دابا ملي رجعتي رجعات معاك.. وصلني الخدمة و مشا فحالو، مع 6 دلعشية، عيطات لي ماما، بنتي را دوا فيك واحد الراجل، اليوم آجي بكري، قطعت قبل منهضر، وصلت للدار كنلقا الحيحة، بحال إيلا راني وافقت و ساليت، وجدو ليا و قادوني و دخلوني عند العريس، تلقتها بغوتة، مامآآ عتقي، هاد خينا را بغا ي.. هههه باقة كاعمة كملت و هو يجرني من شعكاكتي، و قال لي: قديمة هادي، ويلي ماوكلي ديالي، فوقاش وجدتو هادشي ؟ قال لي: أول نهر جيت قال لي بابا: ولدي نتا أغلى ما عندي، فرقتك عليها باش نعرف واش تستاهلك و لا لا ساعة طلعات مرة و نص، راها باقة لدابا كتسناك، و أنا نخنزر فيه واحد تخنزيرة، و داك الشهر لي دوزتي عليا فيه الدكاكة، فابور زعما؟ قال لي راكي عارفاني آش كنسوا، إيلا مانتاقمت منبرد، نتي تما كتكرفصي و أنا كنوجد لعرسنا هههه دابا هادا متقتليهش ؟ تجمعو عائلاتنا بزوج و فرحنا ببعضياتنا ههه مكاينش لي فشلخني بالضحك قد ملي بغا نسيم يتصور معايا.. و هو يشد الميكرو قال ليهم: لي لقيتو شاد شي تيليفون و لا كاميرا نهرسو ليه، و لي بغا يتقلق يتقلق، إيوا على زهري الزين نضت كنصاوب فالخواطر، هو يرون و أنا نقاد، و لكن الصبر..
داز داك العرس غزال واخا رضى الراجل لي شاف فيا كيبغي ياكلو، و أنا لي شافت فيه كنبغي ناكلها هههه معرسين محاربين نيشان، مشيت للدار عندهم، و رحبو بيا و فرحو بيا، و لكن الصدمة هي ملي قالو لي ليوم لعشا عللى حسابي، و أنا بيني و بين الطياب غير الخير و الإحسان، أويلي لعشا من أول نهار ؟ واقيلا موحال واش غنكمل السيمانة كيما قال صلاح، دخلت الكوزينة و كلست فالأرض نبكي، دخل من ورايا رضى و بقا كيضحك... هههه الفقيه لي كنتسناو باراكتو داخل للجامع بسبرديلتو، طلع ليا الدم شويا بان ليا كيكفض،ههه و الله هانتي كيعرف يطيب العفريت، لمهم عمر الطبلة،و الله إيلا واقيلا كنتي مشروع مرة و مصدقتيش ههه جاوبني فالبلاصة: سكتي نتي متنفعي مضري،لمهم جلسنا على العشا و كلشي كيبارك ليا على أساس أنا لي مطيبة، لي سولني شنو دايرة فهاد الأكلة كنبقى نتفتف، كينقز رضى يجاوب، ملي شافني غنحصل قالهم، وا باراكة عليها يالله سالات من هاد تامارة بديتو عليها فلونكيت زدتو فيه، ههه كلشي بقا كيضحك عليه و هو مرك،ضار عندي: شتي، راكنقول ليك موصيبة و مكتيقينيش.وكان هادا أول نها فداري. فخباركم أنا كنعاود ليكم و هو جارني من قفايا كيتسارا بيا فالدار
لا يوجد تعليقات
أضف تعليق