دبا من صغرنا وحنا تنسمعو بلي أي حاجة عندها زوج وجوه فحال درهم و بنادم تنتفكر بلي كنا قرينا على هادشي فلباك على معرفة الغير هنا كان ﻹجماع بين لفلاسفة بلي مستحيل تعرف بنادم شنو تحت راسو بهاد لعبارة مهما كان قريب ليك وخا منعرف شنو يكون تيبين ليك فلواقع كون متأكد بلي داكشي لي مخبيه كتر من داكشي لي تيبينو لمهم حتال هنا تافقنا بلي أي حاجة فيها وجه أبيض و أسود , سموحات معرفتكمش على راسي بغيت ندخلكم ديك دخلا لولا باش نتصور عليكم وكدا حيت غادي تعاشروني😂 قصتي طويييلا ولكن تقدر توصل ليك واحد لمساج زوين ينفعك صبرو معايا...
, سميتي محمد من لعاصمة الإقتصادية هههه شي درهم بروجولا , لمهم انا هو داك لولد لي دربو كامل حاضيه كلشي مباغينيش ننجح كلشي باغيني نموت علاش حيت أنا لولد لوحيد تقريبا فداك درب لي بقى شاد فقرايتو لمهم هادشي لي غادي نعاود ليكم عليه وقع فاش كان فعمري ديك 20 عام , اه مقلتش ليكم فهاد درب كامل كين هو يحيى هاد لولد عشيري من صغر دوزنا زبايل بزوج كلينا لعصا بزوج لمهم كلشي تنديروه بزوج دخلنا لصال بزوج تشاركنا فبروتين تيجريو عليه دارهم ولا انا تنوضها مع دار تنعسو ففراش واحد حتى عائلتو كنعتابرها عائلتي مع لعلم عائلتو وضعيتهم حسن من عائلتي ولكن لحمد لله لواليد حتى هو بيخير مخلي ليه جدي باش يعيش ويعيشنا ومهلي فيا بلا قياس معندوش غير انا كين 3 خواتاتي صغار وخويا لكبير ولكين تيقوليا نتا حالة خاصة وتيحتارمني على ود شي مواقف تنصدمو فيهم عرفتو شنو نعاود ليكم باش تفهمو فدارنا أنا لي تنمشي لجامع نهار جمعة أنا لي تنفيقهم لفجر أنا لي تندبح فلعيد كانو موالفين بلجزار ولات عندي 16 عام تقريبا صافي انا لي مكلف وزيد وزيد لحمد لله لواليد تيتيق فيا نقوليه يلاه كنت فلقمر يقوليا علاش مجبتيش معاك شي حجرة باروك هههه ولله لواليد واحد لعقلية هاااربة مدوز كاع داك تبرهيش عاد تزوج بيها ههه تندوي على لواليدة جابها من واحد لمدينة أخرى بدون دكر أسماء لمدن هيا تقدر تقول عروبية دبصح ولكين أخويا فاش تنمشي لتما خوالي تيدابزو عندمن نبقاو فيهم لمهم لواليد تزوجات بلهبيل ديال لواليد وهيا تهبل معاه منعرف كيفاش رباو دري بعقلو فحالي😌 لمهم خليونا من هاد ولاد ناس بقاو معايا انا معنديش شي تجربة معي شي بنت لا من بعيد ولا من قريب مع لعلم كان عندي واحد كونط إنستغرام تنلوح فيها تصاوري و مرة مرة شي فاينز لمهم لحمد لله داكشي لي كنت تندير عجب لي متبعيني طبعا يحيى ديما معايا تقريبا %95 من تصاوري غتلقاه معايا لمهم كنت انا درت واحد تكوين فندقة وهو بقى مطايف مع لباك هنا غادي يتبدل كلشي مبقاش تيدوي معايا بزااف إلا ممشيتش عندو متيجيش لعندي وعاود منجحش كان اخر عام ليه فداك ليسي ... قلتها ليه ساط كون قدرت نرجع نقرا معاك نرجع ولكين ميمكنش نتا غير قاتل وغادي تنجح و بلا بلا بلا رجعنا كيف كنا تسركيل مرة مرة تنراجعو بزوج ديتو عند واحد خونا يعطيه باش يدوز لوطني بقالو غير شي شهرين هنا عرفت واحد لبنت من مدينة أخرى بلاما نقول ليكم سميتها تمشي عند مها لمهم عرفتها عن طريق لكونط د إنستغرام معرفتش علاش كنا تندويو فمساجات لبنت محاطاش تصاورها دزنا فيسبوك تندوي معاها وهيا تزعزعني بتصاورها قلت ليها زوينات مخبين و لخيبات ديما خالعينا كنت عنيبة عارف عارف ولكين ولله ما حسيت ولا عرفت كيفاش حتى ولينا تندويو فحالا مصاحبين بدات عليا بديك لهضرة ديال عندك بنات مع شكون فيهم بقيت تنقول ليها لا وحتى نتي راك صداع راس كيفاش داير هاد ولد ناس لي معاك قالت ليا لا ولله معندي حتى تجربة و ... لمهم معقلتش كيفاش ولينا أون كوبل طلعناها فلفيسبوك فلول غير بضحك ولكين بنادم مني كتطول معاه فلهضرة تتولفو وخا غير من تيليفون فين نتا انا فلصال انا فلكوزينة ... هاد لبنت كانت صغر مني ديك ساعة كانت عندها ديك 17 وأنا 20 عام أول بنت أشريكي مخليتش شي واحد مقلتهاش ليه هههه ولله حتى من لواليدة لواليد وريتهم تصاورها و يحيى لمهم قربو متحاناتي خاصني ناخد ديبلوم ديالي هاد لعام كانو عندي زوج بريكات(زوج دمليون) من خدمتي فصيف و جدي كان تيضور معايا وحتى لواليد لمهم شنو غادي يقول ليا راسي أجي نشري موطور حيت باغي نمشي لعند ديك لبنت ومبغيتش نبقى مبهدل فلمركوب + لبنت لي تنعاود ليكم عليها شي حاجة بزااااف دارهم ملعقيين دبصح صافي قلت للهم ناخد موطور نجقر لواليد يزيدني شي حاجة مشيت عندو بقيت عليه نجحت ومخديتي ليا والو بنادم متيقراش و والديه مهلين فيه شوف انا ولدك واش نبقى مدابز مع طوبيس ماشي حشوما وعارفك عندك باش تعطيني بقيت تنطلب فيه لواليدة لي عكساتلي قالت ليا موطور لا غادي تموت وييع معرفتش علاش متيحملوش لماطر من عند لله داكشي لمهم جقرت لواليد دبصح قاليا شوف شي واحد ولي بقى خاصك نزيدك انا وخودو تخايل معايا أول ما سولت نعتولي واحد خونا عندو T-MAX ديك ساعة بعزها ديال بصح مشيت عندو باقا جديدة ومهلي فيها داك ثمن لي وصلت معاه باقي خاصني تقريبا شي 6 دلمليون وشي حاجة رجعت لدار لواليد متفرقتش عليه ديتو شاف لموطور حتى هو عجبو خونا مبغاش ينزل على داك ثمن صافي قلت للواليد بلاش وهو يقوليا ولله حتى تاخدو مالنا راك ولد لحاج فلان وبصح شي يوماين وهو يحط ليا لفلوس فوق طابلة وكتر كاع داكشي لي خاصني نبني بيه مستقبلي تنخسر فيه ولكين هانية بنادم عاد زاد محملنيش ديك لبنت مقدرتش نقول ليها بلي خديت شي حاجة وغادي نجي فهاد صيف أصلا بعد شي سيمانة صدماتني قالت ليا بلي كانت مع شي واحد قبل مني و عندو شي تصاور ديالها وديما تياخد فلوس وتيقول ليها مسحهم وتيرجع تاني يبينهم وتتبكي قلت ليها بعدا ياك قلتيلي انا لول؟ بقات تتشرح ليا قالت ليا دبا بغيتي تبعد مني مغاديا نقول ليك والو بغيتي تبقى انا راه تنبغيك ,قلت ليها حتى انا صافي أنا غادي نجي لعندك قالت ليا لا و ... قلت ليها ولله حتى غادي نجي , طلقتها على دار بلي مصيفطيني ندوز سطاج فشي بلاصة خليت لموطور فدار هزيت 3 الاف درهم و ديك لمضاية لي تندبح بيها ضربتها فشكارتي حيت ديك لبلاصة لي غادي ليها معروفة فيها غير ولاد ناس هاد تسافيرة كانت ليا لولا ليا لديك لمدينة وهيا لخرة وغادي تبدل حياتي 180 درجة حيت بزااف ديال لحوايج فحياتي غادين يتبدلو بسباب ديك لبنت ولا بسباب تبرهيش ديال لمراهقة وغادي نشوف لوجه لأخر ديال ناس لي ضايرين بيا يتبع ,,,,
, سميتي محمد من لعاصمة الإقتصادية هههه شي درهم بروجولا , لمهم انا هو داك لولد لي دربو كامل حاضيه كلشي مباغينيش ننجح كلشي باغيني نموت علاش حيت أنا لولد لوحيد تقريبا فداك درب لي بقى شاد فقرايتو لمهم هادشي لي غادي نعاود ليكم عليه وقع فاش كان فعمري ديك 20 عام , اه مقلتش ليكم فهاد درب كامل كين هو يحيى هاد لولد عشيري من صغر دوزنا زبايل بزوج كلينا لعصا بزوج لمهم كلشي تنديروه بزوج دخلنا لصال بزوج تشاركنا فبروتين تيجريو عليه دارهم ولا انا تنوضها مع دار تنعسو ففراش واحد حتى عائلتو كنعتابرها عائلتي مع لعلم عائلتو وضعيتهم حسن من عائلتي ولكن لحمد لله لواليد حتى هو بيخير مخلي ليه جدي باش يعيش ويعيشنا ومهلي فيا بلا قياس معندوش غير انا كين 3 خواتاتي صغار وخويا لكبير ولكين تيقوليا نتا حالة خاصة وتيحتارمني على ود شي مواقف تنصدمو فيهم عرفتو شنو نعاود ليكم باش تفهمو فدارنا أنا لي تنمشي لجامع نهار جمعة أنا لي تنفيقهم لفجر أنا لي تندبح فلعيد كانو موالفين بلجزار ولات عندي 16 عام تقريبا صافي انا لي مكلف وزيد وزيد لحمد لله لواليد تيتيق فيا نقوليه يلاه كنت فلقمر يقوليا علاش مجبتيش معاك شي حجرة باروك هههه ولله لواليد واحد لعقلية هاااربة مدوز كاع داك تبرهيش عاد تزوج بيها ههه تندوي على لواليدة جابها من واحد لمدينة أخرى بدون دكر أسماء لمدن هيا تقدر تقول عروبية دبصح ولكين أخويا فاش تنمشي لتما خوالي تيدابزو عندمن نبقاو فيهم لمهم لواليد تزوجات بلهبيل ديال لواليد وهيا تهبل معاه منعرف كيفاش رباو دري بعقلو فحالي😌 لمهم خليونا من هاد ولاد ناس بقاو معايا انا معنديش شي تجربة معي شي بنت لا من بعيد ولا من قريب مع لعلم كان عندي واحد كونط إنستغرام تنلوح فيها تصاوري و مرة مرة شي فاينز لمهم لحمد لله داكشي لي كنت تندير عجب لي متبعيني طبعا يحيى ديما معايا تقريبا %95 من تصاوري غتلقاه معايا لمهم كنت انا درت واحد تكوين فندقة وهو بقى مطايف مع لباك هنا غادي يتبدل كلشي مبقاش تيدوي معايا بزااف إلا ممشيتش عندو متيجيش لعندي وعاود منجحش كان اخر عام ليه فداك ليسي ... قلتها ليه ساط كون قدرت نرجع نقرا معاك نرجع ولكين ميمكنش نتا غير قاتل وغادي تنجح و بلا بلا بلا رجعنا كيف كنا تسركيل مرة مرة تنراجعو بزوج ديتو عند واحد خونا يعطيه باش يدوز لوطني بقالو غير شي شهرين هنا عرفت واحد لبنت من مدينة أخرى بلاما نقول ليكم سميتها تمشي عند مها لمهم عرفتها عن طريق لكونط د إنستغرام معرفتش علاش كنا تندويو فمساجات لبنت محاطاش تصاورها دزنا فيسبوك تندوي معاها وهيا تزعزعني بتصاورها قلت ليها زوينات مخبين و لخيبات ديما خالعينا كنت عنيبة عارف عارف ولكين ولله ما حسيت ولا عرفت كيفاش حتى ولينا تندويو فحالا مصاحبين بدات عليا بديك لهضرة ديال عندك بنات مع شكون فيهم بقيت تنقول ليها لا وحتى نتي راك صداع راس كيفاش داير هاد ولد ناس لي معاك قالت ليا لا ولله معندي حتى تجربة و ... لمهم معقلتش كيفاش ولينا أون كوبل طلعناها فلفيسبوك فلول غير بضحك ولكين بنادم مني كتطول معاه فلهضرة تتولفو وخا غير من تيليفون فين نتا انا فلصال انا فلكوزينة ... هاد لبنت كانت صغر مني ديك ساعة كانت عندها ديك 17 وأنا 20 عام أول بنت أشريكي مخليتش شي واحد مقلتهاش ليه هههه ولله حتى من لواليدة لواليد وريتهم تصاورها و يحيى لمهم قربو متحاناتي خاصني ناخد ديبلوم ديالي هاد لعام كانو عندي زوج بريكات(زوج دمليون) من خدمتي فصيف و جدي كان تيضور معايا وحتى لواليد لمهم شنو غادي يقول ليا راسي أجي نشري موطور حيت باغي نمشي لعند ديك لبنت ومبغيتش نبقى مبهدل فلمركوب + لبنت لي تنعاود ليكم عليها شي حاجة بزااااف دارهم ملعقيين دبصح صافي قلت للهم ناخد موطور نجقر لواليد يزيدني شي حاجة مشيت عندو بقيت عليه نجحت ومخديتي ليا والو بنادم متيقراش و والديه مهلين فيه شوف انا ولدك واش نبقى مدابز مع طوبيس ماشي حشوما وعارفك عندك باش تعطيني بقيت تنطلب فيه لواليدة لي عكساتلي قالت ليا موطور لا غادي تموت وييع معرفتش علاش متيحملوش لماطر من عند لله داكشي لمهم جقرت لواليد دبصح قاليا شوف شي واحد ولي بقى خاصك نزيدك انا وخودو تخايل معايا أول ما سولت نعتولي واحد خونا عندو T-MAX ديك ساعة بعزها ديال بصح مشيت عندو باقا جديدة ومهلي فيها داك ثمن لي وصلت معاه باقي خاصني تقريبا شي 6 دلمليون وشي حاجة رجعت لدار لواليد متفرقتش عليه ديتو شاف لموطور حتى هو عجبو خونا مبغاش ينزل على داك ثمن صافي قلت للواليد بلاش وهو يقوليا ولله حتى تاخدو مالنا راك ولد لحاج فلان وبصح شي يوماين وهو يحط ليا لفلوس فوق طابلة وكتر كاع داكشي لي خاصني نبني بيه مستقبلي تنخسر فيه ولكين هانية بنادم عاد زاد محملنيش ديك لبنت مقدرتش نقول ليها بلي خديت شي حاجة وغادي نجي فهاد صيف أصلا بعد شي سيمانة صدماتني قالت ليا بلي كانت مع شي واحد قبل مني و عندو شي تصاور ديالها وديما تياخد فلوس وتيقول ليها مسحهم وتيرجع تاني يبينهم وتتبكي قلت ليها بعدا ياك قلتيلي انا لول؟ بقات تتشرح ليا قالت ليا دبا بغيتي تبعد مني مغاديا نقول ليك والو بغيتي تبقى انا راه تنبغيك ,قلت ليها حتى انا صافي أنا غادي نجي لعندك قالت ليا لا و ... قلت ليها ولله حتى غادي نجي , طلقتها على دار بلي مصيفطيني ندوز سطاج فشي بلاصة خليت لموطور فدار هزيت 3 الاف درهم و ديك لمضاية لي تندبح بيها ضربتها فشكارتي حيت ديك لبلاصة لي غادي ليها معروفة فيها غير ولاد ناس هاد تسافيرة كانت ليا لولا ليا لديك لمدينة وهيا لخرة وغادي تبدل حياتي 180 درجة حيت بزااف ديال لحوايج فحياتي غادين يتبدلو بسباب ديك لبنت ولا بسباب تبرهيش ديال لمراهقة وغادي نشوف لوجه لأخر ديال ناس لي ضايرين بيا يتبع ,,,,
لا يوجد تعليقات
أضف تعليق