لجزء 5: بقا البوليسي الطريق كاملة و هو كيقول "أعوذ بالله من الشيطان الرجيم أعوذ بالله من الشيطان الرجيم أعوذ بالله من الشيطان الرجيم" دخلت للحمام و بديت كنبكي ما قدرتش نحبس فاش حسيت براسي شوية رتاحيت نضت باش نرجع للحبس الانفرادي. و لكن غير بغيت نحل الباب ديال الحمام ما بغاش يتحل ليا بقيت كندفعو ندفعو والو بديت كنغوت "حلو ليا الباب حلو الباب عافاكم عتقوني عافاكوووم" شوية الضو طفا فالحمام. شي حاجة جات من اللور و جراتني بجهد حتى تضرب ليا راسي مع الحيط، سخفت واحد الدقيقة بديتك نفيق كيبان ليا ضو خضر كيضر فالعينين فالحمام و شي وحدين عندهوم وجد كيخلع بزاف و مشوه بديتك نبكي بالخلعة و نقرا القرآن الحل الوحيد اللي كان عندي هو نسد عينيا صيفي فقدت الأمل. شوية البوليس فرعو الباب و جبدوني حالتي حالة. من بعد هاد الحادثة بيوماين خرجت من الحبس لعدم كفاية الأدلة اللي تخليهوم يتهموني بقتل جارتي. خداو أقوالي و بقيت كنحلف ليهم بلي ماشي أنا اللي قتلتها و لكن هاهوما البوليس طلقوني. كيفاش غادي نخلي الناس يقتانعو بلي ما قتلتهاش. بديت كنفكر شنو غادي ندير باسش نرجع لداري نشوف راجلي و بنتي و فنقس الوقت تفكرت بلي السيمانة قربات تسالي و أشد العذاب جايني فالطريق. مشيت لداري بالجرا و هزيت حوايجي و شي فلوس كانو بقاو عندي فالمجر. مشيت للعروبية عند عائلة راجلي دقيت الباب و حل ليا راجلي غي شافني نزلو دموعو و قاليا لا أنا كنحلم ما يمكنش تكوني مازالة عايشة. قلت ليه آه أنا ما متش أنا عايشة، عنقني و بقا كايبكي و بدا كيغوت و كعيط على عائلتو، جاو غي شافوني بداو كيزغرتو. كانت هادي أول مرة كنحس بفرحة حقيقية، شوية جابوليا بنتي اللي كنت فقدت الأمل أنني غادي نشوفها، عائلتي خلاتني ننسا الخوف اللي عشت. بعدما رتاحيت قررت نعاود ليهم كلشي. جابوليا شيوخ كيقراو عليا القرآن و لكن والو بدون جدوا. بات راجلي حس بلي غير كنضيعو الوقت، و قالينا الحل الوحيد اللي غادي يلقا ليك حل و أنا متأكد من هادشي هو الشيخ أبو محمد حيت عندو ماضي طويل مع بحال هاد القصص الخطيرة و ديما كيلقا ليها الحل و كيصالح الناس مع بعضهوم. هاد الراجل البركة ديالو كبيرة و هو الحل ديالنا. قالينا عكوزي نجمعو حوايجنا و فالصباح بكري نمشيو نشوفو هاد الشيخ..
لا يوجد تعليقات
أضف تعليق