﺑﺎ.. ﻣﻠﻴﻜﺔ: ﺃﻭﻳﻠﻲ ﻋﻠﻰ 4000 ﺭﻳﺎﻝ ..؟ ﻫﻲ ﺍﻟﻠﻲ ﺗﻨﻜﺴﺎﺏ ﻓﺮﺍﺱ ﻣﺎﻟﻲ ﺑﺎﺵ ﻧﺮﻛﺐ ﻟﻠﻌﺮﻭﺑﻴﺔ.. ﻣﻮﻝ ﺍﻟﻤﺤﻞ: ﻭﺍﺳﺮﺑﻴﻨﺎ ﺧﻠﺼﻴﻨﻲ ﻣﺎﺳﻮﻗﻴﺶ ﺩﺍﻛﺸﻲ.. ﺍﻟﻤﻬﻢ ﺗﺠﻤﻌﻮ ﻋﻠﻴﻬﻢ ﺍﻟﻨﺎﺱ ﻭﺍﻟﻐﻮﺍﺕ ﻭﺍﻟﺼﺪﺍﻉ ﺣﺘﻰ ﻧﻄﻖ ﻭﺍﺣﺪ ﺍﻟﺸﺎﺏ، ﺍﻟﺸﺎﺏ: ﺻﺎﻓﻲ ﺻﺎﻓﻲ ﺃﺳﻴﺪﻱ ﺍﻧﺎ ﻏﻨﺨﻠﺺ ﻋﻠﻰ ﻫﺎﺩ ﺍﻟﻨﺎﺱ.. ﺳﻠﻤﻰ ﺷﺎﻓﺖ ﻓﺎﻟﺸﺎﺏ ﻧﻈﺮﺓ ﺇﻋﺠﺎﺏ..ﻭﻫﻲ ﺗﺘﺪﺧﻞ.. ﺳﻠﻤﻰ: ﻟﻬﻼ ﻳﺨﻄﻴﻚ ﺍﺧﻮﻳﺎ ﺷﻜﺮﺍ ﺑﺰﺍﺍﻑ.. ﺍﻟﺸﺎﺏ ﻣﺎﺩﺍﻫﺎﺵ ﻓﻴﻬﺎ ﻭﺩﻭﺍ ﻣﻊ ﺍﻟﺴﻌﺪﻳﺔ ﺍﻟﺸﺎﺏ: ﻫﺎﺩ ﺍﻟﻤﺮﺓ ﺭﺩﻱ ﺍﻟﺒﺎﻝ
ﺃﺧﺘﻲ ﺑﺎﺵ ﻣﺘﺘﺤﻄﻴﺶ ﻓﺒﺤﺎﻝ ﻫﺎﺩ ﺍﻟﻤﻮﺍﻗﻒ.. ﺍﻟﺴﻌﺪﻳﺔ: ﻭﺭﺍﻛﻢ ﻣﺎﺑﺎﻏﻴﻨﺶ ﺗﻔﻬﻤﻮ ﺭﺍ ﺍﻟﻜﻴﺴﺎﻥ ﺷﺎﻓﻮﻧﻲ ﻭﺗﻬﺮﺳﻮ ﻣﻌﺮﺕ ﻣﺎﻟﻬﻢ!! ﺳﻠﻤﻰ: ﻧﺘﻲ ﺍﻟﻠﻲ ﻳﺸﻮﻓﻚ ﻳﻨﺘﺎﺣﺮ ﻣﺎﺷﻲ ﻏﻴﺮ ﻳﺘﻬﺮﺱ ﻫﻬﻬﻪ.. ﺍﻟﺸﺎﺏ: (ﺷﺎﻑ ﻑ ﺳﻠﻤﻰ ﻧﻈﺮﺓ ﻧﺎﻗﺼﺔ) ﺧﺘﻲ ﻣﺎﻛﺎﻳﻦ ﻻﺵ ﺗﻀﺤﻜﻲ ﻋﻠﻰ ﺧﻠﻖ ﺍﻟﻠﻪ ﺗﺎﻫﻲ ﺑﻨﺎﺩﻡ ﻏﻴﺮ ﺣﻴﺖ ﻧﻴﺔ ؟؟ ﺳﻠﻤﻰ: ﺃ..ﺃﺃ..ﻻ ﻏﻲ ﺗﻨﻀﺤﻚ ﺃﺧﻮﻳﺎ.. ﺍﻟﺸﺎﺏ: ﺍﻟﻤﻬﻢ ﻫﺎﻛﻲ ﺃﺧﺘﻲ ﺍﻟﺴﻌﺪﻳﺔ ﻫﺎ ﻧﻤﺮﺗﻲ ﻻﻭﻗﻌﺖ ﻟﻴﻚ ﺷﻲ ﺣﺎﺟﺔ ﻫﺎﻛﺔ ﻗﻮﻟﻴﻬﺎ ﻟﻲ ﻧﺠﻲ ﻧﻔﻜﻚ ﻫﻬﻬﻪ.. ﺍﻟﺴﻌﺪﻳﺔ: ﻛﻴﻔﺎﺍﺍﺵ؟ ﺩﺍﺑﺎ ﻻﻫﺮﺳﺖ ﺍﻟﻜﻴﺴﺎﻥ ﻧﻐﻮﺕ ﻋﻠﻚ ﻓﻬﺎﺩ ﺍﻟﻨﻴﻤﻴﺮﻭ؟؟ ﺍﻟﺸﺎﺏ: ﺑﺤﺎﻝ ﺩﺍﻛﺸﻲ..ﺍﻟﻤﻬﻢ..ﻡﻋﺎﻙ ﺣﻤﻴﺪ..ﻧﺨﻠﻴﻜﻢ ﺩﺍﺑﺎ ﻧﻤﺮﺗﻲ ﻋﻨﺪﻛﻢ ﻻ ﺍﺣﺘﺎﺟﻴﺘﻮﻧﻲ ﺍﻟﻠﻪ ﻳﻌﺎﻭﻧﻜﻢ.. ﻣﺸﺎ ﺣﻤﻴﺪ ﻭ ﺳﻠﻤﻰ ﻏﻄﺮﻃﻖ ﺣﻴﺖ ﻣﻌﻄﺎﻫﺎﺵ ﻭﻗﺖ ﻭﺩﺍﻫﺎ ﻏﻴﺮ ﻓﻲ ﺍﻟﺴﻌﺪﻳﺔ ﺍﻟﻬﺒﻴﻠﺔ.. ﻭﻣﻠﻠﻲ ﻣﺸﺎﻭ ﻟﻠﺪﺍﺭ ﻭﻻﺕ ﺑﺎﻏﺎ ﻏﻴﺮ ﺗﻠﻘﻰ ﻛﻴﻔﺎﺵ ﺗﺪﻳﺮ ﺑﺎﺵ ﺗﺎﺧﺪ ﺍﻟﻨﻤﺮﺓ ﺍﻟﻠﻲ ﻋﻨﺪﻫﺎ..ﻭﺍﻟﺴﻌﺪﻳﺔ ﻋﻄﺎﺗﻬﺎ ﻟﻤﻬﺎ ﺗﺨﺒﻴﻬﺎ ﻓﺎﻟﺒﺰﻃﺎﻡ.. ﻓﻤﻠﻠﻲ ﻣﻮﺻﻠﺘﺶ ﻟﻠﻨﻤﺮﺓ ﻗﺮﺭﺍﺕ ﺑﺎﺵ ﺗﺨﺮﺝ ﺍﻟﺴﻌﺪﻳﺔ ﺗﺪﻳﺮ ﺷﻲ ﻣﻮﺻﻴﺒﺔ ﺑﺎﺵ ﺗﻌﻴﻂ ﻟﻴﻪ..ﻫﻬﻬﻪ
ﺝ.5: ﻗﺎﻟﺖ ﺳﻠﻤﻰ ﻟﻠﺴﻌﺪﻳﺔ ﻏﻨﺨﺮﺟﻚ ﻣﻌﺎﻳﺎ ﻟﻴﻮﻡ ... ﺍﻟﺴﻌﺪﻳﺔ: ﻭﺍﺵ ﺑﺼﺎﺍﺡ؟؟ ﻓﻴﻦ ﻏﻨﻤﺸﻴﻮ؟ ﺳﻠﻤﻰ: ﻏﻨﺪﻳﻚ ﺗﺪﻭﺭﻱ ﻭﺻﺎﻓﻲ.. ﺍﻟﺴﻌﺪﻳﺔ: ﻭﺍﺧﺎ ﻧﺘﺸﺎﻭﺭ ﻣﻊ ﻣﻤﻲ ﻭﻧﺨﺮﺟﻮ.. ﺳﻠﻤﻰ: ﻫﻲ ﺩﺍﺑﺎ ﺳﻴﺮﻱ ﺷﺎﻭﺭﻳﻬﺎ.. ﻣﺸﺎﺕ ﺍﻟﺴﻌﺪﻳﺔ ﺗﺸﺎﻭﺭﺕ ﻣﻊ ﻣﻬﺎ ﻭﻣﻠﻴﻜﺔ ﺧﻼﺗﻬﺎ ﺑﺸﺮﻁ ﻣﺎﺗﻮﺻﻞ ﻟﺘﺎﺣﺎﺟﺔ ﻓﻲ ﺍﻟﺰﻧﻘﺔ..ﻭﻗﺎﻟﺖ ﻟﻴﻬﺎ ﺍﻟﺴﻌﺪﻳﺔ ﻭﺍﺧﺎ ﺁﻣﻤﻲ.. ﺍﻟﻤﻬﻢ ﺳﻠﻤﻰ ﻟﺒﺴﺖ ﺍﻟﺴﻌﺪﻳﺔ ﻭﺍﺣﺪ ﺍﻟﻜﺴﻮﺓ ﻗﺪﻳﻤﺔ ﻭﻣﺤﺮﺗﻜﺔ ﻋﻨﺪﻫﺎ ﺑﺎﺵ ﺗﺒﺎﻥ ﺑﺤﺎﻝ ﺷﻲ ﻣﺴﻄﻴﺔ ..ﻭﺳﻠﻤﻰ ﻟﺒﺴﺎﺕ ﺃﺣﺴﻦ ﻣﺎﻋﻨﺪﻫﺎ ﺑﺎﺵ ﻳﺒﺎﻥ ﺍﻟﻔﺮﻕ ﻛﺒﻴﺮ ﺑﻴﻨﻬﺎ ﻭﺍﻟﺴﻌﺪﻳﺔ ﻗﺪﺍﻡ ﺣﻤﻴﺪ.. ﺍﻟﻤﻬﻢ ﺧﺮﺟﻮ ﻭﺩﺍﺗﻬﺎ ﻟﻮﺍﺣﺪ ﺍﻟﺴﻮﺑﺮ ﻣﺎﺭﺷﻲ ﻛﺒﻴﻴﺮ ﻭ ﺍﻟﻨﺎﺱ ﺗﻴﺸﻮﻓﻮ ﻓﻴﻬﺎ ﻭﺳﻠﻤﻰ ﺗﺘﻐﻤﺰﻫﻢ : ﻏﻴﺮ ﻭﺍﺣﺪ ﺍﻟﻤﺘﺸﺮﺩﺓ ﺑﻐﻴﺖ ﻧﺪﻳﺮ ﻓﻴﻬﺎ ﺍﻟﺨﻴﻴﺮ. ..ﻣﻠﻠﻲ ﺩﺧﻠﺖ ﺍﻟﺴﻌﺪﻳﺔ ﺩﺍﺧﺖ..ﺗﺘﻘﻮﻝ ﺃﻭ ﺍﺵ ﻫﺎﺩﺷﻲ ﻛﻠﻠﻮ .. ﺳﻠﻤﻰ ﺍﻧﺘﺎﻫﺰﺕ ﺍﻟﻔﺮﺻﺔ ﻭﻗﺎﻟﺘﻠﻴﻬﺎ: ﺳﻠﻤﻰ: ﻋﺮﻓﺘﻲ ﺃﺍﻟﺴﻌﺪﻳﺔ ﻫﺎﺩ ﺍﻟﺨﻴﺮ ﻛﻠﻠﻮ ﺩﺍﻳﺮﻳﻨﻮ ﻟﻠﻨﺎﺱ ﺍﻟﻠﻲ ﻣﺎﻓﺤﺎﻟﻬﻤﺶ ﺑﺎﺵ ﻳﺎﻛﻠﻮ ﻭﻳﺸﺒﻌﻮ ﻭ ﻳﻠﺒﺴﻮ .. ﺍﻟﺴﻌﺪﻳﺔ: ﺃﻭﺍﺍﺍﺍﻩ ﻫﻲ ﺃﻧﺎ ﻧﻘﺪﺭ ﻧﺎﺧﺪ ﻛﻠﺸﻲ ﻫﺎﺩﺷﻲ ﺑﻼ ﻣﻴﻬﻀﺮ ﻣﻌﺎﻳﺎ ﺣﺪ!! ﺳﻠﻤﻰ: ﺁﺁﺁﻩ ﻏﻴﺮ ﺧﻮﺩﻱ ﺍﻟﻠﻲ ﺑﻐﻴﺘﻲ .. ﺍﻟﺴﻌﺪﻳﺔ ﻣﺸﺎﺕ ﺑﺪﺍﺕ ﺗﻬﺰ ﻓﺎﻟﺤﻮﺍﻳﺞ ﻭ ﺍﻟﺼﺒﺎﺑﻂ ﻛﻞ ﺣﺎﺟﺔ ﻋﺰﻟﺖ ﻣﻨﻬﺎ ﻭﻗﺎﻟﺖ ﺍﺭﺍ ﻧﺪﻱ ﻟﻤﻲ ﺷﻮﻳﺔ ﺍﻟﻤﺎﻋﻦ ﺷﻲ ﺩﻛﺪﻛﺎﺗﻮ ﺷﻲ ﻫﺰﺍﺗﻮ ﺍﻟﻤﻬﻢ ﺭﻭﻧﺎﺗﻬﺎ ﺗﺎﻧﻲ ﻭﺣﻴﺪﺕ ﺣﻮﺍﻳﺠﻬﺎ ﻻﺣﺘﻬﻢ ﻭﻟﺒﺴﺖ ﺍﻟﺠﺪﺍﺩ ﻭﻏﺎﺩﺓ ﺧﺎﺭﺟﺔ..ﺑﻼ ﺣﺸﻤﺔ ﺑﻼ ﺣﻴﺎ.. ﻭﻫﻮﻣﺎ ﻳﺸﺪﻭﻫﺎ ﻓﺎﻟﺒﺎﺏ.. ﺍﻟﻌﺎﻣﻞ: ﻭﺍﺍﺍﺍﺍﺧﺘﻲ ﺃﻭ ﻣﺎﻟﻚ ﻣﻨﻴﻦ ﺟﺎﻳﺔ ؟؟ ﺍﻟﺴﻌﺪﻳﺔ: ﻭﺍﺗﺘﺎ ﺍﻟﻠﻲ ﻣﻨﻴﻦ ﺟﺎﺍﺍﻱ ﻫﺎﻭﻳﻠﻲ؟.ﻣﺎﻟﻲ ﺷﺪﺭﺕ ﻟﻚ..ﺟﻴﺖ ﺑﺤﺎﻟﻲ ﺑﺤﺎﻝ ﺍﻟﻨﺎﺱ ﻧﺪﻱ ﺗﻘﺪﻳﺘﻲ..ﻳﺎﻙ ﺗﺘﻔﺮﻗﻮ ﻫﺎﺩﺷﻲ.. ﺧﺪﺍ ﻣﻦ ﻋﻨﺪﻫﺎ ﺍﻟﺴﻠﻌﺔ ﻛﺎﻣﻠﺔ ﻭﻗﺎﻟﻴﻬﺎ ﺍﻟﺤﻮﺍﻳﺞ ﺍﻟﻠﻲ ﻻﺑﺴﺔ ﺗﺎﻫﻮﻣﺎ ﺧﺎﺻﻬﻢ ﻳﺪﻭﺯﻭ ﻗﻄﻌﻮ ﻣﻨﻬﻢ ﺍﻟﺘﻜﻴﺘﺔ ﻭ ﺩﻭﺯﻭﻫﻢ ﻭﻫﻮﻣﺎ ﻳﻘﻮﻟﻮ ﻟﻴﻬﺎ ﺑﺎﻟﻤﺎﻋﻦ ﺍﻟﻠﻲ ﻫﺮﺳﺘﻲ ﻋﻨﺪﻙ 1500 ﺩﺭﻫﻢ.. ﺍﻟﺴﻌﺪﻳﺔ: ﺗﺘﺎﺷﺴﺎﻳﺮ ﺗﻘﻮﻝ ﺭﺍ ﺳﻠﻤﻰ ﻗﺎﻟﺘﻠﻲ ﻫﺎﺩﺷﻲ ﻓﺎﺑﻮﻭﻭﺭ ﺗﻮﻣﺎ ﻣﺎﻟﻜﻢ ﺗﺘﺮﺟﻌﻮ ﻓﻬﻀﺮﺗﻜﻢ.. ﺍﻟﻌﺎﻣﻞ: ﺑﻼ ﻣﺘﻔﺮﻋﻲ ﻟﻲ ﺭﺍﺳﻲ ﺧﻠﺼﻲ ﻭﻻ ﻧﻌﻴﻂ ﻟﻠﺒﻮﻟﻴﺲ.. ﺍﻟﺴﻌﺪﻳﺔ: ﻫﺎﻭﻳﻴﻴﻴﻴﻠﻲ ﻋﻠﻰ ﺍﻟﺒﻮﻟﻴﺲ ﺗﺘﺎ ﻣﺎﻟﻲ ﻗﺎﺗﻠﺔ ﺭﻭﻭﻭﺡ..؟؟ ﺍﻟﻤﻬﻢ ﻓﻬﺎﺩ ﺍﻟﻠﺤﻈﺔ ﺑﺎﻧﺖ ﺳﻠﻤﻰ ﻣﻦ ﺑﻌﺪ ﻣﺎﻛﺎﻧﺖ ﺳﻠﺘﺖ .. ﺳﻠﻤﻰ: ﺍﻟﺴﻌﺪﻳﺔ ﺭﺍ ﻭﺍﻗﻴﻠﺔ ﺿﺤﻜﻮ ﻋﻠﻴﻨﺎ ﻳﺼﺤﺎﺑﻨﻲ ﺑﺎﻗﻴﻦ ﺗﻴﻔﺮﻗﻮ ﺍﻟﺴﻠﻌﺔ.. ﺍﻟﺴﻌﺪﻳﺔ: ﻭﺍﺻﺤﻴﺒﺘﻲ ﺍﺵ ﻏﻨﺪﻳﺮﻭ.. ﺳﻠﻤﻰ: ﻏﻨﻌﻴﻄﻮ ﻟﺤﻤﻴﺪ..ﻓﻴﻦ ﻧﻤﺮﺗﻮ.. ﺍﻟﺴﻌﺪﻳﺔ: ﻫﺎﻫﻲ ﻋﻨﺪﻱ ﺭﺍﺟﺒﺖ ﺑﺰﻃﺎﻡ ﻣﻤﻲ... ﺳﻠﻤﻰ:(ﻣﺤﻤﻠﺘﺶ ﺣﻤﻴﺪ ﻳﺠﻲ ﻭﻳﺸﻮﻓﻬﺎ ﻻﺑﺴﺔ ﻣﺰﻳﺎﻥ ..ﺣﻴﺖ ﻟﺒﺴﺖ ﻣﻦ ﺍﻟﺴﻮﺑﺮ ﻣﺎﺭﺷﻲ ﻟﺒﺴﺔ ﺯﻭﻳﻨﺔ)،..ﺍﻟﻤﻬﻢ ﺃﺭﻱ ﺍﻟﻨﻤﺮﺓ
ﺍﻟﺴﻌﺪﻳﺔ: ﻫﺎﻫﻲ.. ﺳﻠﻤﻰ ﺍﺗﺎﺻﻠﺖ ﺑﺤﻤﻴﺪ ﻣﻦ ﻧﻤﺮﺗﻬﺎ.. ﺳﻠﻤﻰ: ﺃﻟﻮ ﺣﻤﻴﺪ؟ ﺣﻤﻴﺪ: ﺃﻟﻮ ..ﺷﻜﻮﻥ ﻣﻌﺎﻳﺎ؟ ﺳﻠﻤﻰ: ﺍﻧﺎ ﺳﻠﻤﻰ ﺑﻨﺖ ﺧﺎﻟﺔ ﺍﻟﺴﻌﺪﻳﺔ.. ﺣﻤﻴﺪ: ﺷﻜﻮﻥ ﺳﻠﻤﻰ ﻭﺷﻜﻮﻥ ﺍﻟﺴﻌﺪﻳﺔ!! ﺳﻠﻤﻰ: ﺣﻨﺎ ﺍﻟﻠﻲ ﻟﻘﻴﺘﻲ ﺧﺎﻟﺘﻲ ﻭﺑﻨﺘﻬﺎ ﻣﺮﻭﻧﻴﻨﻬﺎ ﻓﻲ ﺍﻟﺠﻮﻃﻴﺔ ﻭﺧﻠﺼﺘﻲ ﻋﻠﻴﻬﻢ 200 ﺩﺭﻫﻢ.. ﺣﻤﻴﺪ:ﺁﺁﺁﺁﻩ..ﻫﻬﻪﻫﻪ ﺍﻭﺍ ﻣﺪﺍﻡ ﻋﻴﻄﺘﻲ ﻫﻲ ﻭﺍﺣﻠﻴﻦ ﺗﺎﻧﻲ..؟؟ ﺳﻠﻤﻰ: ﻫﺎﺩ ﺍﻟﻤﺮﺓ ﻭﺣﻠﺔ ﻛﺒﻴﺮﺓ..ﺍﻟﻤﻬﻢ ﺍﻟﻰ ﻋﻨﺪﻙ ﺍﻟﻮﻗﺖ ﺍﺟﻲ ﻭﺍﺧﺎ؟ ﺣﻤﻴﺪ: ﻗﻮﻟﻴﻠﻲ ﻓﻴﻦ ﻧﺘﻮﻣﺎ؟ ﺳﻠﻤﻰ: ﺍﻟﺴﻮﺑﺮ ﻣﺎﺭﺷﻲ ﺍﻟﻠﻲ ﺣﺪﺍ ﺍﻟﻤﺤﻄﺔ ﺣﻤﻴﺪ: 5 ﺩﻗﺎﻳﻖ ﺍﻧﺎ ﻋﻨﺪﻛﻢ.. ﺍﻟﻤﻬﻢ ﺟﺎ ﺣﻤﻴﺪ ﻭﻟﻘﺎﻫﻢ ﻭﺍﻗﻔﻴﻦ ﺗﻴﺘﺴﻨﺎﻭ ﺣﻤﻴﺪ: ﺍﻟﺴﻌﺪﻳﺔ!! ﻋﺎﻭﺗﺎﻧﻲ ﺩﺭﺗﻴﻬﺎ ﻫﻬﻪ ﺍﻟﺴﻌﺪﻳﺔ: ﻭﺍﻟﻠﻪ ﺁﺳﻲ ﺍﻻﺳﺘﺎﺫ ﻣﺎﺩﺭﺕ ﺷﻲ ﺣﺎﺟﺔ ..ﺭﺍﺑﻐﻴﺖ ﻏﺎ ﻧﺎﺧﺪ ﻣﺎﻧﻠﺒﺲ ﻭﻣﺎﻧﺎﻛﻞ ﻭﺷﻲ ﻣﻴﻌﻨﺎﺕ ﻭﻣﻤﻠﻠﻲ ﻛﻨﺖ ﺧﺎﺭﺟﺔ ﻗﺎﻟﻮ ﻟﻲ ﺧﻠﺼﻲ ﻭﺍﺵ ﻫﺎﺩﻭ ﻋﻨﺪﻫﻢ ﺷﻲ ﻋﻘﻞ؟ ﺣﻤﻴﺪ : ﻫﻬﻬﻬﻬﻬﻬﻬﻪ ﻻ ﻧﺘﻲ ﻣﻮﻻﺕ ﺍﻟﻌﻘﻞ.. ﺳﻠﻤﻰ: ﻫﻬﻬﻬﻬﻪ ﻣﺘﺪﻳﺶ ﻋﻠﻴﻬﺎ ﺃﺧﺎﻱ ﺣﻤﻴﺪ ﺭﺍﻫﺎ ﻧﺎﻗﺼﺔ ﻓﻌﻘﻠﻬﺎ ﺷﻮﻳﺔ ... ﺣﻤﻴﺪ: ﻻ ﺍﻟﺴﻌﺪﻳﺔ ﻫﻲ ﻣﻮﻻﺕ ﺍﻟﻌﻘﻞ ﻏﻴﺮ ﻫﻲ ﻧﻴﺔ ﻛﺘﺮ ﻣﻦ ﺍﻟﻘﻴﺎﺱ ﻭﺻﺎﻓﻲ.. ﺳﻠﻤﻰ:(ﺳﻠﻤﻰ ﺟﻤﻌﺖ ﺍﻟﻀﺤﻜﺔ ﻭﺗﻔﻘﺴﺖ) ﺍﻭﺍ ﺭﺍ ﻧﻴﺘﻬﺎ ﻭﺻﻼﺗﻨﺎ ﻝ 1500 ﺩﺭﻫﻢ.. ﺣﻤﻴﺪ: ﺳﻤﺤﻮﻟﻲ ﻭﺍﺣﺪ ﺍﻟﺪﻗﻴﻘﺔ ﻏﻨﻤﺸﻲ ﻧﺨﻠﺼﻬﺎ ﻭﻧﺠﻲ.. ﻣﺸﻰ ﺣﻤﻴﺪ ﺧﻠﺺ ﻭﺭﺟﻊ .. ﺍﻟﺴﻌﺪﻳﺔ ﺑﺪﺍﺕ ﺗﺘﻘﻮﻝ ﻓﺨﺎﻃﺮﻫﺎ: ﻭﺍﻱ ﻭﺍﻱ ﻭﺍﻱ ﻭﺍﻱ ﻫﺎﺩ ﻟﻮﺳﺘﺎﺩ ﻓﻴﻦ ﻳﺒﺎﻥ ﺩﺍﻙ ﺩﺭﻳﺲ ﻫﻬﻬﻪ. ﺣﻤﻴﺪ ﻛﺎﻥ ﻭﺍﺿﺢ ﻋﻠﻴﻪ ﺇﻋﺠﺎﺑﻮ ﺑﺎﻟﺴﻌﺪﻳﺔ ﻭﺍﺧﺎ ﻣﻌﻨﺪﻫﺎ ﻋﻘﻞ..ﻭﻫﺎﺩ ﺍﻟﻤﺮﺓ ﺣﺎﻭﻝ ﻳﻌﺮﻓﻬﻢ ﺑﺮﺍﺳﻬﻢ.. ﻣﻠﻠﻲ ﺧﺮﺟﻮ ﻣﻦ ﺍﻟﺴﻮﺑﺮ ﻣﺎﺭﺷﻲ ﺍﻗﺘﺮﺡ ﻋﻠﻴﻬﻢ ﻳﺸﺮﺑﻮ ﻗﻬﻴﻮﺓ ﻣﻌﺎﻩ ﻭﺳﻠﻤﻰ ﻓﺮﺣﺎﺕ ﺣﻴﺖ ﻫﺎﺩﻱ ﻓﺮﺻﺘﻬﺎ ﺑﺎﺵ ﺗﺨﻠﻴﻪ ﻳﺪﻳﻬﺎ ﻓﻴﻬﺎ.. ﻣﺸﺎﻭ ﻟﻮﺍﺣﺪ ﺍﻟﻘﻬﻮﺓ ﻭﻣﻠﻠﻲ ﺟﻠﺴﻮ ﻗﺎﻟﻴﻬﻢ ﺍﺵ ﺗﺸﺮﺑﻮ؟ ﺍﻟﺴﻌﺪﻳﺔ: ﻭﺍﺵ ﺑﻐﻴﺘﻲ ﻧﺸﺮﺑﻮ ﻣﻦ ﻏﻴﺮ ﺗﺎﺍﻱ؟؟ ﺳﻠﻤﻰ: jus d'Orange ﺣﻤﻴﺪ: ﺍﻟﺴﻌﺪﻳﺔ ﻏﻨﻄﻠﺐ ﻟﻴﻚ ﺗﺎﻧﺘﻲ ﻋﺼﻴﺮ ﺍﻟﻠﻴﻤﻮﻥ ﻭﺍﺧﺎ؟ ﺍﻟﺴﻌﺪﻳﺔ: ﻭﺍﺧﺎ ﺧﻮﻳﻲ ﺍﻟﻠﻪ ﻳﻌﻄﻴﻚ ﺍﻟﺨﻴﺮ. ﺣﻤﻴﺪ: ﺍﻧﺎ ﻏﻨﺎﺧﺪ ﻗﻬﻴﻮﺓ.. ﺍﻟﻤﻬﻢ ﻃﻠﺒﻮ ﺩﺍﻛﺸﻲ ﻭﻣﻠﻠﻲ ﺑﺪﺍﺕ ﺍﻟﺴﻌﺪﻳﺔ ﺗﺸﺮﺏ ﺍﻟﻌﺼﻴﺮ..ﻗﺮﻗﻔﺎﺗﻮ ﺩﻗﺔ ﻭﺣﺪﺓ ﻭﻫﻲ ﺗﺘﺸﺮﺑﻮ ﺗﺪﻳﺮ ﺍﻟﻤﻮﺳﻴﻘﻰ ..ﻫﻬﻬﻪ ﻭﺣﻤﻴﺪ ﻏﻴﺮ ﺗﻴﻀﺤﻚ ﺣﻴﺖ ﻟﻘﺎﻫﺎ ﺑﻨﺖ ﻓﺮﻳﺪﺓ ﻣﻦ ﻧﻮﻋﻬﺎ ﻭﺍﺧﺎ ﺑﺎﻗﺎ ﺻﻐﻴﺮﺓ ..
ﺝ6: ﺣﻤﻴﺪ: ﺍﻟﺴﻌﺪﻳﺔ ﻓﻴﻦ ﺳﺎﻛﻨﺔ ؟ ﺳﻠﻤﻰ: ﻋﻼﺵ ﺗﺘﺴﻮﻟﻬﺎ ﻓﻴﻦ ﺳﺎﻛﻨﺔ ؟ ﺭﺍ ﺍﻟﺪﺭﻳﺔ ﻏﺎ ﻫﺒﻴﻠﺔ ﻣﻐﺘﻌﺮﻑ ﺗﺎﺑﺎﺵ ﺗﻐﺪﺍﺕ.. ﺍﻟﺴﻌﺪﻳﺔ: ﻣﺎﻟﻲ ﺃﺧﻴﺘﻲ ﻣﻨﻌﺮﻑ ﺑﺎﺵ ﺗﻐﺪﻳﺖ ﻳﺎﻙ ﻣﻮﻙ ﻓﺎﻃﻨﺔ ﺩﺍﺭﺕ ﻟﻴﻨﺎ ﺍﻟﻜﺴﻜﺴﻮ ﻫﺎ ؟ ﺗﺼﺤﺒﻴﻨﻲ ﻣﺴﻄﻴا ؟؟؟ ﺣﻤﻴﺪ: ﻫﻬﻬﻬﻪ ﺍﻟﺴﻌﺪﻳﺔ: ﺧﻮﻳﺎ ﻟﻮﺳﺘﺎﺩ..ﺍﻧﺎ ﺳﺎﻛﻨﺔ ﻓﺪﻭﺍﺭ ﺍﻟﻮﺍﻓﻲ ﻭﺟﻴﻨﺎ ﺍﻧﺎ ﻭﻣﻤﻲ ﻣﻠﻴﻜﺔ ﻧﻄﻠﻮ ﻋﻠﻰ ﺧﺎﻟﺘﻲ ﻭﻧﻤﺸﻴﻮ.. ﺣﻤﻴﺪ: ﻣﺮﺣﺒﺎ..ﺗﻨﺴﻤﻊ ﺑﻴﻪ.. ﺳﻠﻤﻰ ﺑﻘﺎﺕ ﻏﻴﺮ ﺗﺪﻭﺭ ﻓﻌﻴﻨﻴﻬﺎ ﻭﺯﺍﺩﺕ ﺗﻌﺼﺒﺎﺕ ﻭﻫﻲ ﺗﻨﻄﻖ: ﺳﻠﻤﻰ: ﻣﻌﺮﻓﺘﻴﻨﺎﺵ ﺑﺮﺍﺳﻚ ﺃﺣﻤﻴﺪ.؟؟ ﺣﻤﻴﺪ: ﺃﻧﺎ ﺃﺧﺘﻲ ﻣﻬﻨﺪﻳﺲ ﻋﻨﺪﻱ 26 ﻋﺎﻡ ﺳﺎﻛﻦ ﻣﻊ ﻭﺍﻟﻴﺪﻱ ﻭﻟﻜﻦ ﻋﻨﺪﻱ ﺩﺍﺭﻱ ﺑﻮﺣﺪﻱ ﻭﺧﺪﺍﻡ ﻣﻊ ﺑﺎﺑﺎ ﻓﺎﻟﺸﺮﻛﺔ ﺩﻳﺎﻟﻮ .. ﺳﻠﻤﻰ ﺗﺤﻠﻠﻮ ﻟﻴﻬﺎ ﺍﻟﻌﻴﻨﻴﻦ ﻭﺳﻤﻬﺎ ﺑﺎﻥ ﻋﻠﻴﻬﺎ ﺣﻴﺖ ﻗﺮﺍﺕ ﺍﻟﺒﻼﻥ ﺑﺎﻟﻠﻲ ﺍﻟﺴﻌﺪﻳﺔ ﺑﻬﺒﺎﻟﻬﺎ ﻋﺎﺟﺒﺔ ﺣﻤﻴﺪ..ﻭﻭﻻﺕ ﺑﺎﻏﺎ ﻏﻴﺮ ﻛﻔﺎﺵ ﺗﺪﻳﺮ ﺑﺎﺵ ﺗﺨﻠﻠﻲ ﺍﻟﺴﻌﺪﻳﺔ ﺗﻤﺸﻲ ﻓﺤﺎﻟﻬﺎ ﻫﻲ ﻭﻣﻬﺎ ﻓﺄﻗﺮﺏ ﻭﻗﺖ..ﺧﺼﻮﺻﺎ ﺃﻥ ﻧﻤﺮﺓ ﺣﻤﻴﺪ ﺳﺠﻠﺘﻬﺎ ﻋﻨﺪﻫﺎ.. ﺍﻟﻤﻬﻢ ﺑﻘﺎﻭ ﺷﺎﺩﻳﻦ ﺍﻟﺤﺪﻳﺚ ﻭﻓﻲ ﺍﻻﺧﻴﺮ ﻭﺻﻠﻬﻢ ﺑﻄﻮﻧﻮﺑﻴﻠﺘﻮ ﻭﻣﺸﻰ.. ﺳﻠﻤﻰ ﺩﺍﺭﺕ ﻋﻨﺪ ﺍﻟﺴﻌﺪﻳﺔ ﻭﻗﺎﻟﺖ ﻟﻴﻬﺎ: ﺳﻠﻤﻰ: ﺷﻔﺘﻲ ﺑﺤﺎﻝ ﻫﺎﺩ ﺣﻤﻴﺪ ﺭﺍ ﻣﻮﺟﻮﺩﻳﻦ ﻓﺎﻟﻤﺪﻳﻨﺔ ﺗﺒﻐﻴﻮ ﺑﻔﻠﻮﺳﻬﻢ ﻳﺸﺮﻳﻮ ﺍﻟﺒﻨﺎﺕ ﺍﻟﻠﻲ ﻧﻴﺔ ﺑﺤﺎﻟﻚ ﻋﻨﺪﺍﻙ ﺗﺘﻐﺮﻱ ﻭﻻ ﺗﻤﺸﻲ ﻣﻌﺎﻩ ﻓﻬﺒﺎﻟﻮ ﺭﺍ ﻭﺍﺣﺪ ﺑﺤﺎﻟﻮ ﻣﺴﺘﺤﻴﻞ ﻳﺸﻮﻑ ﻓﻮﺣﺪﺓ ﺑﺤﺎﻟﻚ ﻧﺘﻲ ﻏﻴﺒﻐﻲ ﻏﻴﺮ ﻳﺘﻔﻼ ﻋﻠﻴﻚ ﻭﺻﺎﻓﻲ.. ﺍﻟﺴﻌﺪﻳﺔ: ﻣﺎﻟﻲ ﺑﻨﺖ ﻟﻴﻚ ﻫﺒﻴﻠﺔ ﻭﻻ ﻣﺴﻄﻴﺔ..ﺃﻧﺎ ﻻﺑﻐﺔ ﻧﺘﺠﻮﺟﻮ ﻭﺍﺧﺎ ﻻﺑﻐﺎﺵ ﻏﻨﻬﺰ ﻭﺍﺣﺪ ﺍﻟﻜﻤﺸﺔ ﺩﻳﺎﻝ ﺍﻟﻜﺎﻳﺎﺱ ﻭﻧﻔﻠﻖ ﻟﻴﻪ ﺩﺍﻙ ﺍﻟﺮﺍﺱ.. ﺳﻠﻤﻰ: ﻫﻬﻬﻪ ﻫﺒﻴﻠﺔ ..ﻭﺍﺵ ﺣﻤﻴﺪ ﻏﻴﺒﻐﻲ ﻳﺘﺠﻮﺝ ﺑﻴﻚ ﻧﺘﻲ.. ﺍﻟﺴﻌﺪﻳﺔ: ﺇﻳﻴﻪ ﺇﻳﻴﻪ ﺿﺤﻜﻲ ﻋﻠﻴﺎ ﺿﺤﻜﻲ..ﺍﻧﺎ ﺭﺍ ﻋﺎﺭﻓﺔ..ﻣﺎﺷﺎﻑ ﻓيا ﺗﺎ ﺩﺭﻳﺲ ﻣﻮﻝ ﺍﻟﻤﻮﻃﻮﺭ ﺍﻟﻠﻲ ﻓﺪﻭﺍﺭﻧﺎ ﺑﺎﻗﻲ ﻏﻲ ﺍﻟﺴﻲ ﻟﻮﺳﺘﺎﺩ.. ﺳﻠﻤﻰ: ﺇﻭﺍ ﺷﺘﻲ ﻫﺎﻧﺘﻲ ﻓﻬﻤﺘﻲ..ﺭﺍﻓﺎﺵ ﺗﺘﺒﻐﻲ ﺗﺨﺪﻣﻲ ﺩﺍﻙ ﺍﻟﺪﻣﺎﻍ ﺗﺘﺨﺪﻣﻴﻪ ..ﻳﻠﻪ ﻧﺪﺧﻠﻮ ..ﺑﻌﺪﺍ ﻭﻧﻜﻤﻠﻮ ﻣﻦ ﺑﻌﺪ.. ﺍﻟﻤﻬﻢ ﻣﻠﻠﻲ ﺩﺧﻠﻮ ﻋﺎﻭﺩﺍﺕ ﺳﻠﻤﻰ ﻟﺨﺎﻟﺘﻬﺎ ﺍﺵ ﻭﻗﻊ ﻭﻧﺎﺿﺖ ﻣﻠﻴﻜﺔ ﺑﻐﺎﺕ ﺗﺴﻠﺦ ﺍﻟﺴﻌﺪﻳﺔ..ﻭﺷﺪﻭﻫﺎ.. ﻣﻠﻴﻜﺔ: ﻭﺍﺍﺍﻙ ﻭﺍﺍﺍﻙ ﺃﻋﺒﺎﺩ ﺍﻟﻠﻪ ..ﺍﺵ ﺩﺭﺕ ﻳﺎﺭﺑﻲ ﺗﺘﻌﻄﻴﻨﻲ ﻫﺎﺩ ﺍﻟﻤﻮﺻﻴﺒﺔ..ﻭﺍﺵ ﻧﺘﻲ ﻋﻨﺪﻙ ﺷﻲ ﻋﻘﻞ ﻭﻻ ﻭﺍﻟﻮ؟ ﻭﺍﺵ ﻛﺎﻳﻦ ﺷﻲ ﺣﺪ ﺗﻴﻌﻄﻲ ﺍﻟﺴﻠﻌﺔ ﺑﻼ ﻓﻠﻮﺱ؟؟ ﺍﻟﺴﻌﺪﻳﺔ: ﻭﺍﺍﺍﻣﻤﻲ ﺭﺍ ﺻﺤﺎﺏ ﺍﻟﻤﺪﻳﻨﺔ ﺷﺎﺩﻳﻦ ﻣﻌﺎﻳﺎ ﺍﻟﻀﺪ ﻓﻜﻠﺸﻲ ﺭﺍﻩ ﻛﺎﻧﻮ ﺗﻴﻔﺮﻗﻮ ﺍﻟﺴﻠﻌﺔ ﻏﺎ ﺟﻴﺖ ﺍﻧﺎ ﺣﺒﺴﻮﻫﺎ.. ﻣﻠﻴﻜﺔ: ﻳﺎﺭﺑﻲ ﺗﺼﺒﺮﻧﻲ ﻋﻠﻰ ﻫﺎﺩ ﺍﻟﺒﻨﺖ.. ﺍﻟﻤﻬﻢ ﺩﺍﺯﺕ ﺳﻴﻤﺎﻧﺔ ﻭﻫﻲ ﺗﺮﺟﻊ ﻣﻠﻴﻜﺔ ﻣﻊ ﺑﻨﺘﻬﺎ ﺍﻟﺴﻌﺪﻳﺔ ﻟﻠﻌﺮﻭﺑﻴﺔ .. ﺳﻠﻤﻰ ﺑﻘﺎﺕ ﺩﻳﻤﺎ ﺗﺘﺤﺎﻭﻝ ﺗﺘﺎﺻﻞ ﺑﺤﻤﻴﺪ ﻭﻟﻜﻦ ﻣﻜﺎﻧﺶ ﺗﻴﺠﺎﻭﺑﻬﺎ ﺑﺤﺎﻝ ﺍﻟﻰ ﻋﺎﻕ ﺑﻴﻬﺎ..ﺣﺘﻰ ﺑﺪﺍﺕ ﺗﺘﻔﻘﺪ ﺍﻷﻣﻞ..ﻭﻭﺍﺣﺪ ﺍﻟﻨﻬﺎﺭ ﺟﺎﻭﺑﻬﺎ.. ﺣﻤﻴﺪ: ﺃﻟﻮﻭﻭ.. ﺳﻠﻤﻰ: ﺃﻟﻮ ﺧﻮﻳﺎ ﺣﻤﻴﺪ ﻛﻴﺪﺭﺗﻲ ﻣﺒﺮﻭﻙ ﻋﻮﺍﺷﺮﻙ..(ﺣﻴﺖ ﻛﺎﻥ ﺩﺧﻞ ﺷﻌﺒﺎﻥ).. ﺣﻤﻴﺪ: ﻟﻬﻼ ﻳﺨﻄﻴﻚ ﺃﺧﺘﻲ..ﺳﻠﻤﻰ ﻳﺎﻙ؟ ﺳﻠﻤﻰ: ﺳﻠﻤﻰ ﻣﺰﻳﺎﻥ ﻣﻠﻠﻲ ﻋﺎﻗﻞ ﻋﻠﻰ ﺳﻤﻴﺘﻲ.. ﺣﻤﻴﺪ: ﺍﻩ ﻋﺎﻗﻞ..ﻭﺍﺣﺪ ﺍﻟﺴﻌﺪﻳﺔ ﺻﺎﻓﻲ ﻣﺒﻘﺎﺗﺶ ﺗﺪﻳﺮ ﺍﻟﻜﻮﺍﺭﺙ ؟؟ ﻫﻬﻬﻬﻪ ﺳﻠﻤﻰ: ﺷﻜﻮﻥ ﻋﺮﻑ ﻫﺎﺩﻳﻚ ﺭﺍ ﺩﻳﻤﺎ ﻫﺎﻛﺔ ﺍﻟﻠﻪ ﻳﺼﺎﻭﺏ ﻭﺻﺎﻓﻲ ﻭﺍﻟﻠﻪ ﻳﺼﺒﺮ ﺧﺎﻟﺘﻲ ﻋﻠﻴﻬﺎ .. ﺣﻤﻴﺪ: ﻣﻜﺎﻳﻨﺎﺵ ﺣﺪﺍﺍﻙ ؟ ﺳﻠﻤﻰ: ﻻ ﺭﺍﻣﺸﺎﻭ ﻓﺤﺎﻟﻬﻢ ﻟﻠﻌﺮﻭﺑﻴﺔ.. ﺣﻤﻴﺪ: ﻣﻌﻨﺪﻛﺶ ﺷﻲ ﻧﻤﺮﺓ ﻧﻌﻴﻂ ﻓﻴﻬﺎ ؟؟ ﺳﻠﻤﻰ: ﻻ ..(ﻣﺒﻐﺎﺗﺶ ﺗﻌﻄﻴﻪ ﻧﻤﺮﺓ ﺭﺍﺟﻞ ﺧﺎﻟﺘﻬﺎ)ﺍﺻﻼ ﻫﻮﻣﺎ ﻣﻌﻨﺪﻫﻤﺶ ﻣﻊ ﺍﻟﺒﻮﺭﻃﺎﺑﻞ.. ﺣﻤﻴﺪ: ﻭﺍﺧﺎ ﺍﺧﺘﻲ ﺷﻜﺮﺍ ﺳﻤﺤﻴﻠﻲ ﻏﻨﻘﻄﻊ ﺟﺎﺗﻨﻲ ﻭﺍﺣﺪ ﺍﻟﺨﺪﻣﺔ..ﻣﻊ ﺍﻟﺴﻼﻣﺔ..
ﺝ7: ﺩﺍﺯﺕ ﻭﺍﺣﺪ 15 ﻳﻮﻡ ﻫﻜﺎﻙ ﺑﺎﺵ ﻣﺸﺎﻭ ﺍﻟﺴﻌﺪﻳﺔ ﻭﻣﻠﻴﻜﺔ ﻟﻠﻌﺮﻭﺑﻴﺔ.. ﻛﺎﻧﺖ ﺍﻟﺴﻌﺪﻳﺔ ﺧﺎﺭﺟﺔ ﺗﺘﺴﺨﺮ ﻟﻠﺤﺎﻧﻮﺕ..ﻭﻛﻴﻒ ﺩﻳﻤﺎ ﺍﻟﺸﻌﺮ ﻃﺎﻟﻊ ﻟﻠﺴﻤﺎ ﻭﺍﻟﺤﺎﻟﺔ ﺣﺎﻟﺔ.. ﻭﻫﻲ ﺗﻮﻗﻒ ﻗﺪﺍﻣﻬﺎ ﻃﻮﻧﻮﺑﻴﻠﺔ ﺣﻤﻴﺪ.. ﺍﻟﺴﻌﺪﻳﺔ: ﺍﻭﺍﺍﺍﺍﺍﻩ ﻭﺍﻩ ﻭﺍﻩ ﺍﻟﺴﻲ ﻟﻮﺳﺘﺎﺩ ﻫﺎﺩﺍ؟ ﻻﺑﺎﺍﺍﺍﺳﻮﻭﻭ؟ ﺣﻤﻴﺪ: ﻫﺎﺩﻱ ﻧﺘﻲ؟ ﻫﻬﻬﻪ ﻣﻌﺮﻓﺘﻜﺶ ﺍﻟﺴﻌﺪﻳﺔ: ﺇﻳﻴﻴﻪ ﺇﻳﻴﻪ ﺍﻧﺎ ﺍﻟﺴﻌﺪﻳﺔ .. ﺣﻤﻴﺪ: ﺍﻟﺴﻌﺪﻳﺔ!! ﻧﺘﻲ ﺍﻟﺪﺍﺧﻞ ﺩﻳﺎﻟﻚ ﺯﻭﻳﻦ..ﻗﻼﻝ ﺍﻟﻨﺎﺱ ﺑﺤﺎﻟﻚ ﺻﺎﻓﻴﻴﻦ ﻭﻧﻴﺘﻬﻢ ﻭﺣﺪﺓ ﻭﺍﺧﺎ ﺍﻟﻨﺎﺱ ﺗﻴﺸﻮﻓﻮ ﻫﺪﺍ ﻫﺒﺎﻝ ﻭﻟﻜﻦ ﺍﻧﺎ ﺗﻨﺸﻮﻓﻮ ﻧﻘﺎ.. ﺍﻟﺴﻌﺪﻳﺔ: ﻭﺍﺧﺎ ﻣﻔﻬﻤﺘﻜﺶ ﻭﻟﻜﻦ ﺍﻧﺎ ﺭﺍﻣﻬﺒﻴﻼﺵ ﺭﺍﻫﻮﻣﺎ ﺍﻟﻠﻲ ﻣﺴﻄﻴﻴﻦ.. ﺣﻤﻴﺪ: ﺍﻟﻤﻬﻢ ﺍﻧﺎ ﺟﻴﺖ ﻋﻠﻰ ﻭﺩﻙ ﻫﻨﺎ ﻭﺍﺣﺪ ﺍﻟﺤﺎﺟﺔ ﻣﺨﺼﻜﺶ ﺗﻬﻤﻠﻲ ﺭﺍﺳﻚ ﺗﺎﻟﻬﺎﺩ ﺍﻟﺪﺭﺟﺔ ..ﻭﻟﻜﻦ ﻫﺎﺩﺷﻲ ﻏﻨﻌﺎﻟﺠﻮﻩ ﻣﻦ ﺑﻌﺪ..ﻓﻴﻦ ﺑﺎﻙ ؟؟ ﺍﻟﺴﻌﺪﻳﺔ: ﺭﺍﺍﺍﺍﻩ ﻓﻲ ﺍﻟﺨﻴﻤﺔ ﺧﻠﻴﺘﻮ ﺗﻮﺍﻝ ﺍﻟﺒﻬﺎﻳﻢ.. ﺣﻤﻴﺪ: ﻭﺍﺧﺎ ﺗﺪﻳﻨﻲ ﻋﻨﺪﻭ؟ ﺍﻟﺴﻌﺪﻳﺔ: ﻭﺍﺧﺎﺍ ﻳﻠﻪ ﻧﻤﺸﻴﻮ .. ﺭﻛﺒﻮ ﻓﻄﻮﻧﻮﺑﻴﻠﺖ ﺣﻤﻴﺪ ﻭﻣﺸﺎﻭ ﻓﻮﺍﺣﺪ ﺍﻟﭙﻴﺴﺖ..ﺗﺎﻭﺻﻠﻮ ﻟﻠﺪﺍﺭ ﺣﻤﻴﺪ ﺑﻘﺎ ﺗﻴﺸﻮﻑ ﻓﺎﻟﻮﺍﻗﻊ ﺍﻟﻠﻲ ﺳﺎﻛﻨﺔ ﻓﻴﻪ ﺍﻟﺴﻌﺪﻳﺔ.. ﺍﻟﻤﻬﻢ ﻋﻴﻄﺎﺕ ﺍﻟﺴﻌﺪﻳﺔ ﻋﻠﻰ ﺑﺎﻫﺎ ﺍﻟﺴﻌﺪﻳﺔ: ﻭﺍ ﺑﺒﺎ ﻭﺍﺍﺍ ﺑﺒﺎﺍﺍﺍ ﺗﻌﺎﻟﻰ ﺗﻌﺎﻟﻰ .. ﺑﻮﺷﻌﻴﺐ: ﺃﺵ ﻛﺎﻳﻦ ﻳﺎﺩﻳﻚ ﺍﻟﺰﻏﻮﺑﺔ؟( ﺷﺎﻑ ﻑ ﺣﻤﻴﺪ ) ﺍﻟﺴﻼﺍﻡ ﺃﺳﻴﺪﻱ ﻛﺎﻳﻦ ﻣﻨﻘﻀﻴﻮ؟؟ ﺣﻤﻴﺪ: ﺃﻧﺎ ﺣﻤﻴﺪ ﺟﺎﻱ ﻣﻦ ﺍﻟﻤﺪﻳﻨﺔ ﺑﻐﻴﺖ ﻧﻬﻀﺮ ﻣﻌﺎﻙ.. ﺑﻮﺷﻌﻴﺐ: ﺇﻳﻴﻪ ﺯﻳﺪ ﺯﻳﺪ ﻣﺮﺣﺒﺎ..ﻗﺒﻞ ﻋﻠﻴﻨﺎ ﺭﺍﻩ ﺍﻟﺤﺎﻟﺔ ﺿﻌﻴﻔﺔ.. ﺣﻤﻴﺪ: ﻧﺘﻮﻣﺎ ﺍﻟﻠﻲ ﻗﺒﻠﻮ ﻋﻠﻴﺎ ﻭﺳﻤﺤﻮﻟﻲ ﻋﻠﻰ ﻫﺎﺩ ﺍﻟﺪﺧﻠﺔ.. ﻣﻠﻴﻜﺔ: ﺍﻟﺴﻲ ﺣﻤﻴﺪ!!!ﻣﺮﺣﺒﺎ ﻣﺮﺣﺒﺎﺍﺍ.. ﺑﻮﺷﻌﻴﺐ: ﺳﻴﺮﻱ ﻧﺘﻲ ﻭﺑﻨﺘﻚ ﻭﺟﺪﻭ ﻟﻠﺮﺍﺟﻞ ﻛﺎﺱ ﺗﺎﺍﺍﻱ.. ﻣﺸﺎﺕ ﻣﻠﻴﻜﺔ ﻭﺍﻟﺴﻌﺪﻳﺔ ﻟﻠﻜﻮﺯﻳﻨﺔ.. ﻣﻠﻴﻜﺔ: ﺍﻟﻠﻪ ﻳﺎ ﻣﻴﻤﺘﻲ ﻳﺎﻙ ﻗﻠﺖ ﻟﻴﻚ ﻳﺎ ﺍﻟﺼﻜﻌﺔ ﻫﺒﺎﻟﻚ ﻏﻴﺨﺮﺝ ﻋﻠﻴﻨﺎ.. ﺍﻟﺴﻌﺪﻳﺔ: ﺃﺵ ﺩﺭﺗﻠﻚ ﺃﻣﻤﻲ.. ﻣﻠﻴﻜﺔ: ﻭﺍﺗﺘﻲ ﺭﺍ ﺍﻟﺮﺍﺟﻞ ﺟﺎ ﻳﺪﻱ ﻓﻠﻮﺳﻮ ﺍﻟﻠﻲ ﺧﻠﺺ ﻋﻠﻚ..ﻳﺎ ﻟﻬﺒﻴﻠﺔ.. ﺍﻟﺴﻌﺪﻳﺔ: ﻫﺎﻭﻳﻠﻲ ﺃﻣﻤﻲ ﻧﺎﺭﻱ ﻗﻔﺮﺗﻬﺎ ﺑﺒﺎ ﻟﻴﻮﻡ ﻳﻜﺮﺿﻨﻲ ..ﻣﻨﻴﻦ ﻏﻴﺠﻴﺒﻠﻴﻪ ﻓﻠﻮﺳﻮ؟ ﻣﻠﻴﻜﺔ: ﻏﻴﺮ ﺳﻜﺘﻲ ﻭﺻﺎﻓﻲ ﺩﻳﺮﻱ ﺗﺎﻱ ﺍﻧﺎ ﻏﻨﻌﺠﻦ ﻣﺴﻤﻦ ﺩﻏﻴﺎ.. ﺍﻟﻤﻬﻢ ﻣﻠﻠﻲ ﻛﻤﻠﻮ ﻭﺩﺍﻭ ﺍﺗﺎﻱ ﻟﻠﺮﺍﺟﻞ ﻟﻘﺎﻭﻩ ﺗﻴﻘﻮﻝ ﻟﺒﻮﺷﻌﻴﺐ.. ﺣﻤﻴﺪ: ﺃﻧﺎ ﺩﺍﺑﺎ ﻋﺎﻭﺩﺕ ﻟﻴﻚ ﻛﻠﺸﻲ ﻋﻠﻴﺎ ﻭﻫﺎﺩﺷﻲ ﻗﻠﺘﻮ ﻟﻴﻚ ﺑﺎﺵ ﺗﻘﺒﻞ ﺗﺰﻭﺟﻨﻲ ﺑﻨﺘﻚ ﻭﻛﻨﻮﺍﻋﺪﻙ ﺃﻋﻤﻲ ﻏﻨﺘﻬﻼ ﻓﻴﻬﺎ ﺑﺤﺎﻻﺵ.. ﺑﻮﺷﻌﻴﺐ:(ﻣﻦ ﺍﻟﻔﺮﺣﺔ ﺩﺍﺥ ﻣﻌﺮﻑ ﻣﺎﻳﺪﻳﺮ ﺍﻟﺴﻌﺪﻳﺔ ﺣﺸﻤﺖ ﻭﻫﺮﺑﺖ)ﺗﺘﻲ ﻃﻠﻘﻲ ﺷﻲ ﺗﺰﻏﺮﻳﺘﺔ ﺃﻣﻠﻴﻜﺔ..ﻓﻴﻦ ﻧﻠﻘﺎ ﺑﺤﺎﻟﻚ ﺃﺳﻲ ﻟﻤﻬﻨﺪﻳﺰ.. ﺣﻤﻴﺪ: ﻟﻬﻼ ﻳﺨﻄﻴﻚ ﺃﻋﻤﻲ.. ﻭﻓﻌﻼ ﺧﻄﺒﻬﺎ ﻣﻦ ﻋﻨﺪ ﺑﺎﻫﺎ ﺑﻮﺣﺪﻭ ﻭﻣﻠﻠﻲ ﻗﺎﻟﻬﺎ ﻟﺪﺍﺭﻫﻢ ﻣﺎﺑﻐﺎﻭﺵ ﻟﻴﻪ ﻭﺑﻘﺎﻭ ﻳﻐﻮﺗﻮ ﻋﻠﻴﻪ ﻭﻳﻘﻮﻟﻮ ﻟﻴﻪ ﻭﺍﺧﺎ ﻳﻜﻮﻧﻮ ﺍﻟﺒﻨﺎﺕ ﺗﻘﻄﻌﻮ ﻣﻦ ﺍﻟﺪﻧﻴﺎ ﺗﺎﺧﺪ ﻭﺣﺪﺓ ﺑﺤﺎﻝ ﻫﺎﺩﻱ ﻻ ﺯﻳﻦ ﻻ ﺛﻘﺎﻓﺔ ﻻ ﻧﺴﺐ ﻳﺸﺮﻑ ﻻ ﻭﺍﻟﻮ.. ﺣﻤﻴﺪ: ﺍﻧﺎ ﺍﻟﻠﻲ ﻏﻨﺘﺰﻭﺝ ﻣﺎﺷﻲ ﻧﺘﻮﻣﺎ ﻭﺍﻧﺎ ﺑﺎﻏﻴﻬﺎ ﺑﻨﺖ ﺍﻟﻌﺮﻭﺑﻴﺔ ﻣﺎﺧﺪﺍﻣﺔ ﻣﺎﻭﺍﻟﻮ ﻭﺍﻟﺰﻳﻦ ﺯﻳﻦ ﺍﻟﻔﻌﻞ ﻭﻫﺎﺩ ﺍﻟﺒﻨﺖ ﻋﺠﺒﺘﻨﻲ ﺣﻴﺖ ﻧﻴﺔ ﻭﺣﺪﺓ.. ﺍﻟﻤﻬﻢ ﺑﻘﺎ ﻣﻌﺎﻫﻢ ﺗﺎﻗﻨﻌﻬﻢ ﻭﻗﺎﻟﻮ ﻟﻴﻪ ﻋﻮﻡ ﻓﺒﺤﺮﻙ ﻣﻌﺎﻫﺎ ﺍﻧﺖ ﺗﻌﺮﻑ.. ﻭﻣﺸﺎﻭ ﻳﺨﻄﺒﻮﻫﺎ ﻟﻴﻪ ..ﺍﻟﺴﻌﺪﻳﺔ ﻫﺎﺩ ﺍﻟﻤﺮﺓ ﻛﺎﻧﺖ ﺗﺘﺒﺎﻥ ﻣﺮﺍ ﺩﻳﺎﻝ ﺑﺼﺢ ﺑﺎﻟﻘﻔﻄﺎﻥ .. ﻭﻣﺼﻴﺒﺔ ﺍﻟﺸﻌﺮ ﻭ ﺩﺍﻳﺮﺓ ﺍﻟﻜﺤﻞ ﻭ ﺷﻮﻳﺔ ﺍﻟﻤﻜﻴﺎﺝ..ﺑﺎﻧﺖ ﻣﺎﺑﻴﻬﺎﺵ.. ﻭﺍﺧﺎ ﻣﺎﻣﺎﺕ ﺣﻤﻴﺪ ﻣﻜﻨﺘﺶ ﺣﺎﻣﻼﻫﺎ .. ﺍﻟﻤﻬﻢ ﺩﺍﺯ ﺩﺍﻙ ﺍﻟﻨﻬﺎﺭ ﻣﻌﺮﺿﻮ ﻋﻠﻰ ﺣﺪ ﺗﺎﻟﻌﺮﺱ ﻗﺎﻟﻮ ﻋﺎﺩ ﻧﻌﺮﺿﻮ ﺍﻟﻨﺎﺱ.. ﻭﻣﻠﻠﻲ ﺩﺍﺭﻭ ﺍﻟﻌﻘﺪ ﺑﺪﺍﻭ ﻳﻮﺟﺪﻭ ﻟﻠﻌﺮﺱ .. ﻭﺗﻤﺎﻙ ﻋﺮﺿﻮ ﻋﻠﻰ ﺍﻟﻨﺎﺱ ﻭﻋﻠﻰ ﻓﺎﻃﻨﺎ ﻭﺑﻨﺎﺗﻬﺎ ..ﻭﻛﺎﻧﺖ ﺻﺪﻣﺔ ﺳﻠﻤﻰ ﻛﺒﻴﺮﺓ ﻣﻠﻠﻲ ﻋﺮﻓﺎﺕ ﺍﻟﻌﺮﻳﺲ ﻫﻮ ﺣﻤﻴﺪ.. ﻓﺎﺵ ﺳﻤﻌﺖ ﺍﻟﺴﻌﺪﻳﺔ ﺗﺰﻭﺟﺎﺕ ﻭﺑﺎﻗﻴﻠﻴﻬﺎ ﻏﺎ ﺍﻟﻌﺮﺱ ﻳﺼﺤﺎﺑﻠﻴﻬﺎ ﺷﻲ ﻭﺍﺣﺪ ﻣﻦ ﺍﻟﺪﻭﺍﺭ..ﺗﺎﺻﺪﻣﺘها ﻣﻬﺎ ﺑﺎﻟﻠﻲ ﻫﻮ ﺣﻤﻴﺪ.. ﻣﺎﺯﺍﺩﺕ ﺗﺎﻛﻠﻤﺔ ﻭﺩﺧﻠﺖ ﻟﺒﻴﺘﻬﺎ ﻭﺑﻘﺎﺕ ﺗﺒﻜﻲ..ﻣﻔﻬﻤﺘﺶ ﻋﻼﺵ ﺍﻟﺴﻌﺪﻳﺔ ﺑﺎﻟﺬﺍﺕ ﺍﻟﻠﻲ ﻻﺯﻳﻦ ﻻ ﻋﻘﻞ ﻳﺎﺧﺪﻫﺎ ﻭﺍﺣﺪ ﺑﺤﺎﻝ ﺣﻤﻴﺪ..ﻛﺎﻧﺖ ﻏﻴﺮﺓ ﺳﻠﻤﻰ ﻛﺒﻴﻴﻴﺮﺓ ﺑﺰﺍﺍﺍﻑ ﻭﻟﻜﻦ ﻣﺎﺑﻴﺪﻫﺎ ﻣﺎﺩﻳﺮ ﺻﺎﻓﻲ ﺍﻟﻨﺎﺱ ﺗﺰﻭﺟﻮ ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﻠﻲ ﻗﺎﻟﺖ ﺍﻧﻬﺎ ﻣﻐﺘﺤﻀﺮﺵ ﻟﻠﻌﺮﺱ ﺑﺎﺵ ﻣﺘﺰﻳﺪﺵ ﺗﻔﻘﺲ
ﺝ8: ﻭﺻﻞ ﻭﻗﺖ ﺍﻟﻌﺮﺱ...ﻭﺍﻟﺴﻌﺪﻱﺓ ﻣﺎﻗﺎﺩﺍﻫﺎ ﻓﺮﺣﺔ ﻣﻤﺘﻴﻘﺎﺵ ﺍﻧﻬﺎ ﺩﺍﺕ ﺣﻤﻴﺪ ﻭﻛﺎﻉ ﺍﻟﺒﻨﺎﺕ ﻭﺍﻟﻌﻴﺎﻻﺕ ﺍﻟﻠﻲ ﻛﺎﻧﻮ ﺗﻴﻀﺤﻜﻮ ﻋﻠﻰ ﻫﺒﺎﻟﻬﺎ ﺗﻔﻘﺴﻮﻭﻭﻭ ﺣﻴﺖ ﻫﺒﺎﻟﻬﺎ ﻫﻮ ﺍﻟﻠﻲ ﺟﺪﺏ ﻟﻴﻬﺎ ﺣﻤﻴﺪ.. ﺍﻟﻤﻬﻢ ﺩﺍﺯ ﺍﻟﻌﺮﺱ ﻣﺰﻳﺎﻥ ﻣﺎﺯﺑﻠﺘﻬﺎﺵ ﻓﻌﺮﺳﻬﺎ ﻣﻬﺎ ﺑﻘﺎﺕ ﺣﺎﺿﻴﺎﻫﺎ ﻻﺗﻜﺤﻠﻬﺎ ﺍﻟﺴﺎﻋﺔ ﻛﻠﺸﻲ ﺩﺍﺯ ﻣﺰﻳﺎﺍﺍﻥ..ﻭﻭﻣﺸﺎﺕ ﻣﻊ ﺭﺍﺟﻠﻬﺎ ﺑﺎﻟﺒﻜﺎ..ﻭﺍﺧﺎ ﻫﻜﺎﻙ ﻣﺴﺨﺎﺗﺶ ﺑﺎﻟﺪﻭﺍﺭ ﻭﺑﻤﻬﺎ..ﻭﺗﺎﻣﻠﻴﻜﺔ ﻭﺍﺧﺎ ﺗﻔﻜﺎﺕ ﻣﺎﺳﺨﺎﺗﺶ ﺑﻴﻬﺎ ﻭﺑﻜﺎﺍﺍﺍﺕ ﻋﻠﻰ ﻓﺮﺍﻗﻬﺎ .. ﺍﻟﻤﻬﻢ ﺩﺧﻠﺖ ﺍﻟﺴﻌﺪﻳﺔ ﻟﺪﺍﺭ ﺭﺍﺟﻠﻬﺎ ﻭﻫﻲ ﺗﺤﻞ ﻓﻤﻬﺎ.. ﺍﻟﺴﻌﺪﻳﺔ: ﻭﺍﺵ ﻫﺎﺩﻱ ﻫﻲ ﺍﻟﺪﺍﺭﻭ؟؟ ﺣﻤﻴﺪ: ﺃﻩ ﺃﺣﺒﻴﺒﺔ ﻫﺎﺩﻱ ﻫﻲ ﺩﺍﺭﻧﺎ..ﺍﻧﺎ ﻭﻳﺎﻙ..ﻋﺠﺒﺎﺗﻚ..؟؟ﺍﻟﻰ ﻣﻌﺠﺒﺎﺗﻜﺶ ﺷﻲ ﺣﺎﺟﺔ ﻧﺒﺪﻟﻮﻫﺎ.. ﺍﻟﺴﻌﺪﻳﺔ: ﻫﺎﻭﻳﻠﻲ ﻋﻠﻰ ﻣﺘﻌﺠﺒﻨﻴﺶ!! ﻫﺎﺩﻱ ﺭﺍﻫﺎ ﻗﺼﺮ ﻣﺎﺷﻲ ﺩﺍﺭ.. ﺣﻤﻴﺪ: ﻫﻬﻬﻪ ﻭﺍﺧﺎ ﺍﻻﻟﺔ ﻣﺮﺣﺒﺎ ﺑﻚ ﻓﺎﻟﻘﺼﺮ ﺩﻳﺎﻟﻚ.. ﺍﻟﻤﻬﻢ ﺩﻭﺯﻭ ﺍﻟﻠﻴﻠﺔ ﺍﻻﻭﻟﻰ ﺑﺤﺎﻝ ﻛﺎﻉ ﺍﻟﻌﺮﺳﺎﻥ..ﻭﺍﻟﺼﺒﺎﺡ ﺟﺎﻭ ﺩﺍﺭ ﺍﻟﺴﻌﺪﻳﺔ ﻭﺩﺍﺭ ﺣﻤﻴﺪ ﺟﺎﺑﻮ ﺍﻟﻔﻄﻮﺭ.. ﺩﺍﺯ ﺍﻟﻨﻬﺎﺭ ﺑﺨﻴﺮ ﻓﺮﺣﻮ ﺍﻟﻨﺎﺱ ﻭﻧﺸﻄﻮﻭﻭ.. ﻭﺑﻘﺎﺕ ﺍﻟﺴﻌﺪﻳﺔ ﺳﻴﻤﺎﻧﺔ ﺩﺍﻳﺨﺔ ﻓﺪﻳﻚ ﺍﻟﺪﺍﺭ ﻣﻌﺮﻓﺖ ﺑﺎﺵ ﺗﺒﺪﺍ.. ﺍﻟﺴﻌﺪﻳﺔ: ﻻ ﻻ ﻻ ﻫﺎﺩﺷﻲ ﻣﺎﺷﻲ ﺑﺤﺎﻝ ﺧﻴﻤﺘﻨﺎ..ﻫﺎﺩﺷﻲ ﻗﺎﺳﺢ ﻋﻠﻴﺎ..ﻫﺎﻭﻳﻠﻲ(ﺷﺎﻓﺖ ﺍﻟﻔﺮﺍﻥ ﺩﻳﺎﻝ ﺍﻟﻀﻮ ﻭﺷﻲ ﺃﺟﻬﺰﺓ ﻛﻬﺮﺑﺎﺋﻴﺔ)ﻫﺎﺩﺷﻲ ﺷﻨﻮﻫﻮ؟!!! ﻣﻔﻬﻤﺖ ﻭﺍﻟﻮ ﻓﺪﺍﻛﺸﻲ ﺣﻠﺖ ﺍﻟﺜﻼﺟﺔ ﺗﺎﻫﻲ ﻣﻌﺮﻓﺖ ﺍﺵ ﺩﺍﻛﺸﻲ ﺍﻟﻠﻲ ﻓﻴﻬﺎ ﺍﻟﻤﻬﻢ ﺑﻘﺎﺕ ﺩﺍﻳﺨﺔ ﺗﺎﺟﺎ ﺣﻤﻴﺪ ﻣﻦ ﺍﻟﺨﺪﻣﺔ ﻟﻘﺎﻫﺎ ﺟﺎﻟﺴﺔ ﺗﺘﺒﻜﻲ ..ﻭﻣﺎﺩﺍﺭﺕ ﻻ ﻏﺪﺍ ﻻ ﻭﺍﻟﻮ..ﻭﺳﻮﻟﻬﺎ: ﺣﻤﻴﺪ: ﺍﻟﺴﻌﺪﻳﺔ!!! ﻣﺎﻟﻚ؟؟؟ ﺍﻟﺴﻌﺪﻳﺔ: ﺷﻮﻑ ﺃﺣﻤﻴﻴﻴﺪ!! ﺍﻧﺎ ﺭﺍ ﻋﺎﺭﻓﺔ ﺭﺍﺳﻲ ﻋﺮﻭﺑﻴﺔ ﻭﻣﻜﻠﺨﺔ.. ﺣﻤﻴﺪ: ﻣﺘﻘﻮﻟﻴﺶ ﻋﻠﻰ ﺭﺍﺳﻚ ﻫﺎﻛﺔ.. ﺍﻟﺴﻌﺪﻳﺔ: ﺭﺍﻧﻲ ﺩﺧﺖ ﻭﺍﻟﻠﻪ ﻣﻌﺮﻓﺖ ﺑﺎﺵ ﻧﺒﺪﺍ ﺍﻧﺎ ﻣﻮﻟﻔﺘﺶ ﻫﺪﺷﻲ ﻓﺪﺍﺍﺍﺭﻧﺎ.. ﺣﻤﻴﺪ: ﻫﻲ ﻣﺪﺭﺗﻲ ﻏﺪﺍ..ﺯﻋﻤﺎ ﺭﺍﻧﻲ ﻣﻘﺪﻱ ﻛﻠﺸﻲ.. ﺍﻟﺴﻌﺪﻳﺔ: ﺣﻨﺎ ﻛﻨﺎ ﻧﺼﺒﻮ ﻋﻞ ﺍﻟﻌﻮﺍﺩ ﻭﻫﻨﺎ ﻣﻌﺮﻓﺖ ﻣﻨﺪﻳﺮ.. ﺣﻤﻴﺪ: ﻭﺍﺧﺎ ﺃﻻﻟﺔ ﻟﻴﻮﻡ ﻏﻨﺠﻴﺒﻮ ﺍﻟﻐﺪﺍ ﻣﻦ ﺑﺮﺍ ﺻﺎﻓﻲ..ﻭﻟﻜﻦ ﻏﺪﺍ ﻏﻨﺼﻴﻔﻂ ﻟﻴﻚ ﻭﺍﺣﺪ ﺍﻟﺒﻨﺖ ﺑﻨﺖ ﺧﺎﻟﺘﻲ ﻏﺎﺩﻱ ﺗﻌﻠﻤﻚ ﻛﻠﺸﻲ ﺷﻬﺮ ﻭﺍﺣﺪ ﺗﻮﻟﻲ ﻃﻴﺎﺭﺓ.. ﺍﻟﺴﻌﺪﻳﺔ: ﻭﺍﺧﺎ ﺃﺣﻤﻴﺪ.. ﺍﻟﻤﻬﻢ ﺩﺍﻛﺸﻲ ﺍﻟﻠﻲ ﻛﺎﻥ..ﺟﺎﺕ ﻣﺮﻭﺓ ﺑﻨﺖ ﺧﺎﻟﺔ ﺣﻤﻴﺪ ﺗﺠﻠﺲ ﻣﻌﺎﻫﺎ ﺷﻲ ﻳﺎﻣﺎﺕ ﻭﺗﻮﺭﻳﻬﺎ ﻛﻠﺸﻲ..ﺍﻟﺴﺎﻋﺔ ﺍﻟﺴﻌﺪﻳﺔ ﺭﺩﺍﺕ ﻟﻴﻬﺎ ﻋﻘﻠﻬﺎ ﻟﻮﻭﻭﺭ ﺑﻬﺒﺎﻟﻬﺎ..ﻫﻬﻪ ﺃﻭﻝ ﻧﻬﺎﺭ ﺟﺎﺕ ﻓﻴﻪ ﻣﺮﻭﺓ ﻛﺎﻧﺖ ﻣﺼﺪﻭﻣﺔ ﻣﻦ ﺍﻟﺴﻌﺪﻳﺔ ﻣﻦ ﺍﻟﻌﺮﺱ ﻭﺯﺍﺩﺕ ﺗﺼﺪﻣﺎﺕ ﻓﺎﺵ ﺷﺎﻓﺘﻬﺎ ﻛﻴﻔﺎﺵ ﺗﺘﻌﺎﻣﻞ ﺑﻬﻤﺠﻴﺔ ﻣﻊ ﺃﻱ ﺣﺎﺟﺔ ﻭﻣﻔﻬﻤﺘﺶ ﺍﺷﻨﻮ ﺟﺪﺏ ﻭﻟﺪ ﺧﺎﻟﺘﻬﺎ ﻟﺒﺤﺎﻝ ﻫﺎﺩﻱ..ﻭﻟﻜﻦ ﻛﺎﻧﺖ ﺑﺎﻏﻴﺔ ﺗﻌﺎﻭﻧﻬﺎ..ﻣﺸﺎ ﺣﻤﻴﺪ ﻟﺨﺪﻣﺘﻮ ﻭﺧﻼﻫﺎ ﻣﻌﺎﻫﺎ ﺑﺪﺍﺕ ﺗﺘﻬﻀﺮ ﻫﻲ ﻭﻳﺎﻫﺎ: ﻣﺮﻭﺓ: ﺍﻟﺴﻌﺪﻳﺔ ﺧﺘﻲ! ﺧﺎﺻﻚ ﺗﻌﺮﻓﻲ ﺑﺎﻟﻠﻲ ﺩﺍﺑﺎ ﺣﻴﺎﺗﻚ ﺗﺒﺪﻻﺕ 180° ﻧﺘﻲ ﺩﺍﺑﺎ ﻣﺮﺍ ﻣﺰﻭﺟﺔ ..ﻭﻣﺎﺷﻲ ﻣﻦ ﺃﻱ ﻭﺍﺣﺪ ..ﻣﻦ ﺍﻟﺴﻲ ﺣﻤﻴﺪ ﺍﻟﻤﻬﻨﺪﺲ..ﺷﻮﻓﻲ ﻓﺠﻨﺎﺑﻚ ﻭﻏﺘﻌﺮﻓﻲ ﺍﺷﻨﻮ ﺩﺍﻳﺮ ﺑﻴﻚ.... ﺑﺪﺍﺕ ﺍﻟﺴﻌﺪﻳﺔ ﺗﺘﻠﻔﺖ ﻭﻫﻲ ﺗﻘﻮﻟﻴﻬﺎ: ﺍﻟﺴﻌﺪﻳﺔ: ﺩﺍﻳﺮﻳﻦ ﺑﻲ ﻏﺎ ﻟﻤﺴﺎﻧﺪ ﺃﺧﺘﻲ ﻣﺎﺍﺍﺭﻭﺓ.. ﻣﺮﻭﺓ:ﭘﻔﻔﻔﻔﻒ ﻭﺍﺧﺎ..ﻏﻨﺪﻳﻚ ﻋﻠﻰ ﻗﺪ ﻋﻘﻠﻚ..ﺍﻟﻤﻬﻢ ﺃﻭﻝ ﺩﺭﺱ ﻟﻲ ﻣﻌﺎﻙ ﻫﻮ ﻧﻮﺭﻳﻚ ﻫﺎﺩ ﺍﻻﺟﻬﺰﺓ ﺍﻟﻠﻲ ﻓﺎﻟﺪﺍﺭ ﻻ ﺗﺘﺼﻼﺡ ﻭﻛﻴﻔﺎﺵ ﺗﺘﺨﺪﻡ.. ﺍﻟﺴﻌﺪﻳﺔ: ﺷﻮﻭﻭﻓﻲ..ﺍﻧﺎ ﺭﺍ ﻭﺍﺧﺎ ﻫﻮﻛﺎﻙ ﺭﺍﺳﻲ ﺧﻔﻴﻴﻴﻴﻒ ﺗﻘﻮﻟﻲ ﻟﺤﺎﺟﺔ ﻣﺮﺓ ﻭﺣﺪﺓ ﻣﻌﺎﻳﺎ..ﻏﻴﺮ ﺳﻴﺮﻱ ﻋﻠﻰ ﺍﻟﻠﻪ.. ﺍﻟﻤﻬﻢ ﺑﻘﺎﺕ ﻣﺮﻭﺓ ﺗﺘﻌﻠﻢ ﻓﻴﻬﺎ ﻭﺗﺘﻔﻬﻤﻬﺎ ﺑﻠﻮﻏﺘﻬﺎ ..ﺍﻟﻨﻬﺎﺭ ﻛﺎﻣﻞ ﻭﻫﻲ ﻣﻌﺎﻫﺎ..ﻭﺍﻟﺤﻤﺪ ﻟﻠﻪ ﻓﻬﻤﺖ ﺷﻮﻳﺔ ﻭﻛﺎﻧﺖ ﺑﺎﻳﻨﺔ ﺑﺎﻟﻠﻲ ﻣﻊ ﺍﻟﻮﻗﺖ ﻏﺘﻔﻬﻢ ﻣﺰﻳﺎﻥ .. ﻭﻣﻠﻠﻲ ﻛﻤﻠﻮ ﻣﻦ ﻫﺎﺩﺷﻲ ﻗﺎﻟﺘﻠﻴﻬﺎ ﻏﺪﺍ ﺍﻥ ﺷﺎﺀ ﺍﻟﻠﻪ ﻏﻨﻌﻠﻤﻚ ﺣﻮﺍﻳﺞ ﺧﺮﺍﻳﻦ..ﻭﺍﻟﺴﻌﺪﻳﺔ ﻓﺮﺣﺎﺍﺕ ﻭﻗﺎﻟﺘﻠﻴﻬﺎ ﺍﻩ ﻭﺍﺧﺎ ﺧﺘﻲ .. ﺍﻟﻤﻬﻢ ﺍﻟﻐﺪ ﻟﻴﻪ ﺭﺍﺟﻌﺎﺕ ﻣﻌﺎﻫﺎ ﺩﺍﻛﺸﻲ ﺍﻟﻠﻲ ﻋﻠﻤﺘﻬﺎ ﻭﻟﻘﺎﺗﻬﺎ ﺷﺪﺍﺕ ﺷﻮﻳﺔ ﻭﺍﺧﺎ ﻫﻜﺎﻙ ﻭﺗﻌﻠﻤﺖ ﻛﻴﻔﺎﺵ ﺗﺨﺪﻡ ﺩﺍﻛﺸﻲ.. ﻭﺑﺪﺍﺕ ﻣﻌﺎﻫﺎ ﻓﻄﺮﻳﻘﺔ ﺍﻟﻠﺒﺲ ﻗﺎﻟﺘﻠﻴﻬﺎ ﺍﻭﻝ ﺣﺎﺟﺔ ﻏﻨﺨﺮﺟﻮ ﻧﺘﻘﺪﺍﻭ ﺣﻮﺍﻳﺞ ﻟﻴﻚ ﻳﺠﻴﻮ ﻣﻌﺎﻙ ﻭ ﻣﻦ ﺑﻌﺪ ﻏﻨﻮﺭﻳﻚ ﻛﻴﻔﺎﺵ ﺗﺘﻬﻼﻱ ﻓﺮﺍﺳﻚ ﻭﻓﻲ ﺍﻻﺧﻴﺮ ﻏﻨﻌﻠﻤﻚ ﻃﺮﻳﻘﺔ ﺍﻟﻬﻀﺮﺓ ﻭ ﺍﻟﻤﺸﻴﺔ .. ﺍﻟﻤﻬﻢ ﻣﺮﺓ ﺑﻘﺎﺕ ﻣﻊ ﺍﻟﺴﻌﺪﻳﺔ ﻣﺪﺓ ﺷﻬﺮ ﻭﻧﺺ ﻭﻫﻲ ﺗﺘﻌﻠﻢ ﻓﻴﻬﺎ ﻛﻠﺸﻲ ﺣﺘﻰ ﺍﻧﺘﻘﻠﺖ ﻣﻦ ﺍﻟﺴﻌﺪﻳﺔ ﺍﻟﻬﺒﻴﻠﺔ ﺍﻟﻤﺸﻌﻜﻜﺔ ﻟﺒﻨﺖ ﻛﻠﻬﺎ ﺃﻧﻮﺛﺔ ﻭﻟﺒﺎﻗﺔ..ﻭﻧﻘﺼﺎﺕ ﺑﺰﺍﻑ ﻣﻦ ﺍﻟﻬﺒﺎﻝ..ﺍﻟﻠﻲ ﻛﺎﻥ ﻣﻐﻄﻲ ﻟﻴﻬﺎ ﻋﻠﻰ ﺃﻧﻮﺛﺘﻬﺎ .. ﺍﻟﺴﻌﺪﻳﺔ ﺑﺪﺍﺕ ﺗﺘﺴﺘﻮﻋﺐ ﺍﻟﻤﻜﺎﻧﺔ ﺍﻟﻠﻲ ﻭﻻﺕ ﻓﻴﻬﺎ ﻭﺣﻴﺖ ﻭﻻﺕ ﺗﺘﺒﻐﻲ ﺭﺍﺟﻠﻬﺎ ﺣﻤﻴﺪ ﺣﺎﻭﻻﺕ ﺗﺘﺒﺪﻝ ﻋﻠﻰ ﻭﺩﻭ.. ﻭﺍﺧﺎ ﻫﻜﺎﻙ ﺩﻳﻚ ﺍﻟﺴﺬﺍﺟﺔ ﺩﻳﺎﻟﻬﺎ ﻣﺘﺒﺪﻻﺗﺶ ﺣﻴﺖ ﻫﻜﺎﻙ ﺧﻠﻘﻬﺎ ﺍﻟﻠﻪ ﻭﻟﻜﻦ ﻋﻠﻰ ﺍﻻﻗﻞ ﻗﺎﺩﺍﺕ ﺣﺎﻟﺘﻬﺎ ﻭﺣﺎﻭﻻﺕ ﺗﻜﻮﻥ ﺍﻟﻤﺮﺍ ﺍﻟﻠﻲ ﺗﻴﺤﻠﻢ ﺑﻴﻬﺎ
ﺝ9: ﺣﻤﻴﺪ ﻓﺮﺡ ﺑﺰﺍﺍﺍﺍﻑ ﺣﻴﺖ ﺍﻟﺴﻌﺪﻳﺔ ﺗﺒﺪﻻﺕ ﻫﺎﻛﺔ..ﻭﻗﺮﺭ ﺃﻧﻮ ﻳﻌﺮﺽ ﻋﻠﻴﻬﺎ ﻟﻠﻌﺸﺎ ﻋﻠﻰ ﺑﺮﺓ..ﻭﻣﻨﻬﺎ ﻳﺸﻮﻑ ﺍﻟﺘﻐﻴﻴﺮ ﺍﻟﻜﺒﻴﺮ ﺍﻟﻠﻲ ﺗﻐﻴﺮﺍﺗﻮ .. ﻣﺸﺎﻭ ﻟﻤﻄﻌﻢ ﺭﺍﻗﻲ ﺑﺎﺵ ﻳﺘﻌﺸﺎﻭ..ﺍﻟﺴﻌﺪﻳﺔ ﺍﺭﺗﺎﺑﻜﺎﺕ ﺑﺰﺍﺍﻑ ﺣﻴﺖ ﻣﻤﻮﻟﻔﺎﺵ ﻫﺎﺩ ﺍﻟﺠﻮ..ﻭﺍﻭﻝ ﻣﺎﺟﻠﺴﺖ ﺑﺎﻥ ﺍﻻﺭﺗﺒﺎﻙ ﺩﻳﺎﻟﻬﺎ ﺣﻴﺖ ﺑﺎﻟﻘﻔﻘﺎﻓﺔ ﺍﻟﻠﻲ ﻓﻴﻬﺎ ﻗﻠﺒﺎﺕ ﺍﻟﻜﻴﺴﺎﻥ ﻭﺍﻟﻄﺒﺎﺳﻞ ﺍﻟﻠﻲ ﻛﺎﻧﻮ ﻗﺪﺍﻣﻬﺎ..ﻭﺗﻤﺎﻙ ﺧﺮﺟﺖ ﻟﻴﻬﺎ ﺷﺨﺼﻴﺔ ﺍﻟﺴﻌﺪﻳﺔ ﺑﻨﺖ ﺍﻟﻌﺮﻭﺑﻴﺔ ..ﻭﺑﺪﺍﺕ ﺗﻐﻮﺕ.. ﺍﻟﺴﻌﺪﻳﺔ: ﻫﻨﺎﺭﻱ ﻣﻤﻲ ﻫﻨﺎﺍﺍﺭﻱ ﺳﻤﺤﻠﻲ ﺁﺧﻮﻭﻳﻲ(ﺗﺪﻭﻱ ﻣﻊ ﺍﻟﻨﺎﺩﻝ) ﻭﺑﺪﺍﺕ ﺗﺘﺠﻤﻊ ﻓﻲ ﺍﻟﺰﺍﺝ ﻭﻫﻮﻣﺎ ﺗﻴﻘﻮﻟﻮ ﻟﻴﻬﺎ ﻣﻜﺎﻳﻦ ﺑﺎﺱ ﺍﻻﻟﺔ ﻏﻴﺮ ﺟﻠﺴﻲ ﻭﻫﻲ ﺗﺘﺤﻠﻒ ﻭﺗﻌﺎﻭﺩ ﻻ ﻭﺍﻟﻮ ﺍﻧﺎ ﺍﻟﻠﻲ ﻫﺮﺳﺘﻬﻢ ﻧﺠﻤﻌﻬﻢ..ﻭﺣﻤﻴﺪ ﻃﻠﻌﻠﻮ ﺍﻟﺪﻡ ﻭﻣﺸﻌﺮﺵ ﺑﺮﺍﺳﻮ ﺣﺘﻰ ﺑﺪﺍ ﻳﻐﻮﻭﻭﻭﺕ .. ﺣﻤﻴﻴﻴﺪ: ﻭﺍﺍﺍﺻﺎﻓﻲ ﻣﺎﻟﻚ ﻣﺘﺘﺴﻤﻌﻴﺶ ؟؟؟ ﺧﻠﻲ ﺍﻟﻨﺎﺱ ﻳﺪﻳﺮﻭ ﺧﺪﻣﺘﻬﻢ ﻭﻻ ﺗﻴﺼﺤﺎﺑﻠﻴﻚ ﺭﺍﺳﻚ ﻓﺎﻟﺪﻭﺍﺭ؟ ﺍﻟﻨﺎﺱ ﺍﻟﻠﻲ ﺟﺎﻟﺴﻴﻦ ﻓﺎﻟﻤﻄﻌﻢ ﺑﺪﺍﻭ ﻳﻀﺤﻜﻮ ﻭﻳﻘﻮﻟﻮ ﺩﺍﻛﺸﻲ ﺍﻟﻠﻲ ﻗﻠﻨﺎ ﻫﺎﺩ ﺍﻻﺷﻜﺎﻝ ﻏﺘﻜﻮﻥ ﺟﺎﻳﺔ ﻏﻴﺮ ﻣﻦ ﺍﻟﻌﺮﻭﺑﻴﺔ.. ﺣﻤﻴﺪ ﻣﺮﺿﺎﺵ ﺣﻂ ﻓﻠﻮﺱ..ﻭﺟﺮﻫﺎ ﻭﺧﺮﺟﻮ.. ﺍﻟﺴﻌﺪﻳﺔ ﺃﻭﻝ ﻣﺮﺓ ﻓﺤﻴﺎﺗﻬﺎ ﺗﺤﺲ ﺑﺎﻹﺣﺮﺍﺝ ﻭﺗﺤﺲ ﺑﺎﻟﻠﻲ ﺗﺠﺮﺣﺎﺕ .. ﺭﻛﺒﺖ ﻓﺎﻟﻄﻮﻧﻮﺑﻴﻞ ﻭﻣﻨﻄﻘﺖ ﺑﺘﺎﻛﻠﻤﺔ ﻭﻟﻜﻦ ﺩﻣﻮﻋﻬﺎ ﻣﺘﺤﺒﺴﻮﺵ ..ﻭﻗﺎﻟﺖ: ﺍﻟﺴﻌﺪﻳﺔ: ﻣﻠﻮﻝ ﻛﻨﺖ ﻋﺎﺭﻓﺔ ﺑﺎﻟﻠﻲ ﺣﻨﺎ ﻣﺎﺷﻲ ﻟﺒﻌﻀﻴﺎﺗﻨﺎ..ﻭﻟﻴﻦﻱ ﻗﻠﺖ ﻣﺘﻌﺮﻓﻲ ﻳﺎ ﻟﻬﺒﻴﻠﺔ ﺗﻜﻮﻥ ﺍﻟﺪﻧﻴﺎ ﺑﻐﺎﺕ ﺗﻀﺤﻚ ﻟﻚ.. ﻭﻫﺎﺩ ﻭﻟﺪ ﺍﻟﻨﺎﺱ ﻳﻜﻮﻥ ﻗﺎﺑﻠﻚ ﺑﻬﺒﺎﻟﻚ.. ﻭﻟﻴﻨﻲ ﻣﺎﻛﺎﻳﻦ ﺑﺎﺱ.. ﺣﻤﻴﺪ: ﻣﻔﻬﻤﺘﺶ ﻋﻼﺵ ﺗﺪﻳﺮﻱ ﻟﻲ ﻫﺎﻛﺔ ؟ ﻭﺍﺵ ﺍﻧﺎ ﻋﺪﻭﻙ..ﺍﻧﺎ ﻣﺎﺑﺎﻏﻲ ﻣﻨﻚ ﻭﺍﻟﻮ ﻣﻦ ﻏﻴﺮ ﺗﻜﻮﻧﻲ ﻋﺎﻳﺸﺔ ﻣﺰﻳﺎﻥ ﻭﻓﻤﺴﺘﻮﻯ ﺯﻭﻳﻦ..ﻋﻴﺸﺔ ﺍﻟﻌﺮﻭﺑﻴﺔ ﻧﺴﺎﻳﻬﺎ ﻛﻮﻧﻲ ﺑﺤﺎﻝ ﻫﺎﺩ ﺍﻟﻌﻴﺎﻻﺕ ﺍﻟﻠﻲ ﺗﻴﻌﺮﻓﻮ ﻟﻜﻠﺸﻲ ﺑﺎﺵ ﻓﺎﻳﺘﻴﻨﻚ ؟؟ ﺍﻟﺴﻌﺪﻳﺔ: ﺣﻤﻴﺪ ﺑﻐﻴﺖ ﻧﻌﺲ .. ﺣﻤﻴﺪ: ﻫﺎﺣﻨﺎ ﻏﺎﺩﻳﻴﻦ ﻟﻠﺪﺍﺭ.. ﺍﻟﺴﻌﺪﻳﺔ ﻣﺎﺑﻘﺎﺕ ﻧﻄﻘﺖ ﺗﺎﻛﻠﻤﺔ ﻭﺳﻜﺘﺎﺕ ﻭﻓﺎﺵ ﻭﺻﻠﻮ ﻟﻠﺪﺍﺭ ﻣﺒﻐﺎﺕ ﺗﺎﻛﻞ ﻭﺍﻟﻮ ﻗﺎﻟﺘﻠﻮ ﺗﺼﺒﺢ ﻋﻠﻰ ﺧﻴﺮ ﻭﺩﺧﻼﺕ ﺗﻨﻌﺲ.. ﻭﻓﻲ ﺍﻟﺼﺒﺎﺡ ﻏﻴﺮ ﻣﺸﺎ ﻫﻮ ﻟﻠﺨﺪﻣﺔ..ﺟﻤﻌﺖ ﺣﻮﺍﻳﺠﻬﺎ ﻭﻣﺸﺎﺕ ﻟﺪﻭﺍﺭﻫﻢ..ﻣﺸﺎﺕ ﻭﻋﻴﻨﻴﻬﺎ ﻛﻠﻬﻢ ﺩﻣﻮﻉ ﻋﻠﻰ ﻓﺮﺍﻕ ﺣﺒﻴﺒﻬﺎ..ﻣﺸﺎﺕ ﻭﻫﻲ ﻛﻠﻬﺎ ﺣﺴﺮﺓ ﻋﻠﻰ ﺣﺎﻟﻬﺎ ﺍﻟﻠﻲ ﻣﺎﺑﻐﺎ ﻳﺘﻘﺎﺩ ..ﻣﺸﺎﺕ ﻭﻗﻠﺒﻬﺎ ﻛﻠﻠﻮ ﺣﺰﻥ ﺣﻴﺖ ﻣﻘﺪﺭﺍﺗﺶ ﺗﻜﻮﻥ ﺑﺤﺎﻝ ﺍﻟﻌﻴﺎﻻﺕ ..ﻭﻫﺒﺎﻟﻬﺎ ﻣﺎﺑﻐﺎ ﻳﻔﺮﻗﻬﺎ.. ﻏﻴﺮ ﻭﺻﻠﺖ ﻟﻠﺪﻭﺍﺭ ﻣﻬﺎ ﻓﺮﺣﺎﺕ ﺑﻴﻬﺎ ﺗﺼﺤﺎﺑﻬﺎ ﺟﺎﻳﺔ ﻏﻴﺮ ﺗﺸﻮﻓﻬﺎ ..ﻓﺎﺵ ﺟﻠﺴﺎﺕ ﺑﻘﺎﺕ ﺳﺎﻛﺘﺔ: ﻣﻠﻴﻜﺔ: ﻭﺍ ﺑﻨﻴﺘﻲ ﺗﺘﻲ ﻣﺎﻟﻚ !؟ ﻓﻴﻨﻮ ﺣﻤﻴﺪ ؟؟ ﺭﺍ ﻣﻌﺎﻙ ﺗﻨﺪﻭﻱ ﻫﺎﻱ !! ﺍﻟﺴﻌﺪﻳﺔ: ﺟﻴﺖ ﻏﺎ ﻭﺣﺪﻱ ﺃﻣﻤﻲ.. ﻣﻠﻴﻜﺔ: ﺟﺎﻳﺔ ﺗﺸﻮﻓﻴﻨﺎ ﻭﺗﺮﺟﻌﻲ ﻭﻻ ﺟﺎﻟﺴﺔ ﺷﻮﻱ؟ ﺍﻟﺴﻌﺪﻳﺔ: ﺭﺍﺟﻌﺔ ﻟﺪﺍﺭ ﺑﺎ ﺃﻣﻠﻴﻜﺔ.. ﻣﻠﻴﻜﺔ: ﻳﺎﻙ ﻻﺑﺎﺱ ﺃﺑﻨﻴﺘﻲ.. ﺍﻟﺴﻌﺪﻳﺔ ﺍﻧﻔﺠﺮﺍﺕ ﺑﺎﻟﺒﻜﺎﺍﺍ.. ﺍﻟﺴﻌﺪﻳﺔ: ﺃ..ﺃﻧﺎ ﻋﺎﺭﻓﺔ ﺭﺍﺳﻲ ﺃﻣﻤﻲ ﻣﺎﻋﻨﺪﻱ ﺑﻮﻭ ﺍﻟﺰﻫﺮ..(ﺗﺘﺒﻜﻲ) ﻣﻠﻴﻜﺔ: ﻭﺍﺗﺘﻲ ﻋﺎﻭﺩﻱ ﻟﻲ ﺷﻨﻮ ﻃﺎﺭﻱ ﻳﺎﺩﻳﻚ ﺍﻟﻤﺘﻌﻮﺳﺔ..ﺑﺎﻳﻨﺔ ﺯﺑﻠﺘﻴﻬﺎ ..ﻋﺎﺭﻓﺎﻙ ﻫﺒﻴﻠﺔ ﻭﻣﺘﺘﻌﺮﻓﻲ ﺩﻳﺮﻱ ﺗﺎﺣﺎﺟﺔ ﻣﻘﺎﺩﺓ.. ﺍﻟﺴﻌﺪﻳﺔ: ﻏﻴﺮ ﺯﻳﺪﻱ ﻋﻠﻴﺎ ﺃﻣﻤﻲ..ﺍﻩ ﺍﻧﺎ ﻫﺒﻴﻠﺔ ﻭﻫﺎﺩﺷﻲ ﻻﺵ ﺭﺟﻌﺖ ﻟﺪﺍﺭ ﺑﺒﺎ..ﺩﺍﻙ ﺍﻟﺮﺍﺟﻞ ﻏﻴﺮ ﺗﻌﺪﻳﺖ ﻋﻠﻴﻪ ﺃﻣﻤﻲ ﺑﻬﺎﺩ ﺍﻟﺠﻮﺍﺝ ﻫﻮ ﻣﺎﻫﻮ ﻟﻲ ﻭﻻﻧﺎ ﻟﻴﻪ..ﻫﻮ ﺧﺎﺻﻮ ﻣﺮﺍ ﻋﺼﺮﻳﺔ ﻭﺯﻳﻨﺔ ﻭﺍﻧﺎ ﻏﺎﻋﺮﻭﺑﻴﺔ ﻓﻨﻤﺎ ﻣﺸﻴﺖ ﻧﺸﻮﻫﻮ ..ﺻﺎﻓﻲ ﺍﻧﺎ ﺑﺎﻏﺎ ﻧﻄﻠﻖ..
ﺝ10: ﻣﻠﻠﻲ ﺩﺧﻞ ﺣﻤﻴﺪ ﻟﻠﺪﺍﺭ ﻗﻠﺐ ﻋﻠﻰ ﺍﻟﺴﻌﺪﻳﺔ ﺗﺎﻋﻴﺎ ﻣﻠﻘﺎﻫﺎﺵ ﻭﻫﻮ ﻳﻠﻘﺎ ﻭﺍﺣﺪ ﺍﻟﻮﺭﻗﺔ ﻣﻜﺘﻮﺑﺔ ﺑﻮﺍﺣﺪ ﺍﻟﺨﻂ ﺑﺰﺯ ﺑﺎﺵ ﻗﺪﺭ ﻳﻘﺮﺍﻫﺎ ﺣﻴﺖ ﺍﻟﺴﻌﺪﻳﺔ ﻗﺎﺭﻳﺔ ﺣﺪ ﺍﻟﺴﺎﺩﺱ ﺗﺘﻜﺘﺐ ﺷﻮﻳﺔ ﻣﻌﻜﻠﺔ ﻛﺘﺒﺘﻬﺎ: ﻛﺎﺗﺒﺔ ﻟﻴﻪ:( ﺍﻧﺎ ﻣﺸﻴﺖ ﻟﻠﺪﻭﺍﺭ ..ﺍﻧﺎ ﺑﻨﺖ ﺍﻟﻌﺮﻭﺑﻴﺔ ﻭﻣﻌﻤﺮﻧﻲ ﻏﻨﻜﻮﻥ ﺑﻨﺖ ﺍﻟﻤﺪﻳﻨﺔ ﻣﻬﻤﺎ ﻛﺎﻥ..ﺍﺣﺴﻦ ﺣﺎﺟﺔ ﻃﻠﻘﻨﻲ ﻭﺍﻟﻠﻪ ﻳﺴﻬﻞ ﻟﻴﻚ ﻣﻊ ﺍﻟﻠﻲ ﺗﺴﺘﺎﻫﻠﻚ..) ﻏﻴﺮ ﻗﺮﺍ ﺭﺳﺎﻟﺘﻬﺎ ﻭﻫﻲ ﺗﺸﻌﻞ ﻓﻴﻪ ﺍﻟﻌﺎﻓﻴﺔ ﺩﺍﺥ ﻣﺎﻋﺮﻑ ﻣﺎﻳﺪﻳﺮ..ﻓﻬﺎﺩ ﺍﻟﻠﺤﻈﺎﺕ ﻓﻴﻦ ﺗﻴﻌﺮﻑ ﺍﻻﻧﺴﺎﻥ ﻭﺍﺵ ﻗﺎﺩﺭ ﻳﺴﺘﻐﻨﻰ ﻋﻠﻰ ﺍﻟﻄﺮﻑ ﺍﻟﺜﺎﻧﻲ ﻭﻻ ﻻ.. ﺣﻤﻴﺪ ﺣﺲ ﺑﺮﺍﺳﻮ ﺩﺍﺭ ﺧﻄﺄ ﻛﺒﻴﺮ ﻣﻠﻠﻲ ﺟﺮﺣﻬﺎ ﺑﺄﺻﻠﻬﺎ ﻭﺑﺴﺬﺍﺟﺘﻬﺎ ﻭﺣﺲ ﻛﺘﺮ ﺑﺎﻟﻠﻲ ﺑﻼﺻﺘﻬﺎ ﻣﺘﻘﺪﺭ ﺗﻌﻤﺮﻫﺎ ﺗﺎﻭﺣﺪﺓ ﻭﺍﻻﻫﻢ ﻋﺮﻑ ﺍﻧﻮ ﺗﻴﺒﻐﻴﻬﺎ ﺑﺰﺍﺍﺍﻑ ﻭﻣﻴﻘﺪﺭﺵ ﻳﺘﺨﻠﻰ ﻋﻠﻴﻬﺎ ﺩﺍﻛﺸﻲ ﻻﺵ ﻣﺸﺎ ﻃﺎﻳﺮ ﻟﻄﻮﻧﻮﺑﻴﻠﺘﻮ ﺑﺎﺵ ﻳﺘﺒﻌﻬﺎ ﻟﻠﺪﻭﺍﺭ. .ﻭﻫﻮ ﺗﻴﻄﻠﺐ ﺍﻟﻠﻪ ﺑﺎﺵ ﻣﺘﻮﻗﻊ ﻟﻴﻬﺎ ﺗﺎﺣﺎﺟﺔ ﺧﺎﻳﺒﺔ.. ﺍﻟﺴﻌﺪﻳﺔ ﻏﻴﺮ ﻛﻤﻠﺖ ﻫﻀﺮﺗﻬﺎ ﻣﻊ ﻣﻬﺎ ﻭﺩﺧﻠﺖ ﻟﻠﺒﻴﺖ ﻓﻴﻦ ﻛﺎﻧﺖ ﺗﺘﻨﻌﺲ..ﻭﺑﺪﺍﺕ ﺗﻘﻠﺐ ﻓﺤﻮﺍﻳﺠﻬﺎ..ﺍﻟﻘﺪﺍﻡ ﻭﻫﻲ ﺗﻬﺰ ﻭﺍﺣﺪ ﺍﻟﻠﺒﺴﺔ ﻛﺎﻧﺖ ﺗﺘﻠﺒﺴﻬﺎ ﻛﻠﻬﺎ ﻣﻘﻄﻌﺔ ﻭ ﻛﺎﺷﻔﺔ..ﻭﻫﻲ ﺗﻠﺒﺴﻬﺎ ﻭﺟﻤﻌﺖ ﺷﻌﺮﻫﺎ .. ﻭﻧﻌﺴﺎﺍﺍﺕ ﻭﺍﺣﺪ ﺍﻟﺸﻮﻳﺔ ﺟﺎ ﺣﻤﻴﺪ ﻟﻠﺪﺍﺭ... ﻏﻴﺮ ﺩﻕ ﺧﺮﺟﻮ ﻟﻴﻪ ﻣﻠﻴﻜﺔ ﻭﺑﻮﺷﻌﻴﺐ.. ﻣﻠﻴﻜﺔ: ﺍﻟﺴﻲ ﺣﻤﻴﺪ ﻋﻠﻰ ﺳﻼﻣﺘﻚ ﺃﻭﻟﻴﺪﻱ.. ﺣﻤﻴﺪ: ﺍﻟﺴﻼﻡ ﺃﺧﺎﻟﺘﻲ..ﺍﻟﺴﻼﻡ ﺃﻋﻤﻲ.. ﺑﻮﺷﻌﻴﺐ: ﺍﻟﺴﻼﻡ ﺍﻭﻟﻴﺪﻱ ..ﺯﻳﺪ ﺯﻳﺪ ﺩﺧﻞ ﺩﺧﻠﻮ ﻭﺑﻘﺎﻭ ﺗﻴﺘﻨﺎﻗﺸﻮ.. ﺑﻮﺷﻌﻴﺐ: ﺷﻮﻑ ﺍﻭﻟﻴﺪﻱ ﺍﻟﻄﻔﻠﺔ ﻣﺎﻋﺪﻫﺎ ﻋﻘﻞ..ﻧﺖ ﻣﻮﻝ ﺍﻟﻌﻘﻞ..ﻣﺘﺪﻳﺶ ﻋﻠﻴﻬﺎ ﺍﻭﻟﻴﺪﻱ.. ﻣﻠﻴﻜﺔ: ﺇﻳﻴﻪ ﺍﻭﻟﻴﺪﻱ ﺑﻨﻴﺘﻲ ﻏﺎ ﻫﺒﻴﻠﺔ..ﺑﺎﻗﺎ ﻣﺎﻋﺎﺭﻓﺎﺵ ﺑﺤﻖ ﺍﻟﺰﻣﺎﻥ..ﻣﺴﺤﻬﺎ ﻓﻴﻨﺎ ﺃﻭﻟﻴﺪﻱ.. ﺣﻤﻴﺪ: ﻓﻴﻨﺎﻫﻲ؟ ﻣﻠﻴﻜﺔ: ﻏﺘﻜﻮﻥ ﻏﻴﺮ ﻣﺘﻜﻴﺔ ﻟﺪﺍﺧﻞ..ﻫﺎﻧﺎ ﻏﻨﻮﺽ ﻧﻮﺿﻬﺎ.. ﺩﺧﻼﺕ ﻣﻠﻴﻜﺔ ﻟﻠﺒﻴﺖ ﻋﻨﺪ ﺍﻟﺴﻌﺪﻳﺔ ﻭﻫﻲ ﺗﺒﺪﺍ ﺗﻨﺪﺏ.. ﻣﻠﻴﻜﺔ: ﻫﺎﻭﻳﻠﻲ ﻭﺣﺪﻱ ﻭﺍﺵ ﺑﺎﻏﺎ ﺗﻔﺮﻛﻌﻲ ﻟﻲ ﺍﻟﻤﺮﺍﺭﺓ..ﻭﺍﺵ ﺍﻟﺮﺍﺟﻞ ﺷﺮﺍ ﻟﻴﻚ ﻗﻮﺕ ﺍﻟﺸﺮﺍﻭﻁ ﺑﺎﺵ ﺗﻠﺒﺴﻲ ﻫﺎﺩ ﺍﻟﻬﻼﻫﻞ ﺍﻟﺒﺎﻟﻴﻴﻦ؟؟ ﺍﻟﺴﻌﺪﻳﺔ: ﻣﻤﻲ ﻫﺪﻭ ﻫﻮﻣﺎ ﺣﻮﺍﻳﺠﻲ ﺍﻟﻠﻲ ﻛﻨﺖ ﻧﻠﺒﺲ ﻭﻫﺎﺩﻭ ﺑﺎﺵ ﻏﻨﺒﻘﺎ.. ﻣﻠﻴﻜﺔ:(ﻫﺰﺍﺕ ﺻﻨﺪﺍﻟﺔ) ﻧﻮﺿﻲ ﺗﻜﻌﺪﻱ ﺑﺪﻟﻲ ﻫﺎﺩ ﺍﻟﺸﺮﺍﻭﻁ ﻭﻟﺒﺴﻲ ﺣﺎﺟﺔ ﻣﻘﺎﺩﺓ ﺭﺍ ﺭﺍﺟﻠﻚ ﻛﺎﻳﻦ ﺑﺮﺍ.. ﺍﻟﺴﻌﺪﻳﺔ:ﻭﺍﺧﺎ ﺍﻣﻤﻲ ﻏﻴﺮ ﺧﺮﺟﻲ ﺍﻧﺎ ﻏﻨﺒﺪﻝ ﻭﻧﺨﺮﺝ ﻣﻠﻴﻜﺔ:ﺍﻭﺍ ﻃﻠﻘﻲ ﺩﻏﻴﺎ ﺭﺍ ﺍﻟﺮﺍﺟﻞ ﺗﻴﺴﺎﻳﻦ.. ﺧﺮﺟﺖ ﻣﻠﻴﻜﺔ..ﻭﺍﻟﺴﻌﺪﻳﺔ ﻣﻠﺒﺴﺖ ﺗﺎﺣﺎﺟﺔ ﺑﻘﺎﺕ ﺑﺪﻭﻙ ﺍﻟﺤﻮﺍﻳﺞ..ﻭﺷﺎﻓﺖ ﻓﺮﺍﺳﻬﺎ ﻓﺎﻟﻤﺮﺍﻳﺔ..ﻭﻗﺎﻟﺖ: ﺍﻟﺴﻌﺪﻳﺔ: ﻫﺎﺩﻱ ﻫﻲ ﺍﻟﺴﻌﺪﻳﺔ..ﺍﻟﻠﻲ ﺑﻐﺎﻧﻲ ﻫﻮﻛﺎ ﻣﺮﺣﺒﺎ ﻭﺍﻟﻠﻲ ﺑﻐﺎﻧﻲ ﺑﺰﻭﺍﻗﻲ ﻳﻘﻠﺐ ﻋﻠﻰ ﺍﻟﻠﻲ ﺗﺘﺰﻭﻕ ﻟﻴﻪ.. ﺧﺮﺟﺖ ﻋﻨﺪﻫﻢ ﺑﺪﻳﻚ ﺍﻟﺤﺎﻟﺔ..ﻣﻠﻴﻜﺔ ﻣﻠﻠﻲ ﺷﺎﻓﺘﻬﺎ ﻣﻜﺮﻫﺘﺶ ﻻﺭﺽ ﺗﺸﻖ ﻭﺗﺴﺮﻃﻬﺎ ﻭﻟﻜﻦ ﺣﻤﻴﺪ ﻣﺘﺴﻮﻗﺶ ﺑﺰﺍﺍﻑ..ﻭﻫﻨﺎ ﻧﻄﻘﺖ ﺍﻟﺴﻌﺪﻳﺔ: ﺍﻟﺴﻌﺪﻳﺔ: ﺣﻤﻴﺪ!! ﻻﺵ ﺗﺎﺑﻌﻨﻲ؟ ﺣﻤﻴﺪ: ﺷﺘﻲ ﻟﻬﺒﺎﻝ ﻫﻮ ﺍﻟﻠﻲ ﺩﺭﺗﻲ ﺩﺍﺑﺎ ﻭﺍﺵ ﺻﺎﻓﻲ ﺣﻨﺎ ﻏﻴﺮ ﻧﺘﻨﺎﻗﺸﻮ ﺷﻲ ﻧﻬﺎﺭ ﺗﺠﻤﻌﻲ ﺣﻮﺍﻳﺠﻚ ﻭﺗﺰﻳﺪﻱ..؟؟ ﺭﺍﻩ ﻛﺎﻉ ﺍﻟﻨﺎﺱ ﺗﻴﺘﻨﺎﻗﺸﻮﻭ ﻣﺎﺷﻲ ﻏﺎ ﺣﻨﺎ؟!! ﺍﻟﺴﻌﺪﻳﺔ: ﻫﺎﺩﺷﻲ ﺍﻟﻠﻲ ﺩﺭﺕ ﻣﺎﺷﻲ ﻫﻮ ﻟﻬﺒﺎﻝ ..ﻟﻬﺒﺎﻝ ﻫﻮ ﺍﻟﻠﻲ ﻓﻲ..ﻟﻬﺒﺎﻝ ﻫﻮ ﺍﻧﻲ ﻧﻀﻴﻊ ﻟﻚ ﻣﺴﺘﻘﺒﺎﻟﻚ ﻫﻮﻛﺎﻙ ﻣﻌﺎﻳﺎ.. ﻟﻬﺒﺎﻝ ﻫﻮ ﻧﺸﻮﻓﻚ ﻣﺤﻦ ﺑﺎﺵ ﺗﺒﺪﻟﻨﻲ ﻭﺍﻧﺎ ﻋﺎﺩ ﻣﺎﺯﺍﻳﺪﺓ ﻓﻴﻪ..ﺍﻧﺎ ﺩﻳﻤﺎ ﻏﻨﺒﻘﺎ" ﺍﻟﺴﻌﺪﻳﺔ ﺍﻟﻬﺒﻴﻠﺔ" ﻭﺍﺧﺎ ﻣﻌﺮﺕ ﺷﻜﻮﻥ ﺗﺠﻴﺒﻠﻲ ﻳﻌﻠﻤﻨﻲ..ﺍﻟﺴﻲ ﺣﻤﻴﺪ..ﻣﻠﻮﻝ ﻧﺖ ﻣﺎﺷﻲ ﻟﻲ ﻭﺍﻧﺎ ﻣﺎﺷﻲ ﻟﻴﻚ..ﺧﻠﻴﻨﺎ ﻧﺘﻄﻠﻘﻮ ﺑﻼ ﻣﺸﺎﻛﻞ..ﻭﻫﺎﻧﺘﺎ ﺗﺘﺸﻮﻑ..ﻫﺎﺩﻭ ﺣﻮﺍﻳﺞ ﺗﺘﻠﺒﺴﻬﻢ ﻣﺮﺍ ﺑﻌﻘﻠﻬﺎ ؟؟ ﺍﻧﺎ ﻫﺪﺍ ﻫﻮ ﺗﻮﺑﻲ ﻭﺍﻧﺖ ﺷﻮﻓﻠﻚ ﺷﻲ ﻭﺣﺪﺓ ﻣﻦ ﺗﻮﺑﻚ..ﺍﻧﺎ ﺗﻌﻠﻤﺖ ﻧﻬﻀﺮ ﺷﻮﻳﺔ ﻭﻟﻜﻦ ﻣﻌﻤﺮﻧﻲ ﻏﻨﺘﻌﻠﻢ ﻧﻨﺴﺎ ﻛﻴﻔﺎﺵ ﺗﺘﻬﻀﺮ ﺍﻟﺴﻌﺪﻳﺔ ﺍﻟﻌﺮﻭﺑﻴﺔ.. ﺣﻤﻴﺪ: ﻭﺍﺧﺎ ﺍﻻﻟﺔ ﻭﺍﻧﺎ ﺑﺎﻏﻴﻚ ﻛﻴﻔﻤﺎ ﻧﺘﻲ ﺑﻬﺒﺎﻟﻚ ﻭ ﺣﻮﺍﻳﺠﻚ ﺍﻟﻤﻘﻄﻌﻴﻦ ﻭﻣﻐﻨﺘﻔﺎﻛﺶ ﻣﻌﺎﻙ ﺗﻨﺪﻳﻚ ﻣﻌﺎﻳﺎ ﻏﻴﺮ ﺗﻬﻨﺎﻱ.
ﺍﻟﺠﺰﺀ 11 وﺍﻷﺧﻴﺮ: ﺑﻘﺎﻭ ﺗﻴﻬﻀﺮﻭ ﻭﻛﻞ ﻭﺍﺣﺪ ﺗﻴﻘﻮﻝ ﺍﻟﻠﻲ ﺿﺎﺭﻭ ﻭﻓﻲ ﺍﻻﺧﻴﺮ ﻗﺎﻟﻴﻬﺎ ﺣﻤﻴﺪ.. ﺣﻤﻴﺪ: ﺍﻟﺴﻌﺪﻳﺔ ﻗﺪﺍﻡ ﻭﺍﻟﻴﺪﻳﻚ ﻏﻨﻘﻮﻟﻴﻚ ﺑﺎﻟﻠﻲ ﺍﻧﺎ ﻋﻤﺮﻧﻲ ﻣﺎﺷﻔﺖ ﺷﻲ ﻭﺣﺪﺓ ﺑﺤﺎﻟﻚ ﻭﻋﻤﺮﻧﻲ ﻏﻨﺸﻮﻑ ..ﺍﻧﺎ ﻣﻦ ﺍﻭﻝ ﻣﺮﺓ ﺷﻔﺘﻚ ﺑﻐﻴﺘﻚ..ﻛﺎﻉ ﺍﻟﻨﺎﺱ ﺗﻴﺸﻮﻓﻮﻙ ﺑﻌﻴﻦ ﻭﺍﻧﺎ ﺷﻔﺘﻚ ﺑﻌﻴﻦ ﺧﺮﺍ ..ﺷﻔﺖ ﻓﻴﻚ ﻣﺮﺍﺗﻲ ﻭﺍﻡ ﻭﻻﺩﻱ ﺍﻥ ﺷﺎﺀ ﺍﻟﻠﻪ..ﺷﻔﺖ ﻓﻴﻚ ﺍﻻﺧﻼﺹ ﻭﺍﻟﻮﻓﺎﺀ ﺍﻟﻠﻲ ﺑﺪﺍﻭ ﺗﻴﻨﻘﺎﺭﺿﻮ..ﺷﻔﺖ ﻓﻴﻚ ﺍﻟﺼﻔﺎﺀ ﻭﺍﻟﻨﻴﺔ ﻭ ﺍﻟﺼﺮﺍﺣﺔ ﺍﻟﻠﻲ ﺍﻧﻌﺪﻣﻮ ﻓﻬﺎﺩ ﺍﻟﺪﻧﻴﺎ.. ﺍﻟﺴﻌﺪﻳﺔ: ﻫﻲ ﺩﺍﺑﺎ ﺍﻧﺎ ﻫﺒﺎﻟﻲ ﺯﻭﻳﻦ ﻭﻻ ﺧﺎﻳﺐ..؟ ﺣﻤﻴﺪ: ﻫﺒﺎﻟﻚ ﻫﻮ ﺍﻟﻠﻲ ﻣﺰﻳﻨﻚ ﺍﻟﻬﺒﻴﻠﺔ ﺩﻳﺎﻟﻲ.. ﺑﺪﺍﻭ ﺗﻴﻀﺤﻜﻮ ﻭﺷﺎﺩﻳﻦ ﻓﺒﻌﻀﻬﻢ .. ﺣﻤﻴﺪ: ﻳﻠﻪ ﺃﺍﻟﻬﺒﻴﻠﺔ ﺩﻳﺎﻟﻲ ﻧﻤﺸﻴﻮ ﻟﺪﺍﺭﻧﺎ ﺑﺪﻟﻲ ﻋﻠﻴﻚ ﻭﺧﻠﻴﻨﺎ ﻧﻤﺸﻴﻮ ﻭﻛﻨﻮﺍﻋﺪﻙ ﻣﻌﻤﺮﻧﻲ ﻧﺨﺴﺮ ﻟﻴﻚ ﺍﻟﺨﺎﻃﺮ.. ﺍﻟﺴﻌﺪﻳﺔ: ﺗﺎﻧﺎ ﻭﺍﻟﻠﻪ ﺍﻟﻠﻲ ﺗﺒﻐﻴﻬﺎ ﻫﻲ ﺍﻟﻠﻲ ﺗﻜﻮﻥ ..ﺍﻧﺎ ﻏﻨﺒﺪﻝ ﻛﻠﺸﻲ ﺍﻟﻠﻲ ﺧﺎﻳﺐ ﻓﻲ ﻭﺍﻟﻠﻪ .. ﺣﻤﻴﺪ: ﺍﻧﺎ ﻏﻨﻌﺎﻭﻧﻚ ﺗﺒﺪﻟﻲ ﺩﺍﻛﺸﻲ ﺍﻟﺨﺎﻳﺐ ﻓﻴﻚ ﻭﺍﻟﻠﻲ ﺧﺎﺻﻮ ﻳﺘﺒﺪﻝ ﺻﺎﻓﻲ..ﺍﻣﺎ ﺍﻱ ﺣﺎﺟﺔ ﺧﺮﻯ ﻋﻴﺸﻲ ﻛﻴﻔﻤﺎﻧﺘﻲ ﺑﺎﻏﻴﺎ ﻭﺍﺧﺎ؟ ﺍﻟﺴﻌﺪﻳﺔ: ﻭﺍﺧﺎ.. ﺍﻟﻤﻬﻢ ﻣﺸﺎﻭ ﻟﺪﺍﺭﻫﻢ ﻭﻓﻌﻼ ﺍﻟﺴﻌﺪﻳﺔ ﻣﻊ ﺍﻟﻮﻗﺖ ﺗﻌﻠﻤﺎﺕ ﺑﺰﺍﻑ ﺍﻟﺤﻮﺍﻳﺞ ﻣﻬﻤﻴﻦ ﻭﺣﺎﻭﻻﺕ ﺗﺘﻌﻠﻢ ﺍﻟﺨﻴﺎﻃﺔ ﺑﺎﺵ ﺗﺘﻼﻫﺎ ﻭﺗﻌﺮﻓﺎﺕ ﻋﻠﻰ ﺑﺰﺍﻑ ﺍﻟﺒﻨﺎﺕ ﻓﻲ ﺍﻟﻨﺎﺩﻱ ﻭﻣﻠﻠﻲ ﺗﻘﻨﺎﺕ ﺍﻟﺨﺪﻣﺔ ﺣﻞ ﻟﻴﻬﺎ ﺣﻤﻴﺪ ﻣﺤﻞ ﺧﺎﺹ ﺑﻴﻬﺎ ﻟﻠﺨﻴﺎﻃﺔ..ﺣﺴﺎﺕ ﺑﺮﺍﺳﻬﺎ ﺑﺪﺍﺕ ﺗﺜﺘﺒﺖ ﺫﺍﺗﻬﺎ..ﻭﺭﺯﻗﻬﻢ ﺍﻟﻠﻪ ﻣﻦ ﺑﻌﺪ 3 ﺳﻨﻴﻦ ﺯﻭﺍﺝ ﺑﺠﻮﺝ ﻭﻟﻴﺪﺍﺕ ﺗﻮﺃﻡ ﺳﻤﺎﻭﻫﻢ : ﺑﺪﺭ ﻭ ﺳﻬﻴﻞ..ﻭﻋﺎﺷﻮ ﻓﺴﻌﺎﺩﺓ ﻭﺍﺧﺎ ﻻﻻﻫﻢ ﺍﻟﺴﻌﺪﻳﺔ ﻣﺎﻓﺎﺭﻗﻬﺎ ﺍﻟﻬﺒﺎﻝ..ﻫﻬﻬﻬﻪ ﻭﻟﻜﻦ ﺣﻤﻴﺪ ﻛﺎﻥ ﻣﺜﺎﻝ ﻟﻠﺸﺨﺺ ﺍﻟﻠﻲ ﺗﻴﺒﻐﻲ ﻣﻦ ﻗﻠﺒﻮ ﻷﺟﻞ ﺍﻟﺤﺐ ﻣﺎﺷﻲ ﻷﺟﻞ ﺷﻜﻠﻬﺎ ﺍﻭ ﻫﻀﺮﺗﻬﺎ..ﻛﺎﻥ ﺗﻴﺒﻐﻴﻬﺎ ﻟﺼﻔﺎﺀﻫﺎ ﻭﻗﻠﺒﻬﺎ ﺍﻟﻜﺒﻴﺮ ﻭﺭﻏﻢ ﺍﻟﻔﺮﻗﺔ ﺍﻟﻜﺒﻴﺮ ﺑﻴﻨﻬﻢ ﻓﺎﻟﻤﺴﺘﻮﻯ ﺯﻭﺍﺟﻬﻢ ﻧﺠﺢ ﺍﻟﺤﻤﺪ ﻟﻠﻪ.. ﺍﻟﻨﻬﺎﻳﺔ..
تأليف : Tîhíhît Ïllîs Innãs
لا يوجد تعليقات
أضف تعليق