فصباح النهار التالي،علسنا كنفطرو أنا وياه،سكات عدنا فالطبلة و باينة فيه منعسش مزيان!ستجمعت القوة ديالي باش نهدر معاه،مي عاع مبغات تخرجلي الهدرة،فجئة ماكنتش نحس براسي،شوية و هو يقولي عاع مفطرتي مالك؟باين الستريس على وجهي و فحركة اليدين ديالي،شوفت فعينيه و قولتلو:أنا موافقة و مسلماك تزوج!و كيف قالت الوالدة ديالك من حقك تسمع كلمة بابا!جاتو الصدمة،ماتيقش باللي أنا اللي كنقولو هاد لكلام!
أكيد كلفني غالي باش نوصل لهاد القرار،قتلت أحاسيسي كامرأة،ضحيت بأغلى ما عندي باش نشوف اللي كنبغي سعيد.عارفة بزاف منكم ماغاديش تافقو معايا مي هاكا كنتعدب بزاف،على الأقل هو ميتحرمش من الأبوة.
من الصدمة مالقا ميقول،تعابير الوجه ديالو كتقول اللي مقدر يقولو بلسانو!
بلا متشوف فيا هاكا أنا واعية مع راسي،نتا من حقك تكون عندك حياتك بحال الناس و يكونو عندك لولاد!أنا موافقة لكن بشرط خصك طلقني،منتحملش نعيش معاك بوجود مرا خرى فحياتك،الله غالب قدرلي الضروف اللي كنمر بيها حتى أنا!!
اول مرة محسن يتعصب بهاد الطريقة ....
ناض و قلب الطبلة ديال لفطور كاملة!صراحة جاني الخوف فديك اللحظة،مقبلش الشرط ديالي بمرة،تهدن شوية و قالي:صح بغيت يكونو عندي لولاد و حتى الوالدة بقا فيها الحال مني بزاف،مي ماغاديش يكون الثمن هو نخسرك للأبد،أنا وعدتك فالأول باللي ماغادي يفارقني عليك غير الموت،أو ملي خديتي هاد القرار نتمنى تفكري فيه مزيان أو متحرمنيش منك!
أثر فيا بزاف بكلامو!شنو ندير فهاد الحالة؟نفس السؤال كنطرحو على قرائي الأعزاء،واش نوافق على الضرة؟
أكيد ماكاينش شي مرا اللي غادي تقبل راجلها يجيب عليها مرا خرى مي هادي حالة خاصة.و الغرض ديال محسن فالزواج ماشي مرا خرى بحد ذاتها.من جهة أخرى ماغاديش نسمحلو يظلم شي بنت الناس يجيبها على ود لولاد و صافي.
أنا إلى غادي نوافق على هاد الشي خاصني نكون مستاعدة للعيش مع ضرة دبصح اللي غادي يكون عندها جميع الحقوق ديالها كزوجة!...
أكيد كلفني غالي باش نوصل لهاد القرار،قتلت أحاسيسي كامرأة،ضحيت بأغلى ما عندي باش نشوف اللي كنبغي سعيد.عارفة بزاف منكم ماغاديش تافقو معايا مي هاكا كنتعدب بزاف،على الأقل هو ميتحرمش من الأبوة.
من الصدمة مالقا ميقول،تعابير الوجه ديالو كتقول اللي مقدر يقولو بلسانو!
بلا متشوف فيا هاكا أنا واعية مع راسي،نتا من حقك تكون عندك حياتك بحال الناس و يكونو عندك لولاد!أنا موافقة لكن بشرط خصك طلقني،منتحملش نعيش معاك بوجود مرا خرى فحياتك،الله غالب قدرلي الضروف اللي كنمر بيها حتى أنا!!
اول مرة محسن يتعصب بهاد الطريقة ....
ناض و قلب الطبلة ديال لفطور كاملة!صراحة جاني الخوف فديك اللحظة،مقبلش الشرط ديالي بمرة،تهدن شوية و قالي:صح بغيت يكونو عندي لولاد و حتى الوالدة بقا فيها الحال مني بزاف،مي ماغاديش يكون الثمن هو نخسرك للأبد،أنا وعدتك فالأول باللي ماغادي يفارقني عليك غير الموت،أو ملي خديتي هاد القرار نتمنى تفكري فيه مزيان أو متحرمنيش منك!
أثر فيا بزاف بكلامو!شنو ندير فهاد الحالة؟نفس السؤال كنطرحو على قرائي الأعزاء،واش نوافق على الضرة؟
أكيد ماكاينش شي مرا اللي غادي تقبل راجلها يجيب عليها مرا خرى مي هادي حالة خاصة.و الغرض ديال محسن فالزواج ماشي مرا خرى بحد ذاتها.من جهة أخرى ماغاديش نسمحلو يظلم شي بنت الناس يجيبها على ود لولاد و صافي.
أنا إلى غادي نوافق على هاد الشي خاصني نكون مستاعدة للعيش مع ضرة دبصح اللي غادي يكون عندها جميع الحقوق ديالها كزوجة!...
لا يوجد تعليقات
أضف تعليق