داكشي لي دوزت فمركش أكثر بكثير من داكشي ل دوزت فسلا ….. غا هو العنصر القحبوني مافيهش بزاااف فيه غا زوامل و ولاد القحاب ……. فاريتها مع داك الشارف و دخلت مع الدروبة ديال باب دكالة خرجت لرياض العروس سمارين لقيت راسي فشارع فرنسا سابقاً الحاجة الواحدة لي كانت عجبني فمركش العكس ديال سلا هي الأزقة والدروبة ديالها كاتمشا فيهم وكادور نهار كامل بكل حرية و ماعندك مناش تخاف ولكن بليل إلى ماحضيتيش ترمتك غادي يشرشموها ليك …… المركشيين كايقولو فيهم الفارة و ماكدبوش و هد الهضرة شكون غاتجيه تافهة لي مادوزش فمركش و كايمشي ليها غا فالصيف باش إزور جامع الفنة و الكتبية والمنارة و لكن لي عاشر المتشردين ديالها و البياع والشرايا ديالها غايعرف بلي بصاح مركش فيها زملة ……. تميت غادي مع شارع فرنسا تا خرجت فالمنارة دخلت ليها بقيت كانشوف فداك الشارج و داك المنظر ديالها كنت كانشوفها غا فالباكية ديال أتاي ديك المستطيلة ولكن عييت وليل كل مانعستش فالمحطة عنيا بغاو إترطقو بنعاس …… دخلت لديك الغابة ديال زيتون لي ظايرة بالشاريج ……… تكسلت تحت واحد الشجرة غمط عيني وداني شي،نعاس تقول ديال عشر سنين ما ضرباتنيش الفيقة تا رشني واحد ولد القحبة ديال جرادني بتيو ديال الماء فوجهي سردني حليت عيني قلت ليه أش كاديري اشريف واش مابنتش ليك اصاحبي ؟؟ كايفرنس،ولد القحبة لا غاكانضحك معاك وتا نتا واش كنتي ناعس ولا مييت جرديني ناشط محلولة ليه ولكن أنا وصل فيا تا العضم بقا ليا غا الضحك هزيت الكاسكيطة ديالي و قلت ليه و إلى كان ضحك بهجوة كل هكدا الله إنعل بوه ضحك …….. بدلت البلاصة وتنشرت فبلاصة خرى باش ننشف نتقود من داك القنت تا جا واحد البرهوش بان ليا هز ميكة و حادر راسو بحال إلى موضرة ليه شي حاجة وكايدور على شجر ديال زيتون ……. وصل حدا رجلي و تحنا هز واحد ربعة د زيتونة كانو طايحين ……. شاف فيا وقال ليا سردك ولد القحبة …… بقيت كانشوف فيه قلت هد زبي لا سلام لا كلام و دخل معايا فالهضرة قلت ليه
_ أه سردني
_راه ديما هكدا كايدير ضحكو باسل ولد القحبة
دار و عطاني بضهرو و قال ليا
_ تا أنا راه سردني كنت ناعس على كرشي سردني فضهري أش كادير هنا نتا هد الوقت فالصباح ؟؟
_ واااااالو مقودة عليا كانقلب على الخدمة و عييت رجليا طابو بالمشي و نعست شوية
_ ههههههههه كاتقلب على الخدمة ؟؟ شحال هادي باش جيتي لمركش ؟؟ ولد فين نتا ؟؟
هد خيينة كثر عليا الأسئلة ونا ما فيا لي يجاوبو و باقي غا برهوش بحالي ما عندو باش إفيدني ولكن جاوبتو ….
_ أنا ولد تافراوت و يالله البارح باش جيت لمركش
_ ههههههه جيتي البارح و بغيتي تلقا الخدمة اليوما أنا خمس سنين هادي و مزال ملقيتهاش ههههههههه
_ علاه شحال فعمرك نتا بالسلامة ؟؟ ملي كاتقلب على الخدمة خمس سنين هادي
_ خمسطاش عام أنا سرغيني كاتعرف قلعة السراغنة ؟؟ و هربت من دارنا ف حضاش ر عام و جيت لمركش دوزت فلخدامي بزاااااف و لكن لي دخلت عندو كايشبع فيا الحوا و كايكركبني ولكن دابا بخير مضيباني راسي …….
_ كيفاش الحوا ؟؟ واش الحوا غا معنوياً ولا الحوا نيت داكشي بالتطبيق ؟؟
_ لا لا الحوا نيت حواوني شي ربعة واحد الدري رضوان هو لول كنت خدام معاه فواحد السناك كانغسل المواعن و هو باقي كانمشي عندو البيت مرة مرة واحد العزي مول زريعة كانكايدير معايا المزيان واحد الوقت وكانبات عندو و جوج د المرات غا مع الدراري صحابي فالمحطة ……..
أش هد القلاوي خلينا القحاب فسلا ولقينا الزوامل فمركش ولد القحبة خلاني نزيد نخاف على كري و نحضي ترمتي …..
_ شنو سميتك بعدا ؟
_ سميتي خالد و نتا ؟؟
_ سميتي موحماد
_ نتا شلح ياك ؟؟
_ أه
_ تا رضوان لي قلت ليك كنت خدام معاه تا هو شلح عزيز عليا الله إعمرها دار …..
قلت ليه فدماغي اه الله إعمرها دار ملي حواك حنا الله إعمرها دار
_ يالله يالله جمع معايا زيتون ونوضرو الوقت أنا وياك
_ لا لا غاسير ما فيا لي يتمشى
يالله أصاحبي وقفت وتميت غادي معاه خالد بحال إلى مخنت شوية و لكن تشرد وتكرفيص خلاو الملاميح ديالو مايبان لا مخنت لا راجل لا درية و لكن ترمتو كبيرة وجهو ضاير و غلييض و حناكو حمرين إلى تنقة ولبس مزيان مافيهاش شك بلي غاديباليو بيه ولاد القحاب دوزنا نص نهار أنا وياه كانجمعو فالزيتون عمر الميكة قاليا غاتمشي معايا نبيع هدشي و نهودو لساحة ……. فين غاتبيعو واشمن ساحة ؟؟ غانبيعو فالسوق باب الخميس و ساحة مكاتعرفش جامع الفناء فيها شلوح بزااااف …….. مشينا ضربنها كحطة من المنارة تال باب الخميس وسط المدينة ساعة ديال الطريق على رجلينا عطا الميكة لداك الشارف عبرها لاح ليه ميتين وستين هزها خالد بالفرحة و خشاها فجيبو و قال ليا يالله …… خدا تلاتة دالكوارو جبد واحد شعلو قاليا كاتكمي ؟؟ قلت ليه لا لا ونتا علاش كاتكمي وباقي صغير أصاحبي ؟؟ أودي قطعت بيها غا الشمان كنت مكانتفارقش مع الشيفونة …… شديناها هضرة وتحنقيز أنا وياه تا وصلنا لجامع الفناء جامع الفناء بليل شي حاجة واعرة دخاخن و أحواش و العيطة والحلاقي على جهد مغاتحسش فيها بليل تا يدوز ضربات جوج ديال ليل الحلايقية بداو كايجمعو مالين الماكلة كايغسلو مواعنهم القهاوي كايسدو قاليا خالد
_ موحماد عندك فين تبات ؟؟
_ شفت فيه وقلت ليه لا …… ولكن غانمشي المحطة هي فين بت البارح
_ البارح مادخلوش البوليس ما قالو ليك وااالو ؟؟
_ لا دخلو ولكن قلت ليهوم مسافر
_ ههههههههه وراه هدوك لي دخلو البارح هما لي غايدخلو اليوما تاني أش غاتقوليهوم رجعت من السفر و زيادة على ذالك من غير البوليس المحطة مانصحكش،تبات فيها مزال ولاد القحاب شي كورتية تمة راه كايموتو على دراري صغار و كايبغيو إحويو فابور …..
ملي قال راشيد كايبغيو إحويو فابور صافي عرفتو كايبيع ترمتو
_ مهم إلى غا تبات معايا يالله بلاصة زوينة ومأمنة وما عندك مناش تخاف فيها طحت عليها بوحدي شي ربع شهور هادي ونا كانعس،فيها غا كن معايا معلم ……
_ وخا الله إحفضك فين جايا هد البلاصة هادي ياكما بعيدة تا هي ؟؟
_ لا لا غا جهة المحطة نيت تعرف ديك المقبرة لي جايا على الشارع …….
_ لا لا ما عرفتهاش
_ صافي صافي نتا غاتبعني يالله …….
تمينة غاديين أنا و خالد و كانضركو تحت القواس والبيشان ديال القهاوي على صطافيط تا وصلنا المحطة قلت ليه خالد نسيت صاكي خبيتو تحت واحد الكار نمشي معايا نجيبوه …. لا لا المحطة أنا كايعرفوني تمة بزااااف إلى مشيت تا دخلت ليها أش جاب مايخرجني فيها خليه تال الغدا مهم ها هو السور لي غانباتو فيه …… وصلنا السور نقزت طليت لقيت القبورة ……… أواه أش هد القلاوي فأخر يامي غانبت فالمقبرة خالد شاف فيا وقاليا موحماد مالك تخلعتي خايف…… سمح ليا أخويا خالد لا لا المقبرة مكانقدش ندوز حداها تا بنهار نبات فيها بليل ……. موحماد ترجل شوية أصاحبي وخاف من ولاد القحاب الحيين أما هدوك راه غا تراب مشاو عند الله مغايأديوكش ترددت بزااااف و طاح ليا فيه الشك ف خالد بلي مسكون ولا ماشي طبيعي كيفاش برهوش فعمرو خمسطاش عام كايبات فمقبرة بوحدو ربع شهور تحنا خالد و قاليا طلع طلع على،ضهري وتسلق فالحيط و نقز ……. بقا محني أنا ماطلعتش فوق منو طاح ليا شك قلت هد زبي مافيهش تيقة يالله اليوم عرفتو إخلينا تا نطلع فوق السور و إعلق و نصدق ما طالع ما نزل …………… و طلع طلع أصاحبي كن خفيف
يتبع
لا يوجد تعليقات
أضف تعليق