مشات ليام و جات ليام و أنا عمري ما سمعت و لو كلمة خايبة من راجلي...كنا متفاهمين بزاف،عشنا أيام و شهور و سنين كلها سمن على عسل.علاقتنا كيتضرب بيها المثل.لكن بحال أي كوبل لابد متبان شي حاجة و تجبد الصداع..
أنا و محسن كنحماقوا على لوليدات،بعد 5 سنين من الزواج باقي ما جاب الله باش نفرحوا..ما خليت حتى حاجة ما جربتها،مشيت للطبيب،شربت لعشوب و فاللخر مكتابش...
شوية مع الوقت حسيت محسن تبدل عليا،ما بقاش داك الإهتمام كيف قبل،ديما معصب و فكل مرة كيجيب ليا سيرة لولاد و بلي صحابوا كلهم كيخرجوا مع ولادهم..كان تيضرني بزاف بهاد الهضرة،حسيت بيه كيلومني!من جهة كنتفهموا و أي واحد كيتمنى يكونوا عندو لولاد.مي أنا هاد الشي ماشي فيدي،حتى أنا كنتقطع ملي كنشوف صحاباتي يالاه البارح تزوجوا و دابا بولادهم.هذا قدر الله ما عندي ما ندير..
علاقتنا تبدلات بزاف،كل نهار صداع على والو.ما قدرش يكتم داكشي فقلبوا و قرر يصارحني باللي باغي لولاد...
قالهالي و دموع فعينيه!جامي كان فهاد الحالة.
علاش كيلومني على شي حاجة ماشي فيدي،واش أنا كرهت يكونوا عندي لوليدات!؟
أنا مستاعدة ندير أي حاجة باش منشوفوش فهاد الحالة.شبرت فيديه و قلتلو:محسن شنو باغيني ندير باش ترجع علاقتنا كيف كانت؟
جاوبني:أنا بغيت لولاد،مبغيتش نموت بلا منجرب هاد الإحساس.
قسى عليا بزاف بهاد الكلام،قلبي تحرق و عيني جفوا بدموع.معرفتش علاش ديما لمرا هي الملامة فهاد الشي،الناس مبقاتش كتآمن بقدر الله.
حدرت راسي فالأرض و قلت ليه: و الحل،آش كتقتارح؟
سكت لمدة طويلة و دار بوجهو للشرجم،بلا ميشوف فيا و قالي:الحل هو نتزوج مرا أخرى و خرج من الدار بلا ميزيد حتى كلمة.علست فالأرض و بقيت كنبكي...كنلوم راسي واخا ما درت لا بيدي و لا برجلي مي العيب فيا،كو كان جبتلو لولاد عاع ميتقلق عليا و لا يجيبلي السيرة ديال شي مرا ثانية!
بدات الأفكار السيئة كطيح على راسي...وصلت لدرجة أني حاولت ننتاحر.عارفة هاد الشي من حقوا يبغي لولاد.مي أنا كنبغيه بزاف و من نهار حليت عيني عرفتوا غي هو.كنفضل نموت على تجي شي وحدة تشاركني فيه...
أنا و محسن كنحماقوا على لوليدات،بعد 5 سنين من الزواج باقي ما جاب الله باش نفرحوا..ما خليت حتى حاجة ما جربتها،مشيت للطبيب،شربت لعشوب و فاللخر مكتابش...
شوية مع الوقت حسيت محسن تبدل عليا،ما بقاش داك الإهتمام كيف قبل،ديما معصب و فكل مرة كيجيب ليا سيرة لولاد و بلي صحابوا كلهم كيخرجوا مع ولادهم..كان تيضرني بزاف بهاد الهضرة،حسيت بيه كيلومني!من جهة كنتفهموا و أي واحد كيتمنى يكونوا عندو لولاد.مي أنا هاد الشي ماشي فيدي،حتى أنا كنتقطع ملي كنشوف صحاباتي يالاه البارح تزوجوا و دابا بولادهم.هذا قدر الله ما عندي ما ندير..
علاقتنا تبدلات بزاف،كل نهار صداع على والو.ما قدرش يكتم داكشي فقلبوا و قرر يصارحني باللي باغي لولاد...
قالهالي و دموع فعينيه!جامي كان فهاد الحالة.
علاش كيلومني على شي حاجة ماشي فيدي،واش أنا كرهت يكونوا عندي لوليدات!؟
أنا مستاعدة ندير أي حاجة باش منشوفوش فهاد الحالة.شبرت فيديه و قلتلو:محسن شنو باغيني ندير باش ترجع علاقتنا كيف كانت؟
جاوبني:أنا بغيت لولاد،مبغيتش نموت بلا منجرب هاد الإحساس.
قسى عليا بزاف بهاد الكلام،قلبي تحرق و عيني جفوا بدموع.معرفتش علاش ديما لمرا هي الملامة فهاد الشي،الناس مبقاتش كتآمن بقدر الله.
حدرت راسي فالأرض و قلت ليه: و الحل،آش كتقتارح؟
سكت لمدة طويلة و دار بوجهو للشرجم،بلا ميشوف فيا و قالي:الحل هو نتزوج مرا أخرى و خرج من الدار بلا ميزيد حتى كلمة.علست فالأرض و بقيت كنبكي...كنلوم راسي واخا ما درت لا بيدي و لا برجلي مي العيب فيا،كو كان جبتلو لولاد عاع ميتقلق عليا و لا يجيبلي السيرة ديال شي مرا ثانية!
بدات الأفكار السيئة كطيح على راسي...وصلت لدرجة أني حاولت ننتاحر.عارفة هاد الشي من حقوا يبغي لولاد.مي أنا كنبغيه بزاف و من نهار حليت عيني عرفتوا غي هو.كنفضل نموت على تجي شي وحدة تشاركني فيه...
لا يوجد تعليقات
أضف تعليق