من هادي شحال كنحس بشي حركة غير طبيعية كدور بية دائما من نهار رحلنا لواحد الدار بحكم كنت ساكن في مارتيل و رحلت لواحد الدار فتطوان و الناس لي كانو ساكنين قبل قالولينا ديك المنطقة كانت غير مرجات ديال الماء و الشجر يعني بمعنى آخر غير الخلى و اول بلان غادي يوقعلي فديك الدار و اول ليلة عندنا تما فالليل فاش نعست حلمت بلي شي واحد ناعس فديك البلاسة لي انا فيها نيت و كيقولي نوض من بلاستي وكيدفعني
فاش فقت فالصباح و عودتها الواليدة قالتلي قرا القرآن و قل بسم الله الرحمن الرحيم . قلتلها علاش قالتلي و صافي دير داكشي لي قلتليك و لكن انا بقيت لاصق حتى قالتلي هادوك مالين المكان طبعا بحكم السن الصغير ديالي ضحكت و قلتلها الجيران هههه و انا معارفش باللي قصدات الجن .
ما علينا انا من الصغر كنت كنحماق على قصص الجن و ديك العالم الآخر و كنعرف معلومات كثيرة و كنبحث فداكشي بزاف و اي مجمع كنجبد فيه هاد المواضيع و راه الناس لي كيعرفوني مزيان غادي يكونو سبقلهوم سمعو قصص ديالي .
المهم سبحان الله من نهار سكنا و انا كنحس فشكل و فاش كنعس اغلبية ديال الاحلام كنحلم الجن و كنتقاتل معهوم و كنقرى القرآن عليهم فالحلم و كنحلم بالحنوشا و شي وجوها فشكل كيجدبو حدايا و لكن اول بلان غادي يوقعلي فحياتي هو واحد النهار ف 2006 بالضبط كنت ديك النهار مريض بالسخانة و الحلاقم و مكنتحركش من بلاصتي .
المهيم ديما انا فاش كنكون مريض كنهبط نعس لتحت و كنخلي البيت ديالي الفوق حيت خاصني كلشي قريب راكوم عارفين بنادم مريض خاصو الماء و الدواء و كلشي كاين لتحت .
المهيم مالين الدار كانو كالسين كيتفرجو لتحت حدايا انا داني النعاس جات الواليدة غطاتني و طفات التلفازة و طلعو فحالهوم باش ميصدعونيش و يا ريتهم مطلعوش غير طفاو الضوء و هو يبدا الفيلم ديال الخليع .
كنت ناعس حتى سمعت صوت التقرقيب فتحت عيني مع 3 ديال الصباح حسيت بشي واحد كيشوف فيا و نضت مخلوع و عرقان و عيني خارجين و لكن الحاجة لي صدماتني لقيت التلفازة مشعولة و فيها التشاش قلت ياك الواليدة طفاتها منعرف يقدر تكون نساتها ، ما علينا قلت اعوذ بالله من الشيطان الرجيم و طفيتها و غمضت عيني و نعست دازت واحد الساعة و انا نفيق حيت سمعت الهضرة بالجهد ، غير فتحت عيني و انا نتصدم لقيت التفازة شاعلة قلت شهاد العجب هاد الليلة جيت انا بدلت البلاصة حيت البلاصة لي انا فيها كطلل على باب دالكراج و كيبقا يبانلي الظل تما راكم عارفين حجا طبيعيا كتبقى تخيل . اوا مشيت للجهة الاخرى و خليت التلفازة شاعلة باش تونسني وتغطيت كامل ويلاه بغيت ننعس و انا نسمع تقرقيب و الهضرة بالشوية المهم الوشوشة تخلعت بزاف و بقيت كنقرى القرآن و داكشي كيقرب فاللخر كنسمع واحد الفاز عند راسي كيقرقب و داكشي كيزيد يقرب و لحم ديالي تشوك و انا نوض قلت بسم الله الرحمن الرحيم بالغوات و هزيت المالطة ديالي و وقفت كنشوف بعيني خارجين هو يبانلي ظل ابيض و انا نورك و طلعت كنطير الفوق للبيت ديالي و دخلت و شديت الباب و بقيت مخلوع و كنترعد فبلاصتي و كنعاود داكشي فراسي و حتى دبا كنعاود ليكم و لحمي مشوك ، اوا بقيت حتى اذن الفجر و ناض خالي يصلي و عاد رتاحيت و بحكم هو كيصلي ديما الفجر و كيقرى القرآن بقيت فايق و مونس حتى طلع الصباح و بان الضوء عاد نعست . و فاش فقت معودت هادشي لحتى واحد و كانت هادي بداية ديال القصص ديالي مع العالم الآخر و ما زال في جعبتي بزاف ديال هاد القصص لي وقعولي و وقعو لناس قراب و ماشي سلوكية و لا زيادة و الله مزدت شي حاجة و حتى الواليدة سبقلها خرجولها و شافتهوم فالدار و لكن الحمد لله : قل لن يصيبنا الا ما كتبه الله لنا ، فالأول كنت كنخاف بزاف و كنبغي نتسطى و لكن دبا وخى كتوقعلي الحاجة كنضحك و نقول الحمد لله لدازت سالمة.
نصيحة :للناس لي كتخاف من الجن : الانسان خاصو يخاف من المجهول اما واحد الحاجة لي عارفين كاينة و مذكورة فالقرآن معندكوم لاش تخافو منها خاص غير قلبك يكون عامر بالايمان و الدار ديما فيها القرآن و ناسها كيصليو و مكان مناش تخاف
فاش فقت فالصباح و عودتها الواليدة قالتلي قرا القرآن و قل بسم الله الرحمن الرحيم . قلتلها علاش قالتلي و صافي دير داكشي لي قلتليك و لكن انا بقيت لاصق حتى قالتلي هادوك مالين المكان طبعا بحكم السن الصغير ديالي ضحكت و قلتلها الجيران هههه و انا معارفش باللي قصدات الجن .
ما علينا انا من الصغر كنت كنحماق على قصص الجن و ديك العالم الآخر و كنعرف معلومات كثيرة و كنبحث فداكشي بزاف و اي مجمع كنجبد فيه هاد المواضيع و راه الناس لي كيعرفوني مزيان غادي يكونو سبقلهوم سمعو قصص ديالي .
المهم سبحان الله من نهار سكنا و انا كنحس فشكل و فاش كنعس اغلبية ديال الاحلام كنحلم الجن و كنتقاتل معهوم و كنقرى القرآن عليهم فالحلم و كنحلم بالحنوشا و شي وجوها فشكل كيجدبو حدايا و لكن اول بلان غادي يوقعلي فحياتي هو واحد النهار ف 2006 بالضبط كنت ديك النهار مريض بالسخانة و الحلاقم و مكنتحركش من بلاصتي .
المهيم ديما انا فاش كنكون مريض كنهبط نعس لتحت و كنخلي البيت ديالي الفوق حيت خاصني كلشي قريب راكوم عارفين بنادم مريض خاصو الماء و الدواء و كلشي كاين لتحت .
المهيم مالين الدار كانو كالسين كيتفرجو لتحت حدايا انا داني النعاس جات الواليدة غطاتني و طفات التلفازة و طلعو فحالهوم باش ميصدعونيش و يا ريتهم مطلعوش غير طفاو الضوء و هو يبدا الفيلم ديال الخليع .
كنت ناعس حتى سمعت صوت التقرقيب فتحت عيني مع 3 ديال الصباح حسيت بشي واحد كيشوف فيا و نضت مخلوع و عرقان و عيني خارجين و لكن الحاجة لي صدماتني لقيت التلفازة مشعولة و فيها التشاش قلت ياك الواليدة طفاتها منعرف يقدر تكون نساتها ، ما علينا قلت اعوذ بالله من الشيطان الرجيم و طفيتها و غمضت عيني و نعست دازت واحد الساعة و انا نفيق حيت سمعت الهضرة بالجهد ، غير فتحت عيني و انا نتصدم لقيت التفازة شاعلة قلت شهاد العجب هاد الليلة جيت انا بدلت البلاصة حيت البلاصة لي انا فيها كطلل على باب دالكراج و كيبقا يبانلي الظل تما راكم عارفين حجا طبيعيا كتبقى تخيل . اوا مشيت للجهة الاخرى و خليت التلفازة شاعلة باش تونسني وتغطيت كامل ويلاه بغيت ننعس و انا نسمع تقرقيب و الهضرة بالشوية المهم الوشوشة تخلعت بزاف و بقيت كنقرى القرآن و داكشي كيقرب فاللخر كنسمع واحد الفاز عند راسي كيقرقب و داكشي كيزيد يقرب و لحم ديالي تشوك و انا نوض قلت بسم الله الرحمن الرحيم بالغوات و هزيت المالطة ديالي و وقفت كنشوف بعيني خارجين هو يبانلي ظل ابيض و انا نورك و طلعت كنطير الفوق للبيت ديالي و دخلت و شديت الباب و بقيت مخلوع و كنترعد فبلاصتي و كنعاود داكشي فراسي و حتى دبا كنعاود ليكم و لحمي مشوك ، اوا بقيت حتى اذن الفجر و ناض خالي يصلي و عاد رتاحيت و بحكم هو كيصلي ديما الفجر و كيقرى القرآن بقيت فايق و مونس حتى طلع الصباح و بان الضوء عاد نعست . و فاش فقت معودت هادشي لحتى واحد و كانت هادي بداية ديال القصص ديالي مع العالم الآخر و ما زال في جعبتي بزاف ديال هاد القصص لي وقعولي و وقعو لناس قراب و ماشي سلوكية و لا زيادة و الله مزدت شي حاجة و حتى الواليدة سبقلها خرجولها و شافتهوم فالدار و لكن الحمد لله : قل لن يصيبنا الا ما كتبه الله لنا ، فالأول كنت كنخاف بزاف و كنبغي نتسطى و لكن دبا وخى كتوقعلي الحاجة كنضحك و نقول الحمد لله لدازت سالمة.
نصيحة :للناس لي كتخاف من الجن : الانسان خاصو يخاف من المجهول اما واحد الحاجة لي عارفين كاينة و مذكورة فالقرآن معندكوم لاش تخافو منها خاص غير قلبك يكون عامر بالايمان و الدار ديما فيها القرآن و ناسها كيصليو و مكان مناش تخاف
لا يوجد تعليقات
أضف تعليق