قصة بالدارجة المغربية : " التلميذة ريناد والأستاذ كمال "

شاركنا رأيك في القصة أسفله في التعليقات، ولا تنسى دعوة أصدقائك لقراءة القصة وكذلك تسجيل اعجابك بصقحتنا على الفيسبوك

انا سميتي ريناد بنت فحال Gاع لبنات، فعمري 18 عام كانقرا فالباك.
هذا اول يوم ليا فهاذ الثانوية ، مكنعرف حتى واحد، وانا ماشي من نوع لي كيتأقلم دغيا معا ناس، دخلت لقيسم وعيني ف الارض حسيت براسي كدخيلة بين التلاميذ.
كانت عندي حصة ديال اللغة الانجليزية، الاستاذ كان شاب غتكون عندو ديك 27عام ، هو مفاهم معا التلاميذ ، نظرا لعمرو ليكان قريب لينا، كان شاب زوين تبارك الله، مفورمي، لحية خفيفة، كنت كنتأمل الملامح ديالو و نسيت راسي حتى كانسمعو كيعيت ليا وكيشير بيديه:
الاستاذ (كمال) : هيييهو افين مشا عقلك .... واش حاضرة معانا؟
ريناد:(طربط لساني وجهي كانحس بيه سخن هههه) اه... اه ... ح ..حضرا أاستاذ
كمال: هههه وخا... يلاه عرفينا على راسك!!نتي جديدة هنايا!
ريناد:(هبط عينيا للارض) اه انا سميتي ريناد أمل ... اه جديدة.
كمال : مالكي كاتفتفي خايفة مني مثلا؟ نجيب ليك ماماك ؟ههههه
كلشي بقا كيضحك صراحة حسيت بالحGرة وبقا فيا لحال انا ماما ميتا الله ارحمها وهو بكل حقارة كيستافزني شفت فيه شوفت احتقار ودورت وجهي. هزيت صاكي باش نخرج كيف قلت ليكوم انا صعييب نتأقلم ومن نهار لول بان لبلان انا حساسة بزاف... قالي :غي كنضحك معاك متعصبيش. ماديتهاش فيه ومشيت لدارنا.

الأستاذ كمال : انا كمال استاذ اللغة الانجليزية هاذي عامين باش جيت لاكادير المدينة عجباتني بزاف، خدمتي كاستاذ كنرتاح فيها ، التلاميذ ديالي الحمدلله معنديش معاهم مشكيل، كنعتابرهم كخوتي الصغار اومفاهمين الحمدالله ، ولكن ليوم جات تلميذة جديدة عندي معرفتش مالها وجها كيبان عليه الحزن قلت نضحك معاها كيف موالف معا Gاع التلاميذ ديالي ولكن هي دارت ردة فعل غير متوقعة هزات حوايجها ومشات.. صراحة حسيت بتأنيب الضمير عمر ما طرا معايا بحال هاد الموقف واخا انا ماGولتش شي حاجة كتقلق .. يمكن هي ماموالفاش الضحك قلت لحصة ليجايا نتطلب منها سماحة .. منبغيش تلامذي يتقلقو مني.
ريناد : 7:00 فقت ومشيت نجيب الخبز باش نفطر ونمشي ليسي ، فطريقي غادة وانا ميتا بالنعاس كنسمع شي واحد كيعيط بسميتي ... اويلي حتى واحد مكيعرفني هنا منين جاب هذا سميتي ضرت عرفتو شكون لقيييت؟! تمآآما هذاك كي على بالكم الاستاذ كمال ... ناري صافي باينة نهار كي غايدوز ملي صبحت عليه جا قاصدني وانا غادا او كانزيد فالخطوات ديالي سمعتو قال : وقفيي انا غي بغيت نGوليك سمحي ليا!!! ضرت خنزرت فيه وانا نزيد دخلت لدار ... سيد دارها Gد راسو وبكل حقارة جاي باش يعتاذر.. عمرني شفت بحال هاد النوع من الاساتيذة !!
ا.كمال : ليوما شفت التلميذة ريناد كنت باغي نطلب منها السماحة وياريتني مادويت هههه وناري على بنت دارت فيا واحد لالة مولاتي تخنزييرة نار جهنم صافي اي السلامة وزادة كي الطيارة ..كون لقات تجي تنتفني كون دارتها هههه بان ليا ماغتسمحش ليا دغيا هاد البنت فشكل ...
ريناد : اليوم عندي حصة الرياضة كان علينا ندورو الجيمناستيك اووه شحال كانكرهو جريت شوية او مشيت Gلست جات الاستاذة وقالت لي علاش Gالسا هنا و قلت ليها بلي انا دغيا كندوخ ومنقدرش نبدا نتشقلب (كي دراري صغار هه) قالتلي بلي مايمكنش نGلس الى ماكانتش عندي شهادة طبية ... طلع ليا دم او مشيت حتا انا كي شي برهوشة كنقز كي لقرودة حتى حسييت بدنيا كدور بيا ... سالات حصة الرياضة او مشينا القسم دالانجليزية اوف انا عيانا بزاف مافية لي اسمع هدرتو هاد الساعة ... يالاه حطيت رجلي ندخل لقيسم حسيت بدنية ضلامت عليا ، رجليا فشلو عليا ، وليت كنسمع الهدرة دالتلاميذ بحال الى كيهدرو من شي بيير طحت غيبت ....

أ.كمال : و انا Gالس فلبيرو ديالي بانت ليا ريناد جايا القيسم وجها كان كيبان فيه العيا يمكن مريضة ... يالاه وقفت باش نمشي ندوي معاها على قبل داك نهار بينما بانت ليا دريا هوات وطاحت على ركابيها سدات عينيها و بشوية طاحت دريا سخفاة...مشيت كنجري والتلاميذ ضايرين بيها .. طلبت منهوم ايجيبو قرعة دالما او بديت نرشو عليها او كانفيق فيها حتى بدات كتحل عينيها معرفتش علاش تخلعت علييها بزاف ... ريناد فاقت قلت ليها: شنو طرا ليك! واشنتي مريضة ؟ نوصلك لداركم ؟ تخيلو درية تجاهلاتني مجاوباتنيش !!! ناضت وهي مازالة دايخة ومشات، صيفيط واحد تلميذة ترافقها حتى توصلها لدار ... احساس غريب حسيت بيه ريناد عندها وجه طفولي كيأسر لقلب عينيها كلهم حزن شنو قصة هاد لبنت؟ 
ريناد : كنت فطريقي للدار و رجليا باقيين تقال عليا ومازال دايخة حتى جات واحد لبنت مسكينة هيا ليوصلاتني للدار وبقات معايا حتى تحسنت شوية حيت بابا ماكانش فدار كان خدام ، بقينا كندويو شوية تعرفت عليها كانت بنت ضريفة قالتلي سميتها لمياء ستأذنات وقالت بلي خاصها تمشي وكتبات ليا نمرتها وGالت ليا نعيط ليها وقتما حتاجيتها.
ليوم التالي فقت وآنا بيخير الحمدلله وجدت راسي اومشيت ليسي ولكن هاد المرة ماGلستش بوحدي لمياء بقات معايا وباينة كاتحاول تكسب صداقة ديالي و انا صراحة كنت محتاجة صديقة والحمدلله انا لقيتها. مع 12 رافقتني لمياء فطريق سمعت تاني شي واحد كيعيط ليا بطابيعت لحال كان هو تاني ماضرتش انما لمياء ضارت وقالت ليا: ريناد الاستاذ كمال كيعيط ليك مسمعتيهش؟
ريناد: سمعتو !
لمياء : مغتكلميش ليه ؟
ريناد: لا من بعد Gاع ديك لهدرة لي Gاليا مستحيل نهضر معاه!!!
لمياء: ولكن هو ماكانش عارف بلي... كان غي كيضحك اصاحبتي ! فخبارك هو ليGاليا نمشي نوصلك لدار ديك لمرة ملي سخفتي ! مسكين تخلع علييك..
يالاه بغيت نجاوبها وهو يوقف قدامي كي جنون الله يحفض
كمال: ريناد ممكن نحدر معاك؟
ريناد : نعام؟ شنو كاين ؟ ياكما موجد ليا شي هدرة لي تخسر ليا نهاري تآني ؟
كمال : سمحي ليا ... انا مقصتش نقلقك ! غي كنت كانضحك معاك
ريناد : نتا معندكش إحساس !!! وزن كلآمك قبل مدوي ولا غتجرح لواحد بهاد ضحك ديالك لخاوي !!! ماما ميتا الله يرحمها سمعتييي !! اه وتمنيتها تكون معايا ديك ساع غي نشم ريحتها! ونت بكل حقارة حال فمك وكاضحك !
كمال: ريناد ... انا ... انا ماكنتش عارف عافاك سمحي ليا !
لمياء: انا غندوي معاها ا استاذ هني بالك.

كمال : مشات ريناد و دموع فعينيها و انا سباب ! شنو درت ياربي بصح انا بلا احاساس ! كيفاش قدرت نقوليها بحال ديك لهدرة ؟ قلبي كيتقطع انا جرحتها فبلاصت منرسم ابتسامة فوجها زدت ف تعاست و حزن داك لوجه الطفولي لبريء...كرهت راسي
لمياء : صافي متبكيش اصاحبتي شتي هو والله مقصد هادشي وهو مآكانش عارف بهاد لموضوع غي سمحي ليه.
ريناد: انا مقهورة دبا المياء را جرحني بهدرتو!
لمياء: دبا غي قولي ليا واش كاين شي استاذ ليغايبقا تابعك هكا ويطلب منك سماحة !
ريناد: ييه او مالها را هو لي غلط كيعرف غي ابقا حال داك لفم كي شي هبيل !!
لمياء : وا شكون بحالك ! شحال من وحدة كتمنى غي يدوي معاها !
ريناد: على مزيناتو
لمياء: اوا نكدبو ولله الى زوين ههههه يا ربي يGوليا حتى انا شي حاجا ونتنفخ عليييه .. اح اقلبيي
ريناد: هههههههه ناري على هبيلة ضحكتيني
لمياء: هادشي لي بغيت! غي سمحي ليه والله سيد را قلبو كبييير
ريناد: خلييه اشدوو تأنيب الضمير شوية باش اتعلم هههه
ليوم جا تاني داك المGرڢط ( سميت عليه لمكرفط حيت لكرافاطة ماكاتفارقوش هههه) جاي طالب سماحة كان مادب معايا صراحة ولكن ملي تفكرت ماما ولهدرة لي قاليا تعصبت بزاف او خليتو مسكين مصدوم ههه استاهل باش مرة اخرة مايعاودهاش معايا ههه ولكن الى جا تاني يطلب مني سماحة غنسمح ليه.
كمال : انا كانتسنا بفارغ الصبر ريناد كنت مصر انني نعاود نعتادر منها على لهدرة لي قلت ليها... و اخيرا هاهي جات : رينآد اجي عافاك
ريناد: نعام ؟
كمال : عافاك سمحي ليآ !! ندمت على Gاع لهدرة لي قلت لييك ولله مقصدت نقلقك ! هاد ليامات كلها و انا كنفكر وكنطلب تسمحي ليا !
حنات راسها للارض وقالت : سمحت ليك
وآاو على فرحة حسييت بيها منقدرش نوصف لييكوم، لابتسامة ليكانت على وجه ريناد خلات قلبي يرتاح
كمال: و اخيييرا كنوعدك مبقيتش نقلقك !

مع 6 بانت ليا ريناد فطريقها للدار بوحدها بغيت نستغل لفرصة باش نتعرف عليها مزيان ونعرف قصتها... بديت كنزيد فلخطوات ديالي حتى قربت نوصلها بانت ليا شادة راسها وهي طيح تاني قلبي تقبظ مشيت كنجري هزيتها و ديتها لدارهوم دقيت او حل ليا باها مسكين تخلع عليها حل لباب او طلب مني نطلعها لبيتها حيت حو ميقدرش اهزها يدو كانت مفدوعة ، ديت ريناد لبيتها بقييت معاها حتى فاقت وجها كيبان فيه الارهاق والتعب سولتها واش كتشرب شي دوا قالت ليا لا شكراتني على لمساعدة ديالي ليها او خليتها باش ترتاح ، هاد لبنت ولات شاغلة تفكيري، قبل منعس هي اول حاجة كطيح لي على بالي كنظن وليت كنهتم بيها... اي وليت كنبغيها ! استاذ كي بغي تلميذة ديالو غريبة شوية ولكن قلبي بغاها هي ... نبضاتو كتسارع فاش كنشوفها .. عقلي وكل حاجة فيا ولات مهووسة بيها هي ريناد...اه شنو درتي فيا !
ريناد : هاد المرض بدا كيتزاد عليا وليت كنسخف بزاف، هاد المرة كمال هوليجابني لدار مسكين مافارقني حتى لحظة، فاش حليت عنيا لقيتو قدامي كيشوف فيا وكيعيط بسميتي وكيسولني واش انا بخير، لي شغل بالي وتفكيري هي تعابير دوجهو كان مخلووع ههه زعما تخلع عليا، كمال زعما ايكون كيهتم بيا ؟ اووف شحال وللييت نحلم. 
العلاقة ديالي مع كمال تحسنات بزاف ، ديما كيرافقني فطريق حيت هو كان ساكن قريب مني،حتى ولات لمياء كتمشي بوحدها حيت قالت ليك بغات تخالينا بوحدنا ههه صراحة آنا عجبني لحال كمال نساني كلشي تعلقت بيه ... وليت كنبغييييه.
كمال : هاد لمرة تشجعت نسول ريناد على قصتها والحمدلله مرفضاتش وعاودات ليا بلي مها ماتت ملي كانت عندها 7سنين فحادث بقات فيا بزاف ولكن لي شغل تفكيري كتر هو المرض ديالها هي ولات كتسخف بزاف ..
كمال: ريناد واش مامشيتيش عند طبيب ؟
ريناد: ل...لا...مامشيتش
كمال : وعلاش اريناد ! را خاصك تمشي تشوفي شنو عندك
ريناد: لا ...انا خايفة
كمال: مناش خايفة ؟
ريناد: خايفة ايكون شي مرض خايب
كمال: الله احفضك !! انا غنمشي معاك متخافي والو ! غدا نمشيو اوبلا متقولي لا ماتنقشينيش !
ريناد : وخا

تمنيت غدا ميوصلش معرفتش علاش انا خايفة بزآف لهاد درجة ! ياربي نكون بيخير ومايكون عندي والو...
اليوم جينا لسبيتار باش ندير فوحوصات و نعرف شنو بيا وعلاش ديما كنسخف، وكون ما الاصرار ديال كمال مكنتش غنجي ... دخلت درت سكانير و التحاليل و شحال ديال التخربيق،طبيب دخل لعندنا انا وكمال وحسيت بلي كاينة شي حاجة...الاحساس ديالي كان فمحلو، انا عندي ورم فراسي... انا حياتي فخطر .. انا غنموت ...انا غنموت هكدا بقيت كنقول
كمال: رييييناد نعلي شيطان !! نتي مغتموتييش مبغييتش نسمعك كتقولي بحال هكا!
ريناد: عافاك بلا ماتصبرني ... مصيري باين
كمال : نتي غادييري عملية و غتوليي بييخير انشاء الله ! خلي املك فالله كبيييير
جا نهار لي غندير فيه العملية والخلعة قاتلاني كمال بجنبي مكرهتش اعنقني نحس بيييه .. نحس بالحنان لاخر مرة .
جاو باش ادييوني بابا كيبكي حسسني بلي معندي حتى شي امل فالحياة ...كمال كيبتاسم جا شد فيدي،غمضت عنيا وحسيييت بتبوريشا وقلبي كينبض بسرعة قالي : ريناد خاصك تعرفي بلي كنبغييك وعمري نخلييك ! وحتى نتي متخليش المرض اغلبك ويبعدك عليا ! نتي خاصك تقاومي سمعتي ... عرفتي انا رامنقدرش نتخيل حياتي بلا بييك(هنا هبطات دمعة من عينيه وسالت لخدودو،زلزلآتني) متخيلووش شحال كنت فرحانة دموع لحزن تخلطات بدموع لفرح، زدت كنبكيي بحالة هيستيرية قلت ليه: و حتى انا كنبغييك نتا كنتي كلشي بالنسبة ليا ! ونتمنا من الله اعطيني القوة ! القوة باش نقاوم ... متخلاش عليآآ . بقييت مزيرة على يديه او مبغيتش نطلق منو !
ريناد دخلوها الغرفة دالعمليات دابا، انا عندي احساس بلي هي غاتعافى ! ريناد ميمكنش تخلا عليا ! انا ايماني بالله قوي ...يا ربي تشافيييها وتعافييها انا منقدرش نعييش بلا بيها هي حياتي وكل ماعندي متحرمنييش منها.
كنت قلت لبات ريناد بلي انا غنتزوجها غي تولي بيييخير وافق بلا اعتراض وقآلي بلي انا هو الوحيد لي يقدر يدير فيه تيقا و يكون بالو مرتاح من جيهت بنتو حيت عارفني بلي غاندير كل مافجهدي باش نسعدها ونعيشها احلى عيشة. و اخيييرا بعد طول انتضار العملية سلات خرج الطبيب مشيينا كنجريو لعندوو قلتلوو: عآآفاك قوول بلي ريناد بيييخيير ... العملية نجحات يآك ! انا متؤكد !
الطبيب طمأني وقالي بلي كلشي داز مزيان وريناد فالعناية المركزة و انشالله غتوليي مزيان... كنحمد الله ونشكروو ريناد عايشة ...هي متخلاتش عليا! ربي مخيبنييش ...الفرحة ماقداتنييش حسيت بحالا الجبل لي كان فوق كتافي تهز ! واحد الراحة لا توصف.
ريناد : حلتيت عنيا وبان ليا كمال و بابا قدامي والدمووع والابتسامة مافارقتهومش ! انا مازالا عايشة ... انا مامتش كنشكرك يا ربيي ! انا رجعت ليييكوم، انا قاومت على قبلكم نتوما ليبقيتو ليا فهاد دنيا، بابا لي كبرني و قراني و الراجل لي كنبغيي لي هوحياتي هاد جوج فجنبيي مابقيت باغيا والو.

اليوم خرجت من سبيطار و داني كمال لدار و كانت لمياء حتى هي لي ماكانتش عارفة بلي طرا مسكينة بقات شحال وهي كتبكي، دخلوني للدار وبقاو معايا،لمياء كتبات معايا وكمال كل نهار كيجي لعندي حيت بابا الحبيب مشا ابيع واحد الارض اخلص بيها المشفى كمال كان باغي يخلص كولشي ولكن بابا رفض وطلب منو يرد ليا لبال حتى يرجع.

بقا فيا الحال حيت مدوزتش الوطني وماشديتش الباك ديال ولكن من بعد ما وقفت على رجليا وليييت بيخييير كمال طلب مني زواج و كانت احلى مفاجأة نساتني فكلشي ... ولكن قلت نحمق معايا كمال شوية وقولت لييه يخليني نفكر
كمال: صافي فكرتي دابا على خاطرك ! يالاه قولي راك غاتحمقيني
ريناد : سمح كيا ا استاذ ولكن ...
كمال: استاذ؟ دبا واش كضحكي عليا
ريناد: نتمنى تكون فهمتي قصدي ...
كمال: اش كتخربقي نتي دبآ ! زعمة حيت نتي كنتي تلمييذة عندي !!!
ريناد: اه جات فشكل تلميذة تزوج باستاذها !
كمال : واش نتي باغا تحمقييني !!
ريناد : غي سمح ليا.. تقدر تمشت دابا
كمال : كادوي لن نيتك
ريناد : هههههههههههههه ناري امي مقدرتش نحبسها اما كون صطيييتك ليوم انا قابلة المكرفط
كمال: ريناد الله اعاونك انا مشيت ! اصلا نتي بصاح غي تلمييذة عندي ...لا لا... منقدرش نتزوجك ... شكرا فيقتيني من لقلبة
ريناد: يآآاك اعوج ركآبي و بلاتي ... بلاتي
هزييييت واحد الشطابة يالاه بغييت نزل عليييه بيييها وهو يقووول: لا...لا والله الا كنضحك اوييلي نخليي هاد المجرمة ...اح زعمة هاد الزييين كولو واه مايمكنش
ريناد: كاضحك عليآآ ... الا ما صلحتي فمك ماغانخلي فييك مايتعجب ! تبقا بلا زواج
كمال : مهم ياك نتي غاتزوجييني
ريناد :مالي هبيييلة نتزوجك ... نشوووف ليا شيي زييين شغاندييير بييك هههههههههه
كمال : اتمسخري يا ستييي.... دابا تخلصي هههههه
تزوجنا انا وكمال حسيييت معاه بالسعادة ..بالحنان ... كلشي ليكان ناقصني لقيتو عندوو، اه وكنت كنغيييير عليييه ومكرهتش نمشي معاه لخدمتو ونبقا مقابلاه حيت كييف كاتعرفو Gاع دريات تلميذاتو واش كيحماقو علييييه تشووف فيه شي وحدة ندفنها حية ههههههه تخيلو ولييت كنقولييه مايلبسش مزيان ملي يمشي لخدمة هههههه عارفة بلي حمقة ولكن لغيرة وشنو دير هو لي حمقني.

قصة من صديقة الصفحة Imane Edd 

تأليف :  Nadia Tagoudichti

تفاعلكم يشجعنا لنشر المزيد .