درنا أنا وياها نتلاقاو مع ال2 نمشيو للرباط، مشينا تسارينا، دخلنا لسويقة و أنا نتلف عليها، كنغوت عليها حنان حنان أو والو واش كتجاوب، كلست للأرض و بديت كنهرنن، الله ياربي مالي زهري داير هاكا مالو، شوية بديت كنحس براسي كنتهز من قفايا، مفهمت والو، عرفتو شكون لقيت؟ هو بلحمو و شحمو، ماوكلي 3d شاف فيا بدوك العينين عندو كيفشلو الما فالركابي، قال ليا: هاكاك قول هادي أنجلينا جولي، حدرت راسي و بديت نفرنس، و هو يقول ليا، متفرحيش راك ماشي بحالها فالزين، قمعة ثلاثية الأبعاد و ريحة الشياط عطات مني من حر القمعة، استخدمت آليات الدفاع لي عندي و بديت كنفركل ليه تما، و اللهيلا هازني كلي رجلي كاعما قايسة الأرض، ياحليلي صحيح تالهاد الدرجة، يالله كنبدا نطيح فيه كنتفكر المشهد ديال البقرة كترجع ليا ديك الملكة لي سميتها العقل، قلت ليه بلي راني تلفت و فلوسي بقاو عند حنان، بقا هازني بحال هاكاك و لاوحني ف الطوموبيل، ناري على حديدة، والله مسخيت نهبط منها، كلها بيضة و كتبري، هو كيسوق و أنا كنسول راسي فين غادي بيا هادا؟ و صلنا لواحد الفيلا، لا لا قصر ماشي فيلا، أصلا واخا نوصف ما غنوفيهش حقو اللهم نسكت...
دخلت لقصر و حليت فيه فمي لي حلف هو لا تسد، دخلت، و أول وحدة تعرفت عليها كانت مو، كانت مرة غزالة فصراحة، قمة الأدب و الضرافة و كلشي، و تعرفت على المسيميمة ديال ختو، حتا هي ضريفة ولكن باينة فيها مسيميمة، عيطات لي ماما و سولاتني فين أنا، هزيت دوك الكتاف و قلت ليها، ماما واقيلا إيلا دبرت على عريس، غي ميكي عليا هاد اليامات راني كنصيد و شوفي كي ديري مع بابا بسلامة، إيوا و عاوتاني بديت كنحس براسي كنتعلق من قفايا، أكيد هو، آش بغا عندي عاوتاني؟ قال ليا و هو كيخنزر: آش كتصيدي بالسلامة؟ و أنا نخرج فيه عيني: و شكون قال ليك أسي تصنت عليا؟ ويلييي صرعتو فهادي لاوحني على طولتي للأرض ولكن مبقاش فيا الحال، هههه رضيت ليه الصرف، قال ليا: وجدي راسك انا غنديك لداركم، شفت فيه دوك الشوفات ديال البراءة و قلت ليه: أو ماناكلش؟ هاد المصيبة هادي مالكي كطيري بحال شنيولة، دوزي قدامي راهم كيوجدو فالعشا. كلسنا كاملين على الطابلة، و هو يدخل باه، عرفتو غير من الشوفة، حتى هو تبارك الله عضمة، و لكن دريويييييش، هاداك ماوكلي لي معرفتو منين خارج، لمهم حطو لعشا، آش منك يا ماكل، كلش فديك الطابلة كيدوخ..
لا يوجد تعليقات
أضف تعليق