ﺷﺮﻳﺖ ﺩﻳﻚ ﺍﻟﺪﺍﺭ .. ﺍﻟﻠﻴﻠﺔ ﺍﻟﻠﻮﻟﺔ ﻣﻦ ﺑﻌﺪ ﺍﻟﺸﺮﺍﺀ ﻛﻨﺖ ﻧﺎﻋﺲ ﺣﺘﻰ ﻭﻗﻒ
ﻋﻠﻴﺎ ﺩﺍﻙ ﺍﻟﺮﺍﺟﻞ ﺗﺎﻧﻲ ﻟﻲ ﻣﻜﻔﻦ ﺑﺎﻟﻜﺤﻞ ﺅ ﻛﺎﻳﻘﻮﻝ ﻟﻴﺎ ﻣﺮﺣﺒﺎ ﺑﻴﻚ ﻭﻟﻜﻦ
ﻏﺎﺩﻱ ﺗﻨﺪﻡ ﻛﺎﻧﺤﻞ ﻋﻴﻨﻴﺎ ﻣﺎﻧﻠﻘﺎ ﻭﺍﻟﻮ ﺩﺍﺯﺕ ﺷﻲ ﺳﻴﻤﺎﻧﺎ ﻣﺎ ﺣﻠﻤﺖ ﺑﻴﻪ .
ﻣﻦ ﺑﻌﺪ ﻣﺎ ﻛﻼﺕ ﺩﻳﻚ ﺍﻟﺴﻴﻤﺎﻧﺎ . ﻗﻠﺖ ﻟﻤﺮﺍﺗﻲ ﻋﻨﺪﻱ ﻟﻴﻚ ﻭﺍﺣﺪ ﺍﻟﺴﺮ .
ﻗﺎﻟﺖ ﻟﻴﺎ ﺷﻨﻮ ﻫﻮ؟
ﻗﻠﺖ ﻟﻴﻬﺎ 10 ﺳﻨﻴﻦ ﺅ ﺃﻧﺎ ﻛﺎﻧﺤﻠﻢ ﻭﺍﺣﺪ ﺍﻟﺤﻠﻤﺔ ﻓﻴﻬﺎ ﻭﺍﺣﺪ ﺧﻮﻧﺎ ﻣﻜﻔﻦ
ﺑﺎﻟﻜﺤﻞ ﻛﺎﻳﻘﻮﻝ ﻟﻴﺎ ﺷﺮﻱ ﺍﻟﺪﺍﺭ . ﻣﻠﻲ ﺷﺮﻳﺘﻬﺎ ﺣﻠﻤﺖ ﺑﻴﻪ ﺟﺎ ﻗﺎﻝ ﻟﻴﺎ ﻣﺮﺣﺒﺎ
ﺑﻴﻚ ﻭﻟﻜﻦ ﻏﺎﺩﻱ ﺗﻨﺪﻡ . ﺅ ﺩﺍﺑﺎ ﺳﻴﻤﺎﻧﺔ ﻣﺎ ﺟﺎﺵ .
ﻗﺎﻟﺖ ﻟﻴﺎ ﺣﺒﻴﺒﻲ ﺃﻧﺎ ﺃﺻﻼ ﻣﺎﺭﺗﺎﺣﻴﺘﺶ ﻫﻨﺎ ﻭﺍﻟﻠﻪ . ﻏﻴﺮ ﺩﺭﺕ ﻟﻴﻚ ﺧﺎﻃﺮﻙ ﺅ
ﺻﺎﻓﻲ ..
ﺍﻟﻤﻬﻢ ﺩﻭﺯﻧﺎ ﺍﻟﻬﻀﺮﺓ ﻣﻦ ﺑﻌﺪ ﺷﻲ 4 ﺷﻬﺮ . ﺅ ﺃﻧﺎ ﺧﺪﺍﻡ ﻓﺎﻟﻔﻴﺮﻣﺎ ﺟﺎ
ﻟﻌﻨﺪﻱ ﻭﻟﺪﻱ ﺍﻟﻜﺒﻴﺮ ﻛﺎﻳﺠﺮﻱ ﻣﻠﻲ ﻭﻗﻒ ﺣﺪﺍﻳﺎ ﻗﺎﻝ ﻟﻴﺎ ﺑﺎﺑﺎ ﺷﻲ ﻧﺎﺱ
ﻛﺎﻳﺴﻮﻟﻮ ﻓﻴﻚ . ﻗﻠﺖ ﻟﻴﻪ ﺷﻜﻮﻥ؟
ﻗﺎﻝ ﻟﻴﺎ ﻣﺎﻋﺮﻓﺘﻬﻤﺶ ﻭﻟﻜﻦ ﺑﺎﻳﻦ ﻋﻠﻴﻬﻢ ﺑﺮﺍﻧﻴﻴﻦ ﻣﺎﺷﻲ ﻣﻦ ﺍﻟﻤﻐﺮﺏ .
ﻣﺸﻴﺖ ﻟﻘﻴﺖ 5 ﺗﺎﻟﻨﺎﺱ ﺃﻣﺮﻳﻜﻲ ﺅ ﺭﻭﺳﻴﺔ ﺅ ﺟﻮﺝ ﻳﺒﺎﻧﻴﻴﻦ ﺅ ﻣﻐﺮﺑﻲ
ﻣﺘﺮﺟﻢ .
ﺳﻠﻤﺖ ﻋﻠﻴﻬﻢ ﺅ ﻫﻮ ﻳﻨﻄﻖ ﺩﺍﻙ ﺍﻟﻤﻐﺮﺑﻲ ﻗﺎﻝ ﻭﺍﺵ ﻧﺘﺎ ﻫﻮ ﺑﻮﺷﺘﻰ ﻣﻮﻝ
ﻫﺎﺩ ﺍﻟﺪﺍﺭ؟
ﻗﻠﺖ ﻟﻴﻪ ﺁﻩ ﻫﻮ ﻫﺬﺍ ﺁﺵ ﺣﺒﺎﺕ ﺍﻟﺨﺎﻃﺮ؟
ﻗﺎﻝ ﻟﻴﺎ ﺣﻨﺎ ﻟﺠﻨﺔ ﻛﺎﻧﺄﺭﺧﻮ ﺍﻟﻤﺂﺛﺮ ﺍﻟﻘﺪﻳﻤﺔ ﺅ ﻧﻌﻄﻮﻫﺎ ﻗﻴﻤﺔ ﻣﺎﺩﻳﺔ ﺇﻟﻰ
ﻗﺪﺭﺗﻲ ﺗﺨﻠﻴﻨﺎ ﻧﺪﺧﻠﻮ ﻧﺸﻮﻓﻮ ﺍﻟﺪﺍﺭ ﺅ ﻧﺸﺮﺣﻮ ﻟﻴﻚ ﺗﺎﺭﻳﺨﻬﺎ . ﻗﻠﺖ ﻟﻴﻪ ﺑﻼﺗﻲ
ﻧﺘﺸﺎﻭﺭ ﻣﻊ ﻣﺮﺍﺗﻲ ﺅ ﻧﺮﺩ ﻋﻠﻴﻚ .
ﺩﺧﻠﺖ ﺳﻮﻟﺖ ﺣﺒﻴﺒﺘﻲ ﻭﺍﺵ ﺇﻗﺪﺭﻭ ﺇﺩﺧﻠﻮ ﻗﺎﻟﺖ ﻟﻴﺎ ﺭﺍﻩ ﺷﻔﺘﻬﻢ ﻣﻦ ﺳﺮﺟﻢ
ﺅ ﻣﺎﺣﻤﻼﺗﻬﻤﺶ ﻟﻴﺎ ﺧﺎﻃﺮﻱ ﺅ ﺯﻳﺪﻭﻥ ﻣﺎﻛﺎﻥ ﻣﺎﻳﺘﻜﺎﻝ ﺅ ﺍﻟﺪﺍﺭ ﻣﺮﻭﻧﺔ . ﻗﻠﺖ
ﻟﻴﻬﺎ ﺣﺸﻮﻣﺔ ﻛﻞ ﻭﺍﺣﺪ ﻣﻨﻴﻦ ﺟﺎﻱ ﺑﺎﺵ ﺇﺩﺧﻠﻮ ﻟﺪﺍﺭﻱ ﺅ ﻧﺠﺮﻱ ﻋﻠﻴﻬﻢ ..
ﻓﻜﺮﺍﺕ ﺷﻮﻳﺎ ﺅ ﻗﺎﻟﺖ ﻟﻴﺎ ﻗﻮﻝ ﻟﻴﻬﻢ ﺗﺎﻝ ﻏﺪﺍ ﺑﻴﻦ ﻣﺎ ﻧﻘﻲ ﺍﻟﺪﺍﺭ ﺅ ﺗﻤﺸﻲ
ﻟﺴﻮﻕ ﺗﺠﻴﺐ ﻣﺎﻳﺘﻜﺎﻝ .
ﺧﺮﺟﺖ ﻋﻨﺪﻫﻢ ﻗﻠﺖ ﻟﻴﻬﻢ ﺗﺎﻝ ﻏﺪﺍ ﺍﻧﺸﺎﺀ ﺍﻟﻠﻪ ﺣﺘﺎﺵ ﻏﺎﻧﺨﺮﺟﻮ ﺍﻟﻴﻮﻣﺎ ﻣﻊ
ﺍﻟﻮﻟﻴﺪﺍﺕ ﻟﺸﻲ ﺑﻼﺳﺔ .
ﻓﻌﻼ ﻣﺸﺎﻭ ﺅ ﻓﺎﻟﻠﻴﻞ ﻣﻠﻲ ﺑﻐﻴﺖ ﻧﻌﺲ ﻣﺎﺭﺗﺎﺣﻴﺘﺶ ﺑﻘﻴﺖ ﺣﺘﻰ ﻏﻔﻠﻨﻲ
ﻧﻌﺎﺱ ﺷﻮﻳﺎ ﻛﺎﻧﺤﺲ ﺑﺮﺍﺳﻲ ﻓﻘﺖ ﺅ ﻣﺎ ﻗﺎﺩﺭﺵ ﻧﺤﻞ ﻋﻴﻨﻴﺎ ﺅ ﻭﻻ ﻓﻤﻲ ﺅﻻ
ﺣﺘﻰ ﺣﺎﺟﺎ ﻣﺠﻤﺪ . ﻛﺎﻧﺴﻤﻊ ﺍﻟﺨﻄﻮﺍﺕ ﺗﺎﻉ ﺷﻲ ﺇﻧﺴﺎﻥ ﻛﺎﻳﻘﺮﺏ ﻣﻨﻲ .
ﺣﺴﻴﺖ ﺑﻘﻠﺒﻲ ﺑﻐﻰ ﻳﺘﻔﺮﻛﻊ ﻣﻦ ﺍﻟﺮﻋﺐ . ﺍﻟﺨﻄﻮﺍﺕ ﻏﺎﺩﻳﺎ ﺅ ﺗﻘﺮﺏ . ﺍﻟﺠﺴﻢ
ﺗﺎﻋﻲ ﻣﺎﻗﺪﺭﺗﺶ ﻧﺤﺮﻛﻮ ﺃﻭﻻ ﻧﺤﻞ ﻏﻴﺮ ﻋﻴﻨﻴﺎ ﻧﺸﻮﻑ ﺁﺷﻨﻮ ﺩﺍﻛﺸﻲ . ﺷﻮﻳﺎ
ﻛﺎﻧﺤﺲ ﺑﻬﻮﺍﺀ ﺍﻟﺰﻓﻴﺮ ﺗﺎﻉ ﻓﻢ ﺷﻲ ﻭﺍﺣﺪ ﺣﺪﺍ ﻭﻭﺩﻧﻲ ﻟﻴﻤﻨﺎ ﺅ ﺑﺪﻳﺖ ﻧﺤﺲ
ﺑﻮﺟﻬﻲ ﻛﺎﻳﺪﻭﺭ ﺟﻴﻬﺖ ﻟﻴﻤﻦ ﻓﺎﺵ ﺣﻠﻴﺖ ﻋﻴﻨﻴﺎ ﻟﻘﻴﺖ ﺭﺍﺟﻞ ﺑﺤﺎﻝ ﺇﻟﻰ ﻛﺎﻥ
ﻣﻴﺖ ﻣﻦ ﺷﺤﺎﺍﺍﻝ ﻫﺎﺩﻱ ﺟﻠﺪﻭ ﻟﺼﻖ ﻋﻠﻰ ﻋﻀﻤﻮ . ﻋﻴﻨﻴﻪ ﻣﺴﺪﻭﺩﻳﻦ ﺅ
ﻣﺨﻴﻄﻴﻦ ﺅ ﺍﻟﺨﻴﻂ ﺑﺎﻳﻦ ﻋﻠﻰ ﺑﺮﺍ ﺅ ﻛﻠﻮ ﻫﻮ ﺩﻡ .
ﻗﺎﻝ ﻟﻴﺎ ﺇﺩﺧﻞ ﺷﻲ ﻭﺍﺣﺪ ﻟﻬﺎﺩ ﺍﻟﺪﺍﺭ ﻏﺎﺗﺨﻠﺺ ﻣﻦ ﻭﻻﺩﻙ ﻣﺘﺎﻓﻘﻴﻦ .. ﻓﺪﻳﻚ
ﺍﻟﻠﺤﻈﺔ ﻣﺎﻋﺮﻓﺘﺶ ﻛﻔﺎﺵ ﺑﺤﺎﻝ ﺇﻟﻰ ﻋﺎﺩ ﻓﻘﺖ ﻧﻐﻮﺕ ﻣﻠﻲ ﺷﻔﺖ ﺟﻴﻬﺖ
ﻟﻴﻤﻦ ﻣﺎﻟﻘﻴﺖ ﻭﺍﻟﻮ ﺅ ﻣﺮﺍﺗﻲ ﺗﻘﻮﻝ ﻟﻴﺎ ﻣﺎﻟﻚ ﻣﺎﻟﻚ ﻣﺎﺍﺍﻟﻚ ﻗﻠﺖ ﻟﻴﻬﺎ ﻭﺍﻟﻮ
ﻏﻴﺮ ﻧﻌﺴﻲ ﺻﺎﻓﻲ . ﻛﻨﺖ ﻏﻴﺮ ﻧﺤﻠﻢ .
ﻓﺼﺒﺎﺡ ﺟﺎﺕ ﺩﻳﻚ ﺍﻟﻠﺠﻨﺔ ﺑﺼﺮﺍﺣﺔ ﺗﺮﺩﺩﺕ ﻓﺎﻹﺳﺘﻘﺒﺎﻝ ﺗﺎﻋﻬﻢ ﻭﻟﻜﻦ ﺣﺸﻤﺖ
ﺅ ﺩﺧﻠﺘﻬﻢ ﺑﺪﺍﻭ ﻛﺎﻳﺪﻭﺭﻭ ﻓﺪﺍﺭ ﺅ ﻛﺎﻳﺼﻮﺭﻭ ﺣﺘﻰ ﺳﺎﻻﻭ ﺅ ﺧﺮﺟﻮ ﻣﺸﺎﻭ . ﺃﻧﺎ
ﺧﺮﺟﺖ ﻣﺸﻴﺖ ﻟﺨﺪﻣﺘﻲ ﻓﺎﻟﻌﺸﻴﺎ ﺭﺟﻌﺖ ﻟﺪﺍﺭ ﻳﺎﻻﻩ ﺑﺎﺵ ﺩﻭﺷﺖ ﻧﺴﻤﻊ
ﺻﻮﺕ ﺗﺎﻉ ﻃﻤﻮﺑﻴﻞ ﻋﻠﻰ ﺑﺮﻯ ﻓﺎﺵ ﺧﺮﺟﺖ ﻟﻘﻴﺘﻮ ﺩﺍﻙ ﺍﻟﻤﻐﺮﺑﻲ ﺍﻟﻤﺘﺮﺟﻢ
ﻟﻲ ﺟﺎ ﻣﻊ ﺍﻟﻠﺠﻨﺔ ﺧﺮﺟﺖ ﻋﻨﺪﻭ ﺳﻠﻤﺖ ﻋﻠﻴﻪ ﺅ ﻗﻠﺖ ﻟﻴﻪ ﻧﺴﻴﺘﻲ ﺷﻲ ﺣﺎﺟﺎ
ﻫﻨﺎ ﻭﻻ؟
ﻗﺎﻝ ﻟﻴﺎ ﻻ ﻏﻴﺮ ﻋﻨﺪﻱ ﺷﻲ ﺣﺎﺟﺎ ﺑﺎﻏﻲ ﻧﻘﻮﻟﻬﺎ ﻟﻴﻚ ﺇﻟﻰ ﻛﺎﻥ ﻣﻤﻜﻦ . ﻗﻠﺖ
ﻟﻴﻪ ﺗﻔﻀﻞ ﺯﻳﺪ ﺩﺧﻞ .
ﺟﻠﺴﻨﺎ ﺅ ﻫﻮ ﻳﺠﺒﺪ ﻭﺍﺣﺪ ﺍﻷﻟﺒﻮﻡ ﺗﺎﻉ ﺗﺼﺎﻭﺭ ﻣﻦ ﻣﺤﻔﺎﺿﺘﻮ ﺅ ﺣﻄﻮ ﺅ ﻫﻮ
ﻳﻘﻮﻝ ﻟﻴﺎ ﻭﺍﺵ ﻋﻨﺪﻙ ﺷﻲ ﻓﻜﺮﺓ ﻋﻠﻰ ﻣﺎﻟﻴﻦ ﻫﺎﺩ ﺍﻟﺪﺍﺭ؟
ﻗﻠﺖ ﻟﻴﻪ ﺳﻤﻌﺖ ﺑﻠﻲ ﻣﺮﺿﻮ ﺷﻲ ﻣﺮﺽ ﺧﻄﻴﺮ ﺅ ﺗﻌﺎﺩﺍﻭ ﻛﺎﻣﻠﻴﻦ ﺅ ﻣﺎﺗﻮ ..
ﻭﺍﺣﺪ ﻫﻮ ﻟﻲ ﻓﻠﺖ ﻣﻨﻬﻢ ﺭﺍﻩ ﻣﺸﺎ ﻟﻔﺮﺍﻧﺴﺎ ﺅ ﺑﻨﺘﻮ ﻫﻲ ﻟﻲ ﺑﺎﻋﺖ ﻟﻴﺎ
ﺍﻟﺪﺍﺭ .
ﻗﺎﻝ ﻟﻴﺎ ﻫﺎﺩﺷﻲ ﻛﺎﻳﻦ ﻭﻟﻜﻦ ﻭﺍﺣﺪ ﺍﻟﻨﻘﻄﺔ ﻣﻬﻤﺔ ﻫﻲ ﻣﺎﺷﻲ ﻋﺪﻭﻯ ﺇﻧﻤﺎ
ﻣﺎﺗﻮ ﻣﻘﺘﻮﻟﻴﻦ ...يتبع
لا يوجد تعليقات
أضف تعليق