قصة امتا غتبياضي أ ياما‬­تي الكحلة الجزء 1

سميتي إسراء و فعمري 22 عام مازال كنقرى و بلاما نشكر راسي شغل ديال الدار كنعطيه صلية (لهلا يوريكم هههه) 
قصتي بدات من أول نهار فالعطلة 
دخلت للدار لقيتهم كيجمعو فالحوايج و الروينة نايضة فالدار 
أويلي أماما فين غادين ؟ مفهمت والو صراحة و مكاينش لي كمل عليا قد هداك الكروشي ديال صلاح معرفتو منين جاني ( صلاح خويا الصغير) قال ليا و هو كيموت بالضحك : غادين لهاديك البلاصة لي كتحماقي عليها
منكدبش عليكم بقيت دايخة من ديك الضربة ملي عقلت لقيت راسي فالعروبية غوت غي غوتة : أويلي الويفي.. ميمتي الريزو.. آ ربي الأنترنيت.. وا هاهاها حياتي ضاعت 
كلشي يحساب ليه حماقيت و أنا را غير ربي لي عالم بيا، كيجيني الملل الملل فهاديك العروبية حتى كنحس براسي غنشد دوك القرودة لي كاينين تما نشطحهم 
و الكارثة العظمى هي الليل ياااا سيدي يا ربي را نبات مع فرعون فالتابوت ديالو و منباتش مع هاديك بوصيحة فنفس الدار.. و لكن ماشي مشكل بحال نيف ما كل عام غادا نصبر 
و لكن مكانش كيحساب لي هاد العام غاتبدل حياتي 180 درجة

ما كانش كيحسابني غتبدل حياتي حتا لهاد الدرجة داز النهار اللول و الثاني و التالت بالريق الناشف الناس تما الله يعمرها دار و لكن بنهار و الله متلقاهم مكنعرفهم فين كيغبرو. خرجت كنضور فالدوار لقيتو خاوي كيصفر... أنا و الريح موانسين، كيبان لي واحد السيد عضمة منقوليكمش الكتاف شحال عراض و الزين و كلشي بقيت حالة فيه فمي : أويلي هادا ولد هنا ؟ هادي فلتات ليا عمري شفتو هنا !! شويا دخل لواحد لبلاصة و أنا أكيد مكنتش من العاكزين تبعتو، شويز ننيبان لي تحنا للأرض، يسحابني السيد بعقلو !! تحنى على بقرة كيشرب حليبها مباشرة، و أنا نقول معا راسي : ياك ألمهبولة كنقوليك متبقايش غي لي بان ليك زوين تقولي هادا هو روميو ديالي!! هاهو صدق ماوكلي ب 3d كاع، لا حول و لا قوة إلا بالله رجعت للدار و على غير العادة كلشي مجموعين فالدار و الموسيقى و الناس فرحانين ، ياااه ياكما شي عرس ؟ و اللهيلا لقيتيني محتاااجة، دخلت فرحانة.. خالتي، ماما، صلاح ديالمن العرس؟ و كلشي كيشوف فيا و كيضحك، حسيت براسي بحال الهبيلز و لكن عادي ماشي أول مرة، حزمت درة عليا و بقيت كنشطح نشطح حتا طاح مني النص، شويا كنسمع واحد خيتي كتقول: سمعت بلي لبنات ديال المدينة كيطيرو و لكن ماشي حتا لهاد الدرجة !! كتشطح فعرسها! كات عارفا راسها غتبير بقات حتا للخر و سيد الرجال داتو.. مشيت عند ماما قلت ليها، ماما كاينة شي بنت آخرة جات من المدينة ؟ و غتزوج هنا ؟ ههههههه مالها حماقت؟ المهم مخليت غي لي نسيتو فيها و ماما كتشوف فيا دوك الشوفات ديا إبليس ملي كايبان ليه شي بلان و قالت ليا : علاه مفخباركش ؟ را جلال ولد رحمة دوا فيك !! جاتني السخفة و الدنيا دارت بيا.. آ غدايدي إمتا غتبياضي آ ياماتي الكحلة؟ عمري ماحاشاه لي شي حد و النهار لي شاف فيا الحظ ما بنت ليه غير فهاد الخلا و القيفار، شوية بديت كنتخيل راسي نضت حيحت عليهم بكل شجاعة، أنا ماموافقاش على هاد الارتباط و خرجت و خليت كلشي و شديت كار و رجعت لكازا، شوية فيقني صوت صلاح و هو كيتشتت بالضحك و كيهضر مع شي حد: و الله لا صبرتي عليها سيمانة راها تا البيض و مطيشة مكتعرفش تصايبهم إيلا صايبات مطيشة مزيان تحرق البيض و إيلا متحرقش البيض كون أكيح مميشة را محروقة ههههه هادشي إيلا محرقاتهومش بجوج. أويلي معامن مشوهني هادا ؟ ماما مبغيتش نتجوج هنا آش سايرة تروني ؟