قصة رعب الجزء 6

الجزء 6: وصل الصباح نضرنا أنا و راجلي و الوليد يالو لبسنا حرايجنا و توكلنا على الله. فاش كنا غاديين حسيت بواحد الراحة كبيرة تكيت على كتف راجلي و نعست بعمق. حلمت بلي أنا واقفة قدام باب و حداه شي شراجم كايبان منهم منظر زوين بزاف بحال الجنة، حليت الباب و دخلت شفت واد كبير و أرض خضرا و سما زرقا و لكن بان ليا سالم مول المكتبة كيغرق فالواد، مشيت كنجري باش نعتقو. و لكن غير عتقتو و طلعتو من الواد السما غيمات و الشجر مات و طلعو ليا شي ناس من الأرشض شكلهم بحال جثث متعفنة بداو كيجريو مورايا حتى شدوني من يدي، دفعتهم و سديت الباب منبن دخلت. ضرباتني الفيقة لقيتها 8 ديال الصباح. وصلنا عند الشيخ، دقينا عليه غير دخلنا عندو ما هدرش معايا قاليهم خصها تكلس و غطيو ليها وجهها، موراها قاليهم يخرجو برا. بقيت كنبكي كنقول ليهم "لا عتفتكوم ما تخليونيش بوحدي" شاف فيا راجلي و قاليا لا ما تخافيش أنا واقف برا مورا الباب. خرجو من بعد ما حطو ليا إيزار على وجهي، كان كيبان ليا الشيخ حيت الإيزار كان شوية كيبين، و قاليا الشيخ واخا تسمعي اللي سمعتي كنصحك متهضريش و تغمضي عينيك حيت ما بغيتكش تشوفي هادشي اللي غادي يطرا دايا. و فعلا درت داكشي اللي قاليا الشيخ غمضت عينيا. واحد الشوية سمعتو كيعيط و كيقول "قرب منب قرب مني" ما كنتش عارفا معامن كيهضر، شوية سمعت صوت ديال همسات ما كنتش سامعة مزيان الهضرة اللي كانت كتقال. قررت نفتح عينيا و نسدها دغيا. حليت عينيا كيبان ليا وجه الشيخ نصو كحل ما كايبانس بحال إيلا مغطيه الخيال ديال شي واحدي محني عليه كيقول ليه شي حاجة. غمضت عينيا دغيا بالخلعة و قلبي بدا كيضرب بجهد. دازت خمسة ديال الدقايق و أنا سادة عينيا. شوية كنسمع الفقيه كيقول " صافي؟ صافي ؟" و هاد المرة سمعت شي صوت غريب كيقول ليه "صافي". قاليا الشيخ نحل عينيا حليتهم، قاليا هاد الكتاب اللي حليتي خاصو ضروري ترجعيه لدارك قبل ما يسالي الأسبوع باش تتهناي من هاد اللعنة، قلتلو عارفة خاصني نعطي الكتاب لشي حد آخر. غوت و قاليا لا لا ما تعطيه لحتا شي حد آخر خاصك تقسمي الكتب على جوج ترمي النض الأول ديالو فالبحر و النص الثاني غادي تحطيه تحت الجثة ديال واحد المرة سميتها فاطنة، هادي كانت سحارة خطيرة مدفونة دابا فمقبرة أنا غادي نوريك فين جات. غادي تيافري دابا و أنا غادي نمشي معاكم و نوريك الجثة تهزيها و تحطي تحت منها النصف ديال الكتاب. خرجت عند راجلي و قلت ليه خاصنا نسافرو دابا و لكن تفكرت بلي ما عنديش الكتاب، راه داوه البوليس ، شوية سمعت الشيخ جاوبي قاليا الكتاب موجود. سافرنا رجعت لداري، ملي كنت داخلة للحي الناس كاملة كانت كتشوف فيا، طلعنا للدار و فعلا لقيت الكتوبة بجوج فوق الكرسي كيما هوما...