قصة رعب الجزء 4

ا لجزء 4: بقاو وراقي الكتوبة كيتقلبو يتقلبو حتى وقفو فواحد الصفحة. بغينا نسدو الكتاب و نهربو لقينا الصفحة اللي محلولة مكتوب فيها " ان لم نأتى من الزمان نأتى من الاسفل ومهما مر الزمان سنأتى ونحيطكم" و مرسوم مثلث و مكتوب حداه "القادمون من الاسفل". شوية جارتى بدات كتغوت و كتعيط عليا شوية بان ليا اللحاف تهز من الأؤض و تلاح على جارتي مسكينة حتى تضربات مع الحيط, مشيت كنجري نشوفها لقيت راسها مشقوق عى جوج، و الدمايات هابطة من فمها نفها و ودنيها و أنا بالمنضر اللي شفت سخفت و ما فقت حتى جاو البوليس, و سمعت الناس كيقولو هادا راه الجن ديالها هي راها ماتت سيمانة هادي.داوني لبوليس وخداو حتى هادةك الجوج ديال الكتوبة و سدو عليا فالحبس. غير دخلوني للزنزانة المحبوسات اللي معايا جاهوم بحال الصرع و بداو كايغوتو ما عرفت باش تبلي تبديت كنسولهوم مالكوم مالكوم ، حالتهم كانت خايبة بزاف و كانو كيتعذبو، جاو البوليس ملي سمعو الغوات و داوني لحبس انفرادي بحال شي قبر لا شراجم لا والو غير واحد النقيطة ديال الضو كانت داخلة من شقة فالحيط. داني النعاس فوق الأرض حيت ما كان لا فراش لا والو واحد الشوية حسيت بحال شي حد شدني من يدي و زير عليا. شوية حسيت بيدي تشلات ما بقيتش حاسا بيها و ما قدرتش نهضر ولا نغوت شرت جيهت الحيط حتى كيبان ليا شي حاجة كتكتب فالحيط و ما كنشوفش شكون كيكتبها "إن لم نأتى من الزمان نأتى من الاسفل ومهما مر الزمان سنأتى ونحيطكم" و ترسم حداها مثلث مكتوب حداه "القادمون من الاسفل" نفس الكلام اللي قريت أنا و جارتي فالكتب قبل ما تموت. بقيت كنغوت و كنقول "بعدو مني خليوني عليكم بعدو مني حرام عليكم، شوية الأرض و الحيوط بداو كتشققو و كيطلع منهم الدم و حتى غرقو ليا حوايجي فالدم. بقيت كنغوت نغوت حتى جا بوليسي و فاش شاف داك المنضر تخلع و عيط على صحابو اللي خدامين معاه فنفس البلاصة داوني للحمام دخلوني و طلبتهم يخليو الضو شاعل ما يطفيوهم باش نغسل حالتي..