قصة رعب الجزء 3

الجزء 3 : داني معاه سالم مول المكتبة عند جدو اللي كان فايت 100 عام و كان كيهضر غير بزز و مريض، لقيتو عاود ليه كلشي. جدو كانت سميتو جابر و قال ليه هاد البنت ملعونة حيت قرات الكتاب و خاصها تتحمل مسؤوليتها ، سالم بقا غير حادر عينيه و كيشوف فالأرض حشمان مني على حياتي اللي دمرها ليا. و هو يقول جدو "شنو كتقصد أ جدي؟ ما كاينش زعما الحل؟" جاوبو " الحل الوحيد هو أنها تضحي بشي حد آخر" سالم "و لكن كيفاش؟" جابر " يعني أنها تخلي شي واحد آخر يقراه باش اللعنة تدوز ليه و ترتاحي نتي، و هاد الشخص غادي يخصك تضحي بيه قبل ما تسالي هاد السيمانة و إلا ..." أنا "و إلا شنو؟" الجد جابر "و إلا غادس تشوفي عذاب الجن ما عمرك ما شفتي بحالو فحياتك". بالطبع ما قتانعتش بهضرتو ما نقدرش نآدي شي واحد آخر باش نرتاح أنا. خليت سالم و جابر كيهضرو و مشيت فحالي باش نشوف راجلي و بنتي توحشتهوم بزاف. مشيت للحي ديالي غي بديت داخلا بداو الناس كيشوفوني و يجريو و كيقولو بسم الله الرحمان الرحيم هادي ميتة أشنو جابها لهنا. وصلت للعمارة و طلعت لداري، بقيت كندق ما حل عليا حد، شوية جارتي سمعات الدقان فداري و حلات الباب تشوف شكون غير شافتني و تخلعات و بان ليها فوجهها خايفة مني و بقات كتقول بسم الله الرحمان الرحيم بسم الله الرحمان الرحيم بسم الله الرحمان الرحيم، قلت ليها ما تخافيش أنا ما ميتاش قالت ليا كفاش راحنا دفناك، و قلت ليها بلا راهوم دفنوني حية . دخلاتني جارتي لدارها و قالت ليا بلا راجلي مشا للعروبية و دا معاه بنتي و خلا لجارتي السوارت. عطاتني السوارت و دخلت للدار باش نرتاح و حتا هي دخلات معايا، بان ليها الكتاب قالت ليا شنو هاد الكتاب ديالاش؟ قلت ليها اللا راه ماشي ديالي ديال واحد صاحبتي. شعلت الضواو كاملين ديار الدار كنت خايفة بزاف و دخلت ننعس. واحد الشوية وقع اللي كنت خايفة منو، تقطع الضو فالدار حسيت بشي حد ناعس حدايا فالناموسية و أنا كنت عارفة راسي بوحدي فالبيت. تقكرت ديك الساعة اللي طرا ليا فالقبر و بديت كنكحز يديبا بشوية فوق الناموسية حتى قصت شي حد حدايا كان سخون بزاف و لحمو حرش. تفكرت حدا ناموسيتي كنت خليت واحد الشمعة باش نشعلها إيلا طفا الضو فاش شعلتها بان ليا دخان خضر و شي جسم حدايا، غوت بجهد حتى دخلات عندي جارتي مخلوعة لقاتني مصدومة و عينيا خارجين جيهت الطابلة ، فاش دارت تشوف أشنو طاري فوق الطابلة لقات الكتوبة بجوج كيتحركو ... يتبع