أول مرة كنحس براسي بوحدي، بقيت كالسة فواحد الكرسي و كنشوفهم بجوج و غنطرطق، و لكن تما تعرفت على نسيم، ولد عم رضى، ضريف بزاف و حنين و بقينا كنهضرو السهرة كاملة، مع غنجمع الوقفة مع خرجت فرضى، و مع كان شاد فيدو كاس ديال العصير منقوليكمش كي ولاو حيوايجو، ولكن سرسطني معيور، يا الشيطانة صافي،صيدتي دابا، بقيتي حالة فيه فمك حتى... حتى حاجة من هادشي مضرتني قد ملي قال لي: ضرقي عليا زلافتك مبقيتش حاملة نشوفك، معاودتش معاه الهضرة و مشيت، كنسمع نسيم كيقوليه حشومة عليك متستاهلش هادشي لي درتي ليها و تبعني، لي بكيتو ديك الليلة مبكيتوش حتى ملي حيد ليا با الضرسة ديال العقل باللقاط، عيا ميسكت فيا نسيم و أنا تطلقت بحال الكاسيطة، دخل رضى و غوت عليا عاوتاني، مازالة كضوري هنا؟ مكتفهميش واقيلا ؟ شدني كعادته من قفايا و بقا كيتسارا بيا، مولفة كنغوت ولكن هاد المرة تبلعات ليا الهضرة، مشيت للبيت و ضربتها بنعسة، و فالصباح بكريييييي صبحت واقفة على راس ريتاج: واالو نمشي لدارنا دابا، مفهمت والو مسكينة، أويلي أصاحبتي مالكي، بقاي غي تال شوية و نقول لرضى يديك، قلت ليها و أنا معصبة : حماقيتي لا؟ مسمعتيهش كيفاش قال ليا قدام الناس ضرقي عليا زلافتك و أنا نمشي ببرودة أعصاب نقول ليه ديني؟ و هي توقف فالبلاصة، عندك الحق كلشي حتالكرامة ديال البنت، مع حنا هابطين كنسمع باه كيصبن فيه ما خلا غير لي نسيت فيه، هههه الله يعطيك الصحة أ عمي هاكا يكونو الرجال، و هو يعيط ليا بداك الصوت المرعب، زيدي قدامي نوصلك الله يخليها سلعة، و هي تجيه واحد الدقة من عند باه معرف باش تبلى و قال ليه: و عاد ما زايد فيه ؟ و الله و تشكى ليا بنتي منك حتى نتفاهم معاك، ناري على شوفات كيشوف فيا.. صافي هادي هي اللخرة ليا!! خرجنا و أنا مبعدة عليه ب 2م و موجدة آليات الدفاع، مهضر حتى واحد فينا الطريق كاملة، حطني فراس الدرب و زاد حتى بسلامة مقالهاش، دخلت للدار عنقت ماما و بابا، ملي مهضرش عرفت ماما كادبة عليه شي كدبة صحيحة، آديك اللفعة آش درتي ؟ موحال أماما واش غيصدق، والله حتى بغيتو، تغرغرو عينيا و هي تجمعها معايا بوااااحد مولاتي الطرشة، حتى و ليت حاسة براسي طرت للمجموعة الشمسية و عاوداتني وحدة خرى حتى نزلت للأرض، دخلت لبيتي و سديت عليا، شويا بدا التيليفون كيصوني. ألو شكون معايا؟قال لي: إسراء تهلاي فراسك..
لا يوجد تعليقات
أضف تعليق