آش سايرة كتروني ؟ عطاتني واااحد مولاتي القرصة حتى وصلات ليا لحناك بحالا طاح عليا السر فهاديك اللحظة، شوية و هو يدخل، و الله إيلا هو.. ماوكلي 3d، عينيا تغرغرو، وااا زهري، غنتزوج بهاد النصف إنسان؟ مبغيتش مبغيتش.. حدو وقف حدايا و أنا نقول ليه، هاداك آه.. شاف فيا باستغراب و قال لي: أنا؟ لا الجيران.. أكيد نتا قلت ليه شوف أنا را ماااا فيا لي نعاود الهضرة، دابا غنفرتكو هاد الجقلة مباغا جواج أسيدي!! و هو يقول ليا: علاياش كتهضري أختي را مفهمت والو؟ و أنا نقول ليه علاه شكون لي مشا دوا فلاخر أنا ولا نتا ؟ و هو يشد كرشو و طاح للأرض و بقا يضحك حتى بانو ليه ضراس العقل، لا أختي راك غالطة أنا هنا جاي غي عندي مشروع و ولفت الدوار و بقيت فيه و صافي مادويت فحد عرفتو حسيت بحال إيلا الكروشيات ديال خويا صلاح نهالو عليا بحال الشتا، خشيت وجهي فحوايجي و خرجت نيشان عند صلاح: شكون هادا لي دوا فيا ها العار؟ و هو يشير ليا بيديه على واحد السيد!! أول حاجة طاحت ليا فبالي : أويلي ماما و بابا كيكرهوني حتال هاد الدرجة؟ و أنا نسخف فالبلاصة !! قلت مع راسي آجي نخدم مهاراتي فالتمثيل و نشوفو آش غيطرا..
آنا لالاهم إسراء نتزوج بهاداك!! كون ماكان تيكوتا ميت و شبعان موت نحلف عليه حتا هو.. لموهيم بديت كنفركل عليهم تما!! جات ماما مخلوعة و تاتغوت!! بنتي بنتي مالها؟ هادي غير العين حسدوها على العريس حسدوها، حطات يديها على شعري و أنا نتسيف عليها، جمعي يديك عليها!! تسليم يا ربي التسليييييم شكون نتي ؟ أنا عيشة، شكون عيشة؟ عيشة الحب الوحيد ديال )ناري حصلت نسيت سميتو ميمتي دابا نحصل( آه الحب الوحيد ديال ولد رحمة، و إيلا داتو ليا هاد الجعواقة غادين ترزاو فيها، ناضت ماما كتغوت و كتبكي و عيطات على بابا يجي يدينا و أنا عاد ما زايدة فيه، حتى ضمنت الكار و الحوايج تجمعو عاد فقت ليهم و الله إيلا خاصني جائزت الغولدن غلوب بامتياز واعرة أنا ماجا فين يصبح الصباح حتى لقيت راس فدارنا، الويفي، الريزو، الأنترنيت، الحرية، كلشي كاين آرا برع هههه وثلات العشرة لبست جلابتي و مشيت نيشان عند صاحبتي حنان عاودت ليها كلشي لي طرا ليا و بقات كتموت عليا بالضحك، قالت ليا بلي راها مساليا داك النهار و درنا أنا وياها نخرجو نفوجو، مشيت عند ماما تبوحطت عليها شوية جبدت منها واحد ال150 درهم غي بالتزاويك و البكا..
آنا لالاهم إسراء نتزوج بهاداك!! كون ماكان تيكوتا ميت و شبعان موت نحلف عليه حتا هو.. لموهيم بديت كنفركل عليهم تما!! جات ماما مخلوعة و تاتغوت!! بنتي بنتي مالها؟ هادي غير العين حسدوها على العريس حسدوها، حطات يديها على شعري و أنا نتسيف عليها، جمعي يديك عليها!! تسليم يا ربي التسليييييم شكون نتي ؟ أنا عيشة، شكون عيشة؟ عيشة الحب الوحيد ديال )ناري حصلت نسيت سميتو ميمتي دابا نحصل( آه الحب الوحيد ديال ولد رحمة، و إيلا داتو ليا هاد الجعواقة غادين ترزاو فيها، ناضت ماما كتغوت و كتبكي و عيطات على بابا يجي يدينا و أنا عاد ما زايدة فيه، حتى ضمنت الكار و الحوايج تجمعو عاد فقت ليهم و الله إيلا خاصني جائزت الغولدن غلوب بامتياز واعرة أنا ماجا فين يصبح الصباح حتى لقيت راس فدارنا، الويفي، الريزو، الأنترنيت، الحرية، كلشي كاين آرا برع هههه وثلات العشرة لبست جلابتي و مشيت نيشان عند صاحبتي حنان عاودت ليها كلشي لي طرا ليا و بقات كتموت عليا بالضحك، قالت ليا بلي راها مساليا داك النهار و درنا أنا وياها نخرجو نفوجو، مشيت عند ماما تبوحطت عليها شوية جبدت منها واحد ال150 درهم غي بالتزاويك و البكا..
لا يوجد تعليقات
أضف تعليق