ﺷﻲ 3 ﺷﻬﺮ ﺗﻘﺮﻳﺒﺎ ﻛﻨﺖ ﻓﺴﻮﻧﻄﺮ ﺅ ﺟﺎﻱ ﻟﻬﻮﺍﺭﺓ ﺅ ﻓﻨﺺ ﺗﺎﻉ ﻃﺮﻳﻖ ﻧﺰﻟﺖ
ﻣﻦ ﻃﻮﺑﻴﺲ ﺍﻷﻭﻝ ﺑﺎﺵ ﻧﺘﻼﺡ ﻓﺘﺎﻧﻲ .. ﺑﻀﺒﻂ ﺍﻟﺮﻭﻣﺒﻮﺍﻥ ﺗﺎﻉ ﺁﻳﺖ ﻣﻠﻮﻝ
ﻛﺎﻧﺖ ﺍﻟﺤﺮﺍﺭﺓ ﺟﻠﺴﺖ ﺗﺤﺖ ﻭﺍﺣﺪ ﺷﺠﺮﺓ ﻛﺎﻧﺘﺄﻣﻞ ﻓﻮﺍﺣﺪ ﺳﺎﻗﻴﺎ ﻗﺪﺍﻣﻲ .
ﻭﺍﺣﺪ ﺷﻮﻳﺎ ﻧﺴﻤﻊ ﻭﺭﺍﻳﺎ ﻓﺮﺍﻥ ﺗﺎﻉ ﻃﻮﻣﻮﺑﻴﻞ ﺑﺠﻬﺎﻻ ﺅ ﻛﻼﻛﺴﻮﻥ ﻣﻠﻲ ﺩﺭﺕ
ﻟﻘﻴﺖ ﻭﺍﺣﺪ ﻣﻮﻝ ﺯﻳﺒﺮﺍ ﻭﻗﻒ ﺣﺪﻯ ﺭﺟﻠﻴﻦ ﻭﺍﺣﺪ ﺍﻟﺤﺎﺝ ﻛﺒﻴﺮ ﻓﺎﻟﻌﻤﺮ ﻛﺎﻥ
ﻏﺎﻳﻘﻄﻊ ﻃﺮﻳﻖ ﻣﻠﻲ ﻣﺸﻴﺖ ﻧﺠﺮﻱ ﻟﻘﻴﺖ ﺩﺍﻙ ﻣﻮﻝ ﻃﻮﻣﻮﺑﻴﻞ ﻧﺰﻝ ﻛﺎﻳﺴﺐ
ﺅ ﺑﻐﻰ ﺇﺿﺮﺏ ﺩﺍﻙ ﺍﻟﺸﺒﺎﻧﻲ ﻣﺴﻜﻴﻦ ﺅ ﺍﻧﺎ ﻧﻘﻮﻝ ﻟﻴﻪ ﻃﻠﻊ ﻟﻄﻮﻣﻮﺑﻴﻠﺘﻚ ﺅ
ﺯﻳﺪ ﻣﺎﻭﻗﻊ ﻭﺍﻟﻮ . ﺑﺪﺍ ﺗﺎﻳﺨﺼﺮ ﻋﻠﻴﺎ ﻓﺎﻟﻬﻀﺮﺓ ﺧﺮﺟﺖ ﻣﻦ ﻃﺮﻳﻖ ﻫﺰﻳﺖ ﺟﻮﺝ
ﺣﺠﺮﺍﺕ ﻗﻠﺖ ﻟﻴﻪ ﻏﻴﺮ ﺗﺤﺮﻙ ﻭﻻ ﻧﺴﻮﺱ ﻟﻴﻚ ﺯﺍﺝ ﺅ ﻧﺘﺎ ﺧﺘﺎﺭ ﻭﺣﺪﺓ ﻣﻦ
ﺟﻮﺝ . ﺷﺎﻑ ﻓﻴﺎ ﻣﻔﻀﻲ ﻋﺎﺭﻓﻨﻲ ﻏﺎﻧﺪﻳﺮﻫﺎ ﻭﻛﺜﺮ ﻃﻠﻊ ﻟﻄﻤﻮﺑﻴﻠﺘﻮ ﺅ ﺗﺤﺮﻙ
ﻓﺎﺵ ﻣﺸﻲ ﻟﻌﻨﺪ ﺩﺍﻙ ﺍﻟﺸﺒﺎﻧﻲ ﻭﻗﻔﺖ ﻗﺪﺍﻣﻮ ﻟﻘﻴﺘﻮ ﻋﻤﺎ ﻣﺴﻜﻴﻦ ﺅ ﻗﻠﺖ
ﻟﻴﻪ ﻏﻴﺮ ﺑﺸﻮﻳﺎ ﺁ ﻋﻤﻲ ﺁﺵ ﻗﻄﻌﻚ ﻃﺮﻳﻖ ﺅ ﻧﺘﺎ ﻣﺎﺗﺸﻮﻑ ﻗﺎﻝ ﻟﻴﺎ ﺁ ﻭﻟﺪﻱ
ﺯﺭﺑﺎﻥ ﻋﻨﺪﻱ ﻣﺎﻧﺪﻳﺮ .
ﺷﺪﻳﺖ ﺑﺈﻳﺪﻭ ﺅ ﺩﻳﺘﻮ ﺣﺪﺍ ﺩﻳﻚ ﺍﻟﺴﺎﻗﻴﺎ ﺅ ﺟﻠﺴﻨﺎ ﺃﻧﺎ ﻭﻳﺎﻩ ﻗﺎﻝ ﻟﻴﺎ ﺁﺵ
ﺳﻤﻴﺘﻚ ﻗﻠﺖ ﻟﻴﻪ ﺍﻟﻨﻴﻨﻮ ﺿﺤﻚ ﺅ ﻗﺎﻝ ﻟﻴﺎ ﻣﺎﺳﻤﻌﺖ ﻫﺎﺩ ﺍﻟﻜﻠﻤﺔ ﻣﻦ ﺃﻳﺎﻡ
ﺍﻹﺳﺘﻌﻤﺎﺭ ﺗﺎﻉ ﺳﺒﺎﻧﻴﺎ ﺿﺤﻜﺖ ﺅ ﻗﻠﺖ ﻟﻴﻪ ﺭﺍﻩ ﻋﺎﺭﻓﻬﺎ ﻛﻠﻤﺔ ﺇﺳﺒﺎﻧﻴﺎ ﺅ ﺍﻟﻤﺮﺓ
ﺟﺎﻳﺎ ﺑﻘﻰ ﺣﺘﻰ ﻳﺠﻲ ﻟﻲ ﻏﺎﻳﻘﻄﻌﻚ ﻃﺮﻳﻖ . ﻗﺎﻝ ﻟﻴﺎ ﺁ ﻭﻟﺪﻱ ﺣﻤﺪ ﺭﺑﻲ ﻋﻠﻰ
ﻧﻌﻤﺔ ﺍﻟﺒﺼﺮ . ﺣﺘﺎﺵ ﺣﺘﻰ ﺍﻧﺎ ﻛﻨﺖ ﺑﺤﺎﻟﻚ ﻋﻴﻨﻴﺎ ﺅ ﺍﻟﺼﺤﺔ ﺅ ﺍﻟﺸﺒﺎﺏ ﻭﻟﻜﻦ
ﻏﻠﻄﺘﻲ ﻫﻲ ﺩﺍﺭ " ﻣﻨﺰﻝ"
ﻗﻠﺖ ﻟﻴﻪ ﻛﻔﺎﺵ ﺩﺍﺭ ﻣﺎﻓﻬﻤﺘﺶ .
ﻗﺎﻝ ﻟﻴﺎ ﺣﺴﻦ ﻟﻴﻚ ﻣﺎﺗﻔﻬﻢ ﺣﺘﺎﺵ ﻫﻲ ﻗﺼﺔ ﻃﻮﻳﻴﻴﻴﻠﺔ ﻭ ﻣﺎﻏﺎﺩﻳﺶ ﺗﻴﻘﻨﻲ
ﺇﻟﻰ ﻋﺎﻭﺩﺗﻬﺎ ﻟﻴﻚ .
ﻗﻠﺖ ﻟﻴﻪ ﺃﻧﺎ ﻣﻌﺎﻙ ﺍﻟﻴﻮﻣﺎ ﺣﺘﻰ ﻧﺴﻤﻊ ﻫﺎﺩ ﺍﻟﻘﺼﺔ ..
ﻗﺎﻝ ﻟﻴﺎ ﺣﺘﺎﺵ ﻋﺎﻭﻧﺘﻲ ﺍﻟﻴﻮﻡ ﺅ ﻛﻨﺘﻲ ﻭﻟﺪ ﺯﻭﻳﻦ ﻏﺎﻧﻌﺎﻭﺩ ﻟﻴﻚ ﻗﺼﺔ ﺣﻘﻴﻘﻴﺔ
ﻣﺎﻏﺎﺩﻳﺶ ﺗﺼﺪﻗﻬﺎ .. ﻏﺎﻧﺒﺪﺍ ﻟﻴﻚ ﻓﺎﺵ ﻛﻨﺖ ﺗﻘﺮﻳﺒﺎ ﻗﺪﻙ 19 -- 20 ﺳﻨﺔ
ﻛﻨﺖ ﺷﺎﺏ ﺅ ﺻﺤﻴﺢ ﻣﺎﺗﺼﻮﺭﺵ ﻛﻴﻒ ﻛﻨﺖ ﻛﻠﺸﻲ ﻛﺎﻥ ﻛﺎﻳﻌﻴﻂ ﻋﻠﻴﺎ ﻏﻴﺮ
ﻫﻴﺘﻠﺮ . ﻛﻨﺖ ﻣﺰﻋﻮﻁ ﻓﻮﺍﺣﺪ ﺍﻟﺒﻨﺖ ﻛﺎﻧﺖ ﺳﻤﻴﺘﻬﺎ ﺃﻣﻴﻨﺔ ﺅ ﻫﻲ ﺍﻟﻮﺭﺩﺓ ﺗﺎﻉ
ﺍﻟﺪﻭﺍﺭ ﺅ ﺣﺘﻰ ﻫﻲ ﻛﺎﻧﺖ ﻛﺎﺗﺒﻐﻴﻨﻲ ﺅ ﺑﺰﺍﺍﻑ ﺟﺎ ﻭﺍﺣﺪ ﻧﻬﺎﺭ ﻃﻮﺭﺍﺕ ﺍﻟﻌﻼﻗﺔ
ﺑﺪﻳﻨﺎ ﻧﺤﺴﻮ ﺑﻠﻲ ﺃﻧﺎ ﺅ ﻫﻲ ﺑﺤﺎﻝ ﺇﻟﻰ ﻛﻨﺎ ﺷﺨﺺ ﻭﺍﺣﺪ .
ﺩﺍﺯﺕ ﺍﻷﻳﺎﻡ ﺣﺘﻰ ﻟﻮﺍﺣﺪ ﻧﻬﺎﺭ ﻃﻠﺒﺖ ﻣﻦ ﺍﻟﻮﺍﻟﻴﺪﺓ ﺗﻤﺸﻲ ﻣﻌﺎﻳﺎ ﻧﺨﻄﺒﻬﺎ
ﻓﻌﻼ ﻣﺸﻴﻨﺎ ﺧﻄﺒﺘﻬﺎ ﺩﺭﻧﺎ ﺍﻟﻌﺮﺱ ﺩﻳﺘﻬﺎ ﺳﻜﻨﺘﻬﺎ ﻣﻌﺎﻳﺎ ﻓﺪﺍﺭ ﻭﺍﻟﻴﺪﻳﺎ ﻫﻲ
ﻓﺪﺍﺭ ﻣﻌﺎﻭﻧﺎﻫﻢ ﺅ ﺃﻧﺎ ﺧﺪﺍﻡ ﻓﻮﺍﺣﺪ ﺍﻟﻔﻴﺮﻣﺎ ﺑﻌﻴﺪ ﻋﻠﻰ ﺍﻟﺪﻭﺍﺭ ﻛﺎﻧﺠﻲ ﻏﻴﺮ
ﻣﺮﺓ ﻣﺮﺓ ..
ﻭﺍﺣﺪ ﻧﻬﺎﺭ ﺷﺎﻓﻨﻲ ﺍﻟﺒﺎﻃﺮﻭﻥ ﺗﺎﻋﻲ ﻣﺤﻦ ﺅ ﻛﺎﻧﻌﺲ ﻏﻴﺮ ﻓﺒﻴﺖ ﺗﺎﻉ ﺍﻟﻘﺶ .
ﺑﻌﻴﺪ ﻋﻠﻰ ﻭﻻﺩﻱ . ﺅ ﺩﻳﻚ ﺍﻟﻔﻴﺮﻣﺎ ﻓﻴﻬﺎ ﻭﺍﺍﺍﺍﺣﺪ ﺍﻟﺪﺍﺭ ﻛﺒﻴﺮﺓ ﻗﺪﺍﺵ ﺅ ﻣﺎﻟﻴﻬﺎ
ﻛﻠﺸﻲ ﻣﺎﺗﻮ ﻣﻦ ﺷﺤﺎﺍﺍﻝ ﻫﺎﺩﻱ ﺑﻘﺎ ﻓﻴﻬﻢ ﻭﻟﺪ ﻣﻮﻝ ﺩﺍﺭ ﻛﺎﻳﻦ ﻓﻲ ﻓﺮﺍﻧﺴﺎ
ﺅ ﻫﻮ ﻳﻘﻮﻝ ﻟﻴﺎ ﺍﻟﺒﺎﻃﺮﻭﻥ ﺷﺘﻲ ﻫﺎﺩﻳﻚ ﺍﻟﺪﺍﺭ ﻣﺎﻟﻴﻬﺎ ﻛﻠﻬﻢ ﻣﺎﺗﻮ ﺅ ﻭﺍﺣﺪ
ﺩﺭﻱ ﻟﻲ ﺑﺎﻗﻲ ﻣﻮﻻﻫﺎ ﻣﺎﻛﺎﻳﻨﺶ ﻣﺎﻋﻤﺮﻭ ﺟﺎ ﻟﻬﻨﺎ . ﺇﻟﻰ ﺑﻐﻴﺘﻲ ﺟﻴﺐ
ﻭﻟﻴﺪﺍﺗﻚ ﺅ ﺳﻜﻦ ﻓﻴﻬﺎ ﺣﺘﻰ ﺇﺣﻦ ﻋﻠﻴﻚ ﺍﻟﻠﻪ ﺅ ﺗﺤﻮﻝ ﻣﻨﻬﺎ .
ﻗﻠﺖ ﻟﻴﻪ ﻭﺍﺧﺎ .
ﺩﺍﺯﺕ ﺳﻴﻤﺎﻧﺎ ﺗﻘﺮﻳﺒﺎ ﺟﺒﺖ ﻣﺮﺍﺗﻲ ﺅ ﺳﻜﻨﺎ ﻓﻴﻬﺎ ﻛﺎﻧﺖ ﺩﺍﺭ ﻛﺒﻴﺮﺓ ﻣﺒﻨﻴﺎ
ﺑﺎﻟﻌﻮﺩ ﺍﻟﻔﺎﺧﺮ ﺑﺤﺎﻝ ﺩﺍﻙ ﺷﻜﻞ ﺗﺎﻉ ﺩﻳﻮﺭ ﺍﻷﻣﺮﻳﻜﻴﺔ . ﻛﺎﻧﺖ ﻛﻠﻬﺎ ﻣﻌﻠﻘﺎ
ﺑﺘﺮﻳﺎﺕ ﺅ ﺍﻷﺗﺎﺙ ﺍﻟﻔﺎﺧﺮ ﺅ ﺳﺒﺤﺎﻥ ﺍﻟﻠﻪ ﺗﺎ ﺷﻲ ﻭﺍﺣﺪ ﻣﺎ ﺯﻋﻢ ﺇﺳﺮﻕ
ﺩﺍﻛﺸﻲ ﺍﻟﻤﻬﻢ ﺩﺧﻠﻨﺎ ﻟﻴﻬﺎ ﺟﺒﻨﺎ ﺣﻮﺍﻳﺠﻨﺎ ﺅ ﺳﻜﻦ ﺍﻧﺎ ﺅ ﻣﺮﺍﺗﻲ ﺩﻭﺯﻧﺎ ﻓﻴﻬﺎ
ﻋﻤﻴﻦ ﺗﺰﺍﺩ ﻋﻨﺪﻧﺎ ﻭﻟﺪ ... ﺅ ﺗﺰﺍﺩ ﺣﺒﻨﺎ ﻟﺒﻌﻀﻨﺎ ﺅ ﻟﻮﻟﺪﻧﺎ ...
ﻭﺍﺣﺪ ﻧﻬﺎﺭ ﺍﻟﻠﻴﻞ ﻛﺎﻣﻞ ﺅ ﺃﻧﺎ ﻧﺤﻠﻢ ﺑﻮﺍﺣﺪ ﺍﻟﺮﺍﺟﻞ ﻛﺎﻳﻮﻗﻒ ﻋﻠﻴﺎ . ﻛﺎﻥ ﻣﻜﻔﻦ
ﺑﺜﻮﺏ ﻛﺤﻞ ﺅ ﻛﺎﻳﻘﻮﻝ ﻟﻴﺎ ﺷﺮﻱ ﺍﻟﺪﺍﺭ ﺷﺮﻱ ﺍﻟﺪﺍﺭ ﺷﺮﻳﻴﻲ ﺍﻟﺪﺍﺍﺍﺭ . ﻛﺎﻧﻔﻴﻖ
ﻣﺎﻧﻠﻘﺎ ﺗﺎ ﺷﻲ ﻭﺍﺣﺪ ﻛﺎﻧﻌﺲ ﺻﺎﻓﻲ ﻣﺎﻳﺮﺟﻌﺶ ﺣﺘﻰ ﻟﻠﻴﻠﺔ ﻻﺧﺮﻯ ﻋﺎﺩ
ﻛﺎﻳﺮﺟﻊ ﻟﻴﺎ ﺅ ﻛﻞ ﻧﻬﺎﺭ ﻛﺎﻧﺤﻠﻢ ﻧﻔﺲ ﺍﻟﺤﻠﻤﺔ ﻟﻤﺪﺓ 10 ﺳﻴﻨﻴﻦ ﺅ ﻓﺪﻳﻚ
ﺍﻟﻤﺪﺓ ﺗﺰﺍﺩﻭ ﻋﻨﺪﻱ ﺟﻮﺝ ﺗﻮﻣﻴﺎﺕ ﻭﻟﻴﺖ ﺳﺎﻛﻦ ﻓﻴﻬﺎ ﺃﻧﺎ ﺅ ﻣﺮﺍﺗﻲ ﺅ ﻭﻟﻴﺪﺍﺗﻲ
..3
ﻭﺍﺣﺪ ﻧﻬﺎﺭ ﻛﻨﺖ ﺧﺪﺍﻡ ﺅ ﺟﺎ ﻟﻌﻨﺪﻱ ﻣﻮﻝ ﺍﻟﻔﻴﺮﻣﺎ ﻗﺎﻝ ﻟﻴﺎ ﺑﻐﻴﺘﻚ ﻳﺎﻻﻩ
ﺗﺒﻌﻨﻲ ﻣﺸﻴﺖ ﻣﻌﺎﻩ ﺣﺘﻰ ﻟﺤﺪﺍ ﺩﻳﻚ ﺍﻟﺪﺍﺭ ﺑﺎﻧﺖ ﻟﻴﺎ ﻭﺍﺣﺪ ﻃﻮﻣﻮﺑﻴﻞ
ﻣﺎﺗﺮﻳﻜﻮﻝ ﺗﺎﻉ ﻓﺮﺍﻧﺴﺎ ﻏﻴﺮ ﻭﻗﻔﻨﺎ ﺣﺪﺍﻫﺎ ﺅ ﻫﻲ ﺗﻨﺰﻝ ﻣﻨﻬﺎ ﻭﺍﺣﺪ ﺩﺭﻳﺎ
ﺳﻠﻤﺖ ﻋﻠﻴﻬﺎ ﺅ ﻗﺎﻝ ﻟﻴﺎ ﻫﺎﺩﻱ ﻫﻲ ﺑﻨﺖ ﻣﻮﻝ ﻫﺎﺩ ﺍﻟﺪﺍﺭ ﻟﻲ ﻛﺎﻥ ﻓﻔﺮﺍﻧﺴﺎ .
ﺅ ﺑﺎﻫﺎ ﻣﺎﺕ ﺷﻲ 3 ﺳﻨﻴﻦ ﺩﺍﺑﺎ ﻫﺎ ﻫﻴﺎ ﺟﺎﺕ ﺑﻐﺎﺕ ﺗﺒﻴﻊ ﻫﺎﺩ ﺍﻟﺪﺍﺭ ﺇﻟﻰ
ﻛﻨﺘﻲ ﺑﺎﻏﻲ ﺗﺸﺮﻳﻬﺎ . ﻗﻠﺖ ﻟﻴﻪ ﻭﺍﺧﺎ ﻣﻦ ﺑﻌﺪ ﻣﺎ ﺗﺎﻓﻘﻨﺎ ﻋﻠﻰ ﺍﻟﺜﻤﻦ ﻣﺸﻴﺖ
ﻟﻠﺒﻼﺩ ﺑﻌﺖ ﺷﻲ ﺃﺭﺍﺿﻲ ﺗﻮﻉ ﺣﻴﺎﺕ ﺍﻟﻮﺍﻟﻴﺪ ﺅ ﻋﻄﺎﺗﻨﻲ ﺍﻟﻮﺍﻟﻴﺪﺓ ﺷﻲ
ﺣﺼﻴﺼﺔ ﺑﺎﺵ ﻛﻤﻠﺖ . ﻣﻦ ﺑﻌﺪ 5 ﺷﻬﺮ ﺷﺮﻳﺘﻬﺎ ﻣﻦ ﻋﻨﺪ ﺩﻳﻚ ﺑﺎﻟﺒﻨﺖ ﺅ
ﻛﺘﺒﺘﻬﺎ ﺑﺴﻤﻴﺘﻲ .
ﺍﻟﻠﻴﻠﺔ ﺍﻟﻠﻮﻟﺔ ﻣﻦ ﺑﻌﺪ ﺍﻟﺸﺮﺍﺀ ﻛﻨﺖ ﻧﺎﻋﺲ ﺣﺘﻰ ﻭﻗﻒ ﻋﻠﻴﺎ ﺩﺍﻙ ﺍﻟﺮﺍﺟﻞ ﺗﺎﻧﻲ
ﻟﻲ ﻣﻜﻔﻦ ﺑﺎﻟﻜﺤﻞ ﺅ ﻛﺎﻳﻘﻮﻝ ﻟﻴﺎ ﻣﺮﺣﺒﺎ ﺑﻴﻚ ﻭﻟﻜﻦ ﻏﺎﺩﻱ ﺗﻨﺪﻡ ﻛﺎﻧﺤﻞ ﻋﻴﻨﻴﺎ
ﻣﺎﻧﻠﻘﺎ ﻭﺍﻟﻮ ﺩﺍﺯﺕ ﺷﻲ ﺳﻴﻤﺎﻧﺎ ﻣﺎ ﺣﻠﻤﺖ ﺑﻴﻪ .
ﻣﻦ ﺑﻌﺪ ﻣﺎ ﻛﻼﺕ ﺩﻳﻚ ﺍﻟﺴﻴﻤﺎﻧﺎ ...يتبع
لا يوجد تعليقات
أضف تعليق