تسنيتو حتى مشا لجردة و تبعتو، ههه ياربي السلامة بحال إيلا عندو عينين فقفاه، عرفني أنا لي داخلة، بقا كيشكي عليا داك النهار حتى عيا، و أنا ندير ليه واحد مولاي الماساج حتى نعس بحال الوليد الصغيور فيديا، غطيتو و مشيت للبيت، توحشت ماما بزاف و الخزعبلات ديالها، و مجانيش نعاس، و أنا فالليل إيلا مجانيش النعاس و لا تقلقت من شي حاجة خاصني ناكل، هبطت خشيت وجهي فالثلاجة و بقيت كناكل حتى نسيت ماما، أنا نسيت راسي كاع بقا عاد ماما، شوية كحس بشي حاجة جاية عندي، نااااري ميكون غي داك الزمر، مالو مالو ديما مخصر عليا الفرحة، و أنا ندور كنتسلت درت راسي مشفتوش، شويا كنسمعو كيهضر فالتيليفون، الحمد لله مشافنيش، لقد نجوت هههه، سمعتو كيقول: وا دنيا راكي عارفا الظروف ديالي صبري عليا، وا غير صبري شوية و ماتبقاي على خاطرك، شوية قالت ليه شي حاجة و جاوبها بواحد الضحيكة: حتى أنا ياالله باي، فهاديك اللحضة بحالا تضربت بالضو، خليو عليكم كروشيات خويا صلاح مبقاو ينفعو بوالو دابا ولا الضو، صراحة صراحة بكيت، هرننت كاع، مالي أنا زهري كحل هاكا مالي، نهار لاخر قال لي صباح الخير، يسحاب ليكم جاوبتو، محاشيتهاش ليه.و الله محاشيتها ليه، شويا كنسمعهم كيهدرو على حفلة ما حفلة فالفطور ههه و أنا من داكشي لي كليت البارح مقدرتش نفطر، كل واحد مشا لشغالاتو بقيت غي أنا و ريتاج، كتوجد راسها، عرفتو كي طلعات، غزالة تبارك الله، و لكن الجدرة مبغاتش تقادني حتى أنا، شفتو علاش قلت ليكم مسيميمة، بالريق الناشف عاد بغات، صاوبات لي وجهي و عطاتني واحد التكشيطة و سبيبيط، لمهم حتى أنا عجبنييي راسي، بداو الناس كيجيو و أنا كنتسنى غي ماوكلي ديالي فوقاش يجي تجيه فالراس، داخل هو و واحد المونيكة كلها كتلوى ني الحنشة، جاي لجيهتي، ناري فين غنتخبى، أنا والو مقارنة معاها، سلمت أمري لله و بقيت واقفة، جا عندنا أنا و مو و قال ليها، ماما كنقدم ليك دنيا، دنيا هادي ماما و هادي لي حداها... هاديك، جرحني بزاف، أول مرة كنحس بقلبي كيتقطع، و أنا نقز و قلت، هاديك سميتها إسراء إيلا نسيتي، شدات لي خالتي فيدي باش نتهدن ههههه عارفاني إيلا طلقاتني عليهم غنبهدلهم، و هي تجاوبني: آه عرفتك إسراء، عاود ليا رضى عليك، و أنا نشدو من ودنيه: شنو قلتي ليها عليا، دوي يا ولد لحرام، أنا لي حنارة من نهار لول
لا يوجد تعليقات
أضف تعليق