معرفت منين نبدا داكشي و خفت نشبع قبل ماندوق شي حاجة هههه كلينا و سالينا و نضت نجمع الطبلة دايرة فيها حادكة طركتش، إيوا و كالعادة شدني من قفايا و بقا غادي كيتسارا بيا فالدار و قال ليا: كاينين الخدامة لي يجمعوها نتي غي تبتي باراكة من الطيران، تجمعنا فالصالون و ماوكلي خرج، قالت لي مو: كيفاش حتى تلاقيتي نتي و رضى؟ هاكداك سميتو رضى، و عاودت ليها كلشي، حتى من هاداك المشهد لي بعد المرات كيخليني نعاود النضر فالحسابات حتا هو، و كانو كيتصنتو ليا و متبعين معايا و كيموتو بالضحك، وصلات ال 12 ديال الليل و بصراحة مسخيتش بيهم ناس متواضعين و حلوين، قبل ما نمشي نعس قاليك بغيت نمشي لطواليط لقيت راسي فالجردة، الله يا ربي فين الطواليط غنطلقها فسروالي، و كان البررررد و أنا ما لابسة والو، مالقيت هاديك الطواليط حتى جهلت، دخلت لبيت لي وراوني و نعست. فالصباح مقدرتش نفيق، حسيت براسي تقييييل عليا و عضامي كلهم مدكدكين، مقدرتش نتحرك، دخل عندي ماوكلي حتى لقلب البيت، نوصي أديك شنيولة نديك لداركم، مقدرتش نجاوبو و هو عاد ما زاد كيغوت: آنوضي باراكة من تبوحيط سيري لعبي على لي مكيعرفكش نوضي...
و ملي موقفتش جرني من يدي و هزني و خبطني، طحت كومة، حط يدو على جبهتي لقاها سخوووونة و عيط لطبيب فالبلاصة، شفتو، كون كانت ماما كون راها كتدير ليا فالشبة و الحرمل، قال ليه الطبيب بلي ضربني البرد و خاصني نرتاح هاد ليامات، ملي فقت كنسمعو كيقول لمو: ملي تفيق إسراء عيطي على ماماها و قولي ليها را غتبقى عندنا شي أيام، الناس فالناس و القرع فمشيط الراس و شوفوني أنا فاش كنفكر، يآآه عارف سميتي éموتيچوني چولونتهريي يآآه قال إسراء و مقالش مصيبة يآآاه!! فرحت ملي عرفت راسي غنبقى معاهم، جا عندي باه كيسول فيا، و وصاني وصية و هي لي تقريبا نبدل الطريقة ديال تفكيري تماما، ملي يجي وقتها نقولها ليكم. تجمعنا على الطابلة فالفطور و أنا مقادرة ناكل حتى حاجة، حسيت بيهم كلهم تمشكلو معايا حتى واحد فيهم مافطر إلا ماوكلي أكيد جات ختو ريتاج و طلعتني للبيت، ريتاج حبيبة سمحي لي مشكلتكم معايا، إلا كان ممكن تقولي لماوك... رضى يديني لدارنا دابا... لا لا لا أحبيبتي غتبقاي معانا حتى تولي بيخير و هاديك الساعة إيلا سخيتي بينا سيري، نهار كامل و أنا وياها كنتعاودو حتا لليل، حسيت براسي مزيان هبطنا أنا وياها تعشينا، بان لي عمي بحالا ممرتاحش
و ملي موقفتش جرني من يدي و هزني و خبطني، طحت كومة، حط يدو على جبهتي لقاها سخوووونة و عيط لطبيب فالبلاصة، شفتو، كون كانت ماما كون راها كتدير ليا فالشبة و الحرمل، قال ليه الطبيب بلي ضربني البرد و خاصني نرتاح هاد ليامات، ملي فقت كنسمعو كيقول لمو: ملي تفيق إسراء عيطي على ماماها و قولي ليها را غتبقى عندنا شي أيام، الناس فالناس و القرع فمشيط الراس و شوفوني أنا فاش كنفكر، يآآه عارف سميتي éموتيچوني چولونتهريي يآآه قال إسراء و مقالش مصيبة يآآاه!! فرحت ملي عرفت راسي غنبقى معاهم، جا عندي باه كيسول فيا، و وصاني وصية و هي لي تقريبا نبدل الطريقة ديال تفكيري تماما، ملي يجي وقتها نقولها ليكم. تجمعنا على الطابلة فالفطور و أنا مقادرة ناكل حتى حاجة، حسيت بيهم كلهم تمشكلو معايا حتى واحد فيهم مافطر إلا ماوكلي أكيد جات ختو ريتاج و طلعتني للبيت، ريتاج حبيبة سمحي لي مشكلتكم معايا، إلا كان ممكن تقولي لماوك... رضى يديني لدارنا دابا... لا لا لا أحبيبتي غتبقاي معانا حتى تولي بيخير و هاديك الساعة إيلا سخيتي بينا سيري، نهار كامل و أنا وياها كنتعاودو حتا لليل، حسيت براسي مزيان هبطنا أنا وياها تعشينا، بان لي عمي بحالا ممرتاحش
لا يوجد تعليقات
أضف تعليق