بيض و كحل (الحلقة 17 و الأخيرة)

 تنشوف فلواليدة مزال شادالي فيدي وتتدعي قلت ليها لواليدة

واهيا رجولة لعمالة سبتي سبتي سبتي وليتي تخرجي من لمغرب بلا شواري تتضحك قالت ليا ولدي لحمد لله لي رجعك خلعتينا عليك تنشوف فيها فين هيا مريم ؟ قالت ليا راه فدار ختك لكبيرة غادي تبقى عندها قلت ليها وخا صافي هادشي لي وقع قالت ليا أه كلشي تيسول عليك إمتى غادي تفيق لينا على رجليك قلت ليها لله يخليك ليا دعاويك لي مخليني معاكم وهيا تدخل لفرملية قالت ليهم راه خاصو يرتاح خرجو بقيت مع ديك لفرملية قلت ليه علاش متنقدرش نتحرك عادي قالت ليا راه أثار لبنج فدمك و لعملية كانت صعيبة مزال معرفناش شنو لأثار لجانبية غدا نحيدو هادشي لي فراسك ولكن موحال تخرج هاد شهر قلت ليها وخا خلاتني بوحدي بزز باش جاني نعاس تنحس براسي خفيف ولاد ناس غيكونو حيدو ليا شي طرف مليح هههه لمخ راه تيجي بنين مع مطيشة شرمولة ناري خاصني نسولهم عليه , لغد ليه فيقوني بركت بزز تنحس بيدي مكينينش ولكن تنحرك صباعي بزز حيدولي داكشي لي فوجهي وهو يباليا داك طبيب لي دارلي لعملية قلت ليه شكرا قاليا شكرا لك نتا لي عطيتيني لفرصة قلت ليه مرحبا ضارتي لمصران زايد غنحتاجك تحيدو أصلا هو غير زايد خونا مضحكش مفهمهاش جا واحد طبيب أخر قلت ليه علاش منقدرش نتحرك عادي قاليا بشويا بشويا غادي ترجع تحرك متخافش غير شويا ديال ترويض بقينا داوين وهيا تدخل لاورا ومعاها لمحامي قاليا واش بصح فقتي فلعملية قلت ليه أه عاقل على شي حوايج لبرد و ضو فوق راسي شي 5 لبولات وهو يشوف فيها قاليا غيكون بصح فاق فلعملية سولاتو شنو نقدرو نديرو قاليها كلشي نقدرو نرفعو دعوة على لمستشفى و ... قالت ليه دير هادشي تنشوف فيها مكين لاش صافي لحمد لله خاص غير نرجع نتحرك قالتلي نتا معارف والو خاص لابدة ندويو على هادشي باش ميعاودش يوقع قلت ليها لي باليك فين هيا لواليدة قالتلي خليتها فدار مسكينة 3 ايام منعساتش فحال ناس تتنعس فوق لكرسي خفت عليها أنا ولله وحتى نتى خلعتينا علك ومفقتيش بزربا قلت ليها سمحولي وهيا تشدلي فيدي غير فيق أولد ناس بقيت فداك صبيطار شويا و حولوني لواحد أخر حيت لاورا رفعات عليهم دعوة مجاتش نبقى تما مشيت لواحد قريب شويا لدارنا بشويا بشويا تنرجع تنتحرك يديا لخياطة لي فيهم تجمعات ولكن مزال بينا خططني ولد لحرام وجهي ويديا ودبا راسي خاص نربي لحية وشعر لمهم رجعت تنحرك يديا ماشي كيف لول ولكن شويا لواليدة كل صباح وعشيا تتجي عندي هيا و لاورا قالولي رجليك صعيب يرطعو كيف كانو دبا خاصك لوقت وترويض خرجوني رجعت لدار فلكرسي خاص لي يقابلني لواليدة مكتفارقنيش بقينا هكدا بشويا بشويا تنرجع كيف كنت بداو لجلسات ديال ديك لقضية لي رفعنا على داك صبيطار %100 رابحينها حيت داكشي لي قلت ليهم هو لي كان وطلقتها عليهم فلجلسة حتى أنا قلت ليهم تخلق ليا مشكل فحياتي بسباب ديك دقيقة لي فقتها تنحلم بداكشي تفيق وتلقا شي واحد حال ليك لبواطة ديال رايك وتيلعب ليك بدماغك بديت تندمع ديك لقاضية دموعها سالو كانت غتكتب ليا داك صبيطار تعويض عندي موهبة ديال تمتيل هو راه مكين والو من هادشي غير حليت عينيا وسديتهم , لاورا فشهرها 8 مبقى والو تافقنا بلي غادي تولد غنزلو كاملين لمغرب هاد لمرة غادين نبقاو تما نبقاو نجيو نشوفو لخدمة وكدا شحال مقودة تولد وأنا فوق كرسي منقدر نديها لصبيطار منقدر ندير والو رجليا ولعكاز وبزز باش بديت تنوقف شويا أما يديا فصال ديال فترويض تنهز بيهم تقل ديال بصح صافي رجعو كيف كانو وحسن خالعني غير داكشي* عندي أخويا نولي هامل لماطريال هو لول تنسول تيضحكو عليا متخافش دبا ترجع تحكم فكلشي عادي شعر بدا تيكبر تاني وصل نهار لي غادي تولد فيه معرفتش علاش عزيز عليهم يولدو فليل و فدوك لأوقات ديال 1 ولفوق معندي مندير ليها تنعيط على لواليدة جات للبيت تتدوي معاها قالتلي غتولد صافي تنقول ليها شنو غنديرو وهيا تشوف فلكرسي لواليدة حربية أخويا هزاتها مع لعلم لاورا من داك نوع لوازن وعاد لكرش تنقوليها لواليدة صبيطار فلخر ديال شارع بقاي معاها قالت ليا وخا خرجاتها تنقلب على لعكاز لقيتو تحت ناموسية ولكن والو بزز باش خرجت بيه قدام دار واحد سيد شافني غادي غير بزز وحوايج ديال دار قاليا مالك قلت ليه خاصني نوصل لصبيطار وهو يحطلي يدي على كتفو عاوني وصلني لتما بنادم عندو صحتو وحاسدك شي حاجة بسيطة وتيحسابلك عادية ولكن فاش تتمشي عاد تتعرف قيمتها بحالا قلتي شي بنادم ديما معاك تيجيك عادي فلان حتى تيمشي ولا تتوقعلو شي حاجة عاد تتعرف بقيمتو فحال هكدا وقعلي مع رجليا ويديا تقريبا كامل بزز باش وصلني داك سيد لبيت لي فيه لواليدة و لاورا قاليا غنمشي قلتلو شكرا وخرج بقيت تنعيط على لواليدة وهيا تخرج قالت ليا صبر شويا بقى بارك هنا رتاح كلشي بيخير.  بقيت بارك قدام لباب ديال ديك لغرفة حتى خرجات لواليدة تاني قالت ليا مبروك ولد فحال لبيضة لمنقية عاوناتني ندخل شعور فشكل فاش شديتو عرفتي بحالاش اطط نشرح ليك دبا فاش تتجي شي حاجة من دمك شي حاجة غتزيد تقربك من داك بنادم لي قررتي أنك تكمل حياتك معاه😍😍 تنشوف فيها بنت ناس دري  متيشبهش ليا شكون باه صدمتها هههه قالتلي آرا لولد دبا طيحو جابولي لكرسي ديالي معمري شفت لواليدة فرحانة هكدا قلت ليها ماشي أول مرة يتزاد عندك حفيد قالت ليا لا نتا حالة خاصة عنقتها بقى خاص غير لواليد فهاد نهار لله يرحمو صافي غادين نسميوه على إسم لواليد مصطفى , لغد ليه رجعنا لدار جاو عائلة لاورا وخالتها وبنادم لي خدام معانا لغد ليه تيعيط ليا لمحامي قاليا راه لقاضي خرج ليك تعويض مبروك واااااع دري جاي برزقو بعد شي سيمانة غير قادين لوريقات و لعاقة طلعنا لمغرب غادي راجع فكرسي وصلنا لقينا يحيى تيتسنانى طلعها عليا لكرسي دلمرض بازليهم لي ديما فيه وصلنا لدار مع نزلنا من طونوبيل ديالو تتباليا لبرهوشة ديال مريم جايا تتجري عنقتني قلت ليها لبرهوشة وليتي عمة وهيا تتشوف فمصطفى دخلنا لدار بركوني فوق واحد لفوطاي فصالون باركين تيلعبو مع لبرهوش صغير تنشوف فيحيى ..
_مالك حاضيني ؟
_ساط واش مكتموتش فحال لقط ب 9 رواح أصاحبي
_ههههههه مغادي نموت حتى ناكل سكسو فجنازتك متخافش
 وهيا تجي لبرهشة ديال ختي بركات حدانا تينعتلها بصبعو باش تسكت قلت ليها دوي نتي شنو كين قالت ليا راه داك لولد تعرضلي قدام ليسي وضربني , كيفاش ولد **** غنمشي ليهم دبا تنشوف فيحيى نوضني أثبي قاليا غير رتاح قالتلي غير ريح راه جا يحيى و ضربو حتى قلنا غيموت دخل على ودو لحبس تنشوف فيه دموع سالو أساط بصح هادشي ؟ قاليا وشنو راها خت خويا وموصيني عليها دموع دموع تشهيتو نبوسو فديك ساعة بقات لواليدة تترضي عليه بقينا باركين خاصني ندير ترويض باغي نوقف على رجليا قالتلي لواليدة غنديك عندك واحد سيدة يديها فحالا من لجنة وتفكرني قلت ليها وخا جاو خواتاتي يحيى شاف لقدية فيها لحريم قاليا خويا محمد نمشي أنا غدا نشوفك خرج بقيت تندور هادشي لي دارو معايا فدماغي و حتى داكشي لي كان دار شحال هادي سبحان مغير لأحوال لواليدة و خواتاتي تيدويو على شنو غيديرو لغد ليه دارو رفيسة وداكشي بعدها داني يحيى و لواليدة عند ديك سيدة فحال رحمة ربي داكشي لي تيديرو بنادم بصرف ديال بصح وجميل دارتو هيا غير بضحك و 20 درهم , بشويا بشويا لمطريال رجع كيف كان😢😂 خويا كان خالعني هههه  لمهم غير وقفت على رجليا دبحنا لمصطفى وسميناه ... قررت أنا و سارة (ف فرنسا سميتها لاورا فلمغرب سارة😂) لمهم تافقنا بلي غنبقاو نزلو لفرنسا كل شهرين تشوف خدمتها و أنا راه ضامن مستقبل لبرهوش د ولدي لله يسمحلي من جهة داك صبيطار نكحتهم بسباب دوك تواني لي حليت عينيا فيهم😂😂 عايشين فدار  والديا ميكن لاش نتحولو أصلا دار كبيرة و لواليدة مغاديش تخلينا نخرجو وحتى سارة ولفات لجو مع مريم و لواليدة تيعاونوها على مصطفى , يحيى كل نهار مبرزطلي راسي نخرجو نديرو قهوة نلعبو شي بياسة فلبلاي فحال شحال هادي ... نديرو شي طاجين راس فراس وليت شاك فيه ثامل وتيبغيني😂 سيد زاد فيه أويلي .  مرة مرة تيجي شي قمقوم من عائلة سارة قالوليك مبقاتش زوينة و الله أعلم أصلا لجو ديال لمغرب متيخلي حتى واحد زوين😂 ولكن فعينيا غتبقى ديما كيفما شفتها نهار لول ويمكن حتى هيا تتشوف فيا بنفس نظرة  أصلا مزال ممتيقاش بلي بقيت حي بعد كاع دوك لي ماتو قبل مني تراني شريف أشريف آه واحد نهار مشيت نشوف دراري ولبنات لي كنت ساكن معاهم وديت سارة و ولدنا ومن زهري معامن تلاقيت مع بات هناء دموعي سالو أصاحبي شرحتلو بلي أنا مليا والو فداكشي لي وقع ليها وريتو يديا وضربة لي فوجهي مخبيها غير بلحية هادشي دارو لي قتلها حيت أنا كنت تنقلب عليه وبسبابي تشد قاليا وخا هكداك أنا خليتها تمشي حيت نتا غادي يعني أمانة عندك بنتي هاديك لي ماتت معمرها ترجع ... معقلتش على داك نهار كيفاش داز مع دوك ناس لمكتاب هو هدا باش عرفتها غتموت وهيا ديجا غادا على حساب خونا معندي مندار لله يرحمها , رجعنا لدارنا لقديمة فدرب لقديم لي ساكن فيه يحيى ودبا مبقاش تيتفرق عليا دبصح كل نهار جاي لعندي . تنمشي أنا و سارة و مصطفى لديك لبلاد كل شهرين تيليفوني متيسكتش تيسولو عليا نغبر غير يوماين تيندموني عليهم ولكن زوينة تكون عندك عائلة يسولو عليك ويخافو عليك و صحاب غير هو خاصك تعرف معامن صعيب تلقا داك بنادم لي يقدر يدير معاك وعلك أي حاجة وغالبا متيقولش لك هادشي فوجهك يقدر يسبك فوجهك وميخليش لي يسبك فضهرك لمهم نخليكم دبا نمشي نتعشا (النهاية)

بيض و كحل (الحلقة 16)

 مبقيتش عارف شنو نقول خرجنا من تمت لاورا تتسول فيا واش هيا واش هيا

مقدرتش ندوي شنو غادي نقول لباها شكون دار ليها هكدا وعلاش شكلها قبيلا معمرو يتنسالي بنادم لي تيعرفني تيموت انا هو لايت ياجامي مشينا لدار دخلت ندوش خارجت بركنا قلت ليها لبنت ماتت مقتولا وهيا تصدم لا هيا متتعرف حتى واحد قلت ليها يمكن شي واحد بغى يكريسيها ولكن دبا لواليد ديالها موصيني عليها نتي معارفاش شحال عزيزا عليه وشنو يدير على ودها حتى هيا بسبابي ماتت كان خاصني نقابلها كيما واعدتو كيفاش غادي نقولها ليه دبا منقدرش قالت ليا صافي لبوليس غادين يقولوها ليه قلت ليها يلاه لدارها نشوفو نمرة باها مشينا بزوج دخلنا لداك لبيت لقينا تيليفونها قالتلي لاورا متمسوش غتولي فشي مشاكل عيطات على لبوليس وريناهم لبيت ديالها و حوايجها تيقلبو فداكشي وريتهم نمرة باها و خديتها مشيت مشينا معاهم قيدو لإفادة ديالنا داك لبوليسي عطا نمرة لواحد خونا مقابل تما عيط عليه تنتخايل باش غادي يحس فاش غادي يعرف بلي نتو ماتت تنسمع خونا تيصبر فيه قاليه واش عندها شي أعداء ولا شي نزاع مع شي واحد بقاو داوين شويا وهو يقطع منعرف شنو قال لداك لبوليسي جا لعندي قاليا واش نتا هو محمد قلت ليه أه قاليا نتا هو لمتهم لول لي كين لاورا وهيا تشد فيا كيفاش علاش قاليها باها قال بلي كانو عندها مشاكل فاش جات هنا معاه قالت ليه لا لا أنا وراجلي كنا مسافرين لمغرب قبل ميوقع هادشي خليناها خدامة و ناس لي خدامين عندنا شاهدين و وراقي طيارة وتصاور قاليها سيري جيبيهم و إلا كان محامي غيكون حسن أنا مزال مفاهم والو باغين يبركوني على لقرعة ديال شمبانيا دخلوني لواحد لبيت بارك معرفتش نتقلق على لبنت لي ماتت صغيرة ولا عليا لي غنمشي مضلوم ولكن مطولوش بزاف باش طلقوني جا لمحامي ناس لي خدامين معانا لوراق ديال طيارة و زيد وزيد طلقونا خرجنا من تما مشينا لدار ضرتني خاطري أصحبي شكون دار ليها هكدا هيا أصلا مهازاش فلوس وعلاش تخرج من دار وهيا حتى تيليفونها مخلياه فدار و تمشي لبلاصة فحال هاديك لاورا تتقوليا محمد صافي هادشي لي وقع ماشي بسبابك نتا عندك عملية ركز فيها وفيا وفولدك وعائلتك فليل مجانيش نعاس تنتفكر ختنى وديك ضربة فعنقها بين عينيا بقيت سهران مشيت للكوزينة حليت واحد لقرعة لكاس لول تاني لقيت راسي ضارب نصها معقلتش كيفاش رجعت لبيت ونعست لغد ليه تتفيق فيا ويلي شارب واش نتا مريض مخاصكش تشرب هاد لأيام أنا فايق مبوق تنبرد فيها صافي صافي غير لبارح غادي نحيدو كاع داكشي من دار قالت ليا لا خليه غير لضيفان نتا لي تحكم فراسك شويا... بصح فرشتها لبارح مناش مجاش شي دخان ولا شي حاجة ففمي خرجنا بزوجنا توصلني لترويض وتمشي للخدمة دخلت وهادشي لي درت كملت ومشيت لحقت عليها لمطعم تتقوليا ريح رتاح شويا قلت ليها والو غير خليني نتحرك نخدم دخلت للبيت نبدل حوايجي تتباليا طابلية ديالها جيب فيه شي ورقة بزربا جبدتها تنشوف فيها شي عنوان فلول قاليا راسي نديه لبوليس ولكن لا أنا باغي نعرف شنو وقع ولا غيبقى ضارني راسي خارج من تما تتسول فيا ياك قلتي باغي تخدم شنو وقعليك مجاوبتهاش هزيت سوارتها ديال طونوبيل وغادي لداك لعنوان وصلت ليه دار فواحد لبلاصة زوينة تندق وهيا تحل واحد شيبانية سلام سلام قلت ليها نقدر نسولك قالتلي أه مرحبا جبدت تصويرة ديال هناء وريتها ليها قالت ليا ولدي معمري شفتها قلت ليها تأكدي مزيان راه لقيت عنوان دارك فجيبها هاد لبنت ماتت ومبغيتش ندي لورقة لبوليس قالت ليا دويت معاك معمري شفتها جبدت كارطة فيها نمرة تيليفوني قلت ليها إلا عقلتي على شي حاجة ها نمرتي غدا غادي ندي هاد لورقة للبوليس قالت ليا اه صافي إلا كان شي جديد أنا غاديا نعيطليك خليتها ورجعت للخدمة صيفطت لاورا لدار حاملا خاصها ترتاح أنا غنبقى حتال لعشيا بارك شاد تيليفوني داوي مع لبرهوشة ديال ختي و لواليدة حتال ليل تنوري فيهم ديك لبلاصة فين خدامين وبلي مبقى والو للعملية وغادي نرجع بارك فليل حاط قدامي لعاقة تنحسب فيها ملقيت ميدار وهيا تصوني ليا لاورا قالت ليا شي واحد تيدور بدار من قبيلا وتيشوف فيها قلت ليها عيطي على لبوليس خرجت طيارة دار غير قريبة معقلتش كيفاش تنجري لتما تنتفكر شيبانية لكارطة لي عطيتها فيها لعنوان ديال دار ولمطعم وصلت تيباليا لباب محلول باش دخلت تيباليا واحد خونا شاد موس وهيا واقفة عند لحيط تنقوليا شكون نتا وهو يقصدني تيباليا غير لفاز لي حدا لباب صيفطتو ليه ولله ما قصحو قاصدني كان باغي يضربني لعنقي معرفتش كيفاش خويت جاتني لوجهي شديت لموس بيديا صباعي غادين يتقطعو وهيا تنزل عليه لاورا بواحد لقرعة ديال شراب طاح دودة تنشوف فيدي محلولة تتقوليا ريح حطاتلي شي حاجة على وجهي وهوما يدخلو لبوليس بزربا شدو خونا عيكو على AMBULANCE وضرباا هيا فوجهي ويديا تنسول غير على مراتي و لي فكرشها تتقوليا ممسنيش متخافش ولكن نتا شوف شنو وقع ليك تتبكي ؟! لمهم مشينا خيطولي شي 12 غرزة فوجهي ويديا بزوج شي 32 , جاو لبوليس نعتليهم دار ديك شيبانية , بقيت انا فداك صبيطار لاورا متفرقاتش عليا من بعد عرفنا بلي ديك شيبانية ماماه و %100 هو لي قتل هناء وسمعوني لهضرة على ديك لورقة بسبابي وفهاماتي زايدين كان يمكن توقع شي حاجة خيبة ل لاورا ولولدنا كون ما حفظهم لله أما أنا عندي هانية رجعني لوحة فنية خططني ولد لحرام  يا لعداااب عندي عملية قريبة ودبا هاد ضربات من حيث لا أدري بقيت انا فداك صبيطار لاورا متفرقاتش عليا من بعد عرفنا بلي ديك شيبانية ماماه و %100 هو لي قتل هناء وسمعوني لهضرة على ديك لورقة بسبابي وفهاماتي زايدين كان يمكن توقع شي حاجة خيبة ل لاورا ولولدنا كون ما حفظهم لله أما أنا عندي هانية تندور ونسولها ياك بعدا تتحسي برايك بيخير ودري عادي تتقوليا يا لمسخوط شوف غير فوجهك ويديك قلت ليها يوقعلي لي وقع أنا أصلا موحال نعيش لمهم نتي ولولد بقيت تما واحد ليوماين داك خونا هو لي قتل هناء كان تيعرفها من فاش كانت مزال فلمغرب حولها قلبات عليا فاش جينا دبا صورة بدات كتوضاح قدامي كانت دايراني غير طريق باش تجي هيا ديجا معولا غتلاقا بخونا هنا قالو بلي وقع بيناتهم شي مشكل وكانو غيتفارقو داك خونا ديجا عندو مشاكل فدماغو حمق مصبرش عيط عليها زعما باش يتوادعو وضربها بموس هو دبا فصبيطار دلحماق ومو فلحبس شيبانية مسويهلاش بزربا عطات للحمق ديال ولدها لخبار سخونة كون وقعات لولدي ولا لاورا شي حاجة ناري لحرب لعالمية 3 غتنوض قبل من لوقت😅 خرجت من نهار تضربت وهيا تتوكلني بيديها لحمام حريرتو حريرة تنفضل منعاودش ليكم😂😂😂 كتبولي واحد لبوماضا ساوية تراه  جلدي بزربا تجمع عاد بديت فتانية تتخبي لأثر رجعت لترويض مكتفرقش عليا ليل ونهار ولات هيا يديا غادي ندخل للعملية هكدا بقاو شي 3 يام تندويو مع دار لواليدة تتبكي قلت ليها لله غيدير لي فيها لخير إلا مرجعتش هانتوما تتشوفو فبعضكم هيا غتجي لتما بغيت ولدي يتربى تما... بقينا كل نهار تندويو معاهم هناء ولا قول لي بقى منها صيفطوه لمغرب يمكن حتى أنا نرجع هكداك فصندوق ولا نتدفن هنا وصلت ليلة لي قبل من لعملية مشينا دخلوني بقاو تيقراو عليا فديك لخبرة ديالهم لاورا خرجات مخلاوهاش تبقى معايا لوقت دايز فحال دكاكة تقيييييل وصاوني باش ننعس مزيان ولكن مجانيش تراه ملابس والو هاد شرويطة يجي شي ولد لعبد هارب ليه يولي متقرب مني وأنا ناعس😂 وصل نهار لي تنتسناوه دخلات واحد لممرضة تنسولها على لاورا  قالت ليا متقدرش تشوفها دبا صبر قلت ليها وخا عطاتني واحد لبرى قالتلي باش لجسد ديالك يترخى ويستعد واحد شويا وهيا تجي تاني هاد لمرة جايبا ماكينة ديال لحسانة قرعاتلي أخويا ضرباتني ل 1 وليت فحال هداك لي على بالك وي تندوي على جوني غير أنا سمر وزوين عليه بنسبة لناس لي معرفوهش مبروك لجنة من دبا لمهم دخلات لاورا هيا و واحد خونا هاز واحد لوراق تتشوف فيا وتتضحك على راسي ولا فحال دلاحة تنشوف فيها من نيتك خرجو ديلمها متنعرفهاش بنت لعبد راه غادي نموت وهيا تقلبها بكى واع حال وعقل هاد خيتي وليت تنقول ليها صافي سمحيلي وسكتي تتقوليا عنداك مترجعش خاصك ترجع تتقولها ليا بدارجة بنادم مفاهم والو خرجوها تيشوف فيا داك طبيب قاليا بلي لعملية صعيبة خاص نسني ليه على ديك شهادة بلي هو معليه والو إلا وقعاتلي شي حاجة سنيتها قلت ليه حياتي وحياة عائلتي بين يديك قاليا متخلعنيش راه أول عملية ليا مخلوع أصلا تنشوف فيه شنو شنو ولاد طيييط جايبينك تتعلم فيا وقفت ولله ما نديرها تيقوليا لا لا مكانش خاص نقولها ليك غادي تخرج عليا حياتي كاملا تنستاعد لهاد نهار تنشوف فيه خونا باينا فيه صيونص ماط تنشوف فيه على لله غير تكون تتعرف شنو تدير قاليا متخافش راني يلاه راجع من أمريكا درت عملية ونجحات قلت ليه مزيان وعلاش تتقوليا أول مرة قاليا أول بنادم زعما راه كنت تنطلق يدي فلحيوانات ههههه جايبين ليا طبيب بيطري أولاد طييط كان تيجرب فلقرودة قاليا متخافش يمكن متلقاش بحالي متخصص فهاد لمنطقة من دماغ ونتا أول واحد ندير ليه عملية مبغيتش أخطاء قلت ليه وخا حياتي بين يديك سلم عليا بيدو قاليا نشوفك بعد لعملية وخرج دخلو شي فرمليات شهوة منهم صافي زربو عليا بشي برة معقلتش على راسي تنتفكر بلي شفت شي ضو فوق راسي وحسيت بشي حاجة فشكل فراسي بعد هادشي لمهم عرفتي باش تحل عينيك تباليك لواليدة ديالك ولي يحساب ليك فبلاد أخرى وحداها داكض بنادم لي تتبغيه بغيت ندور راسي مقدرتش فلول يحسابلي وليت مشلل واحد 3 دقايق عاد تنفهم شنو داير بيا ليل هدا لواليدة فكرسي من جهة و لاورا من جهة دايرين ليا شي حاجة شادالي راسي متبتاه وممحطوطش على لمخدة تنحس بلفاصمة فوق وجهي دايرين ليا فحال شي مومياء مقدرتش ندوي حتى فلحركة بزز باش تنحرك صباعي شحال صعيبة فحالا شدك شي واحد ودارك فصندوق صغير متقدرش تحرك وجاتك لحكة فضهرك من لتحت زعما ههههه وخا تكون يهودي ميوقعش ليك هاد لبلان بقيت هكدا حتى فاقت لواليدة تتشوف فيا حال هينيا وهيا تطيح من فوق لكرسي تخلعات وقفات تتقول محمد تتفيق فلاورا خرجت تتجري بزز باش تندوي تنقول ليها لواليدة كيفاش جيتي ولا أنا لي جيت درت لعملية ؟ شادالي فيدي تتبوس فيها وتتقول شي أدعية شعلو ضو جا واحد طبيب تيدير ليا ضو فعينيا عماني و ففمي قلت ليه بقاتليك غير طرمتي لواليدة و لاورا تيضحكو قلتها بدارجة لأخرين مفاهمين والو تنشوف فيهم ولاد ناس درت لعملية؟ قاليا أه ونجحات مبروك لفرحة دموع دموع قاليا واش تتعرف هاد ناس زعما تيجرب داكرة قلت ليه أه هادي لواليدة وهادي لمدام قاليا شنو أخر حاجة تتفكرها قلت ليه شي ضو فوق راسي و شي واحد تيلعب ليا حدا جهة ودني شعور فكل وهو يبقى تيشوف قاليا شنو تتقول لا ميمكنش تتشوف فيه لاورا كيفاش واش فاق وسط لعملية ؟؟ لا هادشي مخاصوش يوقع قاليا راك أيام ونتا فاقد لوعي ودرتي شحال من عملية حتى يفوتك مفعول المخدر و ندويو لاورا كتحيح عليهم قالت ليا ولله حتى نشوهوهم غير صبر عرفتي شحال واخدين وتفيق وسط لعملية وخا يكونو دايرينها ليك من جيبهم لمهم دبا لحمد لله مني كلشي سالا ونتا بيخير عنداك تحرك راسك وكيف جاتك لمفاجئة جبتلك لحاجة تنشوف فلواليدة مزال شادالي فيدي وتتدعي قلت ليها لواليدة واهيا رجولة لعمالة سبتي سبتي سبتي وليتي تخرجي من لمغرب بلا شواري تتضحك قالت ليا ولدي لحمد لله لي رجعك خلعتينا عليك تنشوف فيها فين هيا مريم ؟ يتبع.....

بيض و كحل (الحلقة 15)

 مغاديش نديها معايا أصلا مغاديش نتعطل غادي نوصل نعيط على ختنى

بغات تشوفني مرحبا مبغاتش غادي نرجع صافي سارة معندها علاش تعرف , لمهم بنادم كلا جمعنا داكشي يحيى مشى لدارو دخلت لدار خليتهم تيجمعو فدار وطلعت لبيتي نعست لغد ليه جمعنا داكشي رجعناه لماليه راجعين لدار أنا ويحيى قاليا لقيت لبنت لي تدير داكشي لي دوينا فيه لبارح قلت ليه من نيتك ؟قالي ولله حتى فكرة زوينة عندك وغادي تعرف شنو تحت دماغو قلت ليه وخا شكون هاد لبنت وهو يعيطليها مشينا لدربهم تنتسناو وهيا تخرج تنشوف فيه من نيتك لبنت صغيرة تنسولها شحال عندك من عام قالتلي 17 خويا ولاو تيكبرو بزربا تنشوف فيه من نيتك باغي تصيفط مي للحبس قاليا تراه شيطانة هادي أنا لي عارفها ولله حتى تديك للواد وترجعك عطشان قلت ليه وخا أولد ناس تنشوف فيها لمهم بنت ناس ختي خطبها واحد لبرهوش معرفتش شنو تحت راسو محملتوش وبغيتك تعرفي لينا ولا على لأقل شي وضعية ماشي حتال لهيه صورة وحدا غادي نوريه لخوادرية باش دير عقلها قالت ليا واه صافي مرحبا عندو فيسبوك ؟ جبد ليها يحيى لمعلومات عندو نمرة خونا و كونطات كاملين سيد غير ضايع فهاد لبلاد بلاصتو فل FBI عطيتها نمرتي و 200 درهم نزلات مشيت أنا و يحيى لدار باركين جات سارة حتى هيا بركات حدانا تحاماو عليا تيقولولي باش نرجع نبدا لعلاج ولا ندير لعملية قلت ليهم غير تهناو ديجا فدماغي غنبقى حتى نشوف ولدي عاد غادي نمشي وخا تلاقا سما مع لأرض مغاديش نديرها دبا لمهم دوزنا داك نهار غير صداع ودير لعملية لا دير لعلاج لا دبا لا غدا ضروني فراسي ... لغد ليه هزيت ديك طونوبيل وشاد طريق لديك لمدينة لمزيكا و لقص فطريق تنتفكر أول مرة فاش كنت غادي فلكار وفراس مالي 3000 درهم ومضاية دنيا تتقلب بزربا وصلت تنسول على ديك لبلاصة لي نعتلي وسط واحد لفيلات وأنا نصوني على ديك نمرة مجاوباتنيش تنسول فبنادم دار فلانة نعتوها ليا مشيت ليها نزلت غادي للباب معارفش شنو نقول تندق وهيا تحل لباب واحد سيدة قالت ليا سلام وعليكم سلام ولدي كين شي ما نقضيو قلت ليها تنسول على فلانة ؟ قالتلي أه أنا ماماها هيا خدامة دبا قلت ليها أنا جاي من ... وبغيت نشوفها معرفة قديمة قالتلي دخل تسناها شويا تدخل لدار هادشي لي درت دخلنا لدار باركين بزوج جابتلي قهوة تتسول فيا منين تتعرفها خويا متنعرفش نكدب قلت ليها شنو كين من لول فاش كنت مع بنتها وقالتلي نجي نعاونها كلشي كلشي بقات تتقوليا سمح لينا وكدا صافي شويا دخل باها وبقينا تنعاودو ليه حتى هو شي ساعة عاد تتدق ختنى فلباب حلو ليها جات تتشوف فيه شكون هدا قلت ليها محمد بقات تتشوف قلت ليها محمد عشير يحيى ... وجها تبدل بركات حدايا تتشوف فيها فين كنتي سمعنا بلي خرجتي من داركم شنو وقعليك تنشوف فيها مفيا لي يعاود تاني قلت ليها بلي دبا مزوج ومراتي قريبة تولد و ... قالتلي كل واحد تياخد على قد نيتو حتى أنا كنت تنسول عليك سمحلي على كلشي ولله معرفتش شنو كان تيقوليا راسي فديك لوقت ... لمهم بقيت عندهم شويا حتى طاح ضلام معياو معايا بقا ليلا عندنا قلت ليهم لا أصلا غير واحد ساعة ونص ونوصل لدار خرجت شاد طريق دماغي رتاح أصاحبي غادي راجع فليل طريق خاوية طالق لمزيكا وتنغني تتعيطلي لاورا مزال مبدلتش ليها سميتها فتيليفوني جاوبتها ألو أنا كانت عندي شي خدمة وجاي راجع واحد شويا نوصل قالت ليا مشيتي عند ديك سيدة ياك مديتينيش معاك ومسولتينيش قلت ليها بنت ناس واش خاصني نبقى نسولك قبل ما نخرج صافي أنا راجع وصلت لدار تاني مرة غادي نتناقشو بزوج هكدا لواليدة تتبرد هيا و لخوادرية قالت ليا من نهار جينا لهنا تبدلتي و... قلت ليها راه ممشيتش ننعس معاها غير دوينا عادي ورجعت تتقولي إوا مني مشيتي غير تدوي معاها علاش مديتينيش بقينا شي ساعة وحنا داوين وليت غير تنبرد هاد زبلا حاملا غنوليو فشي طاب وشي ما طاب بردنا لقدية جابولي عشايا تعشيت وطلعنا للبيت تيباليا مبقى عندي ميدار فهاد لبلاد من غير ختي و لواليدة هوما لي شاديني يمكن نخلي هادشي ونطلع ندير لعملية ونرجع ولكن إلا مرجعتش داك ولد ناس غادي يدير لي بغى فختي تندوي مع يحيى قلت ليه بلي يمكن نرجع منين جيت ندير لعملية قدما زربنا فيها حسن قاليا كون هاني من ناحية لواليدة ديالك وختك راهم فعينيا , قلتها ل لاورا بنت ناس وجدي وراقيك و.. غادين نرجعو هاد سيمانة ندير لعملية فرحات بارك شاد تيليفون تنةصي ف يحيى حتى تيوصلوني شي أديوهات من نمرة معمري شفتها دخلت لأديو لول عادي طلقتو هادي غير ديك لبنت قالت ليا فين سفا لمهم راه دويت مع داك لولد فلايسبوك وتلاقينا قبيلا ودبا دوينا فواتساب قلت ليه بلي سمعت بلي خاطب اطط نوريك شنو قاليا تنزل لدوك لأديوهات خونا داكشي لي فهمتو من هضرتو بلي باغي لخوادرية غير حيت عارف لواليد مخلي ليها شي رزيق وتتبقى تعطيه فلوس قلت ليدك لبنت ديري معاه غدا وقولي ليا لبلاصة قالتلي وخا ولكن بلاما تشريلي صداع معاه يولي دايرلي شي حاجة نتا مكتعرفنيش قلت ليها وخا غدا قولي ليا لبلاصة قالتلي وخا غدا نعيط ليك .
 فديك ساعة مشيت لبيت مريم تندق نااعسا بقيت تندق وهيا تفيق لواليدة جات حتى هيا شنو واقع مريم حلاتلي لباب قلت ليها باغي ندوي معاك دخلت للبيت وسديت لباب تنشوف فيها أري ليزيات عطاتهم ليا درتهم وعطيتها تسمع بقات غير كتدور فعينيها قالت ليا كان عندك لحق من لول سمحلي تتقوليا وتتبكي قلت ليها واش أنا غنكدب عليك أبنت ناس شنو عندي من رباح من لول قلت ليك ديري عقلك لمهم دبا مديريش فبالك غدا غنمشي نتفاهم معاه ونتي بلاما نوصيك نلقاك تتدوي معاه من بعد غادي نتفاهم معاك أه وفاش منكونش وقعاتليك شي حاجة ولا دوا معاك قوليها ليحيى حيت غنمشي ندير عملية ويمكن نتعطل وهيا تعنقني قلت ليها نعسي نعسي دبا غنبقى غير عايش ليكم أنا قلت لواليدة تنعس صافي سالينا من دوك ناس رجعنا أنا وسارة لبيت قالت ليا بلي غتدوي مع طبيب يوجد غدير للعملية قلت ليها وخا بقينا داوين شويا نعسنا لغد ليه فايق بكري فطرنا مشينا تنقادو فشي وريقات باش غنرجعو و دينا طونوبيل لماليها عيطت ليحيى رجعنا لدار وهيا تصوني ليا ديك لينت نعتاتلي واحد لقهوة مشيتلو أنا ويحيى درنا براسنا باغين غير نتقهواو وقفنا عليه مضربناه ما والو قلت ليه نشوفك مع ختي ولا قريب منها مكينش لي غادي يوقف بيناتنا ولله حتى ندخل على ولدي للحبس نتا مزال معارفنيش شنو نقدر ندير على ود عائلتي خونا ولا غير تيبرد قاليا صافي أخويا خليناه واجعين لدار تنوصي فيحيى على لخوادرية و لواليدة وخا معاطيانيش خاطري نمشي ونخليهم معرفتش علاش... راجعين لدار انا ويحيى تنوصي فيه على لخوادرية و لواليدة خاصني نمشي وخا معاطيانيش خاطري نمشي ونخليهم معرفتش علاش لمهم وصلني لدار باغي ننزل قاليا تسناني نزلنا وهو يعنقي قاليا سمح ليا على أي حاجة درتها ليك أخويا قلتلو هاد لهضرة تاني قالي خويا وخا نبقى نقولها حتى نموت نحمد لله ملي عطاني فرصة نطلب منك سماح ونشوفك مكينش فحالك ولله تسمح للي ضيعليك 3 سنين من حياتك وبعدك على والديك قلت ليه يحيى نسامحك هيا إلا درتي ختي و لواليدة فحال عائلتك خويا أنا راه ممسوقش ليهم قاليا كون هاني نتا غترجع أنا حاس بهادشي خليتو ودخلت لدار لقيت سارة تتجمع حوايجنا قالتلي غدا فليل غنمشيو لواليدة تتبكي ولدي يلاه جيتي تنعنق فيها وتنبوسلها يديها ميمتي خاصني نمشي ندير لعملية ونرجع متنساينيش بدعاء و إلا وقعاتلي شي حاجة غادي نوصيها باش تربي ولدنا هنا متنساينيش بدعاء وهيا تحط يدها على حنكي مسحاتلي دمعة محسيتش بيها أنا قالتلي غادي تربي ولدك وغادي تحضر لجنازتي متخافش بقينا داوين مشيت لعند لخوادرية تندق فلبيت حلاتي لباب دخلت بارك تنشوف فيها بنت ناس سدينا لموضوع ديال داك لولد ياك غادي نوصي بنادم يشوفوك معاه غادي يعيطولي ولله حتى نرجع لتقاشر مك نعطيك شي صلخة مضايراش وهيا تعنقني قالت ليا متخافش غير متعطلش علينا معندناش من غيرك قلت ليها غادي نرجع إن شاء الله و إلا مقدرتش نرجع غادي تجي سارة ولد خوك غتولي عمة بغيتط تهلاي فيه قالتلي غادي تجي إن شاء الله خليتها وخرجت لعند سارة تتجمع فحوايجنا قلت ليها نفس لهضرة إلا مرجعناش بزوج ترجع بوحدها بغيت ولدي يكبر مع لواليدة بقيت معاها حتى حلفاتلي لبست صندالة ديال صبع فرجلي وشورط وغادي لبحر أنا وهيا على رجلينا أصلا قريب كرشها كبرات وصلنا باركين فواحد لقهوة لواحد هو لي يتعنب على حلالو قبل ما يموت دوزنا أخر نهار طوب دبصح رجعنا لدار دوشنا لوقت لي باقي لينا تيطير غادي نبعد على عائلتي تاني قلتها ليحيى جاب مراتو وجاو يتعشاو عندنا باركين خالقين سعادة غير بلقهوة و لحلوة حطو لعشا بارك تنتفلسف عليهم فداكشي ديال لكوزينة حتى تيرجعلي حريق راس تاني مدويتش بزربا طلعت لبيت تنقلب فدوايا لقيت حبة لي باقيا شربتها بقيت بارك حتى عطى مفعولو عاد نزلت لواليد لله يسمحلي منو كان صابر على هادشي كامل ومحسسنا بوالو حتى دا مول لأمانة أمانتو داك شهر لي غبرو من لواليدة يحسابلي هو ماشي تيسركل وهو ماشي يتعالج داك سيد مكينش فحالو مشى يحيى ومراتو بقيت تنوصي فلواليدة على مريم ولعكس لغد ليه فقنا بكري مشيت لقبر لواليد بقيت تندوي معاه نقدر نلحق عليه قريب غير هو كان راجل مزيان وكلشي تيشهد ليه بيها و أنا كاري بيت انا و أبو لهب فجهنم بلاصتنا فوق شواية , غير لله يستر خايف من شي حوايج درتهم فحياتي رجعنا لدار لقيت يحيى قدام لباب دخل معانا لدار جاو خواتاتي حتى هوما جايبين لمسمن أخويا أخر حاجة ناكلها فهاد لبلاد لمهم كلينا ضحكنا وفاش بغيت نخرج بداو تيبكيو كاملين من طرف لطرف خواتاتي و لواليدة حتى من لاورا/سارة عاداوها ولات تتبكي بحالهم سيدة أنوثتها ضاعت فهاد تسافيرة😂 لعيب ماشي  فلبنات لعيب فلجو ديال لمغرب فيه شي سحور ده إحنا معمولنا عمل يا جماعة لي جابها من شي قنة يخليها تما وياك وتجيبها لهنا .
 ضروني فخاطري ب بكاهم غادين ومحاملش نمشي إلا وقعاتلي شي حاجة منعرف شنو غادي يديرو سفة و لمرقة ولا كسكسو , وصلنا يحيى للمطار دخلنا تيعنق فيا مرضني بديك سمحلي عقدني فحياتي ديال بصح مشى بقيت أنا و سارة تما باركين مقابلين ديك لكرش عندها شاك فيها توام ولا شي ولد عملاق من داك نوع لي تيلبس 44 فرجلو تيعيطو على رحلة ديالنا مسخيتش أساط طلعنا فديك طيارة غادين أنا وهيا تتقوليا هانتا غتدير ترويض هنا و لعملية هنا طبيب فلاني مشهور مضمونة تنشوف فيها تتضحكي عليا واش هو غادي يحيد ليا طرف مني تينيسة من راسي ونتي تتقولي ليا غتبقى بيخير يمكن كلشي يتبدل بعد لعلملية نقدر نولي حمق ولا ننسى كلشي شداتلي فيدي قالتلي غير نسى كلشي وبقى غير حي وااع فرحاتني قلت ليها لهاد درجة تتبغي هاد لعبد لله لي قدامك قالت ليا نسى كلشي باش نعاود نربيك على يديا😂😈 ههههه إن كيدهن لعضيم بقينا  خالقينها داها نعاس بقيت غير تنشوف فيها حتى وصلنا لقينا خالتها تتسنانا نسينا مجبنالهم والو شوهة دبصح لمهم ديك ليلا غير نعاس عينا أخويا لغد ليه مشينا لعند طبيب قاليا بلي خاص ندير شي فحوصات وشي ترويض حيت عملية صعيبة وطبيب لي غادي يديرها فأمريكا يلاه غادي يجي قلت ليه وخا خرجنا من عندو مشينا لمطعم متتبانش ليا هناء تنسول داك تونسي قاليا راه مجاتش سيمانة هادي تنسول بنادم بصح سيمانة باش مجاتش مشيت انا و سارة لدار فين تتسكن ملقيناهاش و جيران تيقولو حتى هوما بلي سيمانة مجاتش تخلعت ديال بصح تنعيط على باها لا تكون رجعات قاليا لا ومدواتش معانا شي سيمانة وايلي فين مشات هاد بنت ناس حتى فلوسها مزال فدار تكون زعما تزوجات داك نهار تنسولو وتنقلبو ملقينا والو نهار تاني علمنا لبوليس عطيناهم صورتها منقدرش ندخل للعملية وانا معارفش هيا فين باها موصيني عليها تنقلبو ليل ونهار ولبوليس وباها تشوش تيعيطلي 11020033 مرة فنهار دازو 3 يام عاد تيعيط لينا بوليسي قالينا يمكن لقيناها مشينا لعندو أنا و سارة قالينا بلي شي وحدة فلمشرحة تتشبه للي فصورة قلت ليه لا ميمكنش تكون هيا هاد لبنت مكينش لي يأديها قاليا يلاه تشوفو واش هيا مشينا لاورا مقدراتش تدخل واحد ريحة خيبة وهيا حاملا دخلت أنا تلاقينا بطبيب دانا لواحد تلاجة ديال لموتى وهو يحل واحد لباب جبدها مع تيحيد داك ليزار تتباليا هيا معرفتش شنو نقول رجليا فشلو مضروبة فعنقها ولا قول مدبوحة من عنها تيقوليا لبوليسي وقف شد فراسك سدو داك لباب قلت ليه هيا شكون دار ليها هكدا ؟؟ قاليا معرفناش لقيناها فواحد زنقة لا وراق لا والو دبا عرفناها بلفضل ديالكم واش عندها عائلة يديوها تنتفكر باها شاد من راسي قاليا تقدر تمشي حتال من بعد ودوز لعندنا خرجت لاورا تتسول فيا واش هيا واش هيا مقدرتش ندوي شنو غادي نقول لباها شكون دار ليها هكدا وعلاش شكلها قبيلا معمرو يتنسالي بنادم لي تيعرفي تيموت وليت فحال Death Note يتبع ....

بيض و كحل (الجزء 14)

 خاصني نبدا نصلي و ندخلو هاد بنت ناس لإسلام و نرجع شي فلوس تيتسالوها ليا شي ناس و شي أيام فرمضان و نشوف ناس لي عرفتهم هنا و نشوف يحيى ونطلب منو لمسامحة 

وخا معاقلش شنو درت ولكن 100% درتلو شي حاجة باش دار معايا داك لفلاش , بمهم رجعنا لدارنا صف على دوش بركنا تنعاود ليهم على لمغامرات فحال ديما خرجت أنا و لاورا تنسركلو تنوريها لبلايص لي كنت خدام فيهم و لصال لقديم و... مشينا لبحر قلت ليها إلا وقعاتلي شي حاجة بغيت لولد يكبر هنا قالتلي مغادي يوقع والو غنرجعو سيمانة لماجيا وغادي دير لعملية ولا لعلاج... لي قاليك طبيب غادي ديرها وغادي تنوض حسن من لول قلت ليها وخا نمشيو ولكن ماشي سمانة لماجيا بغيت نشوف لولد بعدا و نشبع من عائلتي ونبدل حياتي قالت ليا لا وراه قد ما زربنا حسن مسكينة تتخوي لما فرملا رجعنا لدار ليلا جاو خوتي درنا عشا مجموعين كلشي تجمع بضحك بحال يامات لواليد كلشي كبر كلشي ولات عندو عائلة وبراهش تيلعبو ليه فوق راسو لوقت بزربا كتطير خرجت أنا وخويا لواحد لقهوة بركنا مدلي غارو رجعتو ليه معقلتش إمتى قطعت ولكن شحال من نهار دبا مجاش ففمي يمكن مع هاد دوايات لي تنشرب لمهم باركين قاليا محمد خويا مزيان ملي رجعتي تنشوف فيه بنص عين ولد ناس من نيتك خليتي لواليدة و لبرهوشة دمريم بوحدهم ضراتني خاطري ولله زعما نتا لكبير وخاصك تقابل لبنت حتى تكبر ولواليدة لي قالتها ليها تيقها ومتقدرش تمشي معاها كل نهار قاليا راه وقت أخر هادي شنو خاصهم لواليد مخلي ليهم باش يعيشو مخيرين معرفتش شنو نقوليه بقيت تندوي معاه ب أه لا أه لا ورجعت لدار غدا خاصني نحيد عليا بزاااف ديال لحوايج رجعت لدار قلبت على نمرة تنعيط على حمزة ودراري لي كنت ساكن معاهم بدلو نوامر يمكن صافي غدا نمشي لغد ليه فصباح فطرنا خلاتني لواليدة نخرج انا و لاورا غير بزز مشينا وصلنا مريم لليسي دخلات نيشان صافي دويت معاها غادين لديك دار لي كنت ساكن فيها وصلنا غادين طالعين فلعمارة بزوج تندق تنسمع ديك شكون صوت كريم هدا قلت ليه داك لي تقرب منك أولد لعبد خونا حل شافني بزربا عنقني عرفني سلم على لاورا قلت ليه هادي راه لمدام قاليا وايلي بزربا كيدرتي ليها وهيا تجاوبو قالت ليه سحر ليا خونا تصدم تيشوف فيا وعلمتيها من لفوق سمحولي خليتكم عند لباب دخلو دخلو دخلنا تنشوف فدار مزالا كيما هيا متبدل والو تتباليا أحلام ناعسا فنفس لبلاصة ولمانطة تيليفون و باكية ديال ماربورو حداها ونفس سداري ديلمو طاب داك سداري لهربة لواحد هو لي يبقى فصباغتو تنفيق فيها وا بنت ناس واهيا حلات عينيها شافتني وهيا ترجع تنعس قلت ليها وا بنت ناس قولي غير سلام هههههه يحساب ليها تتحلم عنقاتني ولد ناس معيطتي ما والو خلعتينا علك قلت ليها ختي راه تزوجت لمدام حاكماني شافت فيا ولد لعبد درتيها زعما كنت تنتسنى فيك عرفتي شحال ديال لخطاب رجعتهم تنضحك قلت ليها سكتينا دبا يحساب ليها بصح سلمات عليها تتخرج نرمين من داك لبيت فحال ديما سلمات علينا حتى حاجة متبدلات تنسول على حمزة وداك لولد لأخر قالو ليا بلي تحولو شحال هادي لمهم بركنا عندهم واحد شويا تنعاود ليهم حتى هوما قلت ليهم بلي مريض ندموني حتى من كريم لي لحيتو كتشطب لأرض تيدمع قلت ليهم صافي أولاد ناس جاي لعندكم ننسى ماشي تزيدو عليا لمهم بقينا تنتفكرو دوك لأيام ضحكنا شويا , خليناهم وخرجنا غادين راجعين لدار دايزين من حدا درب لقديم صافي ولله حتى غادي نمشي لعند يحيى لمهم وقفت قدام دارهم تنشوف فلاورا قلت ليها تعقلي على داك لولد صاحبي لي قلت ليك عليه تزوج بديك لبنت لي كنت معاها قالت ليا أه مالو وريتها دارهم قالت ليا شنو عندك ما دير بيه غنشوفو غادي ندفل على تقاشر مو قلت ليها بنت ناس لا أنا باغي نصلح علاقتي مع كاع بنادم لي تنعرف قبل منرجعو قالتلي على خاطرك لي بغيتي أنا منمشيش معاك منشوفش بحال هاد ناس قلت ليها وخا بقاي هنا غنمشي ونجي نزلت غادي لدارهم وهو يصوني تيليفوني تنشوف نمرة متنعرفهاش جاوبتو قاليا سلام خويا معاك جمال دري لي وقع ليك معاه داك لبلان قدام ليسي قلت ليه منين جاتك نمرتي بعدا قاليا راه ختك عطاتها ليا بغيت ندوي معاك قلتها لدار وغادين نجيو سيمانة لماجيا قلت ليه وخا مرحبا دار راك تتعرفها دبا عندي ميدار قاليا لله يعاونك اخويا وقطعت عليه محاملش هاد خونا من عند لله مدخلش ليا لخاطري منخليش يتزوج بيها شحال عندي منها , غادي للباب تندق أويلي شنو جابني هنا شنو غادي نقول و إلا حلاتلي ديك خيتي لباب يلاه تنفكر وهو يحل لباب خونا تبدل بزاااف ولا لوين دبصح ودار موستاج مقال والو عرفني حتى أنا مقدرتش ندوي كاع داكشي لي كنت تنفكر فيه مشالي من دماغي حيت تفكرت شنو دوزنا مع بعضياتنا وشنو دار خونا وهو يعنقني تيبكي ليا على كتفي راجل موستاجو يشحر زوج برارد تيبكي فحال شي ولد راه 13 عام ديال لعشرة دوزناها قبل ميوقع داكشي معرفتش شنو نقول  بقينا واقفين مقدرتش ندوي كاع داكشي لي كنت تنفكر فيه مشالي من دماغي حيت تفكرت شنو دوزنا مع بعضياتنا وشنو دار خونا وهو يعنقني تيبكي ليا على كتفي راجل موستاجو يشحر زوج برارد تيبكي فحال شي ولد راه 13 عام ديال لعشرة دوزناها قبل ميوقع داكشي معرفتش شنو نقول تيقوليا سمحلي سمحلي قلت ليه مسامحك أصاحبي صافي مقادرش يشوفلي فعينيا تنقول ليه صافي يحيى صافي أصحبي قاليا أجي ندخلو قلتلو مراتي معايا منقدرش تيشوف فطوموبيل قصدها حل لباب قلت ليها لاورا أجي لمهم نزلات دخلنا لدارهم تبدلات بزاف تنشوف تنتسنى ختنى تخرج من شي بيت وهو يجي برك حدايا قاليا محمد خويا عينا منقلبو عليك عامين وصرف ولا قريب ل 3 سنين دبا باباك مات و والديا لله يرحمهم مكانش يحسابلي غادي نعاود نشوفك قلت ليه يحيى خويا صافي متبقاش تقول سمحلي سمحلي صافي 3 سنين لله يجعل لبركة هادشي علاش جيت ليوم ... لاورا وهيا تنطق قالت ليه علاش درتي هكداك معرفش باش يجاوب قاليا خويا لمراهقة و معرفتش شيطان معرفتش كيفاش عطاتني خاطري وديك سيدة راه طلقتها شي عام دبا وعاود تزوجت تيعيط على شي وحدة سميتها عائشة وهيا تخرج سلمات علينا بقينا باركين باغي نقول ل لاورا تبقى ساكتا متقولش بلي أنا مريض ولكين ختنى متتسكتش والو قالت ليهم بلي خاصنا نرجعو باش ندير علاش و بقات تتعاود خونا عاد زاد فيه كرهوني فحياتي هاد ناس . مخلاناش نخرجو تيعاودلي على ختنى لي وقع لينا هادشي بسبابها سولتو على لبلاصة فين ساكنا عطاني نمرتها قاليا بلي رجعات لمدينتها ساكنا مع والديها تما قالي بلاما تمشي عندها متستاهلش تدوي معاها قلت ليه بلي باغي نقاد أموري هنا قبل منرجع لفرنسا ونبدا لعلاج , بقينا معاهم داك نهار كامل حتى لعشيا تيدور وتيقوليا سمحلي تنقولو صافي مسامحك غير هنينا أصحبي تيقولي لا مسامحتينيش ضربني عير دير شي حاجة غتكون مزال معمر عليا طيرني ولكن من واحد ناحية كنت باغي نصلخ تقاشر مو واحد مولاتي مسمنة حطيتها ليه يلاه دبا أنا مسامحك هنينا راجع أنا و لاورا لدار تتشوف فيا قالتلي معول مغاديش ترجع ولا كيفاش شفتك وليتي لي تلاقيناه كتوادع معاه قلت ليها كيف نبقى عايش ولا نموت خاصني نكون زوين مع بنادم معرفتي شكون يسبق أنا ولا هوما وصلنا لدار داك لولد عيط على لواليدة قاليه بلي سيمانة لماجيا غادي يجي لعندنا معرفتش شنو داير للبنت لمهم تتحلم بيه شحال ديال لعصى كلاتها لمصخوطة يمكن أنا لي غالط يمكن يكون ضريف مجاتش نحكم على لكتاب من غلافو خليها فيد لله نشوفو لوقت شنو غتجيب رونها تقاد بوحدها , لغد ليه مشيت تنقلب على نماري ديال دراري لي خدمت معاهم شحال هادي نمرة رضوان بدلها ولا منعرف مخداماش مشيت فين كنا خدامين لقيت نمرة شاف لي كنا خدامين معاه دوينا وهو يعرفني عطاني نماري رضوان وشيباني ودراري تنعيط على رضوان متيقش بلي أنا قلت ليه بغيت نطلع عندكم ولكن خوك عندو بزااااف ميدار من بعد ونشوفك لمهم غادي توصلك شي فلوس تتسالها ليا قاليا لا ولله ما نشدهم عيييت معاه حلف ما يشدهم من عندي قاليا لحمد لله لوضعية حسن دبا ونتا خونا عطيناك ماشي سلفناك بغينا غير نشوفوك فرحان و عايش بيخير بقينا داوين شويا دوزلي دراري لهربة توحشت دوك لأيام , بارك مع دار تيقادو فلحلوى ومنعرف قاليك داك لولد غيجي ختي لي بقات غادي تخطب محملتهاش تزوج ولكن حياتها هادي تعيشها كيف بغات بركنا بزوج شكون هاد لولد شنو تيدير فحياتو بلا كدوب قالت ليا وخا خونا متيدير والو فحياتو عايش مع والديه تيصرفو عليه موطور تيسركل قدام ليسي تنشوف فيها شنو غادي نقول محملتش هاد لولد أنا خاصني نسول عليه كتر , لغد ليه جمعة دينا لاورا بغيت نقول سارة لجامع معانا صافي سلمات بديت تنصلي هاد لمرة مغاديش نقطع بشويا بشويا لقدية تتقاد غادي يجي هاد لولد و عائلتو ندير صدقة على لواليد ومنها نخرج فلوس دوك لأيام د رمضان وبعد هادشي غادي نهز سارة وغنمشيو نشوفو ديك خيتي معرفتش علاش تندير هكدا ولكن واحد راس تيقوليا متخلي حتى واحد هاز من جهتك يمكن لموت هادي معرفتش أنا براسي مفاهمش راسي فهاد لأيام , يحيى مبقاش تيفرقني كل نهار خاصني نشوفو عاودتلو على داك لولد لي غادي يخطب مريم ختي قاليا خليني أنا غنجيب ليك شنو تحت راسو أنا عارف يحيى من صغرنا بلاصتو فل FBI غير ضايع فهاد لبلاد لمهم وصل نهار لخطبة خويا لكبير قالك عندو خدمة مجاش دار فايقين بكري بحالا غيجي يخطبها منعرف شكون لمهم وصلو بركنا فصالون والديه تيبانو ضريفين ولكن لولد مدخلش ليا لخاطري درنا معاهم صواب باغين يزوجوه فهاد صيف دويت قلت ليهم بلي خاصها تكمل قرايتها بعدا يعني واحد لعامين ولا كتر لبرهوشة موصيا لواليدة قالت ليهم يتزوجو ولكن تكمل قرايتها مبغيتش نبان فشي موقع خيب صافي بقيت ساد فمي مشاو عاونتهم جمعو دار باركين أنا و لواليدة تتقوليا لولد مدخلش ليا لخاطري قلت ليها هادشي لي لقيتيني باغي نقول حتى أنا ولكن بنتك مكتسمعش خليها لي علينا درناه قالت ليا ولا سول عليه نتا زعما نتا مول دار دبا إلا معجبكش نعيط عليه دبا نقوليهم لله يعاون قلتلها متزربيش خليني نسول عليه مزيان دبا خاص نديرو شي صدقة للواليد و بصراحة مزال ليا شي 3 يام فرمضان خاصني نخرجهم قالتلي واخا أولدي ها شحال خاصك جيب دجاج جيب جيب و ... قلت ليها صافي غدا إن شاء الله وهادشي لي درنا لغد ليه عيطت على يحيى كرينا واحد لقاعة جبنا شي دراري ركبوها مشينا جبنا داكشي لأخر خونا ولا ضريف كتر من لول مزيانة يكون عندك فحياتك داك بنادم لي تقوليه نديرو يقولك بسم الله لمهم نهار واحد قادينا داكشي فليل باركين طيابة فدار سارة باركة معاها😂 كتستافد من لخبرة ديالها  لمهم بارك أنا و يحيى سولتو على داك لولد قاليا أه لمهم باه كان خدام فلعسكر شي حاجة كبيرة و ماماه طبيبة باركين دبا هو لي عندهم مفششينو ديجا دخل للحبس دار كسيدة بطونوبيل ديال باه وقتل شي بنت و دبا لا قرايا لا خدمة والديه عندهم باش يصرفو عليه بقيت تنشوف فيه ولد لعبد عرف لون ديال لكالصو لي تيلبس لولد خلعني😂 قاليا عطيني غير شي سيمانة نقولك علاش باغي يتزوج بختك واش معقول ولا باغي يتفلى قلت ليه  محاملش نشوف كمارتو شباليك نشوفو شي بنت زين ولطاي تمشي عندو نضربو ليه شي تصاور نوريهم للبرهوشة عندنا باش تدير عقلها , بقى تيضحك عليا خرجو عليا لأفلام😂 قاليا دبا نشوف راه معندي ميدار  شاد كونجي هاد شهر على ودك غادي نقابلو ليك أجي بعدا واش من نيتك غادي تطلع عند ختنى (لي كان مزوج بيها) أه غادي نمشي كيما جيت عندك خاصني نمشي عندها نتا عارف لي كين بغيت غير ندوي معاها ونرجع + غندي معايا سارة شباليك نتا نديها معايا ولا بلاش قاليا لي بغيتي كون غير ممشيتيش كاع أصحبي عند ديك ليهودية و بنسبة لمراتك إلا كنتي غتمشي متديتيهاش هيا راه حاملا و طريق وشمس ديال هاد لوقت و... قلت ليه صافي مغاديش نديها أصلا مغاديش نتعطل غادي نوصل نعيط ليها بغات تشوفني مرحبا مبغاتش غادي نرجع يتبع....

بيض و كحل (الجزء 13)

 لواليدة شافت دوايا عرفاتو يمكن كان عند لواليد بحالو عنقتها لواليدة مبغيتش ندوي على هادشي لله يخلي ليك لي عزيز عليك قالت ليا....

هو نتا مكينش ما عز منك قالتها وهيا تعطيها للبكى خواتاتي خاصاهم غير سبا طلقوها لتنواح مشاكيل جاي باش ننسى زادو على مي دبصح حتى من لاورا صافي تناكت على تقاشر مي بقيت بارك تيعنقو فيا بحال شي سيد تيتبركو منو وا ولاد ناس يهديكم لله قالتلي لواليدة نديك عند طبيب لي مشا عندو باباك نتا مزال صغير وغادي تعالج إن شاء الله قلت ليها لواليدة غير بردي راه مشينا عند طبيب تما ف فرنسا ودوينا غادي نضيع لوقت لي خاص نبرك معاكم فيه وهيا تنقز لاورا لا سمح ليا واعدتيني بلي غادي نشوفو داركم وغادي دير لعلاج قلت ليها وخا وخا يلاه هنينا دبا بارك تنسكت فلواليدة ويهديك لله أنا لي غادي نموت ومتنبكيش صافي لله غيدير غير لي فيها لخير تنشوف فخواتاتي لمزوجين سكتونا كل واحد يقوليا شنو تيدير بيمن تزوجتي بقاو وليت عم و خال لبراهش عمرو دار واحد لبرهوش ولد ختي لي تيشبه ليا دبصح فوطوكوبي عييت معاه والو ديك خالي حالفا ما تخرج من فمو خليتهم تياخدو داكشي لي جبتلهم لاورا باركا معاهم طلعت لبيت لواليد محلول دخلت حليت لماريو تتباليا ديك جلابة لي عزيزا عليه مع جريتها تتطيح منها ورقة تنشوف فيها هيا لي خليتلو داك نهار لحمد لله قراها بعدا ضربتها فجيبي بارك تنقلب لقيت ساعة ديالو ضربتها فيدي دخلات لواليدة عنقاتني قالت ليا ولدي ممتيقاش بلي جيتي قلت ليها رجعت معطل شويا سمحيلي ميمتي قالتلي لا أولدي نتا باش عرفتي إمتى ترجع وإمتى مترجعش كلشي بالمكتاب وجيتي فوقتك أنا وختك غير بوحدنا قلت ليها اه علاش خويا تحول مالو ميبقاش معاكم هنا مخليكم بوحدكم قالتلي وراه مراتو معجبهاش لحال معانا تتبقى دابز مع ختك وهوما يتحولو من هنا بقينا داوين لواليدة قالتلي شنو وقع من نهار مشيت تتشوف فيا ولدي ضعافيتي فين لحية لي كانت فين ديك لفورمة وزيد وزيد أجي عاودلي على هاد لبنت لي جايب معاك قلت ليها صبري حليت لباب لاورا أجي طلعات دخلنا للبيت ب 3 سلمات على لواليدة تاني قالت ليا واش مسلمة ؟ قلت ليها موافقة باش تدخل لل إسلام قلنا غير نجيو هنا و نتي تعرفي حسن مني فهادشي تنعاودو ليها كيفاش تلاقينا معاودتش ليها بلي ختنى لي تزوج بيها تيموت لواليدة تقدر تشير بتقاشر مها من شرجم😂 لمهم قالت ليها مرحبا بنتي خلاتنا ونزلات للكوزينة تنوري فيها تصاور لقدام ديالي وديال  لواليد نزلنا عند ولاد لعبد ديال خوتي مطايفين على داكشي ولاد ناس وي لمهم خويا مشا عندو خدمة قاليا من بعد ونتشاوفو بقيت مع خواتاتي كل وحدة وكيفاش تسلات من دار خوتي ولاو بعائلاتهم وديورهم ميقدروش يبقاو تعطلت بزااف يمكن ولكن مزال معايا لواليدة و لبرهوشة ديال لخوادرية طلقتها عليها بلفرونسي بقات غير تتدور فعينيها قالتلي دبا واش باغي تشوهني مع لواليدة راك عارف لمستوى ضعيف قلت ليها غدا نمشي مع مك لهاد ليسي نسول عليك هانا رجعتليك بقات تتضحك ورجعتي تاني الله ياربي غادي يحرم عليا عيشتي بارك تنعقد فيها وهيا تجي لواليدة قالتلي بعد من ختك ونتي حتارمي خوك لكبير باركين تنعاود ليهم على لمغامرات دياولي😂 شحال ديال بنادم تيتسالني فلوس خاصني نرجع ليهم فلوسهم وزيد وزيد قالتلي لواليدة اه  أولدي فكرتيني نصيبك من داكشي لي مخليه باباك فلحفظ قلت ليها معندي مندير بيه غير إلا وقعاتلي شي حاجة منوصيكش على مراتي و ولدي قالتلي لا لا معندك فين غتمشي غادي تحضر لغنازتي وتدفني تنشوف فيها قلبو قلبو لموضوع ولينا داوين غير على لموت مسخيتش بيهم دخلت انا و لاورا للكوزينة طبعا لخبرة و مخليتهمش ينعسو فليل درتلهم لحريق دراس لخوادرية قاريا مع 8 مشات تنعس بقيت أنا و لواليدة و لاورا خاصنا نشوفو ليها إسم صافي غادي نبداو نعيطو ليها سارة عجباتها ديك ليلة منعسناش تقريبا خويا عامين ديال لغبور على لواليدة لغد ليه فطرنا قالتلي لواليدة خرج مراتك تشوف لجو كيفاش داير قلت ليها وخا ولكن تمشي معانا خرجنا تنسركلو فواحد سويقة ختنى لي شافتها تتبغي تدوق منها قالت ليا لواليدة راه تتوحم ههههه هي راه من نهار عرفتها كتوحم حتى من لعطرية تتدوقها غتقتل داكشي لي فكرشها مسخوطة وغادي نقتل ديلمها حتى أنا ضربات 12 مشينا لقدام ليسي لي تتقرى فيه لبرهوشة ديال ختي تندوي مع لواليدة عليها زيري شويا على لبنت راه كانو ساكنين معايا وتنشوف شنو تيديرو قالت ليا نتا راجل دار أوليدي ونتا لي تعرف مع خرجات تنعيط عليها مريم أجي أجي طلعي وصلنا لدار حطينا تقدية فلكوزينة ودخلت ندوش عندي بزاااف مندير فهاد لبلاد وبزاف ديال ناس لابدة ندوي معاهم لقدية يلاه غادي تبدا وطرح يلاه غيبدا يسخن أعمو لمغرب زوين  رجعنا لدار حطينا تقدية فلكوزينة قلت للبرهوشة دمريم متمشيش عشيا ليسي غادين نخرجو ودخلت ندوش عندي بزاااف مندير فهاد لبلاد وبزاف ديال ناس لابدة ندوي معاهم لقدية يلاه غادي تبدا وطرح يلاه غيبدا يسخن خرجت لقيتهم تيطيبو لغدا قلت ليهم ديرو فبالكم غنتغداو برى خرجت لبرى طلعت غادي لشركة لي كراتلي طونوبيل باش نسني على شي وراق بيدي قالك لابدة غادي وطالق شاب مامي تزعزع خاطري فنص ليل هههه تضرك خاطرك أساط عرفتي ديك 9 دقايق لي خدام فيها ديسك دازتلي حياتي كاملا قدام عينيا بنادم كامل لي دار معايا لمزيان ولي دار معايا لخايب لمهم وصلت لشركة دخلت درت داكشي لي قالو ليا وغادي راجع قلت ندوز لدرب لقديم مشيت لدار لقديمة مزال كارينها تنتفكر مول لحانوت مشيت لعندو لقيت ولدو بزربا عنقني عرفني خويا بيخير بيخير قلت ليه كين عمي حسن بقى تيشوف فيا قاليا راه مات شي 6 شهر دبا أخويا أنا لي مقابل لمحال قلتلو ياك نتا كنتي تتقرى أساط يحسابلي غنلقاك شي محامي ولا طبيب ... بدا تيضحك قاليا ساط قالو لينل قراة قرينا لخدمة نتا وزهرك قلت ليه نتا مزال صغير دبا يدير لله تاويل ديال لخير قاليا أنتم السابقون ونحن لاحقون خليت لحديدة حداه وغادي تنسركل فدرب لي دايز تيوقف معايا شي نص ساعة وصلاتهم بلي تزوجت بغاورية وحاملا وعارفين حتى دري شحال عندو من شهر تقول بايتين معانا فلبيت لبارح تراه لمغاربة بزااااف لهربة ديرهت غير زوينة معاهم قربت لدار يحيى نسيتوه تنشوف شحال هادي ممشيتش لتما مقدرتش نمشي لتما سولت واحد خونا قاليا راه والديه ماتو فكسيدة ساكن هو ومراتو تما مقدرتش نمشي فديك ساعة ولكن من بعد لابدة نمشي لعندو لمهم رجعت لمشقوفتي رجعت لدار دخلت مع حطيت سوارت تتباليا غير لواليدة و سارة(لاورا) لمهم تنسول لواليدة فين هي مريم ختي قالت ليا راه مشات لليسي قالت ليك عندها متحان قلت ليها امممم واخا وخا طلعت لبيتها مسورتاه ضوبل عند لواليدة عطاتو ليا غير بزز هههه خويا راجع نحرر عليها عيشتها قبل ما نموت حاس بالواليد كان باغي يوصيني عليها قبل ما يموت لمهم أسيدي حليت لبيت تيباليا لبيسي نيشان لمزيكا لبنت تتسمع لسماتي و حليوا و ... غير هوما لبنت ضاعت ضاعت عاد تنمشي لتصاور تتصور مع واحد خونا معرفتش تقاشر مو شكون ولكن وجهو خاااسر ومصورين فوق T-Max لبنت ضاعت صافي مكملتش تقلاب فلبيت سديتو درت سوارت فجيبي قلت ليهم أنا هنا وغادي نجي قالولي لا راه لغدا موجود ,لا لا غنجي دبا وجدو راسكم نشيان لداك ليسي يلاه 1:50 وقفت تما نزلت تنشوف تتباليا واقفا مع خونا لي عندو داك طاي ماكس ,واش انا يهودي ختي تطلع منهم وكيما قالها خونا كلهم فحال فحال يعشقو فلماتريال غادي لتما معرفاتش باش تبلات قلت ليها سبتي سبتي يا لكلبة زيدي هنا خونا معارفنيش خوها باغي يضربني تيسمعها تتقول ديك خويا باغي يقول شي حاجة ولكن معامن واحد لخمسة شابعا بالا وتمارة حطيتها ليه فوجهو بحال طابع بنادم بزربا تيتجمع لبراهش ديال ليسي خاصهم غير علاش قلت ليها زيدي قدامي واحد مولاتي تصرفيقة هاي هاي معندنا رجال فالعائلة مع طلعنا وهو يوقف قدامي بداك لموطور وأنا ننزل لتقاشر مو تاني خونا حالتو كلها وشام ولكن باش عجبني يدو مهزهاش قاليا صاحبي ضرب ولكن باغي ندوي معاك قلت ليه فاش غادي ندويو قاليا صاحبي نجي نخطبها من دار لي بغيتي ولكن مديرش لينا هكدا قدام بنادم شوهتينا قلت ليها بقاي تما فطوموبيل واقف أنا وهو تيسب ليا فبنادم مشى قاليا على سلامتك بعدا مني رجعتي قلت ليه طلق شنو باغي تقول قاليا خويا محمد كنت باغي نجيب لواليدة لدار إلا قبلتو عليا قلت ليه وسير حتى تجيب مك و تخطبها وتزوج بيها عاد خرج نتا وهيا ولكن دبا تباليا طالعا وراك تما غادي نحبس عليها هاد لحزاق خليتو ومشيت راجعين لدار نزلات سديت طوموبيل بزربا تنصرفق فمها لقات لحرية سابت لواليدة خارجا تتحبس فيا دخلاتها بزربا سارة تتبرد فيا تتقوليا مالك قلت ليها شنو واقع وبلي هادشي ممقبولش منها فهاد لعمر وفهاد ضروف ... لمهم دخلنا بقاو تيبردو فيا مبغاتش تمشي قلت ليهم يلاه خليها غادين أنا و لواليدة وسارة(لاورا) غادين لواليدة تتقوليا ولدي ختك مزال صغيرة و ... تراه لمغرب تبدل بزااف فهاد لوقت لي دوزتها تمارا و لغربة وصلتهم لبحر خليتهم راجع باش نجيبها غير لواليدة بقات تتطلب فيا منقدرش نرجعها ليها فوجها وصلت لدار تندق حلاتلي يلاه راه تيتسناونا تتقوليا لا عيت معاها والو مسخوطة لحمها تياكلها لعصا مجايباش معاها قلت ليها يلاه باغي ندوي معاك خرجتها لبرى بزز طلعات غادين تنشوف فيها قلت ليها مريم هاد لي داوي معاك راه مبقى ليه والو رجل هنا ورجل فلقبر تنفكر فك نتي معارفاش بنادم كيفاش داير و داك لوجه لي تيضحك عليك بيه ماشي هو لي غادي يبينو ليك فاش يوصل فين باغي ومعمرك تقولي عرفت بنادم أنا عشيري 13 عام وحنا مع بعضياتنا 24 ساعة على 24 وفلخر بدلني بوحدة فكري مزيان كون ما ديك سيدة لي تتشوفيه كون راه مزال تنقي فبطاطا وتنغسل فطباصل فشي مطعم وكون راه مت وأنا خدام متشوفوش وجهي عرفت قبل منها شحااال وكل وحدة تنقول هيا هادي لخرى ليا سو ديري فدماغك بلي لي مكتابة ليك غتجي حتال عندك خاصك غير تقابلي قرايتك هادشي تنقولو ليك حيت غدا ولا بعدو مغاديش نكون باش نعاودو ليك تفكريه حفريه فداك دماغ عندك... طلقتها عليها دبصح صافي ولات تتبكي تتقوليا صافي لي بغيتيها هيا لي تكون أخويا وصلنا لفين مخلي لواليدة و سارة كملنا طريقنا لغابة باركين تنتغداو بقى خاصنا غير لواليد لله يرحمو مات وخلى ختي صغيرة معارفة والو تتكدب على لواليدة تتيقها لفلوس لي بغاتها تتاخدها ملقاتش لي ينصحها خويا لي معولين عليه تابع مراتو بنادم مقود مراتو حسن من لي ولداتو وكبراتو ومن ختو لحمو ودمو بنادم مقود ولله تغدينا بقينا تما ضحكنا لعبنا باش تلعب كورة مع لواليدة وتبيضها مع لعلم لابسة جلابة خاصك داكشي ديال رونالدينيو هههه وخا لخبرة مشات ولكن مزال لمسة حاضرة مرجعنا لدار حتى ضرونا رجلينا دبصح رجعنا لدار نهار جمعة قرب خاصني نبدا نصلي و ندخلو هاد بنت ناس لإسلام و نرجع شي فلوس تيتسالوها ليا شي ناس و شي أيام فرمضان و نشوف ناس لي عرفتهم هنا و نشوف يحيى ونطلب منو لمسامحة وخا معاقلش شنو درت ولكن %100 درتلو شي حاجة باش دار معايا داك لفلاش يتبع...

بيض و كحل (اجزء 12)

 بقات تتطلب فيا باش ندير لعملية ولا لعلاج قلت ليها...

واخا صافي نمشيو لدارنا و عندي شي حاجة نديرها فلمغرب وفاش نرجعو ندير لعملية ولا لعلاج ولكن تواعديني إلا وقعاتلي شي حاجة مديري والو هاد لي فكرشك حسبيه ولا حسبها هو أنا صافي غادين نزلو للمغرب هاد ليوماين تخايلت راسي نموت بسباب بزااف دلحوايج وعلى يد بزااف دناس ولكن هادي أخر طريقة طيحلي فدماغي ختنى تتبكي قلت ليها صافي قادي لوراق ديالنا ياك كنتي باغا تشوفي عائلتي قالتلي بغيت نشوف عائلتك على ودك ندير أي حاجة على ودك فاش غتمشي نتا شنو غنبقى ندير شفت فيها 
_ديري اي حاجة ؟
_أي حاجة أي حاجة غير قول
_بغيتك تبدلي ديانة ديالك على لأقل حتى نموت وديري لي بغيتي
_محمد كيفاش ياك قلنا بلي غتخليني حتى نقتانع
_نن دبا تبدل كلشي عتابريها أخر أمنية عندي
 _لا لا نتا غادي تعيش صافي غادي نبدلها تنواعدك إلا بقيتي عايش غادي نبقى فيها حتال أخر نهار فحياتي و إلا متي غادي نتبعك
 سيدة تتدوي بصح بقيت تندوي معاها أنا أول واحد يطول معاها هكذا وهيا أصلا مريضة فعقليتها من لي سبقو تديرها وتقد بيها . خليتها تتدوي مع لمحامي دخلت للبيت هزيت دوى شربت منو ودرتو فجيبي خرجت قالت ليا فلخر ديال سيمانة نقدرو نزلو قلت ليها وخا يلاه نمشيو لخدمة قالتلي لا قلت ليها خاصني ندير شي حاجة قالت ليا وخا مشينا لتما تتباليا هناء مشيت لعندها و لاورا فلكوزينة معانا تتشوف فينا قالتلي هناء مالك ؟ 
_هناء سمحيلي
_علاش؟
_معرفتش يمكن درت معاك شي حاجة خيبا باش تصرفتي هكداك لمهم سمحيلي
_هههه واش تتضحك ياكما غادي تموت
_بحال داكشي و أنا غادي ننزل للمغرب بغيتي شي حاجة ؟
_علاش غادي تنزل دبا شنو واقع أمحمد
_فاش نرجع من لبلاد وتعرفي
 خرجنا رجعنا لعند طبيب هاد لمرة على ود لحمل ديالها قلت ليه موضوعي أجلو دبا قاليا مغاديش نأجلو غنشوفو أنسب طريقة باش تعالج لمهم قاليها بلي لي فكرشها بيخير عطاها شي دوى باش ميأترش هادشي لي تنعيشوه عليها عطاني حتى انا دوى أخر قاليا نص حبة هدا غادي يخفف ديك لحمى وحيد داك لي كنت كتبتلك قلتلو وخا ورجعنا لدار باركين فلبيت باركا قدامي ساكتين تتقوليا مغادي يوقع والو ياك قلت ليها متخافيش خاصني غير نرجع ونطلب سماحة من والديا ولكن إلا وقعاتلي شي حاجة منعاودش نوصيك قالت ليا دوينا دبا أجي شنو نلبس قلت ليها نجمعو حوايجنا دبا وريتها لحوايج لي غتدي فكراتني فشنو غنديو ليهم من هنا , لغد ليه مشينا تقدينا خديت للواليد واحد لمغانة مقااودة لخوادري تيليفون خواتاتي كدالك كل واحد وشنو خديتلو وعاد داكشي لي خداتو لاورا رجعنا لدار صافي بعد غدا غادين نمشيو قالتها لدارهم عيطت أنا على واحد شركة ديال كراء سيارات قلت ليه بلي غادي نعاود نعيطلو بغيت طوموبيل قدام لمطار تكون مزيانة من بعد ونعيط نقوليه لوقت بضبط قاليا مرحبا ولكن خاصك تخلص واحد لمبلغ و ... لمهم صيفطتلو داكشي لي باغي قاليا مرحبا صافي لوراق تقادو لاورا تتوصي بنادم وخالتها على لخدمة صافي غنمشيو عرفنا طيارة إمتى غادي تخرج قلتها لداك خونا لي غيجيبلي طونوبيلا فهاد لمدة راسي عطاني راحة شويا مع داك دوى لاورا مكتفرقش عليا دبا كتر والو عينيا فعينيها نهار كامل قلت ليها كيفاش تعامل مع دار بالأخص لواليد و لواليدة مخاصهمش يعرفو بلي أنا مريض , إن شاء الله غادي نقاد كلشي فهاد نزلا نرجع لأيام لي عليا فرمضان و نرجع لفلوس لدراري لي سلفوني و نعوضهم و حتى بنادم لي غلط معايا خاصني نقاد أموري معاه عرفتي فاش تتسمع بلي تقدر تموت فأي دقيقة شوفا ديالك لحياتك ولبنادم تتبدل أصلا لفلوس مغادي ندي معايا منها والو ومغادي يتدفن معايا حتى واحد غادي يدفنوني بوحدي وديك ساعة منك لأفعالك شحال مقودة تدوز حياتك فجهنم(ديك لبلاد لي على بالكم) وفاش تموت تلقى جهنم أخرى تتسناك من نار لنار لحشية دبصح هيا هادي صافي وصل نهار لي غادين نمشيو فقنا بكري دوشنا لبسنا خوكم تقاد مزيان خويا راه لعائلة هاديك مخلوع دبصح لمهم سدينا دار مزيان شدينا طاكسي وصلنا شويا تيعيطو على رحلة ديالنا مشينا لمهم غادين فطيارة تنزيد ليها شي كلمات فلقاموس ديالها بس علمتها دارجة دبصح تقدر تتساب ليا مع بنادم تما يغلطو فيها واش غاورية لمهم وصلنا هزينا صيكان وغادين خاريجن وهو يباليا واحد خونا هاز ورقة فيها سميتي شفت فيها قلت ليها فاش فكرك بقات تتضحك هيا لي كانت تلقاتلي نهار مشيت لفرنسا وكانت هازا ورقة فيها سميتي لمهم سلام سلام قاليا أنا من طرف شركة لي خلصتي ليها طوموبيل قلت ليه شكرا خرجنا عطاني سوارتها بقى طالقها عليا قاليا خاص تجي باش تسني شي وراق قلت ليه راه صيفطتلو فوطوكوبي ديال وراقيا ولكن حتاجيتو شي حاجة دبا ندوز ولكن ماشي دبا عندي ميدار قاليا واخا غير متعطلش وصافي بقى على تصال مع شركة عطاني لوراق درنا حوايجنا فيها غادين أنا عارف هاد لمطار قريب لدار واحد 20 دقيقة غنكون فدار لي تحولو ليها مخلوع دبصح يديا عرقانين ديال بصح غابر عليهم عامين وراجع دبا مزوج ومراتي حاملا ومزال مسلماتش ومريض و تبدلت فوجهي وفكلشي غادي وتنفكر فهادشي حتى وصلنا ناري هو هدا درب تنشوف فيها بنت ناس غادي يسكتلي لقلب تيضرب دبصح متنسايش شنو علمتك و أنا ممريضش عنداك يزل ليك لسانك قدام والديا   خارج من دار مبلي ومعندي حتى درهم فجيبي وراجع مزوج ومراتي حاملا ومزال مسلماتش و تبدلت فوجهي وفكلشي وفوضعيتي غادي وتنفكر فهادشي حتى وصلنا ناري هو هدا درب تنشوف فيها بنت ناس غادي يسكتلي لقلب تيضرب دبصح متنسايش شنو علمتك و أنا ممريضش عنداك يزل ليك لسانك قدام والديا قالت ليا محمد شوف فيا تنفس عادي دخل من لأنف وخرج من فمك صافي برد مغادي يوقع والو غادي بشويا خويا دماغي راه مرفوع دخلت لداك درب لي تحولو ليه تنشوف فيها صافي دايرا زيف تتبان معقولا وقفت قدام دار شراجم محلولين واقف مقادرش ننزل ناري لواليد شنو غادي يقوليا غادي يسكتلي لقلب لاورا تتزعم فيا نزلنا سديت طونوبيل بنادم تيشوف باغي يعرش شكون هدا وديك لغاورية لي معاه شداتلي فيدي يلاه نمشيو قاصدين لباب حتى تتباليا لواليدة خارجا تتجري تبدلات بزاف تلاحت عليا ماشي عنقاتني حتى طحت فالأرض معنقها فالأرض لاورا زربات عليا شادا تيلي صوراتنا تخايل معايا لواليدة ديالك تغبر غليها عامين وصرف لا خبار لا والو كبراات بزااف وتبدلات متحسش براسك واش تتبكي ولا فرحان وقفتها تنبوس ليها فراسها تتبوسلي فيديا تتباليا واحد لبنت شادا تيلي كتصور فينا و تتبكي تتشبه لخوادرية واااع لبرهوشة كبرات دبصح مديتلها يدي جات تتجري معنقهم قالت ليا لواليدة يلاه ندخلو خرجاتها غير بزز من فمها تتبكي غادين داخلين مشاتلي لاورا من بالي عاد تفكرتها تنطل لقيتها واقفا عند لباب ههههه ولله ما دخلات قلت ليها أدخلي أبنت ناس لمهم شي نص ساعة مدويناش نعنق ختي نعتق لواليدة نرجع لختي ندوز لواليدة تتشوف فلاورا قلت ليها مرات ولدك وهيا تشوف فيا تدوي بصح ؟ قلت ليها راه حاملا بحفيدك الواليدة وهيا تجي عندها لاورا باستلها راسها وهيا تعنقها لواليدة شافت فيا معلمها يا ولد لعبد تدوي هيا ولخوادرية تنشوف فلواليدة ممتيقش بلي بارك معاها بارك حدا رجليها لواليدة سمحيلي تتقوليا مسامحاك أولدي قبل ما تجي فين غبرتي علينا هاد لعامين فين قلت ليها ميمتي قصة طويلة فين هوما خوتي و فين لواليد قالت ليا ختك لكبيرة تزوجات شحال هادي و لأخرى حتى هيا وخوك ولاو عندو زوج ولاد و تحول لدار لقديمة ديالنا قلت ليها وبابا فين هو فلقهوة فحال ديما إنى وحدة نمشي عندو قالت ليا ولدي لحاج لله يرحمو شحال هادي صافي دنيا كحالتلي فعينيا عنقتها وتنبكي أنا سبابو مات وهو ساخط عليا قالتلي ولدي صافي جات ساعتو نتا معندك ما درتي ليه بالعكس كان باغي يشوفك ويطلب منك لمسامحة قبل ما يموت ومات وهو تيرضي عليك راه راجلي عشت معاه 30 عام وزيادة وأنا لي عارفاه قلت ليها دبا ديوني لفين تدفن قالتلي لا اويلي عاد وصلتي مراتك حاملا قلت ليها لا دبا نمشي قلت ل لاورا تدينا باركا حداها ختي تتنعتلها وأنا لور حدا لواليدة تتقوليا ولدي باك راه أصلا كان مرض تعقل على فاش تصالحنا وغبرنا واحد لمدة راه كنا مسافرين يدير لعلاج ومنجحش ليه فاش رجعنا وقع لمشكل وخرجتي بلاما تعرف تنشوف فلاورا فهمات شنو تتقول لواليدة يمكن هادشي جاني من لواليد يلاه تتفكر وهيا تقوليا لواليدة ولدي راه خاصك دير تحاليل كاع خوتك داروهم مفيهم والو لحمد لله تنشوف فيها ميمتي مفيا والو متخافيش لاورا تتشوف فيا بنص عين وصلنا لمقبرة بقينا داخلين لتما وراتني لقبر بارك حداه تنشوف فيه أعز ما عندي تحت تراب لواليدة تتخوي عليه لما زهر تنشوف فلاورا قريب غيوقع لينا نفس لبلان قلت ليهم خليوني بوحدي شويا وهوما يمشيو لطوموبيل بارك تنشوف فلقبر غيكون تيسمعني أصلا بابا صلاتو كانت فلوقت و معمرو خلا شي واحد محتاج بوحدو وكلشي تيقولها عليه زوينة منعرف شنو دار باش يعطيه الله شيطان فحالي تنشوف فيه لواليد سمحلي على كلشي ولدك رجع راجل جبتليك معايا شي حاجة ولكن شنو غدير بيها دبا أنا قريب نلحق عليك شفتي مراتي حاملا بحفيدك ولد لحاج مصطفى تنعيط على لاورا وهيا تجي قلت ليها سلمي على بابا بقات تتشوف فيا أويلي مال هدا هرب ليه لفريخ بقيت تنشوف فيها وهيا تديرلي خاطري شداتلي فيدي قالتلي يلاه نمشيو عائلتك تيتسناو فينا غادين خارجين دبا هاد ناس كاملين لي مدفونين هنا كانو عندهم بلانات فدماغهم وكين لي مسكين كان تيقول غدا نصلي وغدا نحبس شي حاجة وغدا نتصالح مع شي واحد وكلهم عندهم عائلات ولاد بنات والدين حتى واحد متيعرف ساعتو انا لي سايق بيهم طلعلي دم ديال بصح دموع تسالاو لواليدة باركا لور تتدوي مع لاورا ختي حدايا تنشوف فيها وهيا تبوسني قالت ليا ممتيقاش واش رجعتي قلت ليها أه رجعت ومغادي نمشي لحتى بلاصة وصلنا بانو ليا شي ناس قدام دارنا نزلت عاد عرفتهم غير خوتي مشيت تنعنق فخويا لكبير مدواش ومعنقنيش شي تعنيقة ماشي بحال خواتاتي تتعنقك حتى تنقول عينيا غادين يخرجو مدخلين حوايجنا باركين قتلوني ب فين كنتي فين مشيتي أنا مفيا لي يدوي لواليدة طلعات لاورا لبيت ديالها هيا و لواليد بارك تنسول فيهم شنو درتو شكون تزوج وبشكون تنشوف فخويا مقدرتش نسولو علاش خليتي لواليدة وختنا صغيرة بوحدهم فدار حتى تتباليا لواليدة نازلا وشادا فيديها دوايا سولتها منين جبتيه قالت ليا من صاك نتا فيك بحال داكشي لي مات بيه باك علاش كدبتي عنقتها لواليدة مبغيتش ندوي على هادشي لله يخلي ليك لي عزيز عليك قالت ليا هو نتا قالتها وهيا تعطيها للبكى خواتاتي خاصاهم غير سبا طلقوها لتنواح مشاكيل جاي باش ننسى زادو عليا لالى زينة وزادها نور لحمام يتبع..

بيض و كحل (الجزء 11)

 خاصني نشرح ل لاورا بلي دارنا يمكن ميتقبلوش وحدا مسيحية و بهاد تقاليد لي عندها أصلا هيا ضريفة وغادي دير داكشي لي تنقول ليها ولكن منقدرش...

نبزز عليها شي حاجة . هادشي خاصو غير لوقت بشويا بشويا غادي يتقاد واااع وليت مزوج دبا كلشي غيتبدل وحتى معاملتها معايا تبدلات فقت للكوزينة باش نتسحر وهيا توقف معايا مشات معايا انا تنسخن فداكشي وهيا معنقاني هبيلا هادي لمهم تسحرنا ودخلنا للبيت بقات شادا فيا حتى نعست لمهم فقنا لغد ليه دوشت تسنيتها حتى تفطر عاد مشينا للمحل قالت ليا بلاما تبدل حوايجك غادين نخرجو بكري وهادشي لي وقع بزربا وصات خالتها وخرجنا تنسركلو بزوج قالت ليا محمد مغادينش نبقاو فلخدمة كيف لول نعيشو حياتنا شويا ياك ؟ قلت ليها لاورا باغي نخدم أنا مغاديش نخلي مراتي تصرف عليا وهيا تبسم ليا قالتلي وديرلي خاطري غير هاد لأيام قلت ليها وخا وخا لي بغيتي مشينا لواحد لصال تقيدنا مشينا لدار جبنا حوايج ورجعنا دخلنا أنا مزال عاقل شويا خليتها تتجري فوق طابي وبارك تندور على كاع لماكينات من شحاال ما ترينينا يلاه غادي نقاد شي بروغرام نمشي عليه لمهم بقات تتجري معياتش حتى مشيت لعندها تنجريو فوق طابي حدا بعضياتنا وتنعاود ليها عليا وعلى عشراني وشنو مدوز دبا تنعاود ليها بتفاصيل داكشي لمهم عرقنا دبصح عاد خرجنا لدار دوشنا و خرجنا نتعشاو برى تنقوليها ممتيقش بلي تزوجت ومعمري ننسالك لبلان ديال لخاتم كنتي غتصيفطيني للحبس تتضحك قالتلي وصافي دبا ولينا مزوجين خاصك تنسى داكشي لمهم تعشينا برى كل نهار وحلاوتو وكل نهار وفين تنمشيو مبقيناش تنمشيو بزااف للخدمة ولكن فاش تنمشيو لخدمة دبصح خالتها ولات هيا لي مقابلا داكشي انا تندوز بيرمي ... ساط سيدة مكتفرقش عليا 24 ساعة على 24 تخايل معايا نبغي ندخل لحمام توقفلي عند لباب تبقى تدوي معايا حتى نسالي حشاكم ههههه لهربة ولله واش هدا هو زواج ولا هيا خايفا عليا لمهم مبقاتش عندي ديك لمساحة لخاصة ديالي وخا هكداك كان عاجبني لحال ديال بصح حياتنا زويييينة وبلا مشاكل ضربت معاها زوج سيمانات موقعلي والو 😂 تراني شريف ومن بلاد شرفة أسيدي لمغاربة وما أدراك ما المغاربة بحال ركبة متتشدش فينا لعين😂😂 واحد ليلا عمرها تنسالي تخايل معايا مشينا لصال على رجلينا تنجريو بزوج دخلنا ترينينا خوكم بدا تيطلع لفورمة تاني بروتين مقاااود خديناه لمهم راجعين لدار وهو يوقف علينا واحد خونا حوايجو مقطعين أنا كنت غادي نتصور عليها نخلي دار بوه وهو يجبد سلاح فردي دبصح أخويا تيقولينا عطيوني داكشي لي عندكم عرفتي صدمة وهيا توقف قدامي دارتنس وراها مبقيت عارف والو واش نعنقها ولا ندوي مع خونا ولا نغوت حيداتلو لخاتم قاليها عطيني حتى لأخر عطاتو لخاتم لي قالتلي عزيز عليا وخلات ديالي خونا بغى يحيدو بيدو شافني مصنم قال هدا مغادي يدير والو وأنا نجمع تقاشر مو بواحد شمال خونا باش طايح كيتيري وهيا تغوت تنقول تضربات تخلعت يا ربي نكون أنا ولله حتى طاحتلي فبالي فوق خونا تندخل ليه خوكم يدو مع داك لعام ديال تحوفير و لخدمة تندخل لخونا لفردي طاح تنشوف فيها مواقع ليها والو انا لي مضروب فكتفي تتغوت على باب جهدها قلت ليها متخلعيش مواقعلي والو عرفتي أساط ختنا شنو دارت على ودي باش ترجعني وراها وفاش سمعت صوت شنو دارلي فبالي تعرف باش حسيت تضرك خاطرك لمهم بنادم بزربا تجمع لبوليس شدو خونا جاو صحاب لإسعاف تتقوليا محمد باش تتحس شنو واقع ليك تنشوف فيها لاورا مواقع ليا والو صافي قاليا خونا ديال لإسعاف بلي غير ضربة سطحية مقاص والو معنك مناش تخاف داونا معاهم متفرقاتش عليا حتى خيطولي جات خالتها وراجلها وحتى لبوليس سولونا شويا ومشاو خالتها وراجلها وصلونا معاهم عاوناتني بدلت حوايجي تنشوف فيها أجي بركي حدايا جات وأنا نعنقها بنت ناس عرفتي شحال تخلعت لمرة لماجيا وخا منعرف شنو يكون واقع بقاي ورايا قالت ليا مبين كاع رجالي لولين نتا حالة خاصة نقدر نموت وتبقى عايش ولكن توقع ليك نتا شي حاجة منقدرش أحححح لمدام حنينا أخويا مع لعيا وداك دوى نعسنا تما نسيت سحور وهيا تفيقني ومطيبالي ما نخشي فوجهي باركين تنفكرو داكشي وتنضحكو سبحان مغير لأحوال وصافي غير هادي شي شهور كنت فبراكة مع 4 درجال إلا حزق(حشاكم) شي واحد خاصنا نشموها معاه😂 دنيا بحال شي بنت كل مرة وعندها دماغ مرة تبغيك مرة تكويك أخويا تتجيني واحد طاقة من الكواكب تتخليني نبدل حياتي ونطيح على ساطات وتيتيز لي بعقلو😂 لمهم لغد ليه ممشينا لحتى بلاصة بقينا  غير فدار لأفلام نعاس و لهضرة لهضرة ختنى مكتساليش وأنا كتر منها فلعشيا مشينا للخدمة معيات معايا نريح قلت ليها لا خاصني نخدم شويا لمهم خدام وهيا تجي لعندي هناء قالتلي على سلامتك تنشوف فيها شكرا ختي  مشينا للخدمة انا و لاورا معيات معايا نريح قلت ليها لا خاصني نخدم شويا لمهم وصلنا خدام ولمزيكا فودنيا داك ل S3 أخويا ربيت عليه لكبدة😂 وهيا تجي لعندي هناء قالتلي على سلامتك تنشوف فيها شكرا ختي بحالا  بغات تقول شي حاجة ورجعات لبلاصتها بقينا فلخدمة شويا فطرنا تما عاد خرجنا مشينا بزوج لصال عاد لدار واقف قدام دار تنشوف لفورمة تتقاد تاني غير واحد 5 شهر أخرين غادي نرجع كيف كنت لمهم لحياة أشريكي لمشكل لوحيد هو سيدة متتخلينيش ندير شي حاجة فخاطري ديما معايا وحاضيا معايا بحال شي ولد صغير وعاد داكشي لي وقع مع داك شفار لمهم رومانسية رومانسية و لوف لوف فرمضان يا ربي تسمحلي ها علاش بنادم مكيتزوجش فرمضان إوا صافي هادي ولات هيا حياتنا كملنا شهر ديال زواج سيدة مقاداها فرحة خوكم شريف مواكلش معاه داك نحس كل نهار لخدمة شويا تنبقاو شي 3 سوايع وتنخرجو تسركيل فاش خرج رمضان رجعت كيف كنت خويا لبلية وحتى هيا كتر مني لالى زينة وزادها نور لحمام تسركيل داتني لشي بلايص معمري حلمت بيهم عائلتها كبيييرة كبر من عائلتي عرفتهم كلهم ناس ضريفين ديال بصح ناس تتكبر وختنى بحالا تتصغار أساط فكراتني فداك لفيلم ديال بنجامين واحد نهار قالتلي نمشيو لواحد لمطعم نتعشاو قلت ليها واخا مشينا أسيدي باركين جا سرباي قالينا شنو قتنى طلبات لماكلا ديال 3 تنقول ليها شكون غيجي ؟ قالت ليا راه جا شهر هدا تنشوف فيها وايلي داكشي لي فبالي ؟ قالت ليا أه غادي يولي عندنا ولد ولا بنت وييع لهربة دفعت طابلا طاح داكشي لي فوقها معنقها بنادم وقف تيصفق حتى من سرباي كون درتها فلمغرب كون تلقاهم عيطو ليا على لبوليس وييع غادي نولي أب ممتيقش قالت ليا غير تيق راه بصح دبا خلينا نتعشاو فيا جوع واع لهربة ليلا كاملا وأنا حاط راسي عند كرشها😂 تتقوليا راه مزال ميتحركش دبا تنقوليها  نتي شنو تعرفي هدا راه من سلالة ديال لمحاربين وشرفاء غادي يتحرك بإذن الله قالتلي دبا خاص نمشيو لداركم لعند عائلتك بغيت نتلفها تاني ولكن هاد لمرة مخلاتنيش نبدل لموضوع قالت ليا واش بغيتيني حتى نولد مغادي يكون عندها حتى معنى ديك ساعة قلت ليها عرفتي شنو شهر جاي نمشيو بزوج ولكن ديري فبالك بلي غادين نتعطلو منقدرش نرجع بزبا قالتلي نبقاو تما حتى نولد ولا كتر كاع بقينا داوين صافي غادي نرجع لبلاد خليتها تتدوي مع لمحامي ديالها ومشيت نغسل وجهي هاد لأيام تنحس براسي سخون و تطيحلس ضبابا فوق عيني يمكن طونسيو ولا شي لعبة مبغيتش نقولها ليها حيت عارفها غتدير من لحبة قبة رجعت لعندها مخليتهاش تسهر دبا حاملا أبنت ناس نعسي بدات تتعلم مني دارجة تقدر تجاوب دار بعدا وتفهمهم من ناحية خايف من ديك لحضة فاش غادي نشوف والديا بعد هاد لعامين وصرف وأنا خارج ومن ناحية أخرى مقادرش نصبر عامين وانا تنتسنى نهار لي غادي نرجع فيه لدار وهاوا قريب إن شاء الله غادي يدوز كيفما كنتخايلو مقدرتش ننعس ديك ليلا راسي عاطيني لحريق وخا تنشرب دوى خديتو غير من عند واحد pharmacy حدانا مكرهتش نمشي نحط راسي فتلاجة ونرجع ننعس صافي غدا نمشي عند طبيب ديالنا وهادشي لي درت خليتها فدار ومشيت لعند خونا تسنيتو شويا ودخلت لعندو سلام سلام عطيتو لأعراض لي عندي قاليا متخافش غيكون غير لإرهاق ولكن نديرو تحاليل قلت ليه نتا لي تتعرف كتب ليا شي دوايات خديتهم وراجعت لدار خبيتهم تحت سرير تشوفهم غتمرضني بينا غير فدار داك نهار باركين قدام تلفازا ولقص تيليفون فيدي تندوي مع دراري لي كنت معاهم لولين وتانين قلت ليهم قريب ننزل للمغرب راكم معروضين للعرس أولاد لعبد غير متنساوش لكادو هههه , لمهم نهار داز طاير لغد ليه قالتلي بلي خاصها تمشي عند طبيب وهاد طبيب هو لي مشيت عندو خفتو غير يفرشني قلت ليها خليلي طموبيل نمشي نقضي واحد لغرض ونرجع قالت ليا وخا ديني معاك قلت ليها غير رتاحي غنمشي ونرجع بزربا خرجت مشيت لعند خونا باش نوصيه قاليا ريح قلتلو لا زربان عندي ميدار و لاورا باغا تجي لعندك قاليا محمد ريح شي حاجة مهمة عرفت نتائج خرجو سديت لباب قلت ليه شنو جبد دوك تحاليل علقهم فواحد طابلو قاليا مبقا ميتخبى عندك سرطان من الدرجة الثالثة قلت ليه كيفاش قاليا أجي تشوف وراه ليا قلت ليه واش تتضحك أنا قدامك كيف لعود ونتا تتقوليا هادشي قاليا سمعني راه بعض لأعراض ديجا عندك فحال الحمى و... , شاك فيه مطلعها عليا قلت ليه كين شي دوى ؟ قاليا لابدة راه داكشي تطور دبا كين العلاج الجراحي تحيد لورم فدقة وكين الكيميائي هيا لأدوية غتكون ديجا شفتي ناس تيتعالجو بهاد تانية حيت تيكونو عندها أعراض جانبية صافي مبقيتش قادر نوقع على رجليا تنشوف فيه قلت ليه علاش أنا بضبط ؟ قاليا لأسباب على حساب واش تتكمي؟ قلت ليه أه قاليا ها واحد من أول لأسباب , تيتحل لباب تتباليا لاورا دخلات سلام سلام تتشوف فطابلو بحالا فهما شنو واقع وهو يشوف فيا طبيب قاليا محمد أنا لي عيطتلها كنت غادي نشنق عليه وهو يقوليا راه هادشي مكيتخباش وهيا لي خاصها توقف معاك دبا تنشوف فيها تتبكي قالت ليا ياك قلت ليك بعد مني قلت لخونا تقدر تخلينا قاليا اه خرج قلت ليها متنحملش نشوف دموعك صافي راه هادشي ماشي بسبابك أنا لي كنت مسخوط لوالدين دعاويهم خرجو فيا دبا قالت ليا محمد مغادي يوقع ليك والو دبا عندنا ولد ونتا غادي تبقى معايا على ودو تتعيط على طبيب دخل تتسول فيه تيقول ليها بلي لعلاج فهاد لمرحلة %50 يقد ينجح و 50 لا على حساب لجسم ديالي و إنا خلية لي مصابة وزيد وزيد خونا بحالا قالينا تقدر تضيع لوقت لي باقي ليك فدوايات وتضيعو فلوسكم على شي حاجة ممأكدينش منها تنشوف فيها واحد دقيقة دار ليا كلشي فدماغي سيناريو ديال حياتي منقدرش نخليها تخسر فلوس وأنا نقدر منعيشش وعاد هيا حاملا قلت لطبيب من بعد ونرجعو لعندك شديتها من يدها وخرجنا جارها معارفاش شنو تقول غير تتبكي طلعنا فطوموبيل تتقوليا علاش كنتي باغي تخبي عليا هادشي خاصك تدير لعملية ولا لعلاج لكيماوي ولا بالأشعة بقيت ساكت حتى وصلنا لدار أول مرة نوضوها تتقوليا لا خاصك تعالج تنقول ليها لا مغاديش نضيع داكشي لي باقيلي وأنا مريض ومدوخيني لأدوية و عملية منديرهاش راه شفتيها قداش نقدر نفقد شي حاجة من لحواس ولا نقدر نموت + باغس نشوف عائلتي وباغي نشوف ولدنا ولا بنتنا مبغيتش نموت نوضناها ديال بصح حتى جاو لبوليس شي واحد فجيران تيتشكى قالت ليهم بلي مواقع والو عاد بردنا شويا قالت ليا واخا نمشيو لمغرب تشوف عائلتك ولكن نرجعو بزربا باش نشوفو طريقة لمناسبة باش تعالج إلا ماشي على ودك إوا غير على قبلي و ولدك ولا بنتك حيت إلا وقعاتليك شي حاجة عرفني غادا نتبعك تنشوف فيها ختنى هبيلة ديال بصح ديرها وتقد بيها قلت ليها واخا صافي نمشي لدارنا و عندي شي حاجة نديرها فلمغرب وفاش نرجعو ندير لعملية ولا لعلاج ولكن تواعديني إلا وقعاتلي شي حاجة مديري والو هاد لي فكرشك حسبيه ولا حسبها هو أنا صافي غادين نزلو للمغرب هاد ليوماين تخايلت راسي نموت بسباب بزااف دلحوايج وعلى يد بزااف دناس ولكن نموت على ود خلية ثمل ليها ضمير لا هادي جامي طاحتلي فدماغي يتبع....

بيض و كحل (الجزء 10)

واااع سيدة مزوجا ب 3 درجال وماتو قاليا داك تونسي ولله حتى منحوسة تخايل معايا 3 درجال لمخير فيهم مكملش شهر متيقتيش سول شيبانية لي خدامة معانا راه خالتها هاديك , ويييع زهر لكلاب هدا عندي خويا نرجع للمغرب من غدا

وهيا تدخل خونا شافها وهو يتحرك بقيت بارك تنشوف فيها ومصدوم وهيا تغمزني تحركت خدام تتباليا هناء جات حتى هيا لداك لمحال قالت ليها بلي غتولي خدامة معانا درت بحالا متنعرفهاش ومتنشوفش فيها لمزيكا فودنيا و خالق سعادة مرة مرة تنمشي لعند لغاورية تنبقى داوي معاها كيفاش حاسا براسك إلا جاك جوع ولا لعطش تقدري تشربي قالت ليا لا مزيان لمعدة تاخد شويا دراحة مزعمتش نسولها على رجال لي قبل مني صافي غادي نسول خالتها باركين خدامين وهيا تباليا مخرجا بلاستيكة تلوحها قلت ليها بلاتي نعاونك خرجنا من لباب لوراني قلت ليها بغيت نسولك على لاورا ؟ قالتلي شنو ؟ 
_بصح كانت مزوجة ب 3 درجال وماتو ؟
_شكون قالها ليك داك لولد ياك ؟
_لا لا ماشي هو
 _لمهم آه راه بصح وكانت تتعالج نفسيتها مرضات من بعد هادشي عاوداتلي عليك شي حوايج إلا مكنتيش غادي تقدر تكمل معاها ولا مايق دوك لخرافات بعد منها من دبا
_قلت ليها لا لا هيا تتعجبني ومنقدرش ندير شي حاجة تأديها.
رجعنا للخدمة .
 رجعنا لداخل مبغيتش نشوف فديك هناء تمشي عند مها فلعشيا خرجت أنا وهيا بكري شويا بدات كتلمحلي كيفاش غادي تكون نهاية هادشي بيناتنا تنشوف فيها قلت ليها علاش متساليش بينا بزوج فدار وحدا ضحكاتلي قالتلي راحنا فدار وحدا شنو كتخربق. قلتلها لا ماشي هكدا فدار بزوج مزوجين زعما وشي بنت ولا ولد ولا بزوج يكونو زوينين بحالك وهيا تبدا تتقلب لموضوع قالتلي واش عادي تبقى هناء خدامة معانا فلمحل إلا بغيتي نقدر نرجعها للمحل لأخر قلت ليها لا لا أصلا مكان بيناتنا والو ...
 وصلنا لدار سولاتني إمتى غادي نفطو قلت ليها مزال شي ساعة ونص قالت ليا إوا أجي نطيبو شي حاجة ولكن داكشي لي كنتي تتاكل مع داركم تنقلب فلكوزينة لمهم بديت تنغلاض أنا بهاد لماكلة قلتها ليها قالتلي حتى انا نفس لمشكل بغيتي ندخلو لشي لصال قلت ليها وخا هادشي لي كنت باغي ندير من شحال باغي نرجع تنشوف فساعة هو هذا لوقت فطرنا لمهم خرجنا لبرى تنسركلو تتوريني شي بلايص وشفنا صال قريب عاد رجعنا تفرجنا ف فيلم نعسنا قدام تلفازا ولفتها قهاد ليوماين لي بركنا بزوج وختنى بعقلها دبصح صافي غدا نسولها واش تزوج بيها وندوش ونولي نصلي أخويا ونصيفط فلوس لمغرب باش يحيدو عليا دوك ليوماين لي فطرتهم صافي كينا موتا وحدا أشريكي فقنا فيقتها كلينا و .. ورجعنا نعسنا شاد ليها يدها تنعبر فدوك صباع لي عطاها سيدي ربي تيباليا خاتم وأنا نحيدو ضربتو فجيبي هيا ناعسا معلابالهاش بيا لغد ليه مشينا للخدمة خليتها وخرجت مشيت لواحد لمحل جبدت داك لخاتم وراني لي قدو تنشوف نعتلو واحد جبدو ليا صافي متنفهمش انا فهادشي ولكن تيبان زوين جبدتلو لفلوس لي عندي ... خرجت غادي راجع لخدمة وهيا تباليا واقفة حدا لمحل وشادا غارو تتكمي وباينا فيها حابسا لبكية قلت ليها لي تيصوم متيكميش قالت ليا و تيشفر ؟ صدماتني !
_علاش تتدوي
 _بعتي لخاتم لي حيدتيه ليا من يدي شحال جاب ليك ؟ كون طلبتي مني فلوس نعطيهم ليك داك لخاتم عزيز عليا(تتبكي).
 كعيت دبصح شفت فيها جبدتو ليها من جيبي قلت ليها هاوا مكنتش جاي نبيعو أنا جيت ناخد خاتم باش نتزوجو ولكن شوفي نتي كيفاش تنبان ليك هاك حتى هدا خوديه , خليتها واقفا مصدومة وغادي راجع لدار على رجليا وصلت لتما هيا تابعاني تنجمع فحوايجي تتعنق فيا تندفعها قالت ليا لخطأ ديالي طلب لي بغيتي تاخدو بغيتي لمطعم نكتبو ليك شفت فيها قلت ليها كتقولي هادشي ودرتي داكشي حيت مزال معارفانيش كيما عرفتك أنا سمحيلي أنا غادي نرجع منين جيت بقات تتطلب فيا بانتلي تتبكي خويا منعرف مال ديمي قلبي رهيف وخا منعرف شنو ديرلي بكي قدامي نسمح ليك بديت تندير ليها عداب ضمير تندير فيها كاعي وحابس لبكية أنا أبنت لعبد مقودة عليا وخاصر راس مالي لي نكساب باش ناخد داك لخاتم و باش تكون شي حاجة زوينة بيناتنا ونتي كون تعطلت دقيقة أخرى تعيطي ليا على لبوليس لعنبوها عشرة معاك (هادشي بلفرونسي😅) قالتلي راه أنا متنعرفش نتصرف سمحلي هاك لخاتم غندير راسي بحالا معارفة والو ونتا طلب مني زواج قلت ليها أشمن زواج باقي نتي كنتي غتدخليني للحبس بقات تتطلب فيا خديتو حليت ديك لبواطة قلت ليها كنت باغي نطلب هادشي قدام بنادم ولكن نتي خصرتي كلشي قالت ليا ماشي ضروري قدام شي واحد نتا بنسبة ليا ... (بعد نص ساعة ديال تعناب🕥) درتليها لخاتم فيدها قالت ليا بغيت نقوليك شي حاجة انا راه عندي مشكل قلت ليها إلا كنتي غادي تقولي ليا على 3 لي قبل مني غير تهناي راني عارف كاشي صدمتها قالتلي وايلي شكون قال ليك هادشي وخا عرفتيه غادي تزوج بيا قلت ليها هادشي غير خرافات مغاديش نضيع وحدة تنبغيها على ود تخربيق وهيا تعنقني قلت ليها ولكن داكشي لي درتي قبيلا فاش كنتي غتصيفطيني للحبس مغاديش ننساه ليك بقينا داوين يزوج قلت ليها بلي عندي هانية نتزوجو فأي وقت أنا عندي هانية غير خاصها تنزل معايا للمغرب باش تشوف والديا قالتلي واخا حتى أنا عندي هاينة نتزوجو دبا كاع هههه قلت ليها ننزل للسفارة ديالنا نسول ... لمهم صافي رجعنا للخدمة مع دخلنا وهيا تقوليهم غادي نتزوجو وراتهم لخاتم بنادم تيبارك لينا تتباليا هناء تتشوف موتي بسم لتقاشر مك موتي صافي بنادم رجع لخدمتو حتى أنا واقف عادي تنخدم مرة مرة تنشوف فيها تنلقاها تتشوفيا وتتضحك بنت ناس كانت غادي تصيفطني للحبس زعما دارنا يتقبلو مني نتزوج بغاورية أصلا هيا متتبانش كبيرة بزااف تعطيها ديك 28 كاع وعاد زعورية و لجينات تيلعبو دور كملنا نهار رجعنا لدار قالتلي نخرجو ناكلو برى خرجنا كلينا مشينا لواحد لبار مشربتش ومقدرتش نحبسها أصلا هيا عندها عادي وفرحانة ليلا ولكن غير نتزوجو نقطع على مها لما وضو لمهم خوكم متيعرفش يشطح غير تنقز فليل رجعنا لدارها مع سكرانة بدات تتبكي تتقوليا هرب بعد مني مبغيتكش تموت هزيتها لفراش تنعس شنو كنت جاي ندير وفاش وليت أصحابي متمشي غير فين مشاك لله هانا وليت مزوج بمولات شي طلعت نعست حداها مفيقتهاش فليل أصلا شاربة معاقلا على والو لغد ليه تتفيقني باش نمشيو قلت ليها بلي غنمشي نسول على وراقيا باش غدا نتزوجو باستني وخرجات بقتيت ناعس ناعس رجعت صرف ديال لفياق بكري لي داز عليا وقفت مشيت عند ولاد لعبد ديالنا تما صافي نقدر نتزوج بمها غير خاص نجيب ليهم شي وراق لمهم بقيت حتى فهموني كلشي عاد خرجت من عندهم صافي غدا غادين نتزوج ممتيقش بلي بصح بعد هادشي كامل وااع لهربة , هاد زواج كان غيكون هو لخر ليا  مشيت عند ولاد لعبد ديال سفارة ديالنا تما صافي نقدرو نتزوجو غير خاص نجيب ليهم شي وراق لمهم بقيت حتى فهموني كلشي عاد خرجت من عندهم صافي غدا غادين نتزوج ممتيقش بلي بصح بعد هادشي كامل وااع لهربة , هاد زواج كان غيكون هو لخر ليا ... لمهم مشيت للخدمة قلت ليها صافي نقدرو نتزوجو غدا فرحات قالتلي فين نديرو لحفلا قلت ليها عليا انا بلاش ولله كنتي نتي باغا نديروها قالتلي لا لا أنا ديجا دايراها 3 دلمرات ولكن نتا لا خاصنا نديرو شي حاجة لابدة صافي غنديروه هنا غدا فليل مكيناش لخدمة تتوري فيا غنحيدو هادي هنا غنديرو وهنا غنديرو و هنا بنادم محاملنيش ولا خايفين عليا معرفتش ختنى فرحانة تنشوفها فرحانة تنحس براسي فرحان فلول بصراحة كنت باغي غير نبعد على ديك لخدمة لي تتوريني ونتقرب منها ولكن دبا حاجة أخرى ههههه لواليدة غادي تصدم فاش تشوف لغاورية😂 حاس براسي غادي نعقد دراري  ديال درب لمهم خرجت انا وهيا بكريي مشينا جبنا دوك لوراق لغدا تتقوليا شنو باليك نزلو لبلادك مور ما نتزوجو قلت ليها نتي عارفا قصتي منقدرش ننزل إلا مدرتش شي حاجة فيدي قالت ليا تضحك عليا فلوسي هوما فلوسك بغيتي نكتب ليك شي حاجة فسميتك غير دوي متحشمش قلت ليها لا لا دبا إلا سولني لواليد شنو درتي ومنين جبتي لفلوس شنو نقوليه راه ديال مراتي مجاتش و لواليد غادي يعقدني فحياتي لمهم قادينا وريقاتنا داك نهار مشينا لدار دوزنا لعشيا تما حتى فطرت تفرجنا فشي زوج أفلام عاد نعسنا كالعادة فقت مشيت لدوش تسحرت ورجعت نعست لغد ليه تتفيقني قالت ليا محمد ديك محمد تتخرج من فمها بحال لعسل أصاحبي فقت قلت ليها ليوم قالتلي اه ليوم نوض نمشيو باش منتعطلوش قلت ليها وخا خرجنا لعند شي محامي تتعرفو بقينا باركين عندو شويا عاد مشى معانا قاد لينا وريقاتنا صافي مع 2 قد قد ولات مراتي (هههه تنتسنى لموت أشريكي) رجعنا للمحل ديالها لقيناهم تيقادو فيه عاد مشينا لدارنا فليل غادي نديرو حفلا تما دخلنا لدار قالتلي شنو غتلبس ناري نسينا قلت ليها أصلا عادي نلبس أي حاجة قالتلي لا لا عرفتي شنو لمرحوم راجلي تاني حوايجو قدك يمكن كان عندو كومبلي لبسو مرة وحدة مزال جديد لبسو فعرسنا (وفال زين هدا) مقدراش نقول ليها لا خديتو لبستو جاني مزيان تنتسنى فيها ختنى ديجا عندها لبستها أصلا سيدة خبرة فهادشي راه أنا هو رابع لمهم خرجات من واحد لبيت وااع لحور لعين أشريكي ختنى شي حاجة بزااف تنقول واش وجه تقشيرة لي هو أنا تزعط فيه وحدا بحال هادي تنحلم واقيلا غيفيقني شي واحد فدراري لي كنت ساكن معاهم قالتلي كيفاش جيت ؟
 _بنت ناس أول مرة نتزوج أول مرة نشوف شي وحدة لابسا هكدا مباشرة معمري شفت شي حاجة بهاد لجمال ... شويا ديال لعنب أصلا ؤاه مزيان للقلب
_متزيدش فيه عرفتي كيفاش كنت قبل واحد 10 سنين مزال دبا راه كبرنا
_لا لا دبا عاد زيانيتي العفريتة 
 بقات تتضحك بقينا داوين أقود نهار ندوزو فحياتي بعد لأيام لي كنت فيهم مع عائلتي وهيا تجمع ضحك قالتلي محمد إلا وقعاتليك شي حاجة هاد لمرة مغاديش نقدر نعيش غادي نلحق عليك تنشوف فيها بنت ناس سمعيني إلا وقعاتلي شي حاجة راه غير حيت وصلات لوقت باش نموت ماشي بسبابك هادشي غير خرافات بقينا باركين حتى وصلات ديك 7 دلعشيا جات خالتها وراجلها دخلات عندها بقيت مع راجل خالتها سيد ضريف لأقصى درجة غير تيضحك وخا مفهمتش نص فهضرو خرجنا ركبنا وغادين مع راجل خالتها شادالي فيدي أحححح رومانسية وداكشي وا ولاد ناس راني مزال مفطرتش وصلنا تيباليا لمطعم ديالها عامر بنادم وتيتيز أخويا بحال نمل ضراتني خاطري نزلنا دخلنا لمهم ليلة باينا غتدوز طووب قالتلي بلي لابدة نوقفو قدام داك القس ديالهم باش يسولنا وخا تزوجنا فلوراق عائلتها غتكون قلت ليها وخا ولكين قولي ليه بلي انا مسلم قالتلي راه فخبارو لمهم دخلنا مع هاز راسي تتباليا هناء مع بنادم تتشوف فيا ديك شوفة ديال درتيها أولد لعبد أصلا نحمد لله فاش دارت معايا دوك لمساوس جابلي لله ما حسن منها ب 1000 مرة وقفنا قدام داك خونا قاليا محمد وخرجها غير بزز ولد ناس قاليا واش تقبل ب فلانة زوجة ليك و تبقى معاها فلخيبة وزوينا ...  قلت ليه أه أولد ناس , سولها نفس سؤال شافت فيا وقالت ديك أه معمرها تنسالي كيفاش قالتها قال ديك لجملة لمشهورة وفلخر ديالها يلاه تباوسو ههههه لمهم غير خرج خونا نوضوها شراب و شطيح و مطايفات بلحلوى لعب ديال ليهود فشكااال أخويا لمهم دوزنا ليلة ولا في لأحلام بقاو خاصيني غير لواليد و لواليدة و شي قعدة اححح اصلا نرجو لبلاد وندير على مها شي عرس أخر نبرد غدايدي فشطيح . جايبين واحد لبراهش فرقة موسيقية تيغنيو صوتهم زوين وهيا تمشي لاورا قالتلي عنديوليك مفاجئة وهيا تعيط على واحد سيدة ميمة حتى هيا وباينا مغربية تنقول منعرف فين شايفها وهيا تدوي واااع عرفتها لغالية بن علي هياولي مغنيا ديسك لي طالقاه لاورا ديما سيدة دوات بدارجة فلول قالت ليا مبروك وتهلا فيها هيا راه صاحبتي وتنعرفها من شحال قلت ليها كعما محتاجة توصيني عليها وبقات طالقاها شويا بلفرونسي عاد بدات تتغني ختنى صوتها مقود ديال بصح لمهم ليلة معمرها تنسالي خرجنا انا وهيا ركبنا فطوموبيلتها بوحدنا وصلنا لدار دوزنا ليلة عادية فحال ديما وخا بلحلال زوينة كتر متتحسش براسك تدير شي حاجة خيبة لمهم دبا تزوجنا صافي خاصني نحضي راسي يولي واقعلي كيف رجالها لولين وعاد هيا تتطلب فيا باش نديها لدارنا باش يشوفوها والديا حتى أنا باغي نمشي ولكين خايف زعما يتقبل مني لحاج بلي تزوجت بلا خبارو وأنا كنت كاتبلو فرسالة بلي خاطب وحدة مغربية(هناء) خاصني نزيد شويا ديال لوقت هنا بلاما درت شويا د لفلوس فجيبي و شرحت ل لاورا بلي دارنا يمكن ميتقبلوش وحدا مسيحية و بهاد تقاليد لي عندها أصلا هيا ضريفة وغادي دير داكشي لي تنقول ليها ولكن منقدرش نبزز عليها شي حاجة . هادشي خاصو غير لوقت بشويا بشويا غادي يتقاد واااع وليت مزوج دبا يااا زغرتي يتبع....