قصة بعنوان " السر "

سلام انا سي معطي مزوج و عندي جوج بنات فدوة و سناء و ولدي منير و هادشي لغادي نعود ليكم على ولدي منير مهم حنا كنا عايشين في الجديدة و كنا مرى مرى كنمشي و كندي معايا ولادي لعروبيا و كنفوجو حيت عندنا دار تماك لكنجلسو فيها و كانت مراتي كتوجد لينا ماكلة و نخرجو نجلسو تحت شجر و دراري كايبقاو العبو مهم عام على عام ولادي كبرو و بناتي تزوجو بجوج و بقيت عايش في دار غير انا و ولدي و مراتي سعدية ولدي منير ولا كيقرا في لفاك منبعد مشد الباك و كنت  كنمشي غير انا وياه لعروبية و قليل فين كانت كتمشي كعايا مراتي حيت ولات كتعيا داغيا مهم واحد نهار مشينا غير انا و ولدي منير منعوتش ليكم على ولدي مزيان اش نقوليكم هو مرضي بزاف معمرو اهز عينو فيا و لا يرد عليا هضرة و كيحترمني و كيحترم حتى ماماه و سبحان الله كانو كاع الناس في درب عزيز عليهم و حتى هو يستاهل حيت كيحتارم لكبير و صغير و قلبو كبير ماشي حيت ولدي كنشكر فيه ولكن انا باباه و مفخر بيه مهم نكمل ليكم مشيت انا وياه لعروبيا كنا معولين نباتو تماك مشين وصلنا و حنا ندخلو كلاسنا نرتاحو حيت كانت طريق طويلة منبعد شوية كاليا منير بغا اخرج شوية قلت ليه وخى و رد بالك و متعطلش.
 مهم مشا انا وقفت قلت نوجد شيحاجة نكلوها انا و ولدي بينو مجا مهم دازت شي جوج سوايع بالية منير تعطل بديت كنطل واش جاي في طريق مبنش ليا قلة معى راسي اقدر نسى مشافش ساعة ماشي مشكيل مشيت تكيت شوية و هو داني نعاس محسيت براسي حتى طاح ليل و بدا كيدق ولدي فقت حليت ليه لباب كيبالية دري وجهو صفر و مصدوم حتى انا تصدمت فيه حيت معمري شفتو في هاد لحالة وشوية حتى سخف قدام لباب انا نهزو حتى دخلتو لدار و انا مخلوع بزاف عليه حيت معرف اش وقع ليه مهم جبت لما رشيتو و جتليه بصلا عاد شوية بدا كيحل عنيه و مبغاش يهضر عيت منسول اش وقع اولدي و ولو واش كيجوب حاولت معاه حتا ناد شوية على رجليه باش نخرجو و نركبو في سيارة نديه لسبيطار حيت هاد لحالة لجا فيها مكتفرحش .
 طريق كاملة و انا كنفكر اشنو ممكن اكون وقعليه ولكن والو افكاري كلها مشتتا حيت مخلوع وخايف عليه توقعليه شيحاجة طريق كاملة و هو مرة كيغيب مرة كيفيق وصلنا سبيطار دخلتو مستعجلات وكنقلب على طبيب و حيت ليل جاو عندي غير فرمليات قالو ليا ملو و انا براسي معارف مالو قلت ليهم غير حتى طاح سخف سافي دخلوه واحد لغرفة و دكو ليه واحد لبرى معرفة ديالهاش منبعد شي نص ساعة جا طبيب دخل شافو مني خرج سولتو مالو اسي طبيب قالي غير عيان شوية متخافش عليه هاد طبيب معطنيش راس خيط مزال حتى لدبا و انا معرف ولدي مالو شوية قالو ليا راه امكليك تخرجو معندو والو انا مشيت عندو باش نخرجو و كنهضر معاه ولكن غير ساكت و مكاهضرش هادشي هو لعدبني في قلبي بزاف حيت غير ساكت هزيتو ديتو لدار مني شافتو مراتي في هاديك لحالة و عوتليها و هي كتبكي و كتقول ولدي مشا ليا انا معرفتها لاش كتقول هكاك و دري مزال حي قدامها مهم وصل نهار اثنين ممشاش منير اقرى حيت مزال في هاديك لحالة و غير ساكت و مراتي مزال كتبكي كل نهار و كلمة وحدا لشاد في فمها هي ولدي مشا ليا و نيت داكشي لوقع ولدي غادي امشي ليا و يبقا جرحو في قلبي كبير مهم وحد نهار حتى ولا كيخرج بلا منحسو بيه حتى كنبقاو نقلبو هو كان كيجلس معانا عادي و كيتصرف عادي حاجة وحدة هي مبقاش كيهضر ديناه كاع عند اطباء و والو غير كيقولو راه معندو والو حتى واحد معطانا الجواب لقنعنا مهم واحد نهار خرج و مشفناهش وخى كنا راديليه لبال بلا قياس ولكن مشفناهش مني مشا و تماك فين غادي نتصدمو غير خرج ولدي منير وصل لطريق كانت جايا وحد السيارة بسرعة هو وقف في طريق و مني شافها هكاك بقا كيشوف فيها و هي جايا بديك سرعة حتى درباتو ولدي مات.
و انا اش بقاليا في هاد دنيا مبقيت عارف اش ندير مراتي طاحت بلفقسة و مبقاتش كتنوض انا وليت بحال لحنش مقطوع ليه راسو معرف مندير مراتي منبعد مداز تقريبا شهر على لموت ديال ولدي حتى هي توفات في واحد ليلة اش نكوليكم انا لدابا معرفت اش كان وقع ولدي مني مشا لعروبيا و مراتي هي وحيدة ليكانت عارفة ولكن مشات و دات سر ديالها و انا بقيت عايش بوحدي لا ولدي لكنت كنتسنا منو احفاد لا مراتي لككنت دوزت معاه حلوة و لحارة و بقاو غير بناتي كل مرة تجي تشوفني وحدة وخى هكاك انا مشات حياتي مني مشا ولدي و مشات مراتي مهم دازت مدة عام و انا هاد مدة كنت دوزتها كلها حزن و دبا شوية واحد نهار قلت نمشي لعروبية باش نرتاح شوية مشيت و دخلت لدار لكنت مدة طويلة ممشيت ليها صبتها مغبرا ودخلت كنت عيان و مبقيتش قاد ندير شي حاجة مهم نقيت واحد بلاسة و جلست مني جلست و انا تبدا كترجع ليا كاع احداث لدازو و مني كنت كنجي انا و مراتي و بناتي و ولدي و بلخصوص كنتفكر داك نهار لوقع داك مشكيل لولد و انا نبدا نفكر في داك نهار مزيان و بديت كنتفكر هضرة لكانت كتقول مراتي لله ارحمها مني كان وقع داك مشكيل ولدي لله ارحمو و انا نقول مع راسي علاش منبحتش في هاد موضوع و نعرف سبب و هاد سر لمخبي وخى داز كاع هاد لوقت قلت مع راسي منفقدش امال اقدر نصيب الجواب لبغيت .
 بديت كنجلس مع ناس لساكنين قراب ليا و نتعرف عليهم كتر حيت قبل مكان عندي حتى مع واحد كانت بيناتنا غير سلام مهم تعرفت عليهم و كنحاول نجبد منهم لهضرة على شي حاجة تكون عندهم في الدوار كتخلع و بقيت كل نهار نمشي عند رجال هادوك ناس لكبار و مكيكونو ليخدمو لا والو كيدلو غير جالسين و حتى انا سبتها مزيانة هما غادي اكونو عارفين كلشي مهم واحد نهار في ليام كنا كنهضرو كيف عادة حتى قالينا واحد اجي اشنو درتو مع لالة حليمة شوافة واش خادين تخرجوها من دوار و انا نقوليهم علاش مالها قالو راها واحد سحارة كتبقا تعمر لعيالات ريوسهم و راها كدير دكشي ديال جنون و كتخلع لينا ولادنا و قلت ليهم فين كتسكن قالو ليا في ديك عقبة و انا نتفكر بلي كانت مراتي كتجي عند شي مرا كاينة في عقبة كانت كتقولي بلي مرا كبيرة عايشة بوحدها كتشري ليها لحوايج و كتهلا فيها و انا نعرف بلي هي هاد مراحيت بوحدها ساكنة في عقبة ولكن واش مراتي كانت كتكدب عليا و هي تبدا تجيني شي شكوك كيفاش مراتي كتجي عند شوافة بديت كنحاول نمشي نسول لعيالات و كنقوليهم واحد لمرا هادي شي مدة طويلة كانت كتجي من المدينة عند الشوافة بقيت تقريبا كل مرا كانحاول نسول حتى واحد نهار جيت في المرا لعارفة كلشي و هي كتعرف حتى مراتي و هي تقولي هدشي لغادي نقوليك هو سر هاد المرا ليساكنة في عقبة و بلي شوافة ومراتك كانت كتجي عندا مرة مرة وكلنت كتعملك سحور باش تبقى معاها، وأنا كنت كنهضر معاها وكنقوليها هادشي ماشي مزيان ولكنها كانت كتبغيك بزاف وهادشي لي عماها،
 وحد نهار تخاصمت مع ديك الشوافة على حساب الفلوس ومراتك سبتها وقالتلها هادي آخر مرة نجي عندك، الشوافة مسكتتش و قالت ليها بلي غادي تنتاقم منك وعقلي على هاد الهضرة، و حتى واحد نهار كنت جتي نتا و ولدك  كان خرج غير غادي كيدور و بعد شوية على دوار و هي تشوفو هاديك شوافة و مشات عندو و بقات كتهضر معاه شوية و هي ديها معاها لدار و هي ديرليه شي حاجة من داك سحر ديالها كيقولو انها كتحكم في هادوك لمكيدكروش و لله وعلم مهم مني عاوداتليا هادشي كل تصدمت و فهمت مراتي علاش كانت كتقول ولدي مشا فيها و هدشي زاد فقصها حتى ماتت و انا نسول ديك لمرا و انتي منين عرفتي هدشي كامل و هي تقوليا بلي كانت خدامة عند ديك لمرا الشوافة في دار كتشقى ليها و كانت كتعرف كل حاجة كتوقع اوا انا اش بقاليا منقول عرفت سر و سكت مقدرتش نمشي عند هاديك شوافة و نهضر معاها حيت في ديك مدة لكنت كنقلب على هاد السر مشاو ناس تاع دوار و شكاو بيها بلي كدير شي حوايج خايبة في دوار و راهم شدوها في سجن باش احقو معاها و اتخد جزاء ديالها حيت ضلمات ناس بزاف بشعودة ديالها و فرقت بزاف ازواج العائلات .

في القصة عبرة لكل الفتيات اللواتي سيصبحن زوجات في المستقبل فاعتبرواااااا .

تأليف : Hä Ñ ÃJ