الحلقة 3: الله يبعد عليك ولاد الحرام يا فدوى، كتجاوبو كون ما دوك ولاد الحرام مغنسيفط ليك تا..
مناعساش، زدت كملتها باش كتلو وصلني الحي الجامعي د أكدال، جامع كلشي داك الخرى، الدريات الكلاص وبوزبال، وقليل الي كيقرا، انا كنحترم القحاب كاملين، وكنحترم اكثر الي كتقحبن باش تقرا، دوك المثاليات ديال النم مكيلقاو تاباش يطبعو بوليكوب، كيتسلفو من عند لاصيانات، كيكونو رجولة، ميدوزوكش
فدوى كانت مثال الرجولة، كانت امراة حقيقة، جثة ضخمة، كتفكرني غا فالشيخات ديال ولاد حريز، البزول والترمة واللحم بزاف، كتشهي، كنت كنخاف منها فلول، هي بنت سيدي سليمان، باها امام ديال الجامع، كانت كتعاود وتخرى بالضحك، كاتلينا امام د الجامع كيصلي بالناس وبنتو كتصلي تاهي، باللورانية، دايراليهم مانضة كل شهر كتسيفطها، كاين شي امام كيشد مانضة من بنتو طالبة؟ كيرضي عليها ويدعي معاها، الله يبعد عليك ولاد الحرام يا فدوى، كتجاوبو كون ما دوك ولاد الحرام مغنسيفط ليك تا قلوة، مكتسوق لتاحد، فارضة احترامها، كلشي عاطيها التيقار حيت جلاخة، شي سبع سنين وهي تما، كتعرف كلشي، كتمشي مع كلشي، ولكن فاش كتفكر الحب د بصح، كتسيف، كتولي درويشة، فين مجبدات سميتو كتلف، زايد بجلالة قدرو، فاش كيشد كونجي كتشد الارض، تا كيرجع عاد كتصوني على لكليان لقدام، من البنات الي كتعرف شي حد كدوزو نيشان لمرجان، معندهاش لاش تحشم، الخبز عاد الحب
مهم دخلت لبيتي مدكدكة، مافيا ما يهضر مع شي بنادم، كلشي كيشوف فيا، ولا منعرف كيجيبلي الله كلشي عرفني فين كنت،سولاتني فدوى مال ربك ساخطة؟ مجاوبتهاش، منحتاجش نجاوبها، عيني فيهم كلشي، حلقي فيه واحد الحجرة مخلاتنيش نهضر ولا نتنفس، دخلت للدوش، درت الرغوة بزاف، مكرهتش شي رغوة كتنقي من الداخل، بغيت ندير بحال الافلام زعما، نعمر البينوار وننعس فيه، باش نتنقى، واخا وسخي عميق،ساعا دكشي غا فالتلفزة، فالحي ميمكنش، حيت الطواليط مشروكة مع الدوش، بنادم عاد جاتو يخرا ويبول، تا حد ما مسوق الي خاري على الوقت، خرجت لقيت فدوى مخدمة واحد الفيسيدي مشقف، كدردك وكتحير، بقات كتجر فيا وانا كنبعد، كتجر وانا كندفعها، حزماتني من وسطي وكاتلي شطحي يا الصوبيصة را ما طالعة ما طالعة، دابا تبدل الوقت، بديت نشطح حشمانة فلول، وما فياش، شوية تا بديت كنقطر، لصقات عليا الكسوة، ديك الساعة تخلطلي العرق مع الدموع، تاحد مشافني كنبكي، كلشي كيشوفني غي كنشطح حسن من الشيخات د زمور...
لا يوجد تعليقات
أضف تعليق