مزعمتش نقول ليها بغيتك تديري فيها خطيبتي كيما درت معاك أنا مجاتش صافي خاص نزعم غادي نرجع ليها سنسلتها فلمقابل حيت مزالا عندي وغتمشي معايا هيا ضريفة و زوينة وتتعرف تدوي غادي تعجبهم يقدر يسمحلي لواليد هزيت ديك سنسلا عيطت على هناء
قلت ليها محتاجك قالت ليا وخا نتلاقاو فجريدة قلت ليها وخا نازل عندها بصندالة ديال لوضو ديال كريم أصلا هاد جريدة غير قريبة مشيت لتما بارك شاد واحد جوان تنتكيف ومع لابس واحد نص كم تنشوف فدراعي أخويا ضعافيت ديال بصح فيييين داك محمد ديال شحال هادي يامات لعز لي يشوفني يقول هدا كبييير كبرنا بلا وقت بارك حتى جات ختنى بقات مطلعاها ليا على صندالة قالتلي تلبسها تما يضربوك ب 10 سنين ديال لحبس و غرامة مالية للمغرب حيت خلاوك تدخل عندهم لمهم حليت معاها لموضوع_بنت ناس هاك سنسلا ديالك
_لا هادي ديالك دبا نتا درتي داكشي علاش تافقنا
_اه عارف ولكن بغيتك تديري معايا نفس داكشي انا بغيتك تمشي معايا لدار ولديا بغيت نشوفهم قبل منمشي
_مزيان مني قررتي تشوفهم قبل متمشي ولكن منقدرش نمشي معاك
ختنى مبغاتش معرفتش يمكن شاكا فيا قلت ليها بلي عام مشفتش دارنا ومنقدرش نمشي بوحدي وايلا حيدنا ليوم مزال 9 أيام قالت ليا صافي صافي غنمشي معاك غدا ومنتعطلوش قلت ليها صافي غدا نمشيو صباح مع 9 قالتلي واخا صافي مشات لدارهم رجعت لدار هزيت واحد الف درهم من ديك لفلوس خديت شي حاجة نلبسها غدا يديا تيلعبو ناري شحال توحشت لواليدة لوقت ولا دايز معطل ديال بصح يمكن حيت تنتسنى فغدا بفارغ صبر مقادرش نصبر منعرف كيفاش داز داك نهار لغد ليه فايق مع 7 مبدل و فاطر وتنتسنى فيها معيطاتش ليا وحتى فاش تنعيط ليها تيليفونها طافي قالت ليا أحلام نمشي معاك تنشوف فيها بنت ناس خرجو عليها دراري ب لبلية باينا فيها شرمولة ومكتعرفش تدوي تقدر تشري ليا صداع مع دار واقف حتى تنسمع دقان فلباب بحالا عرفتها ختنى حليت لقيتها هيا مالك ابنت ناس قالتلي راه خليت تيلي فدار قلت ليهم بلي طافي باش ميبقاوش يعيطو ليا ومغادياش نعرف نكدب قلت ليها وخا سلمات على احلام حيت كانت فصالون مقابل مع لباب هزيت تيليفون فلوس وخرجنا بزوج شدينا طاكسي باش منعطلش لبنت غادين مكرهتش شيفور يزرب ويتعطل فنفس لوقت معرفتش واش باغي نشوفهم حيت توحشتهم ولا حشمان باشمن وجه غادي نشوفهم وصلنا لدرب تبدل بزاااف فهاد لعام هناء تتزعم فيا يلاه أولد ناس بنادم تيشوف فيا فحالا شاف شي جن وصلت لتما تتدق هناء فلباب انا مخلوع أخويا وهو يتحل واحد خيتي معمري شفت وجها وايلي ياكما لواليد دارها وتزوج تاني عاد قدرت ندوي قلت ليها كين لحاج مصطفى قالت ليا شكون نتا بعدا اولدي قلت ليها أنا ولدو قالت ليا واش محمد قلت ليها اه قالتلي تعطلتي راه تحولو لدار لي فلبلاصة لفلانية وكرالنا هاد دار بغيتي نمرتهم ؟ قلت ليها لا لا أصلا عرفت دار هاد دار هيا لي مربي فيها لواليد خارجا على كازا قلت ليها شكرا نيشان عند با حسن(لبقال) شافني وهو يخرج بزريا عنقني قاليا فين غبرتي قلت ليه غير دراسة ولحياة ونتا بيخير شنو تتعاود قاليا كيما خليتيني جيتي معطل يمكن داركم تحولو بغيتي نعيط على باك قلت ليه لا لا صافي من بعد ونمشي عندهم ياك هوما بيخير قاليا اه و كل شهر تيجي لهنا غير شي سيمانة وغادي يجي و ختك فاطمة تزوجات هاد ختي صغر مني شويا قلت ليه بيمن قاليا معرفتش ولد شي واحد من معارف باباك واش مغاديش تمشي قلت ليه لا ماشي دبا عطيني ورقة وستيلو نكتب للواليد شي حاجة قاليا وخا أولدي صبر عطاني ستيلو و ورقة ريحت فوق كرسي هناء غير تتشوف كتبتلو "لواليد .. بابا بغيت نشوفك جيت بزز وخايف ولكن وصلني بلي تحولتو صافي أصلا مكنتش باغيك تشوفني فهاد لحالة ليوم جبت معايا لبنت لي بغيتك تخطبهالي وتزوجني بيها دويت مع دارهم ولكن منديرش شي حاجة إلا مكنتيش نتا معايا عمي حسن شافها هو غيقولك كيف دايرا بغيتك تسمحلي على كلشي كنت برهوش و وقعولي مشاكل بزاااف مقدرتش نقولهم ليك فديك لوقت كنتي غتفهم علاش تبدل ولدك ولكن مقدرتش حيت كنتي مسافر سمعت بلي فاطمة تزوجات بارك ليها قوليها كادو ديالك غيجيك من فرنسا وي غادي نمشي هاد لمدة لي غبرتها خدمت وقريت لبست وشفت عرفتك شنو كنتي تتدير على ودي لمهم غادي نمشي لتما باش نخدم وحتى لبنت لي قلت ليك خطيبتي سميتها هناء لمهم سمحلي على كلشي و عرفتكم تحولتو غادي نرجع بزربا إن شاء الله غير متنساش ولدك بدعاء ديالك فهاد رمضان حييت غنكون برى ومحتاجو بزااف" لواحد هو لي يتعنب على باه , هناء تتقرى تتدمع شديت ديك لورقة خديت جوى درتها وسديتو قلت ليه عمي دير جهدك باش توصلو ويقراها لله يخلي ليك لي عزيز عليك قاليا كون هاني اولدي جت بغيت نخلصو حلف عليا بستلو يدو ومشينا بزربا خرجنا من تما ختنى تتدمع قالت ليا يلاه نمشيو شوفهم قلت ليها وداركم غادي تعطلي بزااف هاد دار بعيدة قالت ليا لي ليها ليها يلاه هادشي لي كتبتيه خاصك تقولو مكرهتش نشوف كيفاش غادي يعاملوني عائلتك , لبنت عاشت دور ديال بصح قلت ليها مرة أخرى وديك ساعة معرفتي يمكن منكونوش تنكدبو ونكونو مع بعضياتنا دبصح و ندي لحية ديال لحاج مصطفى نلاقيه بلموستاج ديال باك بدات تتضحك قالت ليا لكلاصيكو هدا ههههه بقينا تنضحكو قربنا لدارهم ونزلنا وصلتها لدارهم أصلا باها ضريف قلت ليها من بعد وندويو رجعت لدار دراري تيسولو فيا قلت ليهم بلي دارنا تحولو دوشت وبارك شعبان هدا بنادم تيصوم ويدكر الله وحنا لمزيكا ولمعاصي فهاد رمضان خاصني نقطع كلشي صافي صيفطاتلي هناء مساج قالتلي بدا قلتلها شنو غادي نبدا ؟ قالتلي بدا تعاود علاش خرجتي من داركم عام هدا راسي تيضرني + خاصني نعرف قصة خطيبي ولا قول خطيبي لمستقبلي هههههه . تناكت لبنت ضاعت صيفطاتلي هناء مساج قالتلي بدا قلتلها شنو غادي نبدا ؟ قالتلي بدا تعاودلي علاش خرجتي من داركم عام هدا راسي تيضرني + خاصني نعرف قصة خطيبي ولا قول خطيبي لمستقبلي , تناكت صافي لبنت ضاعت .
قلت ليها وخا قالتلي اطط نعيط ليك وعاودلي هادشي لي دارتو لمهم سميتي راك عرفتيها دربنا ودارنا شفتيهم كنت عايش تما بيخير لي بغيتها تتوصلني يا فلوس يا ... مكانوش عندي عشران بزااف غير واحد لولد يحيى ... حياتي كانت زوينة ... تى عرفتها ولفتها بكثرة ما كنا تندويو كانت تتقولي نتا..عمري نخليك نتا... حتال واحد نهار صيفطاتلي مساج بلي عندها مشكل ديال شي تصاور ... انا مقدرتش نخليها أصلا كانت واكلالي عقلي دبصح هزيت فلوس وصاكي ومشيت ... غتكوني شفتي ضربة فيدي ولا حتى نوريها ليك هاد ضربة كانت غتقطعلي صبعي لمهم فاش رجعت لدارنا سافرت كلشي تبدل بعد هاد تسافيرا لواليد و لواليدة نوضوها وكانو غادين يتفارقو كنت راجع عند لواليد بموطور درت كسيدة تضربت فرجلي ... لمهم تصالحو سافرو فوقت كنت محتاج ليهم فيها بعد ما سافرو كنت ساليت مع ديك لبنت وهيا صدمة داك صاحبي لي قلت ليك عليه هو سبابي حتى وصلت لهنا كنت زعما باغي نبدا نخرج معاه و نعاشرو يوقف معايا فديك لوقت صدق أكبر ولد ناس شفتو فحياتي ... وصافي خرجني لواليد داك نهار معندي فجيبي حتى ديال ... خدمنا تكرفصنا قتلنا لبرد و دوزنا زوين ولخايب بعدا مضيعتش لوقت و تقيدت فهاد صونطر ... صافي مشاو دراري لي كنت خدام وساكن معاهم تحولت عند دراري لي معاهم دبا وحاجة تلوحنا لحاجة حتى قاليك غتمشي لبلاد أخرى وشفتك ... .
تنعاود ليها وهيا تقطع يمكن سالا ليها صولد مبقاتش عندي خاطر ديال لماكلا فاش تنتفكر داكشي كامل لعداب أشريكي نعست لغد ليه لقيتها معيطالي شي 11 مرة وقفت غسلت وجهي و فطرنا نزلت للحمام مبقالي والو ونمشي ورمضان قريب لمهم خرجنا بارك مع دراري فلقهوة وهيا تعيط ليا هناء جاوبتها سلام قالتلي عيطتليك بلا حساب لبارح قلت ليها اه راه نعست بزربا نتي لي قطعتي سالاليك صولد يمكن قالتلي لا ماشي هكداك بكيتيني أزبل دار تيسولو فيا مالك مقدرتش ندوي خوكم عارف لسانو لعنب منو كيتقطر خرجت لبرى بعدت على دراري باش ندوي فخاطري قلت ليها نتي لي بغيتي تعرفي شنو واقعلي قالتلي أه لمهم سمحلي إلا كنت فكرتك فشي حاجة و انا ماشي فحالهم هضاضاضيضاي اه بابا قاليا باغيك تجي تغدا معانا شي نهار قلت ليها وخا غدا إن شاء الله بقينا تنتعنبو على بعضياتنا أصلا حلال حيت تعناب متبادل لمهم قطعات مشيت لعند دراري حمزة غادي يمشي لدارهم وحتى أحلام رمضان هدا صافي غادين يتشتو ولكن كريم و نرمين ختو غادين يبقاو معندهم فين يمشو , رجعنا لدار من دبا تنتوادع معاهم وتنقولهم بلي لابدة نرجع نشوفهم لوقت دايز طاير لغد ليه فقت فطرنا بدلت حوايج ومشيت لصونطر بقاو طالقينها علينا حنا دوك 20 ديال بنادم لي غادي يمشيو سالينا خرجنا مشيت مع هناء لدارهم وحشماااان أخويا لمهم وصلنا حلات لباب قالت ديك بابا باليا باها بستلو يدو عمي بيخير نتا لحمد لله ونتا تتباليا ماماها حتى هيا بستلها يدها وراسها خويا لواحد هو لي يتعنب على نسابو يمكن غيوليو نساب ديال بصح بارك انا وباها فصالون تيقوليا شوف ليهود مفيهم ثقة كتر من دياولنا اجي بعدا شفتي عائلتك قلت ليه بلي مشيت ولقيتهم تحولو قاليا صافي حتال من بعد وتشوفهم ديك ساعة تكون شي حاجة حسن من هكذا وتشرفهم قلت ليه إن شاء الله أعمي قلبناها كورة دوينا عليها شربنا اتاي مخليناش شي حاجة مدويناش عليها واحد مراتو كتر من لواليدة غير تدور وتمد ليا فطبسيل ديال لحلوة كول أولدي متحشمش متنقدرش نقول ليها لا لمهم مجاو يحطو لغدا حتى كانت كرشي عمرات غير بأتاي و لحلوة ولمسمن تقولبت أخويا دايرين لحم وملقيتش ليه بلاصة ولاد لعبد خدموني بأتاي مؤامرة ماسونية هادي لمهم سالينا ختنى ممدواتش مسمعتش صوتها فدارهم واحد مها كتر من باها بقات تتوصي فيا عليها شي ساعة وهيا كتدوي ضرتني خاطري فكراتني فلواليدة لمهم خرجت انا وباها بقى تيتمشى معايا مجاتش نخرج بوحدي من دارهم لمهم رجعت لدار شاد تيلي تنسركل فتصاوري لقدام تبدلت بزااف ديك صحة و زين أححح كون قدرت نرجع لديك لوقت نبعد على زبل كامل ونقابل حياتي و منتفرقش على والديا , ولكن منقدرش نرجع لديك لوقت ... لوقت دايز طاير دوك لأيام لي باقين معقلتش عليهم كل نهار تنقلب وراقيا واش هوما هادوك خاصني نمشي حتى وصل نهار لموعود تنتوادع مع دراري بدموع أصاحبي ولفتهم بالأخص لهبيلة ديال أحلام كون ما بانتش هناء يمكن كانت تكون هيا فبلاصتها لمهم وصل بات هناء تيعيطلي واقف بطونوبيلتو عند لباب نزلت لعندو صاكي فكتفي هو لي فراس مالي و شي 1000 درهم ولا قل فجيبي وصلنا لمطار عنقتو بقات تتغبن عليه بنتو حتى تنسمعو طيارة لي غادين نمشيو فيها كلشي داز زوين حتال طيارة أخويا انا تنخاف من لبلايص لعالين عاد زيد شي حاجة غتطير بيا لعرق وحالتي حالة واحد تيتيزة أخويا ديك سرباية ديال طيارة😂 قالت ليا مالك واش نجيب ليك شي حاجة تنشوف فيها قولي لشيفور يقرب لأرض شويا يرحم باباك بقات تتضحك قالت ليا فاش تبغي شي حاجة معقولة عيطلي ومشات تنشوف فهناء قالت ليا من نيتك أولد لعبد تتعنب قدامي خلينا غير حتى نزلو للأرض قلت ليها أشمن تعناب فخبارك نتي أول وحدة نتعنب عليها بعد داك عام كامل وهيا تحني راسها غادين وخوكم داوي داوي مسكتش متعرف ختنى تشوف زوعر لي تما وتنسى لمنتوج لمغربي أصلا فعايلهم هادو لمهم وصلنا تتبالينا واحد خيتي هازا ورقة فيها سمياتنا مشينا لعندها تتدوي غير بالفرونسي أخويا انا بزز باش تنورق شي كلمة فداكشي لي تتقول هناء عندها معاها تتدوي معاها وهيا تشوف فيا قالت ليا محمد قاليك غادين يفرقونا نتا غتسكن وتخدم فبلاصة وانا فبلاصة أخرى قلت ليها ماشي هادشي علاش تافقنا قالتلي راه زوج مطاعم كل واحد وفبلاصة حيت شي واحد من لي تعزلو مجاش وبقالهم نقص قلت ليها وخا تيليفون غادي يبقى بيناتنا خاصني نشوفك كل نهار وهيا تقوليا شنو شنو من نيتك خليت بابا لهيه ونجي لهنا نلقاه مزال قدامي ... قمعاتني لحمد لله ديك لغاورية متتفهمش دارجة قلت ليها ولكن هادشي راه موصيني عليه باباك قالتلي جاي باش تخدم ماشي باش تقابلني أنا ماشي بنت صغيرة , كون كانت فلمغرب كون حطيت لمها شي مسمنة ولكن هنا إلا حطيت عليها يدي نقدر نبرك على لقرعة وعندهم شي قراعي أخويا ديال شراب وديال جاج قلت ليها وخا لمهم وصلاتنا ديك خيتي لواحد لعمارة نزلات ديك لغاورية تتدوي بزز باش تنفهم لمهم نعتاتلي لمطعم قالتلي غدا غتبدا لخدمة طلعنا فواحد لعمارة قريبة لتما وراتني واحد لباب حليتو فيه بيت وحمام وكوزينة لبراكة لي كنت ساكن فيها مع شيباني وراري كبر من هكدا ولكن هانية نصبرو خلاتني ونزلات عند هناء مزال لتحت ختنى واش لعب ليها لجو ديال هنا على دماغها معرفتش لمهم لبنت لي طلعات معايا لطيارة ماشي هيا لي نزلات أصلا انا لي حمار متنتعلمش من لمرة لولا صافي أمحمد حيد هادشي من دماغك جيتي باش تخدم باش تخدم وترجع لعند عائلتك يتبع....
لا يوجد تعليقات
أضف تعليق