ﻗﺼﺔ ﺑﻌﻨﻮﺍﻥ: ﺟﺮﺡ ﺍﻟﻤﺎﺿﻲ، بالدارجة المغربية
ﺑﻘﻠﻢ: Sanaa_tranquille
ﻭﻗﻔﺎﺕ ﻗﺪﺍﻣﻮ ﺑﺤﺎﻝ ﺇﻟﻰ ﻋﻤﺮﻫﺎ ﺩﺍﺭﺕ ﺷﻲ ﺣﺎﺟﺔ ﻭﺑﻜﻞ ﻭﻗﺎﺣﺔ ﻗﺎﻟﺖ ﻟﻴﻪ ..
ﺭﻳﻢ: ﺃﻧﺎ ﻋﺎﺭﻓﺔ ﺭﺍﺳﻲ ﻏﻠﻄﺖ ﺃ ﻓﻴﺼﻞ ﻭﻟﻜﻦ ﻋﻄﻴﻨﻲ ﻓﺮﺻﺔ ﻭﺧﻠﻴﻨﻲ ﻧﺒﻴﻦ ﻟﻴﻚ ﺃﻧﻲ ﻧﺪﻣﺖ..
ﻓﻴﺼﻞ ﺟﺮﺣﻮ ﻛﺎﻥ ﺃﻛﺒﺮ ﻣﻦ ﻛﻠﻤﺔ ﺳﻤﺢ ﻟﻲ ﺃﻓﻴﺼﻞ.. ﻛﻴﻔﺎﺵ ﺑﻐﺎﺗﻮ ﻳﺴﻤﺢ ﻟﻴﻬﺎ ﻭﻫﻲ ﺧﺎﻧﺘﻮ..
ﻓﻴﺼﻞ: ﺭﻳﻢ!! ﺇﻟﻰ ﻋﻨﺪﻙ ﺷﻮﻳﺔ ﺍﻟﻜﺮﺍﻣﺔ ﺳﻴﺮﻱ ﻭﺧﻠﻴﻨﻲ ﻋﻠﻴﻚ.. ﻭﺍﺧﺎ ﻛﻨﺒﻐﻴﻚ ﻣﻨﻘﺪﺭﺵ ﻧﺴﻤﺢ ﻟﻴﻚ.. ﻧﺘﻲ ﺟﺮﺣﺘﻴﻨﻲ ﻭﻫﻨﺘﻲ ﻟﻲ ﻛﺮﺍﻣﺘﻲ ﻣﻴﻤﻜﻨﺶ ﻟﻲ ﻧﻨﺴﻰ ﺍﻟﻨﻬﺎﺭ ﺍﻟﻠﻲ ﺷﻔﺘﻚ ﻣﻌﺎﻩ..ﻭﺍﺵ ﻋﻘﻠﺘﻲ ﻋﻠﻰ ﺩﺍﻙ ﺍﻟﻨﻬﺎﺭ..
ﺭﻳﻢ: ﻓﻴﺼﻞ ﻋﺎﻓﺎﻙ..ﻋﺎﻡ ﺩﺍﺑﺎ ﻭﺍﻧﺎ ﺗﻨﻄﻠﺐ ﻓﻴﻚ ﺗﺴﻤﺢ ﻟﻲ.. ﺃﻧﺎ ﺑﺸﺮ ﻭﺍﻟﺒﺸﺮ ﺗﻴﻐﻠﻂ.. ﺭﺑﻲ ﺗﻴﻐﻔﺮ ﻋﻼﺵ ﺍﻧﺖ ﻣﺘﻐﻔﺮﺵ..!!!
ﻓﻴﺼﻞ: (ﺷﺪﻫﺎ ﺑﻘﻮﺓ ﻣﻦ ﻳﺪﻳﻬﺎ)ﻭﺍ ﻗﻠﺒﻲ ﻋﻠﻴﺎ ﻋﺎﻓﺎﻙ .. ﻣﻐﻨﺮﺟﻌﻮﺵ ﻛﻴﻒ ﻛﻨﺎ.. ﻋﻤﺮ ﺍﻟﻠﻲ ﺗﻜﺴﺮ ﻳﺘﺼﻠﺢ..
ﺩﻓﻌﻬﺎ ﻭﺧﻼﻫﺎ ﻭﻣﺸﻰ..
ﺭﻳﻢ: ﻓﻴﺼﻞ ..ﻻ!! ﻣﺘﻤﺸﻴﺶ..
ﺭﻳﻢ ﻛﺎﻧﺖ ﺗﺘﺸﻮﻑ ﻓﻴﺼﻞ ﻣﻦ ﺍﻟﻠﻮﺭ ﻭﻫﻮ ﻏﺎﺩﻱ ﺑﻜﻞ ﻗﻮﺓ.. ﻭﻛﻮﻥ ﺷﺎﻓﺘﻮ ﻣﻦ ﺍﻟﻘﺪﺍﻡ ﻛﻮﻥ ﺷﺎﻓﺖ ﺇﻧﺴﺎﻥ ﺿﻌﻴﻴﻴﻒ ﻏﺎﺩﻱ ﻭﺗﻴﺒﻜﻲ ﻭﺗﻴﺘﺄﻟﻢ ﻣﻦ ﺩﺍﻛﺸﻲ ﺍﻟﻠﻲ ﺩﺍﺭﺕ ﻓﻴﻪ..ﻏﺎﺩﻱ ﻭﺗﻴﻘﻮﻝ..
ﻓﻴﺼﻞ: ﺁﻩ ﻛﻮﻥ ﺗﻌﺮﻓﻲ ﺷﺤﺎﻝ ﻛﻨﺒﻐﻴﻚ ﻭﻣﻜﺮﻫﺘﺶ ﻧﺴﻤﺢ ﻟﻴﻚ .. ﻭﻟﻜﻦ ﺟﺮﺣﻚ ﻭﻏﺪﺭﻙ ﻟﻲ ﺩﻳﻤﺎ ﻗﺪﺍﻡ ﻋﻴﻨﻲ.. ﺑﺎﻗﻲ ﺩﺍﻙ ﺍﻟﻨﻬﺎﺭ ﺍﻟﻠﻲ ﺷﻔﺘﻚ ﻓﻴﻪ ﻣﻌﺎﻩ ﺑﻴﻦ ﻋﻴﻨﻲ..
ﻛﺎﻥ ﻧﻬﺎﺭ ﺍﻟﺨﻤﻴﺲ ﻭﻛﻨﺖ ﺑﺎﻏﻲ ﻧﺸﻮﻓﻚ ﺑﺎﺵ ﻧﺠﻴﺐ ﻟﻴﻚ ﺍﻟﻜﺎﺩﻭ ﺑﻤﻨﺎﺳﺒﺔ ﻋﻴﺪ ﻣﻴﻼﺩﻙ ﻭﻟﻜﻦ ﻧﺘﻲ ﺍﻋﺘﺬﺭﺗﻲ ﻟﻲ ﺑﺤﺠﺔ ﺃﻧﻚ ﻣﺤﺘﻔﻠﺔ ﻣﻊ ﺩﺍﺭﻛﻢ ﻭﻣﻐﺘﻘﺪﺭﻳﺶ ﺗﺠﻲ.. ﺗﻘﺒﻠﺘﻬﺎ ﻭﻗﻠﺖ ﻣﺎﺷﻲ ﻣﺸﻜﻞ ﺩﺍﺑﺎ ﻳﺠﻲ ﺍﻟﻨﻬﺎﺭ ﺍﻟﻠﻲ ﻧﺘﺰﻭﺟﻬﺎ ﻭﻣﻴﺤﺮﻣﻨﻲ ﻣﻨﻬﺎ ﺣﺘﻰ ﺇﻧﺴﺎﻥ ﻭﺍﺧﺎ ﻳﻜﻮﻧﻮ ﻭﺍﻟﻴﺪﻳﻬﺎ.. ﻭﺑﻘﻴﺖ ﻏﺎﺩﻱ ﻓﺎﻟﻄﺮﻳﻖ ﺣﺘﻰ ﺗﻨﺘﺼﺪﻡ ﺑﻴﻚ ﻣﻊ ﻭﺍﺣﺪ ﺍﻟﺮﺍﺟﻞ ﻣﻦ ﻏﻴﺮﻱ ﺷﺎﺩﺓ ﻓﺈﻳﺪﻳﻪ ﻭﻓﺮﺣﺎﻧﺔ ﻭﺗﻴﻠﺒﺴﻚ ﻓﻢgﺍﻧﺔ ..ﻛﻨﺘﻮ ﻳﻠﻪ ﺧﺎﺭﺟﻴﻦ ﻣﻦ ﻭﺍﺣﺪ ﺍﻟﻘﻬﻮﺓ.. ﺩﺯﺕ ﻣﻦ ﺣﺪﺍﻙ ﻭﺷﻔﺖ ﻓﻴﻚ ﻭﻧﺘﻲ ﺗﺘﺼﺪﻣﻲ ﻭﺟﻤﻌﺘﻲ ﺍﻟﻀﺤﻜﺔ ﻭﻣﻘﺪﺭﺗﺶ ﻧﺤﺒﺲ ﺩﻣﻮﻋﻲ..ﻭﻣﺸﻴﺖ ﻭﺍﻧﺎ ﻣﺠﺮﻭﺡ..
ﺃﻣﺎ ﺭﻳﻢ ﻓﺎﺵ ﻣﺸﺎ ﻓﻴﺼﻞ ﻭﻋﻄﺎﻫﺎﺓﺑﺎﻟﻈﻬﺮ ﺑﻘﺎﺕ ﺗﺘﻘﻮﻝ ..
ﺭﻳﻢ: ﻓﻴﺼﻞ!! ﻋﺎﺭﻓﺔ ﺭﺍﺳﻲ ﻏﻠﻄﺖ ﻭﺍﻟﻠﻪ ﻭﻟﻜﻦ ﺭﺍﻩ ﺭﺟﻊ ﻟﻲ ﻋﻘﻠﻲ ﻭﻋﺮﻓﺖ ﺑﺎﻟﻠﻲ ﻣﻨﻘﺪﺭﺵ ﻧﻌﻴﺶ ﺑﻼ ﺑﻴﻚ..ﻛﻨﺖ ﻏﺎﻟﻄﺔ ﻣﻠﻠﻲ ﻇﻨﻴﺖ ﺑﺎﻟﻠﻲ ﺃﺩﻡ ﺗﻴﺒﻐﻴﻨﻲ ﺍﻛﺜﺮ ﻣﻨﻚ ﺍﻟﺴﺎﻋﺔ ﺑﺎﻥ ﻋﻠﻰ ﺣﻘﻴﻘﺘﻮ ﺩﻏﻴﺎ ﻣﻠﻠﻲ ﻗﻠﺘﻠﻮ ﺟﻲ ﺧﻄﺒﻨﻲ.. ﻭﺗﺨﻠﻰ ﻋﻠﻴﺎ.. ﺩﺍﺑﺎ ﺃﻧﺎ ﻧﺪﻣﺎﻧﺔ ﺣﻴﺖ ﺧﺴﺮﺗﻚ ﻭﻣﻜﺮﻫﺘﺶ ﺗﻌﻄﻴﻨﻲ ﻓﺮﺻﺔ ﺟﺪﻳﺪﺓ .. ﻭﻣﻨﻜﺬﺑﺶ ﻋﻠﻴﻚ ﻣﻐﺪﻳﺶ ﻧﺴﺘﺴﻠﻢ ..
ﺍﻟﻤﻬﻢ ﻣﺸﻰ ﻓﻴﺼﻞ ﻭﻗﻠﺒﻮ ﺗﺪﻣﻊ ﺍﻛﺜﺮ ﻣﻦ ﻋﻴﻨﻴﻪ.. ﻭﺣﺎﻭﻝ ﻣﺎﻳﻀﻌﻔﺶ ﻭﻳﺮﺟﻊ ﻟﻮﺣﺪﺓ ﺑﻐﺎﻫﺎ ﻣﻦ ﻗﻠﺒﻮ ﻭﺑﺎﻋﺘﻮ..
ﺭﻳﻢ ﻭ ﻓﻴﺼﻞ ﺗﻌﺮﻓﻮ ﻋﻠﻰ ﺑﻌﻀﻴﺎﺗﻬﻢ ﻓﻼﻓﺎﻙ.. ﻛﺎﻥ ﻫﻮ ﺳﻨﺔ ﺛﺎﻟﺘﺔ ﻭﻫﻲ ﻳﻠﻪ ﻃﻠﻌﺎﺕ ﺳﻨﺔ ﺃﻭﻟﻰ ...ﺑﻐﺎﻫﺎ ﻣﻦ ﺃﻭﻝ ﻧﻈﺮﺓ.. ﻭﺣﺘﻰ ﻫﻲ ﺑﻐﺎﺗﻮ .. ﻛﻴﻒ ﻛﺎﻧﺖ ﺗﺘﻘﻮﻝ.. ﻭﻟﻔﻮ ﺑﻌﻀﻴﺎﺗﻬﻢ ﻭﺗﺎﻓﻘﻮ ﺑﺎﺵ ﻳﻜﻤﻠﻮ ﻗﺮﺍﻳﺘﻬﻢ ﺑﺠﻮﺝ ﻭﻳﺘﺰﻭﺟﻮ.. ﻭﻟﻜﻦ ﻣﻦ ﺑﻌﺪ ﻋﺎﻣﻴﻦ ﻣﻦ ﻋﻼﻗﺘﻬﻢ ﺑﺪﺍ ﺗﻴﺤﺲ ﻓﻴﺼﻞ ﺃﻥ ﺭﻳﻢ ﺗﺒﺪﻻﺕ ﻭﻛﺎﻥ ﺗﺨﺎﺻﻢ ﻣﻌﺎﻫﺎ ﻭﺍﺣﺪ ﺍﻟﻨﻬﺎﺭ ﺗﺨﺎﺻﻴﻤﺔ ﺧﺎﻳﺒﺔ ﻭﺍﻟﻐﺪ ﻟﻴﻪ ﻛﺎﻥ ﻋﻴﺪ ﻣﻴﻼﺩﻫﺎ ﺧﺪﺍ ﻟﻴﻬﺎ ﻛﺎﺩﻭ ﺑﺎﺵ ﻳﺼﺎﻟﺤﻬﺎ ﻭﻋﻴﻂ ﻟﻴﻬﺎ ﺍﻟﺴﺎﻋﺔ ﺍﻋﺘﺬﺭﺍﺕ ﻣﻨﻮ ﺑﺤﺠﺔ ﺃﻧﻬﺎ ﻣﺤﺘﺎﻓﻠﺔ ﻣﻊ ﺩﺍﺭﻫﻢ.. ﻭﺗﻤﺎﻙ ﻓﺎﺵ ﺍﻛﺘﺎﺷﻒ ﺧﻴﺎﻧﺘﻬﺎ..
ﻣﻦ ﺑﻌﺪ ﺩﺍﻙ ﺍﻟﻨﻬﺎﺭ ﻓﻴﺼﻞ ﺳﺪ ﻋﻠﻴﻬﺎ ﺷﻬﺮ ﻟﻔﺎﻟﺪﺍﺭ ﻣﺘﻴﺨﺮﺝ ﻣﺎﻭﺍﻟﻮ ﺣﺘﻰ ﻣﻦ ﺍﻟﺘﻠﻔﻮﻥ ﻃﺎﻓﻴﻪ ﻭﻫﻲ ﻣﻘﺪﺭﺍﺗﺶ ﺗﻮﺻﻞ ﻟﻴﻪ..
ﻭﻣﻦ ﺑﻌﺪ ﺷﻬﺮ ﺟﺎ ﻟﻠﻜﻠﻴﺔ ﻭﻛﺎﻧﺖ ﺃﻭﻝ ﻣﺮﺓ ﺗﺸﻮﻓﻮ ﻣﻦ ﻭﺭﺍ ﺍﻛﺘﺸﺎﻓﻮ ﻟﺨﻴﺎﻧﺘﻬﺎ..
ﺟﺎﺕ ﺗﺘﺠﺮﻱ ﻋﻨﺪﻭ..
ﺭﻳﻢ: ﻓﻴﺼﻞ(ﻭﻋﻴﻨﻴﻬﺎ ﻋﺎﻣﺮﻳﻦ ﺩﻣﻮﻉ)..
ﺭﻳﻢ: ﻓﻴﺼﻞ ﻋﺎﻓﺎﻙ ﺳﻤﻌﻨﻲ..
ﻓﻴﺼﻞ: ﻧﺴﻤﻌﻚ!!! ﻭﺍﺧﺎ ﻧﺴﻤﻌﻚ ﺍﻟﻰ ﻋﻨﺪﻙ ﺟﻮﺍﺏ ﻟﺴﺆﺍﻟﻲ.. ﺷﻜﻮﻥ ﺍﻟﻠﻲ ﻛﻨﺘﻲ ﻣﻌﺎﻩ ﺩﺍﻙ ﺍﻟﻨﻬﺎﺭ؟!!.
ﺭﻳﻢ: ﻏﻨﻌﺎﻭﺩ ﻟﻴﻚ ﻛﻠﺸﻲ..ﻭﺍﺣﺪ ﺍﻟﻨﻬﺎﺭ ﺗﺨﺎﺻﻤﻨﺎ ﺃﻧﺎ ﻭﻳﺎﻙ ﻭﻃﻔﻴﺘﻲ ﻋﻠﻴﺎ ﺍﻟﺘﻠﻔﻮﻥ ﻳﻮﻣﻴﻦ .. ﻭﺍﻟﻐﺪ ﻟﻴﻪ ﺗﺨﻨﻘﺖ ﻭﺗﻌﺼﺒﺖ ﻭﻣﺸﻴﺖ ﻟﻠﺒﺤﺮ ﻭﺑﻘﻴﺖ ﺗﻨﺒﻜﻲ..ﻭﺗﻤﺎﻙ ﺟﺎ ﺃﺩﻡ ﻭﻋﻄﺎﻧﻲ ﻛﻠﻴﻨﻜﺲ ﻭﻗﺎﻟﻲ ﻣﺎﻟﻚ ﺃﺧﺘﻲ ﻭﻋﺎﻭﺩﺗﻠﻴﻪ.. ﻭﻭﺍﺳﺎﻧﻲ ﻭﻗﺎﻟﻲ ﺻﺎﻓﻲ ﺗﻔﺎﺭﻗﺘﻮ ﺍﻟﻠﻪ ﻳﻌﺎﻭﻧﻮ ﻳﻤﻜﻦ ﻣﺎﻳﻜﻮﻧﺶ ﻳﺴﺘﺎﻫﻠﻚ..ﻣﻦ ﺑﻌﺪ ﺑﻘﻴﻨﺎ ﺗﻨﻬﻀﺮﻭ ﻭﻋﺠﺒﺘﻮ ﻭﻋﺮﺽ ﻋﻠﻴﺎ ﻧﺒﻘﺎﻭ ﻋﻠﻰ ﻋﻼﻗﺔ .. ﻭﺃﻧﺎ ﻣﻦ ﻋﺼﺒﻴﺘﻲ ﻭﺍﻓﻘﺖ ﻣﻜﻨﺘﺶ ﻋﺎﺭﻓﺔ ﺃﺵ ﻛﻨﺪﻳﺮ ﻭﺍﻟﻠﻪ .. ﻭﺗﺼﺎﺣﺒﺖ ﻣﻌﺎﻩ .. ﻭﻟﻜﻦ ﻣﻦ ﺑﻌﺪ 3 ﻳﺎﻡ ﺟﻴﺘﻲ ﺍﻧﺖ ﻭﺍﻋﺘﺬﺭﺗﻲ ﻣﻨﻲ ﻭﺣﻴﺖ ﺗﻨﺒﻐﻴﻚ ﻣﻘﺪﺭﺗﺶ ﻧﻘﻮﻟﻴﻚ ﻻ.. ﻭﺭﺟﻌﺖ ﻟﻴﻚ ﻋﻠﻰ ﺃﺳﺎﺱ ﻧﻠﻘﻰ ﺷﻲ ﺳﺒﺔ ﻧﺘﺨﺎﺻﻢ ﺑﻴﻬﺎ ﻣﻊ ﺃﺩﻡ.. ﻭﻟﻜﻦ ﻫﻮ ﻛﺎﻥ ﺗﻴﻌﺎﻣﻠﻨﻲ ﻣﺰﻳﺎﺍﺍﻥ ﻣﻠﻘﻴﺖ ﻣﻨﻴﻦ ﻧﺸﺪﻭ..
ﺑﻘﻴﻨﺎ ﻫﻜﺎﻙ..ﻣﺮﺓ ﻣﻌﺎﻙ ﻣﺮﺓ ﻣﻌﺎﻩ .. ﺣﺘﻰ ﻟﻠﻨﻬﺎﺭ ﺍﻟﻠﻲ ﺣﺼﻠﺘﻴﻨﻲ ﻣﻌﺎﻩ.. ﻭﻣﻦ ﺩﺍﻙ ﺍﻟﻨﻬﺎﺭ ﻭﺍﻧﺎ ﻓﺠﻬﻨﻢ .. ﻭﻣﻠﻠﻲ ﻃﻠﺒﺖ ﻣﻨﻮ ﺍﻟﺰﻭﺍﺝ ﻗﺎﻟﻲ ﺍﻟﻠﻪ ﻳﻌﺎﻭﻥ.. ﻭﺗﺨﻠﻰ ﻋﻠﻴﺎ.. ﻭﺍﻧﺎ ﻃﻠﺒﺖ ﻣﻨﻮ ﻫﻜﺎﻙ ﻏﻴﺮ ﺑﺎﺵ ﻧﻠﻘﻰ ﺍﻟﺴﺒﺔ.. ﻋﺎﺍﻓﺎﻙ ﻟﻤﺎ ﺛﻴﻖ ﺑﻲ..ﺗﻨﻘﻮﻟﻴﻚ ﻏﻴﺮ ﺍﻟﺼﺮﺍﺣﺔ..
ﻓﻴﺼﻞ: ﺭﻳﻢ.. ﺃﻧﺎ ﺑﻐﻴﺘﻚ ﻭﺃﻱ ﻭﺣﺪﻳﻦ ﺗﻴﺒﻐﻴﻮ ﺑﻌﻀﻬﻢ ﺗﻴﺘﺨﺎﺻﻤﻮ.. ﻣﺎﻟﻲ ﺍﻧﺎ ﻓﺎﺵ ﻛﻨﺘﺨﺎﺻﻤﻮ ﻣﻜﻨﻤﺸﻲ ﻧﺘﺼﺎﺣﺐ.. ﺑﺼﺢ ﺗﻴﻘﻮﻟﻮﻫﺎ.. ﺍﻟﺪﺭﻳﺎﺕ ﺑﺤﺎﻝ ﺍﻟﻘﺮﻭﺩﺓ ﺍﻟﻠﻲ ﺗﺘﺴﻠﻖ ﺍﻟﺸﺠﺮ ﺗﺘﺸﺪ ﻓﺸﺠﺮﺓ ﻭﻣﻠﻠﻲ ﺗﻄﻠﻖ ﻣﻨﻬﺎ ﺗﺘﺸﺪ ﻓﻠﻮﺧﺮﻯ.. ﺍﻟﻤﻬﻢ ﻣﺰﻳﺎﻥ ﻣﻠﻠﻲ ﻋﺮﻓﺘﻚ ﻋﻠﻰ ﺣﻘﻴﻘﺘﻚ .. ﻭﺩﺍﺑﺎ ﺳﻤﺤﻴﻠﻲ ﻧﺨﻠﻴﻚ..
ﺭﻳﻢ: ﻋﺎﻓﺎﻙ ﺃﻓﻴﺼﻞ ﺳﻤﺤﻠﻲ ﻭﺍﻟﻠﻪ ﻣﻨﺒﻘﻰ ﻧﻌﺎﻭﺩ..
ﻓﻴﺼﻞ: ﻻ ﻏﻴﺮ ﻋﺎﻭﺩﻱ..ﺗﻬﻼﻱ..
ﻓﺪﺍﻙ ﺍﻟﻨﻬﺎﺭ ﺧﻼﻫﺎ ﻭﻣﺸﺎ ﻛﺎﻧﺖ ﺍﻭﻝ ﻣﺮﺓ ﺗﺸﻮﻓﻮ ﻓﻴﻬﺎ ﻣﻦ ﺑﻌﺪ ﻓﻌﻠﺘﻬﺎ.. ﻭﺑﻘﺎﺕ ﺗﺎﺑﻌﺎﻩ ﻣﺪﺓ ﻋﺎﻡ ﺑﺪﻭﻥ ﺟﺪﻭﻯ ﻣﺨﻼﺕ ﻣﺎﺩﺍﺭﺕ ﺑﺎﺵ ﻳﺴﻤﺢ ﻟﻴﻬﺎ ﻭﻟﻜﻦ ﻫﻮ ﻣﻌﻘﻠﺶ ﻋﻠﻴﻬﺎ..
ﺍﻟﻤﻬﻢ ﻭﺻﻞ ﻟﻠﺪﺍﺭ ﻭﺳﺪ ﻋﻠﻴﻪ ﻓﺒﻴﺘﻮ ﻭﺟﺒﺪ ﺗﺼﻮﻳﺮﺗﻬﺎ ﻛﻴﻒ ﺍﻟﻌﺎﺩﺓ ﺗﻴﻬﻀﺮ ﻣﻌﺎﻫﺎ ﻭﺗﻴﻠﻮﻣﻬﺎ..
ﻓﻴﺼﻞ: ﺣﺒﻴﺒﺔ ﻗﻠﺒﻲ ﺧﺎﻧﺘﻨﻲ..ﺣﺒﻴﺒﺔ ﻗﻠﺒﻲ ﺟﺮﺣﺘﻨﻲ..ﻋﻼﺵ ﺩﺭﺗﻲ ﻓﻲ ﻫﺎﻛﺔ ﺃ ﺭﻳﻢ ﻋﻼﺵ!!!
ﺑﺪﺍ ﺍﻟﺘﻠﻴﻔﻮﻥ ﺗﻴﺼﻮﻧﻲ..
ﻓﻴﺼﻞ: ﺃﻟﻮﻭ..
ﺭﻳﻢ: ﻓﻴﺼﻞ ﻣﺘﻘﻄﻌﺶ..ﺑﻐﻴﺖ ﻧﻘﻮﻟﻴﻚ ﺑﺎﻟﻠﻲ ﻫﺎﺩﻱ ﺁﺧﺮ ﻣﺮﺓ ﻏﻨﺒﺮﺯﻃﻚ ﻓﻴﻬﺎ.. ﺃﻧﺎ ﻏﻨﻬﻨﻴﻚ ﻣﻨﻲ ﻓﻤﺮﺓ ﻭﺣﺪﺓ..ﺇﻟﻰ ﻣﺎﺟﻴﺘﻴﺶ ﻋﻨﺪﻱ ﻟﻠﺠﺮﺩﺓ ﺍﻟﻠﻲ ﺣﺪﺍ ﻣﺪﺭﺳﺔ ﺍﻟﺴﻌﺪ ﻣﻦ ﻫﻨﺎ ﻟﺴﺎﻋﺔ ..ﻏﺘﻜﻮﻥ ﻭﺻﻼﺕ ﻧﻬﺎﻳﺘﻲ.. ﻃﻮﻁ..ﻃﻮﻁ..ﻃﻮﻁ..ﻃﻮﻁ..
ﻓﻴﺼﻞ: ﺭﻳﻢ!! ﺃﻟﻮﻭ..ﺃﻟﻮﻭﻭﻭ..(ﻳﺎﺭﺑﻲ ﺷﻨﻮ ﺗﺘﻘﻮﻝ ﻫﺎﺩﻱ!! ﻳﺎﻛﻤﺎ ﺑﺎﻏﺎ ﺗﺪﻳﺮ ﺷﻲ ﺣﺎﺟﺔ ﻓﺮﺍﺳﻬﺎ!!!)
ﺩﺍﺥ ﻓﻴﺼﻞ ﻭﻣﺒﻘﺎ ﻋﺎﺭﻑ ﺷﻨﻮ ﻳﺪﻳﺮ ﻭﻫﻮ ﻳﺠﻠﺲ ..ﻓﺒﻼﺻﺘﻮ ﻭﻗﺎﻝ..
ﻓﻴﺼﻞ: ﻭﺃﻧﺎ ﻣﺎﻟﻲ!!! ﺗﻀﺒﺮ ﻟﺮﺍﺳﻬﺎ ﺗﻤﻮﺕ gﺍﻉ...ﻻ ﻻﺍﺍ ﻣﺨﺼﻨﻴﺶ ﻧﺰﻳﺪ ﻧﺠﻠﺲ ﻣﻤﻜﻦ ﻣﻦ ﺑﻌﺪ ﻧﺒﻘﻰ ﻧﻠﻮﻡ ﺭﺍﺳﻲ ﻟﻴﻞ ﻭﻧﻬﺎﺭ ﻭﻧﻔﻘﺪﻫﺎ ﻟﻸﺑﺪ..
ﻧﺎﺽ ﻓﻴﺼﻞ ﺗﻴﺠﺮﻱ ﻭﺧﺮﺝ .. ﺷﺪ ﻃﺎﻛﺴﻲ ﻭﻣﺸﺎ ﻟﺪﻳﻚ ﺍﻟﺠﺮﺩﺓ..
ﺩﺧﻞ ﻭﺑﻘﻰ ﻳﻘﻠﺐ ﻋﻠﻰ ﺭﻳﻢ.. ﺣﺘﻰ ﺷﺎﻓﻬﺎ ﺟﺎﻟﺴﺔ ﻓﻮﺍﺣﺪ ﺍﻟﻜﺮﺳﻲ... ﻏﻴﺮ ﺷﺎﻓﺘﻮ ﻭﻧﺎﺿﺖ ﺗﺘﻌﻨﻖ ﻓﻴﻪ..
ﺭﻳﻢ:ﺟﻴﺘﻲ ﺃﻓﻴﺼﻞ..!! ﻋﺮﻓﺖ ﺭﺍﺳﻲ ﻣﺮﺧﻴﺼﺎﺵ ﻋﻨﺪﻙ..
ﻓﻴﺼﻞ: ﺷﻨﻮ ﻫﺎﺩ ﺍﻟﺘﺒﺮﻫﻴﺶ!! ﻭﻫﺎﺩﺷﻲ ﺍﻟﻠﻲ ﺗﺪﻳﺮﻱ ﻓﻴﻪ ﺩﻳﺎﻝ ﺍﻟﺪﺭﺍﺭﻱ ﺍﻟﺼﻐﺎﺭ..
ﺭﻳﻢ: ﻛﻨﺒﻐﻴﻚ..ﻭﺍﺧﺎ ﻣﻐﺘﻴﻘﺶ ﻭﻟﻜﻦ ﻫﺎﺩﻱ ﻫﻲ ﺍﻟﺼﺮﺍﺣﺔ..ﻭﺍﻟﻰ ﻛﻨﺖ ﻏﻨﻜﻤﻞ ﺑﻼ ﺑﻴﻚ ﺍﻟﻠﻬﻢ ﻧﻤﻮﺕ..(ﻭﻫﻲ ﺗﺠﺒﺪ ﻗﺮﻋﺔ ﺩﻳﺎﻝ ﺍﻟﻤﺎ ﺍﻟﻘﺎﻃﻊ ﻣﻦ ﺗﺤﺖ ﺍﻟﻜﺮﺳﻲ)..
ﻓﻴﺼﻞ: ﺷﻨﻮ ﺗﺪﻳﺮﻱ ﺃﻟﻤﺴﻄﻴﺔ ﺣﻴﺪﻱ ﺩﺍﻛﺸﻲ..
ﺭﻳﻢ: ﻗﻮﻟﻲ ﺑﺎﻟﻠﻲ ﺗﺘﺒﻐﻴﻨﻲ ﻭﺑﺎﻟﻠﻲ ﻣﻐﺘﻔﺎﺭﻗﺶ ﻣﻌﺎﻳﺎ..ﻳﻠﻪ ..ﻗﻮﻝ..
ﻓﻴﺼﻞ: ﺑﺎﺭﺍﻛﺎ ﻣﻦ ﺍﻟﺤﻤﺎﻕ ﻭﺳﻴﺮﻱ ﻟﺪﺍﺭﻛﻢ ﻭﺣﺎﻭﻟﻲ ﺗﻨﺴﺎﻳﻨﻲ..ﻭﻻ ﺩﻳﺮﻱ ﻗﻀﻴﺔ ﻫﺎﺩ ﺍﻟﻄﻠﻴﺐ ﻃﻠﺒﻴﻪ ﻟﺤﺒﻴﺐ ﺍﻟﻘﻠﺐ ﺩﻳﺎﻟﻚ .. ﺍﻟﻠﻲ ﺳﺎﻫﻞ ﺑﺎﺵ ﻳﺴﻤﺢ ﻟﻴﻚ.. ﺃﻣﺎ ﺃﻧﺎ ﻋﻤﺮﻧﻲ ﻏﻨﻘﺪﺭ ﻧﻨﺴﻰ ﺍﻟﻠﻲ ﺩﺭﺗﻲ ﻓﻲ ﻫﺬﺍ ﻋﺎﻡ..
ﺭﻳﻢ: ﻭﺍ ﻧﺪﻣﺖ ﺃﻓﻴﺼﻞ ﺍﻟﻠﻪ ﻳﺤﻔﻈﻚ ﻟﻤﺎ ﻋﻄﻴﻨﻲ ﻓﺮﺻﺔ..
ﻓﻴﺼﻞ: ﺭﻳﻢ..ﺃﻧﺎ..ﻣﺒﻘﻴﺖﺵ ﻛﻨﺒﻐﻴﻚ..ﻓﻬﻤﻲ
ﺭﻳﻢ: ﻭﺍﺧﺎ..ﻓﻬﻤﺖ..ﻭﺩﺍﺑﺎ ﺳﻴﺮ..ﻭﻟﻜﻦ ﻣﺘﺠﻴﺶ ﺗﺒﻜﻲ ﺣﺪﺍ ﻗﺒﺮﻱ ﺷﻲ ﻧﻬﺎﺭ..
ﻓﻴﺼﻞ: ﻣﺘﺪﻳﺮﻱ ﻓﺮﺍﺳﻚ ﻭﺍﻟﻮ ﻋﺎﻓﺎﻙ.. ﻭﺣﺎﻭﻟﻲ ﺗﺘﻘﺒﻠﻲ ﺍﻟﻔﻜﺮﺓ. ﻭﺍﺧﺎ..
ﺭﻳﻢ: ﻏﻴﺮ ﺳﻴﺮ.. ﻭﻣﺸﻐﻠﻜﺶ ﻓﻲ..
ﺭﻳﻢ: ﺣﺒﻴﺒﻲ ﻋﺎﻓﺎﻙ..ﻧﺴﻰ..ﺍﻷﻣﻮﺭ ﺗﺼﻠﺤﺎﺕ ﺩﺍﺑﺎ ﻭﻫﺎﺣﻨﺎ ﻏﺎﺩﻳﻦ ﺑﺨﻴﺮ ﺍﻟﺤﻤﺪ ﻟﻠﻪ..
ﻓﻴﺼﻞ: ﺍﻟﻤﻬﻢ ﻳﻠﻪ ﻧﺪﻳﺮﻭ ﺷﻲ ﻗﻬﻴﻮﺓ ﺃﻧﺎ ﻭﻳﺎﻙ..ﺑﺎﺵ ﻧﺤﺎﻭﻝ ﻧﻨﺴﻰ ﻫﺎﺩﺷﻲ ..
ﺭﻳﻢ: ﺃﻭﻙ ﻳﻠﻪ..
ﻓﺎﺵ ﺩﺧﻠﻮ ﻟﻠﻘﻬﻮﺓ ﻃﻠﺒﻮ ﻣﺸﺮﻭﺑﺎﺕ ﻭﻫﻲ ﺗﺠﺒﺪ ﺭﻳﻢ ﻭﺍﺣﺪ ﺍﻟﻜﺎﺩﻭ..
ﺭﻳﻢ: ﺗﻨﺘﻤﻨﻰ ﻳﻌﺠﺒﻚ..
ﻓﻴﺼﻞ: ﻋﻼﺵ ﻣﻌﺬﺑﺔ ﺭﺍﺳﻚ؟!
ﺭﻳﻢ: ﺣﺎﺟﺔ ﺑﺴﻴﻄﺔ ﻟﺤﺒﻴﺒﻲ..
ﻓﻴﺼﻞ: ﺷﻜﺮﺍ..(ﺣﻠﻬﺎ ﻟﻘﻰ ﻓﻴﻬﺎ ﺛﻮﺏ ﺩﻳﺎﻝ ﻣﺨﺪﺓ ﻣﻄﺮﻭﺯ ﻓﻴﻪ ﺳﻤﻴﺘﻮ ﻭﺳﻤﻴﺘﻬﺎ ﻭﻣﻜﺘﻮﺏ ﻓﻴﻪ ﻛﻨﺒﻐﻴﻚ ﺃﻓﻴﺼﻞ)..ﺣﺘﻰ ﺃﻧﺎ ﻛﻨﺒﻐﻴﻚ ﺃﺣﺒﻴﺒﺔ..
ﺑﻘﺎﻭ ﺗﻴﻬﻀﺮﻭ ﻋﺎﺩﻱ ﻭﻳﻀﺤﻜﻮ ﻭﺍﻟﻤﻮﺳﻴﻘﻰ ﺧﺪﺍﻣﺔ ﻓﺎﻟﻘﻬﻮﺓ ﻭﻭﺍﺣﺪ ﺍﻟﻠﺤﻈﺔ ﺧﺪﻣﻮ ﺃﻏﻨﻴﺔ ﻭﺍﺋﻞ ﺟﺴﺎﺭ ..ﺟﺮﺡ ﺍﻟﻤﺎﺿﻲ.. ﻫﺎﺩ ﺍﻷﻏﻨﻴﺔ ﻛﺎﻧﺖ ﺗﺘﻘﺘﻞ ﻓﻴﺼﻞ.. ﻭﻏﻴﺮ ﺑﺪﺍﺕ ﻭﻫﻮ ﻳﻠﻘﻰ ﺭﺍﺳﻮ ﺗﻴﻐﻨﻲ ﻣﻌﺎﻫﺎ..ﻭﺗﻴﺸﻮﻑ ﻑ ﺭﻳﻢ..ﺇﺫﺍ ﺷﺎﻳﻔﻨﻲ ﻣﺶ ﻋﻢ ﺑﺒﻜﻲ ﻟﻴﺶ ﺍﻧﺖ ﺧﻠﻴﺖ ﺩﻣﻮﻉ..ﺇﺫﺍ ﺷﺎﻳﻔﻨﻲ ﻣﺶ ﻋﻢ ﺑﺸﻜﻲ ﻓﻜﺮﻙ ﻳﻌﻨﻲ ﻣﺶ ﻣﻮﺟﻮﻉ...ﺇﺫﺍ ﻛﻨﺖ ﺑﻌﺬﺍﺑﻲ ﺭﺍﺿﻲ ﻭﺟﺎﻱ ﺗﺘﺮﺟﻌﻨﻲ ﺃﻧﺎ ﻳﺎ ﺣﺒﻴﺒﻲ ﺟﺮﺡ ﺍﻟﻤﺎﺿﻲ ﺑﻌﺪﻭ ﻋﻢ ﻳﻮﺟﻌﻨﻲ..ﺃﻧﺎ ﻳﺎ ﺣﺒﻴﺒﻲ ﺟﺮﺡ ﺍﻟﻤﺎﺿﻲ ﺑﻌﺪﻭ ﻋﻢ ﻳﻮﺟﻌﻨﻲ..
ﺭﻳﻢ: ﺑﺼﺢ ﺃﻓﻴﺼﻞ؟!
ﻓﻴﺼﻞ: ﺷﻨﻮ ﺍﻟﻠﻲ ﺑﺼﺢ؟؟
ﺭﻳﻢ: ﺑﺎﻗﻲ ﻣﺎﻧﺴﻴﺘﻲ ﻏﻠﻄﺘﻲ ﻣﻌﺎﻙ؟!
ﻓﻴﺼﻞ: ﻳﻠﻪ .. ﺧﻠﻴﻨﺎ ﻧﻤﺸﻴﻮ ..ﻭﺳﺪﻱ ﻫﺎﺩ ﺍﻟﻤﻮﺿﻮﻉ ﺣﻴﺖ ﻣﻜﻨﺤﻤﻠﺶ ﻧﺘﻔﻜﺮﻭ..
ﺭﻳﻢ: ﻭﺍﺧﺎ ﻳﻠﻪ..
ﺍﻟﻤﻬﻢ ﻣﺸﺎﻭ ﻓﺤﺎﻟﻬﻢ..ﻭﻓﻴﺼﻞ ﺩﺧﻞ ﻟﻠﺪﺍﺭ.. ﻣﺸﺎ ﻧﻴﺸﺎﻥ ﻟﺒﻴﺘﻮ ﻏﻠﻒ ﺍﻟﻤﺨﺪﺓ ﺍﻟﻠﻠﻲ ﺗﻴﻨﻌﺲ ﻋﻠﻴﻬﺎ ﺑﺎﻟﺘﻮﺏ ﺍﻟﻠﻲ ﻫﺪﺍﺕ ﻟﻴﻪ ﺭﻳﻢ
ﻭﻟﻜﻦ ﻓﺮﺣﺘﻮ ﻛﺎﻧﺖ ﻭﺍﺧﺎ ﻫﻜﺎﻙ ﻧﺎﻗﺼﺔ.. ﺣﻴﺖ ﻋﻴﺎ ﻣﻴﺨﺒﻲ ﻭﻋﻴﺎ ﻣﻴﺘﺠﺎﻫﻞ ﺍﻟﺤﻘﻴﻘﺔ ﻭﻋﻴﺎ ﻣﻴﺘﻨﺎﺳﻰ ﺍﻟﻮﺍﻗﻊ .. ﺑﻼ ﻓﺎﻳﺪﺓ.. ﻛﺎﻥ ﺗﻴﻈﻦ ﺑﺎﻟﻠﻲ ﺍﻟﻮﻗﺖ ﻛﻔﻴﻞ ﺑﺄﻧﻮ ﻳﻨﺴﻴﻪ ﻓﺠﺮﺣﻮ ﻣﻦ ﺭﻳﻢ.. ﻟﻜﻨﻮ ﻟﺤﺪ ﺍﻵﻥ ﻏﺪﺭﻫﺎ ﻟﻴﻪ ﻗﺪﺍﻡ ﻋﻴﻨﻴﻪ..
ﺍﻟﻤﻬﻢ ﺑﻘﺎﺕ ﻋﻼﻗﺘﻬﻢ ﻣﺴﺘﻘﺮﺓ ﻣﺪﺓ ﻃﻮﻳﻠﺔ.. ﻭﺣﺘﻰ ﻣﻦ ﺭﻳﻢ ﻛﺎﻧﺖ ﺗﺘﻌﺎﻣﻞ ﻣﻌﺎﻩ ﻣﻌﺎﻣﻠﺔ ﺯﻭﻳﻨﺔ ﺑﺰﺍﺍﺍﻑ ﻭﻣﺨﻠﻴﺎﻩ ﺃﺳﻌﺪ ﻭﺍﺣﺪ.. ﺩﻭﺯﻭ ﺍﻻﻣﺘﺤﺎﻧﺎﺕ ﺍﻷﺧﻴﺮﺓ ﻭﻧﺠﺤﻮ ﺑﺠﻮﺝ..ﺭﻳﻢ ﺧﺬﺍﺕ ﺍﻻﺟﺎﺯﺓ ﻭ ﻓﻴﺼﻞ ﺣﻴﺖ ﻛﺎﻥ ﻓﺎﻳﺘﻬﺎ ﺧﺬﺍ ﺍﻟﻤﺎﺳﺘﺮ ..
ﻓﻴﺼﻞ: ﻣﺒﺮﻭﻙ ﻋﻠﻴﻨﺎ ﺃﺣﺒﻴﺒﺔ..
ﺭﻳﻢ: ﺍﻩ ﺃﺣﺒﻴﺒﻲ ﻣﺒﺮﻭﻙ ﻋﻠﻴﻨﺎ.. ﺍﻟﺤﻤﺪ ﻟﻠﻪ ﺗﻌﺒﻨﺎ ﻣﻤﺸﺎﺵ ﻫﻜﺎﻙ..
ﻓﻴﺼﻞ: ﺁﻩ ﺩﺍﻛﺸﻲ..ﺍﻟﺤﻤﺪ ﻟﻠﻪ..
ﺭﻳﻢ: ﺑﻬﺎﺩ ﺍﻟﻤﻨﺎﺳﺒﺔ ﺃﻧﺎ ﻋﺎﺭﺿﺔ ﻋﻠﻴﻚ..
ﻓﻴﺼﻞ: ﻫﻬﻬﻬﻪ ﻻ ﻻ ﻣﺎﻗﺎﺑﻠﺶ..ﺃﻧﺎ ﻫﻮ ﺍﻟﺮﺍﺟﻞ ﻭﺃﻧﺎ ﺍﻟﻠﻲ ﺧﺎﺻﻨﻲ ﻧﺨﻠﺺ.. ﺃﻧﺎ ﺍﻟﻠﻲ ﻋﺎﺭﺽ ﻋﻠﻴﻚ..
ﺭﻳﻢ: ﻫﻬﻬﻪ ﻭﺍﻟﻮ.. ﻭﺍﻟﻠﻪ ﺣﺘﻰ ﻧﺨﻠﺺ ﺃﻧﺎ.
ﻓﻴﺼﻞ: ﻭﺍﺧﺎ ﺃﻻﻟﺔ ﻳﻠﻪ..ﻓﻴﻦ ﻧﻤﺸﻴﻮ؟؟
ﺭﻳﻢ: ﺗﺘﻌﺠﺒﻨﻲ ﻭﺍﺣﺪ ﺍﻟﻘﻬﻮﺓ ﺳﻤﻴﺘﻬﺎ ﺍﻟﻨﻮﺭ ﻓﻴﻬﺎ ﺍﻟﻤﺸﺮﻭﺑﺎﺕ ﻭﺍﻟﻤﺎﻛﻠﺔ.. ﻧﺠﻠﺴﻮ ﻓﻴﻬﺎ ﻧﺸﺮﺑﻮ ﺷﻲ ﺣﺎﺟﺔ ﻭﻣﻦ ﺑﻌﺪ ﻧﺘﻐﺬﺍﻭ ﻭﻋﺎﺩ ﻧﺨﺮﺟﻮ..ﺃﺵ ﺑﺎﻧﻠﻴﻚ؟!
ﻓﻴﺼﻞ: ﻭﺍﺧﺎ ﺃﻻﻟﺔ ﺃﻫﻢ ﺣﺎﺟﺔ ﺗﻜﻮﻥ ﺯﻭﻳﻨﺔ ﺑﺤﺎﻟﻚ..ﻫﻬﻬﻪ
ﺭﻳﻢ: ﻣﻤﻤﻤﻢ ﺗﺘﺒﺴﻞ ﻋﻠﻴﺎ..ﻭﺍﺧﺎ ﻓﻴﻚ.. ﻫﻬﻪ
ﻓﻴﺼﻞ: (ﺷﺪ ﻟﻴﻬﺎ ﻓﺈﻳﺪﻳﻬﺎ) ﻳﻠﻪ ..ﻣﺸﻴﻨﺎ؟؟
ﺭﻳﻢ:ﻣﺸﻴﻨﺎ..
ﻣﺸﺎﻭ ﻟﺪﻳﻚ ﺍﻟﻘﻬﻮﺓ..ﻓﺮﺣﺎﻧﻴﻦ .. ﺟﻠﺴﻮ ﻃﻠﺒﻮ ﻣﺸﺮﻭﺑﺎﺕ..ﻭﺑﻘﺎﻭ ﻳﻬﻀﺮﻭ ﺷﻮﻳﺔ..
ﺭﻳﻢ: ﺣﺒﻴﺒﻲ!! ﺷﻨﻮ ﺍﻟﺨﻄﻮﺓ ﺍﻟﻠﻲ ﺗﺘﻔﻜﺮ ﺩﻳﺮ ﺩﺍﺑﺎ ﻣﻦ ﺑﻌﺪ ﺍﻟﻤﺎﺳﺘﺮ!!!
ﻓﻴﺼﻞ: ﺃﺵ ﻏﻨﻘﻮﻟﻴﻚ!! ﺍﻟﻰ ﻟﻘﻴﺖ ﺧﺪﻣﺔ ﻏﻨﺨﺪﻡ..ﻣﻨﻜﺬﺑﺶ ﻋﻠﻴﻚ ﺑﺎﺭﺍﻛﺔ ﻣﻦ ﺍﻟﻘﺮﺍﻳﺔ
ﺭﻳﻢ: ﺃﻩ ﻣﺰﻳﺎﺍﺍﺍﻥ ﻭﺍﻟﻠﻪ .. ﺃﻧﺎ ﻭﺍﻗﻴﻠﺔ ﻏﺎﺩﻱ ﻧﻘﻠﺐ ﻋﻠﻰ ﺧﺪﻣﺔ ﻭﻓﻨﻔﺲ ﺍﻟﻮﻗﺖ ﻏﻨﺪﻓﻊ ﻟﻠﻤﺎﺳﺘﺮ..
ﻓﻴﺼﻞ: ﻻ ﻣﺰﻳﺎﻥ.. ﻛﻤﻠﻲ..ﺃﻧﺎ ﺭﺍﻩ ﺑﺎﻏﻲ ﻧﺨﺪﻡ ﻓﺄﻗﺮﺏ ﻭﻗﺖ ﺑﺎﺵ ﻧﺒﺪﺍ ﻧﻮﺟﺪ ﺭﺍﺳﻲ ﻭﻧﺠﻲ ﻧﺪﻱ ﺍﻟﻐﺰﺍﻟﺔ ﺩﻳﺎﻟﻲ ﻣﻦ ﺩﺍﺭﻫﻢ ﺑﺎﺵ ﺗﺒﻘﻰ ﺳﺎﻛﻨﺔ ﻣﻌﺎﻳﺎ ..ﻃﻮﻝ ﺍﻟﻌﻤﺮ..
ﺭﻳﻢ: ﻟﻬﻼ ﻳﺨﻄﻴﻚ ﻋﻠﻴﺎ؟!!ﺍﻭﺍ ﻛﻴﺠﺎﺗﻚ ﻫﺎﺩ ﺍﻟﻘﻬﻮﺓ؟!!
ﻓﻴﺼﻞ:ﺯﻭﻳﻨﺔ ﺍﻟﺼﺮﺍﺣﺔ..ﻣﻨﻴﻦ ﻃﺤﺘﻲ ﻋﻠﻴﻬﺎ؟!!
ﺭﻳﻢ: ﺃ..ﺃ..ﺃ..ﻛﻨﺖ ﺗﻨﺠﻲ ﻟﻴﻬﺎ ﻣﺮﺓ ﻣﺮﺓ ﻣﻊ ﺻﺤﺎﺑﺎﺗﻲ.. ﻟﺒﻨﻰ ﻭﺃﻳﺔ..
ﻓﻴﺼﻞ: ﺁﻩ ﺯﻭﻳﻨﺔ ﺑﺰﺍﻑ..
ﻭﻓﻠﺤﻈﺔ ﺗﺒﺪﻝ ﻟﻮﻥ ﻭﺟﻪ ﻓﻴﺼﻞ ﻭﻋﻘﺪ ﻭﺍﺣﺪ ﺍﻟﻐﻮﺑﺎﺷﺔ..ﻣﻠﻠﻲ..
ﻣﻠﻠﻲ ﺷﺎﻓﻮ ﺩﺍﺧﻞ ﻣﻌﺎﻧﻖ ﻣﻊ ﻭﺍﺣﺪ ﺍﻟﺒﻨﺖ.. ﺁﻩ ﺷﺎﻓﻮ..ﺷﺎﻑ ﺃﺩﻡ ﺍﻟﻠﻲ ﺧﺎﻧﺘﻮ ﻣﻌﺎﻩ ﺭﻳﻢ..
ﺗﻌﺼﺐ ﻭﻗﺎﻝ..
ﻓﻴﺼﻞ: ﻛﻴﻔﺎﺵ ﻣﺎﻃﺎﺣﺘﺶ ﻟﻲ ﻓﺒﺎﻟﻲ!!
ﺭﻳﻢ: ﻓﻴﺼﻞ!!! ﻣﺎﻟﻚ!!!
ﻓﻴﺼﻞ: ﻛﺎﻥ ﺧﺎﺻﻨﻲ ﻧﻌﺮﻑ ﻣﻦ ﺍﻻﻭﻝ ﺑﺎﻟﻠﻲ ﻫﻮ ﺍﻟﻠﻲ ﻛﺎﻥ ﺗﻴﺠﻴﺒﻚ ﻟﻬﻨﺎ..ﺩﻭﺭﻱ ﺷﻮﻓﻲ ﺣﺒﻴﺐ ﺍﻟﻘﻠﺐ ﺩﻳﺎﻟﻚ ﻣﻌﺎﻣﻦ.. !!
ﺩﺍﺭﺕ ﺭﻳﻢ ﻭﻟﻘﺎﺕ ﺃﺩﻡ ﻣﻊ ﻭﺣﺪﺓ ﺃﺧﺮﻯ..
ﺭﻳﻢ: ﻓﻴﺼﻞ..ﺣﺒﻴﺒﻲ ﺃﻧﺎ ﻣﺎﻟﻲ ﺑﻴﻪ !! ﻋﺎﻓﺎﻙ ﻣﺘﻘﻠﻘﺶ ﻣﻦ ﻫﺎﺩﺷﻲ..
ﻓﻴﺼﻞ: ﻭﺍﺵ ﺗﻨﻜﺮﻱ ﺃﻧﻚ ﻋﻤﺮﻙ ﻣﺎﺟﻴﺘﻲ ﻣﻌﺎﻩ ﻫﻨﺎ!!
ﺭﻳﻢ: ﻣﻐﻨﻜﺮﺵ..ﺟﻴﺖ ﻣﻌﺎﻩ ﻫﻨﺎ ﺷﺤﺎﻝ ﻣﻦ ﻣﺮﺓ..
ﻓﻴﺼﻞ: ﻭﻋﻼﺵ ﻛﺬﺑﺘﻲ ﻭﻗﻠﺘﻲ ﺟﻴﺘﻲ ﻣﻊ ﺻﺤﺎﺑﺎﺗﻚ؟!!
ﺭﻳﻢ: ﻣﺒﻐﻴﺘﺶ ﻧﺠﺒﺪ ﺩﺍﻛﺸﻲ ﺍﻟﻠﻲ ﻣﻌﻨﺪﻭ ﺣﺘﻰ ﻗﻴﻤﺔ ﻓﻌﻼﻗﺘﻨﺎ..
ﻓﻴﺼﻞ: ﺗﻠﻘﺎﻩ ﻛﺎﻥ ﺩﻳﻤﺎ ﺗﻴﻌﻨﻘﻚ ﺑﺤﺎﻝ ﻫﺎﺩﻱ؟؟ ﻗﻠﺖ ﻟﻴﻚ ﺷﺤﺎﻝ ﻫﺎﺩﻱ ﻣﻐﻨﻘﺪﺭﺵ ﻧﻨﺴﻰ ﺍﻟﻤﺎﺿﻲ ..
ﺭﻳﻢ: ﻓﻴﺼﻞ ﻋﺎﻓﺎﻙ..ﺃﻧﺎ ﺑﺪﻳﺖ ﻣﻌﺎﻙ ﺻﻔﺤﺔ ﺟﺪﻳﺪﺓ ﻭﻧﺴﻴﺖ ﻛﻞ ﻣﺎﻓﺎﺕ ﻋﻼﺵ ﺑﻐﻴﺘﻴﻨﺎ ﻧﺮﺟﻌﻮ ﻟﻠﻮﺭ .. ﻭﺣﻨﺎ ﺯﺩﻧﺎ ﻟﻠﻘﺪﺍﻡ..
ﻓﻴﺼﻞ: ﺣﺘﻰ ﻟﻴﻦ ﻏﻨﺒﻘﺎﻭ ﻫﻜﺎ..ﺣﺘﻰ ﻟﻴﻦ؟؟
ﺭﻳﻢ: ﺃﻭﻙ..ﺍﻟﻠﻲ ﺑﻐﻴﺘﻲ..ﺃﻧﺎ ﻏﻠﻄﺖ ﺷﺤﺎﻝ ﻫﺎﺩﻱ ﺁﻩ.. ﻭﺭﺟﻌﺖ ﻟﻴﻚ ﻭﺃﻧﺎ ﻋﺎﺭﻓﺔ ﻏﻠﻄﻲ..ﻭﻃﻠﺒﺘﻚ ﻭﺩﺭﺕ ﺍﻟﻤﺴﺘﺤﻴﻞ ﺑﺎﺵ ﻧﺮﺟﻌﻮ..ﻭﻟﻜﻦ ﺗﻴﺒﺎﻧﻠﻲ ﺍﻧﺖ ﻋﻤﺮﻙ ﺑﻐﻴﺘﻴﻨﻲ..ﻭﺩﺍﺑﺎ ﻣﻐﻨﺒﺰﺯ ﻋﻠﻴﻚ ﻭﺍﻟﻮ.. ﺍﻟﻰ ﺣﺎﺱ ﺑﺮﺍﺳﻚ ﻣﺎﺑﺎﻏﻴﺶ ﺗﻜﻤﻞ ﻣﻌﺎﻳﺎ ﻗﻮﻟﻬﺎ..
ﻓﻴﺼﻞ: ﺻﺎﻓﻲ ﺩﺍﺑﺎ؟؟ ﺳﺎﻻ ﻭﻗﺘﻲ..ﻫﺎ؟؟ ﺷﻔﺘﻴﻪ ﻣﻊ ﻭﺣﺪﺓ ﺍﺧﺮﻯ ﻭﻣﺮﺿﺘﻲ ﺑﺎﻏﺎ ﺗﺘﻔﻜﻲ ﻣﻨﻲ ﺑﺎﺵ ﺗﻤﺸﻲ ﺗﺒﻜﻲ ﻋﻠﻴﻪ ﺷﻮﻳﺔ..؟؟
ﻧﺎﺽ ﻓﻴﺼﻞ ﻭﻗﺎﻝ ..
ﻓﻴﺼﻞ: ﺭﺍﻫﻮ ﻗﺪﺍﻣﻚ ﺣﻴﺪﻳﻪ ﻟﻴﻬﺎ ﻭﺷﺒﻌﻲ ﺑﻴﻪ .. ﻭﺍﻧﺎ ﻧﺴﺎﻳﻨﻲ ﻋﻠﻴﻚ..
ﻭﻣﺸﻰ ﻭﺧﻼﻫﺎ..
ﺑﻘﺎﺕ ﺭﻳﻢ ﺟﺎﻟﺴﺔ ﻣﺼﺪﻭﻣﺔ ﻓﺒﻼﺻﺘﻬﺎ ﻣﻘﺪﺭﺍﺗﺶ ﺗﺘﺤﺮﻙ..ﺷﻮﻳﺔ ﻧﺎﺿﺖ ﻭﺧﻠﺼﺎﺕ ﺍﻟﻤﺸﺮﻭﺑﺎﺕ ﻭﺧﺮﺟﺎﺕ..ﻭﻫﻲ ﺗﺴﻤﻊ ﺃﺩﻡ ..
ﺃﺩﻡ: ﺭﻳﻢ ﻻﺑﺎﺱ ﻋﻠﻴﻚ؟!
ﺩﺍﺭﺕ ﻋﻨﺪﻭ ﻭﺣﺎﻭﻻﺕ ﺗﺤﺒﺲ ﺩﻣﻮﻋﻬﺎ..
ﺭﻳﻢ: ﺍﻟﺤﻤﺪ ﻟﻠﻪ..
ﺃﺩﻡ: ﻳﺎﻛﻤﺎ ﻋﺎﻭﺗﺎﻧﻲ ﻣﻘﻠﻘﻚ ﺩﺍﻙ ﺍﻟﺴﺎﻁ ﻫﻬﻬﻬﻬﻬﻬﻪ ..
ﺭﻳﻢ: ﺩﻳﻬﺎ ﻏﻴﺮ ﻓﺮﺍﺳﻚ..
ﻧﻘﺰﺍﺕ ﺻﺎﺣﺒﺘﻮ ﻗﺎﻟﺘﻠﻮ ﺷﻜﻮﻥ ﻫﺎﺩﻱ ﺑﻌﺪﺍ
ﺃﺩﻡ: ﻣﺎﺩﻳﺮﻳﺶ ﻓﺒﺎﻟﻚ ﺃﺣﺒﻴﺒﺔ ﻫﺎﺩﻱ ﻭﺍﺣﺪ ﺍﻟﺒﻨﺖ ﻛﻨﺖ ﺗﻨﻮﺍﺳﻴﻬﺎ ﻓﺎﺵ ﻛﺎﻧﺖ ﺗﺘﺨﺎﺻﻢ ﻣﻊ ﺻﺎﺣﺒﻬﺎ .. ﺻﺪﻳﻘﺔ ﻳﻌﻨﻲ..
ﺭﻳﻢ: ﺳﻤﺤﻮﻟﻲ..ﺑﺴﻼﻣﺔ..
ﺃﺩﻡ: ﺭﻳﻢ!! ﺗﻨﻘﺪﻡ ﻟﻴﻚ ﺧﻄﻴﺒﺘﻲ ﺻﻔﺎﺀ..
ﺭﻳﻢ: ﺍﻟﻠﻪ ﻳﻜﻤﻞ ﺑﺎﻟﺨﻴﺮ ﺑﺴﻼﻣﺔ..
ﺃﺩﻡ: ﺑﺎﺍﻱ..
ﻣﺸﺎﺕ ﻣﻌﺼﺒﺔ ﻣﻦ ﺩﻳﻚ ﺍﻟﻘﻬﻮﺓ ﻭﺑﺪﺍﺕ ﺗﺘﺎﺻﻞ ﺏ ﻓﻴﺼﻞ..
ﺭﻳﻢ: ﻓﻴﺼﻞ ﺑﻼ ﺗﺒﺮﻫﻴﺶ ﻓﻴﻨﻚ؟!
ﻓﻴﺼﻞ: ﻳﺎﻙ ﺳﺎﻟﻴﻨﺎ ﻻﺵ ﻣﺎﺯﺍﻝ ﺗﺘﻌﻴﻄﻲ؟!
ﺭﻳﻢ: ﺃﻫﺎﻩ؟!! ﺳﺎﻟﻴﻨﺎ!! ﻭﺍﺧﺎ..ﺳﻤﺤﻠﻲ..
ﻗﻄﻌﺎﺕ ﻋﻠﻴﻪ ﻭﻣﺸﺎﺕ ﻟﺤﺪﺍ ﺍﻟﺒﺤﺮ ﺑﻘﺎﺕ ﺗﺘﺒﻜﻲ..ﺗﻘﻨﻌﺎﺕ ﻭﺭﺟﻌﺎﺕ ﻓﺤﺎﻟﻬﺎ ﻟﺪﺍﺭﻫﻢ..
ﻓﻴﺼﻞ ﺣﺘﻰ ﻫﻮ ﻣﻜﺎﻧﺶ ﺳﺎﻫﻞ ﻋﻠﻴﻪ ﻓﺮﺍﻗﻬﺎ ﻭﻟﻜﻦ ﻟﻘﻰ ﺭﺍﺳﻮ ﻣﻐﻴﻘﺪﺭﺵ ﻳﻜﻤﻞ ﻓﻬﺎﺩ ﺍﻟﺘﻤﺜﻴﻠﻴﺔ..ﺭﻳﻢ ﻣﻦ ﺩﺍﻙ ﺍﻟﻨﻬﺎﺭ ﻣﺎﺗﺎﺻﻼﺕ ﺑﻴﻪ ﻭﺣﺘﻰ ﻫﻮ ﻣﺎﺑﻘﺎﺵ ﺍﺗﺎﺻﻞ..
ﻛﺎﻥ ﺗﻴﺤﺎﻭﻝ ﻳﻨﺴﺎﻫﺎ ﺑﺄﻱ ﻃﺮﻳﻘﺔ.. ﻭﻭﻻ ﺗﻴﺪﻭﺯ ﺳﺎﻋﺎﺕ ﻃﻮﻳﻠﺔ ﻓﺎﻟﻨﺖ ﻭﺍﻟﻔﻴﺴﺒﻮﻙ ﺑﺎﺵ ﻳﻨﺴﺎﻫﺎ..ﻭﻭﺍﺣﺪ ﺍﻟﻨﻬﺎﺭ ﺗﻌﺮﻑ ﻋﻠﻰ ﻭﺍﺣﺪ ﺍﻟﺒﻨﺖ..ﻗﺎﻟﺘﻠﻮ ﺑﺎﻟﻠﻲ ﺳﻤﻴﺘﻬﺎ ﺃﺭﻭﻯ..
ﺑﻘﻰ ﻋﻠﻰ ﺍﺗﺼﺎﻝ ﺑﻴﻬﺎ ﻭﻣﻠﻠﻲ ﺷﺎﻑ ﺻﻮﺭﻫﺎ ﻋﺠﺒﺎﺗﻮ ..ﻭﺣﺘﻰ ﻫﻮ ﻋﺠﺒﻬﺎ..ﻭﺍﺗﺎﻓﻘﻮ ﺃﻧﻬﻢ ﻳﺘﻼﻗﺎﻭ ﺧﺼﻮﺻﺎ ﺃﻥ ﺩﺍﺑﺎ ﺍﻟﺼﻴﻒ..
ﺳﺎﻓﺮ ﻋﻨﺪﻫﺎ ﻟﻠﻤﺤﻤﺪﻳﺔ ﻣﺪﻳﻨﺘﻬﺎ ..
ﻭﺗﺴﻨﺎﻫﺎ ﻓﻮﺍﺣﺪ ﺍﻟﻘﻬﻮﺓ ﺣﺘﻰ ﺟﺎﺕ..
ﻭﺍﺧﺎ ﻫﺎﺩﺷﻲ ﻣﻜﺎﻧﺶ ﻣﻮﻟﻒ ﻳﻬﻀﺮ ﻣﻊ ﺷﻲ ﻭﺣﺪﺓ ﻭﻻ ﺗﻌﺠﺒﻮ ﺷﻲ ﻭﺣﺪﺓ ﻣﻦ ﻏﻴﺮ ﺭﻳﻢ..ﻭﻟﻜﻦ ﺣﺎﻭﻝ ﻳﺘﻼﻫﻰ ﻣﻊ ﺃﺭﻭﻯ.. ﺣﻴﺖ ﺣﺲ ﺑﻴﻬﺎ ﺑﺎﻟﻠﻲ ﻣﻤﻜﻦ ﺗﻨﺴﻴﻪ ﻓﺮﻳﻢ..
ﻭﻓﻨﻔﺲ ﺍﻟﻮﻗﺖ ﻳﺤﺲ ﺑﻄﻌﻢ ﺍﻹﻧﺘﺼﺎﺭ ﺃﻧﻮ ﻗﺪﺭ ﻳﺨﻮﻧﻬﺎ ﻛﻴﻔﻤﺎ ﺧﺎﻧﺘﻮ..
ﺃﺭﻭﻯ: ﺍﻟﺴﻼﻡ..ﻓﻴﺼﻞ ﻳﺎﻙ!!
ﻓﻴﺼﻞ: ﺁﻩ ﻓﻴﺼﻞ..ﺗﻔﻀﻠﻲ ﺟﻠﺴﻲ..
ﺃﺭﻭﻯ: ﻣﺮﺣﺒﺎ ﺑﻴﻚ ﻋﻨﺪﻧﺎ ﻫﻬﻪ
ﻓﻴﺼﻞ: ﺣﺘﻰ ﻧﺘﻲ ﻛﻠﻨﺎ ﺟﻴﺮﺍﻥ ﻛﺎﺯﺍ ﺭﺍﻫﺎ ﻏﻴﺮ ﺟﺎﺭﺓ ﺍﻟﻤﺤﻤﺪﻳﺔ.. ﻫﻬﻬﻪ
ﺃﺭﻭﻯ: ﺇﻭﺍ ﻣﺮﺣﺒﺎ ﺑﺠﻴﺮﺍﻧﻨﺎ ﺍﻟﻌﺰﺍﺯ..
ﻓﻴﺼﻞ: ﺗﺮﺣﺐ ﺑﻴﻚ ﺍﻟﺠﻨﺔ..ﺍﻭﺍ ﻛﺎﻳﻦ ﺷﻲ ﺗﺒﺤﺎﺭ ﻭﻻ ﻭﺍﻟﻮ؟؟
ﺃﺭﻭﻯ: ﻣﻮﺟﻮﺩ ﺍﻟﺨﻴﺮ..ﻭﺍﻧﺖ..
ﻓﻴﺼﻞ: ﻣﺮﺓ ﻣﺮﺓ..ﺣﻴﺖ ﺩﺍﺑﺎ ﺗﻨﺪﻓﻊ ﻟﻠﺸﺮﻛﺎﺕ ﺑﺎﺵ ﻧﺨﺪﻡ..ﻋﻠﻰ ﺍﻟﻠﻪ ﻳﻌﻴﻄﻮ ﻟﻲ..
ﺃﺭﻭﻯ: ﺍﻭﺍ ﻣﺰﻳﺎﻥ ﺍﻟﻠﻪ ﻳﺴﻬﻞ ﻟﻴﻚ..
ﻓﻴﺼﻞ: ﺍﻟﻠﻬﻢ ﺁﻣﻴﻦ ﺃﺧﺘﻲ..
ﺃﺭﻭﻯ: ﺧﺘﻚ؟! ﻫﻬﻬﻬﻪ ﻭﺍﺧﺎ ﺃﺳﻴﺪﻱ ﻣﻘﺒﻮﻟﺔ ﻣﻨﻚ..ﺍﻭﺍ ﻋﺎﻭﺩﻟﻲ ﺷﻮﻳﺔ ﻋﻠﻰ ﺭﺍﺳﻚ.. ﻭﺍﺧﺎ ﻫﻀﺮﻧﺎ ﻓﺎﻟﻔﻴﺲ ﻭﻟﻜﻦ ﻣﺎﺯﺍﻝ ﻣﺎﺗﻌﺮﻓﻨﺎ ﻣﺰﻳﺎﻥ..
ﻓﻴﺼﻞ: ﺷﻨﻮ ﺑﻐﻴﺘﻲ ﺗﻌﺮﻓﻲ ﻋﻠﻴﺎ؟!
ﺃﺭﻭﻯ: ﻋﻤﺮﻙ ﺑﻐﻴﺘﻲ ﺷﻲ ﺑﻨﺖ؟!
ﻓﻴﺼﻞ: ﻣﻤﻜﻦ ﻣﻨﻬﻀﺮﻭﺵ ﻓﻬﺎﺩﺷﻲ..؟!
ﺃﺭﻭﻯ: ﻫﻲ ﺭﺍﻙ ﻣﺠﺮﻭﺡ!!
ﻓﻴﺼﻞ: ﺭﺍﻧﻲ ﻗﻠﺖ ﻟﻴﻚ ﻣﺎﺑﺎﻏﻴﺶ ﻧﻬﻀﺮ ﻓﻬﺎﺩ ﺍﻟﻤﻮﺿﻮﻉ..
ﺃﺭﻭﻯ: ﻭﺍﺧﺎ ﻋﻠﻰ ﺧﺎﻃﺮﻙ..
ﺍﻟﻤﻬﻢ ﺩﻭﺯﻭ ﺍﻟﻨﻬﺎﺭ ﻛﺎﻣﻞ ﻭﻓﺎﻟﻌﺸﻴﺔ ﻣﺸﺎ ﻓﻴﺼﻞ ﺭﺟﻊ ﻓﺤﺎﻟﻮ ﻟﻜﺎﺯﺍ..
ﺍﻟﻄﺮﻳﻖ ﻛﺎﻣﻠﺔ ﻭﻫﻮ ﺗﻴﻔﻜﺮ ﻑ ﺭﻳﻢ.. ﺧﺼﻮﺻﺎ ﺃﻧﻮ ﺩﺍﺯ ﺷﻬﺮ ﻭﻧﺺ ﻋﻠﻰ ﺁﺧﺮ ﻣﺮﺓ ﺗﻔﺎﺭﻗﻮ ﻓﻴﻬﺎ..ﺿﺮﻭ ﺭﺍﺳﻮ ﻭﻣﺒﻘﺎﺵ ﻗﺎﺩﺭ ﻳﺒﻘﻰ ﺑﻌﻴﺪ ﻋﻠﻴﻬﺎ ﻭﻣﻴﻌﺮﻓﺶ ﺃﺧﺒﺎﺭﻫﺎ..
ﻭﻟﻜﻦ ﻛﺮﺍﻣﺘﻮ ﻛﺎﻧﺖ ﺗﺘﻨﻬﻴﻪ ﻋﻠﻰ ﺃﻧﻮ ﻳﻀﻌﻒ ﺃﻭ ﻳﺤﺎﻭﻝ ﻳﺘﺎﺻﻞ ﺑﻴﻬﺎ..
ﻭﻭﺍﺣﺪ ﺍﻟﻨﻬﺎﺭ ﺻﻮﻧﺎ ﺗﻠﻔﻮﻧﻮ .. ﻭﻟﻘﺎ ﻧﻤﺮﺗﻬﺎ..ﻧﻤﺮﺓ ﺭﻳﻢ..ﻭﺑﺪﻭﻥ ﺗﺮﺩﺩ ﻗﺎﻝ..
ﻓﻴﺼﻞ: ﺃﻟﻮ..
ﺭﻳﻢ: ﺃﻟﻮ..ﻓﻴﺼﻞ..ﺃﻧﺎ ﺭﻳﻢ..ﺍﻟﻰ ﻛﻨﺘﻲ ﻣﺴﺤﺘﻲ ﻧﻤﺮﺗﻲ..
ﻓﻴﺼﻞ: ﺁﻩ ﺍﻟﺼﺮﺍﺣﺔ ﻣﺴﺤﺘﻬﺎ..ﻭﻛﻮﻥ ﻋﺮﻓﺘﻚ ﻧﺘﻲ ﻛﻮﻥ ﻣﺠﺎﻭﺑﺘﺶ..ﺟﺎﻭﺑﺖ ﻏﻴﺮ ﺣﻴﺖ ﻣﻌﺮﻓﺘﺶ ﺍﻟﻨﻤﺮﺓ..ﻭﻟﻜﻦ ﻣﺎﺷﻲ ﻣﺸﻜﻞ..ﻛﺎﻳﻦ ﺷﻲ ﺣﺎﺟﺔ؟!
ﺭﻳﻢ: ﻛﻨﺖ ﺑﺎﻏﺎ ﻧﺴﻮﻝ ﻓﻴﻚ ..ﻭﻓﻨﻔﺲ ﺍﻟﻮﻗﺖ ﻧﻮﺩﻋﻚ..
ﻓﻴﺼﻞ: ﺃﻧﺎ ﺍﻟﺤﻤﺪ ﻟﻠﻪ ﺑﺨﻴﺮ..ﻋﻼﺵ ﻓﻴﻦ ﻏﺎﺩﺓ..؟!
ﺭﻳﻢ: ﻏﺎﺩﻳﺎ ﻟﻔﺮﻧﺴﺎ..ﺭﺍﻧﻲ ﺗﺨﻄﺒﺖ..ﺍﻟﻤﻬﻢ ﺳﻤﺢ ﻟﻲ ﻋﻠﻰ ﺃﻱ ﺣﺎﺟﺔ ﺩﺭﺕ ﻓﻴﻚ..ﻭﺍﻟﻠﻪ ﻳﺴﻬﻠﻴﻚ ﻣﻊ ﺷﻲ ﺑﻨﺖ ﺍﻟﻨﺎﺱ ﺍﻟﻠﻲ ﺗﺴﺘﺎﻫﻠﻚ..ﺑﺴﻼﻣﺔ..
ﻗﻄﻌﺎﺕ ﺭﻳﻢ ﻭﺧﻼﺕ ﺍﻟﻌﺎﻓﻴﺔ ﺷﺎﻋﻠﺔ ﻓﻔﻴﺼﻞ..ﻣﺎﻋﺮﻑ ﺑﺎﺵ ﺗﺒﻠﻰ..ﻭﺍﺵ ﻳﻌﺎﻭﺩ ﻳﺘﺎﺻﻞ ﻭﻻ ﺷﻨﻮ ﻳﺪﻳﺮ..ﺍﺳﺘﺠﻤﻊ ﻗﻮﺍﻩ ﻭﻋﻴﻂ ﻟﻴﻬﺎ..
ﺭﻳﻢ: ﻭﻱ ﻓﻴﺼﻞ!!
ﻓﻴﺼﻞ: ﻣﻤﻜﻦ ﻧﺸﻮﻓﻚ ﺩﺍﺑﺎ؟!
ﺭﻳﻢ: ﻣﻌﺮﻓﺘﺶ ﻭﺍﻟﻠﻪ ..ﻋﻼﺵ؟!
ﻓﻴﺼﻞ: ﻭﺍﻟﻮ ﺑﻐﻴﺖ ﻧﻬﻀﺮﻭ ﻣﺰﻳﺎﻥ ﺑﺎﺵ ﺣﺘﻰ ﻭﺍﺣﺪ ﻣﺎﻳﻨﺪﻡ ﻋﻠﻰ ﻗﺮﺍﺭﺍﺗﻮ ﻣﻦ ﺑﻌﺪ..
ﺭﻳﻢ: ﻭﺍﺧﺎ..ﻣﻦ ﻫﻨﺎ ﻧﺺ ﺳﺎﻋﺔ ﻧﺘﻼﻗﺎﻭ ﻓﺎﻟﺠﺮﺩﺓ ﺍﻟﻜﺒﻴﺮﺓ..
ﻓﻴﺼﻞ: ﻭﺍﺧﺎ..
ﻟﺒﺲ ﻓﻴﺼﻞ ﻭﺗﻘﺎﺩ ﻭﻣﺸﺎ ﻋﻨﺪﻫﺎ ﺟﻠﺲ ﻓﻮﺍﺣﺪ ﺍﻟﻜﺮﺳﻲ ﺷﻲ 5 ﺍﻟﺪﻗﺎﻳﻖ.. ﻭﻫﻲ ﺗﺒﺎﻧﻠﻴﻪ ﺟﺎﻳﺎ.. ﺭﻏﻢ ﻛﻞ ﺍﻟﻤﺸﺎﻛﻞ ﺍﻟﻠﻲ ﺑﻴﻨﺎﺗﻬﻢ ﻗﻠﺒﻮ ﻛﺎﻥ ﻏﻴﺴﻜﺖ ﻭﻫﻮ ﻛﻴﻀﺮﺏ ﺑﺎﻟﺠﻬﺪ..ﻭﻗﺒﻞ ﻣﺎﺗﻮﺻﻞ ﻋﻨﺪﻭ ﻋﺮﻑ ﺑﺎﻟﻠﻲ ﻋﻤﺮﻭ ﻣﻐﻴﻘﺪﺭ ﻳﻜﺮﻫﻬﺎ ﺃﻭ ﻣﻴﺒﻐﻴﻬﺎﺵ..
ﺭﻳﻢ: ﺍﻟﺴﻼﻡ ﺃﻓﻴﺼﻞ..
ﻓﻴﺼﻞ: ﺍﻟﺴﻼﻡ..ﻣﺒﺮﻭﻙ ﺍﻟﺰﻭﺍﺝ ﺃﻻﻟﺔ..
ﺭﻳﻢ: ﺍﻟﻠﻪ ﻳﺒﺎﺭﻙ ﻓﻴﻚ..ﻟﻌﻘﻮﺑﺔ ﻟﻴﻚ..ﺍﻥ ﺷﺎﺀ ﺍﻟﻠﻪ..
ﻓﻴﺼﻞ: ﻭﺍﺵ ﻧﺘﻲ ﺑﺎﻏﺎ ﺗﺤﻤﻘﻴﻨﻲ؟؟.
ﺭﻳﻢ: ﻋﻼﺵ ﻣﺎﻟﻲ ﺷﻨﻮ ﺩﺭﺕ ﻟﻴﻚ؟!
ﻓﻴﺼﻞ: ﻛﻴﻔﺎﺵ ﻗﺪﺭﺗﻲ ﺗﺘﺨﻄﺒﻲ ﻟﻮﺍﺣﺪ ﺁﺧﺮ ﻣﻦ ﻏﻴﺮﻱ؟! ﻫﺎﺫﻱ ﻫﻲ ﺗﻨﺒﻐﻴﻚ ﺃﻓﻴﺼﻞ!!!!!!
ﺭﻳﻢ: ﻭﻋﻼﺵ ﻣﻨﺘﺨﻄﺒﺶ ﻭﺍﻧﺖ ﺗﺨﻠﻴﺘﻲ ﻋﻠﻴﺎ..ﺻﺎﻓﻲ ﺍﻟﻠﻬﻢ ﻧﺘﺰﻭﺝ ﻭﺍﺣﺪ ﻣﺘﻴﻌﺮﻑ ﻋﻠﻴﺎ ﻭﺍﻟﻮ ﻭﻏﻴﺪﻳﺮﻧﻲ ﻓﻌﻴﻨﻴﻪ ﻭﻻ ﻧﺘﺰﻭﺝ ﻭﺍﺣﺪ ﺗﻨﺒﻐﻴﻪ ﻭ ﻏﻴﺒﻘﻰ ﺩﻳﻤﺎ ﻳﻌﺎﻳﺮﻧﻲ ﺑﺄﻧﻲ ﺧﻨﺘﻮ ﻓﻠﺤﻈﺔ ﺿﻌﻒ..
ﻓﻴﺼﻞ: ﻋﻨﺪﻙ ﺍﻟﺤﻖ..ﺃﻧﺎ ﺯﺩﺕ ﻓﻴﻪ. .ﻭﻟﻜﻦ ﺭﺍﻩ ﻣﺎﺷﻲ ﻟﺨﺎﻃﺮﻱ..ﻣﺘﻨﻘﺪﺭﺵ ﻧﺴﺘﻮﻋﺐ ﻫﺎﺩ ﺍﻟﻘﻀﻴﺔ ..
ﺭﻳﻢ: ﺍﻟﻤﻬﻢ ﺃﻧﺎ ﻣﻐﻨﺒﺰﺯ ﻋﻠﻴﻚ ﻭﺍﻟﻮ..ﺩﺍﺑﺎ ﻓﻜﺮ ﻭﺭﺩ ﻋﻠﻴﺎ ..ﻳﺎ ﺇﻣﺎ ﻧﺮﺟﻌﻮ ﻭﺗﻨﺴﻰ ﺩﺍﻛﺸﻲ .. ﻭﻋﻤﺮﻙ ﺗﺠﺒﺪﻭ ﻋﻠﻴﺎ ﻳﺎ ﺇﻣﺎ ﻏﺎﺩﻱ ﻧﺘﻔﺎﺭﻗﻮ ﻟﻸﺑﺪ ﻭﻏﻨﺘﺰﻭﺝ..ﻭﻧﻤﺸﻲ ﻟﺒﺮﺍ..
ﻓﻴﺼﻞ: ﻭﺍﺧﺎ..ﺃﻧﺎ ﻣﻮﺍﻓﻖ..ﻣﻐﻨﻘﺪﺭﺵ ﻧﺘﻔﺎﺭﻕ ﻣﻌﺎﻙ..ﻭﻛﻨﻮﺍﻋﺪﻙ ﻣﻐﻨﺒﻘﺎﺵ ﻧﺠﺒﺪ ﺩﺍﻙ ﺍﻟﻤﻮﺿﻮﻉ..
ﺭﻳﻢ:(ﺍﺑﺘﺎﺳﻤﺎﺕ)ﺹﺍﻓﻲ..ﺣﺘﻰ ﺃﻧﺎ ﻏﻨﻔﺮﺗﻚ ﻫﺎﺩ ﺍﻟﺰﻭﺍﺝ..ﻭﻏﻨﺮﺟﻊ ﻟﻴﻚ..
ﻓﻴﺼﻞ: ﻭﺍﺧﺎ ﺣﺒﻴﺒﺔ..ﺃﺟﻲ ﻋﻨﺪﻱ ﺭﺍﻧﻲ ﺗﻮﺣﺸﺘﻚ ﺑﺰﺍﺍﺍﻑ..(ﻋﻨﻘﻬﺎ)..
ﺭﻳﻢ: ﺣﺘﻰ ﺃﻧﺎ ﺗﻮﺣﺸﺘﻚ..ﻭﺑﺰﺍﺍﺍﺍﻑ..ﻛﻮﻥ ﺗﻌﺮﻑ ﻫﺎﺩ ﺍﻟﻮﻗﺖ ﻛﻴﺪﻭﺯﺗﻮ ﺑﻼ ﺑﻴﻚ..
ﻓﻴﺼﻞ: ﺣﺘﻰ ﺃﻧﺎ ﻭﺍﻟﻠﻪ ﻣﺎﺧﻠﻴﺖ ﻣﺎﺩﺭﺕ ﺑﺎﺵ ﻧﻨﺴﺎﻙ..ﻟﺪﺭﺟﺔ ﺃﻧﻲ ﺗﻌﺮﻓﺖ ﻋﻠﻰ ﻭﺍﺣﺪ ﺍﻟﺒﻨﺖ ﺑﺎﺵ ﻧﻨﺴﺎﻙ ﻭﻭﺍﻟﻮ..
ﺭﻳﻢ: ﺇﻳﻴﻴﻴﻴﻪ!!!ﺧﻨﺘﻴﻦﻱ؟؟
ﻓﻴﺼﻞ: ﺗﻼﻗﻴﺘﻬﺎ ﻣﺮﺓ ﻭﺣﺪﺓ ﻭﻏﻴﺮ ﺭﺟﻌﺖ ﻟﻠﺪﺍﺭ ﺑﻠﻮﻛﻴﺘﻬﺎ ﻣﻦ ﺍﻟﻔﻴﺲ ﻳﺎﺭﺑﻲ ﺗﺴﻤﺢ ﻟﻲ ﻣﻘﺪﺭﺗﺶ ﻧﺨﻮﻧﻚ..ﺍﻟﻤﻬﻢ ﻛﻴﻔﺎﺵ ﻏﺘﻔﺮﺗﻜﻲ ﺯﻭﺍﺟﻚ؟!!
ﺭﻳﻢ: ﻣﺘﺨﺎﻓﺶ..ﺍﻟﻨﺎﺱ ﺟﺎﻭ ﺧﻄﺒﻮ ﻭﻟﻜﻦ ﺃﻧﺎ ﻗﻠﺖ ﻟﻠﺪﺍﺭ ﺣﺘﻰ ﻧﻔﻜﺮ ﻣﺰﻳﺎﻥ.. ﻭﺩﺍﺑﺎ ﻏﻨﻘﻮﻟﻴﻬﻢ ﻓﻜﺮﺕ ﻣﺰﻳﺎﻥ ﻭﻣﻤﻮﺍﻓﻘﺎﺵ..
ﻓﻴﺼﻞ : ﺃﻭﻙ ﺣﺒﻴﺒﺔ..
ﺭﻳﻢ: ﻭﺍﻧﺖ ﻋﻨﺪﺍﻙ ﻧﻠﻘﺎﻙ ﺗﺘﻬﻀﺮ ﻣﻊ ﺩﻳﻚ ﺧﻴﺘﻲ..
ﻓﻴﺼﻞ: ﺣﻤﻴﻤﻘﺔ ﺩﻳﺎﻟﻲ..ﻋﻠﻰ ﻧﺘﻲ ﺧﻠﻴﺘﻲ ﻟﻲ ﺷﻲ ﻗﻠﺐ ﺍﻟﻠﻲ ﻳﺒﻐﻲ ﻏﻴﺮﻙ..ﻭﺍﺣﺪ ﻏﻴﺮﻱ..ﺗﺨﻮﻧﻮ ﺻﺎﺣﺒﺘﻮ ﻣﻴﻌﻘﻠﺶ ﻋﻠﻴﻬﺎ.. ﻭﻟﻜﻦ ﺃﺵ ﻏﻨﺪﻳﺮ ﺑﻐﻴﺘﻚ ﻟﺪﺭﺟﺔ ﺍﻛﺒﺮ ﻣﻦ ﺃﻧﻲ ﻧﻨﺴﺎﻙ ﺑﺴﻬﻮﻟﺔ..
ﺭﻳﻢ: ﺣﺘﻰ ﺃﻧﺎ ﻭﺍﻟﻠﻪ ﺣﺘﻰ ﺗﻨﺒﻐﻴﻚ.. ﻭﻋﻤﺮﻧﻲ ﻧﻘﺪﺭ ﻧﻨﺴﺎﻙ..ﻭﻫﺎﺩﻳﻚ ﻛﺎﻧﺖ ﻏﻠﻄﺔ ...
ﻓﻴﺼﻞ: ﻭﺍﺧﺎ ﺃﺣﺒﻴﺒﺔ..
ﺍﻟﻤﻬﻢ ﺭﻓﻀﺎﺕ ﺭﻳﻢ ﺍﻟﺰﻭﺍﺝ ﻭﺭﺟﻌﺎﺕ ﻫﻲ ﻭﻓﻴﺼﻞ ﺣﺒﺎﺏ ﻭﺻﺤﺎﺏ ﺑﺤﺎﻝ ﺍﻻﻭﻝ ﻭﺍﺣﺴﻦ..ﻭﻓﻴﺼﻞ ﺑﺪﻭﺭﻭ ﺑﻘﺎ ﺗﻴﻘﻠﺐ ﻋﻠﻰ ﺍﻟﺨﺪﻣﺔ ﺣﺘﻰ ﻟﻘﻰ ﻭﺍﺣﺪ ﺍﻟﺸﺮﻛﺔ ﻋﻴﻄﺎﺕ ﻟﻴﻪ ﺑﺸﺮﻁ ﺗﺪﻭﺯﻟﻴﻪ ﻓﻮﺭﻣﺎﺻﻴﻮ ﺩﻳﺎﻝ 6 ﺷﻬﻮﺭ ﻋﺎﺩ ﻳﺨﺪﻡ..ﻭﻭﺍﻓﻖ.. ﻋﻠﻰ ﻭﺩ ﺑﺎﺵ ﻳﺨﺪﻡ ﺩﻏﻴﺎ ﻭﻳﺒﺪﺍ ﻳﻜﻮﻥ ﻓﺮﺍﺳﻮ ﺷﻮﻳﺔ ﺑﺸﻮﻳﺔ..
ﺃﻣﺎ ﺭﻳﻢ ﻓﺤﺘﻰ ﻫﻲ ﻟﻘﺎﺕ ﺧﺪﻣﺔ ﻓﻮﺍﺣﺪ ﻻﺟﻮﻧﺺ ﺑﻮﻧﻜﻴﺮ ﻭﺩﻓﻌﺎﺕ ﻟﻠﻤﺎﺳﺘﺮ ﺑﺎﺵ ﺗﻜﻤﻞ ﻗﺮﺍﻳﺘﻬﺎ..
ﺑﻘﺎﻭ ﻋﻠﻰ ﻫﺎﺩ ﺍﻟﺤﺎﻝ ﻋﺎﻡ. .ﻛﺎﻥ ﻛﻞ ﻭﺍﺣﺪ ﻓﻴﻬﻢ ﺑﺪﺍ ﺗﻴﺸﺪ ﺑﻼﺻﺘﻮ ﻓﺨﺪﻣﺘﻮ..
ﻭﻭﺍﺣﺪ ﺍﻟﻨﻬﺎﺭ ﻛﺎﻥ ﻓﻴﺼﻞ ﻭ ﺭﻳﻢ ﻣﺎﺧﺪﺍﻣﻴﻨﺶ ﺑﺠﻮﺝ. .ﻭﻋﺮﺽ ﻋﻠﻴﻬﺎ ﻟﻠﻐﺬﺍ..
ﻣﺸﺎﻭ ﻟﻮﺍﺣﺪ ﺍﻟﻤﻄﻌﻢ ﻭﺗﻐﺬﺍﻭ..ﻭﻣﻦ ﺑﻌﺪ ﺍﻟﻐﺬﺍ ..ﻓﺎﺗﺤﻬﺎ ﻓﻴﺼﻞ ﻓﺎﻟﻤﻮﺿﻮﻉ..
ﻓﻴﺼﻞ: ﺣﺒﻴﺒﺔ..ﺑﻐﻴﺖ ﻧﻘﻮﻟﻴﻚ ﺷﻲ ﻫﻀﺮﺓ
ﺭﻳﻢ: ﺁﻩ ﻗﻮﻝ ﻟﻲ!!
ﻓﻴﺼﻞ: ﺗﻴﺒﺎﻟﻲ ﻫﺬﺍ ﻫﻮ ﺍﻟﻮﻗﺖ ﻳﺎﻙ؟!
ﺭﻳﻢ: ﺍﻟﻮﻗﺖ ﻻﻳﺎﺵ؟!
ﻓﻴﺼﻞ: ﺍﻟﻮﻗﺖ ..ﺑﺎﺵ ﻧﺘﺰﻭﺟﻮ..
ﺭﻳﻢ: ﺃ..ﺃ..ﻣﻜﻴﺒﺎﻧﺶ ﻟﻴﻚ ﺑﺎﻗﻲ ﺍﻟﺤﺎﻝ!! ﺣﻨﺎ ﻳﻠﻪ ﺧﺪﻣﻨﺎ ﻭﻳﻠﻪ ﻏﻨﺒﺪﺍﻭ ﻧﺠﻤﻌﻮ ﺷﻮﻳﺔ..ﻓﻴﻦ ﻏﻨﺴﻜﻨﻮ..ﻭﻓﻴﻦ..
ﻓﻴﺼﻞ: ﺑﺎﺭﺍﻛﺎ..ﻣﺎﻟﻚ ﻋﻠﻰ ﻫﺎﺩ ﺍﻟﺘﻌﻘﺎﺩ!!!
ﺭﻳﻢ: ﻣﻜﻨﻌﻘﺪﺵ ﺍﻷﻣﻮﺭ ﻭﻟﻜﻦ ..ﺗﻴﺒﺎﻟﻲ ﺍﻟﺰﻭﺍﺝ ﻣﺎﺷﻲ ﻭﻗﺘﻮ ﺩﺍﺑﺎ..
ﻓﻴﺼﻞ: ﻣﺎﺑﻘﻴﺖ ﻓﺎﻫﻢ ﻭﺍﻟﻮ ﻭﺍﻟﻠﻪ..ﺯﻋﻤﺎ ﺍﻟﺒﻨﺎﺕ ﺍﻟﻠﻲ ﺗﻴﻜﻮﻧﻮ ﻣﺼﻤﻤﻴﻦ ﺃﻧﻬﻢ ﻳﺘﺰﻭﺟﻮ ﻣﺎﺷﻲ ﺍﻟﺮﺟﺎﻝ؟! ﻭﻧﺘﻲ ﺑﺎﻏﺎ ﺗﺘﻬﺮﺑﻲ..ﻣﻦ ﻫﺎﺩ ﺍﻟﺨﻄﻮﺓ..
ﺭﻳﻢ: ﻻ ﻭﺍﻟﻠﻪ ﻏﻴﺮ ﻣﺒﻐﻴﺘﺶ ﻧﺰﺭﺑﻮ ﻭﻧﻮﻟﻴﻮ ﻓﻤﺸﺎﻛﻞ ﻭﺻﺎﻓﻲ..
ﻓﻴﺼﻞ: ﻣﻜﺎﻳﻦ ﺣﺘﻰ ﻣﺸﺎﻛﻞ. ﻏﺘﺴﻜﻨﻲ ﻣﻌﺎﻳﺎ ﻓﺪﺍﺭﻧﺎ ﺑﻨﻤﺎ ﻧﺠﻤﻌﻮ ﺭﺍﺳﻨﺎ ﻭﺻﺎﻓﻲ..
ﺭﻳﻢ: ﻧﻔﻜﺮ ﻭﻧﺮﺩ ﻋﻠﻴﻚ..
ﻓﻴﺼﻞ: ﻣﺎﻟﻚ ﻋﺎﺩ ﻏﺘﻌﺮﻓﻴﻨﻲ؟!
ﺭﻳﻢ: ﺃﻭﻭﻭﻑ ﻛﺜﺮﺗﻲ ﻋﻠﻴﺎ ﻭﺍﻟﻠﻪ ..ﺻﺎﻓﻲ..
ﻓﻴﺼﻞ: ﺭﻳﻢ!! ﺑﻼ ﻣﺘﺪﺧﻠﻲ ﻟﻲ ﺍﻟﺸﻚ ﺛﺎﻧﻲ ﺍﻟﻠﻪ ﺭﺣﻢ ﺑﺎﻙ..ﺍﻟﻰ ﻛﺎﻳﻨﺔ ﺷﻲ ﺣﺎﺟﺔ ﻗﻮﻟﻴﻬﺎ ﺩﺍﺑﺎ..
ﺭﻳﻢ: ﺵ..ﺵ..ﺷﻐﻴﻜﻮﻥ ﻻ ﻣﻜﺎﻳﻦ ﻭﺍﻟﻮ..
ﻓﻴﺼﻞ: ﻭﺇﻣﺘﻰ ﺑﺎﻟﺴﻼﻣﺔ ﺑﻐﻴﺘﻴﻨﺎ ﻧﺘﺰﻭﺟﻮ؟!
ﺭﻳﻢ: ﻋﻠﻰ ﺍﻷﻗﻞ ﻭﺍﺣﺪ ﺍﻟﻌﺎﻡ ..
ﻓﻴﺼﻞ: ﻭﺍﺧﺎ..ﺍﻭﺍ ﺧﻠﻴﻨﻲ ﻧﺨﻄﺒﻚ ﺑﻌﺪﺍ ﻭﻣﻦ ﻫﻨﺎ ﻟﻌﺎﻡ ﻧﺘﺰﻭﺟﻮ..ﻭﺍﺧﺎ؟!
ﺭﻳﻢ: ﺻﺎﻓﻲ ﻭﺍﺧﺎ..ﺍﻥ ﺷﺎﺀ ﺍﻟﻠﻪ.. ﻏﻨﻌﻠﻢ ﺍﻟﺪﺍﺭ ﻭﻧﺠﺎﻭﺑﻚ..
ﻓﻴﺼﻞ: ﺍﻭﻙ ﺣﺒﻴﺒﺔ..ﺣﺘﻰ ﺍﻧﺎ ﻏﻨﻘﻮﻟﻬﺎ ﻟﻠﺪﺍﺭ..
ﻭﻓﻌﻼ ﻛﻞ ﻭﺍﺣﺪ ﻓﻴﻬﻢ ﻓﺎﺗﺢ ﻣﺎﻟﻴﻦ ﺍﻟﺪﺍﺭ ﻋﻠﻰ ﻣﺴﺄﻟﺔ ﺍﻟﺨﻄﺒﺔ ﻭﺑﺪﺍ ﻛﻞ ﻣﻦ ﺍﻟﻌﺎﺋﻠﺘﻴﻦ ﻓﺎﻟﺘﺤﻀﻴﺮﺍﺕ ..
ﻭﺟﺎ ﺍﻟﻨﻬﺎﺭ ﺍﻟﻜﺒﻴﺮ ﻋﻨﺪ ﻓﻴﺼﻞ.. ﺃﻣﺎ ﺭﻳﻢ ﻛﺎﻥ ﻇﺎﻫﺮ ﻋﻠﻴﻬﺎ ﺍﻟﺘﻮﺛﺮ ﻭﻣﻜﺎﻧﺘﺶ ﻓﺮﺣﺎﻧﺔ ﺑﺰﺍﺍﺍﻑ ﻟﻬﺎﺩ ﺍﻟﺨﻄﺒﺔ ﺑﺤﺎﻝ ﻓﻴﺼﻴﻞ.. ﺍﻟﻠﻲ ﻻﺣﻆ ﺑﺪﻭﺭﻭ ﻫﺎﺩ ﺍﻟﺘﻐﻴﺮ ﺍﻟﻜﺒﻴﺮ.. ﻭﺧﺎﻑ ﻻﺗﻜﻮﻥ ﺩﺍﺭﺗﻬﺎ ﺛﺎﻧﻲ..
ﺍﻟﻤﻬﻢ ﺟﺎﺏ ﻓﻴﺼﻞ ﺍﻟﻮﺍﻟﻴﺪ ﺩﻳﺎﻟﻮ ﻭﺍﻟﻮﺍﻟﻴﺪﺓ ﺩﻳﺎﻟﻮ ﻭﺧﺘﻮ.. ﻭﺧﻄﺒﻮ ﺭﻳﻢ ﺭﺳﻤﻴﺎ.. ﻭﻣﻦ ﺑﻌﺪ ﺷﻬﺮ..ﺩﺍﺭﻭ ﺍﻟﺨﻄﺒﺔ ﺍﻟﺮﺳﻤﻴﺔ..ﻭﺭﻛﺒﻮ ﺍﻟﺨﻮﺍﺗﻢ..ﻭﺍﺗﺎﻓﻖﻭ ﻋﻠﻰ ﺃﻥ ﺍﻟﻌﺮﺱ ﻳﻜﻮﻥ ﻓﺎﻟﺼﻴﻒ..ﺍﻟﺠﺎﻱ..
ﺍﻟﻤﻬﻢ ﺑﻘﺎﺕ ﻋﻼﻗﺔ ﺭﻳﻢ ﻭﻓﻴﺼﻞ ﻛﻴﻒ ﻛﺎﻧﺖ.. ﻓﻨﻤﺎ ﺗﻴﻠﻘﺎﻭ ﺍﻟﻔﺮﺻﺔ ﺗﻴﺨﺮﺟﻮ ﻣﻊ ﺑﻌﻀﻬﻢ ﻭﺗﻴﺘﻼﻗﺎﻭ..
ﺣﺘﻰ ﻟﻮﺍﺣﺪ ﺍﻟﻨﻬﺎﺭ..ﻋﻴﻂ ﻓﻴﺼﻞ ﻟﺮﻳﻢ..
ﻓﻴﺼﻞ: ﺃﻟﻮ ﺣﺒﻴﺒﺔ ﻣﺴﺎﻟﻴﺔ؟!
ﺭﻳﻢ: ﺧﺪﺍﻣﺔ ﻋﻼﺵ_؟!
ﻓﻴﺼﻞ: ﻣﻌﺎﺵ ﻏﺘﺨﺮﺟﻲ ﻣﻦ ﺍﻟﺨﺪﻣﺔ..؟!
ﺭﻳﻢ: ﺷﻲ ﺳﺎﻋﺔ..
ﻓﻴﺼﻞ: ﺻﺎﻓﻲ ﻣﺰﻳﺎﻥ..ﻏﻨﺪﻭﺯ ﻋﻨﺪﻙ ﺑﻐﻴﺘﻚ ﺿﺮﻭﺭﻱ..
ﺭﻳﻢ: ﻭﺍﺧﺎ ﺣﺒﻴﺒﻲ ﻣﺮﺣﺒﺎ..
ﻭﻣﺸﺎ ﻋﻨﺪﻫﺎ ﺑﺎﺵ ﻳﺪﻳﺮ ﻟﻴﻬﺎ ﻣﻔﺎﺟﺄﺓ..
ﻏﻴﺮ ﻭﺻﻞ ﻋﻨﺪﻫﺎ ﺗﻠﻘﺎ ﻟﻴﻬﺎ ﺑﻮﺭﺩﺓ ﺣﻤﺮﺍ..
ﺭﻳﻢ: ﺷﻜﺮﺍ ﺣﺒﻴﺒﻲ ﺑﺰﺍﺍﺍﻑ..
ﻓﻴﺼﻞ: ﺣﻘﻘﻲ ﻣﺰﻳﺎﻥ ﻓﺪﻳﻚ ﺍﻟﻮﺭﺩﺓ..
ﺭﻳﻢ:(ﺑﺪﺍﺕ ﺭﻳﻢ ﺗﺘﺸﻮﻑ ﻓﻴﻬﺎ ﺣﺘﻰ ﺑﺎﻧﺖ ﻟﻴﻬﺎ ﻭﺍﺣﺪ ﻟﺒﻮﻃﻮﻧﺔ ﻭﺭﻛﺎﺕ ﻋﻠﻴﻬﺎ ﻭﻫﻲ ﺗﺤﻞ..ﻟﻘﺎﺕ ﻭﺳﻄﻬﺎ ﺧﺎﺗﻢ ﺍﻟﺰﻭﺍﺝ..)ﻣﺘﻘﻮﻟﻪﺍﺵ!! ﻭﺍﺍﺍﺍﻭ ﺧﺎﺗﻢ ﺯﻭﻳﻦ ﺑﺰﺍﺍﺍﻑ..ﻟﻬﻼ ﻳﺨﻄﻴﻚ ﻋﻠﻴﺎ..
ﻓﻴﺼﻞ: ﺑﺼﺤﺘﻚ ﺃﺣﺒﻴﺒﺔ ﻋﺠﺒﻚ؟!
ﺭﻳﻢ: ﺑﺰﺍﺍﺍﺍﻑ(ﻭﻋﻨﻘﺎﺗﻮ)
ﻓﻴﺼﻞ: ﻫﺎﺩ ﺍﻟﺨﺎﺗﻢ ﺟﺒﺘﻮ ﺣﻴﺖ ﺻﺎﻓﻲ ﺑﻐﻴﺖ ﻧﺪﻳﺮﻭ ﺍﻟﻌﻘﺪ ﺑﺎﺵ ﺗﻮﻟﻲ ﻣﺮﺍﺗﻲ..
ﻓﻴﺼﻞ ﻛﺎﻥ ﺗﻴﺘﺴﻨﻰ ﺃﻥ ﻫﺎﺩ ﺍﻟﺨﺒﺮ ﻳﻔﺮﺡ ﺭﻳﻢ ﺍﻟﺴﺎﻋﺔ ﺭﻳﻢ ﻓﻠﺤﻈﺔ ﺍﻟﻠﻮﻥ ﺩﻳﺎﻝ ﻭﺟﻬﻬﺎ ﺗﺒﺪﻝ ﻭﺑﺤﺎﻝ ﺍﻟﻰ ﻣﻔﺮﺣﺎﺗﺶ ﺑﺰﺍﺍﻑ..
ﻓﻴﺼﻞ: ﻫﻴﻬﻮﻭﻭ ﻣﺎﻟﻜﻲ؟!
ﺭﻳﻢ: ﻣﺎﻣﺎﻟﻲ ﻭﺍﻟﻮ.. ﻏﻴﺮ ﺗﻨﺸﻮﻑ ﺑﺎﻟﻠﻲ ﺭﺍﻙ ﻣﺰﺭﻭﺏ ﺑﺰﺍﻑ ﻋﻠﻰ ﺍﻟﺰﻭﺍﺝ ﺩﺍﻛﺸﻲ ﻋﻼﺵ..
ﻓﻴﺼﻞ: ﺣﻴﺮﺗﻴﻨﻲ ﻳﺎ ﻫﺎﺩ ﺍﻟﺒﻨﺖ.. ﻳﺎﻛﻤﺎ ﻣﺨﺒﻴﺎ ﻋﻠﻴﺎ ﺷﻲ ﺣﺎﺟﺔ؟!
ﺭﻳﻢ: ﻻ ﻣﻤﺨﺒﻴﺎ ﻭﺍﻟﻮ.. ﺃﺵ ﻋﻨﺪﻱ ﻣﻨﺨﺒﻲ..
ﻓﻴﺼﻞ: ﺃﻭﻙ..ﻭﻟﻜﻦ ﻛﻮﻧﻲ ﻣﺘﺄﻛﺪﺓ.. ﺍﻟﻰ ﺍﻛﺘﺎﺷﻔﺖ ﺑﺎﻟﻠﻲ ﺭﺍﻛﻲ ﻣﺨﺒﻴﺔ ﻋﻠﻴﺎ ﺷﻲ ﺣﺎﺟﺔ .. ﺗﺄﻛﺪﻱ ﺃﻧﻚ ﻏﺘﺨﺴﺮﻳﻨﻲ ﻟﻸﺑﺪ..
ﺭﻳﻢ: ﻣﺸﺎ ﺩﻣﺎﻏﻚ ﺑﻌﻴﺪ ﺃﺣﺒﻴﺒﻲ ﺃﺵ ﻋﻨﺪﻱ ﻣﻨﺨﺒﻲ.. ﻫﻬﻬﻪ ﺻﺎﻓﻲ ﻳﻠﻪ ﻓﻴﻦ ﻏﺘﻌﺮﺽ ﻋﻠﻴﺎ ﺑﻬﺎﺩ ﺍﻟﻤﻨﺎﺳﺒﺔ ؟!
ﻓﻴﺼﻞ: ﺍﻭﺍ ﻫﻜﺎﻙ ﻧﺒﻐﻴﻚ. .ﻏﻨﻤﺸﻴﻮ ﻧﻀﺮﺑﻮ ﺍﻟﺤﻮﺕ..ﻳﻠﻪ ﻟﻠﺼﻨﺎﻙ ﺍﻟﻠﻲ ﺗﻴﻌﺠﺒﻚ..
ﺭﻳﻢ: ﻳﻠﻪ..ﺷﻬﻴﺘﻲ ﻓﺎﻟﺤﻮﺕ..
ﻣﺸﺎﻭ ﺗﻐﺬﺍﻭ ﻭﻣﻦ ﺑﻌﺪ ﻛﻞ ﻭﺍﺣﺪ ﻓﻴﻬﻢ ﺭﺟﻊ ﻟﺨﺪﻣﺘﻮ..
ﺩﺍﺯﺕ ﺳﻴﻤﺎﻧﺔ .. ﻭﺑﺪﺍ ﻓﻴﺼﻞ ﺗﻴﺠﻤﻊ ﻓﻮﺭﺍﻕ ﺍﻟﻌﻘﺪ.. ﺣﺘﻰ ﻛﻤﻠﻬﻢ...ﻋﺎﺩ ﻋﻴﻂ ﻟﻴﻬﺎ ﺑﺎﺵ ﻳﻔﺮﺣﻬﺎ ﺑﺎﻟﺨﺒﺮ ﻭﻳﺨﻠﻴﻬﺎ ﺗﺠﻤﻊ ﺣﺘﻰ ﻫﻲ ﻭﺭﺍﻗﻬﺎ ﺩﻳﺎﻝ ﺍﻟﻌﻘﺪ ..
ﺭﻳﻢ: ﺃ..ﺃ.ﻓﺎﺟﺄﺗﻴﻨﻲ ﺑﻬﺎﺩ ﺍﻟﻘﻀﻴﺔ..
ﻓﻴﺼﻞ: ﺍﻭﺍ ﺷﻨﻮ ﺗﺎﻧﻲ ﻳﺎﻛﻤﺎ ﻏﺘﺒﺪﺍﻱ ﺗﺘﻘﻠﻘﻲ ﻭﺗﺒﻴﻨﻲ ﻟﻲ ﺑﺎﻟﻠﻲ ﻣﺎﺑﺎﻏﺎﺵ ﺍﻟﺰﻭﺍﺝ!!!
ﺭﻳﻢ: ﻻ ﻻ ﺻﺎﻓﻲ ﻏﺎﺩﻱ ﻧﺠﻤﻊ ﻭﺭﺍﻗﻲ.. ﻭﻧﺮﺩ ﻋﻠﻴﻚ..
ﻓﻴﺼﻞ: ﺃﻭﻙ ﺣﺒﻴﺒﺔ..ﻣﺰﻳﺎﻥ ﻓﺎﺵ ﺗﻘﺎﺩﻳﻬﻢ ﻋﻠﻤﻴﻨﻲ..
ﺭﻳﻢ: ﺃﻛﻴﺪ..ﺣﺒﻴﺒﻲ ﺍﻟﻠﻬﻢ ﻳﺴﺮ..
ﻗﻄﻌﺎﺕ ﺭﻳﻢ .. ﻭﺍﺗﺎﺻﻼﺕ ﺑﻠﺒﻨﻰ ﺻﺎﺣﺒﺘﻬﺎ..
ﻟﺒﻨﻰ: ﺃﻟﻮ ﺭﻳﻢ ﺻﺎڤﺎ؟!
ﺭﻳﻢ: ﺻﺎڤﺎ ﺍﻟﺤﻤﺪ ﻟﻠﻪ. ..ﺍﻭﺍ ﻓﻴﻨﻚ؟!
ﻟﺒﻨﻰ: ﺃﻧﺎ ﻏﻴﺮ ﻓﺎﻟﺪﺍﺭ ..ﻋﻼﺵ..
ﺭﻳﻢ: ﻭﺍﺵ ﻛﺘﻔﻘﺪﻱ ﺍﻟﺬﺍﻛﺮﺓ؟؟؟ ﻳﺎﻙ ﺗﺎﻓﻘﻨﺎ ﻏﺪﺍ ﺍﻟﺼﺒﺎﺡ ﻧﻤﺸﻴﻮ ﺑﺎﺵ ﻧﻄﺮﻗﻮ ﺩﺍﻙ ﺍﻟﻤﺴﻤﺎﺭ..
ﻟﺒﻨﻰ: ﺁﻩ ﺁﻩ ﺑﺼﺢ..ﺍﻥ ﺷﺎﺀ ﺍﻟﻠﻪ..
ﺍﻟﻐﺬ ﻟﻴﻪ ﻓﺎﻗﺖ ﺍﻟﺼﺒﺎﺡ..ﻟﺒﺴﺎﺕ ﻭﺧﺮﺟﺎﺕ..
ﻟﻘﺎﺕ ﻟﺒﻨﻰ ﺗﺘﺴﻨﺎﻫﺎ ﺣﺪﺍ ﺍﻟﻄﺎﻛﺴﻴﺎﺕ..
ﺷﺪﻭ ﻃﺎﻛﺴﻲ ﻭﻣﺸﺎﻭ..
ﺭﻳﻢ: ﻭﺍﺵ ﻣﺘﺄﻛﺪﺓ ﺃﺻﺎﺣﺒﺘﻲ ﺑﺎﻟﻠﻲ ﺩﻳﻚ ﺻﺎﺣﺒﺘﻚ ﻏﺘﻘﻀﻲ ﻟﻲ ﺍﻟﻐﺮﺽ؟!
ﻟﺒﻨﻰ: ﻣﺘﺨﺎﻓﻴﺶ ﺭﺍﻩ ﺑﺰﺍﻑ ﺍﻟﺒﻨﺎﺕ ﻣﺸﺎﻭ ﻋﻨﺪﻫﺎ ﻭﻗﻀﺎﺕ ﻟﻴﻬﻢ ﺍﻟﻐﺮﺽ..
ﺭﻳﻢ: ﻭﺍﺧﺎ ﻣﺰﻳﺎﻥ..ﺃﻫﻢ ﺣﺎﺟﺔ ﻣﻨﺨﺴﺮﺵ ﻓﻴﺼﻞ..
ﻟﺒﻨﻰ: ﺍﻭﺍ ﺃﺻﺎﺣﺒﺘﻲ ﻋﻨﺪﻙ 2 ﺣﻠﻮﻝ ﻳﺎ ﺇﻣﺎ ﻏﺘﺪﻳﺮﻱ ﻫﺎﺩ ﺍﻟﺨﻄﻮﺓ ﻳﺎ ﺍﻣﺎ ﺗﺼﺎﺭﺣﻲ ﻓﻴﺼﻞ..
ﺭﻳﻢ: ﺃﻭﻭﻭﻭﻑ...ﻣﺮﺿﺖ ﻭﺍﻟﻠﻪ. .ﺍﻟﻠﻬﻢ ﻧﺪﻳﺮ ﻫﺎﺩﺷﻲ ﺣﻴﺖ ﺍﻟﻰ ﺻﺎﺭﺣﺘﻮ ﻏﻨﺨﺴﺮﻭ ﺑﻤﺮﺓ..
ﻟﺒﻨﻰ:(ﺩﻭﺍﺕ ﻣﻊ ﻣﻮﻝ ﺍﻟﻄﺎﻛﺴﻲ)ﺻﺎﻓﻲ ﻏﻴﺮ ﻫﻨﺎ ﺃﺧﻮﻳﺎ..ﻋﺎﻓﺎﻙ..
ﻫﺒﻄﻮ ﻭﺩﺧﻠﻮ ﻟﻮﺍﺣﺪ ﺍﻟﻌﻤﺎﺭﺓ..
ﺩﺧﻠﻮ ﻟﻘﺎﻭ ﺑﺰﺍﻑ ﺍﻟﻨﺎﺱ ﺗﻴﺘﺴﻨﺎﻭ..ﻭﻣﻦ ﺑﻌﺪ ﺳﺎﻋﺔ ﻣﻦ ﺍﻻﻧﺘﻈﺎﺭ ﺧﺮﺟﺎﺕ ﻭﺍﺣﺪ ﺍﻟﻤﻤﺮﺿﺔ..
ﺍﻟﻤﻤﺮﺿﺔ: ﺷﻜﻮﻥ ﻓﻴﻜﻢ؟!
ﺭﻳﻢ: ﺃﻧﺎ ﺃﺧﺘﻲ..
ﺍﻟﻤﻤﺮﺿﺔ: ﺗﻔﻀﻠﻲ ﻣﻌﺎﻳﺎ..ﻋﺎﻓﺎﻙ..
ﻟﺒﻨﻰ: ﺍﻟﻠﻪ ﻣﻌﺎﻙ ﺃﺻﺎﺣﺒﺘﻲ..
ﺩﺧﻼﺕ ﺍﻟﻤﻤﺮﺿﺔ ﺭﻳﻢ ﻟﻮﺍﺣﺪ ﺍﻟﻐﺮﻓﺔ ﻋﺎﻣﺮﺓ ﺑﺎﻟﻤﻌﺪﺍﺕ..ﺑﺎﺵ ﺗﺪﻳﺮ ﺍﻟﻌﻤﻠﻴﺔ..
ﺭﻳﻢ ﺑﻐﺎﺕ ﺗﺪﻳﺮ ﻋﻤﻠﻴﺔ ﺗﺮﻗﻴﻊ ﺍﻟﺒﻜﺎﺭﺓ..ﺑﻐﺎﺕ ﺗﻐﺶ ﺣﺒﻴﺒﻬﺎ ﻓﻴﺼﻞ..ﺍﻟﻠﻲ ﻛﻴﺼﺤﺎﺑﻬﺎ ﺑﺎﻗﺎ ﺑﻨﺖ ﻭﻛﻴﺼﺤﺎﺑﻬﺎ ﻋﻤﺮﻫﺎ ﺧﺎﻧﺘﻮ ﺟﻨﺴﻴﺎ..
ﻭﺟﺪﺍﺗﻬﺎ ﺍﻟﻤﻤﺮﺿﺔ ﻭﺟﺎﺕ ﺍﻟﻄﺒﻴﺒﺔ ﺑﺎﺵ ﺗﺪﻳﺮ ﻟﻴﻬﺎ ﺍﻟﻌﻤﻠﻴﺔ..ﻭﻓﻌﻼ ﺩﺍﺭﺗﻬﺎ ﻟﻴﻬﺎ ﻋﻤﻠﻴﺔ ﺍﻟﻜﺬﺏ ﻭﺗﻈﻠﻴﻞ ﺍﻟﺤﻘﻴﻘﺔ ﻛﻴﻒ ﺧﺎﺻﻬﺎ ﺗﺴﻤﻰ.. ﻓﻌﻼ ﺑﺰﺍﻑ ﺍﻟﺒﻨﺎﺕ ﺗﻌﺮﺿﻮ ﻻﻏﺘﺼﺎﺏ ﺍﻭ ﻏﻠﻄﻮ ﻭﺿﺎﻉ ﻣﻨﻬﻢ ﺷﺮﻓﻬﻢ ﻭﻟﻜﻦ ﺍﻟﻜﺬﻭﺏ ﻋﻼﺵ ...ﺷﻨﻮ ﺫﻧﺐ ﺩﺍﻙ ﺍﻹﻧﺴﺎﻥ ﺍﻟﻠﻲ ﻏﻴﻌﻴﺶ ﻣﺨﺪﻭﻉ ﺣﻴﺎﺗﻮ ﻛﺎﻣﻠﺔ!!!
ﺍﻟﻤﻬﻢ..ﺩﺍﺯﺕ ﺍﻟﻌﻤﻠﻴﺔ ﻛﻴﻒ ﺑﻐﺎﺕ ﺭﻳﻢ..ﻭﻃﻠﺒﺎﺕ ﻣﻨﻬﺎ ﺍﻟﻄﺒﻴﺒﺔ ﺑﺎﺵ ﺗﺮﺗﺎﺡ ﻭﺍﺣﺪ 3 ﻳﺎﻡ ﻭﻣﺘﺤﺮﻛﺶ ﺑﺰﺍﺍﺍﻑ..ﺑﻨﻤﺎ ﺗﺒﺮﺍ ﻣﺰﻳﺎﻥ..
ﺧﺮﺟﺎﺕ ﺭﻳﻢ ﻋﻨﺪ ﻟﺒﻨﻰ..ﻭﻓﺒﻼﺻﺔ ﻣﺎﺗﻔﺮﺡ ﺑﻘﺎﺕ ﺗﺘﺒﻜﻲ..
ﻟﺒﻨﻰ: ﻣﺎﻟﻚ ﺃﺻﺎﺣﺒﺘﻲ..
ﺭﻳﻢ: ﻋﻨﺪﺍﻙ ﻳﺼﺤﺎﺑﻠﻴﻚ ﺃﻧﻲ ﻏﻨﻜﻮﻥ ﻓﺮﺣﺎﻧﺔ ﺣﻴﺖ ﻏﻨﻐﺶ ﻓﻴﺼﻞ..
ﻟﺒﻨﻰ: ﺻﺎﻓﻲ ﺃﺻﺎﺣﺒﺘﻲ..ﻧﺘﻲ ﻛﺘﺎﺏ ﻋﻠﻴﻚ ﻫﺎﺩﺷﻲ ..ﻣﻌﻨﺪﻙ ﻣﺎﺩﻳﺮﻱ..ﺍﻟﻠﻪ ﻳﺎﺧﺬ ﺍﻟﺤﻖ ﻓﺪﺍﻙ ﺃﺩﻡ ﺍﻟﺤﻴﻮﺍﻥ..
ﺭﻳﻢ: ﺃﻭﻭﻭﻑ ﺻﺎﻓﻲ ﻣﺘﺠﺒﺪﻳﻬﺶ ﻋﻠﻴﺎ..
ﺍﻟﻤﻬﻢ ﺩﺍﺯﺕ ﺍﻻﻳﺎﻡ..ﻭﻛﺘﺒﻮ ﺍﻟﻌﻘﺪ..ﻭﺑﺪﺍﻭ ﺗﻴﻮﺟﺪﻭ ﻟﻠﻌﺮﺱ..ﻛﻞ ﻭﺍﺣﺪ ﻓﻴﻬﻢ ﺧﺪﺍ ﻛﻮﻧﺠﻲ ﻋﻠﻰ ﺣﺴﺎﺏ ﺍﻟﻌﺮﺱ ﻭﻣﻠﻠﻲ ﻗﺮﺏ ﺍﻟﻌﺮﺱ ﺑﻴﻮﻣﺎﻳﻦ ﻭﻗﻊ ﺩﺍﻛﺸﻲ ﺍﻟﻠﻲ ﻣﻜﺎﻧﺶ ﻟﺮﻳﻢ ﻓﺎﻟﺤﺴﺎﺏ..
ﻛﻴﻒ ﻛﺘﻌﺮﻓﻮ ﺍﻟﻌﺮﻭﺳﺔ ﺧﺎﺻﻮ ﻳﺪﺍﺭ ﻟﻴﻬﺎ ﺣﻤﺎﻡ ﺧﺎﺹ ﻗﺒﻞ ﻋﺮﺳﻬﺎ ﻭﺭﻳﻢ ﺩﺍﻭﻫﺎ ﺧﺘﻬﺎ ﻭﻣﻬﺎ ﻟﻠﺤﻤﺎﻡ .. ﺷﺪﻭ ﻟﺒﻬﺎﻭﺍﻟﻄﻴﺎﺑﺔ ﻓﺮﻛﺎﺗﻬﺎ ﻭﺧﺘﻬﺎ ﺩﺍﺭﺕ ﻟﻴﻬﺎ ﺍﻟﻤﺎﺳﻜﺎﺕ ﻟﺠﺴﻤﻬﺎ ﻛﺎﻣﻞ..ﻭﻓﻠﺤﻈﺔ..ﺏﺩﺍﻭ ﺗﻴﻼﺣﻈﻮ ﺑﻘﻊ ﻣﻦ ﺍﻟﺪﻡ ﻓﺒﻼﺻﺔ ﺭﻳﻢ..ﻧﻘﺰﺍﺕ ﺧﺘﻬﺎ ﺳﺎﺭﺓ..
ﺳﺎﺭﺓ: ﺃﻭﻳﻠﻲ !!! ﺧﺘﻲ ﺭﻳﻢ ﺷﻮﻓﻲ..
ﺭﻳﻢ ﺣﺪﺭﺍﺕ ﺭﺍﺳﻬﺎ ﺗﺘﺸﻮﻑ ﻭﻟﻘﺎﺕ ﺩﺍﻙ ﺍﻟﺪﻡ ﺧﺎﺭﺝ ﻣﻨﻬﺎ..
ﺭﻳﻢ: ﺃﻭﻳﻠﻲ ﺷﻨﻮ ﻫﺸﻲ..
ﺳﺎﺭﺓ: ﺷﻮﻓﻴﻪ ﺃﻣﺎﻣﺎ..ﺑﺎﻧﻠﻲ ﺑﺤﺎﻝ ﺍﻟﻰ ﻟﻮﻧﻮ ﻓﺸﻜﻞ ﺣﻤﺮ ﺑﺰﺍﺍﺍﻑ ﺑﺤﺎﻝ ﺍﻟﺪﻭﺍ ﺍﻟﺤﻤﺮ..
ﻧﻘﺰﺍﺕ ﺳﻌﺎﺩ ﻣﻬﻢ..
ﺳﻌﺎﺩ: ﺑﻨﺘﻲ ﺭﻳﻢ ﺷﻨﻮ ﻫﺎﺩﺷﻲ..ﻳﺎﻛﻤﺎ ﺟﺎﺗﻚ ﺣﻖ ﺍﻟﺸﻬﺮ؟!
ﺭﻳﻢ: ﺃ..ﺃ..ﻭﺍﻗﻴﻼ ﻣﻌﺮﻓﺘﺶ..
ﺳﺎﺭﺓ: ﺍﻟﻤﻬﻢ ﻧﻜﻤﻠﻮ ﻭﻧﻌﻄﻴﻚ ﺷﻲ ﻓﻮﻃﺔ ﺩﻳﺮﻳﻬﺎ..
ﺭﻳﻢ: ﺃ..ﺃ..ﻭﺍﺧﺎ..ﻏﺘﻚﻭﻥ ﻏﻴﺮ ﺣﻖ ﺍﻟﺸﻬﺮ ﺍﻟﻠﻲ ﺟﺎﺗﻨﻲ..
ﺭﻳﻢ ﺑﻘﺎﺕ ﻣﺨﻠﻮﻋﺔ ﻭﻏﻴﺮ ﺗﺪﻭﺭ ﻓﻌﻴﻨﻴﻬﺎ..
ﻭﺍﻟﻐﺪ ﻟﻴﻪ ﻛﺎﻧﺖ ﺍﻟﺤﻨﺎ ﺩﻳﺎﻟﻬﺎ..ﻭﺩﺍﻙ ﺍﻟﺪﻡ ﺗﺤﺒﺲ ﻳﻌﻨﻲ ﻣﺎﺷﻲ ﺣﻖ ﺍﻟﺸﻬﺮ..ﻭﺗﺼﺪﻣﺎﺕ ﻣﻠﻠﻲ ﺗﺄﻛﺪﺕ ﺑﺎﻟﻠﻲ ﺩﺍﻛﺸﻲ ﺳﺒﺎﺑﻮ ﺩﺍﻙ ﺍﻟﺪﻡ ﺍﻻﺻﻄﻨﺎﻋﻲ ﺍﻟﻠﻲ ﺩﺍﺭﺕ ﻟﻴﻬﺎ ﺍﻟﻄﺒﻴﺒﺔ ..ﺗﺤﻼﺕ ﺍﻟﻔﺘﺤﺔ ﻭﻫﺒﻂ..ﺯﺍﺩﺕ ﺗﻌﺼﺒﺎﺕ..ﻭﻣﻜﺎﻧﺶ ﻋﻨﺪﻫﺎ ﺣﺘﻰ ﺣﻞ ﺁﺧﺮ ..ﺣﻴﺖ ﺻﺎﻓﻲ ﺍﻟﻴﻮﻡ ﺣﻨﺘﻬﺎ ﻣﻴﻤﻜﻨﺶ ﺗﻤﺸﻲ ﺗﺤﻞ ﺍﻟﻤﺸﻜﻞ ﻣﺮﺓ ﺍﺧﺮﻯ
ﺭﺿﺎﺕ ﺑﻘﺪﺭﻫﺎ ﻭﺧﻼﺕ ﺍﻟﻘﻀﻴﺔ ﻏﺎﺩﻳﺔ ﺗﺘﺸﻮﻑ ﻓﻴﻦ ﻏﺘﻮﺻﻞ..
ﻧﻬﺎﺭ ﺍﻟﺤﻨﺔ ﻛﺎﻥ ﻓﻴﺼﻞ ﺗﻴﻌﻴﻂ ﻟﻴﻬﺎ ﻛﻞ ﺷﻮﻳﺔ ﺑﺎﺵ ﻳﻔﻜﺮﻫﺎ ﺑﻔﺮﺣﺘﻮ ﺑﺰﻭﺍﺟﻮ ﻣﻨﻬﺎ..
ﺃﻣﺎ ﻫﻲ ﻛﺎﻧﺖ ﺗﺘﻘﻮﻝ ﻓﺨﺎﻃﺮﻫﺎ ﻣﻜﺮﻫﺘﺶ ﻛﻮﻥ ﻓﺮﺣﺖ ﺑﺤﺎﻟﻚ .. ﺗﻨﺒﻐﻴﻚ ﺃﻓﻴﺼﻞ ﻭﻟﻜﻦ ﻫﺎﺩﺷﻲ ﻛﺘﺎﺏ ﻋﻠﻴﺎ ﺭﻏﻤﺎ ﻋﻨﻲ..
ﻭﺍﻟﻠﻪ ﻳﺴﺎﻣﺤﻨﻲ ﺣﻴﺖ ﺧﺒﻴﺖ ﻋﻠﻴﻚ..
ﺩﺍﺯ ﻧﻬﺎﺭ ﺍﻟﺤﻨﺔ ﺯﻭﻳﻦ ﻭﺍﻟﻜﻞ ﻛﺎﻥ ﻓﺮﺣﺎﻥ ﺍﻻ ﺭﻳﻢ ﺍﻟﻠﻲ ﻛﺎﻧﺖ ﻓﺮﺣﺘﻬﺎ ﻧﺎﻗﺼﺔ..
ﻭﺳﺎﻻ ﺍﻟﻨﻬﺎﺭ ﻭﺍﻟﺸﻲ ﻣﺸﻰ ﻓﺤﺎﻟﻮ.. ﺷﻲ ﺑﺎﺕ..ﻣﻦ ﺍﻟﻌﺎﺋﻠﺔ..
ﻭﻋﺎﻭﻧﺎﺕ ﺳﺎﺭﺓ ﺭﻳﻢ ﺑﺎﺵ ﺗﺤﻴﺪ ﺣﻮﺍﻳﺠﻬﺎ ﻭﺗﻠﺒﺲ ﺣﻮﺍﻳﺞ ﺍﻟﻨﻌﺎﺱ..ﺑﺎﺵ ﺗﺮﺗﺎﺡ ﺣﻴﺖ ﺍﻟﻐﺪ ﻟﻴﻪ ﻋﺮﺳﻬﺎ..
ﺍﻟﻠﻲ ﻧﻌﺲ ﻧﻌﺲ ﻭﺍﻟﻠﻲ ﺳﻬﺮ ﺳﻬﺮ.. ﺃﻣﺎ ﺭﻳﻢ ﻣﻘﺪﺭﺵ ﻳﻐﻤﺾ ﻟﻴﻬﺎ ﺟﻔﻦ..ﺑﻜﺜﺮﺓ ﺍﻟﺘﻔﻜﻴﺮ
ﻓﺎﻟﻤﺠﻬﻮﻝ ﺍﻟﻠﻲ ﻛﻴﺘﺴﻨﺎﻫﺎ..
ﻭﺍﻟﻐﺪ ﻟﻴﻪ..ﺑﺪﺍ ﺍﻟﺠﺮﻱ ﺩﻳﺎﻝ ﺍﻟﻌﺮﺱ..ﺣﻴﺖ ﻓﺎﻟﻠﻴﻞ ﻏﻴﻜﻮﻥ ﺍﻟﻌﺮﺱ..
ﻣﺸﺎﺕ ﺭﻳﻢ ﻋﻨﺪ ﺍﻟﻜﻮﺍﻓﻮﺭﺓ ﻗﺎﺩﺍﺕ ﻣﺸﻄﺔ ﺍﻟﻌﺮﻭﺳﺔ ﻭﺍﻟﻤﺎﻛﻴﺎﺝ ﻭﻟﺒﺴﺎﺕ ﻋﻨﺪ ﺍﻟﻨﻘﺎﻓﺔ ﺍﻟﻠﺒﺴﺔ ﺍﻷﻭﻟﻰ ﺍﻟﻠﻲ ﻏﺘﺪﺧﻞ ﺑﻴﻬﺎ..
ﻭﻫﻨﺎ ﺳﻮﻻﺗﻬﺎ ﺍﻟﻨﻘﺎﻓﺔ ﻭﻗﺎﻟﺖ ﻟﻴﻬﺎ ﻋﻼﺵ ﻣﺘﺘﺒﺎﻧﻴﺶ ﻓﺮﺣﺎﻧﺔ ﻳﺎﻛﻤﺎ ﺯﻭﺟﻮﻙ ﺑﺰﺯ؟!
ﺭﻳﻢ: ﻻ ﺑﺎﻟﻌﻜﺲ..ﺗﺰﻭﺟﺖ ﺍﻟﻠﻲ ﻛﻨﺒﻐﻲ..
ﺍﻟﻨﻘﺎﻓﺔ: ﺍﻟﻤﻬﻢ ﻣﻬﻤﺎ ﺯﻳﺎﻧﺖ ﺍﻟﻌﺮﻭﺳﺔ ﺗﺘﺒﻘﻰ ﺧﺎﻳﺒﺔ ﺑﻼ ﺍﺑﺘﺴﺎﻣﺔ..ﻭﻧﺘﻲ ﺯﻭﻳﻨﺔ ﺧﺎﺻﻚ ﻏﻴﺮ ﺗﺒﺘﺎﺳﻤﻲ ﺑﺎﺵ ﺗﻄﻠﻌﻲ..
ﺍﻟﻨﻘﺎﻓﺔ: ﻟﻬﻼ ﻳﺨﻄﻴﻚ..ﻏﻨﺤﺎﻭﻝ..
ﺍﻟﻤﻬﻢ ﺩﺍﺯ ﻛﻠﺸﻲ ﺑﺨﻴﺮ ﻭﻋﻠﻰ ﺧﻴﺮ..ﻭﻓﻴﺼﻞ ﻛﺎﻥ ﻓﻘﻤﺔ ﺍﻟﺴﻌﺎﺩﺓ ﺣﻴﺖ ﺃﺧﻴﺮﺍﺍﺍ ﻏﻴﺘﺰﻭﺝ ﺍﻟﺒﻨﺖ ﺍﻟﻠﻲ ﺗﻴﺒﻐﻲ..ﺭﻏﻢ ﻛﻞ ﻣﺎﻭﻗﻊ ﺑﻴﻨﺎﺗﻬﻢ..ﻭﻟﻜﻦ ﻣﺎﻛﺎﻧﺶ ﻋﺎﺭﻑ ﺑﺎﻟﻠﻲ ﻓﺮﺣﺘﻮ ﻣﻐﺘﻜﻤﻠﺶ..
ﻛﺎﻥ ﺣﺎﺟﺰ ﻓﻮﺍﺣﺪ ﺍﻟﻔﻨﺪﻕ ﻓﺨﻢ ﻣﻦ ﻣﻮﺭﺍ ﺍﻟﻌﺮﺱ..ﻭﻣﻠﻠﻲ ﺳﺎﻻ ﺍﻟﻌﺮﺱ ﻭﺩﻋﻮ ﻋﺎﺋﻼﺗﻬﻢ ﻭﻣﺸﺎﻭ..ﻛﺎﻧﺖ ﻛﻞ ﺧﻄﻮﺓ ﺗﺘﺨﻄﻴﻬﺎ ﺭﻳﻢ ﺗﻘﻴﻠﺔ ﻋﻠﻰ ﻗﻠﺒﻬﺎ .. ﺣﻴﺖ ﻏﺎﺩﻳﺔ ﻟﻤﺼﻴﺮ. ﻣﺠﻬﻮﻝ..ﻭﻣﻌﺎﺭﻓﺎﺵ ﺷﻨﻮ ﻣﻤﻜﻦ ﺗﻜﻮﻥ ﺭﺩﺓ ﻓﻌﻞ ﻓﻴﺼﻞ ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﻠﻲ ﻛﺎﻧﺖ ﻋﺎﺭﻓﺎﻫﺎ ﻫﻲ ..ﺃﻧﻮ ﺍﻟﻨﻬﺎﻳﺔ ﻗﺮﺑﺎﺕ..ﻭﻓﻴﺼﻞ ﻣﺴﺘﺤﻴﻞ ﻏﻴﺴﻤﺢ ﻟﻴﻬﺎ..
ﻭﺻﻠﻮ ﻟﻠﻔﻨﺪﻕ..ﺣﻞ ﻓﻴﺼﻞ ﺍﻟﺒﺎﺏ ﻟﺮﻳﻢ..
ﻓﻴﺼﻞ: ﺗﻔﻀﻠﻲ ﺃﻣﺮﺍﺗﻲ ﺍﻟﻌﺰﻳﺰﺓ..
ﺭﻳﻢ: ﺷﻜﺮﺍ..
ﻭﺩﺧﻠﻮ ﻟﻠﻔﻨﺪﻕ..
ﻭﻣﻦ ﺑﻌﺪ ﺩﻳﻚ ﺍﻟﺘﻠﺖ ﻳﺎﻡ..ﺟﺎ ﻓﻴﺼﻞ ﻋﻨﺪ ﺭﻳﻢ..ﻭﻗﺎﻟﻴﻬﺎ..
ﻓﻴﺼﻞ: ﺃﻧﺎ ﻓﻜﺮﺕ ﺣﺘﻰ ﻋﻴﻴﺖ ﻭﻟﻘﻴﺖ ﺑﺎﻟﻠﻲ ﺍﻟﺤﻞ ﺍﻟﻮﺣﻴﺪ ﻟﻬﺎﺩﺷﻲ ﻫﻮ ﻛﻞ ﻭﺍﺣﺪ ﻳﻤﺸﻲ ﻓﻄﺮﻳﻖ ﺃﺑﻨﺖ ﺍﻟﻨﺎﺱ..
ﺭﻳﻢ ﻏﻴﺮ ﻗﺎﻟﻴﻬﺎ ﻫﺎﺩ ﺍﻟﺨﺒﺮ ﻭﻫﻲ ﺗﺒﺪﺍ ﺗﺒﻜﻲ ﻟﺪﺭﺟﺔ ﺃﻧﻬﺎ ﻣﻘﺪﺭﺗﺶ ﺗﺤﺒﺲ ﺩﻣﻮﻋﻬﺎ ..ﻭﺍﺧﺎ ﻣﻜﺎﻧﺘﺶ ﺑﺎﻏﻴﺔ ﺗﻀﻌﻒ ﻗﺪﺍﻣﻮ ..
ﺭﻳﻢ: ﺹ..ﺹ..ﺻﺎﻓﻲ..ﻭﺍﺥﺍ..ﻏﻴﺮ ﻫﻮ ﻋﻨﺪﻱ ﻃﻠﺐ ﻋﺎﻓﺎﻙ.
ﻓﻴﺼﻞ: ﺷﻨﻮ؟
ﺭﻳﻢ: ﻣﻨﻄﻠﻘﻮﺵ ﺩﺍﺑﺎ..ﻏﻴﺮ ﻋﻠﻰ ﺣﺴﺎﺏ ﺩﺍﺭﻧﺎ ﻏﻴﺘﺼﺪﻣﻮ..ﻭﻏﻴﺒﻐﻲﻭ ﻳﺮﺩﻭﻧﺎ ﺑﺰﺯ ..
ﻓﻴﺼﻞ: ﺍﻭﻙ..ﺩﺍﺑﺎ ﻏﺘﺴﻜﻨﻲ ﻣﻌﺎﻳﺎ ﺑﻨﻤﺎ ﻧﻠﻘﺎﻭ ﺷﻲ ﻃﺮﻳﻘﺔ ﻧﻘﻮﻟﻮﻫﺎ ﻟﻴﻬﻢ..
ﺭﻳﻢ: ﻓﻴﻦ ﻏﻨﺴﻜﻨﻮ..؟!
ﻓﻴﺼﻞ: ﻛﻨﺖ ﻣﻮﺟﺪ ﻟﻴﻚ ﻣﻔﺎﺟﺄﺓ..ﺷﺮﻳﺖ ﭘﺮﻃﻤﺔ..ﻭﻓﺮﺷﺖ ﻓﻴﻬﺎ ﺷﻲ ﺣﺎﺟﺔ..ﻭﻛﻨﺖ ﻏﻨﺪﻳﺮﻫﺎ ﻟﻴﻚ ﻣﻔﺎﺟﺄﺓ ..ﺑﻌﺪ ﺍﻟﺰﻭﺍﺝ..ﺍﻟﺴﺎﻋﺔ
ﺭﻳﻢ: ﺍﻟﺴﺎﻋﺔ ﻣﻨﺴﺘﺎﻫﻠﺶ..
ﻓﻴﺼﻞ: ﺑﺼﺢ..ﻣﺘﺴﺘﺎﻫﻠﻴﺶ .. ﺍﻟﻤﻬﻢ ﺟﻤﻌﻲ ﺍﻟﺤﻮﺍﻳﺞ ﺑﺎﺵ ﻧﻤﺸﻴﻮ ﻟﻠﺪﺍﺭ.. ﻭﺭﺍﻩ ﺩﺍﺭﻧﺎ ﻏﻴﺠﻴﻮ ﻳﺘﻌﺸﺎﻭ ﻋﻨﺪﻧﺎ ﺍﻟﻴﻮﻡ..
ﺭﻳﻢ: ﺍﻭﻙ..
ﺍﻟﻤﻬﻢ ﺟﻤﻌﻮ ﺣﻮﺍﻳﺠﻬﻢ ﻭﻣﺸﺎﻭ ﻟﻠﭙﺮﻃﻤﺔ ﺍﻟﺠﺪﻳﺪﺓ..ﻏﻴﺮ ﺩﺧﻼﺕ ﺭﻳﻢ ﻭﻫﻲ ﺗﺼﺪﻡ ﻟﻘﺎﺕ ﺍﻟﭙﺮﻃﻤﺔ ﻛﻠﻬﺎ ﻣﻔﺮﺷﺔ ﺑﺎﻟﻮﺭﺩ..
ﻓﻴﺼﻞ: ﻫﺎﺩﺷﻲ ﻛﻨﺖ ﻣﻮﺟﺪﻭ ﻟﺮﻳﻢ..ﻫﺎﺩ ﺍﻟﺒﻨﺖ ﻧﺘﻲ ﻣﻜﺘﻌﺮﻓﻴﻬﺎﺵ..ﺃﻣﺎ ﺭﻳﻢ ﺩﻳﺎﻝ ﺩﺍﺑﺎ ﻣﺎﺷﻲ ﻫﻲ ﺍﻟﻠﻲ ﺑﻐﻴﺖ..
ﺭﻳﻢ: (ﻣﻘﺪﺭﺍﺗﺶ ﺗﺴﺘﺤﻤﻞ ﻭﺩﺧﻼﺕ ﻟﻠﺪﻭﺵ ﻭﺑﻘﺎﺕ ﺗﺒﻜﻲ ﻭﺗﺸﻮﻑ ﻓﺎﻟﻤﺮﺍﻳﺔ ﻭﺗﻘﻮﻝ)..ﺃﻧﺎ ﻣﻨﺴﺘﺎﻫﻠﺶ ﻧﻌﻴﺶ..ﺃﻧﺎ ﺩﻣﺮﺕ ﺃﻃﻬﺮ ﺇﻧﺴﺎﻥ ﺷﺎﻓﺘﻮ ﻭﻋﻴﻨﻲ.. (ﺑﻜﺎﺕ ﺣﺘﻰ ﻗﻨﻌﺎﺕ ﻭﺧﺮﺟﺎﺕ ﻟﻘﺎﺕ ﻓﻴﺼﻞ ﻣﻜﻴﻨﺶ..)
ﺩﺍﺯﺕ ﺷﻲ ﺳﺎﻋﺔ ﻭﺩﺧﻞ ﻓﻴﺼﻞ ﻭﻫﻮ ﻫﺎﺯ ﺍﻟﺘﻘﺪﻳﺔ..
ﻓﻴﺼﻞ: ﺍﻟﻤﻬﻢ ﻫﺎ ﺍﻟﺘﻘﺪﻳﺔ ﺑﺎﺵ ﺗﺪﻳﺮﻱ ﺍﻟﻌﺸﺎ ﻟﻠﺪﺍﺭ ﻓﺎﺵ ﻳﺠﻴﻮ..
ﺭﻳﻢ: ﻭﺍﺧﺎ..ﻏﻨﺪﻳﺮﻭ..
ﻓﻴﺼﻞ: ﻣﺰﻳﺎﻥ..ﺃﻧﺎ ﻏﻨﺪﺧﻞ ﻧﺘﻜﺎ ﺷﻮﻳﺔ..ﺍﻟﻰ ﺧﺼﺎﺗﻚ ﺷﻲ ﺣﺎﺟﺔ ﻗﻮﻟﻴﻬﺎ ﻟﻲ..
ﺭﻳﻢ: ﻓﻴﺼﻞ!!
ﻓﻴﺼﻞ: ﻭﻱ!!
ﺭﻳﻢ: ﻣﻜﺎﻳﻨﺶ ﺷﻲ ﺃﻣﻞ ﺑﺎﺵ ﺣﺒﻨﺎ ﻳﻌﻴﺶ ﻭﻧﺘﺠﺎﻭﺯﻭ ﻛﻞ ﻫﺎﺩ ﺍﻟﻤﺸﺎﻛﻞ؟!
ﻓﻴﺼﻞ: ﻫﻬﻬﻬﻪ ﺃﻣﻞ..!!! ﺭﻳﻢ ﺍﻟﻠﻪ ﻳﺮﺣﻢ ﺑﺎﻙ ﺳﻜﺘﻲ ﻭﻧﺴﺎﻱ ﻫﺎﺩ ﺍﻟﻤﻮﺿﻮﻉ..(ﻗﺮﺏ ﺟﻴﻬﺘﻬﺎ ﻭﺷﺎﻑ ﻓﻴﻬﺎ ﻓﻌﻴﻨﻴﻬﺎ ﺍﻟﻠﻲ ﻋﺎﻣﺮﻳﻦ ﺩﻣﻮﻉ ﻭﻗﺎﻝ..)ﺃﻧﺎ ﻭﻳﺎﻙ ﺳﺎﻟﻴﻨﺎ ﻓﻬﻤﺘﻲ..!!!
ﺭﻳﻢ ﻓﻬﺎﺩ ﺍﻟﻠﺤﻈﺔ ﻣﻘﺪﺭﺍﺗﺶ ﺗﺸﺪ ﻓﺮﺍﺳﻬﺎ ﻭﺑﺎﺳﺘﻮ..ﻓﻴﺼﻞ..ﺕﻟﻌﺜﻢ ﻭﻟﻜﻦ ﻣﻘﺪﺭﺵ ﻳﺸﺪ ﺭﺍﺳﻮ ..ﻭﻛﺮﻩ ﺭﺍﺳﻮ ﻓﺎﺵ ﻋﺮﻑ ﺃﻥ ﺭﻏﻢ ﻛﻞ ﻣﺎﻭﻗﻊ ﺭﻳﻢ ﺑﺎﻗﺎ ﺗﺘﺄﺛﺮ ﻓﻴﻪ ﻭﺑﺎﻗﻲ ﺗﻴﺒﻐﻴﻬﺎ. . ﻃﻠﻌﻠﻮ ﺍﻟﺪﻡ ﻭﺩﻓﻌﻬﺎ..
ﻓﻴﺼﻞ: ﻡ..ﻣﺘﻌﺎﻭﺩﻳﺶ ﺩﻳﺮﻱ ﺑﺤﺎﻝ ﻫﺎﻛﺔ..
ﺭﻳﻢ: ﺃﻧﺎ ﺗﻨﺒﻐﻴﻚ ﻭﺍﻧﺖ ﺗﺘﺒﻐﻴﻨﻲ ﻋﻼﺵ ﺗﺘﺤﺎﻭﻝ ﺗﻨﻜﺮ ﻫﺎﺩﺷﻲ..ﺣﺎﺩﺛﺔ ﻣﺨﺎﺻﻬﺎﺵ ﺗﺨﻠﻴﻚ ﺗﺘﻨﺎﺯﻝ ﻋﻠﻰ ﺣﺒﻨﺎ..
ﻓﻴﺼﻞ: ﺩﻳﺮﻱ ﺍﻟﻌﺸﺎ..ﺃﻧﺎ ﺧﺮﺟﺖ..(ﻭﺧﺒﻂ ﺍﻟﺒﺎﺏ ﻭﺧﺮﺝ)..
ﺧﺮﺝ ﻓﻴﺼﻞ ﻭﻫﻮ ﺩﺍﻳﺦ ﻭﻣﻌﺼﺐ..
ﻓﻴﺼﻞ: ﺃﻭﻭﻭﻑ ﺃﻭﻭﻭﻭﻑ..ﻋﻼﺵ ﺃﻗﻠﺒﻲ ﻣﺎﻗﺎﺩﺭﺵ ﺗﻨﺴﺎﻫﺎ ﺭﻏﻢ ﻛﻞ ﺍﻟﻠﻲ ﻋﺮﻓﺘﻴﻪ!!
ﺭﻳﻢ ﺑﻜﺎﺕ ﺗﻘﻨﻌﺎﺕ ﻭﻣﺸﺎﺕ ﺗﻮﺟﺪ ﺍﻟﻌﺸﺎ .. ﻟﻌﺎﺋﻠﺔ ﺭﺍﺟﻠﻬﺎ..ﻭﻣﻠﻠﻲ ﺳﺎﻻﺕ ﺍﻟﺘﻮﺟﺎﺩ ﻣﺸﺎﺕ ﺩﻭﺷﺎﺕ ﻭﻟﺒﺴﺎﺕ ﻗﻔﻄﺎﻥ ﺯﻭﻳﻦ ﻭﻗﺎﺩﺍﺕ ﺣﺎﻟﺘﻬﺎ..ﻭﺑﻘﺎﺕ ﺗﺘﺴﻨﺎ ﻓﻔﻴﺼﻞ..
ﻭﻣﻦ ﺑﻌﺪ ﺭﺑﻊ ﺳﺎﻋﺔ ﺩﺧﻞ ﻟﻘﺎﻫﺎ ﻣﻘﺎﺩﺓ ﻣﻘﺪﺭﺵ ﻳﺤﻴﺪ ﻋﻴﻨﻴﻪ ﻋﻠﻴﻬﺎ..
ﻓﻴﺼﻞ: ﺃ..ﺃ..ﻭﺟﺪﺗﻲ ﺍﻟﻌﺸﺎ ؟! ﺭﺍﻩ ﻗﺮﺍﺏ ﻳﺠﻴﻮ..
ﺭﻳﻢ: ﺁﻩ ﻭﺟﺪﺕ ﻛﻠﺸﻲ ..
ﻓﻴﺼﻞ: ﺍﻟﻤﻬﻢ ﺑﻐﻴﺖ ﺍﻟﻴﻮﻡ..ﻳﻼﺣﻈﻮ ﺑﺎﻟﻠﻲ ﺣﻨﺎ ﻣﻤﻔﺎﻫﻤﻴﻨﺶ..ﺑﺎﺵ ﺍﻟﻰ ﻃﻠﻘﻨﺎ ﻣﻴﺘﺼﺪﻣﻮﺵ..
ﺭﻳﻢ: ﻣﻨﻘﺪﺭﺵ..ﻭﺍﻟﻠﻪ..
ﻓﻴﺼﻞ: ﺃﻧﺎ ﺍﻟﻠﻲ ﻏﻨﺠﺒﺪ ﺍﻟﺼﺪﺍﻉ..
ﺭﻳﻢ ﻗﺮﺑﺎﺕ ﻣﻦ ﻓﻴﺼﻞ..
ﺭﻳﻢ: (ﺷﺪﺍﺕ ﻟﻴﻪ ﻓﺈﻳﺪﻭ)..ﻓﻴﺼﻞ..ﺙﻳﻖ ﺑﻲ ﻭﺍﻟﻠﻪ ﻣﺎﺑﻐﻴﺖ ﻫﺎﺩﺷﻲ ﻳﻮﻗﻊ ﻋﻦ ﻗﺼﺪ ﺃﻧﺎ ﺩﺍﺭﺕ ﺑﻲ ﻋﺎﻓﺎﻙ ﻣﺘﺨﻼﺵ ﻋﻠﻴﺎ ..ﺣﻨﺎ ﺗﻨﺒﻐﻴﻮ ﺑﻌﻀﻴﺎﺗﻨﺎ ﺑﻼ ﻣﻨﺨﺴﺮﻭ ﺑﻌﻀﻨﺎ ﻋﻠﻰ. ﻭﺩ ﺷﻲ ﺣﺎﺟﺔ ﻛﺘﺎﺑﺖ ﻋﻠﻴﺎ. .ﻋﺎﻓﺎﻙ..
ﻓﻴﺼﻞ:..
ﺃﻣﺎ ﻓﻴﺼﻞ..ﻏﻴﺮ ﻣﺸﺎﺕ ﺭﻳﻢ ﺣﺲ ﺑﺎﻟﻮﺣﺪﺓ ﻭﻣﻘﺪﺭﺵ ﻳﺘﺄﻗﻠﻢ ﻣﻊ ﺍﻟﻮﺿﻊ ﺍﻟﺠﺪﻳﺪ..
ﻛﺎﻥ ﺣﺎﺱ ﺑﺮﺍﺳﻮ ﻏﻴﺘﻔﺮﻗﻊ..ﻭﻟﻜﻦ ﻫﻮ ﺍﻟﻠﻲ ﺑﻐﺎ..ﻭﻭﺻﻞ ﻟﻮﺍﺣﺪ ﺍﻟﺤﺎﻟﺔ ﺍﻟﻠﻲ ﻣﺎﺑﻘﺎﺵ ﻗﺎﺩﺭ ﻳﺼﺒﺮ ﻭﻳﺨﻠﻲ ﺩﺍﻛﺸﻲ ﻓﻘﻠﺒﻮ..
ﻭﻟﻘﻰ ﺑﺎﻟﻠﻲ ﺍﻟﺤﻞ ﺍﻟﻮﺣﻴﺪ ﻫﻮ ﺃﻧﻮ ﻳﻬﻀﺮ ﻣﻊ ﺷﻲ ﺣﺪ ﻣﻜﻴﻌﺮﻓﻮﺵ ﻭﻳﺤﻜﻲ ﻟﻴﻪ ﺣﻜﺎﻳﺘﻮ..ﻣﻨﻬﺎ ﻳﺨﻮﻱ ﻗﻠﺒﻮ..ﻣﻨﻬﺎ ﻳﺴﺘﺎﺷﺮ ﻣﻊ ﺷﻲ ﺣﺪ..ﺑﻘﺎ ﻏﺎﺩﻱ ﻭﻫﻮ ﻳﺒﺎﻧﻮ ﻟﻴﻪ ﺍﻟﻨﺎﺱ ﺧﺎﺭﺟﻴﻦ ﻣﻦ ﺍﻟﺠﺎﻣﻊ..ﻭﻫﻲ ﻃﻴﺤﻠﻴﻪ ﻓﺒﺎﻟﻮ ﻓﻜﺮﺓ ﺃﻧﻮ ﻳﺴﺘﺎﺷﺮ ﻣﻊ ﺷﻲ ﺇﻣﺎﻡ ﻭﻻ ﻓﻘﻴﻪ ﺩﻳﺎﻝ ﺍﻟﺠﺎﻣﻊ..
ﺩﺧﻞ ﻭﺳﻮﻝ ﻋﻠﻰ ﺍﻹﻣﺎﻡ ﻓﻴﻦ ﻳﻠﻘﺎﻩ ﻭﻗﺎﻟﻴﻪ
ﻓﻴﺼﻞ: ﺍﻟﺴﻼﻡ ﻋﻠﻴﻜﻢ. .
ﺍﻹﻣﺎﻡ: ﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﺗﻌﺎﻟﻰ ﻭﺑﺮﻛﺎﺗﻪ ﺃﻭﻟﺪﻱ..
ﻓﻴﺼﻞ: ﻋﻤﻲ..ﺃﻧﺎ ﺩﺍﺧﺖ ﺑﻲ ﺍﻟﺪﻧﻴﺎ ﻭﺻﺎﻓﻲ ﻣﺒﻘﻴﺘﺶ ﻋﺎﺭﻑ ﺷﻨﻮ ﻧﺪﻳﺮ..
ﺍﻹﻣﺎﻡ: ﻣﺘﻘﻮﻟﺶ ﻫﻜﺎﻙ ﺃﻭﻟﺪﻱ.. ﺭﺑﻲ ﻛﺒﻴﺮ.. ﻭﺩﻳﻤﺎ ﻣﻌﺎﻧﺎ..
ﻓﻴﺼﻞ: ﻭﻧﻌﻢ ﺑﺎﻟﻠﻪ..ﺃﻧﺎ ﺍﻟﻴﻮﻡ ﺑﻐﻴﺘﻚ ﺗﺴﻤﻌﻨﻲ ﻭﺗﻌﻄﻴﻨﻲ ﺷﻲ ﺭﺍﻱ ﻓﺤﻜﺎﻳﺘﻲ ﺇﻟﻰ ﻋﻨﺪﻙ ﺷﻲ ﻭﻗﺖ..
ﺍﻹﻣﺎﻡ: ﻣﺮﺣﺒﺎ ﺃﻭﻟﺪﻱ..ﺍﺟﻠﺲ..ﻭﺡﻛﻲ ﻟﻲ ﺷﻨﻮ ﺍﻟﻠﻲ ﻣﻮﺻﻠﻚ ﻟﻬﺎﺩ ﺍﻟﺤﺎﻟﺔ..
ﻓﻴﺼﻞ ﺣﻜﺎ ﻟﻺﻣﺎﻡ ﻋﻠﻰ ﺍﻟﻘﺼﺔ ﻣﻦ ﻃﻘﻄﻖ ﻝ ﺍﻟﺴﻼﻡ ﻋﻠﻴﻜﻢ..
ﺍﻹﻣﺎﻡ ﺗﻨﻬﺪ ﺑﻌﻤﻖ..ﻭﻗﺎﻝ..
ﺍﻹﻣﺎﻡ: ﺣﺎﺱ ﺑﻴﻚ ﺃﻭﻟﺪﻱ..ﺩﺍﺑﺎ ﺷﻨﻮ ﺍﻟﻤﻄﻠﻮﺏ ﻣﻨﻲ؟!
ﻓﻴﺼﻞ: ﻋﺎﻭﻧﻲ..ﻓﺘﻲ ﻋﻠﻴﺎ ﺷﻲ ﺭﺍﻱ.. ﺩﺧﺖ ﻭﺍﻟﻠﻪ ﻣﺎﺑﻘﻴﺖ ﻋﺎﺭﻑ ﻣﺎﻧﺪﻳﺮ .. ﻭﻫﻲ ﺣﺪﺍﻳﺎ ﺗﻨﺸﻮﻑ ﻣﺎﺿﻴﻬﺎ ﺍﻟﺨﺎﻳﺐ..ﻭﻫﻲ ﺑﻌﻴﺪﺓ ﻋﻠﻴﺎ ﺗﻨﻤﺮﺽ ﺑﻼ ﺑﻴﻬﺎ ﺣﻴﺖ ﺗﻨﺒﻐﻴﻬﺎ..
ﺍﻹﻣﺎﻡ: ﺍﻟﺒﻨﺖ ﻏﻠﻄﺎﺕ ﺃﻭﻟﺪﻱ..ﻭﺷﺮﻓﻬﺎ ﺿﺎﻉ ﺑﺴﺒﺐ ﺗﻬﻮﺭﻫﺎ ﻭﺛﻘﺘﻬﺎ ﺍﻟﻌﻤﻴﺎ ﻓﺪﺍﻙ ﺍﻟﻠﻲ ﻛﺎﻥ ﺳﺒﺐ ﻓﻀﻴﺎﻋﻮ..ﻭﻟﻜﻦ..ﺕﻧﺼﺤﻚ ﺑﺎﻟﺴﺘﺮ..ﺍﻟﻰ ﻛﻨﺘﻲ ﺗﺘﺒﻐﻴﻬﺎ ﺳﻤﺢ ﻟﻴﻬﺎ ﻭﺳﺘﺮﻫﺎ ﻭﺣﺎﻭﻝ ﺗﻨﺴﻰ ﺍﻟﻠﻲ ﺩﺍﺯ..
ﻓﻴﺼﻞ: ﻣﻐﻨﻘﺪﺭﺵ ﻧﻨﺴﻰ..ﺧﺎﻳﻒ ﻧﺮﺟﻊ ﻟﻴﻬﺎ ﻭﻧﺒﻘﻰ ﻧﻌﻨﻔﻬﺎ ﻓﻴﻨﻤﺎ ﻧﺘﻔﻜﺮ ﺩﺍﻛﺸﻲ..
ﺍﻹﻣﺎﻡ: ﺗﻔﻜﺮ ﺣﺎﺟﺔ ﻭﺣﺪﺓ ﻣﻠﻠﻲ ﺗﻔﻜﺮ ﺩﺍﻛﺸﻲ.. ﺃﻥ ﺍﻟﻠﻪ ﻏﺎﺩﻱ ﻳﺠﺎﺯﻳﻚ..ﺣﻴﺖ ﺳﺘﺮﺗﻴﻬﺎ..ﺍﻟﺪﻧﻴﺎ ﻓﺎﻧﻴﺔ ﺃﻭﻟﺪﻱ..ﻭﻏﻴﺘﺤﺴﺐ ﻟﻴﻚ ﻏﻴﺮ ﺍﻟﻌﻤﻞ ﺩﻳﺎﻟﻚ..ﻣﺘﻌﺮﻑ ﻫﺎﺩ ﺍﻟﻤﻮﻗﻒ ﻳﺪﺧﻠﻚ ﻟﻠﺠﻨﺔ..
ﻓﻴﺼﻞ: ﻣﻌﺮﻓﺘﺶ...
ﺍﻹﻣﺎﻡ: ﺻﻠﻲ ﺻﻼﺓ ﺍﻻﺳﺘﺨﺎﺭﺓ ﻭﺭﺑﻲ ﻏﻴﺒﻴﻦ ﻟﻴﻚ ﺍﻟﺼﺢ ﻣﻦ ﺍﻟﺼﻮﺍﺏ.. ﻭﺍﻟﻠﻪ ﻳﺪﻳﺮ ﺍﻟﻠﻲ ﻓﻴﻬﺎ ﺍﻟﺨﻴﺮ ﺃﻭﻟﺪﻱ..
ﻓﻴﺼﻞ: ﻳﺎﺭﺑﻲ ﺁﻣﻴﻦ..ﺷﻜﺮﺍ ﺑﺰﺍﺍﺍﻑ..ﺍﺭﺗﺎﺣﻴﺖ ﻓﺎﺵ ﻋﺎﻭﺩﺕ ﻟﻴﻚ..
ﺍﻹﻣﺎﻡ: ﻣﺰﻳﺎﻥ ﺃﻭﻟﺪﻱ..ﺍﻟﻠﻪ ﻳﺼﺎﻭﺏ.. ﻭﺣﺎﻭﻝ ﻣﺘﻔﻜﺮﺵ ﺗﺘﺨﻠﻰ ﻋﻠﻴﻬﺎ ﻫﻲ ﺿﺤﻴﺔ..
ﻓﻴﺼﻞ: ﻣﻌﺮﻓﺘﺶ..ﻳﻜﻮﻥ ﺧﻴﺮ..
ﻣﺸﺎ ﻓﻴﺼﻞ..ﻭﻫﻮ ﻣﺰﺭﻭﻉ ﻓﻴﻪ ﺷﻮﻳﺔ ﺍﻷﻣﻞ ﻭﻃﺒﻖ ﺩﺍﻛﺸﻲ ﺍﻟﻠﻲ ﻗﺎﻟﻴﻪ ﺍﻹﻣﺎﻡ..
ﻭﺻﻞ ﻟﻠﺪﺍﺭ ﻭﻓﺎﻟﻠﻴﻞ ﺻﻼ ﺻﻼﺓ ﺍﻻﺳﺘﺨﺎﺭﺓ
ﺑﺎﺵ ﺭﺑﻲ ﻳﺒﻴﻦ ﻟﻴﻪ ﺍﻟﺼﻮﺍﺏ ﻣﻦ ﺍﻟﺨﻄﺄ..
ﻭﻣﻠﻠﻲ ﻓﺎﻕ ﺍﻟﻐﺪ ﻟﻴﻪ..ﻟﻘﺎ ﺗﻠﻔﻮﻧﻮ ﺍﻟﻠﻲ ﻛﺎﻥ ﺩﺍﻳﺮﻭ ﺻﺎﻣﺖ..ﻓﻴﻪ 20 ﺍﺗﺼﺎﻝ ﻣﻦ ﺗﻠﻔﻮﻥ ﺭﻳﻢ..ﻋﺮﻑ ﺑﺎﻟﻠﻲ ﺷﻲ ﺣﺎﺟﺔ ﻭﺍﻗﻌﺔ..
ﺍﺗﺎﺻﻞ ﻭﺟﺎﻭﺑﺎﺗﻮ ﺳﻌﺎﺩ..
ﺳﻌﺎﺩ: (ﺗﺘﺒﻜﻲ)ﺍﻟﺤﻤﺪ ﻟﻠﻪ ﺃﻭﻟﺪﻱ ﻣﻠﻠﻲ ﺟﺎﻭﺑﺘﻲ..ﺣﻨﺎ ﻓﻜﻠﻴﻨﻴﻚ ﺍﻷﻣﻞ..
ﻓﻴﺼﻞ: ﻳﺎﻙ ﻻﺑﺎﺱ ﺃﺧﺎﻟﺘﻲ ..ﺷﻮﺍﻗﻊ..؟! ﻓﻴﻦ ﺭﻳﻢ!؟؟؟
ﺳﻌﺎﺩ: ﺭﻳﻢ ﺃﻭﻟﺪﻱ ﻛﺎﻧﺖ ﺻﺤﺔ ﺳﻼﻡ ﺣﺘﻰ ﻃﺎﺣﺖ ﻟﻴﻨﺎ .. ﻣﻠﻠﻲ ﺩﻳﻨﺎﻫﺎ ﻟﻠﻜﻠﻴﻨﻴﻚ ﻛﺎﻧﺖ ﻣﻐﻴﺒﺔ..ﻭﺩﺍﺑﺎ ﺣﻨﺎ ﺗﻨﺘﺴﻨﺎﻭ ﺍﺵ ﻏﻴﻘﻮﻟﻮ ﻟﻴﻨﺎ..ﺭﺍﻩ ﺑﺎﻗﻲ ﻣﺨﺮﺝ ﺣﺪ ﻋﻨﺪﻧﺎ..
ﻓﻴﺼﻞ: ﺃﻧﺎ ﺟﺎﻱ ﺩﺍﺑﺎ..
ﺧﺮﺝ ﺗﻴﺠﺮﻱ ﺑﻼ ﻋﻘﻞ..ﺣﺘﻰ ﻭﺻﻞ ﻟﻠﻜﻠﻴﻨﻴﻚ..ﻣﻠﻠﻲ ﻭﺻﻞ ﻟﻘﺎﻫﻢ ﺗﻴﻬﻀﺮﻭ ﻣﻊ ﺍﻟﻄﺒﻴﺐ..
ﺍﻟﻄﺒﻴﺐ: ﺍﻟﺼﺮﺍﺣﺔ ﻣﻜﺎﻳﻦ ﻣﻨﺨﺒﻲ ﻋﻠﻴﻜﻢ.. ﺍﻟﺒﻨﺖ ﺩﺍﺧﻠﺔ ﻓﺤﺎﻟﺔ ﺍﻛﺘﺌﺎﺏ ﺧﻄﻴﺮﺓ.. ﻭﺟﺎﻫﺎ ﺍﻧﻬﻴﺎﺭ ﻋﺼﺒﻲ..ﻭﺍﺵ ﻣﺰﻭﺟﺔ؟!
ﻓﻴﺼﻞ: ﺁﻩ..ﻭﺃﻧﺎ ﺭﺍﺟﻠﻬﺎ..
ﺍﻟﻄﺒﻴﺐ: ﻭﺍﺵ ﺑﻴﻨﺎﺗﻜﻢ ﻣﺸﺎﻛﻞ؟!
ﻓﻴﺼﻞ: ﺃ..ﺃ..ﻻ ﻻ..ﺣﻨﺎ ﻋﺮﺳﺎﻥ ﺟﺪﺍﺩ..
ﺍﻟﻄﺒﻴﺐ: ﺍﻟﻤﻬﻢ..ﺧﺎﺻﻬﺎ ﺍﻟﺮﺍﺣﺔ..ﻭﻋﻄﻴﻨﺎﻩﺍ ﺑﻌﺾ ﺍﻟﻤﻬﺪﺋﺎﺕ .. ﺍﻟﻠﻪ ﻳﺠﻴﺐ ﺍﻟﺸﻔﺎ..
ﺳﻌﺎﺩ: ﺷﻜﺮﺍ ﺃﺩﻛﺘﻮﺭ..ﻭﻟﺪﻱ ﻓﻴﺼﻞ..!! ﺍﻣﺘﻰ ﺟﻴﺘﻲ ﻣﻦ ﻣﺮﺍﻛﺶ..؟!!
ﻓﻴﺼﻞ: ﺃ..ﺃ..ﺟﻴﺖ ﻟﻴﻮﻡ ﺳﺎﻟﻴﺖ ﺍﻟﺨﺪﻣﺔ ﺍﻟﻠﻲ ﻋﻄﺎﻭﻧﻲ..
ﻓﻬﺎﺩ ﺍﻟﻠﺤﻈﺔ ﺧﺮﺟﺎﺕ ﺍﻟﻤﻤﺮﺿﺔ..
ﺍﻟﻤﻤﺮﺿﺔ: ﺍﻧﺖ ﻫﻮ ﻓﻴﺼﻞ؟!
ﻓﻴﺼﻞ: ﺁﻩ ﻫﻮ ﺃﻧﺎ..
ﺍﻟﻤﻤﺮﺿﺔ: ﺍﻟﻤﺮﻳﻀﺔ ﺑﻐﺎﺕ ﺗﺸﻮﻓﻚ..
ﻓﻴﺼﻞ: ﺁﻩ..ﻭﺍﺧﺎ..ﻳﻠﻪ..
ﺩﺧﻠﻮ ﻋﻨﺪ ﺭﻳﻢ ﻟﻠﻐﺮﻓﺔ..
ﻓﻴﺼﻞ ﺷﺎﻑ ﺭﻳﻢ ﺗﺘﺒﻜﻲ ﻭﺑﺎﻏﻴﺔ ﺗﻘﻮﻝ ﺷﻲ ﺣﺎﺟﺔ..
ﻓﻴﺼﻞ: (ﺷﺪ ﻟﻴﻬﺎ ﺍﻳﺪﻫﺎ) ﺷﺘﺘﺘﺘﺘﺖ ﻣﺘﻘﻮﻟﻲ ﻭﺍﻟﻮ..ﺻﺎﻓﻲ..
ﺍﻟﻤﻤﺮﺿﺔ: ﺍﻟﻰ ﺍﺣﺘﺎﺟﺖ ﺍﻟﻤﺮﻳﻀﺔ ﺷﻲ ﺣﺎﺟﺔ ﺍﻧﺎ ﺑﺮﺍ..ﺿﻐﻄﻮ ﻋﻠﻰ ﺍﻟﺰﺭ..
ﻓﻴﺼﻞ: ﺷﻜﺮﺍ ﺧﺘﻲ..
ﺧﺮﺟﺎﺕ ﺍﻟﻤﻤﺮﺿﺔ..
ﻓﻴﺼﻞ: ﺭﻳﻢ!؟ ﺷﻨﻮ ﺍﻟﻠﻲ ﻭﺻﻠﻚ ﻟﻬﺎﺩ ﺍﻟﺤﺎﻟﺔ؟!
ﺭﻳﻢ: ﺗﺎﺣﺪ ﻣﺎﻭﺻﻠﻨﻲ ﻟﻬﺎﺩﺷﻲ..ﺃﻧﺎ ﺍﻟﻠﻲ ﻭﺻﻠﺖ ﺭﺍﺳﻲ ﻟﻬﺎﺩﺷﻲ. .ﺃﺵ ﻏﻨﻘﻮﻟﻴﻚ ﺑﻘﻴﺖ ﺗﻨﻔﻜﺮ ﺣﺘﻰ ﻃﺤﺖ..ﻭﻣﻜﺮﻫﺘﺶ ﻧﻤﻮﺕ ﻣﺎﺷﻲ ﻏﻴﺮ ﻧﻨﻬﺎﺭ..
ﻓﻴﺼﻞ: ﺷﺘﺘﺖ ﻣﺘﻘﻮﻟﻴﺶ ﻫﺎﺩﺷﻲ..ﺍﻟﻠﻪ ﻳﻨﺠﻴﻚ..ﺻﺎﻓﻲ ﻧﺘﻲ ﻏﻴﺮ ﺑﺮﺍﻱ..ﻭﻣﺘﺒﻘﺎﻳﺶ ﺗﺨﻤﻤﻲ ﻓﺤﺘﻰ ﺣﺎﺟﺔ..
ﺭﺑﻢ: ﻓﻴﺼﻞ!! ﺍﻧﺖ ﻫﻮ ﺩﻭﺍﻳﺎ..ﻭﻣﻨﻘﺪﺭﺵ ﻧﺒﺮﺍ ﺑﻼ ﺑﻴﻚ ...
ﻓﻴﺼﻞ: ﺻﺎﻓﻲ ﺩﺍﺑﺎ ﻣﺘﻘﻮﻟﻲ ﻭﺍﻟﻮ..ﻧﺴﺎﻱ..
ﺭﻳﻢ: ﻭﺍﺧﺎ..ﻏﻨﺤﺎﻭﻝ..ﺩﺍﺯﺕ ﺷﻲ ﺭﺑﻊ ﺳﺎﻋﺔ ﻭﺑﺪﺍﺕ ﺗﺘﻨﻌﺲ..
ﺭﻳﻢ: ﻋﻄﺎﻭﻧﻲ ﺷﻲ ﺑﺮﺍﻭﺍﺕ ﺗﻴﻨﻌﺴﻮ.. ﺳﻤﺤﻠﻲ ﺍﻟﻰ ﻧﻌﺴﺖ ﻭﺍﻧﺖ ﺣﺪﺍﻳﺎ..
ﻓﻴﺼﻞ: ﺍﺭﺗﺎﺣﻲ ..ﺃﻧﺎ ﺣﺪﺍﻙ..
ﻭﻧﻌﺴﺎﺕ ﺭﻳﻢ ﻭﻓﻴﺼﻞ ﻣﻘﺪﺭﺵ ﻳﻔﺮﻗﻬﺎ. ﺣﺲ ﺑﻮﺍﺣﺪ ﺍﻟﺮﺍﺣﺔ ﻛﺒﻴﺮﺓ ﺣﺪﺍﻫﺎ.. ﻭﻋﺮﻑ ﺑﺎﻟﻠﻲ ﻣﻐﻴﻘﺪﺭﺵ ﻳﺘﺨﻠﻰ ﻋﻠﻴﻬﺎ ﺭﻏﻢ ﺍﻟﺠﺮﺡ ﺍﻟﻠﻲ ﻓﻘﻠﺒﻮ ﻣﻦ ﺟﻴﻬﺘﻬﺎ..
ﺩﺍﺯﺕ 3 ﻳﺎﻡ ﻭﻭﻻﺕ ﺭﻳﻢ ﺷﻮﻳﺔ ﻭﻟﻜﻦ ﻛﺎﻥ ﺧﺎﺻﻬﺎ ﺗﺘﺒﻊ ﻭﺍﺣﺪ ﺍﻟﺪﻭﺍﻳﺎﺕ ﻣﺪﺓ 6 ﺷﻬﻮﺭ
ﻓﻴﺼﻞ: ﺛﻘﻠﻨﺎ ﻋﻠﻴﻚ ﺃﺧﺎﻟﺘﻲ ﺳﻌﺎﺩ .. ﻳﻠﻪ ﺃﺭﻳﻢ ﻏﻨﻤﺸﻴﻮ ﻟﺪﺍﺭﻧﺎ. .
ﺭﻳﻢ: ﺃ..ﺃ..ﻏﻴﺮ ﺧﻠﻴﻨﻲ ﺷﻲ ﻳﺎﻣﺎﺕ ﻓﺪﺍﺭﻧﺎ..
ﻓﻴﺼﻞ: ﻻ ﻏﺘﻤﺸﻲ ﻣﻌﺎﻳﺎ..
ﺭﻳﻢ: ﻭﺍﺧﺎ..ﻳﻠﻪ ﻧﻤﺸﻴﻮ..
ﺳﻌﺎﺩ: ﻣﺎﻳﻜﻮﻥ ﺑﺎﺱ ﺃﺑﻨﺘﻲ..ﻋﺎﻓﺎﻙ ﺃﻭﻟﺪﻱ ﻓﻴﺼﻞ ﺗﻬﻼ ﻓﻴﻬﺎ ﻭﻣﺘﺨﻠﻴﻬﺎﺵ ﺗﻨﺴﻰ ﺍﻟﺪﻭﺍ ﺩﻳﺎﻟﻬﺎ ﻭﺍﺧﺎ؟! ﻭﺍﻧﺎ ﻣﺮﺓ ﻣﺮﺓ ﻏﺎﺩﻱ ﻧﺠﻲ ﻧﺸﻮﻓﻬﺎ..
ﻓﻴﺼﻞ: ﻛﻮﻧﻲ ﻫﺎﻧﻴﺎ ﺃﺧﺎﻟﺘﻲ..ﺭﻳﻢ ﻓﻌﻴﻨﻲ..
ﺭﻳﻢ: ﻳﻠﻪ ﻧﻮﺻﻠﻮ ﻣﺎﻣﺎ ﻭﺳﺎﺭﺓ ﻭﻧﺮﺟﻌﻮ.. ﻟﺪﺍﺭﻧﺎ..
ﻣﺸﺎﻭ ﻭﺻﻠﻮﻫﻢ ﻭﺭﺟﻌﻮ ﻟﺪﺍﺭﻫﻢ. .
ﻣﻠﻠﻲ ﺩﺧﻠﻮ ﻓﻴﺼﻞ ﺗﻼﺡ ﻋﻠﻰ ﺭﻳﻢ ﺑﺘﻌﻨﻴﻘﺔ ﻭﻗﺎﻟﻴﻬﺎ:
ﻓﻴﺼﻞ: ﺧﻔﺖ ﻋﻠﻴﻚ ﺑﺰﺍﺍﺍﻑ..
ﺭﻳﻢ: ﺃ..ﺃ..ﻭﻋﻼﺵ؟!ﻳﺎﻙ ﺣﻨﺎ ﺻﺎﻓﻲ..
ﻓﻴﺼﻞ: ﺁﻩ ﺣﻨﺎ ﺻﺎﻓﻲ..ﻏﻨﺴﺎﻭ ﺍﻟﻤﺎﺿﻲ ﻭﺟﺮﺍﺣﻮ ﻭﻏﻨﻜﻤﻠﻮ ﻣﻊ ﺑﻌﻀﻴﺎﺗﻨﺎ..ﺭﻳﻢ.. ﺃﻧﺎ ﺳﺎﻣﺤﺘﻚ..ﻭﺍﺧﺎ ﺧﺎﺻﻨﻲ ﺍﻟﻮﻗﺖ ﺑﺎﺵ ﻧﻨﺴﻰ.. ﻟﻜﻨﻚ ﻏﺘﺼﺒﺮﻱ ﻋﻠﻴﺎ ﻳﺎﻙ؟!.
ﺭﻳﻢ ﻓﺮﺣﺎﺕ .. ﻭﻗﺎﻟﺖ..
ﺭﻳﻢ: ﻏﻨﺼﺒﺮ ﻋﻠﻴﻚ..ﺣﻴﺎﺗﻲ ﻛﺎﻣﻠﺔ..
ﺭﻳﻢ: ﻟﻬﻼ ﻳﺨﻄﻴﻚ ﻋﻠﻴﺎ..
ﻓﻴﺼﻞ: ﺍﻭﺍ ﺩﺍﺑﺎ ﺑﻼ ﻣﺘﺪﻳﺮﻱ ﻓﻴﻬﺎ ﻣﺮﻳﻀﺔ ﺭﺍﻩ ﻓﻲ ﺍﻟﺠﻮﻉ..
ﺭﻳﻢ: ﻫﻬﻬﻪ ﻫﻲ ﺍﻻﻭﻟﻰ .. ﺍﻧﺎ ﺍﺻﻼ ﺻﺤﻴﺖ ﻓﺎﺵ ﺳﻤﻌﺖ ﻫﺎﺩ ﺍﻟﺨﺒﺎﺭ..
ﻓﻴﺼﻞ: ﻫﻬﻬﻪ ﺣﺒﻴﺒﺔ ﺗﻨﻤﻮﺕ ﻓﻴﻚ..
ﺍﻟﻤﻬﻢ ﺗﺼﺎﻟﺤﻮ ﻭﻛﻞ ﻭﺍﺣﺪ ﻓﻴﻬﻢ ﺣﺎﻭﻝ ﻳﻨﺴﻰ ﺍﻟﻠﻲ ﺩﺍﺯ ﻭﻳﺒﺪﺍ ﺻﻔﺤﺔ ﺟﺪﻳﺪﺓ..
ﻛﺎﻥ ﻓﻴﺼﻞ ﺗﻴﺘﻔﻜﺮ ﻣﺮﺓ ﻣﺮﺓ ﺍﻟﻠﻲ ﺩﺍﺯ ﻭﺗﻴﻤﺮﺽ ﻭﻟﻜﻦ ﻛﺎﻥ ﺗﻴﻘﻮﻝ ﺭﺑﻲ ﻏﻴﺠﺎﺯﻳﻨﻲ ﺣﻴﺖ ﺳﺘﺮﺗﻬﺎ..
ﺣﺘﻰ ﺑﺪﺍ ﻛﻴﻨﺴﻰ ﻣﻊ ﺍﻟﻮﻗﺖ..
ﺭﻳﻢ ﺩﺍﺭﺕ ﻛﻞ ﻣﺎﻓﺠﻬﺪﻫﺎ ﺑﺎﺵ ﺗﻌﻴﺸﻮ ﺳﻌﻴﺪ..ﻭﻧﺠﺤﺎﺕ ..
ﺩﺍﺭﺕ ﺍﻟﺤﺠﺎﺏ ﻭﻃﻠﺒﺎﺕ ﻣﻦ ﺍﻟﻠﻪ ﻳﺴﻤﺢ ﻟﻴﻬﺎ ﻋﻠﻰ ﺍﻟﻠﻲ ﺩﺍﺯ..
ﺭﺑﻲ ﺭﺯﻗﻬﻢ ﺑﺒﻨﻴﺔ ﺑﺤﺎﻝ ﺍﻟﻮﺭﺩﺓ. .
ﻣﻼﺕ ﺣﻴﺎﺗﻬﻢ..ﻭﻧﺴﺎﺗﻬﻢ ﻓﺠﺮﺡ ﺍﻟﻤﺎﺿﻲ..
ﺍﻟﻌﺒﺮﺓ: ﻣﻤﻜﻦ ﻟﻺﻧﺴﺎﻥ ﻳﻐﻠﻂ. . ﻭﻟﻜﻦ ﺍﻷﻫﻢ ﻫﻮ ﻳﻠﻘﻰ ﺍﻟﻠﻲ ﻳﻮﺭﻳﻪ ﺍﻟﻄﺮﻳﻖ ﺍﻟﺼﺤﻴﺢ ﻭﻳﺼﺒﺮ ﻋﻠﻴﻪ..
ﺍﻟﻨﻬﺎﻳﺔ...
كجاتكم القصة شي .تشجيع
لا يوجد تعليقات
أضف تعليق