أيام لي دوزتها فالزنقة فمركش …. تلاقيت فيهوم مع واحد الدري وتصاحبنا سمييتو سعيد …… ولكن ما عمرني شفتو سعيد ولاو لحضة واحدة ديما مغوبش وطالع ليه الدام وطالع ليه دنيا فراس ….. غاتكون عندو ديك سبعطاش ر عام العقدة ديالو هي باه كل نهار كايحلف ليا تا روحو غاتكون بين إديه حيت حوا مو وحملات به واعدها بالزواج …… وخا حملو بسعيد و لي عطا الله عطاه ماتفرقوش حيت كان عندها أمل مسكينة باش إدير ليها الكاغط …… ولكن عاود ضرب ليها طبون قبل الكاغط و حملات بالبرهوشة خت سعيد لي غاتكون عندها ديك الساعة شي عشر سنين …… سبع سنين ديال العلاقة غير شرعية بين سعيد و ختو و فالمجموع سبعطاش ر عام ….. سعيد و خا كنت تا أنا هز فقلبي كثر منو و لكن كايبقى فيا حيت هو أبساط حق مكايكسابوش فهد الدنيا و هو الكنية (النسب ) ما عندوش ماعمرو عتب المدرسة و رقة واحد مكاتكسابهاش مو و البرهوشة ديال ختو كان كايقوليا مكاينش لي كايبقى فيا قدها شنو دنبها مسكينة تا ضيع بحالي …… أما القحبة ديال مي تا هي لي غا فوقتما رشقات ليه تحل طبونها تا هي كاتبقى فيا و لكن سر دين مها سرها هي لي بغات ….. بات سعيد غا عرف مو حاملة تاني مرة و هو يهز صاكو وقود كاين لي كايقول ليهوم راه فوجدة كاين لي كايقول ليهوم راه كاين فتارودانت كل واش كايقول ليهوم ….. عياو مايقلبو تا عياو وشدو لارض ……… موت سعيد مشات ديكلارات بيه و لكن ماعند هاش باش ديكلاري لا فطوكوبي دلاكارط لا شهود لا أدلة لا تقلوة و حاولت تصايب حالة المدنية باش دخلهوم المدرسة وااااااالو كاع المحاولت ديالها بؤو لها بالفشل ……. مت سعيد كارية بيت فالسطاح و طواليط و الكوزينة مشروكين مع جيران ……. كاتخدم خدمتها على حساب المواسيم و قت الفلاحة راها خدامة فالفوارم الشتوا كاتخدم فالديور …… رمضان كاطحط البغرير و المسمن و البيض مسلوق فالسويقة …… كايقول ليا سعيد بلي مو تا دار ربعطاش رعام باقا كادخل زلالة ديالها البيت إحويو فيها قدامو قاليك ولكن فسطاش ر عام باقي كانعقل نزلت على واحد ولد القحاب باليد ديال المهراز فعنقو حيت لقيتو مضارب معاها فالبيت …. من تمة حلفت ليها و نلقاك دخلتي مزال شي ولد القحبة تا نقتلك نتي و ياه ……. قاليا سعيد تفركعت عليها مزيان و حليت ليها ودنيها و شحال من مرة فكرة باش نهرب نقاود ولكن عرفتها غا تسطى ولا دير شي حاجة فراسها إلى خليتها هي والبعلوكة ديال ختي …….. الحياة أخويا موحماد مقودة كرهت القحبة يماها ماعرفتش علاش حنا فيها كاع ……….
قول ليا أموحماد …… نتا عندك مك ؟؟ لا …… كيفاش وعلاش ؟؟ ماشي بزاااف هدي باش مات ….. عتدك باك هنا فمركش ؟؟ لا تا هو ما لقيتوش كاع و ماعقلتش عليه صورتو مشات ليا بين عينايا …… تا واش كاتقحبن عليا و مع من دابا نتا هنا فمركش مع من ساكن خوك ختك عمتك …… ما مع حد بوحدي ولكن كانحس بكولشي ختي و أعمامي الكلاب المشاش كويلات زوامل القحاب طوارو د زبل جرادي و المحطة هي ضارنا و الكوميسرية عائلتي مرة مرة كايضييفوني نهار يومين ساعة ساعتين كل مرة و شحال …… تا نتا أ موحماد باك بحال با ياك خلاك ولد القحبة ؟؟؟ لا لا أنا با ماخلانيش أنا با و مي تزوجو على سنة الله و رسوله و لدوني و جا أجل ديالو و داه و مي كدالك ما مكتابش ليا نعيش معهم هدا مكان و بقا عندي عمتي فالبلاد و بقا فيها دارنا ولكن ما عندي ماندير فيها و ماعندي ماناكل فيها أنا ولفت الخدمة من صغري ولكن تلات بيا الوقت و خلاتني مي تا هي و لقيت راسي فالزنقة ……. سعيد بالرغم من داكشي لي كايعيش فيه وديك الحياة الكحلة لي مكتابة عليه و باقي قلبو فيه الحنان و العطف …. بقيتي فيا أزبي غاتكمل ليا داكشي لي خاصني فين كاتنعس دابا و فين كادوز نهارك واشنو كادير ….. وااالو البيات مرة فالمحطة مرة المقبرة مرة شي جردة و بنهار كانقود السوايع و كانخييط الزناقي ديال باب دكالة و السمارين و جامع الفناء …… شي واحد غايهز شي خنشة و لا شي حاجة كانهزها معاه و كايدور معايا و لكن دابا كانفكر باش نشري كروسة باش نجي نخدم بيها هنا فالمحطة حيت قلبت على الخدمة تا عييت و مالقيت وااااااالو …… و نتا أش كادير ؟؟؟ وااااالو ماخليت أشمن حرفة جربت تاسكليست تا تريسيانت تا صباغت ميكانيك تاشي واحد ما بغاتش تدخل ليا لدماغ ……. داك زامل ديال با ماخلاش ليا شي عقل لي يشد شي حاجة حلفت تا نجيب مو حي ولا مييت …… صافي تا نتا أصاحبي ديها فشي حاجة لي غاتنفعك و ديرها فيد الله و طهلا فمك لي هي كلشي الله ماكرهت أخويا أنا تعطى ليا مزال غا خمسة دقايق توقف فيها مي قدامي و نشوفها و نبوسها فجبهتها و نرجع تاني لهد العالم الكحل غاتكون ديك خمسة دقايق كافياني باش نعيش تاني واحد خمس سنين فسعادة و تشرد ولكن رجا فالله ……. و تا أموحماد راه واليديك أصاحبي مادارو ليك تا شي حاجة خايبة علاش غاتكرههوم ونا راه طلعو ولاد القحاب بجوج لا با لا مي ……. نوض نوض تمشي معايا …… فين ؟؟ نجيبو البرهوشة ديال ختي فجامع راه دابا غاتخرج و نشوف من بعد أش غانديرو ….. ختك كاتقرا ؟؟ أه كاتقرا و كاتخراااا ههههههههه كاتقرا القرآن فجامع حيت مدرسة ما عندناش حال المدنية يالله يالله ………
يتباع ……………
لا يوجد تعليقات
أضف تعليق