بقات معايا ديك لغاورية داكشي بلخف تطور مفهمت والو أنا قالتلي صبر خرجات و..
جابت قرعة من لمحل ديالها قرعة باينا ساوية لغاورية سميتها لاورا رمضان هدا ولكن منقدرش نقول ليها لا لمستقبل تما وباش تعلمني تنقيت لبطاطة طلعاتلي في كري أخويا , تنشوف فيها تتقلب على كيسان واحد راس تيقوليا محمد راه رمضان هذا و واحد راس تيقوليا ساط واش بغيتي تبقى تنقي بطاطا و تغسل لماعن . صافي نفيق قبل من لوقت ندوش باش نفيق ونصوم وحتى يخرج رمضان ونعوض لمهم بركنا كباتلي قلت ليها مخفتيش تسكري و نستغلك زعما نتقرب منك(على طريقة دوزيم) ختنى تتشرب و مزال شادا فراسها أنا لي معقلتش على راسي حتال صباح ناعسين بزوج تنضرب على ساعة لقيتها 8 وصرف تفو تفو وليت محسوب عليهم دبا تنشوف فيها مزال ناعسا ملابسين والو شيييث عاد بداو تيدوزو شي لقطات من لبارح يشوفني لواليد يحيدني من لحالة لمدنية معرفتش شنو ندير ناعس وهيا تفيق عنقاتني ويييع قاصحة شويا بالأخص إلا كنتي داك بنادم كتحتارمو تتحس براسك غير تتحلم لمهم مبغيتش هادشي لي درت كامل يروح فداكشي تعنبت عليها ديال بصح ودرت فيها وليت تنغير ختنى عجبها لحال قالتلي خرج خليني نلبس حوايجي وييع فكراتني فواحد طرول من نيتك راه غير لبارح كنتي تدوري عريانة قدامي قالت ليا ديك ساعة ليل دبا نهار وخرج قلت ليها فين راك تتشوفي فين ساكن بيت واحد قالت ليا سير لحمام نلبس حوايجي ورجع قلت ليها وخا وخا هزيت حوايجي ودخلت تندوش تنفكر بلي على ود دنيا ولخدمة قفرتها مع لي خلقني تتدق فلباب قالت ليا نشوفك فلخدمة لمهم توضيت وكدا وخرجت تنقاد فداك لبيت وبركت دبا نفطر ولا شنو ندير معرفتش شنو ندير طاحتلي فكرة فبالي نعيط على شي برنامج بزربا راديو فتيليفون تنسمع رقم دخلتو عيطت لمرة اولى مجاوبونيش تانية جاوباتني واحد لبنت قلت ليه باغي ندوي مع شيخ ... قناة مغربية لمهم واحد 3 دقايق وهوما يدوزوني سلام سلام قلت ليه محمد من ليون قاليا مرحبا مرحبا كيفاش أجواء رمضان تما ههههه شداتني ضحكة قلت ليه عمي هادشي علاش معيط ليك قاليا شنو واقع قلت ليه عمي أنا عاد وصلت هنا و خدام عند واحد سيدة فواحد لمطعم تتعطيني ديك لأعمال تانوية متنستافد والو لبارح جات لعندي لدار و مقدرتش نقول ليها شي حاجة حيت حتى ديك دار ديالها وفنفس لوقت تقدر يعاوني هادشي فخدمتي معاها لمهم وقع لي وقع بس عمو راه شربت ولأرنبات وداكشي وهوما يقطعو عليا ولاد ناس هادو بزربا خدمت راديو تنسمعهم قالو بلي لخط نقاطع لمهم شيخ فلان شنو باليك فلحالة ديال لولد قاليه لكبائر دارهم وفرمضان دبا يصوم شهرين ولا يطعم على هاد نهار ولا لأيام لي فطر و يطلب لمغفرة لا حول ولا قوة الا بالله العلي العظيم ... لمهم ليوم غير نفطر وخا عكداك معطاتنيش خاطري ناكل غير شربت لما وخرجت لخدمة حشمت نشوف فختنى هزيت موس غادي لبطاطا تاني وهيا تقوليا محمد لا خلي عليك داكشي دخل لكوزينة شوف شي طلبية قادها قالتلي هادشي وهيا كتبسم لمهم نهار ممشاش غير هكداك دخلت للكوزينة تيبانو ليا واحد لوراق صغار معلقين فشرجم هزيت وحدا عرفت داكشي لي مكتوب حليت تلاجة بارك تنخربق وهيا تجي لعندي بركات فوق طابلا لي خدام فوقها تتوري فيا بنادم مصدوم تندير ليها ديك تبسيمة ديال لحشمة لمهم أول حاجة نقادها فحياتي خرجات فرحت تنشوف فيها قالت ليا مبروك قلت ليها كلشي بلفضل ديالك قالتلي هانتا حطيتي أول خطوة دبا هادي أسهل حاجة تقدر تصيبها هنا ومن لمستحيل تعلم هادشي كامل ... نتا ديجا عندك خلفية ديال لمطعم لمغربي وهو مشهور تنفضل تركز عليه بقات طالقاها عليا قالتلي خديتي نمرة عطيني نمرتك تقدر تمشي لدار حتى تكون شي حاجة ونعيط ليك قلت ليها وخا عطيتها نمرة ومشيت ختنى ولات حنينة طلعت لدار صافي ديجا فاطر واحد جوان وتنفكر باش نصيفط فلوس لشي واحد يدير ديك إطعام 60 مسكين خاصني نتأكد من رقم شحال ديال لفلوس وخاصني نقطع هاد لبلية صافي غادي نكمل ديك سلعة لي تقديتها وغادي نبدا ننقص بالغارو شويا شويا و شراب أصلا ممولفوش أنا سميتي محمد ماشي جوني عيطاتلي قالتلي أجي مشيت قالتلي طاجين دلحم ولبرقوق وااع تنطيب فيه وتنطير تنتفكر لعيد و لواليدة تتطيب لمهم قاديتو وحطيتو تنقاد فيه ديك لفرحة فاش تتخرج شي حاجة من يديك بالأخص فهاد لمجال و نهار لول ختنى تتشوف فيا لمهم حطيتو لديك لبنت تديه , لكرعين بلحمص وطواجن تنحس براسي مزال فلمغرب لمهم رجعت لدار معاودتش عيطاتلي حتال ليل قلت غتكون باغا تخلصني يمكن مشيت دخلت لقيت كلشي مشى وهيا فلكوزينة تتطيب شي حاجة قالتلي عاوني صيب شي حاجة فsugaring قلت ليها وخا رومانسية أخويا ختنى طالقا واحد ديسك ديال لمى بدا يتثنى صدماتني ههههه طرت قالتلي عزيزا عليها تقافة لعربية وبلي تتنزل للمغرب بزاف تنعاود ليها عليا صاحبي ولا عزيز عليا نعاود لبنادم شنو واقعلي تنحس براسي تنخفف على قلبي شويا لمهم كلمنا حطيناه فواحد طابلا نزلات ستائر وداكشي ميشوفنا حتى واحد بركنا مزال تنعاود ليها واصلين فاش طلباتني هناء نكدب على باها قالتلي ششششش سكت نسى لماضي عيش فلمستقبل أححححح نصرانية ضاعت قلت ليها مسألة ديانات تتبقى حرية شخصية وكدا داير فيها مثقف لمهم قصينا قالتلي نشطحو ميمة صحيحة أخويا داك نشاط لي عندها معنديش أنا براسي منعرف شنو عاجبها فيا لا زين لا مجي بكري لمهم داكشي ديال لأفلام مشربتش قلت ليها منقدرش ومشينا لدار لأرنبات وداكشي بقيت عاقل على كلشي دبا غير نعسات هيا وقفت لدوش ودخلت للكوزينة شربت شويا دلما ورجعت ننعس صافي فايق صباح صايم ولكن حليت عينيا لقيتها تتبوسني صيام راح فداكشي حاس بهاد رمضان غادي نعاودو كلو مقدرتش ندوي معاها كيفاش غادي نشرح ليها بلي مخاصنيش نقيصها بنهار دخلت لدوش حتى لبسات حوايجها وخرجت خويا صافي هدا تاني نهار خاصني نعاودو بسبابها تفو خرجات عيطت على داك لبرنامج بقاتلي شي 6 دقايق جاوباتني ديك لبنت قالتلي منقدرش ندوزك للمباشر قلت ليها بغيت غير ندوي مع داك لأستاذ قالتلي وخا صبر نسولو واحد دقيقة وهو يجي قاليا شنو ؟ قلتلو عمي مشربتش ليلة لي فاتت ولكن وقع لي وقع مجددًا ولكن دوشت وتوضيت تسحرت وفاش فقت صباح لقيتها خاشيا فمها فوجهي قاليا نتا معندك فين ترقد أولدي ههههه نتا لي طالعا ليك قلت ليه عمي معاجبنيش لحال موالف تنصوم عادي ولكن هاد لعام قلت ليك شنو واقعلي قاليا سمع سمع للضرورة أحكام هاد ليوماين غادي تعوضهم بصيام ولا بالإطعام ودير جهدك باش ميتزادش شي نهار و لله يرحم باباك عنداك غدا توقع شي حاجة تاني وتعيطلي وليت خدام غير معاك بقيت تنضحك قلت ليه سمحلي أعمي قاليا لله يهديك ويعاونك فخدمتك و حاول تزوج بيها هيا راه ماشي مسلمة نتا راك كتزني كل ليلة عرفتي لعواقب ديال هادشي قلت ليه زواج ؟ تتضحك ياك أصلا هيا باغا غير تدوز وقت صافي دبا نسى إلا وقعات شي حاجة غادي نعوض بعد رمضان بغيت نقطع كاع هادشي غير نضمن مستقبلي وغادي نبدل حياتي و نعجبك قاليا بدا من دبا معرفتي تموت غدا ولا ليوم لمهم تهلا فراسك ونتمنى شي نهار تعيطلي وتكون بيخير ومزيان مع لي خلقك أما دنيا راه مغادي تدي معاك منها والو قلتلو امين وهو يسالي صولد فلبلاصة صوتو تبارك لله تيدخل للخاطر وماشي شي واحد لي تيبقى يخلع فيك تيفهمك داكشي بلخاطر ديننا دين يسر وليس دين العسر لمهم خرحت للخدمة تاني دوزت نهار مقااااود تاني فلخدمة ختنى تبدلات فمعاملتها معايا ضربات ديك 22 نعتاتلي براسها زعما نخرجو كملت داكشي لي فيديا بزربا خرجنا لطوموبيلتها قلت ليها فين غادين قالتلي مفاجئة طريق كاملا وأنا طالقها عليها حتى هيا تتعنب أخويا لمهم وصلنا برج إيفل صدماتني نسيت راني ف فرانسا تنشوف فيها واااع فخبارك كنت تتقول عمري نشوفو مباشرة شنو غيجيبني هنا أصلا وهيا تشدلي فيدي قالتلي أنا ويييع نصرانية راحت فداكشي تنتمشاو لتما عندها لأيفون 6 بقينا تنتسيلفاو شي 100 ولا 1000 سيلفي لمهم غادين تتوري فيا لبلايص تما وقفات حدى واحد خونا تيضرب بالغيتار تيعجبها يمكن مشيت عندو حطيتلو فلوس وقلت ليه نقدر ناخد لغيتار واحد 2 دقايق قاليا خليه عندك غنمشي نتغدا ونرجع قلت ليه غتلقانا غير هنا بركنا فوق واحد لكراسي أحححح رومانسية شاد لغيتار معرفتش شنو نغني مشديتوش من لأيام لي كنت مع دارنا صافي لقيتها غنيتلها مزال مزال خويا غير مع ميمة وخالقين سعادة غيرتها شويا غربي غنيتلها Let Her Go أححححح passenger جا خونا عطيتو مشقوفو بقينا غادين تتقوليا خاصك تعلمني ليه قلت ليها علاش لا ولكن علميني حتى نتي متنساينيش فلخدمة وكدا قالتلي متخافش نتا أصلا ممحتاجش لي يعلمك و مع لوقت غادي تعلم غير بوحدك و أول خطوة هيا متبقاش تقول راني معارف والو علموني حيت لي غادي يسمعك تتقول معارف والو مغاديش يقدر يخدمك ولا يعلمك ديما قول أنا عارف وفاش تديرها وتخطأ غادين يصححو ليك وهكدا مبقيتيش غادي تدير داك لخطأ وهنتا غادي حاجة تلوحك لحاجة ويييع تتنصح فيا بحال لواليدة لمهم بقينا تنسركلو فاش كنا غادين قالت ليا بلي باغاني نتحول لعندها حيت بيتي صغير وكدا قلت ليها علاش أنا ؟ قالتلي كيفاش ؟_علاش انا من دون بنادم لي عجبتك نتي زوينة عليا و عندك وعندك أنا معندي حتى ريال من غير داكشي لي تتعطيتيني
_وهيا تشوف فيا ديك شوفة ديال لحشمة قالتلي هل تؤمن بالحب من النضرة لأولى .
تنشوف فيها واااع شوفي فطريق بقينا تنضحكو هايا بقرة بكامونها ماشي غير دجاجة وصلنا قالتلي جمع حوايجك قلت ليها وخا أنا غادي نجمعهم مشيت بزربا جمعت داك صاك حطيتو ورجعت للخدمة هيا تتبدل فلخدمة متتعقلش عليك ماشي بزااف عادي راه لخدمة هاديك ولكن لجانب لعاطفي ديما حاضر لمهم ولات تتعاملني حسن من لأخرين وحتى داكشي لي تتعطيني مكتعطيهش ليهم فليل مشينا لداري هزيت صاك وغادين لدارها ممتيقش هادشي بحالا تنتفرج فشي فيلم سيدة طايحا بحالا ساحر ليها لمهم وصلنا لدارها واحد لهيت بحال ديال لأفلام دارها بحالا داخل لشي متحف ولا شي كنيسة قلت ليها واش ساكنا غير بوحديتك هنا قالتلي لا فصراحة كان ساكن معايا راجلي ومات مبغيتش نسولها لمهم بقات تتوري فيا ها لحمام ها لكوزينة ها ... وصلات لبيت قالتلي ها بيتنا ويييع رمضان راح راح حطيت صاكي داك صلك من دار لدار مسكين تجرتل قلت ليها أنا عزيز عليا نطلق لمزيكا وتنسهر بزااف تقدري تصبري عليا قالتلي أنا بحالك نسهرو بزوج نسمعو لموسيقى بزوج و علمني لعربية , يا ختنى ناويا لمعقول يا أنا تنحلم لمهم منعاودش ليكم ليلة كيفاش دازت تاني نعست شويا و مشيت ندوش دخلت للكوزينة حليت تلاجة كليت و شربت شويا دلما ورجعت بارك مبقى والو باش يطلع نهار بارك تنقول يا ربي تسمحي أصلا هو لي عارف شنو دوزت و عارف باش تنحس وعلاش مخصنيش نضيع هاد لفرصة أما لبقية لي تنقوليه وقعلي و وقعلي فواحد رمضان تيبقى يدير فيها فقيه و يلاه خارج من جامع لمهم تيباليا تيليفونها محطوط حدايا مع مسيتو تتطلعلي واحد كوف ديالنا من لي تصورناهم قبيلا دايراها ف home screen دمووع سالو تنشوف فيها ناعسا غادي ننعس حداها غنولي فنهار أخر مشيت للكوزينة منقولش ليكم شنو مطيب ليها لفطور غادي تضحكو عليا لمهم شي حاجة مغربية %100 لمهم فاقت تسنيتها حتى خرجات من دوش صدمتها قالتلي شكرا باغا تبوس قلت ليها بلاتي باغي ندوي معاك فشي حاجة قالتلي شنو مالك ؟ قلت ليها بركي تاكلي تتاكل وتنشوف فيها قالتلي مالك مغاديش تاكل ؟ قلت ليها أنا صايم ديانة لي متبعها عندنا شهر فسنة فريضة خاصنا نصوموه و ... ومتنقدرش نقول ليك لا حيت تنحس بشي حاجة من جهتك ومبغيتكش تفهميني غلط وتقلقي لمهم مبقى والو ويسالي هاد شهر وهيا تدفع داكشي لي قدامها قالتلي غنصوم معاك قلت ليها وضفاك ؟ من نيتك ؟ تولي مسلمة؟ قالتلي لا ولكن تنعيشو بزوج نديرو حتى داكشي بزوج قلت ليها معرفتش صبري نسول واحد سيد تيليفوني شارجيتو لبارح عيطت على ديك لقناة ديما مصدعهم جاوباتني ديك لبنت سلام سلام قلت ليها دوزيلي شيخ محتاجو فشي حاجة قالتلي خويا راه خدام دبا قلتليها دوزيني حتى أنا ولله ما نخصر لهضرة ولله إلا خصرتها بلوكوطيوني قالت ليا وخا وخا صبر تنسمع ديك لمديعة قالتلي مرحبا ... قلت ليه أستاذ أنا لولد لي دويت معاك داك نهار وقعو شي حوايج جداد ديك سيدة بغات تصوم اه وراه وليت ساكن معاها فدارها قاليا عادي تصوم معرفتي يعجبها جو الصيام وتسلم قلت ليه دبا عادي ياك قاليا اه وقطعو قلت ليها تقدري تديري بحالي ولكن خاصك تديري وديري ... قالتلي واخا صافي خرجنا للخدمة وصلاتني ومشات لديك لبلاصة لي خدامة فيها هناء حتى داك لمطعم ديالها دخلت انا لخدمتي عادي يمكن لله لي حطها فطريقي باش تعوضني على هادشي كامل لي داز ويمكن ندخلها لإسلام ونولي داخل على ضهرها للجنة كلشي ممكن فرحان حتى جا داك تونسي حدايا قاليا ساط شنو بينك وبين ديك خيتي قلت ليه منقدرش نعاود ليك شي حاجة خاصة قاليا فخبارك كانت مزوجة قلت ليه اه فخباري قاليا مزوجة ومعاودا شي 3 دلمرات قلت ليه لا هادشي مفخباريش وطلقاتهم ؟ قاليا ساط ديك خيتي منحوسة هاد 3 درجال كاملين ماتو واحد منهم فاش كانو غادين مسافرين يدوزو شهرهن لول سيد مات فطيارة و واحد مات ليلتو لولا و واحد طول معاها ضرب زوج سيمانات ومات بسكتة قلبية راه حتى حد من لي تيعرفوها متيزعم يدير معاها شي حاجة بقيت تنضحك من نيتك أصاحبي قاليا ولله تخايل معايا 3 درجال لمخير فيهم مكملش شهر متيقتيش سول شيبانية لي خدامة معانا راه خالتها هاديك , ويييع زهر لكلاب هدا عندي خويا نرجع للمغرب من غدا أنا يتبع....
لا يوجد تعليقات
أضف تعليق