ﻋﻤﺘﻲ ﻓﻴﻦ ﻏﺎﺗﺼﻔﻄﻨﻲ ﻭﺍﺷﻤﻦ ﺣﻞ ﻏﺎﺩﻳﺮﻱ ﻋﺮﻓﺘﻲ ﺃﻋﻤﺘﻲ ﻏﺎ ﺧﻠﻴﻨﻲ ﻧﻤﺸﻲ ﺭﺍﻩ ﻭﻻﻭ ﻋﻨﺪﻱ ﺩﺭﺍﺭﻱ ﺻﺤﺎﺑﻲ ﺑﺰﺍﺍﺍﺍﻑ ﻧﻘﺪﺭ ﻧﻀﻴﺒﺎﻧﻲ ﺭﺍﺳﻲ،ﻭﺭﺍﻩ ﻫﺪ ﺍﻟﻤﺮﺓ ﻣﻐﺎﻧﻐﺒﺮﺵ ﻋﻠﻴﻚ ﻣﺰﺍﻝ …… ﻋﻤﺘﻲ ﻋﺮﻓﺎﻧﻲ ﻏﺎ ﻛﺎﻧﻜﺪﺏ ﻋﻠﻴﻬﺎ ﺃﺷﻤﻦ ﺻﺤﺎﺏ ﻏﺎﻳﻜﻮﻧﻮ ﻋﻨﺪﻱ ﻓﺎﻟﻤﺪﻳﻨﺔ ﻭﻧﺎ ﺑﺎﻗﻲ،ﻏﺎ ﺑﺮﻫﻮﺵ ﺍﻟﺤﻴﺎﺓ ﺍﻟﻘﺤﺒﺔ ﻳﻤﺎﻫﺎ ﻋﺪﺍﺏ ﻭﺩﺍﻙ ﺍﻟﻌﺎﻡ ﺩﻳﺎﻝ ﺧﻤﺴﺔ ﻭ ﺗﺴﻌﻴﻦ ﻣﻨﺤﻮﺱ ﺍﻟﻠﻪ ﺇﺣﻀﺮ ﺍﻟﺴﻼﻣﺔ ﻣﺎﺑﻘﻴﺘﺶ،ﺣﺎﻣﻞ ﻧﺪﻛﺮ ﺍﻷﺣﺪﺍﺙ ﺩﻳﺎﻟﻮ …… ﻟﺒﺴﺎﺕ ﻋﻤﺘﻲ ﺍﻟﻤﻠﺤﻒ ﺩﻳﺎﻟﻬﺎ ﻭ ﻗﺎﻟﺖ ﻟﻴﺎ ﻳﺎ ﺍﻟﻠﻪ ﺗﺒﻌﻨﻲ ….. ﻓﻴﻦ ﻏﺎﻧﻤﺸﻴﻮ ﺃﻋﻤﺘﻲ ﻧﻮﺍﻣﺮ ﺩﻳﺎﻝ ﺧﻮﺍﻟﻚ ﺭﺍﻩ ﺑﺎﻗﻴﻦ ﻋﻨﺪﻱ ﻭﺍﺣﺪ ﺑﻮﺍﺣﺪ ﻭ ﺭﺍﻙ ﻣﻦ ﺩﻣﻬﻢ ﻣﻐﺎﻳﻔﺮﻃﻮﺵ ﻓﻴﻚ ﻭ ﻫﺬﺍ ﺟﻬﺪﻱ ﻋﻠﻴﻚ ﻋﻠﻰ ﺍﻷﻗﻞ ﺑﻌﺪﺍ ﺭﺍﻙ ﻏﺎﺗﻤﺸﻲ ﻗﺼﺪ ﺷﻲ ﺣﺪ ﻭ ﺭﺍﻩ ﻏﺎﻳﻮﻗﻔﻮ ﻣﻌﺎﻙ ﺗﺎ ﺗﻠﻘﺎ ﻓﻴﻦ ﺗﺨﺪﻡ ﻭ ﻛﻦ ﺭﺍﺟﻞ ……. ﻋﻤﺘﻲ ﻛﺎﺗﻨﺼﺢ ﻓﻴﺎ ﺑﺤﺎﻝ ﺻﺎﻓﻲ ﺇﻟﻰ ﺧﻮﺍﻟﻲ ﻗﺎﺑﻠﻴﻦ ﻋﻠﻴﺎ ﻭ ﺣﺎﻟﻴﻦ ﻟﻴﺎ ﺑﻴﺒﺎﻥ ﺩﻳﻮﺭﻫﻮﻡ ﻭ ﻫﻤﺎ ﻭﻟﺪ ﻣﺮﺍ ﺧﺮﻯ ﻋﺮﺑﻴﺔ ﻣﺸﺎﺭﻛﻴﻦ ﻣﻊ ﻣﻲ ﻏﺎ ﺑﻬﺎ ﻭ ﻣﺎﻋﻤﺮ ﺷﻲ ﻭﺍﺣﺪ ﻓﻴﻬﻢ ﺳﻮﻝ ﻋﻠﻰ ﺃﺻﻞ ﺑﺎﻩ ﻭ ﻣﺠﺎﻭﺵ ﺗﺎﻳﻌﺰﻳﻮ ﻓﺨﺘﻬﻮﻡ ﻣﻠﻲ ﻣﺎﺗﺖ ﻭ ﻋﻤﺘﻲ ﻣﺴﻜﻴﻨﺔ ﻃﺎﻣﻌﺔ ﻓﻴﻬﻮﻡ ﺍﻟﺨﻴﺮ ﻭﻟﻜﻦ ﻏﺎﻧﺪﻳﺮ ﻟﻴﻬﺎ ﺧﺎﻃﺮﻫﺎ ﻭ ﻧﺸﻮﻓﻮ ﺑﻼﻧﻬﺎ ﻓﻴﻦ ﻏﺎﻳﺨﺮﺟﻨﺎ ….. ﻣﺸﻴﻨﺎ ﺃﻧﺎ ﻭﻋﻤﺘﻲ ﺍﻟﻔﻴﻼﺝ ﻭ ﺩﺧﻠﻨﺎ ﻟﺘﻠﻴﺒﻮﺗﻴﻚ ﻭﺟﺒﺪﺍﺕ ﻟﻴﺎ ﻭﺍﺣﺪ ﺍﻟﻤﺪﻛﺮﺓ ﺩﻳﺎﻝ ﻧﻮﺍﻣﺮ ﻛﻠﻬﺎ ﻣﺸﺮﻛﺔ ﻭﻣﺸﺘﺘﺔ ﻭﻗﺎﻟﺖ ﻟﻴﺎ ﻗﻠﺐ ﻟﻴﺎ ﻋﻠﻰ ﻓﻼﻥ ﻧﻤﺮﺓ ﻟﻲ ﺿﺮﺑﻨﻬﺎ ﻳﺎ ﻛﺘﻜﻮﻥ ﻣﺎﺑﻘﺎﺗﺶ ﺧﺪﺍﻣﺔ ﻳﺎﻙ ﻛﺎ ﻳﺠﺎﻭﺑﻨﺎ ﺷﻲ ﺣﺪ ﻭ ﻛﺎﻳﻘﻮﻝ ﻟﻬﺎ ﻧﻤﺮﺓ ﻏﻠﻂ ﻭ ﺃﺧﺮﺍ ﺷﺪﺍﺕ ﻭﺣﺪﺓ ﻭﺟﺎﻭﺑﻬﺎ ﻭﺍﺣﺪ ﺍﻟﺴﻴﺪ ﻗﺎﻟﺖ ﻟﻴﻪ ﺧﺎﻟﺘﻲ ﻓﻼﻥ ﻫﺬﺍ ﻗﺎﻟﻴﻬﺎ ﺃﻳﻴﻪ ﺳﻠﻤﺎﺕ ﻣﻌﺎﻩ ﻭﻟﻜﻦ ﺑﺎﺵ ﺗﻔﺘﺢ ﻣﻌﺎﻩ ﺍﻟﻤﻮﺿﻮﻉ ﺩﻳﺎﻟﻲ ﺟﺎﻫﺎ ﺻﻌﻴﺐ ﺣﻴﺖ ﻋﻤﺘﻲ ﻣﻜﺎﺗﻌﺮﻓﺶ ﺍﻟﻌﺮﺑﻴﺔ ﻭﻻﺧﺮ ﻣﻜﺎﻳﻌﺮﻓﺶ ﺷﻠﺤﺔ ……. ﺩﻭﺯﺍﺗﻮ ﻟﻴﺎ ﻧﻬﻀﺮ ﻣﻌﺎﻩ ﻫﻀﺮﺕ ﻣﻌﺎﻩ ﻻﺑﺎﺱ ﻻﺑﺎﺱ ﻳﺎﻟﻠﻪ ﻗﻠﺖ ﻟﻴﻪ ﺃﻧﺎ ﻣﻮﺣﻤﺎﺩ ﻭﻟﺪ ﻓﻼﻧﺔ ﻭ ﻫﺎ ﻋﻼﺵ ﺑﻐﻴﺘﻚ ﻭ ﻫﻮ ﻳﻘﻄﻊ ﻋﻠﻴﺎ ﻭ ﺩﺭﺕ ﺭﺍﺳﻲ ﺑﺎﻗﻲ ﻛﺎﻧﻬﻀﺮ ﻣﻌﺎﻩ ﻭ ﻋﻤﺘﻲ ﻛﺎﺗﺴﻤﻊ ﻛﺪﺑﺖ ﻋﻠﻰ ﻋﻤﺘﻲ ﻭﻗﻠﺖ ﻟﻴﻬﺎ ﺑﻠﻲ ﻗﺎﻟﻴﺎ ﺻﺎﻓﻲ،ﻏﺪﺍ ﺟﻲ ﻓﺤﺎﻟﺘﻚ ﻭ ﻣﻠﻲ ﺗﻜﻮﻥ ﻓﺎﻟﻤﺤﻄﺔ ﻋﻴﻴﻂ،ﻋﻠﻴﺎ ……. ﻗﺎﻟﺖ ﻟﻴﺎ ﻋﻤﺘﻲ ﺇﻭﺍ ﻻﺑﺎﺱ ﺭﺍﻩ ﻗﻠﺖ ﻟﻴﻚ ﻏﺎ ﺳﺎﻋﻔﻨﻲ ﻭﺍﻟﻠﻪ ﻣﻐﺎﻳﺨﻴﻴﺒﻜﺶ ….. ﺻﺎﻓﻲ ﺩﺍﺑﺎ ﺃﻋﻤﺘﻲ ﻏﺪﺍ ﻧﻘﺪﺭ ﻧﻤﺸﻲ …. ﺃﻩ ﻏﺪﺍ ﺳﻴﺮ ﺩﺍﺑﺎ ﺍﻟﻠﻪ ﺇﻋﺎﻭﻧﻚ ﺃﻧﺎ ﻫﺎﻧﻴﺔ ﻣﻦ ﺟﻬﺘﻚ …… ﻟﻐﺪ ﻟﻴﻪ ﻓﻘﺖ ﺻﺒﺎﺡ ﺩﻳﺎﻝ ﺗﻨﻴﻦ ﻭ ﻧﺰﻻﺕ ﻣﻌﺎﻳﺎ ﻋﻤﺘﻲ ﺣﺪﺍ ﺍﻟﻄﺮﻳﻖ ﺟﺎ ﻭﺍﺣﺪ ﺍﻟﺨﻄﺎﻑ ﺗﻮﺍﺩﻋﺖ ﻣﻊ ﻋﻤﺘﻲ ﻭ ﻳﺎﻟﻠﻪ ﻫﺰﻳﺖ ﺭﺟﻠﻲ ﻧﻄﻠﻊ ﻟﺮﻭﻧﻮ ﻭﻫﻲ ﺗﻘﻮﻝ ﻟﻴﺎ ﻋﻤﺘﻲ ﻭﻓﺎﺵ ﻏﺎﻃﻌﻴﻴﻂ ﻋﻠﻰ ﺧﺎﻟﻚ ﺇﻟﻰ ﻭﺻﻠﺘﻲ ﻟﺘﻤﺔ …… ﺃﻩ ﻧﺴﻴﺖ ﻧﻤﺮﺓ ﺃﻋﻤﺘﻲ ﻣﺎﺧﺪﻳﺘﻬﺎﺵ ﻋﻨﺪﻙ …….. ﺍﻟﺨﻄﺎﻑ ﻛﺎﻳﻐﻮﺕ ﻭﻃﻠﻘﻨﺎ ﺃﺳﻲ ﺍﻟﻠﻪ ﺇﺭﺣﻢ ﻭﺍﻟﻴﺪﻳﻦ …… ﻏﺎﻟﺼﺒﺮ ﺍﻟﻠﻪ ﺇﺭﺣﻢ ﻭﺍﻟﻴﺪﻳﻦ ﻧﻘﻴﻴﺪﻭ ﻏﺎ ﻭﺍﺣﺪ ﻧﻤﺮﺓ ﻭ ﺧﺎ ﻧﻤﺮﺕ ﻛﻠﺜﻮﻡ ﻭ ﻧﻌﻴﻤﺔ ﻭ ﺧﺪﻳﺠﺔ ﺣﺴﻦ ﻣﻦ ﺍﻟﻘﺤﺒﺔ ﻳﻤﺎﻫﺎ ﺑﺄﻟﻒ ﺩﺭﺍﺟﺔ ….. ﻗﻴﻴﺖ ﻧﻤﺮﺓ ﻭﻃﻠﻌﺖ ﺍﻟﻜﻮﻑ ﻭ ﺍﻟﺨﻄﺎﻑ ﻣﺸﺎﺭﺟﻲ ﺩﺭﺍﺭﻱ ﻭﺩﺭﻳﺎﺕ ﻗﺪﻱ ﻟﻲ ﻛﺎﻳﻘﺮﺍﻭ ﻓﺎﻹﻋﺪﺍﺩﻱ ﻓﺘﻔﺮﺍﻭﺕ ﻛﺎﻳﺪﻭﺯﻭ ﺍﻟﺴﺒﺖ ﻭ ﺍﻟﺤﺪ ﻣﻊ ﺩﻳﻮﺭﻫﻮﻡ ﻭ ﻧﻬﺎﺭ ﺗﻨﻴﻦ ﻛﺎﻳﺼﺒﺤﻮ ﻓﺎﻟﻜﻮﻟﻴﺞ ……. ﻛﺎﻧﺴﻤﻊ ﻭﺍﺣﺪ ﺭﺑﻌﺔ ﺩﺭﻳﺎﺕ ﻛﺎﻳﻬﻀﺮﻭ ﻋﻠﻰ ﺍﻟﻔﺮﻭﺽ ﻟﻲ ﻋﻨﺪﻫﻮﻡ ﺩﻳﻚ ﺍﻟﺴﻴﻤﺎﻧﺔ ﻭ ﺍﻟﺪﺭﺍﺭﻱ ﻏﺎ ﺳﺎﻛﺘﻴﻦ ﻭﻣﺒﻮﻗﻴﻦ ﺑﻨﻌﺎﺱ ﻣﺤﺎﻣﻠﻴﻨﺶ ﺩﺍﻙ ﺍﻟﺼﺒﺎﺡ ﺩﻳﺎﻝ ﺗﻨﻴﻦ ﻭ ﻣﺎﻛﺮﻫﻮﺵ ﺇﺑﻘﺎﻭ ﻏﺎ ﻓﺎﻟﺪﻭﺍﺭ ﻭ ﻧﺎ ﻛﺎﻧﺸﻮﻑ ﻓﻴﻬﻮﻡ ﺣﺎﻟﺘﻲ ﻛﺜﺮ ﻣﻦ ﺣﺎﻟﻬﻮﻡ ……. ﻋﻼﺵ ﺗﺎ ﺃﻧﺎ ﻣﺎﻛﻤﻠﺘﺶ ﻗﺮﺍﻳﺘﻲ ﻋﻼﺵ ﺗﺎ ﺃﻧﺎ ﻣﺎﻧﻜﻮﻧﺶ ﺑﻴﻨﺎﺗﻬﻮﻡ ﻫﺰ ﺷﻜﺎﺭﺗﻲ ﻭ ﻏﺎﺩﻱ ﻟﻠﻜﻮﻟﻴﺞ ﻋﻼﺵ …… ﻭﻋﻼﺵ ……. ﻭ ﻋﻼﺵ …… ﻭﻟﻜﻦ ﻟﻲ ﻳﺠﺎﻭﺑﻨﻲ ﻣﻜﺎﻳﻨﺶ ……… ﻭﺻﻠﻨﺎ ﻟﺘﻔﺮﺍﻭﺕ ﻭﻧﺰﻟﻨﺎ ﺍﻟﺨﻄﺎﻑ ﻋﻠﻰ ﺻﺒﺎﺡ ﻛﺎﻳﺮﺑﺮﺏ ﻭ ﻳﻌﺎﻳﺮ ﺳﻠﺘﻮ ﻟﻴﻪ ﺟﻮﺝ ﺑﺮﺍﻫﺶ ﺧﻠﺼﻨﺎ ﺃﻧﺎ ﻭﺍﻟﺪﺭﻳﺎﺕ ﻭﺑﻘﻴﺖ ﻛﺎﻧﺸﻮﻑ ﻓﻴﻬﻢ ﻏﺎﺩﻳﻴﻦ ﺑﺮﺑﻌﺔ ﻭﻛﺎﻧﻘﻮﻝ ﺳﻌﺎﺩﺗﻬﻮﻡ ﻋﺎﺩﻳﻴﻦ ﻭﻗﺼﺪﻳﻦ ﺑﻌﺪﺍ ﺷﻲ،ﺑﺎﺏ ﺇﺩﺧﻠﻮ ﻣﻌﺎﻩ …… ﺗﻔﻮﻭﻭﻭﻭﻭﻭ ﻫﺎﻧﺎ ﺩﺍﺑﺎ ﻓﺘﺎﻓﺮﺍﻭﺕ ﻫﺎ ﺍﻟﻜﺎﺭ ﻏﺎﺩﻱ ﻟﻠﺮﺑﺎﻁ،ﻓﺎﺷﻤﻦ ﻣﺪﻳﻨﺔ ﻏﺎﻧﻨﺰﻝ …… ﻓﻴﻦ ﻏﺎﻧﻘﺼﺪ ﻧﻌﺎﻭﺩ ﻧﺮﺟﻊ ﻟﺪﺍﻙ ﻟﻮﻳﻞ ﺩﻳﺎﻝ ﺳﻼ ﻭ ﺍﻟﺮﺑﺎﻁ ﻧﻤﺸﻲ ﻧﻘﻠﺐ ﺗﺎﻧﻲ ﻋﻠﻰ ﺍﻟﻘﺤﺒﺔ ﻭﻋﻠﻰ ﺩﺍﺭ ﺷﻲ ﻗﻮﺍﺩﺓ ﻓﻴﻦ ﺣﺎﻟﺔ ……. ﻻ ﻻ ﻣﻐﺎﻧﺮﺟﻌﺶ ﻣﺰﺍﻝ ﻟﺴﻼ ﻣﺎﻋﻄﺎﺗﻨﻴﺶ ﺑﺮﺍﻛﺔ ﺩﺍﻛﺸﻲ ﻟﻲ ﺩﻭﺯﺕ ﻓﻴﻬﺎ …… ﻏﺎﻧﺪﻳﺮ ﺑﻜﻠﻤﺔ ﺩ ﻋﻤﺘﻲ ﻭ ﻏﺎﻧﻤﺸﻲ ﻟﻤﺮﻛﺶ ﻧﺠﺮﺏ ﻓﻴﻬﺎ ﺣﻀﻲ ﻟﻌﻠﻰ ﻭ ﻋﺴﻰ ……. ﻣﺸﻴﺖ ﻟﺒﻴﺮﻭ ﺩﻳﺎﻝ ﺍﻟﻜﺎﺭ ﻗﺎﻟﻴﺎ ﺩﺍﻙ ﺍﻟﺸﺎﺭﻑ ﻟﻲ،ﻓﺎﻟﺒﻴﺮﻭ ﺍﻟﻜﺎﺭ ﺭﺍﻙ ﻛﺎﺗﺸﻮﻑ ﻓﻴﻪ ﻣﻐﺎﻳﺪﻳﺮﺵ ﺩﻳﺒﺎﺭ ﺗﺎﻝ 6 ﺩ ﺍﻟﻌﺸﻴﺔ ﺇﻟﻰ ﻛﻨﺘﻲ ﺯﺭﺑﺎﻥ ﺍﻟﻄﺎﻛﺴﻴﺎﺕ ﺩﻳﺎﻝ ﺗﺰﻧﻴﺖ ﺭﺍﻩ ﻣﻮﺟﻮﺩﻳﻦ ﻭ ﺗﻤﺔ ﻏﺎﺗﻠﻘﺎ ﺍﻟﻤﺮﻛﻮﺏ ﺩﻳﺎﻝ ﻣﺮﻛﺶ ﻋﻠﻰ ﺟﻬﺪ …… ﺩﺍﻛﺸﻲ ﻟﻲ ﺩﺭﺕ ﺷﺪﻳﺖ ﻃﺎﻛﺴﻲ ﻟﺘﺰﻧﻴﺖ ….. ﺗﺰﻧﻴﺖ ﺷﺪﻳﺖ ﺍﻟﻜﺎﺭ ﻟﻤﺮﻛﺶ …… ﺍﻟﻄﺮﻳﻖ ﻛﻠﻬﺎ ﻭﻋﻴﻨﻴﺎ ﻣﺎﻣﻐﻤﻀﻴﻨﺶ ﻛﻨﻔﻜﺮ ﻓﻴﻦ ﻏﺎﻧﻤﺸﻲ ﻭ ﺷﻜﻮﻥ ﻏﺎﻧﻘﺼﺪ ﻭﻟﻜﻦ ﻛﻴﻔﻤﺎ ﻛﺎﻥ ﺍﻟﺤﺎﻝ ﻣﺮﻛﺶ ﻛﺎﻳﻌﺎﻭﺩﻭ ﻋﻠﻴﻬﺎ ﻧﻘﻴﺔ ﻭﻧﺎﺳﻬﺎ ﺑﺴﻄﺎﺀ ﻭ ﺩﺭﺍﻭﺵ ﻣﻐﺎﺗﻜﻮﻧﺶ ﺑﺤﺎﻝ ﺳﻼ ………. ﻣﺮﻛﺶ ﺩﺧﻠﺖ ﻟﻴﻬﺎ ﻓﺎﻟﻀﻼﻡ ﻓﺎﻝ ﺯﻳﻦ ﻫﺬﺍ ﻏﻴﻜﻮﻧﻮ ﻳﻤﺎﺗﻬﺎ ﻣﻀﻠﻤﻴﻦ ﻛﺜﺮ ﻣﻦ ﺩﻳﺎﻝ ﺳﻼ …… ﺍﻟﻤﻐﺮﺏ ﺩﺧﻞ ﺍﻟﻜﺎﺭ ﺍﻟﻤﺤﻄﺔ ﺣﺎﻟﺘﻲ ﺣﺎﻟﺔ ﻣﺪﻛﺪﻙ ﻣﺴﺨﺴﺦ ﻓﺎﻳﻖ ﻣﻦ ﺳﺘﺔ ﺩﻳﺎﻝ ﺍﻟﺼﺒﺎﺡ ﺩﺧﻠﺖ ﺍﻟﻤﺤﻄﺔ ﻟﺪﺍﺧﻞ ﻛﻠﺴﺖ ﻓﺸﻲ ﻛﺮﺍﺳﺔ ﻋﻴﻨﻴﺎ ﺑﺪﺍﻭ ﻛﺎﻳﺘﻐﻤﻀﻮ ﻣﺰﺍﻝ ﻛﺎﻉ ﻣﺎﻭﺻﻼﺗﺶ ﺗﻤﻨﻴﺔ ﺩﻳﺎﻝ ﻟﻴﻞ ﻭﺍﺣﺪ ﻟﺤﻀﺔ ﻏﻤﻂ ﻧﻌﺴﺖ ﻭﻧﺎ ﻣﻜﺴﻞ ﺭﺟﻠﻲ ….. ﺗﺎ ﻛﺎﺗﻘﻮﻝ ﻟﻴﺎ ﻭﺍﺣﺪ ﺍﻟﺸﺎﺭﻓﺔ ﺟﻤﻊ ﺭﺟﻠﻴﻚ ﺃﻭﻟﺪﻱ ﺟﻤﻊ ﺣﻠﻴﺖ ﻋﻴﻨﻲ ﻟﻘﻴﺘﻬﺎ ﺷﺎﺩﺍ ﻛﺮﺍﻃﺔ ﻭﺟﻔﺎﻑ ﻛﺎﺩﻭﺯ ﻋﻠﻰ ﻻﺭﺽ ﻗﻠﺖ ﻟﻴﻪ ﻓﺪﻣﺎﻏﻲ ﺃﻭﺩﻱ ﺃﺵ ﻛﺎﺗﺠﻔﻔﻲ ﺍﻟﺤﺎﺟﺔ ﻧﺘﻲ ﺭﺍ ﺧﺎﺻﻚ ﺗﻤﺸﻲ ﺍﻟﻘﺒﺮ ﺗﺮﺗﺎﺣﻲ ﺗﻔﻮ ﻋﻠﻰ ﻣﻨﻀﺮ ﻭﺟﻪ ﺩﻳﻚ ﺍﻟﺸﺎﺭﻓﺔ ﻛﻴﺪﺍﻳﺮ ﻛﻞ ﻣﻜﺮﺵ ﻭ ﺳﻤﺮﺓ ﻭﺍﺷﻤﺔ ﻓﻮﺟﻬﺎ ﻭ ﺳﻨﺎﻧﻬﺎ ﻃﺎﻳﺤﻴﻦ ﺑﺎﻟﻜﺎﺭﻭ ﺟﺒﻬﺘﻬﺎ ﻣﻜﺘﻮﺏ ﻋﻠﻴﻬﺎ ﺍﻟﻌﺬﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺏ ….. ﻫﺰﻳﺖ ﺻﺎﻛﻲ ﻭﻣﺸﻴﺖ ﻟﻄﻮﺍﻟﻴﻂ ﺩﻳﺎﻝ ﺍﻟﻤﺤﻄﺔ ﻟﻘﻴﺖ ﺍﻟﺼﻒ ﺩﻳﺎﻝ ﺍﻟﺒﺸﺮ ﺗﻘﻮﻝ ﻓﺪﺍﺭ ﺍﻟﻀﺮﻳﺒﺔ ﻭ ﻻ ﺩﺍﺭ ﺍﻟﻀﻮ ﺑﻨﺎﺩﻡ ﻛﻞ ﺟﺎﺗﻮ ﺍﻟﺨﺮﻳﺔ ﻓﻠﻮﻗﻴﺘﺔ ﻓﺎﺵ ﻏﺎﻧﻐﺴﻞ ﻭﺟﻬﻲ ﻧﺤﺲ ﺩﺧﻠﺖ ﻟﻄﻮﺍﻟﻴﻂ ﺣﻴﻴﺖ ﺳﺮﻭﺍﻟﻲ ﻭﺭﻳﺤﺖ ﻭﺑﻘﻴﺖ ﻛﺎﻧﻘﺮﺍ ﺍﻟﺠﺮﻳﺪﺓ ﻟﻲ ﻓﺪﺍﻙ ﺍﻟﺒﺎﺏ ﻟﺪﺍﺧﻞ ﺩﺍﻛﺸﻲ ﻣﺨﻠﻂ ﻫﺎ ﺍﻟﺤﺪﻳﺖ ﻫﺎ ﺍﻟﺰﻣﻠﺔ ﻫﺎ ﺍﻟﺘﻘﺤﺒﻴﻦ …….. ” ﺧﻮﻱ ﺍﻟﻤﺎﺀ ﻳﺎ ﺍﻟﺤﻴﻮﺍﻥ ” ﻧﻀﻒ ﻣﻜﺎﻧﻚ ﻷﺧﻴﻚ ” ” ﺍﻟﻨﻀﺎﻓﺔ ﻣﻦ ﺍﻹﻳﻤﺎﻥ ” ” ﻧﻤﺮﺓ ﺯﺍﻣﻞ ﺭﺿﻮﺍﻥ 24/24 ” ﻧﻤﺮﺓ ﺯﺍﻣﻞ ﻣﺮﺍﺩ ﻓﻲ ﺍﻟﺨﺪﻣﺔ ” ” ﺍﻟﻘﺤﺒﺔ ﺳﻜﻴﻨﺔ ” ﺑﻨﺖ ﺍﻟﺤﺎﺟﺔ ﻓﺎﻟﻤﺤﻄﺔ ” ﺑﻘﻴﺖ ﻛﺎﻧﻘﺮﺍ ﺩﺍﻙ ﺍﻟﺰﺍﺏ ﺟﺎﻧﻲ ﻓﺸﻜﻞ ﺗﺎ ﻧﺴﻴﺖ ﺭﺍﺳﻲ ﻛﺎﻳﺪﻭﻕ ﻋﻠﻴﺎ ﺩﺍﻙ ﺍﻟﺰﺍﻣﻞ ﻟﻲ ﻣﻜﻠﻒ ﺑﺎﻟﻄﻮﺍﻟﻴﻄﺎﺕ ﻣﺎﺧﺮﻳﺖ ﻣﺎﺑﻠﺖ ﻣﺎ ﻏﺴﻠﺖ ﺗﺎﻭﺟﻬﻲ ﺧﺮﺟﺖ ﺧﺪﺭﺕ ﺭﺍﺳﻲ ﻛﺎﻧﺤﺰﻡ ﺳﺮﻭﺍﻟﻲ ﻗﺎﻟﻴﺎ ﻫﺪﺍﻙ ﻭﺍﺳﻲ ﺧﺎﺭﺝ ﻣﻦ ﺍﻟﻜﻮﺭﻱ ….. ﻗﻠﺖ ﻟﻴﻪ ﻋﻼﺵ ﻭ ﺗﺎ ﻣﻴﺰﻱ ﻓﻠﻮﺱ ﺍﻟﻄﻮﺍﻟﻴﻂ ….. ﺧﺸﻴﺖ ﺇﺩﻱ ﻓﺠﻴﺒﻲ ﻗﻠﺖ ﻟﻴﻪ ﻭ ﺍﻟﻠﻪ ﻣﺎ ﻋﻨﺪﻱ ﺍﻟﺼﺮﻑ …… ﻭﺗﺎ ﻣﺴﺎﻓﺮ ﻭ ﻣﻌﻨﺪﻛﺶ ﺩﺭﻫﻢ ﻓﺠﻴﺒﻚ ……… ﻟﻴﻠﺔ ﺍﻟﻘﺤﺒﺔ ﻳﻤﺎﻫﺎ ﻛﺤﻠﺔ ﺭﺟﻌﺖ ﺍﻟﻜﺮﺳﻲ ﺩﻳﺎﻟﻲ،ﺑﻘﻴﺖ ﻛﺎﻟﺲ ﻭﻟﻜﻦ ﻣﻊ ﻃﻨﺎﺵ ﺑﺎﻧﻮ ﻟﻴﺎ ﺍﻟﺒﻮﻟﻴﺲ ﺩﺍﺧﻠﻴﻦ ﻣﻊ ﺍﻟﺒﺎﺏ ﻭﺍﺣﺪ ﺳﻴﻔﻴﻞ ﻭ ﺟﻮﺝ ﺿﺮﺑﻴﻦ ﻛﺴﻮﺓ ﺗﻔﻮﻭﻭﻭﻭﻭﻭﻭﻭﻭ ﻟﻴﻠﺔ ﻟﻮﻟﺔ ﺗﺎﻧﻲ ﻓﺎﻟﻤﺪﻳﻨﺔ ﺑﺪﻳﻨﺎ ﺑﺴﻠﻴﺖ ﻭ ﺍﻟﻜﺪﻭﺏ ﺯﻫﺮ ﻣﻜﻮﺯ …… ﺑﺪﺍﻭ ﺍﻟﺒﻨﺎﺩﻡ ﻟﻲ ﻣﻜﺎﺳﻞ ﻣﻦ ﺍﻟﺮﺍﺱ ﻫﺎ ﻟﻲ ﻋﻄﺎﻫﻮﻡ ﻻﻛﺎﺭﻁ ﻫﺎ ﻟﻴﺪﺍﻭﻩ ﻣﻌﻬﻢ ﺃﻧﺎ ﻗﺒﻞ ﻣﺎﻳﻮﺻﻠﻮ ﻟﻴﺎ ﺣﻠﻴﺖ ﺻﺎﻛﻲ ﻭﺟﺒﺖ ﻭﺍﺧﺪ ﺍﻟﻔﻮﻃﺔ ﻟﺤﺘﻬﺎ ﻋﻠﻰ ﻭﺟﻬﻲ ﻭﺩﺭﺕ ﺭﺍﺳﻲ ﻧﺎﻋﺲ …… ﻭﺻﻠﻮ ﻟﻌﻨﺪﻱ ﻭﺿﺮﺑﻨﻲ ﻭﺍﺣﺪ ﻓﺮﺟﻠﻲ ……. ﻭﺗﻜﻌﺪ ﺍﻟﺸﺮﻳﻒ ﺩﺭﺕ ﺭﺍﺳﻲ ﻓﺎﻳﻖ ﻣﻦ ﻧﻌﺎﺱ ﻗﻠﺖ ﻟﻴﻬﻢ ﻧﻌﻢ ﺃﺷﺎﻑ ﻻ ﻛﺎﺭﻁ ﺩﻳﺎﻟﻚ ﻣﺰﺍﻝ ﻣﺼﺎﻳﺒﺘﻬﺎﺵ ﺃﺷﺎﻑ …… ﻭﺍﺵ ﻛﺎﺩﻳﺮ ﻓﺎﻟﻤﺤﻄﺔ ﻫﺪ ﻟﻮﻗﻴﺘﺔ ؟؟ ﻣﺴﺎﻓﺮ ﺃﺷﺎﻑ ؟؟ ﻣﻌﺎﻣﻦ ﻣﺴﺎﻓﺮ ﻣﻌﻚ ﺷﻲ ﺣﺪ …… ﺗﺒﺜﻮ ﻣﺰﻳﺎﻥ ﺣﻴﺖ ﺑﺪﺍﻭ ﺍﻟﻘﻮﺍﻟﺐ ﻭﺍﻟﻜﺪﻭﺏ ﺩﻳﺎﻝ ﻛﻠﺜﻮﻡ ﻛﺎﻳﻄﻠﻌﻮ ﻣﻌﺎﻳﺎ ﻭﻛﺎﻧﺨﺪﻣﻬﻢ ﻗﻠﺖ ﻟﻴﻪ ﻻ ﺃﺷﺎﻑ ﺃﻧﺎ ﻫﻨﺎ ﻛﺎﻧﺘﺴﻨﻰ ﻏﺎ ﺍﻟﻮﺍﻟﻴﺪﺓ ﺩﻳﺎﻟﻲ ﺟﺎﻳﺎ ﻣﻦ ﺃﻛﺎﺩﻳﺮ ﻭ ﻣﻦ ﺑﻌﺪ ﻋﺎﺩ ﻏﺎﻧﻜﻤﻠﻮ ﻟﻜﺎﺯﺍ ﻋﻨﺪﻱ ﺧﻮﻳﺎ ﻣﺮﻳﺾ ﺗﻤﺔ ﻭ ﺑﻐﻴﻨﺎ ﻧﺸﻮﻓﻮﻩ ….. ﻃﺮﻳﻖ ﺍﻟﺴﻼﻣﺔ ﻭ ﺣﻀﻲ ﺣﻮﺍﻳﺠﻚ ….. ﺍﻟﻠﻪ ﺇﺳﻠﻤﻚ ﺃﺷﺎﻑ …. ﻭ ﺭﺟﻌﺖ ﺍﻟﻔﻮﻃﺔ ﺩﻳﺎﻟﻲ ﻋﻠﻰ ﻭﺟﻬﻲ ﻣﻊ ﺍﻟﺨﺎﻣﺴﺔ ﺩ ﺍﻟﺼﺒﺎﺡ ﻗﻠﺖ ﻫﺎﺻﻨﻲ ﻧﺘﻔﺎﻙ ﻣﻦ ﻫﺪ ﺍﻟﺼﺎﻙ ﻟﻲ ﻏﺎﺗﺒﻌﻨﻲ ﻭ ﻻﺻﻖ ﻓﻴﺎ ﻓﻴﻦ ﻏﺎﻧﺪﻳﺮﻭ …… ﺩﺧﻠﺖ ﺍﻟﻤﺤﻄﺔ ﺟﻮﺍﻳﻪ ﺍﻟﻜﻴﺮﺍﻥ ﻭﺑﻘﻴﺖ ﻛﺎﻧﺪﻭﺭ ﺑﺎﻥ ﻟﻴﺎ ﻭﺍﺣﺪ ﺍﻟﻜﺎﺭ ﻣﺨﺸﺨﺶ ﻭ ﻣﻬﺠﻮﺭ ﻭ ﻫﺰ ﻓﻮﻕ ﻣﻨﻮ ﻃﻮﻥ ﺩﻳﺎﻝ ﺍﻟﻐﺒﺮﺓ ﻗﻠﺖ ﺻﺎﻓﻲ ﻟﻘﻴﺖ ﻓﻴﻦ ﺗﻬﻨﺎ ﻓﻬﺪ ﺍﻟﺼﺎﻙ ﺟﺮﺑﺖ ﺍﻟﺒﺎﺏ ﻧﻤﺸﻲ ﻧﻘﻠﺐ ﻋﻠﻰ ﺭﺍﺳﻲ ﻧﺸﻮﻑ ﺷﻲ ﺣﻞ ﻟﻜﺮﻱ ﺧﺮﺟﺖ ﻣﻦ ﺍﻟﻤﺤﻄﺔ ﺗﻼﻗﻴﺖ ﻣﻊ ﻭﺍﺣﺪ ﺍﻟﺸﺎﺭﻑ ﻛﺎﻳﺒﻴﻊ ﺿﻴﻄﺎﻱ ﻗﻠﺖ ﻟﻴﻪ ﺷﺮﻳﻒ ﺍﻟﻠﻪ ﺇﺭﺣﻢ ﻭﺍﻟﻴﺪﻳﻦ ﻧﺴﻮﻟﻚ …….. ﻗﺎﻟﻴﺎ ﻣﺮﺣﺒﺎ ﺃﻭﻟﺪﻱ ﻣﺎﻟﻚ ……. ﻗﻠﺖ ﻟﻴﻪ ﻭﺍﻟﻠﻪ ﻣﺎ ﻋﺮﻓﺖ ﻋﻼﺵ ﻏﺎﻧﺴﻮﻟﻚ ﻭ ﻣﺎﻋﺮﻓﺘﺶ ﻓﻴﻦ ﻏﺎﻧﺒﺪﺍ ……. ﻭﺍﺵ ﻛﺎﺗﻘﺤﺒﻦ ﻋﻠﻴﺎ ﺃﻭﻟﺪﻱ ﺻﺒﺎﺡ ﻫﺬﺍ ﻭ ﻳﺎﻟﻠﻪ ﻗﻠﻨﺎ ﺑﺴﻤﻲ ﺍﻟﻠﻪ ﺩﻭﻱ ﻣﺎﻟﻚ ﻛﺮﻳﺴﺎﻭﻙ ……. ﻻ ﻻ ﻣﺰﺍﻝ ……. ﻭﺍﺷﻨﻮ ﺗﻠﻔﺘﻲ ﺷﺪ ﻻﺭﺽ ﺿﺮﺑﻚ ﺣﻤﺎﺭ ﻟﻴﻞ ﻭ ﺗﺎ ﺩﻭﻱ ﻣﺎﻟﻚ ……… ﺃﻭﺩﻱ ﺃﻧﺎ ﺍ ﺍﻟﺸﺮﻳﻒ ﺑﺎﻏﻲ ﻧﺨﺪﻡ ﺟﻴﺖ ﻣﻦ ﺍﻟﺒﻼﺩ ﻭ ﺗﻘﻄﻊ ﺑﻴﺎ ﺍﻟﺤﺒﻞ ﻓﻬﺪ ﺍﻟﻤﺪﻳﻨﺔ ﻛﻴﻐﺎﻧﺪﻳﺮ ﺑﺎﺵ ﻧﺨﺪﻡ ﺑﺎﻏﻲ ﻏﺎ ﻧﺨﺪﻡ ﺃﻱ ﺣﺎﺣﺔ ﻛﺎﻧﺖ ………. ﻭ ﺍﻟﺨﺪﻣﺔ ﺃﻭﻟﺪﻱ ﻓﻬﺪ ﺍﻟﺒﻼﺩ ﻟﻘﺎﻭﻫﺎ ﺗﺎ ﺍﻟﻨﺎﺱ ﻟﺲ،ﻗﺮﺍﻭ ﺑﻘﻴﺘﻲ ﻏﺎ ﻧﺘﺎ ﻟﻲ ﺭﺍﺳﻚ ﺑﺎﻗﻲ ﻣﻼﺻﻖ ﻣﻊ ﺭﺟﻠﻴﻚ ﻣﺎﻋﻨﺪﻱ ﺑﺎﺵ ﻧﻌﺎﻭﻧﻚ ﺃﻭﻟﺪﻱ ﻫﺎﻧﺘﺎ ﻛﺎﺗﺸﻮﻑ ﻫﺪ ﺍﻟﺒﻮﺍﻃﺔ ﺩﺍﻟﻜﺎﺭﻭ ﺑﺎﺵ ﻋﺎﻳﺸﻴﻦ ﻣﻲ ﻛﺎﻧﺖ ﻛﺎﺗﻮﺣﻢ ﻋﻠﻰ ﺍﻟﺒﺎﻛﻴﺔ ﺩﻳﺎﻝ ﻣﺮﻟﺒﻮﺭﻭ ﻭ ﻫﺎﻧﺎ ﻟﺼﻘﻬﺎ ﻟﻴﺎ ﺍﻟﻠﻪ ﻓﺘﺮﻣﺘﻲ ﻭ ﻧﺎ ﺻﻐﺮ ﻣﻨﻚ ﻭ ﻫﺰﻫﺎ ﻓﻴﺪﻱ ……. ﻧﺎﺭﻱ ﻫﺪ ﺯﺑﻲ ﻛﺎﻧﻌﺎﻭﺩ ﻟﻴﻪ ﻭ ﻛﺎﻧﺸﻜﻲ ﻋﻠﻴﻪ ﻭ ﻛﺎﻳﺸﻜﻲ ﻋﻠﻴﺎ ﺗﺎ ﻫﻮ ﻭ ﺧﺎ ﻋﻤﻲ ﺍﻟﻠﻪ ﺇﻋﺎﻭﻧﻚ ….. ﺍﻟﻠﻪ ﺇﻋﺎﻭﻧﻚ ﻭ ﻏﺎ ﻗﻠﺐ ﻋﻠﻰ ﺭﺍﺳﻚ ﻭ ﻣﺎﺗﻘﻨﻄﺶ ﺭﺣﻤﺔ ﺍﻟﻠﻪ ﻭﺍﺳﻌﺔ ﻭﻣﺎﺗﻌﻮﺩﺵ ﻷﻱ ﻭﺍﺣﺪ ﺭﺍﻩ ﻭ ﻻﺩ ﺍﻟﻘﺤﺎﺏ ﻛﺜﺎﺭ ﻏﺎﻳﺘﻜﺮﻓﺼﻮ ﻋﻠﻴﻚ ﺳﻴﺮ ﺍﻟﻠﻪ ﺇﻋﺎﻭﻧﻚ ………
ﻳﺘﺒﺎﻉ……
لا يوجد تعليقات
أضف تعليق