ما عرفتش علاش كيجينا هاد الإحساس بالخوف و الستريس ملي كنشوفو الععوزة لأول مرة!؟محسن كنت ولفت معاه و عادي،مي ملي جا مع والديه احساس فشيشكل..
صافي الخطاب مشاو بحالهم و بدات الجلسة العائلية نتناقشو بيناتنا،لاخضت نبرة خزن كبيرة فصوت ماما،كتهدر أو عينيها عمرو بدموع،قالتلي ماشبعتش منك باش نعطيك لناس آخرين بهاد السرعة.قطعاتلي قلبي و هي كتقول نتي هي عويناتي اللي كنشوف بيهم،و نهار تمشي غادي يطيح عليا الظلام...مي فاللخر قالت الزواج هو سنة الحياة !من جهة اخرى الوالد حاول يتمالك نفسو ملي شاف الوالدة فديك الحالة،و قالي كيبانو ناس ملاح و حتى الولد ترانكيل و ما فيه حتى شي بلية و خدام.لكن القرار الأخير كيرجع ليك و حنا معاك فأي قرار غادي تاخديه...
ناري متصورتش الزواج صعيب لهاد الدرجة،وقت الجد كيتغير كلشي،واخا ملي ميكون باقي ما جا حد لدار كنعولو نفرحو و نوافقو فلبلاصة،سورتو إلا شي حد كنبغيوه غادي يكون كلشي ساهل.!مي تيقوني احساس صعيب بزاف.و ميمكنش تاخدو القرار فيه بسهولة واخا تكونو باغينو!!...
كلام الوالدة بقا فيا بزاف،كانت كتخبى مني و تمشي تبكي بوحدها،فجأة نزل حزن رهيب على دارنا،و فلحظة كرهت الموقف اللي أنا فيه.منتحملش نشوف دموع ديال بابا و ماما!ماخلاو تا حاجة ماداروها ليا!دونك علاش أنا نمشي و نخليهم!؟.من جهة محسن هادي يومين و هو كيعيط و مكنريبونديش عليه.كنت كنتفاداه بزاف حتى دخلوا الشك ليكون معجبش للوالدين ديالي!ملي ملقاش الجواب من عندي مشى عيط لبابا،مي كنا مازال ما تفقنا على شنو نجاوبوهم.
الوليد طلاعلو الزعاف،جابلوا الله فحال كنتفلاو على الناس...كان تيقلب عليا فالدار و كيغوت... وقفاتوا الوالدة و قالت ليه بدموع: بلا ماتمشي ليها و عول للناس حنا موافقين و الله يكمل بالخير...
كنت كنسمع لهاد الشي و بقيت كنبكي بحرقة..
صافي الخطاب مشاو بحالهم و بدات الجلسة العائلية نتناقشو بيناتنا،لاخضت نبرة خزن كبيرة فصوت ماما،كتهدر أو عينيها عمرو بدموع،قالتلي ماشبعتش منك باش نعطيك لناس آخرين بهاد السرعة.قطعاتلي قلبي و هي كتقول نتي هي عويناتي اللي كنشوف بيهم،و نهار تمشي غادي يطيح عليا الظلام...مي فاللخر قالت الزواج هو سنة الحياة !من جهة اخرى الوالد حاول يتمالك نفسو ملي شاف الوالدة فديك الحالة،و قالي كيبانو ناس ملاح و حتى الولد ترانكيل و ما فيه حتى شي بلية و خدام.لكن القرار الأخير كيرجع ليك و حنا معاك فأي قرار غادي تاخديه...
ناري متصورتش الزواج صعيب لهاد الدرجة،وقت الجد كيتغير كلشي،واخا ملي ميكون باقي ما جا حد لدار كنعولو نفرحو و نوافقو فلبلاصة،سورتو إلا شي حد كنبغيوه غادي يكون كلشي ساهل.!مي تيقوني احساس صعيب بزاف.و ميمكنش تاخدو القرار فيه بسهولة واخا تكونو باغينو!!...
كلام الوالدة بقا فيا بزاف،كانت كتخبى مني و تمشي تبكي بوحدها،فجأة نزل حزن رهيب على دارنا،و فلحظة كرهت الموقف اللي أنا فيه.منتحملش نشوف دموع ديال بابا و ماما!ماخلاو تا حاجة ماداروها ليا!دونك علاش أنا نمشي و نخليهم!؟.من جهة محسن هادي يومين و هو كيعيط و مكنريبونديش عليه.كنت كنتفاداه بزاف حتى دخلوا الشك ليكون معجبش للوالدين ديالي!ملي ملقاش الجواب من عندي مشى عيط لبابا،مي كنا مازال ما تفقنا على شنو نجاوبوهم.
الوليد طلاعلو الزعاف،جابلوا الله فحال كنتفلاو على الناس...كان تيقلب عليا فالدار و كيغوت... وقفاتوا الوالدة و قالت ليه بدموع: بلا ماتمشي ليها و عول للناس حنا موافقين و الله يكمل بالخير...
كنت كنسمع لهاد الشي و بقيت كنبكي بحرقة..
لا يوجد تعليقات
أضف تعليق