خرجني سعيد أم و تمو غاديين بيا بحال شي بهيمة ….. وبنت القحبة ديال مو ليل كل و هي شدا فراسها تا وصلنا لقدام باي الكوميسرية وهي تبدا تجدب ليا وتغوت وتنتف فشعرها و دار راسخا سخفات وبنتها كاتغوت فوق منها وولدها شانق عليا …….. تجمعات جوقة وناط القربالة ….. ونا داكشي لي تعرضات ليه أبيضار و المثلي ديال فاس كنت غانتعرض ليه ف 95 لول الألطف المخزنية و لكن داكشي لي كليت فالكوميسرية موحال واش كنت غاناكلو على براااااا ….. دخلنا الكوميسرية كاتغوت بأعلى صوتها حييدوه قدامي ما بغيتش نشوفو غصبني فحياتي …… حييدوه قدامي …….. البو ليس داوني واحد جوج و حطوني فواحد البيؤو و خلاوني ورجعو كا يبردو فمت سعيد و خا هي دارت داكشي كامل غا تمثيل …… بولسي كايهضر معاه ألالة حق الغوات و الصداع الراس راه دوزناه راك فكوميسرية دوي و قولي لينا أش عندك عاودات ليهوم القصة كلها …… ولكن ما صورات تا قلوة قالو ليها بالكيح أو شي تشوه فطبون البنية إقدر إجي فأبساط حاجة بةليس ديالنا مومنيكين طلعوها عليها و قالو ليها تقدر تاكل شي ميكروب ولا شي حاجة فأخير المطاف قالو ليها غاتمشي تدي بنتك عند طبيب و تجيبي لينا شهادة طبية نشوف طبيب أش كايقول …….. خرجات هي و سعيد و بنتها و داوها عند الطبيب أنا بقيت فكوميسرية …… وبقاو عليا بالإستنطاق منين نتا ؟؟ سمييت باك ؟؟ سمييت مك ؟؟ أش كادير هنا فمركش ؟؟ عوت ليهوم كلشي و عطيطهوم جميع المعلومات صحيحة ….. و عاد وصلو معايا لصح أش كاتقول فهدشي لي كاتقول السيدة لي كنتي ساكن معاها ؟؟؟ يالله بديت كانبكي و كانحلف تا جمعها معايا واحد بواحد السرفيقة أدنيي نص ساعة و هما كايصفرو أولد القحبة دايرها بزبك ودابا كاتبكي ……. دوي ….. دوي ……. و عرفتو الكوميسرية عندنا فالمغريب و الله تا تعترف و تنسب التهمة لراسك ونتا بريئ مادرتي لا بديك لا برجليك …….. عيياو معاياىالبوليس باش نكر ولكن مابغيتش نقبلها تا وصلات القضية لمرحلة ديال الضوء ……. قالو ليا مباغيش تدوي بالخاطر ياك ….. حييت فلول ماكانوش صراحة كايضربو بداو معايا بواحد طريقة فنية ……. هانتا دابا أموحماد غا عترف راه مغا يوقع ليك وااالو خاصنا دابا حنا غانعرفو شكون ونخرجوك فحالاتك …. حيت أصلا درية باقا صغيرة مغاتحمل ما وااالو ….. ونتا باقي صغير ماعندكش لاكارط ولي ما عندوش لاكارط مكايمشيش الحبس …… مساكن البوليس ماعرفوش بلي راني خارج من دار القوادة فسلا نغتصبها وندخل الكوميسرية و نخرج صافي عادي غا حويتها ونقولو الحبس مغانمشيش ليه و الإصلاحية ….. تا هي مغانمشيش ليها …… خرجوني من بيت و دخلوني لبيت أخر فيه كرسي واحد بوليس دسالنا كايتعاملو مع طفل فخمسطاش ر عام بحال مجرم نيت …… واعباج الله متسناوش تا شهادة طبسة توصل و يفتحو تحقيق باش إوصلو المجرم ديال بصاح …… كاليا واحد كلس …….. كانشوف أواه كيفاش غانكلس و هما غايبقاو واقفين …… كلست و حييدو ليا صباط و طفاو ضو جرو واحد الكابل طويل خارجين فيه جوج خيوط عريانين طفاو ضو و جر واحد فيهم داك الكابل و جاي قاصدني …….. واحد وقف مورا الكرسي و حاط ليا إديه على كتافي واحد كالس مقلز حدا رجلي مشني بداك الكابب فرجلي مصارني تحركو المعدة طلعات ليا الفوق و قلبي نزل لتحت قلت ليه أستاد الله إرحم ليك الواليدسن ماتعاودهاش و الله ماجرت شي حاجة ……. قاليا أستاد ضوكتور لدين مك هذا و هو يعاودها تاني ……… صافي مابقيتش قاد نصبر قلت ليه صافي الله إرحم واليدين غانقوليكوم الصراحة غا ماتعاودهاش مزال …….. دابا مزيان يالله نوض على سلامتك لبست صباطي و طلعوني تاني الفوق ……. قاليا أييه دوي علا سلامتك بعدا ….. بقيت ساكت قاليا وادوي قلت ليه و قسما بي مازال ماكملتش الله ماعرفتش كروشية فين جاتني كاضحك علينا اولد القحبة … وبقاو عليا بالتسرفيق ….. عترفت عيست بالعصى قلت ليهم أه أنا لي غتصبتها واحد كايسول واحد كايكتب … قاليا فين قلت ليه فالبيت ديالهوم ……. شحال من مرة غتصبتيها ؟؟ مرة واحدة …. إمتى هدشي ؟؟ غالبارح ؟؟ مزيان فايت تعرطي لغتصاب ؟؟ لا ولكن تعرضت لعدات محاولات ؟؟ مزيان شحال من بنت غتصبتي وشحال من دري ؟؟ ماعمري غتاصبت شي حد …… غا شوف أوكان زعما هد الدرية هي أوال وحدة ؟؟فكرني بعدا فسمييتها ؟؟ سمييتها سعيدة و أوال وحدة ……. مزيان ليك تبقى عاقل على سمييتها حياتك كلها غاتبقى مفكرها ولاد القحاب كترتو تفوووووو …… عطاوني ديك الورقة لي كايكتبو فسها قالو ليا سني هنا ….. سنيت وخرجو وسدو عليا الباب ……. بقيت شي عشرة دقايق فداك البيت و هو يدخل عند واحد أخر بكومبلي و كرافاطة و جايب معاه سعيدة رجعات هي و مها عند الطبيبة و حطو الشهادة الطبية فالبيرو لاخر ……. قاليها داك الكوميسير كاتعرفي هذا أبنتي ………
قالت ليه أه
قاليها شنو سمييتو ؟؟
قالت ليه موحماد
قاليها موحماد ضرييف ولا خايب ؟؟
قالت ليه ضرييف
قلت ليها فبالي ما ضريييفش أبنت القحبة فين تسلطي عليا
قاليها أش كايجيك موحماد خوك ؟؟
قالت ليه لا صاحب خويا
كايجيب ليك الشكلاط ياك ؟؟
قالت ليه لا ؟؟
دابا قولي ليا نتي عارفة علاش نتي هنا ياك ؟؟
قالت ليه أه و كاتبكي مسكينة
دابا موحماد هو لي دار ليك داكشي الخايب ياك ؟؟؟
و في حالة هسترية و البكاء ديال بصاح و الغوات قالت ليه لا لا موحماد مادار ليا واااااالو …..
الكوميسير خنزر فيها ما عجبوش الحال حيت قرا المحضر ديالي لي كانعترف فيه بز مني …….
طلع ليه الدام حيت قال داك الضوصي طوااااه قاليها سعيدة دابا نتي عارف عند من دابا نتي مع البوليس و حنا هنا باش نحميوك نتي و الدريات خرين صحاباتك و دراري لي كايقراو معك ياك فهمتي و دابا موحماد معندك علاش تخافي منو وااااش هو لي تعدا عليك قو ليها لنا ماعندك مناش تخافي …….
لا لا لا لا موحماد ما دار ليا واااااااااااالو مادار ليا واااااااالو …..
و خا صافي سكتي و شكون تعدا عليك إلى مكانش موحماد لي ماماك كاتقول هو و هو براااسو عتارف بلي هو لي تعدا عليك ….
ماشي هو ….. ماشي هو
شكون غا قولي ماتخافيش ….. قولي باش نخدليك تا حنا حقك …….
لا لا لا غا يقلظتل ليا ماما مغانقولش ……. مغانقولش …… أنا بغا ما ما بغا ماما ……..
يتبااااااع ………….
لا يوجد تعليقات
أضف تعليق