عنوان القصة : "فتاتي المجنونة "، ستقسم القصة إلى 4 أجزاء ...
الأجزاء الأخرى :
قصة مغربية : فتاتي مجنونة - الجزء الأول-
قصة مغربية : فتاتي مجنونة - الجزء الثاني -
قصة مغربية : فتاتي مجنونة - الجزء الثالث -
قصة مغربية : فتاتي مجنونة - الجزء الأخير -
__________________________
من تاليف hasnae massya
الجزء الاول
شيماء ::ماما هانا مشيت
الام خديجة::فين بسلامة
شيماء::نسرح رجلي ونتمشا راه فيا ريحت الغمال مقوت الجلاس فدار
خديجة::طفرتيه راك ظلي ناعسة وتباتي ناعسة
شيماء::دبا خليني نخرج حيت بغيت نشم الهوى ديال ربي
خديجة ::سيري حيت راكي تكوني خمجتي مقوات الجلاس فدار لازين لامجي بكري
شيماء::شكرا ماما الله اخليك ليلي حيت كتزيدي تعلي من المعنويات الي عندي
خديجة::وسيري ونساي راسك تاني مترجعي حتا للمغارب خرجي نيت علاه وعسى تلاقي معا شيحد عما مكيشوفش شوفي تيقبل عليك
شيماء ::الله اماما زيدي شويا باش معناوياتي تزيد دطلع
خديجة :: شوفي اما خرجي اما زيدي دخلي كملي على خماجك فبيتك حيت رك عششتي فهاد الدار باز 26عام وكاع مداها فيك شيواحد
شيماء::اذا كانت المحاضرة سالت قليها باش نمشي
خديجة ::سيري الله ايلقيهاليك
سلام كيجتكم المحاضرة زوينة ياك راه هاديك وحدة من المحاضرات لي تناخد كل نهار غير نتما كملتو قريتكم فالجامعات ونا كملتا فدارنا معا ماما وبابا واربعا ديال خوتي كل استاذ منهم كيعطيني محاضرة فلمستوى لدرجة اني قررت نتبع المحاضارات ديالهم منين كنت فسنكيام قلت نجلس نقرا فدار حسن منبقا غادا جايا فطرقان ديما المحاضرات على زواج ورجل الي كاع ملقيتو حيت ولد الحرام نهار نلقاه نقج مو حيت هو مول المقرارات لي تيقريوهملي فدار ....
منبعد مدق جرس المحاضرة ديال ماما قررت نخرج ولكن فين كنت خارجا بزز مني خاصني نسمع الدرس ديال جارتنا حليمة حيت تبارك الله حنا عندنا درب كولو اساتذة
حليمة ::بنتي شيماء كيف دايرة لاباس
شيماء::لاباس اخلتي حليمة
حليمة ::او كيف غادة معا الوقت
شيماء::هاحنا كنعديو وصافي
حليمة:::وشغادي ديري الحاصول الله ايجيبلك شينقرة فين تغبري نحاسك
شيماء ::امين اخلتي
حليمة ::وصارحة رجال قلالين خاصك تكوني قادة وموقيدة باش ضبري علا راجل فهاد الوقت
شيماء::اوا المكتاب عند الله غيكون
حليمة ::ولكن راك زعما نتي كتزيدي تكبري ماشي كتصغري
شيماء::مهم اخلتي خصني نمشي دبا
اه ياربي احافظ سلامة مال هادو جن الي ضربهم ضربهم على رجال وزواج وش نشري انا هاد الراجل راه مكينش معامن مكاينش
شفتو كينسوني فيكم انا شيماء 26 سنة عزباء بطالية جالسة فدارنا خرجت من سنكيام حيت تبارك الله عليا كنت كنجيب 12 بزز قرر الواليد اجلسني فدار باش ميخسرش عليا علا خاوي ومن تما ونا كنقرا غير المحاضرات العليا فدارنا لي بقينا عايشين فيها انا وماما وبابا منبعد مخوتي كولهم تزوجو ودارو تريكة والعش والفراخ ماعادا انل الي عششت غير فبيتي درت نبوت فالفراش مهم انا عندي 3ديال خوتي دراري كولهم كبارين عليا ومزوجين وجوج خوتي بنات ضغار مني وتاهما مزوجين وفادرهم بقيت غير انا بايرة لادار لا دوار ..
الجزء الثالث
منين مشيت تلاقيت جوج ديال صحباتي كلنا في الهوى سوى كلنا بيرات كيما كيقولنا وكملين تقريبا نفس العمر غير وكان كل وحدة ودروس لي كتاخذ وكل همنا اننا نلقاو رجل كيفما كان ارى غير نتسماو مزوجات ودرنا الدار ننساو بعدا غير داك وش مزال مجاب الله شيعريس ناري كرهت هاد كسيطة
شيماء::البنات لاباس
وسيمة ::اه لاباس هانتي كتشوفي فينا راحنا كنشرفو نهار علا خوه
ليلى::جلسي جلسي نشكيو على بعضياتنا
وسيمة ::جلسي ونتي ديما جايا معطلة
ليلى::وراه هي سبابنا تابقينا بيرات حيت هي شيفور ليكيسوك بينا كتعطل ديما فطريق ومخلايا ناس اسبقونا
شيماء:::سكتي الله يسكت البوك الحس باركة غير الي فيا
وسيمة::جلسي احنينتي نبردو غديدنا فبعضياتنا وصافي
شيماء::هاهي جالسة قهرتونا
ليلى::خلاينا اسرة مع بعضينا ههههه
وسيمة:::هههه خودي ليك شيعصير بردي بيه الريق احبيبةديالي ونيت نساي عليك هم اراجل الي ملقتيش
شيماء::الله اكبر شكون كيهضر نتي طفرتيه راه والله ومدرت انا دار يعمركم لحلمتو بيها انا لولا عاد نتوما اللفعات
ليلى ::اوا اختي منين نتي عارفا راسك منحسا علينا دنيا ومزحمنا فالزهر الي معندناش اصلا سير خطبيلك شي مول زريعا وخلي الميمون ديالنا يتكعد
وسيمة::هالعار لما ديريها وحيدي علينا نحس تاعك منهار عرفناك وحنا اللور اللور
شيماء::باز وتقول وش كتحشمو كتهدرو بحالا زعما قبل منعرفكوم كانو الرجال ديرين عليكم صف خاليونا نواسيو راسنا ونساو الهم
ليلى::مال الزين ديالنا كعا راه غير كنضحكو ولكان غير الرجل لي غيفرقنا بناقص منو
وسيمة::اه ازين ديالنا بناقص منو خلينا مونسين بعضياتنا
شيماء ::الله اخليكم ليلي غير وكان انا ادا لقيت الراجل ندير بناقص منكم نتوما هههههه
ليلى::ياك اللفعة وهاكي هاد القرصة ...
شيماء::امييييي يدييي اللفعة يدي ناري على قرصة الي درتو فيك موك تعلميه فيا
ليلى::هاديك احبيبة باش تفكر تغدري بينا هههه
شيماء ::ونا نقدر علا فراقكم غادي نديرو العرس فنهار وحد هههه
وسيمة:::حتى نلقاو رجال بعدا عاد فكرو فلعرس
ليلى::اولي على غدايدي كتفكرو فلعرس ارا غير نلقاه نزيد معاه غير بلعقد هههه
كيجاوكم صحابتي كولهم عقدة وحدة وحنا طلعنا تنتشابهو حتى فلملامح بعض الناس كيسحبليهم خوت حيت منقوت مكنشكيو على بعضياتنا تخلط لينا دم وصارت الملامح متشابها
هما ضريفين بزاف والله اعمرها دار ضحوكين وشعبين مفيهم لا بخ ولا كبرانية لي فقلبهم على لسانهم هما الي كنسى معاهم همومي كنضلو ندورو ونتسارو معا بعضياتنا مخالينا حتى قنت ماما كتعرفهم مزيان وكتعرف حتى واليديهم على داكشي كتخليني نمشي عندهم لادر وحتى هما كيجيو عندي هما منحيت الزين مابيهمش دازين فضحية وعندهم حريفات فنين وحتى القرايا راهم بحالي بحالهم حبسو من سنكيام صراحة ليلى غير بغات تجلس اما هي كانت قراية اما وسيمة بحالي مسكينة هما احسن صحبات عندي ولا نقول خوتي حيت مكنخبيو حتى حاجة على بعضياتنا وشاركنا ملح والطعام وكاع الهموم وحتى الزهر المنحوس مشاركين فيه
مهم ليلى وسيمة كانو صحابات من يامات القراية اما انا تعرفت عليهم غير فوحد العرس الي كل ام مغربية كتعتبرو احسن مكان لعرض البضاعة ديالها والي هي بناتها ونا وحدة من دوك البنات الي تم العرض ديالهم باش ايديرولي التسويق ولكن ديما كيطلع فاتلي تاريخ وبقوت مكتديني معاها الوليدة للعرسات ولحفالات وليت عارفا كاع القاعات الي فالمدينة وكاع ديور زنقة زنقة ودرب درب وهكا تعرفت على دوك الهبيلات حيت تاهما بحالي كيعانو ولينا بحال السلعة الخمجة وليدينا خاصهم غير يتفكو مننا.
مهم نهار داز زوين معا صحاباتي ولكن نفس دوروس غادي نرجع نسمعهم وكنبدا نسمع من داخلة ديال درب
شيماء::لبنات صافي بسلامة نتلاقو منبعد خاصني نمشي قبل متقجني ماما
ليلى::تانا ياختي
وسيمة::بصاح تحركو نمشيو بحالنا راه نسينا راسنا
شيماء::يالاه بسلامة تهالاو بينتنا تيليفون
ليلى::وخا بسلامة
وسيمة::تهلاو
مهم رجعت لدار غير دخلت بديت كنتنغم بداك الكسيطة ديال ديما
ماما::امندرا شاف فيك شيحد
شيماء::راه كلشي عمى
ماما::نتي لي عمتيهم بداك الحالة الي دايرة فراسك
شيماء::اوا الي بغاني خاصني نكون عجباه هاكا
ماما::كيفاش غادي تعجبي شيحد ونتي كيعزري دوار زايدة غير الزيف
شيماء::وصافي عافاك
ماما::ديها فحالتك شويا وديري كيف البنات وتهلاي فراساك ونتي ديما خاركة عليك داك جلابة وزيف
شيماء::اشندير ا استاذة ههههه
ماما ::ديري كيف كاع البنات شوية دلمكياج لبسي مقاد رطبي هدرتك ونتي الي شاف فيك كتخنزري فيه وتخلعيه حتى يهرب
شيماء::وخا اماما دبا الي داز نبقا نضحاك معاه ونرمشلو عوناتي ههههه
ماما ::باز باز دارتي فيا سكار سيري دبري فين تلاهاي وخليني رتاح شويا
شيماء::شنو دبا كتجري عليا ولا
ماما ::لا لا لا ابنتي غير وكان زعما شوفي شيحاجة عمري بيها وقتك شوفي شي تكوين شي خدما مهم متبقايش جالسة
شيماء::ولخدما لاش اصلا فين غادي نلقاها
ماما::وش انا قلتليك تخدمي فلوزارة سيري شوفي ليك شي باتيسري ولا شي حاجة اخرى
شيماء::اش بغيت انا كاع بشي خدما ياك الواليد مهالي فيا ههههه ونتي كتعطيني فلوس الحمام بناقص مهاد الخدمة الي تخليني نبعد عليك هههه
ماما ::غير بعدي وهنيني وباز على نفس عندك باز
مهم الي سماع ماما كتهضر هاكا غادي يقول قبيحة وصعيبة بلعكس هي حنينة بزاف وشعبية وضحوكية غير انا زاديت فيه بقوات الجلاس..
منين سلات المحاضرة ديال ماما مشيت لبيتي قبل ميجي الوليد ونزدق حاصلة تاني فشي درس
دخلت جلست بدلت عليا مشيت صاليت وبقيت مجبدا فوق نامسيتي قنت وشعلت التلفازة حيت ماشاء الله عليا منهار جلست من القراية ونا مقابلة غير تلفازة وبيسي وتلفون كاع الافلام حفظتهم ولكن الي مكتعرفوهش عليا اني راسي خفيف وقدرت نتعلم اللغة الانجليزية غير من التلفازة والافلام ديالها الله يجعل البركة فقنوات mbc 1 .mbc2. mbc4.mbc max وزيد وزيد كل مرا كنت كنتفرج كنت كنهز كلما ولا جملة ومعا اني ديما مخشية وجهي فتلفازة قدرة نشد اللغة بسهولة والي كانت كتجبني صعيبة كنديرليها ترجمة وهكا ولات عاندي انجليزية متقونة حيت ماشي ضروري مدرسة باش تعلم حيت كيقلك ثقف نفسك بنفسك وصراحة انا دارو فيا الخير غير الافلام ههه كنتقاتل باش نفهم شنو كيقولو حيت مكيعجبنيش نقرا داك ترجمة
مهم لقيت وحد الفيلم جلست كنتفرج ونبكي دايرة كنجازة فبيتي حيت قلبي حنيني ودموعي ساهلين وخا جلهتي قاصحة ومكنحشمش
طبعا مقلبتشي على المكلة حيت عمرت كرشي فزنقا معا ليلى وسيمة وحتى ماما معيطاتشي عليا لحقاش تبرك الله عليا والله يحفضني من العين معمري خاليتها هي لي تعيطلي منين تحط طابلة ديما انا لولى وقفا عند راسها امتا تحط ولا تلفاني ديما كنبقشش على مناكول ومدام مخرجتشي مبيتي اكيد عارفني كرشي عامرة حيت انا وكرشي قصة حب ابدية ههههههه
ساليت جنازتي معا الفليم ونعست اما ماما مسكينة كتفكر كيفاش تنقدني وتهنى مني وكتخطط معا بابا مسيكين الي عاد دخل
نسيت مقلتليكم بلي بابا خدام غير تحت الدار عندنا جراج ودارو حانوت كبير عامر بداكشي ديال الماكلة كيظل فيه من صباح حتى ليل هاديك خدمتو والحمدالله ميسورة امورنا
مهم بابا دخل وعطاتو ماما يكول وبداو مجمعين .
اكيد ماما الحبيبة خاصها تشوف شي طريقة الي تخرجني بيها مدار ونعمر وقتي منبقاش غير جالسة مركنة ونيت تتحلم اني نجي شي نهار نقوليها راه شي مسخوط بغا يخطبني وهنا غادي تقول ماما البابا علا وحد الفكرة
ماما ::سي محمد هانتي دبا كتشوف شيماء غير جالسة ماهي قرات ماهي بدارها
بابا ::زعما لكانت قرات كانت عطفرو اما دارها مازال مسهل ليها الله فيها
ماما::اوا راه تكون قنطت ملجلاس فدار
بابا::وشنو غندير ليها انا ملي تقنط تخرج معا صحباتها
ماما::اه ولكن علاش الي منشفوش ليها شي تكوين ولا شي خدمة
بابا::بغيتيها ديرلي شوها معا ناس بداك اللسان الي عندها
ماما::وهي هكاك شغادي دير ليها المشكيل هو فاش تتنوض المدابزة وتقلبها ضرب معا كولشي وتقول وش كتخاف
بابا::انا داك ضرب هو الي عاجبني فيها متخافش عليها فين مطلقتيها
ماما::باز ونتا بحالك بحالها اصلا انتا الي خرجتي عليها منين دخلتيها لداك لصال ديال الكاراطي
بابا::هههه كتخفي منها ولا قلي عليها باغا غير تصدريها
ماما::لا لا هاديك بنتي وعزيزة عليا وبغالبها غير مصلحتا
بابا::اوا دبا نشوف ليها شيحد يلقا ليها شبخدما وصافي امات تكوين مغاديش طفرو كنعرفا مزيان
ماما::فاش غتشوف ليها
بابا::فاش مكان عير تلاها وصافي
مهم بابا وماما دارو اتفاقية السلام وسناو عليها ونا مفخباريش كاع حيت انا غير مواطن عادي كنتصنت غير للحكم وصافي والي قالوه ماما وبابا كنقول عليه اه بلا مناققشة ...
مهم دازو ايام ونا فدارنا ونا كيف ديما غير الماكلة شقا تلفازة ونعاس وزيد عليها ريحت الغمال الي غير كتزيد هههه هاكا كتقولي ماما وكيزيدو اكملو عليا حتى خوتاتي البنات كل مكنهضر معاهم كيزيدو الطين بلة اللفعات وخا صغار مني قدرو اضبرو على رجال حيت كل وحدة عرفت كيف دير الا انا خاطيني زواق والتعارف عندي غير مع التدابز ختي الصغيرة مرة تزوجات بوحد استاذ كان كيقريها ونا اساتذ الي قروني شبعوني غير معيور على زين النقاط
اما ختي اخرى معرفات كيدرات حتى صيدات وحد الموظف خدام فماكتب الضريبة ونا زعما الكبيرة والمرزنا مداها فيا حد هما عايشين بخير وعلى خير ديما كيقولو مكينش محسن مزواج وديري دارك زعما باز مكيقدروش شعور الي بحالنا
اما خوتي دراري كل وحد كان مدبار المرة من ايامات القراية غير قدو براسهم كملو نص دينهم زعما بحالي نص اخور مكمول هههه ومشاو كل وحد فين سكن احسن حاجة داروها حيت انا منقدرش نبقا كل نهار ننتف وحده ونريشها
وحتا ه خوتي دراري مخطاتهمش داك العدوة امتا انفرحو بيك باز انا مبغيتكمش تفرحو غير هنيونيييييي وعطيوني اتيساع ونساو عليكم الزواج
كلنهار كنتعصب ونتعقد ولكن كندير ودن الميكة ونسا كلشي باش منتفقصشي وتمشيلي مرارتي وكل عشيا كنخوي قلبي على ليلى وسيمة الي حتاهما بحالي غير وكان هما كل مرا مسافرين كل وحدة وفين تتمشي معا طاسيلتها ونا لكان غير سفر معا ماما غير نبقا فدار حسن حيت فين ممشيت غتغنيلي داك اغنينة امتا يابنتي نتهنى من خنشوشك.
هاد نهار بابا طلع لدار بكري ممولفاش ليه ونا ضرني راسي وبغيت نعرف اشنو ليطلعو فهاد الوقت ومشيت نسولو
شيماء::بابا وش محتاج شي حاجة شفتك جيتي بكري
بابا::الا وش حد ما يرتاح
شيماء::لا ارتاح ابا غير سولت
ناري الجواب قد السؤال تنا فمي فيه شوك سيد طلع الدارو يرتاح ونا درتليه شقيقة ارا نمشي نغبر فبيتي حسن انا مشيت وماما جات وبقاو يهدرو
ماما::مالك معا شيماء
بابا؛؛ولو اف نسيت مهدرتش معاها على ود الخدمة
ماما::اشمن خدمة
بابا::كيفاش اشمن خدمة راه زعما نتي الي طرتيلي طيارة عليها
ماما::غير قولي علامن كتهضر
بابا::ياك كنتي قلتي نشوفو شيحاجة فين تلاها شيماء
ماما::اوا قول هكاك منصباح ونتا بارك دور فلهضرة
بابا::هاحنا قلناها
ماما::اوفاش بعدا
بابا::معا وحد المرة عندها و قيصارية تاح الحوايج
ماما::اه مزيانة وغادي تعجبها ونيت تبدل الجو جويا
بابا::باز زعما بحالي غاديا لتركيا راها ماشية غير لقصارية تاح الحوايج
ماما::لا زعما ختحيد القنط وصافي
شفتو راه دبا ناس ضبرو لي خدمة وكيفكرو فيا زعما ناري قاتليني غير بلهضرة وصبغة قالك نيت تبدل الجو وقولو نيت اشوفها شيكمارة اجي اهنيكم منها ..
مهم بابا قال الماما تعلمني وطبعا عنكون اخير من يعلم بداك الاتفاقية وماما فبحال هاد المواقف كتولي حنينة زعما نسات اني تربية يديها وكاع هاد لفعايل فيا حتى انا كنتبوحط ونتنوعر فاش كنبغي شيحاجة
ماما::بنتي اجي احبيبة بغيتك
شيماء::وخا اماما
ماما::بنتي راكي تكوني عييتي من جلسة فدار
شيماء::لا علاش
ماما::زعما عجباك الحال ديما مركنة فدار
شيماء::اللهم ادار ولا صداع على برا
ماما ::لا ولكن احبيبة خاصكي تفوجي
شيماء:::اه مكرهتشي اماما والله ولكن بغيت نمشي لتركيا ولا للهند هههه
ماما ::بركة مضحك الباسل
شيماء::ماما زعما انا بنتك اجي ملاخر وقولي اشنو بغيتي بلاداك دوران حيت انا تربييت اديكي
ماما::ههه ياك اللفعة مهم باباك لقاليك وحد الخدمة زوينة
شيماء::اشمن خدمة ياكما تقلت عليكم
ماما::الا ابنتي غير قلنا تبدلي شوية روتين
شيماء::مهم فاش وبشحال هههه
ماما::باز همك هم الفلوس شكون قاليك حنا خصنا فلوسك
شيماء:: او نتوما مخاصكمش ونا خصني ههههه
ماما::مهم باباك كيعرف شي صاحبو هو الي هضر معا وحد المرة وغادي تخدمك عندها راها عندها قيصارية تاع الحوايج ونتي غير غاتبيعي معاها
شيماء::اشنو قصارية تاع الحوايج ادا نتوما الي عتبقاو تخلصو لمرة ماشي هي ههههه
ماما ::وعلاش وش بعدا عجباتك
شيماء ::اه القضية فيها الحوايج اماما
ماما::الي يسمعك يقول عريانة متكسابي متعلامي
شيماء ::هههههه راه مولفا ندور غير فطبلي معا هادوك الي كيضلو ايعيطو لبسي وتفركسي وباني فا mbc غير 20 dh هههههه
ماما ::باززززز ابنتي باز مهم غادا صباح معا 10 خاصكي تمشي
شيماء::وفين جات بعدا
ماما ::اصلا باباك غادي يديك ولقسارية راكي تتعرفيها داك قصيارية الزهور الي حدا قهوة امواج
شيماء:::اه داك قصارية هاديك ناري شحال زوينة.
لا يوجد تعليقات
أضف تعليق