سعيد تلاقينا أنا وياه قرب المحطة ديال باب دكالة ولكن هو ساكن فباب رب نص ساعة ديال الخبيط على رجليك أنا ملي قال ليا يالله معايا نجيبو ختي من جامع قلت واش ختو كاتقرا غا فالضورة …….. بقينا كانخبطو فيها تا وصلنا لدربهوم دخلنا عند الفقيه صبن سعيد من المزيان …… و شوف أسي قول لمك إلى ماغاتجيش تدي بنتها فلوقيتة ولا ماتبقاوش تصيفطوها ليل و الله تا شي نهار تلقاوها على براااااااا ….. سعيد مكايجاوبوش قاليها و خا سي براهيم خت سعيد هي بوحدها لي لقيناها مزال فالبيت لي كايقراو فيها قالسة فواحد لقنييتة و كاتبكي خت سعيدة واحد درية فنة تبارك الله من داك نوع ديال دراري صغار لي تبغي غا تبقى تشوف فيهوم …… خرجات و وجهة كل ملطخ بالدموع و كاتنهد غوت عليها سعيد و صافي سكتينا راكي فرعتي ليا كري ………. جاوباتو وديما كاديرو ليا هاكا فيا جوع و كاع دراري جاو ماواتهوم وداوهم بوحدي لي بقيت علاش كاديرو ليا هاكا …… و ديك الهضرة قوليها لهاديك لي والداك ماتقوليهاش ليا أنا ….. قلت ليه حشومة أصاحبي تهضر مع ختك بحال هكدا باقا صغيرة ماليها تا شي دنب …… تا معارف واااالو أموحماد أنا هادي و مها راه طلعو ليا فالطنطونة ديال كري ….. بقينا كانخييطو فالزناقي و صلنا باب الدار دار غاضرك على الشتاء و صافي باب مضييق و مضلمة وبيت حدا بيت على شكل دوك رياضات ديال مركش ….. قاليا سعيد دخل أ صاحبي قلت ليه لا غا سير أنا نتسناك هنا تا تخرج …. وتا دخل أصاحبي ….. هو كايقول ليا دخل و ختو شادا فيه و كاتشوف فيا شي شوفات فشكل ماعرت مرتاحة ليا ما مرتاحاش كاتخنزر مكاتخنزرش بغا ندخل ما باغاش ……. ولكن ماشي فيها المشكيل هي مسكينة غا عارفة بلي ماماه إلى لقات خوها دخلني غاتجري علينا بجوج ……. غا دخلنا مع الباب و هي ضربها بجرية دفعات الباب ديال البيت و مشات تحت واحد مخدة وجبدات فيها باكية ديال شكلاط ماروخة ……. قاليها خوها منين جاك شكلاط ….. هي شدات ديك بكية بجوج ودين و عنقتها خايفة إحييدها ليها ….. بقات ساكتة مجاوباتوش …… قاليها راني كانهضر معك منين جاك الشكلاط …… صبرات تا عيات و جاوباتو قالت ليه قبل ماتخرج ماما جات مريم و عطاتها ليا ولكن ضربتها ماما و بقاو كايتخاصمو شحال هو وياها …….. سعيد مريم عندو شي حاجة ماجاتوش عادية ملي قالت ليه تخاصمات معاها ماما و ضربتها و جهو تزنك والعروق مسرحين فيديه …… و أنا بغيت غانعرف شكون هي ديك مريم داكشي لي مبرزطين صيفط سعيد رجليه و عطا لواحد الكوكوت عامر العدس و بااااااااااااق و عاود الصباغة الحيط و ضرب بالباب و خرج الكلوار أنا ماعرفت واش نخرج و لا نبقا بقيت كانجمع فديك العدس و كانمسح فيها …… سولت ختو شنو سمييتك قالت ليا سعيدة …… بقيت كانتعجب الدري سمييتو سعيد و الدرية سمييتها سعيدة ….. والسعادة غا كاتشاير عندهوم و مشتتة …… قلت ليها شكون هي مريم لي ضربتها مك و تخاصمات معاها ….. جوباتني جواب بريئ …… بنت الحطاب …….. أه بنت الحطاب تا أنا مشيت عليها على قد عقل دراري صغار دابا مريم واش ختك تا هي …….. وهي ضحك قالت ليا ولا هي صحبت خويا سعيد و لكن ماما مكاتحملهاش وتبعتها ههههههههههههه ديال الضحك …….. قلت ليها فخاطري صافي فهمت أش خاثك العريان الخاتم أ مولاي الفقراء دين مهوم إضورو إضورو شنو خاصنا نديرو نتحابو سعيد عندو تا ليزيكستريات بقا ليه غالحوب …….. ها هو سعيد سعيد غايجي هو ومو كايناكرو والسبان كايتشايرو فالسماء علاش تهضريها علاش …….. جات تسول عليا أش بغيتها ……… أسيدي خاصك تعطيها و تعطيك بالتيساع ماتجيش حدا داري ……… دفعات مو الباب د البيت ولقاتني شكون هو هدا ؟؟؟ هداك صاحبي ….. أنا جمعت الوقفة وكانقول يا ربي تخرج طرح على خير خاصني غا كيندير تاني نخرج نتقود ……. مني متى ولين كاندخلو صحاب لدار ……… مات سعيد صراحة هزة وبقا شادة فراسها و فيها مايدار …….. و سعيد مكايشبهش ليها البرهوشة ديال بنتها خارجة ليها …….. و خا قاليا سعيد كاتخدم فالفوارم و السويقة والديور ملي شفتها مابقاتش داخلة ليا ديك الهضرة لراسي ……. قلت ليها فخاطري أودي ماتخافيش أخالتي غانخرج نقود فحالي حسن غانبقى معكم فالدار غانصدق غا زاغبني الشيطان ونديرو شي طاب وشي مطاب أنا و ياك و ينحينا هد المعصب ديال ولدك …… ماتهضريش قدام صاحبي بحال هكدا و راه ماعندو فين إمشي غايبقى معنا هنا يا أنا وياه فهد البنيقة ياماغايبقاش تا واحد فينا ……… سعيد صرااااااحة شخصية مقودة و معصب و حاقد على الدنيا و مو كاتبان ليه غا دبان قلبو ما فيه لا رحمة لا شفقة …… سعيد لا أصاحبي أنا غانمشي خالتي مانبرزطيش أنا غانمشي أنا و سعيد غا صحاب و أصلان البيت عندكوم مضييقة الله إعاونكوم …….. يالله بغيت نخرج مع الباب و هو يدفعني تا رييح أصاحبي مضييق ولا واسع مالنا غانكريو ليك …….. خرجاتو مو وبقينا أنا وختو لداخل شحال …… عاد رجعو مهم قاضية إدخلني سعيد نسكن معهم مابغاتش تدخل لمو لدماغها و مابغاتش تقبلها و لكن دزت على وجهو وتا أنا و الله تا كنت كانفضل المحطة على داك البيت مضييق و كايتقشر و حالتو حالة و غانعسو فيه بربعة إحزق واحد نشموها كاملين …… خرجنا أنا وياه قلت ليه سعيد أنا مغانسكنش معكوم أ خويا الله إحفضك خليني نرجع البلاصتي فالمحطة قبل ما يعمروها ……. محاوبنيش بقا ساكت شحال قاليا بغيت نسولك و جاوبني بصراحة …… قلت ليه سول و الله تا نجاوبك بصراحة ……. واش ماعمرك حواك شي واحد هد اليامات لي دوزتي فمركش ……. طلع ليا الدام بداك سؤال ماحملتوش قلت ليه واش دابا بنت ليك دابا أصاحبي أنا زامل باش تسولني هد السؤال ……. واشوف و الله هنا فمركش شحال مابقيت كاتبات فالزنقة تايوركووووووو عليك ……. خلعني ولد القحبة ….. و ماحدك لقيتي فين تستر تستر و نهار دبر على كرك الله إعاون العونات …….. فعلا صبرت وسكنت معهم ولكن نهار على خوها كانقلبو أنا و سعيد على الخدمة كانضلو نضورو نهار كامل تا كايطيبو رجلينا مكانلقاو واااااااااالو و كانرجعو تاني لدار …… نسمعو نكير ديال الواليدة ديالو كن معيشاك غا نتا دابا زدتي ليا واحد أخر واش أنا لي غانخدم عليكوم خرجو راكوم نتما لي رجال صراحة الهضرة ديال مو أنا طلعات ليا فكري حنا شلوح مكانرضاوش بالدال و فينا النفس كل نهار كانقوليها الله إرحم واليديك أخالتي صبري عليا غا هد السيمانة نلقا شي حاموت ولا شي محلبة نتخشى فيها ……. سعيد كايقول ليا واش دابا أصاحبي نتا فناضرك خدمت محلبة و تبقالت خدمة تعيش فمحال بحال الطوبة الخدمة لتحت و النعاس الفوق الشمس ماتشوفهاش ……. أييييه هضرتك كلها كاينة ولكن فين هو البديل …….. يتباع ………
لا يوجد تعليقات
أضف تعليق