عرفت رجليا منحوسين إلى ماقلتش أنا كل تابعني نحس الدار ليدخلت ليها ….. مكانخرجش منها تانشتت دين مها …… من بعد دار الحاجة لي ماخرجت منها تا خليت طايح أكثر من النايض هانا عند عائلة سعيد ….. لي كانو عايشين هانيين هو و مو و أختو تا دخلت عليهوم …… من بعد ما قبلات مو نسكن معهوم بينما ضبرت على كري …… دوزنا فلول يامات زوينة كانخرجو أنا و سعيد نتسركلو بليل تا يصبح الحال عاد ندخلو نعسو وكانصبحو مكوزين تا دخل مو مع ربعة د العشية عاد كانخرجو تاني …… ولكن سعيد قاودها علينا حيت ختو كاتبقى فالدار تال جوج عاد تمشي لجامع زرك ليها و جها واحد الصباح بالتسرفيقة حيت كاطلق علينا الرسوم مع تسعود د الصباح و قاليها كاتبرزطينا العشية دخلات مها لقات و جها زرق و هي تحييح علينا …… و منعاتنا من الخروج بليل مزال و لكن سعيد ماقبلش حيت عمر العالم ديال نهار غايكون ليه بحال ديال ليل لا أنا لا هو ….. سعيد ما قبلش داك المنع و عطاتو مو شرط أخر نخرجو بليل و لكن نعاس بالنهار مكاينش مزال تمنية ملي غاتخرج هي الخدمة نوضو نقاودو تا حنا قبل سعيد داك الشرط و خا غانتحنسرو …… سعيد كايضرب حساب ديال بلي ختو غاتخليها مها فالبيت و ملي نخرجو حنا تا تمشي مو نعاودو نرجعو ندخلو ساعة مو تا هي ضربات حسابها و ملي كاتفيق كاتفييق كلشي لا حنا لا ختو و كاطحطها عند جارتها تكمل فيه النعاس …….. و حنا كانخرجو نكملو نعاسنا فجرادي …… كانت القضية مزيان حيت ملي كانخرجو سعيد كايمشي إكمل نعلس فجردة و نا كانمشي نضور نقلب على خدمة كانضور من صباح تال طناش مكاين وااالو كانطلع المارشي د الخضرة نضرب الخاوي كانجيب ديك عشرين تلاتين درهم و كانضبر عليه …….. واحد لوقيتة صافي ولفت خدمة فالمارشي و كانخدم نهار كامل قلت مدام لقيت فين نبات مال هادي ماشي خدمة وليت كاندخل مطحطح و ولا سعيد كايخرج بوحدو ولكن فصراحة كانعسو أنا و مو وختو فالبيت و الله ماعمري قربت ليها حراااااااام نغدر ……… واحد ليلة ما بين ليالي الكحلين خت سعيد كاتغوت و كاتبكي ماعرفناش مالها عيات مع مها تقوليها مالها مابغاتش أوال حاحة أنا طاحت ليا فبالي و هي الإغتصاب و فعلا هو لي كاين أنا درت راسب ناعس و كانطل غا بنص عين تحت المانطة حييدات ليها مها السروال و لقات بين رجليها مسكينة مكييح ……… و وهي تبدا تغوت وتجدب وتنتف فشعرها الدرية تا هي عاد زادت فالغوات و البكاء …… أنا ناعس فأمان الله وحفضه تا جرات عليا المانطة نوض ياولد القحبة نوض ياولد الزنقة درنا فيك خير و جيتي تا القاع داري تحرق ليا فيه كبدتي ولكن و الله تا ليلة غاتخد الجزاء ديالك قبل مايدخل ….. و قفت ولصقت مع الحيط ما فهمت تاقلوة هي ضربتها بجرية و عاودات ضورات الساروت فالباب و ضربات التلفازة برجليها لاحتها فين و قلبات واحد الصندوق لي كانت محطوطة عليه و جبدات ملاسة غاتكون فيها مترو أنا داتي تغسلت بالعرك و صراحة أوال مرة و أخير مرة نبول فيها فسروالي بسباب الخلعة …… شدات الملاسة و قفات قدامي كانزوك فيها و نطلب ونرغب و كانخلف ليه بالقرآن و بالله مادرت شي حاجة لسعيدة وبلي كانعتبرها بحال ختي ….. قلت ليها سعيدة دوي دوي واش أنا درت ليك شي حاجة عفاك دوي …….. ماكاتخليهش مها تدوي و كاتقول ليا ماشي نتا لي درتي داك الشكلاط و دانون ديال كل نهار هو لي دارها راه طاح ليا فيك الشك ولكن قلت واش الخير لي كايكر فيك أش بغيتي عمدي ياولد القحبة أش بغيتي عندي شكون صلطك عليا حطمتني كثر ما أنا محطمة خرجتي ليا على حيات بنتي …… واسوليها أخالتي والله مادرت ليها شي حاجة …… وشكون غايدير ليها شكون شكون كايضل معاها نخار كامل هنا فالبيت لا خوها ولكن أولد القحبة لا لا نقتلك ما خداماش بيا نقتلك القانون هو لي غايخد ليا فيك الحق كيما حطمتي خياتي بنتي و مستقبلها بغيتك تا نتا إتحطم مستقبلك و شبابك دوزو فبو المهارز …….. أنا كانحلف و كانغوت و كانبكي وااالو مات سهيدة حلفات فيا قلت ليها خلينا غانخرج نتلاقا مع سعيد نفهمو قالت ليا شناهو تخرج ……… هههههههههههه جوج لي يقدرو يخرجوك منهنا هد ليلة يا لومبيلونص يا البوليس أما باش تخرج برجليك ماتحلمش بيها يالكربوز …….. غدرتني دعيتك الله …… الله ياخد فيييك الحق …… سعيدة ماخلاتهاش مامها غاتدوي يالله كاتدوي كاتجمع مع مهاىبالتسرفيقة سكتي يا بنت الحرااااااام نتما سبابي فهد العداب لاش ولتكوم أنا لاش ياسيدي ربي أشمن دنب درت فملكك …… بقينا على ديك الحالة ليل كل أنا شديت واحد القنت كانبكي فيه و كانتنهد على زهري المكوز كيما كاتقول كلتوم الله إرحمها نص فحياتي دوزتو مع القحاب و الباقية غاندوزو فالحبس تفكرت مي و با و عمتي بغيتهوم إطلو عليا و أنا مضلوم و مأمن بالمكتاب ………. ضربات 4 ديال الصباح بالضبط و يدق سعيد مبوق لقاني أنا شد القنت و مو متكيا على الحيط و ختو مكسلة فمانطة ديالها ……. وهو يبدا يضحك قاليها مي ياكما ضربكوم حمار ليل أولا كنت لا عبين ضامة هههههههههههههههههه ……. قفزات مو و دفعاتو سكت ياولد الحرااااام نتا السبب دخلتي ديب لداري راه صاحبك تكرفص ليك على ختك راه خرج لبك على مستقبلها دعيتكوم الله خرجتو عليا ولكن و الله تا نصيفطكوم بجوج فين ترباو سعيد …… وقف قاليها أش كاتقولي موحماد واش ضربتي سعيدة شنو واقع …….. لا لا و الله ما ضربتها خويا سعيد ولا عرفت مالها ……. مو غاتنقز تاني و غاتقوليه وراه حوااااااااها ولد الحراااااام راه طكرفص عليها خرج عليها و خرج عليا ……. نفس البلاصة لي مشات ليها مو المرة لولا هي لي مشا ليها تحت الصندوق لي محطوطة عليه التلفازة ولكن مالقاهش سعيد و الله كن لقاها تا ينحيني حيت عرفتو كيداير مالقاها وز داك الصندوق نزل عليا بيه على راااااسي وبدا كايشتف عليا برجليه ومو كاتجر فيه هدا راه غاتقتلو ياولد الحرام راه كاين المخزن فالبلاد لي غايربيه تا سعيد تدرم ماتسناش غانقوليه حاول مع ختك تقوليكوم شكون تكرفص عليها ……. الدرية مسكينة تا هي بريئة بداك العنف وداك الغوات وداكشي لي كاتشوف قدامها بقات غا كاتغوت و كاتورك على راسها بالمخدة تلقاها نسات تا شكون تكرفص عليها ……… سعيد جراتو مو وخرجاتو بززز وسدات عليه الباب كايغوت وكايقولسها وتي غا خرجيه ليا راه والله تا نلوح هد الباب جيرااان بدو كايطلو الحيحة و الشوهة ديال بصاح خرجات عندو مو وخرجاتو على برا بقيت انا مع سعيدة كانقوليها عفاك دوي دوي قولي ليهوم راه مادرت ليك واااااالو سعيدة نعسات كاع مكاينا فهد العالم ……… رجعات مو وقبات قالسا مقابلة معايا و كاتشوف فيا تال ستة دالصباح و هي تفييق سعيدة و لبست تا أنا صباطي و تميت غادي تا بعهوم خرجنا مع الباب لقينا سعيد ناعس فالدروج ناض تاهو و تم غادي معنا وكايسب فيا فالطريق ما طلعتيش راجل ياولد القحبة قدام مو درت فيك خير ورجعتيه ليا بومزوي ………. بغيت غانعرف فين غاديين بيا ولكن مابقيتش قاد نتفنفن ولا نخرج كلمة على فمي ……..
يتباع ………….
لا يوجد تعليقات
أضف تعليق