قصة رعب

الجزء 1 حكايتي غريبة و قليل فين كطرا و لكن خلات حياتي جحيم. أنا مزوجة و عندي بنت عائلتي مسافرين لفرنسا و كنت كنحماق على الكتوبة و القصص ديال الرعب، عندي منها بزاف فالدار, و لكن قررت نطور راسي شي شوية و ثقافتي و نتجه لكتب السحر و التعويذات و الطلاسم. كنت ساكنة فحي قديم و كانت فيه واحد المكتبة غاملة ، خلت للمكتبة و بدين كنتفرج فالكتوبة ، كانت ف المكتبة راجل كالس حاط حداه كتاب صغير و كتاب كبير بزاف هزيت الكتاب الكبير اللي حداه عجبني شكلو بزاف، الغلاف ديالو طان مصايب من النحاس. سولت الراجل ديالاش هاد الكتاب قاليا هادا الترجمة العربية ديال واحد الكتاب قديم. عجبني الشكل ديال الكتاب بزاف سولتو واش الكتاب ما عندوش سمية قاليا لا هاد الكتاب من آلاف السنين كان مدفون تحت واحد الدار قديمة و فاش رابت الدار لقيت هاد الكتاب هاد الكتاب عندو قصة كبيرة بزاف ، حدر صوتو بزاف و قاليا هاد الكتاب من قبل خلق سيدنا آدم صراحة ضحكت عليه ما تيقتوش قلت ليه واش متأكد قاليا لا. سولتو بشحال الثمن ديال الكتاب قاليا 500 درهم باقي يالاه غادش نقولو راه غالي قليا 500 درهم بلا ترجمة و 1000 بالترجمة للعربية قلتليه الثمن غالي شافيا و عينيه دمعات و قاليا لا الثمن مناسب يالاه بغيت نعطيه الفلوس شفت يديه كيترعدو سولتو مالك قاليا لا والو فاش بديت غادية فحالي سمعتو كيقول يا ربي تسمح ليا يا ربي و لكن ما بيدي ما ندير نتا عالم بحالي ضرت شفت فيه بان ليا كيمسح دموعو خليتو و مشيت للدار دخلت لبيتي كان راجلي ما زال ما رجعش من الخدمة كانت بنتي ناعسة حدايا فالناموسية و بديت كنقرا أول كلمة فالكتاب كانت "إننا لقادمون من زمننا هذا فانتظرو إن الزمن قريب" حسيت بتبوريشة فلحمي كولو شوية سمعت الباب تحل كان راجلي رجع من الخدمة, سديت الكتاب و خبيتو تحت الناموسية, نضت وجدت لراجلي الغدا و لعبت شوية مع بنتي إيناس شوية حسيت بدوخة و فقدت الوعي. فاش فقت حسيت بحال إيلا نعست بزاف و لكن فاش حليت عينيا لقيت الظلام فاش حطيت يدي على الأرض لقيت التراب على الأرض بديت كنغوت ونعيط لراجلي و على بنتي و لكن ما جاوبونيش "عافاكم جاوبوني فينكم، مال الدنيا مضلمة واش الضو مقطوع ، صافي جيبو شمعة ، عافاكم ما كنحملش الظلام". حسيت بشي حد ناعس حدايا سحاب ليا راجلي بغيت نفيقو يشعل الضو والو ما بغاش يفيق بقيت كنحرك فيه باش بنوض والو و لكن بقيت كنحرك فيه نحرك فيه فاش قست ليه وجهو لقيتو بارد بزاف و حوايجو دغيا كيتقطعو "و لكن شنو هادشي هادو ماشي حوايج هادا توب" ما كنتش قادرا نتنفس حطيت يدي على ودني لقيت فيها القطن "أشنو هادشي صافي عافاكم باراكا من الضحك الباسل فين أنا واش مت ولا شنو" بقيت كنغوت و كندفع فالحيط اللي فوق مني أنا كنا فالقبر بقيت كنعيط عافاكم عتقوني و كنغوت بجهد حسيت بالحيط بدا كيتحرك فاش بديت طالعا و بالخلعة ما كنتش حاسا أنني ملوية فكفن, بديت طالعا و كنغوت و كندفع فالحيط مازال شوية حسيت بشي يد سخونة بزاف تحطات ليا على ضهري و بقوة الحريق مشا ليا الصوت و ضهري كلو دم و بالحريق حسيت براسي بديت كنسخف بالحريق شوية بديتك نسمع بأصوات كتغني ف القبر و حاسا بحالا مبنجا و بقيت على هاد الحال 3 أيام و أنا فالقبر و كل شوية كانغوت والاكن ما سامعني حد حتا فقدت الأمل و بديت كنطلب الله يديني عندو باش نتهنا, ربي كيعدبني حيت شريت هاداك الكتاب. شوية سمعت الصوت ديال القبر كايتحل من الفوق و الصوت ديال بزاف دناس واقفين كيهضرو و كيقولو الله أكبر لا حول و لا قوة إلا بالله, الكفن ديال كان مقطع بداكشي اللي طرا ليا و كان باين كلشي, من بين الناس اللي كانو واقفين على قبري كان الراجل اللي باع ليا الكتاب , هبط عندي و غطاني ببطانية, بقيتش مصدومة ما تيقتش باللي أخيرا خلو عليا القبر و خرجوني ... يتبع