ﺍﻧﺎ ﻧﻮﺭﺓ ﻋﻨﺪﻱ 32 ﺳﻨﺔ ... ﻭﻫﺎﺩﻱ ﻗﺼﺘﻲ :
ﺗﺰﺍﺩﻳﺖ ﻭﺳﻂ ﻋﺎﺋﻠﺔ ﻣﻔﺤﺎﻟﻬﺎﺵ ... ﺍﻷﺏ ﺩﻳﺎﻟﻲ ﺗﻮﻓﻰ ﻭ ﺍﻧﺎ ﺻﻐﻴﺮﺓ
ﻣﻌﻘﻼﺵ ﻋﻠﻴﻪ ....ﻭ ﺍﻷﻡ ﺩﻳﺎﻟﻲ ﻫﻲ ﺍﻟﻠﻲ ﺭﺑﺎﺗﻨﺎ ﻭ ﺧﺪﻣﺎﺕ ﻋﻠﻴﻨﺎ
ﻣﺴﻜﻴﻨﺔ .... ﻋﻨﺪﻱ 3... ﺧﻮﺍﺗﺎﺕ ﻭﺍﺥ ﻭﺍﺣﺪ
ﻛﻞ ﻭﺍﺣﺪﺓ ﻭ ﺣﺎﻟﻬﺎ ...ﻛﻠﻬﻢ ﻣﺰﻭﺟﻴﻦ ...
ﺍﻟﻤﻬﻢ ﺍﻧﺎ ﺍﻟﺼﻐﻴﺮﺓ ﻑ ﺧﻮﺗﻲ .. ﻭ ﻛﻨﺖ ﻋﺰﻳﺰﺓ ﻋﻠﻴﻬﻢ .. ﻛﺎﻧﻮﺍ ﻣﻬﻠﻴﻦ
ﻓﻴﺎ
ﺍﻟﻲ ﺑﻐﻴﺘﻬﺎ ﻛﺘﺤﻀﺮ ... ﻣﻜﺎﻧﻮﺵ ﻣﺨﻠﻴﻨﻲ ﻣﺨﺼﻮﺻﺔ ﻣﻦ ﺣﺘﺎ ﻧﺎﺣﻴﺔ
... ﻗﺒﻞ ﻣﻴﺘﺰﻭﺝ ﻛﻞ ﻭﺍﺣﺪ ﻭﻳﻤﺸﻲ ﻟﺪﺍﺭﻭ ....ﻭﺑﻘﻴﺖ ﻏﻲ ﺍﻧﺎ ﻭ ﻣﺎﻣﺎ ﻓﺪﺍﺭ
.....ﻭﻭﺍﺧﺔ ﻣﺸﺎﻭ ﻣﻨﺴﻮﻧﺎﺵ ﻛﻞ ﻭﺍﺣﺪ ﻛﻴﺠﻲ ﻑ ﺍﺧﺮ ﺷﻬﺮ ﺍﻳﻌﻄﻲ ﻟﻤﺎﻣﺎ
ﺷﻲ ﺑﺮﻛﺔ ﻭ ﻳﻤﺸﻲ ...
ﻣﺎﻣﺎ ﻣﺴﻜﻴﻨﺔ ﺑﺪﺍﺕ ﻛﺘﻌﻴﺎ ... ﺣﺘﻰ ﻫﻲ ﺩﺍﺯﺕ ﻋﻠﻴﻬﺎ ﺑﺘﻤﺎﺭﺓ ..ﻏﻲ ﺑﺎﺵ
ﻛﺒﺮﺗﻤﺎ ﻣﺴﻜﻴﻨﺔ ﻭ ﺑﺎﺵ ﻣﺘﺨﻠﺒﻨﺎﺵ ﻧﺤﺴﻮﺍ ﺑﺎﻟﻨﻘﺺ ...ﻭﻧﻌﻴﺸﻮﺍ ﺑﺤﺎﻟﻨﺎ
ﺑﺤﺎﻝ ﻧﺎﺱ ﺍﻻﺧﺮﻳﻦ .....
ﺍﻧﺎ : ﻣﺎﻣﺎ ﺑﻐﻴﺖ ﻧﺪﻭﻱ ﻣﻌﺎﻙ
ﻣﺎﻣﺎ: ﺍﺵ ﺑﻐﻴﺘﻲ ﺍﺑﻨﻴﺘﻲ ! ﻳﻜﻤﺎ ﺧﺎﺻﻚ ﺷﻲ ﺣﺎﺟﺔ !
ﺍﻧﺎ : ﻻ ﺍ ﻣﺎﻣﺎ ﻏﻲ ﺑﻐﻴﺖ ﻧﺴﺘﺎﺷﺮ ﻣﻨﻚ ﻓﻮﺍﺣﺪ ﺍﻟﻤﻮﺿﻮﻉ ﻣﻬﻢ !
ﻣﺎﻣﺎ : ﻭﺍﺧﺔ ﺍﺑﻨﻴﺘﻲ ﻳﺎﻛﻤﺎ ﻛﺎﻳﻦ ﺑﺎﺱ
ﻣﺎﻣﺎ ﺍﻧﺎ ﻋﻴﺖ ﻣﻨﻘﻠﺐ ﻋﻠﻰ ﺧﺪﻣﺔ ﻓﻀﻮﻣﻴﻦ ﺩﻳﺎﻟﻲ !
ﻭﺑﺪﺑﻠﻮﻡ ﺩﻳﺎﻟﻲ ﻣﻠﻘﻴﺶ .. ﺍﻧﺎ ﻏﻨﻘﻠﺐ ﻋﻠﻰ ﺧﺪﻣﺔ ﻛﻴﻨﺎ ﻛﺎﻧﺖ
ﺧﺼﻚ ﺗﺮﺗﺎﺣﻲ ﺍﻣﻴﻤﺘﻲ ﺷﻮﻳﺔ .. ﻓﻨﻴﺘﻲ ﺷﺒﺎﺑﻚ ﻋﻠﻴﻨﺎ؟
ﻭﺗﻤﺤﻨﺘﻲ ﻭ ﺷﺤﺎﻝ ﺿﺮﺑﺘﻲ ﺗﻤﺎﺭﺓ ﺻﺎﻓﻲ ﺑﺎﺭﻛﺔ ﻋﻠﻴﻚ ...
ﺍﺑﻨﺘﻲ ﺭﺍﻧﻲ ﻣﺪﺍﻳﻤﺎﺵ ﻟﻴﻚ ، ﺍﻟﺪﺍﻳﻢ ﺍﻟﻠﻪ
ﺍﻧﺎ : ﻻ ﺍﻣﺎﻣﺎ ﺍﻟﻠﻪ ﻳﻄﻮﻝ ﻟﻴﺎ ﻓﻌﻤﺮﻙ .. ﻭﻟﻜﻦ ﺍﻧﺎ ﺭﺍ ﺻﺎﻓﻲ ﺻﻤﻤﺖ ﻭ ﻏﺪﺍ
ﻏﻨﺨﺮﺝ ﻧﻘﻠﺐ ﻋﻠﻰ ﺷﻲ ﺧﺪﻳﻤﺔ ﻛﻴﻔﻤﺎ ﻛﺎﻧﺖ
ﺻﺎﻓﻲ ﺍﻣﺎﻣﺎ ﺧﻠﻴﻨﻲ ﻭﺍﺧﺔ ﻧﻬﺰ ﻋﻠﻴﻚ ﺍﻟﺤﻤﻞ ﻏﻲ ﺷﻮﻳﺔ ..
ﻣﺎﻣﺎ : ﺍﺑﻨﺘﻲ ﺍﺵ ﻏﻴﻘﻮﻝ ﺍﻟﻤﻴﺖ ﻗﺪﺍﻡ ﻏﺴﺎﻟﻮ ... ﺳﻴﺮﻱ ﺍﻟﻠﻪ ﻳﺮﺿﻲ
ﻋﻠﻴﻚ ..ﻭﻳﻨﻘﻲ ﻃﺮﻳﻘﻚ ﻣﻦ ﺍﻟﺸﻮﻙ ﻭ ﻳﺒﻌﺪ ﻋﻠﻴﻚ ﻭﻻﺩ ﺍﻟﺤﺮﺍﻡ
... ﺍﻧﺎ : ﺍﻣﻴﻦ ﺍﻣﻴﻤﺘﻲ
ﻧﻌﺴﻨﺎ ﻭﺍﻟﺼﺒﺎﺡ ﻓﺎﻗﺖ ﻣﺎﻣﺎ ﺑﻜﺮﻱ ﻭﺟﺪﺍﺕ ﻟﻴﺎ ﺍﻟﻔﻄﻮﺭ ... ﻭﻋﻄﺎﺗﻨﻲ ﺷﻲ
ﺑﺮﻛﺔ ﺩﻳﺎﻝ ﺍﻟﻔﻠﻮﺱ ﻭ ﺩﻋﺎﺕ ﻣﻌﺎﻳﺎ
... ﺍﻟﻨﻬﺎﺭ ﻛﻠﻮ ﻭﻧﺎ ﻧﻘﻠﺐ ﻋﻠﻰ ﺧﺪﻣﺔ .... ﻣﺨﻠﻴﺖ ﻓﻴﻦ ﻣﺸﻴﺖ
.. ﺍﻟﻘﻬﺎﻭﻱ ...ﺍﻟﺒﺘﻴﺴﺮﻳﺎﺕ .. ﺣﺘﺎ ﻣﻦ ﺍﻟﻌﻤﺎﺭﺍﺕ ﺳﻮﻟﺖ ﻭﺍﺵ ﺧﺎﺻﻬﻢ
ﺷﻲ ﻭﺣﺪﺓ ﻟﻠﺪﺭﻭﺝ ...ﻭ ﻭﺍﻟﻮ ... ﺭﺟﻠﻲ ﻃﺎﺑﻮ ﻋﻠﻴﺎ .. ﻋﻴﻴﻴﺖ ﻭ ﺷﺪﺍﺗﻨﻲ
ﺍﻟﺒﻜﻴﺔ ...
ﺍﻟﺠﺰﺀ 2
ﺭﺟﻌﺖ ﻟﻠﺪﺍﺭ ﻛﻨﺠﺮ ﻣﻌﺎﻳﺎ ﺣﺒﺎﻝ ﺍﻻﻧﻜﺴﺎﺭ ...ﻭ ﻣﻬﻤﻮﻣﺔ ﺑﺤﺎﻝ ﻫﺎﺯﺓ ﺟﺒﺎﺍﺍﺍﻝ
ﺩﻳﺎﻝ ﺍﻟﻬﻤﻮﻡ .... )) ﻧﺴﻴﺖ ﻣﻘﻠﺘﺶ ﻟﻴﻜﻢ ﺑﻠﻲ ﻋﻨﺪﻱ ﺩﻳﺒﻠﻮﻡ ﻓﻲ
ﺍﻟﺘﺴﻴﻴﺮ ﺍﻟﻤﻘﺎﻭﻻﺕ ...(( ﻭﻋﻴﺖ ﻣﻨﻘﻠﺐ ﻋﻠﻰ ﺧﺪﻣﺔ ﻓﻨﻔﺲ ﺩﻭﻣﻴﻦ
..ﻭﻟﻜﻦ ﺭﺍﻛﻢ ﻋﺎﺭﻓﻴﻦ ﺍﻟﻤﻐﺮﺏ ﺧﺪﺍﻡ ﻏﻲ ﺏ ﻋﻤﺮ ... ﻭ ﺑﺎﺑﺎﻙ ﺻﺎﺣﺒﻲ
....
ﻋﻨﻘﺎﺗﻨﻲ ﻣﺎﻣﺎ ﻭﻗﺎﻟﺖ :
ﻣﺎﻣﺎ : ﻭ ﺑﻨﻴﺘﻲ ﻣﺎﻟﻚ ﻛﺘﺒﻜﻲ ﺭﺍﻩ ﻳﺎﻟﻪ ﺍﻟﻨﻬﺎﺭ ﺍﻻﻭﻝ ﻫﺎﺩﺍ .. ﻣﺘﻔﻘﺪﻳﺶ
ﺍﻻﻣﻞ ... ﻭﺧﺎﺻﻚ ﺗﻘﺼﺎﺣﻲ ﺍﺑﻨﺘﻲ ﻣﺎﺷﻲ ﺍﻱ ﺧﺴﺮﺍﻥ ﻣﻌﻨﻰ ﺩﻳﺎﻟﻮ ﺍﻥ
ﺍﻟﺤﻴﺎﺓ ﺻﺎﻓﻲ ﺳﺎﻟﺖ ...ﺑﺎﻟﻌﻜﺲ ﺍﺑﻨﺘﻲ ﺭﺑﻲ ﻛﻴﻜﺘﺐ ﻟﻴﻨﺎ ﻏﻲ ﺍﻟﺤﺎﺟﺔ
ﺍﻟﺰﻭﻳﻨﺔ ﻭﻛﻞ ﺗﻮﺧﻴﺮﺓ ﻓﻴﻬﺎ ﺧﻴﺮﺓ . ﺭﺑﻲ ﻳﺴﻬﻞ ﺍﻟﻐﺪ ... ﻭﺍﺧﺔ ﺍﺑﻨﺘﻲ ﻛﻮﻥ
ﺳﻌﻔﺘﻲ ﻛﻮﻥ ﺟﻠﺴﺘﻲ ﻭﺧﻠﻴﺘﻴﻨﻲ ﺍﻧﺎ ﺭﺍ ﻣﺰﺍﺍﺍﻝ ﻗﺎﺩﺭﺓ ﻧﺨﺪﻡ ﺑﺎﺫﻥ ﺍﻟﻠﻪ .
ﺍﻧﺎ : ﻻ ﺍﻣﺎﻣﺎ ﺻﺎﻓﻲ ﺍﻧﺎ ﻟﻲ ﺑﻐﻴﺖ
ﺩﺍﺯﺕ ﺳﻴﻤﺎﻧﺔ ﻭﺍﻧﺎ ﻛﻨﻘﻠﺐ ﻋﻠﻰ ﺧﺪﻳﻤﺔ ...ﺣﺘﺎ ﻟﻮﺍﺣﺪ ﺍﻟﻨﻬﺎﺭ ﺩﺧﻠﺖ
ﻟﻮﺍﺣﺪ ﺍﻟﺸﺮﻛﺔ ﻭ ﻣﺸﻴﺖ ﻋﻨﺪ ﺍﻟﻌﺴﺎﺱ
ﺍﻧﺎ : ﺍﻟﺴﻼﻡ ﻋﻤﻲ ﻋﺎﻓﺎﻙ ﻭﺍﺵ ﺧﺎﺻﻜﻢ ﺷﻲ ﻛﻮﻧﺴﻴﺎﺟﺔ
ﺍﻟﻌﺴﺎﺱ : ﺟﻴﺘﻲ ﺍﺑﻨﺘﻲ ﻓﻲ ﺍﻟﻮﻗﺖ ﺍﻟﻤﻨﺎﺳﺐ .. ﺧﺎﺻﺎﻧﺎ ﺷﻲ ﻭﺣﻴﺪﺓ
.. ﺗﻤﺴﺢ ﺍﻻﺭﺽ ﻭ ﺍﻟﺒﻴﺮﻭﺍﺕ .. ﺍﺟﻲ ﺩﺧﻠﻲ
ﺩﺧﻠﻨﻲ ﻭﻧﺎ ﺩﺍﺧﻠﺔ ﺣﺸﻤﺎﻧﺔ ... ﻭﻟﻜﻦ ﻧﻠﻲ ﻛﻨﺘﻔﻜﺮ ﻣﻴﻤﺘﻲ ﻛﻨﺘﺸﺠﻊ
...ﺩﺍﻧﻲ ﻟﻤﻜﺘﺐ ﺍﻟﻤﺪﻳﺮ ... ﺩﻭﺍ ﻣﻊ ﺳﻜﺮﺗﻴﺮﺓ ﻭ ﻗﺎﻟﻴﺎ
ﺍﻟﻠﻪ ﻳﺴﻬﻞ ﻋﻠﻴﻚ ﺍﺑﻨﻴﺘﻲ ﻭﻣﺸﺎ ... ﺩﺧﻼﺗﻨﻲ ﻟﻠﻤﻜﺘﺐ .. ﻭ ﻛﺎﻥ ﻟﻤﺪﻳﺮ
ﺟﺎﻟﺲ ﻓﻲ ﻟﻠﻜﺮﺳﻲ ﻭ ﻋﺎﻃﻲ ﺑﺎﻟﻈﻬﺮ ﺟﻴﻬﺘﻲ
ﻗﺎﻟﺖ ﻟﻴﻪ ﺳﻴﺪﻱ ﻫﺎﺩ ﺍﻟﺒﻨﺖ ﺟﺎﺑﻬﺎ ﺑﺎ ﺍﻟﻌﺮﺑﻲ ... ﺑﺎﻏﺔ ﺗﺨﺪﻡ ..
ﻗﺎﻟﻴﻬﺎ ﺻﺎﻓﻲ ﺧﺮﺟﻲ ﻭ ﻗﺎﻟﻴﺎ ﺟﻠﺴﻲ ﻭﻫﺎﺩﺷﻲ ﻛﻠﻮ ﻣﺰﺍﻝ ﻋﺎﻃﻲ
ﺑﺎﻟﻈﻬﺮ ...
ﻭﻫﻮ ﻳﺪﻭﺭ ﺍﻟﻤﺮﺳﻲ ﻭﺟﺎﺕ ﻋﻴﻨﻲ ﻓﻌﻴﻨﻮ
ﺍﻟﻤﺪﻳﺮ : ﺍﻟﺴﻼﻡ ﻋﻠﻴﻜﻢ
ﺍﻧﺎ : ﻭﻋﻠﻴﻜﻢ ﺍﻟﺴﺴﺴﺴﺴﺴﻼﻣﻤﻤﻢ ..ﻭﻛﻨﺘﻔﺘﻒ
ﺑﻼﺗﻲ ﻧﻘﻮﻟﻴﻜﻢ ﻋﻼﺵ ﻛﻨﺘﻔﺘﻒ .. ﻗﺒﻞ ﻣﻨﻜﻤﻞ
ﺳﺒﺤﺎﻥ ﺍﻟﺨﺎﻟﻖ ... ﺍﺳﻤﺮ ﺍﻟﻠﻮﻥ .. ﺣﺮﻭﻓﻮ ﻛﺤﻠﻴﻴﻴﺒﻴﻴﻦ ﻭ ﻋﻨﺪﻭ ﺛﻘﺒﺎﺕ
ﺍﻟﺰﻳﻦ ﻓﺤﻨﺎﻛﻮ ... ﺳﺒﺤﺎﻥ ﺍﻟﺨﺎﻟﻖ ﺟﻤﻴﻞ ﺟﻤﺎﻝ ﻣﻠﻮﺵ ﻣﺜﺎﻝ
ﺍﻟﻤﺪﻳﺮ : ﻭﺍﺵ ﻋﻤﺮﻙ ﺧﺪﻣﺘﻲ ﺑﺤﺎﻝ ﻫﺪ ﺍﻟﺨﺪﻣﺔ
ﻻ ﺍﺳﻴﺪﻱ ﺍﻭﻝ ﻣﺮﺓ ...
ﺍﻟﻤﺪﻳﺮ ﺍﻟﺒﻮﻛﻮﺹ ﻫﻪ : ﻣﻤﻢ ﺍﻟﻤﻬﻢ ﻣﺮﺣﺒﺎ ﺑﻴﻚ ﻣﻌﺎﻧﺎ ... ﻛﻨﺒﻐﻲ ﺍﻻﻧﻀﺒﺎﻁ
ﻭ ﺍﻟﺤﻀﻮﺭ ﻓﻲ ﺍﻟﻮﻗﺖ ... ﻭﺍﻟﺒﻴﺮﻭ ﺩﻳﺎﻟﻮ ﻧﺒﻐﻴﻪ ﻳﺒﻘﺎ ﺩﻳﻤﺎ ﻧﻘﻲ ...ﺑﻼ
ﻣﻨﻮﺻﻴﻚ
ﺍﻟﻠﻪ ﺍﻟﻠﻪ ﻏﻲ ﺑﻘﺎ ﺍﺩﻭﻱ ﻣﺴﺨﻴﺘﺶ ﺑﻴﻚ ...
ﺍﻟﻤﺪﻳﺮ : ﻛﻴﻘﻄﻊ ﺣﺒﻞ ﺍﻓﻜﺎﺭﻱ ﻭﺍﺵ ﻣﻔﻬﻮﻡ
ﺍﻧﺎ : ﺍﻩ ﻣﻔﻬﻮﻡ ﺍﺳﻴﺪﻱ
ﻋﻴﻂ ﻟﻠﺴﻜﺮﺗﻴﺮﺓ ... ﺟﺎﺕ ﺩﺍﺗﻨﻲ ﻟﻮﺍﺣﺪ ﺍﻟﻐﺮﻓﺔ ﻣﻀﻴﻘﺔ ﻗﺎﻟﺖ ﻫﺎ ﻫﻴﺎ
ﻟﺒﺴﺔ ﺍﻟﺨﺪﻣﺔ ﻭﻫﻨﺎ ﻓﻴﻦ ﺗﺨﻠﻲ ﺣﻮﻳﺠﻚ ﻭ ﻫﺎ ﺳﺎﺭﻭﺕ ﻳﻤﻜﻦ ﻟﻴﻚ ﺗﺒﺪﺍﻱ
ﻟﺒﺴﺖ ﺍﻟﻠﺒﺴﺔ ﻭﺑﺪﻳﺖ ﻛﻨﻀﺮﺏ ﺍﻟﺠﻔﺎﻑ ﻋﻠﻰ ﻗﻠﺒﻲ ...ﻭﻧﺎ ﺍﻟﻲ ﻛﻨﺖ
ﻛﻨﺤﻠﻢ ﺑﺮﺍﺳﻲ ﺗﺎﻧﺎ ﺟﺎﻟﺴﺔ ﻓﺒﻴﺮﻭﺍ ﻭﻛﻨﻌﻄﻲ ﺍﻻﻭﺍﻣﺮ ... ﻫﻜﺪﺍ ﻭﺻﻼﺕ ﺑﻴﺎ
ﺍﻟﻮﻗﺖ ...ﻛﻨﺖ ﻛﻨﺤﻠﻢ ﺑﺒﺰﺍﻑ ﺩﺍﻟﺤﻮﺍﻳﺞ ...ﻛﻠﻬﻢ ﺗﺒﺨﺮﻭﺍ ... ﻃﺎﺍﺍﺭﻭﺍﺍﺍﺍ ... ﻭ
ﺷﻮﻳﺔ ﺗﻔﻜﺮﺕ ﻫﻀﺮﺓ ﻣﻴﻤﺘﻲ )) ﺍﺑﻨﺘﻲ ﺍﻱ ﺣﺎﺟﺔ ﻣﻜﺘﺒﻬﺎ ﻟﻴﻨﺎ ﺍﻟﻪ ﻓﻴﻬﺎ
ﺧﻴﺮ .. ﻭﻛﻞ ﺗﻮﺧﻴﺮﺓ ﻓﻴﻬﺎ ﺧﻴﺮﺓ ((
ﺗﺒﺴﻤﺖ ﻭﻋﻠﻴﺖ ﺭﺍﺳﻲ ﻭ ﺑﻘﻴﺖ ﺧﺪﺍﻣﺔ ...ﺍﻟﺤﻼﻝ ﺯﻭﻳﻦ .... ﻳﻜﻮﻥ ﻛﻴﻤﺎ
ﻳﻜﻮﻥ ﺍﻟﻤﻬﻢ ﺣﻼﻝ
ﻭﺑﻘﻴﺖ ﻛﻨﻔﻜﺮ ﻓﺪﻭﻙ ﺍﻟﺒﻨﺎﺕ ﺍﻟﻠﻲ ﻛﻴﺨﺮﺟﻮﺍ ﺍﻟﻄﺮﻳﻖ ...ﻋﻼﺵ ﻣﺘﻠﻘﺎﺵ
ﺧﺪﻣﺔ ﻫﻜﺪﺍ .. ﻭﺗﺠﻔﻒ ... ﻭﻻ ﺗﻐﺴﻞ ﺍﻟﻤﺎﻋﻦ ﻭﻻ .... ﻋﻄﺎ ﺍﻟﻠﻪ ﻣﻴﺪﺍﺭ ﻑ
ﺍﻟﺤﻼﻝ ..ﻋﻼﺵ ﻛﻴﺒﻴﻌﻮﺍ ﻟﺤﻤﻬﻢ ﻣﻘﺎﺑﻞ ﺛﻤﻦ ﺑﺨﺲ ...ﻭ ﻛﻴﺪﻳﻮﺍ ﺍﻟﺬﻧﻮﺏ
... ﻟﻬﻤﺎ ﺍﻟﺠﻔﺎﻑ ﻭ ﻓﻠﻴﺴﺎﺗﻮ ﺣﻼﻝ ﻭﻻ ﻧﻐﻀﺐ ﻣﻮﻻﻳﺎ ..ﻭﺍﻟﺪﻧﻴﺎ ﻓﺎﻳﻴﺘﺔ
... ﺷﻮﻳﺔ ﻭ ﻧﺎ ﻧﻘﻮﻝ ﻟﺮﺍﺳﻲ ﺻﺎﻓﻲ ﺳﻜﺘﻨﻲ ﺻﺪﻋﺘﻴﻨﻲ ﺑﺎﻟﻔﻠﺴﻔﺔ ﺩﻳﺎﻟﻚ
ﻭﻛﻤﻠﺖ .... ﺩﺧﻠﺖ ﻟﺒﻴﺮﻭ ﺩﻳﺎﻝ ﺍﻟﻤﺪﻳﺮ ......ﻏﻲ ﺩﺧﻠﺖ ﺿﺮﺑﺘﻨﻲ ﺭﻳﺤﺘﻮﺍ
.. ﺍﻟﻠﻪ ﻋﻠﻰ ﺭﻳﺤﺔ ﺷﺤﺎﻝ ﻏﺰﺍﻟﺔ ﺑﺎﻳﻨﺔ ﻏﺎﻟﻴﺔ ... ﻛﻮﻥ ﺭﺍ ﺛﻤﻨﻬﺎ ﺍﻟﻀﻮﺑﻞ
ﺩﻳﺎﻝ ﺍﻟﻤﺎﻧﻀﺔ ﺍﻝ ﻏﻴﻌﻄﻴﻮﻧﻲ .. ﻫﻬﻬﻪ
ﺗﻔﻜﺮﺕ ﺑﻠﻲ ﻣﻄﻤﻨﺘﺶ ﻣﺎﻣﺎ ﻋﻠﻴﺎ ...ﺟﺒﺪﺕ ﻟﻠﺒﻮﺭﻃﺎﺑﻞ ﻭ ﺟﻠﺴﺖ ﻓﻲ
ﺍﻟﻜﺮﺳﻲ ...
ﺍﻟﻮﻭﻭ ﻣﺎﻣﺎ ﺑﺎﺭﻛﻲ ﻟﻴﺎ ﻟﻘﻴﺖ ﺧﺪﻳﻤﺔ
ﺍﻟﻠﻪ ﺑﺎ ﺑﻨﺘﻲ ﻋﻴﻄﻲ ﻏﻴﺮ ﻗﺒﻴﻠﺔ .. ﺧﻠﻌﺘﻴﻨﻲ ﻋﻠﻴﻚ
ﻛﻴﺤﺴﺎﺑﻠﻲ ﻏﻲ ﻭﻗﻊ ﻟﻴﻚ ﺷﻲ ﺣﺎﺟﺔ ﺍﻟﻠﻪ ﻳﺤﻀﺮ ﺍﻟﺴﻼﻣﺔ
ﺍﻧﺎ : ﻻ ﻣﺎﻣﺎ ﻣﺘﺨﺎﻓﻴﺶ ﻏﻲ ﻧﺴﻴﺖ ﻧﻄﻤﻨﻚ ﻳﺎﻟﻪ ﻧﺨﻠﻴﻚ ﺩﺍﺍﺍﺍﺍﺑﺎﺍﺍ ...ﻣﺞ
ﻳﺖ ﻓﻴﻦ ﻧﻘﻄﻊ ﻛﻨﻠﻘﺎ ﺍﻟﻤﺪﻳﺮ ﻛﺎﻥ ﻏﻲ ﻓﻲ ﻃﻮﻟﻴﺖ ﺩﻳﺎﻝ ﺍﻟﺒﻴﺮﻭ ... ﺧﺮﺝ
ﻭﻗﺎﻟﻴﺎ ...
ﺍﻟﻤﺪﻳﺮ : ﺍﻫﻼ ﻭ ﺳﻬﻼ ﻻﻻﺓ ﺷﻨﻮ ﺗﺸﺮﺑﻲ ﻗﻬﻴﻮﺓ ... ﻫﻮﺍﻱ ..
ﻭﺍﺵ ﻣﻜﺘﺤﺸﻤﻴﺶ ... ﺟﺎﻳﺔ ﺗﺨﺪﻣﻲ ﻭﻻ ﺟﺎﻳﺔ ﺗﻬﻀﺮﻱ ﻟﻴﺎ ﻓﻲ
ﺍﻟﺒﻮﺭﻃﺎﺑﻼﺕ ...
ﺍﻧﺎ : )) ﺗﺰﻧﻜﺖ (( ﻋﺎﻓﺎﻙ ﺍﺳﻴﺪﻱ ﺳﻤﺤﻠﻲ ﺭﺍ ﻏﻲ ﻣﺎﻣﺎ ... ﻣﻜﻤﻠﺘﺶ
ﻫﻀﺮﺗﻲ ﻗﺎﻟﻴﺎ ....ﺳﻜﺘﺘﻴﻨﺎ ﻣﺘﻌﻮﺩﻳﺶ ﻗﺼﺔ ﺣﻴﺎﺗﻚ ؟؟؟
ﻛﻨﻠﻲ ﺧﺪﻣﺘﻚ ﻭﺧﺮﺟﻲ ﻋﻠﻴﺎ ... ﻫﺎﺩﺍ ﺍﻭﻝ ﺍﻧﺬﺍﺭ ﻭ ﺍﺧﺮ ﺍﻧﺬﺍﺭ ﻟﻴﻚ
..... ﺍﻟﺪﻧﻴﺎ ﺿﺎﺭﺕ ﺑﻴﺎ ﻭﻣﺮﺿﻴﺎﺵ .. ﻛﻤﻠﺖ ﺍﻟﺸﻐﻞ ﻭﺧﺮﺟﺖ ﺑﺤﺎﻟﻲ ...
ﻛﺮﻫﺘﻮﺍ ..ﻛﻴﻔﺎﺵ ﻳﺪﻭﻱ ﻣﻌﺎﻳﺎ ﺑﺪﻳﻚ ﺍﻟﻄﺮﻳﻘﺔ ﻣﺤﺸﻤﺶ .. ﻣﺘﻜﺒﺮ ﻻﺧﻮﺭ
.. ﺟﺎﻳﺔ ﻭﻛﻨﺨﺎﺻﻢ ﻓﻲ ﺍﻟﻄﺮﻳﻖ ..
ﺩﺧﻠﺖ ﻟﻠﺪﺍﺭ ﺳﻠﻤﺖ ﻋﻠﻰ ﻟﻤﻴﻤﺔ ﻭﻃﺨﺖ ﻛﺎﻭ .. ﻋﻴﻴﺖ ﺑﺘﻤﺎﺭﺓ ... ﻭﻫﻜﺪﺍ
ﻭﻟﻴﺖ ﻧﻤﺸﻲ ﻟﻠﺨﺪﻣﺔ ﻳﻮﻣﻴﺎ ﻧﺠﻔﻒ ﻭ ﻧﻤﺴﺢ ﻟﻠﺒﻴﺮﻭ ﻟﺪﺍﻙ ﺍﻟﺒﻮﻛﻮﺹ
ﺍﻟﻤﺘﻜﺒﺮ ﻭﺣﺮﻣﺖ ﻧﺪﻭﻱ ﻓﻲ ﺍﻟﺒﻮﺭﻃﺎﺑﻞ ....
ﻻﺣﻈﺖ ﺩﻭﻙ ﺍﻻﻳﺎﻡ ﺑﻠﻲ ﻭﺍﺣﺪ ﺍﻟﻜﻮﻧﻄﺎﺑﻞ ﻏﻲ ﺣﺎﺿﻴﻨﻲ ﻭ ﻋﻴﻦ ﻋﻠﻴﺎ
... ﻭﻟﻜﻦ ﻣﺘﺴﻮﻗﺘﺶ ﻟﻴﻪ .. ﺍﻧﺎ ﺟﺎﻳﺔ ﺑﺎﺵ ﻧﺨﺪﻡ ﻧﺎﺷﻲ ﺑﺎﺵ ﻧﺨﻮﻥ ﺛﻘﺔ
ﺍﻟﻮﺍﻟﻴﺪﺓ ...
ﻭﺍﺣﺪ ﻧﻬﺎﺭ ﺳﺎﻟﻴﺖ ﺍﻟﺨﺪﻣﺔ ﻟﺒﺴﺖ ﺣﻮﺍﻳﺠﻲ ﻭﻧﺎ ﺧﺎﺭﺟﺔ ﻛﻨﺴﻤﻊ ﺍﻟﺼﻮﻧﻂ
ﺩﻳﺎﻝ ﻃﻮﻧﻮﺑﻴﻞ ...
ﺗﻴﺖ ...ﺗﻴﻴﻴﻴﺖ . ﺗﻲﻳﻴﻴﺖ ... ﻭﺍﻟﻮ ...ﻣﺪﺭﺗﺶ ﺗﻜﻨﺤﺲ ﺑﺸﻲ ﺍﻳﺪ ﺷﺪﺍﺕ
ﻟﻴﺎ ﻓﺠﻼﺑﺘﻲ ... ﻭﺍﺧﺘﻲ ﻏﻲ ﺗﻮﺍﺿﻌﻲ ﻣﻌﺎﻧﺎ 😯
ﺩﺭﺕ .. ﻟﻘﻴﺘﻮﺍ ﺩﺍﻙ ﺍﻟﻜﻮﻧﻄﺎﺑﻞ ... ﺻﺮﺍﺣﺔ ﻣﺒﻴﻬﺶ ...ﻃﻮﻳﻞ ﻭﺳﻤﺮ ﺷﻮﻳﺔ
...ﻭ ﻋﻴﻨﻴﻪ ﻓﻲ ﺍﻟﻤﺎﻏﻮ ....ﺍﻟﻔﻐﻮﻧﺴﻲ ﻳﺎ ﻟﻠﻔﻐﻮﻧﺴﻲ
ﺍﻧﺎ : pardon ﺳﻴﺪﻱ ﺍﺵ ﻫﺎﺩ ﺍﻟﺒﺴﺎﻟﺔ ﻭﺍﺵ ﻫﺎﺩ ﺷﻮﻫﺔ ﺩﺍﻳﺮ ﻟﻴﺎ ﻓﺰﻧﻘﺔ
ﻫﻮ : ﺭﻛﺒﻲ ﻧﻮﺻﻠﻚ ... ﻭﻻ ﻳﺎﻟﻪ ﻧﺪﻳﺮﻭ ﺷﻲ ﻗﻬﻴﻮﺓ ...
ﺍﻧﺎ : ﻭﺍﺵ ﻣﺤﺸﻤﺘﻴﺶ ؟ ﺧﻠﻴﻨﻲ ﻋﻠﻴﻚ ﻋﺎﻓﺎﻙ
ﻭﺍﻟﻮ ﻟﺼﻘﺔ ﺑﻘﺎ ﺗﺒﻌﻨﻲ ﺣﺘﻰ ﻗﻠﺖ ﻟﻴﻪ
ﻣﻜﻨﺮﻛﺒﺶ ﻓﻄﻮﻧﻮﺑﻴﻼﺕ ﺳﻤﺢ ﻟﻴﺎ ... ﻗﺎﻟﻲ ﻳﻠﻠﻪ ﻧﺪﻳﺮﻭ ﻏﻲ ﻗﻬﻴﻮﺓ !..
ﺻﺮﺍﺣﺔ ﻋﺠﺒﻨﻲ ... ﻭ ﻟﻜﻦ ﻣﺒﻐﻴﺘﺶ ﻧﺒﻴﻦ ... ﺩﺍﻓﻌﺔ ﻛﺒﻴﺮ ﺯﻋﻤﺎ ... ﺭﺍﻛﻢ
ﻋﺎﺭﻓﻴﻦ ... ﻳﻤﺘﻨﻌﻦ ﻭﻫﻦ ﺭﺍﻏﺒﺎﺕ ... ﻣﺎ ﻋﻠﻴﻨﺎ ....
ﻗﺎﻟﻲ ﺑﻠﻲ ﻧﺎﻭﻱ ﻣﻌﺎﻳﺎ ﺍﻟﺤﻼﻝ ... ﻣﻤﺸﻴﻨﺎ ﺟﻠﺴﻨﺎ ﻓﻘﻬﻮﺓ ..
ﺍﺷﻨﻮﺍ ﺗﺸﺮﺑﻲ ؟
ﻋﺼﻴﺮ ﻟﻴﻤﻮﻥ
ﺟﻠﺴﻨﺎ ﻭﻗﺎﻟﻲ ﺑﻠﻲ ﻫﻮ ﺷﺤﺎﻝ ﻫﻮ ﻋﻴﻨﻮ ﻋﻠﻴﺎ ﻭﺣﺎﺿﻲ ﺗﺼﺮﻓﺎﺗﻮ ﺑﻠﻲ
ﺟﻴﺘﻮ ﺑﻨﺖ ﻧﺎﺱ ﻭﺑﻐﺎ ﻳﺘﻌﺮﻑ ﻋﻠﻴﺎ ﺍﻛﺜﺮ ﻗﺒﻞ ﻣﻴﺠﻲ ﻟﺪﺍﺭﻧﺎ ....
....ﺭﺟﻌﺖ ﻟﻠﺪﺍﺭ ﻓﺮﺣﺎﻧﺔ ﺑﺪﻟﺖ ﺣﻮﺍﻳﺠﻲ ..ﻭﺑﺪﻳﺖ ﻧﺤﻠﻢ ﺑﻌﺮﺱ ﺍﺳﻄﻮﺭﻱ
ﻭﻧﺎ ﻻﺑﺴﺔ ﺍﻻﺑﻴﺾ ...
ﺩﺍﺯﻭﺍ ﺍﻳﺎﻡ ﻓﻴﻤﺎ ﻛﻨﺨﺮﺝ ﻣﻦ ﺧﺪﻣﺔ ﻛﻨﺘﺴﻨﺎﻩ .. ﻣﻴﻮﺻﻠﻨﻲ ﻣﻦ ﺑﻌﺪ ﻣﻦ
ﻛﻨﻤﺸﻴﻮ ﺍﻟﻘﻬﻮﺓ ﻭﻻ ﺍﻟﺒﺤﺮ .. ﻛﻞ ﻣﺮﺓ ﻓﻴﻦ ﻭﺍﺣﺪ ﻧﻬﺎﺭ ﻫﻮ ﻳﺼﺪﻣﻨﻲ ...
ﻛﻨﺎ ﺟﺎﻟﺴﻴﻦ ﻓﻮﺍﺣﺪ ﺍﻟﻘﻬﻮﺓ ..ﻭ ﻗﺎﻟﻲ :
ﻫﻮ : ﺻﺮﺍﺣﺔ ﻣﻜﺮﻫﺘﺶ ﻧﻤﺸﻲ ﺍﻧﺎ ﻭ ﻳﺎﻙ ﺑﻠﺪﺍﺭ ﻣﻜﺮﻫﺘﺶ ﻧﻜﻮﻝ ﺷﻲ
ﻃﻮﻳﺠﻴﻦ ﻣﻦ ﻳﺪﻳﻚ ...
ﺍﻧﺎ : ﺗﺎﻛﻞ ﺍﻟﺠﻐﺪﻳﺪ ﺍﻥ ﺷﺎﺀ ﺍﻟﻠﻪ ... ﻣﺤﺸﻤﺘﻴﺶ
ﻫﻮ : ﻭﻣﺎﻟﻬﺎ ﺍﺵ ﻓﻴﻬﺎ ﻛﻨﺒﻐﻴﻚ ﻭ ﻛﺘﺒﻐﻴﻨﻲ
ﺍﻧﺎ : ﺻﺎﻓﻲ ﻏﻲ ﻛﻨﺒﻐﻴﻮ ﺑﻌﻀﻴﺎﺗﻨﺎ ﻧﻤﺸﻲ ﻣﻌﺎﻙ ﻟﻠﺪﺍﺭ ﻧﻄﻴﺐ ﻟﻴﻚ ﻣﺎﻟﻲ
ﻣﻮﻙ ...
ﻫﻮ : ﻧﺰﻟﻲ ﺻﻮﺗﻚ ﺍﻻﻣﻴﺔ .... ﻭﺍﺵ ﻛﻴﺤﺴﺎﺑﻠﻴﻚ ﺑﺼﺢ ﺍﻧﺎ ﺑﺎﻏﻴﻚ
ﻟﻠﺤﻼﻝ ... ﺑﺤﺎﻟﻚ ﻛﻨﺪﻳﺮﻫﻢ ﻏﻲ ﺟﻔﺎﻑ ﻓﺒﺎﺏ ﺩﺍﺭﻱ ....
ﻭﺍﺵ ﻛﻴﺤﺴﺎﺑﻠﻴﻚ ﻏﻨﺎﺧﺪ ﻛﻮﻧﺴﻴﺎﺟﺔ ﻫﺎﻫﺎﻫﺎ
ﻟﺴﺎﻧﻲ ﺗﻌﻘﺪ ﻋﻠﻴﺎ ... ﻣﻌﺮﻓﺖ ﻣﻨﻘﻮﻟﻴﻬﺎ ..ﺧﻮﻳﺖ ﻋﻠﻴﻪ ﺍﻟﻌﺼﻴﺮ ﻭﺧﺮﺟﺖ
ﻛﻨﺒﻜﻲ
ﺑﻘﻴﺖ ﻏﺎﺩﺓ ﻭ ﻛﻨﺒﻜﻲ ... ﺍﻧﺎ ﺍﺵ ﺩﺍﻧﻲ ﻛﺎﻉ ﻟﻬﺎﺩﺷﻲ ﻧﺴﻴﺖ ﺑﻠﻲ ﺭﺍﻧﻲ
ﻏﻲ ﺟﻔﺎﻓﺔ ﻓﺸﺮﻛﺔ ﻭﻫﻮ ﻛﻮﻧﻄﺎﺑﻞ .. ﻛﺎﻥ ﻛﻴﺤﺴﺎﺑﻠﻲ ﺑﺼﺢ ﻛﻴﺒﻐﻴﻨﻲ
ﻭﻣﺎﺷﻲ ﺳﻮﻗﻮ ﻓﺘﺎ ﺣﺎﺟﺔ ﻓﺪﺍﻛﺸﻲ ....
ﻣﺴﺤﺖ ﺩﻣﻮﻋﻲ ﺑﺎﺵ ﻣﺘﺤﺴﺶ ﺑﻴﺎ ﻣﺎﻣﺎ ﻭﺩﺧﻠﺖ ﻧﻴﺸﺎﻥ ﻟﺒﻴﺘﻲ .. ﺑﺪﻟﺖ
ﺣﻮﺍﻳﺠﻲ ﻭﻧﻌﺴﺖ ....
ﺍﻟﻐﺪ : ﻓﻘﺖ ﻛﺘﻘﻮﻝ ﻭﺍﺵ ﻧﻤﺸﻲ ﻭﺍﺵ ﻣﺘﻤﺸﻴﺶ ... ﻟﺒﺴﺖ ﻭ ﻣﺸﻴﺖ
ﻟﻠﺸﺮﻛﺔ ... ﻭﺍﺣﺪ ﺍﻟﻠﺤﻈﺔ ﻋﻴﻂ ﻟﻴﺎ ﺍﻟﻤﺪﻳﺮ !
ﺩﺧﻠﺖ ﻋﻨﺪﻭ ﻟﻠﺒﻴﺮﻭ ... ﻻﻟﺔ ﻧﻮﺭﺓ ... ﺍﻟﻴﻮﻡ ﻏﺘﻌﻄﻠﻲ ﺣﻴﺖ ﻏﺘﻤﺴﺤﻲ
ﺍﻟﺒﻴﺮﻭﺍﺕ ﻛﺎﻣﻠﻴﻦ ﺩﻳﺎﻝ ﺍﻟﺸﺮﻛﺔ ... ﻏﺪﺍ ﻋﻨﺪﻱ ﺯﻳﺎﺭﺓ ﻣﻬﻤﺔ ﻭﺑﻐﻴﺖ
ﺍﻟﺸﺮﻛﺔ ﺗﺮﺟﻊ ﻛﺘﻀﻮﻱ ﻭﺭﺍﻩ ﺟﺒﻨﺎ ﻟﻴﻚ ﻭﺍﺣﺪﺍﻟﺴﻴﺪﺓ ﺍﻟﻲ ﻏﺘﻮﻟﻲ ﺗﻌﺎﻭﻧﻚ
. ﻭﻟﻜﻦ ﻣﻐﺘﺠﻲ ﺗﺎﻟﻐﺪ .ﺣﻴﺖ ﺑﻮﺣﺪﻙ ﺻﻌﻴﺒﺔ ﻋﻠﻴﻚ ﻟﻠﺨﺪﻣﺔ ...
ﺭﺍ ﺳﻲ ﺍﻟﻌﺮﺑﻲ ﺍﻟﺘﺤﺖ ﺭﺍ ﻣﻮﺻﻴﻪ ﻏﻲ ﺗﻜﻤﻠﻲ ﺭﺍ ﻏﻴﺴﺪ . ﻣﺸﻴﺖ
ﻛﻨﻤﺴﺢ ﻓﻲ ﺍﻟﺒﻴﺮﻭﺍﺕ ﻭﺻﻼﺕ 7 ﻭ ﻣﺰﺍﻝ ﻣﺴﺎﻟﻴﺖ ... ﻛﻠﺸﻲ ﺧﺮﺝ ﺍﻻ
ﺍﻧﺎ ..ﻭﻧﺎ ﺩﺍﺧﻠﺔ ﻟﻮﺍﺣﺪ ﺍﻟﺒﻴﺮﻭ ﻛﻨﺠﻔﻒ .ﺣﺴﻴﺖ ﺑﺤﺎﻝ ﺷﻲ ﺣﺪ ﻭﺭﺍﻳﺎ
ﻛﻨﺘﻠﻔﺖ ﻛﻨﻠﻘﺎ ... ﻣﺮﺍﺩ .... ﺍﻟﻜﻮﻧﻄﺎﺑﻞ ... ﺟﺎﻱ ﺟﻴﻬﺘﻲ ...
ﻣﺮﺍﺩ: ﻭﺍﺧﻴﺮﺍ ﺟﻴﺘﻲ ﺑﻴﻦ ﻳﺪﺍﻳﺎ ﺩﺍﺑﺎ ﻣﻐﻨﺮﺣﻤﻜﺶ ...ﻣﻌﻤﺮ ﺑﻨﺖ ﺍﻟﻤﺮﺍ
ﻣﺮﻓﻀﺎﺗﻨﻲ ...ﻭﻧﺎ ﺭﺍﺟﻌﺔ ﺍﻟﻠﻮﺭ ﻭﻫﻮ ﻗﺎﺻﺪﻧﻲ ... ﺑﻐﻴﺖ ﻧﻬﺮﺏ ﺣﺒﺴﻨﻲ
....ﻻﺣﻨﻲ ﻓﻲ ﺍﻻﺭﺽ ... ﻭ ﺷﺮﻙ ﻟﻴﺎ ﺍﻟﻠﺒﺴﺔ ﺍﻟﻔﻮﻗﺎﻧﻴﺔ ... ﻣﻠﻲ ﺑﻐﻴﺖ
ﻧﻐﻮﺕ ﺳﺪ ﻟﻴﺎ ﻓﻤﻲ ﺑﻴﺪﻳﻪ ..ﻏﻤﻀﺖ ﻋﻴﻨﻲ .... ﻭﻛﻨﻐﻮﺕ ﻭﻛﻨﺪﻓﻊ ﻓﻴﻪ
ﺷﻮﻳﺔ ﻛﻨﺤﺲ ﺑﺸﻲ ﺣﺪ ﺟﺮﺍﺗﻮﺍ ﻣﻦ ﻓﻮﻗﻲ ﻛﻨﻬﺰ ﻋﻴﻨﻲ ﻛﺘﻠﻘﺎ ﺍﻟﻤﺪﻳﺮ
... ﺷﺪﻭ ﺟﻨﺪﺧﻮﺍ ﺑﺎﻟﻌﺼﺎ ﻛﻴﻔﻤﺎ ﻛﻴﻘﻮﻟﻮﺍ ..
ﺍﻧﺎ ﻛﻨﺒﻜﻲ ﺑﻬﻴﺴﺘﻴﺮﻳﺔ ...ﻭﺑﺎ ﺍﻟﻌﺮﺑﻲ ﻛﻴﺴﻜﺖ ﻓﻴﺎ ﻭﺩﺍﺭ ﻟﻴﺎ ﺍﻟﺠﺎﻛﻴﻄﺔ
ﺩﻳﺎﻟﻮ ﻏﻄﺎﻧﻲ ﺑﻴﻬﺎ ... ﻛﻠﻲ ﻛﻨﺘﺮﻋﺪ ﻭ ﺍﻟﻤﺪﻳﺮ ﻣﺰﺍﻝ ﻛﻴﺴﻠﺦ ﻓﻴﻪ
... ﺻﺮﺍﺣﺔ ﺑﻐﻴﺘﻬﺎ ﻟﻴﻪ ... ﻳﺴﺘﺎﻫﻞ ﻭ ﻟﻜﻦ ﺧﻔﺖ ﻋﻠﻰ ﺍﻟﻤﺪﻳﺮ
.... ﻣﻌﺮﻓﺘﺶ ﻋﻼﺵ ﺧﻔﺖ ﻋﻠﻴﻪ ... ﺑﺎ ﺍﻟﻌﺮﺑﻲ .. ﻓﻜﻮ ﻋﻠﻴﻪ ﻏﻴﺮ ﺑﺰﺯ
ﺍﻟﻤﺪﻳﺮ : ﻳﺎﻙ ﺍﻟﺤﻤﺎﺭ ( ﺣﺸﺎﻛﻢ ) ... ﻳﺎ ﺍﻟﺤﻜﺎﺭ ﻣﺤﺸﻤﺘﻴﺶ ﻣﺒﺎﻧﺖ ﻟﻴﻚ
ﻏﻲ ﻫﺪﺍ ﺍﻟﺒﻨﺖ ﺍﻟﺒﺮﻳﺌﺔ ﺑﻐﻴﺖ ﺗﺮﺯﻳﻬﺎ ﻓﺸﺮﻓﻬﺎ ﻭﻓﻴﻦ ﻓﺸﺮﻛﺘﻲ ... ﺍﻧﺎ
ﻏﻨﻮﺭﻳﻚ ﺍﻟﺮﺟﺎﻝ ﺍﺵ ﻛﻴﺴﻮﺍﻭ ﺍﺷﻤﺎﺗﺔ ...ﺗﻢ ﺭﺍﺟﻊ ﻟﻴﻪ ﺷﺪﻳﺘﻮ ﻣﻦ ﺍﻳﺪﻳﻪ
..ﻻ ﻋﺎﻓﺎﻙ ﻣﺘﻮﺳﺨﺶ ﻓﻴﻪ ﺍﻳﺪﻳﻚ ... ﻣﻜﻴﺴﺘﺎﻫﻠﺶ ! ﺑﻘﺎ ﻛﻴﺸﻮﻑ ﻓﻴﺎ
ﺑﺸﻔﻘﺔ ﻭ ﻗﺎﻟﻲ : ﺳﻴﺮﻱ ﻧﺘﻲ ﺍﻟﺒﻴﺮﻭ ﺩﻳﺎﻟﻲ ﺍﻧﺎ ﺟﺎﻱ ... ﻣﺒﻐﻴﺘﺶ ﻧﻄﻠﻖ
ﻟﻴﻪ ﻣﻦ ﺍﻳﺪﻳﻪ ... ﺣﺪﺭﺕ ﺭﺍﺳﻲ ﻭﻟﻮﻳﺖ ﻋﻠﻴﺎ ﺗﺠﺎﻛﻴﻄﺔ ﺩﻳﺎﻝ ﺑﺎ
ﺍﻟﻌﺮﺑﻲ .. ﻭﻣﺸﻴﺖ ﺍﻟﺒﻴﺮﻭ ...
ﺷﻮﻳﺔ ﺩﺧﻞ ﻋﻨﺪﻱ ... ﻭﺟﺎ ﺣﺪﺍﻳﺎ ﺷﺪ ﻟﻴﺎ ﻓﻴﺪﻱ !...
ﻛﻴﻒ ﺑﻘﻴﺘﻲ ﺩﺍﺑﺎ ﺍ ﻧﻮﺭﺓ
ﻻﺍﺍﺍﺍﺍﺍﺍﺍﺍﻩ ﺍﻭﻝ ﻣﺮﺓ ﻛﻨﺴﻤﻊ ﻧﻮﺭﺓ ﺑﺪﻳﻚ ﺍﻟﺮﻧﺔ .. ﺩﺍﺑﺎ ﻋﺎﺍﺍﺩ ﺣﺴﻴﺖ ﺑﺎﻥ
ﺳﻤﻴﺘﻲ ﻏﺰﺍﺍﺍﺍﺍﻟﺔ ..
ﻧﻮﺭﺓ ﻛﻨﺪﻭﻱ ﻣﻌﺎﻙ : ﺍﻩ ﺍﻩ ﺣﻤﺪ ﻟﻠﻪ ﻭ ﺑﺪﻳﺖ ﻛﻨﺒﻜﻲ
ﺍﻟﻤﺪﻳﺮ : ﺻﺎﻓﻲ ﺳﻜﺘﻲ . ﻣﺘﺒﻜﻴﺶ ... ﺩﺍﺑﺎ ﻗﻮﻟﻲ ﻟﻴﺎ ﻭﻟﺶ ﻏﺎﺩﺓ ﺗﺎﺑﻌﻴﻪ
....ﻧﻮﺿﻮ ﻧﻤﺸﻴﻮ ﻟﻠﺒﻮﻟﻴﺲ
ﺍﻧﺎ : ﻻ ﻻ ﻻ ﻣﻘﺎﺩﺓ ﻋﻠﻰ ﺷﻮﻫﺔ ... ﺧﻠﻴﻪ ﻣﻨﻮ ﻟﻠﻪ
ﺍﻟﻤﺪﻳﺮ : ﻭﻟﺪ ﺍﻟﺤﺮﺍﻡ ... ﺍﻟﺸﻤﺎﺗﺔ ... ﻛﻮﻥ ﻣﺤﺒﻴﺴﻨﻴﺶ ﻋﻠﻴﻪ ﺑﺎ ﺍﻟﻌﺮﺑﻲ
ﻛﻮﻥ ﻗﺘﻠﺘﻮﺍ ...ﺻﺎﻓﻲ ﺭﺍﻩ ﻃﺮﺩﺗﻮ ﻭﺍﻟﻠﻪ ﻻ ﺯﺍﺩ ﻣﻌﺎﻳﺎ ﺷﻲ ﻧﻬﺎﺭ ﻓﻬﺎﺩ ﺍﻟﺸﺮﻛﺔ
ﻟﻤﺪﻳﺮ : ﻧﻮﺭﺓ ﻧﻮﺿﻲ ﻳﺎﻟﻪ ﻧﻮﺻﻠﻚ ... ﻣﺸﻴﺖ ﻟﻠﺒﻴﺖ ﻟﻲ ﻓﻴﻪ ﺣﻮﺍﻳﺠﻲ
ﻟﺒﺴﺖ ﺟﻼﺑﺘﻲ ﻭﺧﺮﺟﺖ ﻋﻨﺪﻭ ﻟﻘﻴﺖ ﻛﻴﺘﺴﻨﺎﻧﻲ ... ﻭﺷﺪ ﻟﻴﺎ ﻓﻴﺪﻱ
......
ﺣﻞ ﻟﻲ ﺑﺎﺏ ﺍﻟﻄﻮﻣﻮﺑﻴﻞ ...ﻭ ﺭﻛﺒﺖ ﻭ ﻭﺗﻢ ﻣﻮﺻﻠﻨﻲ ﻟﻠﺪﺍﺭ
ﺍﻟﻤﺪﻳﺮ : ﺣﺎﻭﻟﻲ ﺗﺮﺗﺎﺣﻲ ﻣﺘﺠﻴﺶ ﻫﺎﺩ ﺍﻟﺴﻴﻤﺎﻧﺔ ﺍﻭﻛﻲ
ﺍﻧﺎ ﻭﺍﺧﺔ ﺳﻲ ﺍﻟﻤﺪﻳﺮ ..
ﺍﻟﻤﺪﻳﺮ: ﺳﻤﻴﺘﻲ ﻳﺤﻴﻰ ...ﻋﻴﻄﻴﻠﻲ ﻳﺤﻴﻰ
ﺍﻧﺎ : ﻭﺍﺧﺔ ﺍﺳﻴﺪﻱ ﻟﻠﻤﺪﻳﺮ
ﻳﺤﻴﻰ : ﻫﻬﻬﻬﻬﻪ ﻭﺍ ﻗﺘﻠﻴﻚ ﻳﺤﻴﻰ ﺑﻮﺣﺪﻫﺎ
ﺍﻧﺎ : ( ﺍﻭﻋﺪﻱ ﻋﻠﻰ ﺿﺤﻴﻜﺔ ﺍﻟﻠﻪ ) ﻭﺍﺧﺔ ﺍﺳﻲ ﻳﺤﻴﻰ ﻏﻲ ﺭﺍﻧﻲ
ﻣﻤﻮﻟﻔﺎﺵ ﻭﺻﺎﻓﻲ
ﻳﺤﻴﻰ : ﺗﻬﻼﻱ ﻓﺮﺍﺳﻚ ﻭﺭﺗﺎﺣﻲ ﻣﺰﻳﺎﻥ ﻋﺎﺩ ﺟﻲ ﺍﻧﻮﺭﺓ ﻋﺎﻓﺎﻙ ... ﺍﻧﺎ ﺭﺍ
ﻛﻨﻜﺮﻩ ﺍﻟﻲ ﻛﻴﺘﻜﺮﻓﺴﻮ ﻋﻠﻰ ﺑﻨﺎﺕ ﺍﻟﻨﺎﺱ ﻛﻮﻥ ﺑﻘﺎ ﻓﻴﺪﻱ ﻛﻮﻥ ﻗﺘﻠﺘﻮﺍ
ﺍﻧﺎ : ﺍﻟﺤﻤﺪ ﻟﻠﻪ ﻣﻠﻲ ﺟﻴﺘﻲ ﻭ ﻋﺘﻘﺘﻴﻨﻲ .... ﻭﺧﺮﺟﺎﺕ ﺍﻟﻌﺎﻗﺒﺔ ﻋﻠﻰ
ﺧﻴﺮ ..
ﻭﺻﻠﻨﻲ ﻟﻠﺪﺍﺭ ﻭ ﺗﻤﻨﻴﺖ ﻛﻮﻥ ﻃﻮﺍﻟﺖ ﺍﻟﻄﺮﻳﻖ ﻭ ﻣﻨﺰﻟﺘﺶ .
...ﺩﺧﻠﺖ ﻟﻌﻨﺪ ﻣﺎﻣﺎ ﻭﻣﻌﻮﺩﺕ ﻟﻴﻬﺎ ﻭﺍﻟﻮ ..ﺭﺍﻛﻢ ﻋﺎﺭﻓﻴﻦ ﺍﻟﻤﻴﻤﺎﺕ ﻛﻴﺘﺄﻟﻤﻮﺍ
ﻛﺜﺮ ﻣﻨﺎ ..ﻭﺗﻘﺪﺭ ﺗﺤﺒﺴﻨﻲ ﻣﻨﺒﻘﺎﺵ ﻧﻤﺸﻲ ﻧﺸﻮﻑ ﺩﺍﻙ ﺍﻟﺒﻼﺭ ﻫﻬﻬﻬﻪ
ﺩﺍﺯﺕ ﺳﻴﻤﺎﻧﺔ ﻃﻮﻳﻴﻴﻠﺔ ...ﻭ ﺍﻟﻐﺪ ﻟﺒﺴﺖ ﻭ ﻣﺸﻴﺖ ﻟﻠﺨﺪﻣﺔ ...ﻟﻘﻴﺖ ﺑﺎ
ﺍﻟﻌﺮﺑﻲ ﻗﺎﻟﻴﺎ ﺳﻴﺮﻱ ﻧﻴﺸﺎﻥ ﻟﻌﻨﺪ ﺳﻲ ﺑﺤﻴﻰ ﺭﺍ ﻭﺻﺎﻧﻲ ﻋﻠﻴﻚ
... ﻣﺸﻴﺖ ﺩﺧﻠﺖ ﻋﻨﺪﻭﺍ ﻭﻗﻒ ﻭﺟﺎ ﻋﻨﺪﻱ ﻗﺎﻟﻴﺎ ﻛﻴﻒ ﺑﻘﻴﺘﻲ ... ﺑﻐﻴﺖ
ﻏﻲ ﻧﺴﻮﻝ ﻓﻴﻚ ﻭﻟﻜﻦ ﻧﺴﻴﺖ ﻣﺨﺪﻳﺘﺘﺶ ﻣﻦ ﻋﻨﺪﻙ ﺍﻟﻨﻤﺮﺓ ... ﺳﻬﻴﺖ
ﻓﻌﻴﻨﻴﻪ ... ﻛﻨﻘﻮﻝ ﻓﺨﺎﻃﺮﻱ ..)).ﻫﻮ ﻣﺎﻟﻮ ﻣﻬﺘﻢ ﺑﻴﺎ ﺗﺎ ﻫﺎﺩ )) ﺩﺭﺟﺔ ﻳﺎ ﺍﻧﺎ
ﻏﻲ ﻛﻮﻧﺴﻴﺎﺟﺔ ....
ﺑﻘﻴﺘﺎ ﻛﻨﺸﻮﻓﻮ ﻓﺒﻌﻀﻴﺎﺗﻨﺎ ﻭﺍﻳﺪﻳﻪ ﺷﺎﺩﺓ ﻓﻴﺪﻱ ... ﻭ ﻛﻴﻘﺮﺏ ﻟﻴﺎ ..ﻭﻧﺎ
ﻛﻨﻘﺮﺏ ﻟﻴﻪ . ﺣﺘﻰ ﻭﻟﻴﺖ ﻛﻨﺤﺲ ﺑﺎﻧﻔﺎﺳﻮ ﻓﻮﺟﻬﻲ ...
ﺷﻮﻳﺔ ﺻﻮﻧﺎ ﻟﻴﻪ ﺍﻟﺒﻮﺭﻃﺎﺑﻞ ... ﻭﻫﻮ ﻳﺪﻳﺮ ﺑﺤﺎﻝ ﻛﺎﻥ ﻣﻨﻮﻡ ﻣﻐﻨﺎﻃﻴﺴﺎ ... ﻭ
ﻗﺎﻟﻲ ﺳﻤﺤﻴﻠﻴﺎ ﺑﻤﻜﻦ ﻟﻴﻚ ﺗﺒﺪﺍﻱ ﺧﺪﻣﺘﻚ .....
ﻭﻧﺎ ﺧﺎﺭﺟﺔ ﻛﻨﺴﺐ ﻓﻠﻲ ﻣﺘﺎﺻﻞ ﻭﺧﺴﺮ ﻟﻴﻨﺎ ﺍﻟﻠﺤﻀﺔ ﺍﻟﺮﻣﺎﻧﺴﻴﺔ
...ﻛﻨﺴﻤﻌﻮﺍ ﻗﺎﻝ ﺍﻟﻮ ﺣﺒﻴﺒﺔ ﺩﻳﺎﻟﻲ ...ﺧﺮﺟﺖ ﻭﺳﺪﻳﺖ ﺍﻟﺒﺎﺏ ...
ﺣﺒﺴﺎﺗﻨﻲ ﺍﻟﺒﻜﻴﺔ ...ﺷﻜﻮﻥ ﻫﺎﺩﻱ ﻟﻲ ﻗﺎﻟﻴﻬﺎ ﺣﺒﻴﺒﺔ ؟ ﺍﻧﺎ ﻏﻲ ﻛﻴﺸﻔﻖ
ﻋﻠﻴﺎ ...ﻭﺍﺵ ﻫﻮ ﻏﻴﺸﻮﻑ ﻓﻮﺍﺣﺪﺓ ﺑﺤﺎﻟﻲ !
ﺑﺪﻳﺖ ﺧﺪﺍﻣﺔ ..ﺗﻜﺘﺠﻴﻨﻲ ﻣﻜﺎﻟﻤﺔ ...
ﺍﻟﻮ ﺍﻟﺴﻼﻡ ﻋﻠﻴﻜﻢ ﻭﺍﺵ ﻻﻻﺓ ﻧﻮﺭﺓ ﻫﺎﺩﻱ
ﺍﻳﺎﻩ ﺍﺳﻴﺪﻱ ﻧﻮﺭﺓ ﺷﻜﻮﻥ ﻣﻌﺎﻳﺎ ....
ﺧﺘﻲ ﻣﻌﺎﻙ ﻣﺴﺘﺸﻔﻰ **** ﺍﻻﻡ ﺩﻳﺎﻟﻚ ﻛﺎﻳﻨﺔ ﻓﻴﻪ
ﺧﺎﺻﻚ ﺿﺮﻭﺭﻱ ﺗﺤﻀﺮﻱ .. ﻭﻗﻄﻊ .... ﺗﻴﺖ
ﺍﻭﻳﻠﻲ ﻣﺎﻣﺎ ... ﻗﻠﺘﻬﺎ ﺑﺠﻬﺪ ... ﻭﺧﺮﺟﺖ ﻛﻨﺠﺮﻱ ...ﻭﻧﺒﻜﻲ ﺷﺪﻳﺖ
ﻃﺎﻛﺴﻲ .. ﺩﺧﻠﺖ ﻟﻤﺴﺘﺸﻔﻰ ﻛﻨﺠﺮﻱ ... ﻭﺳﻮﻟﺖ ... ﺧﺮﺝ ﻋﻨﺪﻱ ﻭﺍﺣﺪ
ﻃﺒﻴﺐ ﻭﻗﺎﻟﻴﺎ ﺑﻠﻲ ﻣﺎﻣﺎ ﻛﺎﻧﺖ ﻏﺎﺩﺓ ﻓﻲ ﺍﻟﺸﺎﻧﻄﻲ ﻭ ﺿﺮﺑﺘﻬﺎ ﻃﻮﻣﻮﺑﻴﻞ
ﻭ ﻫﻲ ﺩﺍﺑﺔ ﻓﺤﺎﻟﺔ ﺣﺮﺟﺔ ... ﻃﺤﺖ ﻓﻲ ﺍﻻﺭﺽ ...ﻣﻌﻘﻠﺘﺶ .. ﺗﻜﻨﻠﻘﺎ
ﺭﺍﺳﻲ ﻣﺠﺒﺪﺓ ﻭ ﻑ ﺍﻳﺪﻱ ﺳﻴﺮﻭﻡ ﻭ ﺍﻻﻳﺪ ﺍﻻﺧﺮﺓ ﺷﺎﺩﻫﺎ ﻟﻴﺎ ﻳﺤﻴﻰ .
ﺳﺨﻔﺖ ﺑﺎﻟﺼﺪﻣﺔ ﺗﺨﻠﻌﺖ ﻋﻠﻰ ﻣﻴﻤﺘﻲ ﻭﻫﻲ ﺍﻟﻲ ﻋﻨﺪﻱ ﻣﻦ ﺑﻌﺪ ﺍﻟﻠﻪ
...
ﺣﻠﻴﺖ ﻋﻴﻴﻨﻲ ... ﻓﻴﻦ ﻣﻴﻤﺘﻲ ﻭﺭﻳﻮﻧﻲ ﻣﻴﻤﺘﻲ!!!!! ﺣﻴﺪﺕ ﺳﻴﺮﻭﻡ ﻣﻦ
ﺍﻳﺪﻱ ﻭﻃﻠﻘﺖ ﻣﻦ ﻳﺤﻴﻰ ﻭﺧﺮﺟﺖ ﻛﻨﺠﺮﻱ
ﻛﻨﻠﻘﺎ ﺧﻮﺗﻲ ﻛﺎﻳﻨﻴﻦ ﺑﺮﺍ .. ﻭﻛﻴﺒﻜﻴﻮ .. ﺑﺮﺩﺕ ﻓﻴﻬﻢ ﻛﺎﻉ ﺍﻟﻬﻢ ﺍﻟﻲ ﻓﻴﺎ
... ﻻﺵ ﺟﺎﻳﻴﻦ ﺗﺎ ﻟﺪﺍﺑﺎ .. ؟ .ﻻﺵ ﻣﻜﺘﺴﻮﻟﻮﺵ؟ ... ﺩﻭﻙ ﺍﻟﻔﻠﻮﺱ ﺍﻟﻲ
ﻛﺘﺼﻴﻔﻄﻮﺍ ﻏﻲ ﻛﻮﻟﻮﻫﻢ ﻭﻛﻨﻐﻮﺕ ﺑﻬﻴﺴﺘﻴﺮﻳﺔ ﻭ ﻳﺤﻴﻰ ﺧﺮﺝ ﻛﻴﺸﺪ ﻓﻴﺎ ﻭ
ﺍﻧﺎ ﻛﻨﻐﻮﺕ ﻋﻠﻴﻬﻢ ﻭﻫﻮﻣﺎ ﺣﺎﺩﺭﻳﻦ ﺭﺍﺳﻬﻢ ... ﺍﺵ ﻋﻨﺪﻫﻢ ﻣﻴﻘﻮﻟﻮ ؟ !
ﺟﺎﺕ ﺍﻟﻤﻤﺮﺿﺔ ﻋﺎﻭﺩﻭ ﺩﺧﻠﻮﻧﻲ ﻟﻐﺮﻓﺔ ... ﺩﻛﻮﺍ ﻟﻴﺎ ﺑﺮﺍ ..ﻭ ﻏﻤﻀﺖ ﻋﻴﻨﻲ
ﻭﻣﺸﻴﺖ .......
ﺩﺍﺯﺕ ﺗﻘﺮﻳﺒﺎ ﺷﻲ ﺳﺎﻋﺔ ... ﻓﻘﺖ ﻟﻘﻴﺖ ﻳﺤﻴﻰ ﺣﺪﺍﻳﺎ ﺛﺎﻧﻲ ... ﺳﻮﻟﺘﻮ
ﺑﺎﺵ ﻋﺮﻓﻨﻲ ﻫﻨﺎ ﻗﺎﻟﻴﺎ ... ﺑﻠﻲ ﻓﺎﺵ ﺟﺎﺗﻨﻲ ﺍﻟﻤﻜﺎﻟﻤﺔ ﻛﺎﻥ ﺟﺎﻱ ﺑﺎﺵ
ﻳﺪﻭﻱ ﻣﻌﺎﻳﺎ ﻭﺳﻤﻌﻨﻲ ﺑﺎﺵ ﻗﻠﺖ ﺳﻤﻴﺖ ﺍﻟﻤﺴﺘﺸﻔﻰ ..!
ﻧﻀﺖ ﻗﻠﺖ ﻟﻴﻪ ﺑﺎﻏﺔ ﻧﺸﻮﻑ ﻣﺎﻣﺎ ... ﺑﻘﺎ ﺳﺎﻛﺖ !.. ﻓﻴﻦ ﻣﺎﻣﺎ ؟
ﻗﺎﻟﻲ ﺑﻠﻲ ﻣﺎﻣﺎ ﻓﻐﻴﺒﻮﺑﺔ ﻭﺑﻠﻲ ﻭﺻﻰ ﺍﻷﻃﺒﺎﺀ
ﻳﺪﻳﺮﻭﺍ ﺍﻟﺠﻬﺪ ﺩﻳﺎﻟﻬﻢ ﺑﺎﺵ ﻳﻨﻘﺪﻭﻫﺎ ... ﺧﺎﺻﻬﺎ ﻏﻲ ﺗﻔﻴﻖ ﻣﻦ ﺍﻟﻐﻴﺒﻮﺑﺔ !
ﺍﻧﺎ : ﺑﻐﻴﺖ ﻧﺸﻮﻑ ﻣﺎﻣﺎ ﻋﺎﻓﺎﻙ .. ﺩﻳﻨﻲ ﻋﻨﺪﻫﺎ ﻭﺍﺧﺔ ﻧﺸﻮﻓﻬﺎ ﻏﻲ ﻣﻦ
ﺍﻟﺒﻌﺪ ....ﻋﻴﻂ ﻟﻠﻤﻤﺮﺿﺔ ...ﺩﺍﻭﻧﻲ ﻋﻨﺪﻫﺎ ﻃﻠﺒﺖ ﺍﻟﻄﺒﻴﺐ ﺗﺎ ﻋﻴﻴﺖ
...ﻓﺎﻻﺧﺮ ﺧﻼﻧﻲ ﻧﺪﺧﻞ ... ﻗﺎﻟﻴﺎ ﻣﺪﻳﺮﻳﺶ ﺍﻟﺼﺪﺍﻉ ﻭ ﺧﺮﺟﻲ ﺩﻏﻴﺎ ...
ﺗﺤﻨﻴﺖ ﺣﺪﺍ ﻣﻴﻤﺘﻲ ....ﻧﻮﺿﻲ ﺍﻣﻴﻤﺘﻲ ﺭﺍ ﻣﻌﻨﺪﻱ ﺗﺎ ﺣﺪ ﻣﻦ ﻏﻴﺮﻙ
.... ﻣﺘﺨﻼﻳﺶ ﻋﻠﻴﺎ ...ﻭ ﺷﻔﺖ ﻳﺤﻴﻰ ﻛﻴﺸﻴﺮ ﻟﻴﺎ ﺑﺎﺵ ﻧﺨﺮﺝ ...ﻏﻲ
ﺧﺮﺟﺖ ...ﻭﻧﺎ ﻧﺴﻤﻊ ﺗﻴﻴﻴﻴﻴﻴﻴﻴﻴﻴﻴﺖ ... ﺟﺎﻭ ﺍﻻﻃﺒﺔ ﻛﻴﺠﺮﻳﻮ ﺩﺧﻠﻮﻫﺎ ﻟﻐﺮﻓﺔ
ﺍﻟﻄﻮﺍﺭﺉ .....ﻭﻧﺎ ﻛﻨﻐﻮﻭﻭﻭﺕ ﻋﺘﻘﻮﺍ ﻣﻴﻤﺘﻲ ... ﻋﺘﻘﻮﻫﺎ ...ﻭﻳﺤﻴﻰ ﻛﻴﺸﺪ
ﻓﻴﺎ ﻭ ﺧﻮﺗﻲ ﻛﻴﺒﻜﻴﻮﺍ ..
ﺩﺍﺯﺕ ﺗﻘﺮﻳﺒﺎ ﺷﻲ ﺳﺎﻋﺔ ﺍﻻ ﺭﺑﻊ . ﺣﺘﻰ ﻛﻴﺨﺮﺝ ﺍﻟﻄﺒﻴﺐ ﻭ ﻛﻴﻘﻮﻟﻴﻨﺎ
...... ﺍﻟﺒﺮﻛﺔ ﻓﺮﺍﺳﻜﻢ ...ﻣﻘﺪﺭﻧﺎﺵ ﻧﻌﺘﻘﻮﻫﺎ ..ﺍﻟﺪﻗﺔ ﺟﺎﺗﻬﺎ ﻓﻲ ﺍﻟﺮﺍﺱ
ﻭﺣﺪﺭ ﺭﺍﺳﻮ ﻭ ﻣﺸﻰ ...
ﻣﺒﻘﻴﺖ ﻋﺎﺭﻓﺔ ﻣﻨﺪﻳﺮ ﻭﻻ ﻣﻨﻘﻮﻝ .... ﻃﺤﺖ ﻓﻲ ﺍﻻﺭﺽ ...ﻭﻛﻨﺒﻜﻲ
ﺑﺤﺮﻗﺔ ... ﻣﺸﺎﺍﺍﺍﺍﺕ ﻣﻴﻤﺘﻲ ﻣﺸﺎﺍﺍﺍﺍﺍﺕ ... ﻣﺸﺎﺕ ﻭﻫﻲ ﺍﻟﻲ
ﻋﻨﺪﻱ ... ﻣﺸﺎﺕ ﺭﻭﺣﻲ ﻣﺸﺎﺍﺍﺕ .... ﻫﺰﻧﻲ ﻳﺤﻴﻰ ﻭﺩﺍﻧﻲ ﺍﻟﻐﺮﻓﺔ
....ﻭﻧﺎ ﻣﺼﺪﻭﻣﺔ ...ﻭﻏﻲ ﻛﻨﺒﻜﻲ ...ﺩﻣﻮﻋﻲ ﻣﺘﺤﺒﺴﻮﺵ ....
ﺩﻓﻨﺎ ﻣﻴﻤﺘﻲ ... ﻭﺩﻓﻨﺖ ﻣﻌﺎﻫﺎ ﺭﻭﻭﻭﺣﻲ .. ﺧﻮﺗﻲ ﻋﻴﺎﻭ ﻣﻌﺎﻳﺎ ﻧﻤﺸﻲ ﻣﻊ
ﻭﺍﺣﺪ ﻓﻴﻬﻢ ﻣﺒﻐﻴﺘﺶ . ﺑﻘﻴﺖ ﻓﺪﺍﺭ ﻭﻛﻤﻠﺖ ﺧﺪﻣﺘﻲ ﻓﻲ ﺍﻟﺸﺮﻛﺔ ﺗﺎ ﺟﺎ
ﻭﺍﺣﺪ ﻧﻬﺎﺭ ....
ﻛﻨﺖ ﺧﺪﺍﻣﺔ ... ﺣﺐ ﻳﺤﻴﻰ ﻛﺒﺮ ﻓﻘﻠﺒﻲ ﻭ ﻟﻜﻦ ﻣﻦ ﺟﻬﺔ ﻭﺣﺪﺓ ...ﺧﺒﻴﺖ
ﺣﺒﻲ ﻭﺗﻜﻤﺸﺖ ...
ﻭﻟﻜﻦ ﺑﺪﻳﺖ ﻛﻨﻼﺣﻆ ﺑﻠﻲ ﻳﺤﻴﻰ ﺑﺪﺍ ﻛﻴﻀﻌﺎﻑ ..ﻭﺟﻬﻮ ﺻﻔﺎﺍﺭ ... ﻭﺷﻮﻳﺔ
ﻣﺒﻘﺎﺵ ﻛﻴﺠﻲ ... ﺗﺸﻄﻨﺖ ﻋﻠﻴﻪ ﻭﻟﻴﺖ ﺧﺪﺍﻣﺔ ﻭﺳﺎﻫﻴﺔ ...ﺗﻘﺮﺭﺕ ﻧﺨﺮﺝ
ﻋﻠﻰ ﺍﻟﺼﻤﺖ ﺩﺑﺪﻳﺎﻟﻲ ...ﻭﻧﺴﻮﻝ ﻓﻴﻪ .... ﻣﺸﻴﺖ ﻋﻨﺪ ﺳﻜﺮﺗﻴﺮﺓ
... ﺷﺎﻓﺖ ﻓﻴﺎ ﺑﺎﺣﺘﻘﺎﺭ ﻭ ﻗﻠﺖ ﻟﻲ
ﺑﺼﻔﺘﻚ ﺍﺷﻨﻮﺍ ﻛﺘﺴﻮﻟﻲ ﻋﻠﻰ ﺳﻲ ﻳﺤﻴﻰ !
ﺳﻴﺮﻱ ﺗﻜﻤﻠﻲ ﺗﺠﻔﺎﻑ ... ﺍﻳﻮﺍ ﺑﺎﺍﺍﺯ ....ﺗﻤﻨﻴﺖ ﻛﻮﻥ ﺿﺮﺑﺘﻬﺎ ﻟﻴﻬﺎ ﺑﺸﻲ
ﻧﺘﻔﺔ ... ﻭﻟﻜﻦ ﺣﺪﺭﺕ ﺭﺍﺳﻲ ﻭﻣﺸﻴﺖ
ﻣﻠﻲ ﺟﺎﺕ ﺍﻟﻌﺸﻴﺔ ﻧﺰﻟﺖ ﺳﻮﻟﺖ ﺑﺎ ﺍﻟﻌﺮﺑﻲ ..
ﺍﻧﺎ : ﺑﺎ ﺍﻟﻌﺮﺑﻲ ﻓﻴﻦ ﻳﺤﻴﻰ .. ؟ ! ﻋﻼﺵ ﻣﺒﻘﺎﺵ ﺟﺎ
ﺑﺎ ﺍﻟﻌﺮﺑﻲ : ﺍﻩ ﺍﺑﻨﻴﺘﻲ ﻣﺴﻜﻴﻦ ﺭﺍﻩ ﻣﺮﻳﺾ ﺑﺰﺍﺍﺍﻑ
ﺍﻧﺎ : ﻛﻴﻔﺎﺵ ﻣﺮﻳﺾ ﻭﺑﺎﺵ؟
ﺑﺎ ﺍﻟﻌﺮﺑﻲ : ﻣﻨﻌﺮﻑ ﺍﺑﻨﺘﻲ ﻣﻬﻢ ﺷﻲ ﻣﺮﺽ ﺧﺎﻳﺐ
ﺍﻧﺎ : ﻋﻄﻴﻨﻲ ﻧﻤﺮﺗﻮﺍ ﻭﻻ ﺍﻟﻌﻨﻮﺍﻥ ﻫﺎﺍﺍ ﺍﻟﻌﺎﺭ ﺍﺑﺎ ﺍﻟﻌﺮﺑﻲ
ﺑﺎ ﺍﻟﻌﺮﺑﻲ : ﻏﻨﻌﻄﻴﻚ ﺍﻟﻌﻨﻮﺍﻥ ﻭﻟﻜﻦ ﻣﺎ ﺗﻘﻮﻟﻲ ﻟﻴﻬﻢ ﺑﻠﻲ ﺍﻧﺎ ﺍﻟﻲ
ﻋﻄﻴﺘﻮ ﻟﻴﻚ ﻣﺎ ﻗﺎﺩ ﻋﻠﻰ ﻣﺸﺎﻛﻴﻞ
ﺍﻧﺎ : ﻭﺍﺧﺔ ﺍﺑﺎ ﻏﻲ ﻋﺘﻘﻨﻲ !
ﺷﺪﻳﺖ ﻃﺎﻛﺴﻲ ... ﻭﺻﻠﺖ ﺣﺪﺍ ﺍﻟﻔﻴﻼ ...ﺣﻠﻮﺍ ﻟﻴﺎ ﺑﻌﺪﻣﺎ ﻛﺬﺑﺖ ﻋﻠﻴﻬﻢ
ﻗﻠﺖ ﻟﻴﻬﻢ ﺟﺎﻳﺒﺔ ﺷﻲ ﻭﺭﺍﻕ ﺧﺎﺻﻴﻦ ﺑﺎﻟﺸﺮﻛﺔ !!!
ﺩﺧﻠﺖ ﻟﻠﻔﻴﻼ ...ﺣﻼﺕ ﻟﻴﺎ ﺍﻟﺨﺪﺍﻣﺔ :
ﻃﻠﻌﺎﺗﻨﻲ ﻟﻠﺒﻴﺖ ﻓﻴﻦ ﻧﺎﻋﺲ ﻳﺤﻴﻰ !...
ﺿﻌﺎﺍﺍﻑ ﻣﺴﻜﻴﻦ ﻭﻫﺰﺍﻝ !... ﺷﺪﻳﺖ ﻟﻴﻪ ﻑ ﻳﺪﻳﻪ ... ﻣﺎﻟﻚ ﺍﻳﺤﻴﻰ
.... ﺍﺵ ﺿﺎﺭﻙ . ؟
ﻳﺤﻴﻰ : ﻋﻨﺪﻱ ﺿﺮﺭ ﻛﺒﻴﺮ ﻑ ﻟﻠﻜﻠﻮﺓ ﺩﻳﺎﻟﻲ ﺍﻟﻴﻤﻨﺔ ... ﻭ ﻣﻠﻘﻴﺘﺶ ﻣﺘﺒﺮﻉ
... ﻟﺤﺪ ﺍﻟﺴﺎﻋﺔ ... ﻭ ﺍﻟﻄﺒﻴﺐ ﻗﺎﻟﻲ ﻟﻤﺪﺭﺗﺶ ﺍﻟﻌﻤﻠﻴﺔ ﻣﻦ ﻫﻨﺎ ﻟﻼﺳﺒﻮﻉ
ﺍﻟﺠﺎﻱ ﻏﻨﻤﻮ ..... ﺳﺪﻳﺖ ﻟﻴﻪ ﻓﻤﻮ ﺑﻴﺪﻱ ﻭﻋﻨﻘﺘﻮ ...ﻻ ﺍ ﻳﺤﻴﻰ
ﻣﺘﻘﻮﻟﻬﺎﺵ ! ﻣﻴﻜﺪﻣﻨﺶ ﻧﻔﻘﺪ ﻣﺎﻣﺎ ! ﻭﻧﺰﻳﺪ ﻧﻔﻘﺪ ﺍﻻﻧﺴﺎﻥ ﺍﻟﻮﺣﻴﺪ ﺍﻟﻲ
ﺣﺒﻴﺘﻮ ﻓﺤﻴﺎﺗﻲ ﻛﻠﻬﺎ ﻣﻴﻤﻜﻨﺶ ؟ !
ﺑﻘﺎ ﻛﻴﺸﻮﻓﻴﺎ .... ﻛﺘﺒﻐﻴﻨﻲ ﺍ ﻧﻮﺭﺓ ﻛﻴﻔﻤﺎ ﻛﻨﺒﻐﻴﻚ !
ﺣﻠﻴﺖ ﻋﻴﻨﻲ .... ﻭﺍﺵ ﺍﻧﺎ ﻛﻨﺤﻠﻢ ! ﻳﺤﻴﻰ ﻛﺪﻭﻱ ﻣﻦ ﻧﻴﺘﻚ
ﻳﺤﻴﻰ : ﺍﻩ ﺍ ﻧﻮﺭﺓ ﻛﺘﺒﻐﻴﻚ ... ﻭﻟﻜﻦ ﻣﻌﻤﺮﻱ ﻗﺪﺭﺕ ﻧﺼﺎﺭﺣﻚ ﻣﻌﺮﻓﺘﺶ
ﺍﻟﺴﺒﺐ ﺍﻟﻲ ﻛﺎﻥ ﻛﻴﻤﻨﻌﻨﻲ
ﻭﻟﻜﻦ ... ﻭﻟﻜﻦ ﺍﻳﺤﻴﻰ ... ؟ ﺷﻜﻮﻥ ﺩﻳﻚ ﺍﻟﻲ ﻛﻨﺘﻲ ﻛﺪﻭﻱ ﻣﻌﺎﻫﺎ ﻓﻲ
ﺑﻮﺭﻃﺎﺑﻞ ﻭﻗﻠﺘﻲ ﻟﻴﻬﺎ ﺣﺒﻴﺒﺔ ..!
ﻳﺤﻴﻰ : ﻫﺎﺩﻳﻚ ﺑﻨﺘﻲ .... ﻫﻲ ﺍﻟﻲ ﺑﻘﺎﺗﻠﻲ ..ﻣﻦ ﺑﻌﺪ ﻣﺎ ﻣﺎﺗﺖ
ﻋﺎﺋﻠﺘﻲ ...
ﺍﻧﺎ : ﻣﺎﺗﺖ ﻋﺎﺋﻠﺘﻚ ﻛﻴﻔﺎﺵ ؟
ﻳﺤﻴﻰ :. ﻛﺎﻧﺎ ﻣﺴﺎﻓﺮﻳﻦ ﺑﺎﻟﻄﻴﺎﺭﺓ ﻟﺒﺎﺭﻳﺲ ﺑﺎﺵ ﻧﺪﻭﺯﻭﺍ ﻋﻄﻠﺔ ...ﻭﻧﺎ
ﺟﺎﺗﻨﻲ ﺷﻲ ﺧﺪﻣﺔ ﻃﺎﺭﺋﺔ ... ﻗﻠﺖ ﻟﻴﻬﻢ ﺧﻠﻴﻮﺍ ﻟﻴﺎ ابتسام ﻭﺳﻴﺮﻭﺍ
.... ﺗﻨﻮﺻﻞ ﻋﻠﻴﻜﻢ
ﻃﺎﺣﺖ ﺍﻟﻄﻴﺎﺭﺓ ﻭﻣﺎﺗﻮ ﻛﺎﻣﻠﻴﻦ ....ﻣﺎﻣﺎ ... ﺧﻮﺗﻲ ﺑﺠﻮﺝ ﻭ ﺣﺘﺎ ﺍﻟﺰﻭﺟﺔ
ﺩﻳﺎﻟﻲ 😐😐😐
ﻛﻨﻈﻦ ﺑﻠﻲ ﻣﻘﺪﺭﺗﺶ ﻧﻘﺮﺏ ﻟﻴﻚ ...ﺣﻴﺖ ﻛﺎﻥ ﻛﻴﺤﺴﺎﺑﻠﻲ ﺭﺍ ﻛﻨﺨﻮﻥ
... ﻣﺮﺍﺗﻲ ... ﻭﻟﻜﻦ ﻛﻴﺒﺎﻥ ﻟﻲ ﻇﻠﻤﺘﻚ ﻭﻇﻠﻤﺖ ﺭﺍﺳﻲ ﻣﻌﺎﻙ ...
ﺍﻧﺎ : ﻣﻴﻤﻜﻨﺶ ﻧﺘﺨﻼ ﻋﻠﻴﻚ ﺍﻧﺎ ﻏﻨﺘﺒﺮﻉ ﻟﻴﻚ ﺑﻜﻠﻴﺔ ﺩﻳﺎﻟﻲ
ﻳﺤﻴﻰ ﺑﻨﻈﺮﺓ ﻓﻴﻬﺎ ﺍﻣﻞ ﻭ ﻓﺮﺡ : ﺑﺼﺢ ﺍ ﻧﻮﺭﺓ
ﺍﻧﺎ : ﺍﻩ ﻛﻨﺘﻤﻨﺎ ﻏﻴﺮ ﺗﻜﻮﺕ ﻓﺼﻴﻠﺔ ﺩﻣﻲ ﺑﺤﺎﻝ ﻓﺼﻴﻠﺔ ﺩﻣﻚ ...ﻭﻛﻠﺸﻲ
...ﺩﺭﺕ ﺑﺤﺚ ﺣﻮﻝ ﺍﻟﻤﻮﺿﻮﻉ ﻭﻫﺎﺩﺷﻲ ﻟﻲ ﻟﻘﻴﺖ
)) ﻳﻤﻜﻦ ﻻﻱ ﺷﺨﺺ ﺍﻥ ﻳﺘﺒﺮﻉ ﺑﺈﺣﺪﻯ ﻛﻠﻴﺘﻪ ، ﺑﺸﺮﻁ ﺣﺪﻭﺙ ﺗﻮﺍﻓﻖ ﺑﻴﻦ
ﺃﻧﺴﺠﺔ ﺍﻟﻤﺘﺒﺮﻉ ﻭﺃﻧﺴﺠﺔ ﺍﻟﻤﺮﻳﺾ ﻭﺭﻏﻢ ﺃﻥ ﺻﻠﺔ ﺍﻟﻘﺮﺍﺑﺔ ﺗﺰﻳﺪ ﻣﻦ ﻓﺮﺹ
ﺗﺠﺎﻧﺲ ﺍﻷﻧﺴﺠﺔ ﺇﻻ ﺃﻥ ﻫﺬﺍ ﺍﻟﺘﺠﺎﻧﺲ ﻣﻤﻜﻦ ﺃﻥ ﻳﻜﻮﻥ ﺑﻴﻦ ﺍﻷﻏﺮﺍﺏ ....
: ﺍﻟﺘﺒﺮﻉ ﺑﺎﻟﻜﻠﻰ ﻣﻦ ﺇﻧﺴﺎﻥ ﺣﻲ ﺳﻠﻴﻢ ﺇﻟﻰ ﻣﺮﻳﺾ ﻳﺤﺘﺎﺝ ﻟﻌﻤﻠﻴﺔ ﺍﻟﺰﺭﻉ
ﻻ ﻳﺆﺩﻱ ﺇﻟﻰ ﻣﻀﺎﻋﻔﺎﺕ ﺃﻭ ﻳﻔﺮﺽ ﺃﻱ ﻗﻴﻮﺩ ﻋﻠﻰ ﺃﺳﻠﻮﺏ ﺍﻟﺤﻴﺎﺓ ﺃﻭ
ﺍﻟﻤﺠﻬﻮﺩ ﺍﻟﻌﻀﻠﻰ ﺃﻭ ﺍﻟﻘﺪﺭﺓ ﺍﻟﺠﻨﺴﻴﺔ ﺃﻭ ﺍﻟﻘﺪﺭﺓ ﻋﻠﻰ ﺍﻹﻧﺠﺎﺏ ﺃﻭ
ﺍﻟﺘﻐﺬﻳﺔ ﻓﺎﻟﻤﺘﺒﺮﻉ ﻳﺼﺒﺢ ﺷﺨﺼﺎً ﻃﺒﻴﻌﻴﺎً ﻣﺪﻯ ﺍﻟﺤﻴﺎﺓ ﺑﺎﻹﺿﺎﻓﺔ ﺇﻟﻰ
ﺗﻤﺘﻌﻪ ﺑﺎﺣﺘﺮﺍﻡ ﻭﺇﻋﺠﺎﺏ ﺍﻟﺠﻤﻴﻊ ﺑﺘﻀﺤﻴﺘﻪ ﻭﺷﺠﺎﻋﺘﻪ ﻭﻣﺴﺎﻫﻤﺘﻪ ﻓﻲ
ﺇﺳﻌﺎﺩ ﺣﻴﺎﺓ ﺇﻧﺴﺎﻥ ﺣﻴﺎﺓ ﺁﺧﺮ ((.
ﺍﻧﺎ ﻣﻜﻨﺘﺶ ﺑﻐﺎ ﻻ ﺍﻋﺠﺎﺏ ﺍﻟﻨﺎﺱ ﻭ ﻻ ﺍﺣﺘﺮﺍﻡ ﻧﺎﺱ ﺑﺘﻀﺤﻴﺘﻲ ... ﺍﻣﺎ
ﺑﻐﻴﺖ ﻏﻴﺮ ﻳﺤﻴﻰ ﻳﺒﻘﺎ ﻣﻌﺎﻳﺎ ... ﺑﻐﻴﺘﻮﺍ ... ﺑﻐﻲﺗﻮﺍ ﺑﺰﺍﺍﺍﻑ ﻭﺗﻤﻨﻴﺖ ﻳﻜﻮﻥ
ﺣﻼﻟﻲ
ﻣﻦ ﺑﻌﺪ . ﻣﺪﺭﻧﺎ ﺍﻟﺘﺤﺎﻟﻴﻞ ﻭﻭﻭﻭﻭﻭﻭ ﺗﻮﺍﻓﻘﺖ ﺍﻧﺴﺠﺘﻲ ﻣﻊ ﻳﺤﻴﻰ ﻭ ﺣﺘﻰ ﻓﺌﺔ
ﺍﻟﺪﻡ ﺩﻳﺎﻟﻲ .... ﻓﺮﺣﺖ ﺑﺰﺍﺍﺍﺍﻑ ...
ﺗﻤﺖ ﺍﻟﻌﻤﻠﻴﺔ ﺑﻨﺠﺎﺡ ....
ﺟﺮﺍﺕ ﺍﻟﻌﻤﻠﻴﺔ ﺑﻮﺍﺳﻄﺔ ﻃﺎﻗﻢ ﻣﻦ ﺍﻟﺠﺮﺍﺣﻴﻦ ﻓﻴﻪ ﺃﺧﺼﺎﺋﻴﻴﻦ ﻣﻦ ﺍﻟﻤﺴﺎﻟﻚ
ﺍﻟﺒﻮﻟﻴﺔ ﻭﺍﻷﻭﻋﻴﺔ ﺍﻟﺪﻣﻮﻳﺔ ﻭﺍﻟﺘﺨﺪﻳﺮ ﻭﺃﻣﺮﺍﺽ ﺍﻟﻜﻠﻰ ﻭﻋﺎﺩ ﻫﻴﺌﺔ ﺍﻟﺘﻤﺮﻳﺾ
ﻭﺍﻟﻤﺴﺎﻋﺪﻳﻦ ﺑﻔﺮﻳﻖ ﻓﻴﻪ ﺷﻲ ﻋﺸﺮﻳﻦ ﺷﺨﺼﺎً ، ﻭﺍﺳﺘﻐﺮﻗﺎﺕ ﺍﻟﻌﻤﻠﻴﺔ
ﺷﻲ 4 ﺍﻟﺴﻮﺍﻳﻊ ﻗﻄﻌﻮﺍ ﺍﻟﺪﻭﺭﺓ ﺍﻟﺪﻣﻮﻳﺔ ﻋﻦ ﺍﻟﻜﻠﻰ ﺍﻟﻤﻨﻘﻮﻟﺔ ﻟﻔﺘﺮﺓ 30
ﺩﻗﻴﻘﺔ ﻣﻌﺎﻫﺎ ﻓﺘﺮﺓ ﺍﺳﺘﺌﺼﺎﻟﻬﺎ ﻣﻦ ﻋﻨﺪﻱ ﻭﻏﺴﻠﻮﻫﺎ ﺑﺎﻟﻤﺤﺎﻟﻴﻞ ﻭ ﺗﻮﺻﻴﻞ
ﺍﻟﺸﺮﺍﻳﻴﻦ ﻭﺍﻷﻭﺭﺩﺓ
ﻧﺠﺤﺎﺕ ﺍﻟﻌﻤﻠﻴﺔ ﺍﻟﺤﻤﺪ ﻟﻠﻪ ..
ﺭﺟﻌﺎﺕ ﻟﻴﻨﺎ ﺻﺤﺘﻨﺎ ﺑﺸﻮﻳﺔ ﺑﺸﻮﻳﺔ . ..
ﻭﺗﺰﻭﺝ ﺑﻴﺎ ﻳﺤﻴﺎﺗﻲ ....ابتسام ﺑﻨﺘﺘﻨﺎ ﺗﻌﻠﻘﺎﺕ ﺑﻴﺎ ﺑﺰﺍﻑ ﻭﻛﺘﻘﻮﻟﻴﺎ ﻏﻴﺮ ﻣﺎﻣﺎ
... ﺑﺎﻟﺤﻖ ﺗﺎﻧﺎ ﻛﺘﺒﻐﺒﻬﺎ ﺑﺰﺍﺍﺍﺍﺍﻑ ﺑﺤﺎﻝ ﺑﻨﺘﻲ ﻣﻦ ﺩﻣﻲ ﻭﻟﺤﻤﻲ ... ﻭﻟﺪﺕ
ﺑﻨﻴﺔ ﺳﻤﻴﺘﻬﺎ ﻣﻼﻙ ... ﻗﺮﻳﺒﺔ ﻟﺴﻤﻴﺔ ﺍﻟﻮﺍﻟﻴﺪﺓ ﺍﻟﻠﻪ ﻳﺮﺣﻤﻬﺎ ( ﻣﻠﻴﻜﺔ ...((ﻭ
ﺧﺪﻣﺖ ﻣﻌﺎﻩ ﻓﻲ ﺍﻟﺸﺮﻛﺔ .. ﻭﻫﺎ ﺣﻨﺎ ﺩﺍﺑﺎ ﻓﻲ ﺗﺮﻛﻴﺎ ﻛﻨﺪﻭﺭﻭﺍ ... ﻧﺨﻠﻴﻚﻡ
ﺩﺍﺑﺎ ﻧﻤﺸﻲ ﻧﺘﺼﻮﺭ ﺣﺪﺍ ﻗﺼﺮ }} ﺩﻭﻟﻤﺎ ﺑﺎﻫﺸﺘﺔ ...{{ ﺑﺤﻴﻰ ﻛﻴﻌﻴﻂ ﻋﻠﻴﺎ
.....
لا يوجد تعليقات
أضف تعليق