ﺇﻧﺘﻘﺎﻡ ﺍﻟﺮﻭﺡ ﺍﻟﻤﻐﺪﻭﺭﺓ 3

ﻛﺎﻳﻌﺎﻭﺩ ﻟﻴﺎ ﺍﻟﺸﻴﺒﺎﻧﻲ ﺍﻟﺒﺼﻴﺮ ﺑﻠﻲ ﻗﺎﻝ ﻟﻴﻪ ﺩﺍﻙ ﺍﻟﻤﺘﺮﺟﻢ ﻟﻲ ﺟﺎ ﻣﻊ

ﺍﻟﻠﺠﻨﺔ ﺍﻷﺟﻨﺒﻴﺔ ..

.

ﺑﻠﻲ ﻧﺎﺱ ﻣﺎﻟﻴﻦ ﻫﺎﺩ ﺍﻟﺪﺍﺭ ﻣﺎﺗﻮ ﻣﻘﺘﻮﻟﻴﻦ ﺅ ﺍﻟﺨﺮﺍﻓﺔ ﺗﻘﻮﻝ ﺑﻠﻲ ﻛﺎﻥ ﺳﺎﻛﻦ

ﻫﻨﺎ ﻭﺍﺣﺪ ﺍﻟﻌﺠﻮﺯ ﺅ ﻣﺮﺍﺗﻮ . ﺅ ﻛﺎﻥ ﻋﻨﺪﻫﻢ 5 ﺍﻟﺒﻨﺎﺕ ﺅ 3 ﺍﻟﻮﻻﺩ ﻛﻠﻬﻢ

ﺳﺎﻛﻨﻴﻦ ﻫﻨﺎ . ﺩﺍﻙ ﺍﻟﺸﺒﺎﻧﻲ ﻛﺎﻥ ﻛﺎﻳﺨﺪﻡ ﻓﺎﻟﻤﻨﺠﻢ ﺗﺎﻉ ﺍﻟﻔﻮﺳﻔﺎﻁ ﻓﺎﻟﻌﻴﻮﻥ

ﻣﻊ ﺍﻹﺳﺘﻌﻤﺎﺭ .

ﻭﺍﺣﺪ ﻧﻬﺎﺭ ﻛﺎﻥ ﻛﺎﻳﺤﻔﺮ ﺅ ﻃﺎﺡ ﻓﻮﺍﺣﺪ ﺍﻟﻜﻨﺰ ﻻ ﻳﻘﺪﺭ ﺑﺜﻤﻦ . ﻓﺎﺵ ﻟﻘﺎﻩ

ﻣﺎﺻﺪﻗﺶ ﻋﻴﻨﻴﻪ . ﻏﻄﺎﻩ ﺅ ﺧﻼﻩ ﺣﺘﻰ ﺍﻟﻠﻴﻞ ﻋﺎﺩ ﺑﺎﺵ ﻣﺸﺎ ﻟﻴﻪ ﻫﺰﻭ ﺅ

ﺧﺪﺍﻩ ﻟﺪﺍﺭﻭ ﺩﺧﻠﻮ ﻟﺒﻴﺖ ﻧﻌﺎﺱ ﺅ ﺧﺒﺎﻩ ﺑﺪﻭﻥ ﻋﻠﻢ ﺗﺎ ﺷﻲ ﻭﺍﺣﺪ ﻣﻦ ﻭﻻﺩﻭ ..

ﺅ ﻭﺍﺣﺪ ﺻﺒﺎﺡ ﺑﻨﺘﻮ ﺍﻟﻜﺒﻴﺮﺓ ﻛﺎﻧﺖ ﻛﺎﺗﺨﻤﻞ ﺍﻟﺪﺍﺭ ﺷﻮﻳﺎ ﺅ ﻫﻲ ﺗﺸﻄﺐ

ﻣﺎﻋﺮﻓﺎﺗﺶ ﻛﻔﺎﺵ ﺣﺘﻰ ﻟﻘﺎﺕ ﺩﺍﻙ ﺍﻟﺼﻨﺪﻭﻕ ﻓﺎﺵ ﻣﺨﺒﻲ ﺑﺎﻫﺎ ﺍﻟﻜﻨﺰ

ﺗﺼﺪﻣﺎﺕ ﻣﺎﻋﺮﻓﺎﺕ ﺑﺎﺵ ﺗﺒﻼﺕ ﻣﺎﻗﺪﺭﺍﺗﺶ ﺗﺼﺪﻕ ﻋﻴﻨﻴﻬﺎ ﺅ ﻫﻲ ﺗﺠﺮﻱ ﻋﻨﺪ

ﺧﻮﻫﺎ ﺍﻟﻜﺒﻴﺮ ﻗﺎﻟﺖ ﻟﻴﻪ ﺧﻮﻳﺎ ﺧﻮﻳﺎ ﻟﻘﻴﺖ ﻭﺍﺣﺪ ﺍﻟﺼﻨﺪﻭﻕ ﻋﺎﻣﺮ ﺑﺬﻫﺐ

ﻓﺎﻟﺒﻴﺖ ﺗﺎﻉ ﺑﺎﺑﺎ ﻗﺎﻝ ﻟﻴﻬﺎ ﻛﻔﺎﺵ؟ ﻗﺎﻟﺖ ﻟﻴﻪ ﻛﻴﻒ ﺳﻤﻌﺘﻲ .

ﻣﺸﺎﻭ ﻋﻴﻄﻮ ﻋﻠﻰ ﺧﻮﺗﻬﻢ ﻻﺧﺮﻳﻦ ﺅ ﻣﻬﻢ ﺟﺎﻭ ﻋﺮﺍﻭ ﺩﺍﻙ ﺻﻨﺪﻭﻕ ﻛﻠﻬﻢ

ﺗﺼﺪﻣﻮ ﺷﻮﻳﺎ ﺟﺎ ﻓﻴﻬﻢ ﺑﺎﻫﻢ ﺅ ﻗﺎﻝ ﻟﻴﻬﻢ ﺑﻌﺪﻭﻭﻭ ﺑﻌﺪﺩﻭﻭ ﻋﻠﻰ ﺭﺯﻗﻲ

ﺣﻴﻴﺪﻭ ﻛﺎﻣﻠﻴﻦ ﺧﺮﺟﻮ ﻋﻠﻴﺎ ﻣﻦ ﺩﺍﺭﻱ ﻳﺎﻻﻩ ﻣﺎﻧﻠﻘﻰ ﺷﻲ ﻭﺍﺣﺪ ﻫﻨﺎ .

ﺷﺎﻓﻮ ﺣﺘﻰ ﻋﻴﺎﻭ ﺅ ﺗﺤﻮﻟﻮ ﻟﺼﺎﻟﻮﻥ ﺑﻘﺎﻭ ﻛﺎﻳﻬﻀﺮﻭ " ﺍﻟﺒﻨﺎﺕ ﺅ ﺍﻟﻮﻻﺩ ﺅ

ﻣﻬﻢ" ﻛﻔﺎﺵ ﻏﺎﻳﺎﺧﺪﻭ ﻟﺒﺎﻫﻢ ﺩﺍﻙ ﺍﻟﺼﻨﺪﻭﻕ . ﺅ ﻫﻲ ﺗﻨﻄﻖ ﻭﺍﺣﺪ ﺍﻟﺒﻨﺖ ﻣﻨﻬﻢ

ﺅ ﻗﺎﻟﺖ ﻏﻴﺮ ﺑﻀﺤﻚ ﻛﻮﻥ ﻏﻴﺮ ﻗﺘﻠﻨﺎﻩ ﺅ ﻧﺘﻬﻨﺎﻭ ﻫﻬﻬﻬﻪ .

ﻣﻠﻲ ﺳﻤﻌﻮ ﺍﻟﺒﻘﻴﺔ ﻟﻲ ﻣﻌﺎﻫﺎ ﺩﻳﻚ ﻛﻮﻥ ﺁ ﻗﺘﻠﻨﺎﻩ . ﺑﻘﺎﻭ ﻛﺎﻳﺨﺰﺭﻭ ﻓﺒﻌﻀﻬﻢ

ﺑﻌﺾ ﺅ ﻫﻲ ﺗﻨﻄﻖ ﻣﻬﻢ ﻋﻼﺵ ﻻ ﻓﻜﺮﺓ ﺯﻭﻳﻨﺔ ﻫﻮ ﻣﺮﻳﺾ ﺅ ﻗﺮﻳﺐ ﺇﻳﻤﻮﺕ

ﻋﻼﺵ ﻣﺎﻧﻬﻨﻴﻮﻩ ﻣﻦ ﺍﻟﻤﺮﺽ ﺅ ﻧﻬﻨﻴﻮ ﺭﻭﺳﻨﺎ ﻣﻦ ﺍﻟﻔﻘﺮ .

ﺷﺎﻓﻮ ﻓﺒﻌﻀﻬﻢ ﺅ ﺑﺪﺍﻭ ﻛﺎﻳﺘﺮﺩﺩﻭ ﻓﺎﻟﻠﻮﻝ ﺷﻮﻳﺎ ﻧﻄﻖ ﻭﺍﺣﺪ ﻓﻴﻬﻢ ﻗﺎﻝ ﻛﺎﻧﺤﻠﻢ

ﺩﺍﺭ ﻋﻠﻰ ﺍﻟﺒﺤﺮ ﺅ ﻃﻤﻮﺑﻴﻞ ﻓﺮﻧﺴﻴﺔ ﺅ ﻧﺘﺰﻭﺝ ﻓﻘﻂ .

ﺅ ﻫﻮ ﻳﻘﻮﻝ ﻧﻘﺘﻠﻮﻩ ﺅ ﻧﺎﺧﺪﻭ ﺍﻟﻜﻨﺰ ﺃﺷﻨﻮ ﻓﻴﻬﺎ ﺁﺵ ﻏﺎﻳﺪﻳﺮ ﺑﻴﻪ ﻫﻮ ﻗﺎﻟﺖ

ﻟﻴﻬﻢ ﻣﻬﻢ ﺻﺎﻓﻲ ﻣﻠﻲ ﻧﺘﻌﺸﺎﻭ ﻧﺪﻳﺮﻭ ﻟﻴﻪ ﺍﻟﻔﻨﻴﺪ ﺗﺎﻉ ﻧﻌﺎﺱ ﻓﺎﻟﻌﺼﻴﺮ ﺑﺎﺵ

ﺇﻧﻌﺲ ﻣﺎﻳﻌﻘﻠﺶ ﺑﺎﻗﻲ ﺅ ﻏﺎﻧﺎﺧﺪﻭ ﺟﻨﻮﻱ ﻟﻠﻮﺍﺣﺪ ﺅ ﻧﻐﺮﺳﻮﻫﻢ ﻓﻴﻪ ﺑﺎﺵ

ﻧﻜﻮﻧﻮ ﻛﺎﻣﻠﻴﻦ ﻣﺸﺎﺭﻛﻴﻦ ﻓﺎﻟﻘﺘﻞ ﺗﺎﻋﻮ ﺅ ﺗﺎ ﺷﻲ ﻭﺍﺣﺪ ﻣﺎﻳﻠﻮﻡ ﻻﺧﺮ

ﻓﺎﻷﺧﻴﺮ .

ﻗﺎﻟﻮ ﺍﻟﻠﻪ ﺇﺳﺨﺮ ﻓﻌﻼ ﺧﻼﻭﻩ ﺣﺘﻰ ﻟﻮﺍﺣﺪ ﺍﻟﻠﻴﻠﺔ ﺅ ﺣﻄﻮ ﻟﻴﻪ ﺍﻟﻔﻨﻴﺪ ﺩﻳﺎﻝ

ﻧﻌﺎﺱ ﻓﺎﻟﻌﺼﻴﺮ ﺷﺮﺑﻮ ﺅ ﻧﻌﺲ ﻓﻮﻕ ﺍﻟﻄﺎﺑﻼ . ﺅ ﺟﺎﺑﻮ ﺟﻨﻮﻱ ﻟﻠﻮﺍﺣﺪ ﺅ ﻗﺎﻟﻮ

ﻧﻄﻌﻨﻮﻩ ﻓﻮﻗﺖ ﻭﺣﺪﺓ . ﻓﻌﻼ ﺿﺮﺑﻮﻩ ﺅ ﻗﺘﻠﻮﻩ ﺅ ﺑﺎﺵ ﺇﺗﺠﻨﺒﻮ ﺍﻟﺸﺒﻬﺎﺕ ﺩﻓﻨﻮﻩ

ﻏﻴﺮ ﻓﺎﻟﺪﺍﺭ ﻧﻴﺖ ﻓﺎﻟﻄﺎﺑﻖ ﺍﻟﺴﻔﻠﻲ ﻣﺸﺎﻭ ﻟﺪﺍﻙ ﺍﻟﺼﻨﺪﻭﻕ ﺗﺎﻉ ﺫﻫﺐ ﺅ ﻗﺎﻟﻮ

ﻏﺎﻧﻘﺴﻤﻮﻩ ﻣﻦ ﻧﺼﻒ ﻛﺎﻣﻠﻴﻦ ﺅ ﺗﻘﻮﻝ ﺍﻟﻘﺼﺔ ﻣﻦ ﺑﻌﺪ ﻣﺎ ﺗﻘﺎﺳﻤﻮﻩ . ﻛﻞ

ﻭﺍﺣﺪ ﺑﺪﺍ ﻛﺎﻳﻔﻜﺮ ﺑﺎﺵ ﺇﻗﺘﻞ ﺧﻮﺗﻮ ﺅ ﺇﻳﺎﺧﺪ ﺍﻟﺤﺼﺔ ﺗﺎﻉ ﻛﻞ ﻭﺍﺣﺪ ﺅ ﻗﺎﻟﻮ

ﺑﻠﻲ ﻭﺍﺣﺪ ﻓﻴﻬﻢ ﺧﺪﺍ ﺍﻟﺤﺼﺔ ﺗﺎﻋﻮ ﺅ ﻫﺮﺏ ﺑﻴﻬﺎ ﻟﻠﻔﺮﺍﻧﺴﺎ ﺅ ﺍﻟﺒﻘﻴﺔ ﺗﻔﺮﻗﻮ

ﻓﺎﻟﻤﻐﺮﺏ ﻛﻞ ﻭﺍﺣﺪ ﻓﻴﻦ ﻣﺸﺎ ﺅ ﻭﺍﺣﺪ ﺍﻟﺒﻨﺖ ﻫﻲ ﺅ ﻣﻬﻢ ﻟﻲ ﺑﻘﺎﻭ ﺑﻮﺣﺪﻫﻢ

ﻓﻬﺎﺩ ﺍﻟﺪﺍﺭ ﻣﻦ ﺑﻌﺪ 3 ﺳﻨﻮﺍﺕ ﻟﻘﺎﻭ ﺟﺜﺔ ﺗﺎﻉ ﺧﻮﻫﻢ ﺍﻷﻛﺮﺏ ﻣﻌﻠﻘﺎ ﻓﺎﻟﺒﻴﺖ

ﺩﻳﺎﻝ ﻧﻌﺎﺱ ﺗﺎﻉ ﺍﻷﺏ ﻓﻬﺎﺩ ﺍﻟﺪﺍﺭ ﻣﻦ ﺑﻌﺪ ﻣﺎ ﻛﺎﻥ ﺑﻌﻴﺪ ﺏ 500 ﻛﻠﻤﺖ ﻣﻦ

ﻫﻨﺎ . ﻛﻔﺎﺵ ﺣﺘﻰ ﺟﺎ ﺗﺎ ﺷﻲ ﻭﺍﺣﺪ ﻣﻌﺮﻑ . ﺟﺎﻭ ﺍﻟﺴﻠﻄﺎﺕ ﺣﻘﻮ ﻣﻊ ﺍﻟﺒﻨﺖ

ﻟﻲ ﻛﺎﻧﺖ ﺳﺎﻛﻨﺎ ﻫﻨﺎ ﻟﻘﺎﻭﻫﺎ ﻣﺎ ﻋﻠﻰ ﺑﺎﻟﻬﺎﺵ ﺑﻴﻪ ﺅ ﻋﻨﺪﻫﺎ ﺣﺠﺔ ﻏﻴﺎﺏ

ﻓﺎﻟﻮﻗﺖ ﻟﻲ ﻣﺎﺕ ﻓﻴﻪ ﺧﻮﻫﺎ ﺍﻟﻜﺒﻴﺮ ﺅ ﻣﻬﻢ ﻛﺎﻧﺖ ﻋﻨﺪ ﻭﻟﺪﻫﺎ ﻟﻲ ﻛﺎﻥ ﺳﺎﻛﻦ

ﺑﻌﻴﺪ ﻣﺎﺟﺎﺕ ﺣﺘﻰ ﺳﻤﻌﺎﺕ ﺑﻠﻲ ﻭﻟﺪﻫﺎ ﺍﻟﻜﺒﻴﺮ ﻣﺎﺕ ﻟﻜﻦ ﻣﻦ ﺑﻌﺪ 4 ﺷﻬﺮ .

ﺍﻟﺒﻨﺖ ﺗﺰﻭﺟﺎﺕ ﺅ ﺟﺎ ﻣﻌﺎﻫﺎ ﺭﺍﺟﻠﻬﺎ ﺳﻜﻨﻮ ﻫﻨﺎ ﻣﻦ ﺑﻌﺪ ﺃﺳﺒﻮﻉ ﻣﻦ ﺯﻭﺍﺟﻬﻢ

ﻛﺎﻥ ﺭﺍﺟﻞ ﺍﻟﺒﻨﺖ ﺩﺍﺧﻞ ﻟﺪﺍﺭ ﺅ ﻟﻘﻰ ﻭﺍﺣﺪ ﺍﻟﻘﻂ ﺧﺎﺭﺝ ﻣﻨﻬﺎ ﺅ ﻓﻤﻮ ﻋﺎﻣﺮ

ﺑﺎﻟﺪﻡ ﻣﻠﻲ ﺩﺧﻞ ﺗﻔﺎﺟﺄ ﺑﻤﺠﻤﻮﻋﺔ ﻣﻦ ﺍﻟﺠﺘﺚ ﻣﻘﺘﻮﻟﻴﻦ ﺅ ﻣﻘﻄﻌﻴﻦ ﻓﺎﻟﺪﺍﺭ ﺅ

ﻣﺸﻮﻫﻴﻦ . ﻣﻠﻲ ﻣﺸﺎ ﺩﻳﻜﻼﺭﺍ ﺑﺎﻟﻤﺠﺰﺭﺓ ﻟﻲ ﺷﺎﻑ ﺟﺎﻭ ﺍﻟﺴﻠﻄﺎﺕ ﺅ ﺟﺎﺑﻮ

ﺃﻃﺒﺎﺀ ﻓﺪﺭﺍﻟﻴﻴﻦ ﻣﻌﺎﻫﻢ ﻣﻠﻲ ﺣﻘﻮ ﻓﺎﻟﻮﺍﻗﻌﺔ ﻟﻘﺎﻭ 6 ﺍﻟﺠﺘﺚ ﻭﺣﺪﺓ ﺩﻳﺎﻝ ﺍﻷﺥ

ﺍﻷﻭﺳﻂ ﺅ 4 ﺍﻟﺒﻨﺎﺕ ﺅ ﺍﻷﻡ ﺗﺎﻋﻬﻢ .

ﻭﻟﻜﻦ ﺍﻟﺒﻨﺖ ﻟﻲ ﺑﻘﺎﺕ ﻓﺪﺍﺭ ﻣﻦ ﻗﺒﻞ ..

ﻟﻘﺎﻭﻫﺎ ﺳﺨﻔﺎﻧﺎ ﻓﺎﻟﺼﺎﻟﻮﻥ ﺅ ﻓﺈﻳﺪﻫﺎ ﺷﺎﻗﻮﺭ ﻋﺎﻣﺮ ﺑﺎﻟﺪﻡ ﻣﻦ ﺑﻌﺪ ﺍﻟﺘﺤﺎﻟﻴﻞ

ﻟﻘﺎﻭﻩ ﺳﻼﺡ ﺍﻟﺠﺮﻳﻤﺔ ﻳﻌﻨﻲ ﻫﻲ ﻟﻲ ﻗﺘﻼﺕ ﺧﻮﻫﺎ ﺍﻟﻜﺒﻴﺮ ﺅ ﻣﻬﺎ ﺅ ﺧﻮﻫﺎ

ﺍﻟﻮﺳﻄﺎﻧﻲ ﺅ 4 ﺧﻮﺍﺗﺎﺗﻬﺎ ﻭﺍﻟﺴﺒﺐ ﻫﻮ ﺍﻟﻄﻤﻊ ﻓﺎﻟﺤﺼﺔ ﺗﺎﻋﻬﻢ ﻳﻌﻨﻲ ﺑﻘﺎﺕ

ﻫﻲ ﺅ ﺍﻷﺥ ﺻﻐﻴﺮ ﻟﻲ ﻫﺮﺏ ﻟﻔﺮﺍﻧﺴﺎ ..

ﺗﺸﺪﺍﺕ ﻓﺎﻟﺤﺒﺲ ﺏ 50 ﺳﻨﺔ .

ﻟﻜﻦ ﺩﻭﺯﺍﺕ ﻓﻴﻬﺎ ﻏﻴﺮ 10 ﺳﻨﻴﻦ ﺅ ﻧﺘﺎﺣﺮﺍﺕ ﻓﺎﻟﺴﺠﻦ . ﻃﻌﻨﺎﺕ ﺭﺍﺳﻬﺎ

ﻓﺎﻟﻘﻠﺐ . ﻳﻌﻨﻲ ﻣﺎﺗﻮ ﻛﺎﻣﻠﻴﻦ ﺇﻻ ﺍﻷﺥ ﺻﻐﻴﺮ . ﻟﻲ ﻣﺎﺕ ﻫﺎﺩﻱ ﻏﻴﺮ 3 ﺳﻨﻴﻦ

ﻭﻟﻜﻦ ﺍﻟﻤﺸﻜﻞ ﻓﺎﻟﻤﻮﺕ ﺗﺎﻋﻮ ..

ﻣﺎﺕ ﻣﻘﺘﻮﻝ ﺣﺘﻰ ﻫﻮ ﺅ ﻣﻘﻄﻊ ﻃﺮﺍﻑ ﻃﺮﺍﻑ . ﺅ ﻣﻦ ﻫﻨﺎ ﺑﺪﺍﺕ ﺍﻹﺷﺎﻋﺎﺕ

ﺑﻠﻲ ﺍﻟﺸﺒﺢ ﺗﺎﻉ ﺍﻷﺏ ﺩﻳﺎﻟﻬﻢ ﻫﻮ ﻟﻲ ﻻﺣﻘﻬﻢ ﺅ ﻛﺎﻳﻘﺘﻞ ﻓﻴﻬﻢ ﺍﻧﺘﻘﺎﻣﺎ ﻟﻠﻤﺎﻝ

ﺅ ﺍﻟﺮﻭﺡ ﺩﻳﺎﻟﻮ ..

. ﺻﺤﺎﺏ ﺍﻟﻘﻠﻮﺏ ﺍﻟﻀﻌﻴﻔﺔ ﺍﻟﺠﺰﺀ ﺍﻟﺮﺍﺍﺍﺑﻊ ﻗﻤﻤﻤﻤﻤﺔ ﻓﻲ ﺍﻟﺮﻋﺐ