واااع ديك لبراكة لي كنت ساكن فيها مع شيباني وراري كبر من هاد لبيت ولكن هانية نصبرو خلاتني ديك لغاورية ونزلات عند هناء مزال لتحت ختنى
واش لعب ليها لجو ديال هنا على دماغها معرفتش لمهم لبنت لي طلعات معايا لطيارة ماشي هيا لي نزلات هدا هو وجها لي كانت مخبياه أصلا انا لي حمار متنتعلمش من لمرة لولا صافي أمحمد حيد هادشي من دماغك جيتي باش تخدم باش تخدم وترجع لعند عائلتك .حطيت حوايجي فواحد لماريو سديتو تنشوف فداك لبيت تقريبا فيه 4 مترو × 33 مترو و حمام صغير و كوزينة تنطل من شرجم دنيا زوينة تيباليا ديك لبلاصة لي غادي نخدم فيها بنادم سديتو ونعست خاصني نرتاح لغد ليه فايق مع 7 تيليفون غادي يطفالي مفاطر ما والو أصلا معندي حتى ريال فجيبي ديك 1000 درهم هيا لي فراس مالي إلا خسرتها صافي أصلا غادي نحولها يورو غادي تمسخ لمهم بدلت حوايجي حسنت وجهي قاديت حالتي وخرجت لتما لقيتهم مزال سادين تندق فجاج ديال برى وهيا تباليا ديك لغاورية جات حلاتلي قالتلي باش ندخل دخلت تيبانو ليا شي خوتنا تيقصيو باينا من حوايجهم خدامين هنا قالتلي فطر فعاهم بركت تيشوفو فيا انا تنحشم أخويا هوما شي 6 دناس واحد خونا من وجهو مكسيكي و عندو لكرش و واحد لولد زعر باينا غير من هنا تكون عندو ديك 28 وعاد بنت صغيرة شويا ديك 18 ولا 19 وشيبانية و واحد لميمة عاد لغاورية لي جابتنا واحد خونا شاك فيه انا مغربي كمارتو مغريباش سبحان الله حنا معروفين غير من كمامرنا خويا فطرت معاهم وبقى فيا جوع ولفنا أتاي و لمسمن وزيت لعود . لغاورية تتوري بنادم شنو يدير قالتلي نمشي معاها لواحد لبلاصة ورى لكوزينة نعتاتلي واحد صنادم ديال بطاطة تنشوف فيها من نيتك ؟ تتقوليا نقيهم ويييع لعنطبمك مداتلي واحد لموس جبدت تيلي درت ليزيات فودنيا لمزيكا بارك دبا بنادم لي عارفني جيت لهنا يحسابلو دبا منعرف شنو تندير وتلقاه حاسدني وأنا جاي نقي بطاطة عرفتي باش تنقي 3 صنادق ديال لبطاطا خاصك داكشي ديال لحديد كتافي ضروني ختنى شافتني كملت تصدمات قالتي أجي تبعني مشيت معاها وهيا توريني واحد لماعن قالتلي غسلهم تنشوف فيها ياكما درتليك شي حاجة فاش كنتي صغيرة باغيا تنتاقم مني ليوم قالتلي دوي بلفرنسية باش نفهمك واش تتعاير دبا شنو مغاديش تخدم تتباليا ختنى غادي تصعر عليا غسلتهم أخويا جايبين ديلمي نتبهدل هنا أنا تنغسل وهوما تيتزادو حتى من لغدا نسيتو بقينا حتال ليل وهيا ناري جوع أولاد ناس تتباليا غير تلاجة قدامي مكين حد حليتها تتباليا واحد لحمة تبارك الله تراه كليتها بلا خبز اصلا مشوية وخا باردة ولكن هانية رجعت خدام تنسمعهم تيقلبو عليها ريحتها باقا ف فمي لفرشة معرفوهاش فين مشات صافي نساوها سداتلي لخاطر ديال لماكلة أخويا بقينا حتال ليل بدا تيخوى صافي سالينا ديك شيبانية جبدات واحد لقرعة من تلاجة حلاتها مداتلي كاس مقدرتش نرجعو ليها ندير معاهم صواب أصلا انا مقطوع دبصح تنشوف فداك خونا لي قلت ليكم شاك فطواصل مو مغربي مدواش معايا حتى انا معطيتوش لوقت صافي تيلبسو حوايجهم أنا غير قبيتي ضربتها وغادين خارجين لغاورية عند لباب مداتلي فلوس أنا معارفش شحال داكشي مشفتش فيهم كاع خرجنا كل واحد وفين مشا بقيت تنتمشى حتى لقيت سوبر مارشي تنقلب فيه على لغارو حتى لقيتو غادي نخلص مول لمحال وهو يباليا داك خونا لي خدام معاه حتى هو تيتقدى من تما صافي غادي نزعم ندوي معاه قلت ليه سلام شاف فيا وعليكم سلام سفا ؟ قلت ليه لحمد لله خونا من لهجتو باينة ماشي مغربي قلتلو منين نتا خونا تونسي خرجنا خونا ساكن فنفس لعمارة سولتو على شي بزناز😂 خويا لبزنازا نعمة فحالهم فحال دار خونا تيقوليا تبزنز علامن باغي تبزنز عاد تنتفكر بلي بزنز عندهم تتعني كتزلل على شي بنت قلت ليه يا لحشيش اصاحطي شي طرف قد صبعي صغير يا زطلة أتوبي بعدا لقيت لي تيدوي بلعربية نطلق لساني معاه وصلنا لديك لعمارة خونة عاطياة بيت حدايا قاليا بعد غدا رمضان حاول تنقص من دخان باش تقدر تخدم بنهار فكرني ناري هاد ليهود تياكلو رمضان دخلت لبيتي مفياش جوع طلقت مزيكا من تيليفون تنتمزك لمامي سيد طالب واحد لباكية ضربتها عاد نعست فايق لغد ليه بكري تاني غادي ومحاملش نمشي واع أصاحبي حياتي غادي ندوزها هكدا نبقى خدام نهار كامل وفليل ننعس جاي نتعلم شي زبلة نديرها فدماغي دخلت جامع ضحكة داك لولد تونسي ديجا وصل قبل مني فطرنا نعتاتلي لبلاصة ديال لبارح مشيت لقيت صنادق بحال لبارح واااع بركت على مهم هاد لمرة بشويا بشويا لبارح درت فيهم 3 سوايع دبا غندير 6 سوايع تنسمع ختنى تتعاير فشي واحد تتغوتلو فتيليفون تنطلق ودني والو لفرونسي ضعيفة عندي شويا تيدخل تونسي قاليا صاحبي تتعرف تدبح لخروف ؟ تنشوف فيه آه قاليا راه لجزار لي تيدبح ليها مجاش وهيا تتبغي تحضر للحم لي تيدخل عندها و تتبغيه يكون جديد قلت ليه صافي نقدر ندبحو مشينا عندها قاليها راه تيعرف قالتلي متأكد قلت ليها وي أبنت ناس قالتلي تبعني مشينا لواحد لبيت فيه واحد لحولي تبارك الله وماشي بحال ديالنا هدا غليض وهيدورة فيه أصاحبي تيباليا موس معلق فلحيط قالتلي عنداك توسخ حوايجك قلت ليها تخافيش بقيت على مو غير فشورط تراه داك لحولي صحيح مقدرتش نطيحو وحتى صحة راحت فداكشي ولكين لغاورية تتضحك ومكينش لي يعاوني ولد لعبد ديال تونسي هو لي وحلني ولكن منخليش لكفار ياخدو علينا نضرة خيبة مبغاش يطيح ضربتو بلموس لعصب رجلو لورانين وهو يطيح خفا زربا خيط حمر على عنقو وقفت طالقها عليها نص بلفرونسي ونص بدارجة قالتلي خاصك تعلم فرونسي لمهم بزربا كمل هادشي قلت ليها وخا بارك تنسلخ فمو وساااهل فسليخ علقتو ختنى ماشي من نوع لي تيخاف من دم لمهم جبدت ليها داكشي عزلتو ليها لمصارن فجهة دوارة فجهة طلقت لما تنغسل فيه دارتلي ديك لعيبة ديال 👍 قالتلي لوح هاد زبل وصبر نعيط على شي واحد يعاونك دخل لحولي قلت ليها انا ندخلو غير صبري لبست سروال و ضربتو فوق كتفي حطيتو فوق طابلا فلكوزينة موس تنقطع فيه تراح حداgيت معاهم فصلتو بالخف واحد شاقور ماضي لمهم زربو على لولي راح فداكشي خرجت لداك لبيت لبست حوايجي قالتلي خود هادشي ولا لوحو ولا بيعو وسير رتاح شويا مداتلي فلوس تاني ضربتهم فجيبي قلت ليها راه جيت نتعلم ماشي باش نولي جزار ولا نقي بطاطا بدات تتضخك قالتلي صبر نتا مزال صغير , وضفاك بنت لعبد باغاني نشرف عاد تعلمني لمهم هزيت داكشي فبلاستيكة ديتو لدار اححح لكرعين بالحمص هاد ليلة😂 هناء معرفتش فين خدامة ومباغيش نعرف غير نشري نمرة وغادي نعيط على باها وغادي نقول ليه كاع هادشي قالت ليا حتى تكبر وتتعلم بنت لعبد باغاني نشرف عاد تعلمني لمهم هزيت داكشي فبلاستيكة ديتو لدار اححح لكرعين بالحمص هاد ليلة😂 هناء معرفتش فين خدامة ومباغيش نعرف غير نشري نمرة وغادي نعيط على باها وغادي نقول ليه كاع هادشي بنت ناس ضاراني خاطري من جهتها زعما تكون عايشة مزيان غدا رمضان ... وصلت لدار وضروني رجليا دبصح غدا رمضان واحد راس قاليا بلاما تصوم أصاحبي نتا اصلا مكتصليش و ... شيطان ولد لحرام تيدير أخر لمحاولات ديالو قبل رمضان دخلت لكوزينة غارو ف فمي وتنقاد فداكشي شعلت فران دخلت ليه دوك لكرعين😂 خويا راهم تبارك لله خليني من ديال حوالانا قاديتهم درتهم فتلاجة تنشوف لقيت لحم و زيد وزيد نقدر نضرب على مهم شي شواية فابور مزيانة هادي خرجت تنقلب على لحمص بحالا تنقلب على لحشيش لمهم لقيتو رجعت لدار سخنتلو لما خليتو تيرطاب جبدت داك لعجب لحمص مغاديش يرضاب خدمتو حتى انا بقيت مطايف معاهم شي ساعة وصرف عاد قاديتو خليتو تيطيب تنشوف فبنادم من شرجم شويا حطيت داك لعجب ومشيت ننعس حتال ديك 2 عاد فقتلو فيا جوع عرفتي أصاحبي باش تسحر بلكرعين ف دولة أوروبية صعيبة هادي خاص تكون سميتك محمد لمهم سخنتو بقيت تنضرب حتى درت لبلان فكرشي ملقيتش فين نزيد حمصة كميت شربت لما مزيان عاد نعست ضرباتني لفيقة لغد ليه فايق هو هداك جمعت كوزينتي وخرجت لخدمة تاني خدام وهناء فبالي بنت ناس منعرف واش كلات لبارح ولا مقودة عليها كتر مني الله أعلم ناري وليت تنخمم ليها يمكن دارها تاني هاد لقلب عندي رهيف لعنديمو لمهم ليوم لبطاطة تاني أخويا بطاطا كرهتها بكثرة ما نقيتها بصنادق أخويا و لماعن لماعن تشوف شحال ديال لماعن تضرك خاطرك ولكن صبرنا مع ديك لفعة ديال ليهودية لي خدامين معاها نهار لول دايز زوين مع 12 خرجت بزربا خديت كارطة عطيت خونا قطعها وركبهالي فتيلي داك ل S3 جاتني حشومة نمدو ليه شافو حبس ضحكة بزز شكيت فيه غادي يعطيني تيليفون ضربتو فجيبي وخرجت فيا لعطش و زيد وزيد بزز باش لقيت لخاطر ورجعت للخدمة لواليد غيكون قرا ديك رسالة لي خليتها ليه غيكون سمحلي 100% إلا بقات لخدمة هكدا غادي نكمل شهر ونرجع لعندهم أصلا ديبلومي خديتو كملت هاد نهار غير بزز مكينش شي جامع قريب نسيت لفطور حتى تنسمع لأدان طلقت ودني تيباليا تونسي جبد تيليفونو عندو ديك ل app تخايل معايا مع سمع لأدان وهو يشوف فيا لقاني تنشوف فيه بنادم لي خدام معانا تخلع😂😂😂😂 ليهود ميفهموش فداكشي تم جاي لعندي مدلي 33 تمرات قاليا لله يتقبل صيامك قلتلو حتى نتا أخاي شربت و كليت دوك تمرات موالفة لواليدة مسكينة متخلي ما تحط فوق طابلة شمنك يا حلاوي ومسمن و بطبوط معمر و حريرة و زيد وزيد دبا نلقاهم تيفكرو فيا واش فاطر واش عايش بعدا لله يسمحلي من جهتهم خدام تتباليا لغاورية سولتها على هناء لبنت لي جيت معاها قالت ليا راه ساكنة وخدامة غير قريبة من هنا بيناتنا غير شي 3 شوارع واش بيناتكم شي حاجة ؟ قلت ليها لا لا غير تنعرف باباها وقالي مرة مرة سول عليها قالتلي متخافش عليها تنمشي كل ساعة غير رجع لخدمتك تنشوف فيها قلت ليها راه مني صيفطونا قالو لينا بلي غادي ندوزو سطاج وغادي تعلمينا ماشي غادي نقي بطاطا و نغسل لماعن وهيا تقوليا من بعد من بعد خدم دبا قلت ليها وخا رجعت تنغسل فداكشي درت ليزيات عيطت على بات هناء جاوبني سلام سلام قلت ليه خالي قاليا لله يخوي ليك ضلوع أويلي مالك شنو درتليك قاليا علاش عيرتي هناء ... قلت ليه صبر صبر هيا لي قالت ليك هادشي قاليا اه , قلتلو نتا عارفني معنديش مع لكدوب ومن لول قلت ليك لي كاين هادي هي خطة بنتك من لول توصل هنا وتقلب عليا وتقولك هكدا باش تلقا راحتها غير وصلنا هنا قالتلي متنعرفكش ومتسولش فيا أنا ماشي صغيرة ... عمرتلها ضوصي مع باها ديال بصح حتى تعصب وقطع خليه ينقي ليها ودنيها خدامين مبقى والو باش نخرجو وهيا تدخل نيشان عندي تتغوت عليا ...
_علاش قلتي لبابا ديك لهضرة
_نتي كدبتي عليه انا قلتلو لي كين
_شكون نتا أخويا باش تعيط ليه وتقوليه صراحة ولا لكدوب
_نقصي من صوتك ولا نضرب تقاشر مك تحسبي سنانك شفتي وجهي زوين نوريك وجهي لخيب نخاف ميبقاش عندك وجه ديك ساعة تشوفيني محنسر ولا شي لعبة تقولي ميقدر يدوي هاد لحزاق كامل وبنادم نبول عليهم نصلقهم (تندوي وتنشوف فخوتنا لي خدامين معايا مفاهمين والو مساكن😂).
ختنى بدات تتضحك على باب جهدها قلت ليها متنقولش هادشي باش تضحكي غير متكدبيش على باك حيت كنحتارمو وأنا مكدبتش عليه داك نهار وطلبتو ليه باش يخليك تجي لهنا هو عارف مبيناتنا والو صدمتها .
قلت ليها دبا خليني نخدم و ديري فحالا جيتي غير بوحدك لهنا ومعمرك دويتي معايا قالت ليا لا ولكن إن وما إن قلت ليها منكدبش رجعتيني لداك تبرهيش ديال لحب ولكن أنا لي ولد ناس خاص مي لعصا درت ليزيات وخدام تتدوي كيفاش قوليا شنو أنا بنسبة ليك ديك لهضرة ديال لأفلام قلت ليها بغيتي تقولي شنو كنت انا بنسبة ليك وهيا تخرج مبقاتش راشقالي على لخدمة مشيت لعند لغاورية قلت ليها بلي خاصني نخرج قالتلي سير ومداتلي فلوس ضربتهم فجيبي وخرجت نيشان لعند واحد سوبر مارشي خديت دخان وتنسول فيه على شي بلاصة منين نقدر ناخد شي طريف معرفتش كيفاش نقولها ليه بلفرونسي تنقوليه the cannabis يا lhashish أثوبي خونا قاليا شحال بغيتي مديتلو داكشي لي عطاتني لغاورية ليوم جبدلي لأنواع وتيشوف فلباب خويا انا تنضرب على طريف مليح نقدر نطلع بيه شي 10 جوانات كل مرة شويا عطاه ليا ورجعلي صرف وعرفتي باش لقيت ورقة د نيبرو تاني فداك لمحال لمهم خديتو ورجعت لدار بقيت على مو غير فشورط سخنت داكشي ديال لبارح قصيت و قاديت جواني عرفتي تضرب لكرعين بالحمص وتكيف وخا ماشي شي سلعة نقية ولكن هانية أصلا أخر شهر ليا فهاد لبلية طالق لمزيكا حتى تنسمع دقان تخلعت تزعزعت مشيت تنطل من تقبة ديال لباب تتباليا لغاورية ديجا شافتني غير بشورط عادي حليت ليها دخلات تتشوف فدار قلت ليها واش كين شي مشكل قالت ليا نتا لي واش كين شي مشكل مع ديك لبنت ؟ قلت ليها لا مكينش شي مشكل غير لبنت باقيا مراهقة و وصاوني دارهم عليها قالت ليا ها علاش بنادم تيقلب على وحدة كبيرة فعمرها و بعقلها ميمة وصافي قلت ليها بلغتي تنقولو ليهم ميمات تشوف كيفاش نطاقات ميمات تضرك خاطرك بقيت غير تنضحك قالتلي تنشم شي ريحة قلت ليها غير جوان قالتلي اراه يحسابلي غتلوحو وهيا تشدو فيدها قالتلي من غير ريحة دخان نعتليها لكوزينة قالتلي هادشي كتاكلوه يع يع يخ ثف ثف بقات تتدير فدوك لأصوات قلت ليها ودوقي بعدا وحكمي لحمص تيتكال بفورشيط أساط قلت ليها بلخبز معرفاتش قلت ليها بلاتي قطعتو غادي نوكلها بيدي أصلا تعناب حلال بعد وجبة لإفطار درتلها واحد دغمة كبر من فمها فمها صغير أخويا زوين تشهيتو , دوك لقطات بحال ديال لأفلام غير فالأفلام تيوكلها شي حاجة زوينة وانا تنوكلها لكرعين غير سميتهم تخلع وتنوض لوجع تقدر تدخلني لحبس فاش تعرف سميتهم قالتلي واو زوين غير هو تقيل شويا فيه ليدام بزااف بقينا داوين قلبناها لونغلي شويا لمهم جوان لول راح فداكشي تاني تالت قالتلي صبر خرجات وجابت قرعة من لمحل ديالها قرعة باينا ساوية لغاورية سميتها لاورا رمضان هدا ولكن منقدرش نقول ليها لا لمستقبل تما وباش تعلمني تنقيت لبطاطة طلعاتلي في كري أخويا... يتبع ....
لا يوجد تعليقات
أضف تعليق