أخير قحبة تلاقيت معاها و خا حشمت نسميها بقحبة كانت ألفين و سبعة بمدينة
أكادير هوت البلاد عييت مع عمتي ورجعت فحالي ما فتش يومين فالبلاد ملي خرجت من الدوار خرجت على أساس نجي ديريكت فحالي لكازا نحل المحال ساعة غا وصلت تزنيت لقيت دنيا بقا كاتصفر الناس كلهم باقين روبو ضارت ليا فالخوااا قلت واش غانبقا ديما مقابل الكونطوار سدا غانتسركل شوية تا أنا بحال الناس مغانحلش تال واحد سيمانة ….. سيمانة كلها نوضرها فإنزكان و أيت ملول و أكادير نقلب على شي أوطيل رخيص نحط فيه حوايجي ونجي نبات فيه بليل داكشي لي درت شديت طاكسي ديريكت لأيت ملول قلت غانمشي نشوف ديك جوطية ديالهوم ديما كانسمع بيها كايقولو شي حاجة كثر من سوق دبرا فطنجة و درب غلف فكازا …. حطني طاكسي فإنزكان بصاكي يالله كانضور كانسول مالين طاكسيات على شي أوطيل رخيص تا كانسمع موحمااااااد ….. موحمااااااااد …… ضرت لقيت عبد الراحيم كوميرسيال ديال واحد الشريكة كادير داكشي ديال الفنيد و المصاصة والمسكة ……. تسلمنا أنا وياه بخير بخير …. قاليا فين غادي أمسخوط قلت ليه وااالوووو و الله تا غا طلع ليا الدام هزيت صاكي نقود نرجع لكازا راك عارف الدار بلا الواليدة بلا الواليد مكاين وااالو حلاوة د العيد مكايناش غادرت الخاطر لعمتي ماتعييدش بوحدها و جيت دووت معاها هد اليومين …… عبد الراحيم كايضحك قاليا باغي تورت دنيا أ موحماد تا من العيد ماسديتيش تا سيمانة …. قلت ليه أودي كيسديت كيحليت تا نتا مطالعاش ما طالعاش قوليا وكان نتا أش كادير هنا فأيت ملول ؟؟؟ وااالو خليت ديك القحبة ديال المرا فالدوار هي و الدراري و انزلت كانتسركل قودنها أنا وياها نهار العيد ….. و دابا قالس عند واحد صاحبي هنا ساكن غا بوحدو ونتا فين غادي دابا …. أودي أنا بغيت نبقا مزال شي يامات هنا فأكادير عاد نمشي نحل و دابا كانقلب على شي أوطيل إكون رخيص …. واش غانقوليك أودي أموحماد نمشي معاك نقلبو على هد لوطيل ماكرهتش نقوليك يالله معايا ولكن تا أنا غا ضيف مجاتش ضيف إجيب معاه ضيف …… ولكن نتا عرفتي شنو غانمشيو تشد أوطيل و أنا راه معاك هنا كل عشية غانطركك ملي غانزلو أنا و صاحبي لأكادير كانزلو نقصرو تمة تال واحد الوقت و كانطلعو فحالنا أش بان ليك …… قلت ليه مزيانة مشينا قلبنا على لوطيل لقيناه …… واحد لوطيل قادوسي فشي زناقي ولقينا فيه واحد الدعشوشي فالإستقبال سلام سلام …… مهم قلت ليه باغي بيت ….. قاليا شحال من نهار قلت ليه تقريبا سيمانة …… قاليا كاين بيت بدوش و شرجم بالزنقة ب مية درهم ليلة و كاين عادي بلا دوش ب سبعين درهم ليلة بلحاق شرجم كايطل على لاكور ….. بقينا معاه أنا و عبد الراحيم شد ليا نقطع ليك تا خلا ليا ديال مية درهم بسبعين درهم ….. طلعت حطيت حوايجي و توادعت مع عبد الراحيم و جبت عليها بنعسة عبدالراحيم دار معايا جوايه المغرب إدوز عندي نزلو نقصرو فأكادير أنا غا كانسمع بالقصارة معامري قصرت ولا عرفتها كيدايرة هد القصارة حدي الكونطوار لسدة نعست ضرباتني الفيقة لقيت الحال ضلام قتلني جوع و عبدالراحيم نسيتو بلي غايدوز عندي نزلت نجيب شي حاجة ماناكل لقيت واحد الحاجة قوادة فالإستقبال قالت ليا بلي هي لي كاتخدم بليل لحيا كايخدم بنهار تحت شعار ” وجعلنا لكوم الليل لي تسكونو فيه والنهار معاشا ” و خا عارف لحيا بلي هديك لي كاترومبلاصيه بليل كاتقود ولكن مكايهمش مول لوطيل هو لي باغي داكشي و لحيا باش إعيش بز منو يقبلو ….. بغيت نخرج مع الباب د لوطيل قالت ليا هاديك بواحد لهجة ممزوجة بين الأمازيغية و الداريجة خويا نتا هو موحماد …… قلت ليه أه هو هذا ….. مهم راه سول عليك واحد السيد قاليا سمييتو عبد الراحيم و قاليا بلي غايرجع عندك من هنا عشرة دقايق غا قال ياكما خرجتي فين …. قلت ليها وخا شكران ….. مشيت جبت ماناكل و طلعت لبيتي خييتي لي فليستيقبال كاتبقا تحنزز فيا ما عرفتش عينيها كايقولو شي حاجة و لكن مكانفهمش أنا فداكشي ديال لغات العيون ……. كليت و بديت كانلبس حوايجي تا كانسمع الدقان فالباب حليت لقيتها هي ….. قالت ليا السيد لي سول عليك قبيلة راه كايتسنا فيك ….. قلت ليها و خا شكران أنا نازل عندو لبست حوايجي ونزلت ……. عبدالراحيم فين بخير بدا كايضحك عليا ….قلت ليه علاش كاضحك قاليا ضحكني لباسك ضارب عليا أصاحبي سبادري و سروال ديال الفصالة وجلابة واش غانمشيو للمسيرة الخضراء واش دابا هد الحوايج ديال القصارة هادو غاترضى تدخل بيهوم البار ……..كيفاش البار أش كاتقول أ القلاوي … انا مكانمشيش لبيران … لا مغانمشيوش البار عرفتي شنو غا غانمشيو نشريو واحد تلاتة دراهم زريعة بيضاء و نكلسو على لاكوط نشوفو المواج و يضربنا البرد ديال البحر ونوض أوااااا قود نوض كربوز كايبقى ديما كربوز ……. يالله يالله طلعنا لطموبيل أنا و عبدالراحيم و مشينا لدار صاحبو عطاني واحد الصباط و تريكو و احد تجاكيطة قاليا شوف هادو واش غايجيوك لبستهوم طليت فالمرايا عجبني كري مودير صافي …… قاليا واش دابا هكدا بحال قبيلة أصاحبي جايني بجلابة ديال الصوف …….. لبست دوك الحوايج و مشينا أنا وياه و صاحبو ﻷكادير أكادير بليل شي حاجة فشكل عندها طعم ماشي بحال كاع المدون مجموعة فيها البساطة مع الدعارة و التشرد و السياحة الجنسية و الزوامل ….. مشينا كرعناها لوبيا بالكرعين فواحد قهوة و تقهوينا فلاكوط …… عاد تحركنا البار أوال مرة غاندخل البار جاني داكشي فشكل بحال إلى سديتي عليا فشي قرعة الضجيج ديال الموسيقا و أكترت ضواو مامضويين ماطافيين و دخاخن روايح ديال القحاب مع روايح رجالة مع ريحت الكارو تختقت قلت ليه لعبد الراحيم غانخرج نقود فحالي تا تساليو أنا على براااااااا مغانبقاش فهد الجو .. كايضحك عبد الراحيم حنا بدينا بعدا باش نساليو راه غانبقاو هنا مزال فين غاتسنانا و تا غاصبر دابا نشوفو ليك شي طرف غايخليك تولف الجو …….. جا عندنا سرباي واحد الموسطاش جاب شي طبيسلات صغار فيهوم الزيتون و شلاضة حطهوم هما لولين و مشا وضرب ضورة ورجع قاليه أه أش حب الخاطر ….. قاليه عبد الراحيم جيب ليا سطيلا بعدا قاليه لاخر تا أنا هكداك ….. قاليا نتا بقيت كانشوف فيه كانتسنا فعبد الراحيم إقوليه راه مكايشربش إمشي إقود حدايا …….. قلت ليها تا أنا جيب سطيلة وخا ما عرفتش كيفاش بلان ديك سطيلا …… هداك لي طلبنا ليه ماشي هو لي سربانا سرباتنا واحد القحبة حطات لينا دوك سطيلات و ساروت ديال الموناضة كل سطيلا فيها طناش هينيكن …….. عبد الراحيم و صاحبو بداو مكاين غا حل خويها مزال ماكملوش ستة لواحد زادو طلبو جوج إترو فودكا وحدة باسطيس ……. قاليا عبد الراحيم موحماد أش كاتسنا يالله بالي قلت ليه بيني و بينك أ عبد الراحيم راه مكانشربش و البار هو لخر أوال مرة غاندخل ليه …….. بقااااااااو كايضحكو عليا هو وصاحبو صاحبو سكر تا سكر هو يقول ليا موحماد و الله تا طلعتني أصاحبي يا سكر يا نوض قود حدانا قلت ليه هي لي ماتعاودش …….. و قفت و هو يقول ليا عبد الراحيم لا لا خليك قالس ماعندك فين تمشي ….. قلت ليه و اخصني نوض نقود أصاحبي قاليا و بلاتي بلاتي ما عاجبكش هنا يالله يالله نديك فين تلقا خاطرك ……… طلعنا لسدة ديال لبار بعدا الفوق ماشي بحال لتحت كاينة التلفازة و ماكينة ديال القهوة والناس قالسين بعقلهوم قاليا ها حنا لتحت خود ليك قهوة ولا موناضة و رتاح أ موحماد رتااااااااااااااح …….. عبد الراحيم تكاوا رجليه ما بقاوش هازينو خديت قهوة نوار و بقيت كالس كانخمم كنت داك الوقت كانفكر فالزواج ساعة عبد الراحيم كرهني منو كانشوف مخلي ولادو و مراتو فالبلاد و جا لأكادير عاطيه فيه لطاسة والقحاب لاش مزوج كاع أصلا معرفتش…….. كانشرب فديك قهوة و كانشوف فرجال أنواع و أشكال صحاب الكومبلي و الكرافاطة ها لي مقودة عليه مالقا تا ماياكل و جاي إسكر ها لي مخلي لمرا و لولاد بلا عشاء و لكن كل واحد عندو شي دافع لي غايخليه إجي داك الحبس إشرب فيه تا يولي كلب حسن منو و كانشوف القحاب تا هما كانقول دابا هادو كل واحدا عندها قصتها مكايناش شي واحد فيها الفارا و لا كاتموت فالزاب لدراجة تجي تسهر فالبار تال تلاتة د ليل باش تحواااااااى …… مشيت سهيت و كانخمم تا وقفات عليا واحدا صراحة هي و كلتوم لحد الساعة ما عمري ماشفت بحالهوم عينيها كبار و فمها صغير و قننفها يا سلام و جهها ضاير إلى بغيت نشبهها غانشبهها بحور عين إلى كانو بصاح …….. مطراسية كل شي عندها كامل لور صدر الفخاض وضربا واحد جلابة إفازي كاتبيين كلشي و لايحا واحد فولار على راسها و مخرجة واحد شوية من شعر فوق جبهتها ….. قالت ليا السلام ولاحت إديها و كأنني درتها موعدة كانتسناها بنضرة واحدة فوجهها دوباتني و وكضاتني ….. قالت ليا نتا هو موحماد ياك …… قلت ليه أه هو أنا …… لاباس عليك كلشي مزيان ….. و خانكلس ؟؟ قلت ليها كلسي …… ولكن صراحة أنا راه مكانعرفكش و ماعمرني شفتك ………. بدات كاضحك هههههههههههههههههه أويلي فين غاتشوفني راه صيفطني عندك عبد الراحيم راه هو كالس لتحت ما خاصكش لي يونسك …….. قلت ليه فدماغي و الله تا نسيت واش كاين عبدالراحيم لتحت ….. قلت ليها اه مرحبا كلسات بقات ساكتة وبقيت ساكت ……. مرا مرا كانلوح فيها عينيا ….. قالت ليا واشنو مغا نشرب واااااالو ……. قلت ليه كلشي قدامك … قالت ليا ولكن من الأداب انك تقول ليا شوفي شنو غاتشربي …….. قلت ليها اودي سمح ليا نجي ديريكت الأداب ديال البيران و الله ما عندي حيت القهوة هي لخراااا كانجلس فيها غا ملي كايوقف الكار فمسكروض و لا شيشاوة إلى جيت البلاد من العيد العيد ……… بقات كاضحك قالت ليا ماشي مشكيل حنا نعلموك صرااااحة صراااحة ضربت عليك و جهك ماشي ديال البيران و باينة عليك ماشي ولد ضومين ……. و هي تعييط فتيحة فتيحة على ديك القحبة لي فالكونطوااااااار الفوق باش تجي تسربيها ………
يتباااااااااع
لا يوجد تعليقات
أضف تعليق