قصتي مع الجن (الجزء 4 و الاخير )

بقيت تابع داك الصوت حتا وصلت لواحد لبلاصة فيها الضو بزاف مع دخلت وانا...

نفيق لقيت رشيد ويونس عينيهم حمرين قلت مع راسي هادو مالهم تلفت للسيد لقيتو كيشوف فيا بواحد الطريقة فشكل باينة فيه مصدوم..
 قلت ليهم مالكم مصدومين اش وقع؟ شافيا الفقيه وقاليا نوض اولدي على سلامتك ولراك رجعتي من الموت حيت واحد اللحظة فقدنا فيك الامل وصحابك كيحساب ليهم متي وبداو كيبكيو عليك..قالينا نوضو دابا سيرو توضاو را العصر هذا نصليو من بعد ناكلو شي حاجة ونهضرو قاليه رشيد رالناس كيتسناو فيك اش غدي دير معاهم؟وهو يجاوبو بلي الناس غيمشيو فحالهم حيت كيكمل مع العصر المهم توضينا وقبل منصليو قاليا انا ورشيد خصنا نسلمو حيت داك شي لي درنا را كفرنا بيه واخا غير بالغلط ورشيد كان خاصو ضروري يثوب مهم عاودنا الشهادة وانا قاليا بلي خاصني نتعاود في الختانة...واتفاك اش تيقول هاد ثبي؟ هل ثمل له الضمير؟ بديت كنشوف فيه بديك النظرة ديال التعجب وهو يقوليا متخافش داك شي غدي يكون غير سطحي..مهم درنا داك شي ومشينا صلينا وفاش كنا كنصليو كنت كنحس بالراحة وبحالا حيدت عليا حمل ثقيل..
 من بعد جاب لينا القص والمشروبات طحنا عميين فديك الماكلة تقول سمانة ماوكلين النعمة.وفاش بغينا نرجعو فحالنا عطاني شي بخور وبدا كيوصينا على الصالة ويعاود . جا يونس بغا يعطيه الفلوس حلف مابغا يشدهم منا..قلت فخاطري اصلا ديك 4000 درهم زايدة فينا نرجعو فحالنا نديرو شي قصارة سينك سينك ههههه وانا نتفكر هضرتو وقلت اعوذ بالله من الشيطان الرجيم.
 من بعد شدينا الطريق وحنا غادين وكنشوف في الدنيا و كنحس بحالا يلا تزاديت شوية معرفتش كفاش كنحس براسي بحالا كنتسنا فشي حاجة نلقاها في الطريق وانا نتفكر السطاسيون لي وقفنا فيه ملي كنا جايين الطريق كلها وانا حاظيه مابانش ليا وبلاصتو غير الخلا..واتفاك داك شي كان غير كذوب.
 مهم من بعد وصلنا فحالنا حطنا يونس حدا دار و مشا فحالو طلعنا رتاحينا شوية وفي اللعشية خرجنا بثلاثة بينا مهم دوزناها دوك اليامات ودرت الماساج وشي بوماضات باش يتحيد مني اثر الضرب. بقيت هاكاك حتا جاو مالين الدار.
 هاد الساعة هما مافراسهم والو ولكن لاحظو فينا بلي ولينا كنصليو ودخلنا سوق راسنا مي مع دلك ماقالو والو عجبهم لحال. الواليدة كون تعرف اش داز عليا محال واش تصبر مي قررت انا ورشيد باش هاد الصر يبقا بيناتنا حتا الممات.
 مهم من هاد الشي كامل متحاولوش تجربو شي حاجة خصوصا الى كانت كتعلق بالسحر

قصتي مع الجن (الجزء 3)

مهم ساليت معاها لهضرة. ورجعت نخمم في حريرتي ومنين غنجيب 4000 درهم انا يلا عندي  2000 درهم....

تدويرة ديال النجاح في الباك ورشيد عندو 1000 درهم خاصانا دابا 1000 درهم.
 من بعد وصلنا لدار وهو يصوني التيليفون لقيتو يونس تقدرو تقولو خويا تعرفت عليه ملي كنت في السابعة وديما كنجيو في نفس القسم. الو مالك اثبي طافي التيليفون؟ قلت ليه نتلقاو ونعاود ليك. درتنا نتقاشعو من هنا ساعة في الكافي. انا خرجت ديك الساعة مشيت بقيت كنسنا فيه ورشيد مشا يقضي شي غراض.
من بعد وصل يونس شافني كلي مفرشخ. قاليا ياكما ضاربتي عوتاني على قبل شي مسطاشة؟ قلت يا ريت كون غير كان داك شي . بديت كنسرد ليه من نهار جا رشيد حتال الفقيه لي خصانا ليه 40000 درهم. قلت ليه دابا عندي 3000 درهم واش تقدر تصوفيني فشي 1000 درهم؟ قاليا جاتك وايلي واش نتا ساوي عندي غير 1000 درهم.
 مهم دار معايا باش يدوز عندي لدار ويجيب ليا لفلوس تفارقت معاه ورجعت لدار لقيت رشيد مزال مرجع بقيت كنتفرج في التلفازة بينما جا. لقيت واحد البرنامج وثائقي كيهضر على هاد الشي ديال مس الجن وداك شي. ؤ واحد من هادوك لي جابو فهاد البرنامج كيعاود ليهم قصتو بلي كان ساكنو جن مي مكانش كيتحكم فيه 100 في ال 100 كيعاود ليهم بلي بعد لمرات كيحط ايدو على شي حاجة كتشعل فيها العافية. ؤواحد المرا كان معاها جن عاشق وديما بالليل كيجي ينزل عليها حدا رجلها ومكيحسو بوالو في الصباح المرا كتفيق مهلوكة.. كتقول بلي بحالا كانت في علاقة جنسية مع راجلها ؤ واحد نهار راجلها مكانش بايت معاها واحد الليلة وداك الجن جاها في سيفت راجلها وهي كيحساب ليها نيت را راجلها اوا شبع فيها تشي شي ولد العبد ههههه مهم انا مكملتش هاد ليمسيون حيت جا رشيد وجاب معاه شي تواشة على قبل التسافيرة وشوية كنسمع يونس كيعيط طليت عليه من الشرجم قاليا نزل. هبطت عندو وعطاني لفلوس وقاليا امتا غدي تمشيو للصخيرات؟ قلت ليه من ورا العشا غنتحركو لمحطة.. قاليا لمحطة؟ مالك ثمل ليك الضمير انا هنا وباغين تمشيو في الكار. قاليا شوف الدار مسافرين ؤ الواليد هز الطوموبيل الكبير حيت العائلة كلها مشات ورا الغولف 6 خلاها غدي نمشيو مجموعين نتقاشعو من ورا العشا.. وقبل ميمشي جبد ليا 1000 درهم قاليا هاك دابا فلوس لفقيه واجدة مع قال لفقيه وانا نتفكر هضرتو بلي الطريق مغديش تكون ساهلة وانا نقول يونس.. بلا منعدبوك معانا مبغيتش طيح فشي مشكل بسبابي. قاليا غتزم فمك ؤلا غدي نهرسو ليك. قلت ليه را لفقيه لي مشينا عندو قالينا بلي طريق غتكون صعيبة علينا. قاليا موت وحد لي كينة نشوفك من ورا العشا.
 طلعت لدار وقلت لرشيد بلي ضبرت على طرنسبور للصخيرات الي و روتور ههههه قاليا كفاش؟ قلت واحد عضيري هو لي غدي يدينا بالطوموبيل ديال باباه. هي هاديك وجدنا راسنا شوية وهو يكلاكصوني يونس هبطنا وهو يقوليا طلع حدايا المسخوط يا وجايه المصايب هههههه شدينا الطريق شوية يونس عيا وقاليا نسوق في بلاصتو ؤ وصاني باش ندير المازوط.. مهم ضربوها بنعسة بجوج وخلاوني انا حال عينيا في الطريق هههههه وصلت لواحد السطاسيون لقيت واحد الشيباني قلت ليه دير 200 درهم ديال المازوط..قاليا واخا أ زهير انا في الاول فاش سمعت سميتي ماديت مجبت وانا نقوليه فين كتعرف سميتي؟ قاليا انا لي كنت معاك في الكورنيش..واتفاك وقاليا غدا غيكون نهار طويل عندك.  مازال مكملش هضرتو عفطت على الكسيراتون عفطة وحدة ههههه مع ديك الخلعة وليت كنحس براسي بحال فان ديزل في فلم فاست اند فاريوس هههههه من بعد ساعتين ديال السوغان فاق يونس وكمل الطريق شي شوية بدا كيغوت ويقول لفران مبغاش اشد والزمر شاد 140 كلم صافي وليت كنشوف لموت ومكنصلي ما والو باش غادي نلقا ربي و مي مسكينة أنا لكتشوف فيا الضو أنا الدري لعندها جينا تضحكو هجرناه و مع الطوموبيل فيها بواط فيتاس اوطوماتيك محدها غادا وكتكسيري تا وصلات 180 كلم انا صافي غمضت عينيا وبديت كنشهد شوية كنحس بالسرعة كتنقص ويونس كيقول صافي هاهو رجع لفران وكون مكانتش الطريق خاوية كون جمعونا في الميكات بحال التقليا.

شوية بانت لينا لبلاكة ديال الصخيرات باقا لينا 800 كلم ونوصلو وقفنا فواحد الصطاسيون كلينا شي لعيبات ودرنا المازوط ومن بعد كملنا طريقنا ماوقفنا حتا وصلنا عند السيد مهم فاش ولنا لدار كيحساب لينا غلطنا في العنوان حيت ديك الدار واقف حداها غير الحديد المقود من بعد تاكدنا بلي هاديك هي الدار ديال الفقيه لي نعت لينا ليه المشعوذ.
داك السيد معروف بالبركة ديالو بنادم كيعيط ليه من الاخر ديال الدنيا. دخلنا شدينا نوبتنا 66 سوايع وحنا كنتسناو عاد وصلات نوبتي.نضت دخلت عندو مع الدخلة حسيت براسي فشكل ومرتاح جلست حدا السيد وقاليا مالك اشنو عندك؟ عاودت ليه اشنو واقع ليا.
 وقلت ليه بلي قالينا واحد لفقيه بلي حضرنا ملكة الجن..واش هاد شي بصح؟ وهو يشد ليا في ايدي وبدا كيقرا عليا شي حاجة مفهمتهاش وقاليا اه لفقيه عندو الصح وهاد الملكة من اخطر الجن لي كينين مغتفرق معاك حتا تقتلك.
 انافهاد اللحظة شداتني لبكية تلفت في رشيد ويونس لقيتهم كيشوفو فيا واحد الشوفة ديال الشفقة وبحالا فعلا مت. ضرت عند السيد وقلت ليه واش مكينش شي حل؟ قاليا كين مي واعر عليك النتيجة ديالو وحدة من جوج ياما تشافا ياما تموت. مكينش شي خيار من غيرهم.
 قلت ليه غير توكل عالله انا كنفضل نموت ؤلا نبقا حياتي كلها كنتعذب, قاليا سير اغتاسل وتوضا وجي عندي مشيت درت داك شي لي قاليا ورجعت بقيت كنتسنا حتا خرج من عندو واحد السيد حيت دخلو في الوقيتة لي مشيت ندير فيها داك شي لي قاليا. من بعد دخلت قاليا نعس على ظهرك تكيت وهو يدير ليا شوية القطران في نيفي وبدا كيقرا عليا في القران وانا نحس بالراحة شوية غيبت ؤ واخا هكاك بقيت كنسمح صوت القران مي واحد اللحظة بديتك نحلم وداك الحلم معرفتش واش حقيقي ؤلا نيت حلم مهم شفت فيه ديك ختنا الجنية ولكن هاد المرة جاتني في صفة زوينة وقالت ليا صافي سخيتي بيا بغيتي تمشي وتخليني؟ ياك نتي لي حضرتيني وعلاش بغيتي تخليني دابا؟ قلت ليها اشنو بغيتي مني؟ قالت ليا بغيتك نتا ومدات ليا ادها وقالت ليا يلا معايا ولي بغيتيها غتكون ليك..
 انا مديت ليها ايدي حيت الصفة لي جات بها واعرة وعجباتني شوية تمينا غادين وانا نتفكر الواليدة وخوتي والاحلام ديالي داك شي كلو كيدوز قدام عينية ومحدنا غاديين وصوت القران كيتنقس شوية مابقيت كنسمع والو ؤ وصلنا لواحد الباب دخلات هيا و يلا بغيت ندخل وانا نسمع واحد الصوت خارج من داك الباب كيقوليا عنداك الدخل رجع منين جيتي..مي ديك ختنا قالت ليا متسمعش ليه را باغي يخرج عليك ويلا بغيت نحط رجلي في الباب باش ندخل وانا نسمع داك الصوت عوتاني ولكن هاد المرة كان مجهد وقاليا هرررررررب.. فهاد اللحظة علقت وماعرفش راسي حتا فين غدي نمشي ولكن ديك الجنية طارت عليا وقجاتني شوية رجعات ليها ديك الصفة الخيبة لي شفت في الدوش وانا نقوليها بعدي مني داك شي لي وقع را غير بالغلط وهي تقوليا غدي ندي روحك الى مبغيتيش تمشي..انا معرفتش اش طرا ليا حتا وليت كنقرا في القران وهي تبدا التحرق قدامي وانا نهرب شوية بديت كنسمع صوت القران بقيت تابع الصوت حتا...

يتبع...

قصتي مع الجن (الجزء 2)

 هاد سيمانة غدوز كحلة نهار الاول داز عادي من غير داك شي لي شفت في الدوش. مي في الليل منعستش بديت....

 كنحلم شي حلمات معرفت واش داك شي واقعي ؤلا غير احلام وملي فقت صباح لقيت راسي مسيق ومحاملش راسي دراري غدي يفهمو علاش ههههه معلينا مشيت دخلت ندوش مي هاد لمرة ما وقعش ليا بحالا لبارح دوشت عادي واخا كنت مخلوع في الاول مي زعمت.

لغد دار كانو دايرين خرجة لازمور غيدوزو شي يومين وقررت انا ورشيد نبقاو في دار باش نشوفو شي حل لهاد لحريرة. في الاول جاتهم فشكل كفاش مبغيناش نمشيو معاهم مي قدرنا نقنعوهم بلي عندنا شي بروغرام وماخصناش نفلتوه مهم خلاو لينا شي لعيبة ديال لفلوس ومشاو. داك نهار بقينا كنقلبو في الانترنيت على شي حل مي والو من بعد رشيد عيط ليه باباه باش يمشي يقضي ليه شي غراض في رباط ؤ واعدني باش غيجي في الصباح وبقيت انا بوحدي في دار وقلت ليه غير سير متخافش عليا را كينا لوناسة ههههه. مهم مشيت معاه حتا لاغار باش يركب وملي كنت راجع مشيت لكورنيش وبقيت مريح وكنخمم واحد اللحظة سهيت وهو يريح حدايا واحد الراجل كبير ولحيتو بيضة باينة فيه مدوز. قاليا من قبيلة ونتا هنا مالك غير ساهي وكتبان مهموم؟ قلت ليه الى عاودت ليك موحال تيقني. قاليا غير هضر وانا نقول مع راسي اش غدي نخسر الى عاودت ليه. مهم رتاحيت ليه وبديت كنعاود ليه. شوية وهي تقوليا واحد لمرا مالك اوليدي داوي غير بوحدك؟ بوحدي؟ تلفت للسيد لقيت غير لبرد. واتفاك... لمرا كانت باركة في الكرسي لي جنبي شي نص ساعة وانا داوي غير بوحدي . اواه واش بديت كنتسطا ؤلا شنو. نضت قصدت الدار وهدي غير لبدية..ملي قربت لدار قلت نمشي نقصي عند واحد كول لمسمن حدانا تما وكانو ورايا جوج رجال كيهضرو على شي ولد كان مسكون وجربو معاه غاع لحلول مي والو في الاخر تسطا. انا كيسمعت هاد لهضرة تسدات ليا الشهية وبقيت كنقول مع راسي شتي زعامة ديالي فين وصلاتني انا لي كنت ناوي نضحك ونشط فهاد الصيف شو فين وصلت. واش درت شي ذنب نستاهل عليه هادشي؟
جمعت لوقفة خلصت السيد واخا مكليت والو مكانش عندو منين يدوز وقصدت الدار فاش دخلت بديت  كنشم ريحت الحراق اواه اش هادشي؟ حليت لباب ودخلت بالزربة قصدت لكوزينة ولكن مالقيت والو. الحمد الله غير كنت كنتخايل. صافي نسيت هاد شي ومشيت لبيتي شعلت البلاي وبقيت كنقصر وداك الشعور ديال الوناسا وانا ماشي بوحدي مبغاش افارقني وكنسمع التقرقيب في الدار هاد شي كلو وبقيت كنحاول نقنع راسي بلي غير كنتخايل وانا مقادش نوض نشوف اش واقع حتا داني نعاس.
 وملي فقت لقيت راسي مشلول. ناري اش هاد شي؟ هزيت عيني وهي تبان ليا ديك ختنا ديال الدوش صافي هنا لعقل طار من بلاصتو وكون مكنتش مشلول كون تلاحيت من الشرجم. مدواتش معايا مي عينيها خلاوني نغيب عوتاني. وملي فقت لقيت جنابي كلهم زرغين ولحمي معضوض وعنقي فيه شي قمشات واتفاك. ضربت على المغانة لقيتها يلا الستة. وايلي اش هاد الثب هاد شي كلو ومزال مطاح الظلام؟
 ومن قلت الزهر ديك اللعشية تقطع الضو وهاد شي كلو ومزال صابر وكنقول دابا يفرج الله. مهم مشيت لحانوت جبت الشمع درت الكيت وخدمت الراديو في التيلي واحد شوية وانا نسمع الباب دار ردددددددخ وانا سديتو قبل مندخل بديت كنقرا في القران ولساني غادي وكيتقال عليا شوية داك الشمع طفا غير بوحدو شوية داك الشمع طفا غير بوحدو وبدا التقرقيب في الدار وانا مبقيت كنشوف والو  وحسيت براسي ترفعت بغيت نغوت مي مقدرتش شي شوية وانا نسمع واحد الصوت ديال مرا دوا ليا في ودني..قالت ليا نتا واعر ياك؟ ليوم غدي تخلص وان انتهز من الارض وتخبطت وعاود تهزيت وتخبطت من بعد مبقيت عاقل على تاوزة ما غنفيق غير على الاذان ديال الصبح من تما مبقا جاني نعاس.

بقيت حال عينيا حتال الصباح ضربات ديك 88 وانا نسمع الدقان في لباب في الاول مبغيتش نحل كيحساب غير كنتخايل ؤلا شي حاجة شوية كنسمع الصوت ديال رشيد حليت مع شافني فديك لحالة قاليا معامن الضاربتي امسخوط؟ قلت ليه تاشمن مضاربة؟ قاليا مال وجهك هاكا؟ مشيت ضربت طلة في المرايا وانا نلقا حالتي تشفي العدو كلي دمايات وعينيا زرغين مهم مافيا ميتشاف.
غسلت وجهي ومشيت  ريحت مع رشيد بقينا داوين وقاليا بلي خاصنا نسافرو عند واحد الفقيه نعتوه ليه شي ناس وهاد الفقيه كين في سيدي بنور وقاطع ايدو من ايد الرحمان كيعاودو عليه بلي مشعوذ مقود. من بعد مشيت ندوش وخليت رشيد كيوجد لفطور وملي ريحنا قلت ليه علا شنتا موقع ليك والو غير انا بوحدي لي تمسيت؟ قاليا انا را محصن راسي حتا شي حاجة مغتوقع ليا. قلت ليه ياك اولد الطحبة ديك ساعة حصني حتا انا عاد جرب هاد الثب. قاليا لي عطا الله عطاه دابا. نود جمع الوقفة ويلا نشدو لكار.
 هي هديك مشينا لمحطة قطعنا بقينا كنتسناو لكار حتى جا من بعد شدينا طريق ديك السعتين دازت عليا بحال عام طريق كلها وانا غير كنخمم. ملي وصلنا قصدنا واحد الدوار وهاداك الدوار عالم بوحدو بنادم مجرتل وموسخ وكل جوج خطوات تلقا جوج عيالات مناتفات يا ربي السلامة ولبعالك فيهم قلت اللحيا كين لي يدوز من حداك عريان ؤلا كان غاع لابس شي حاجة كتلقاه لابس غرسون ؤلا لابس تريكو بوحدو ههههههه. وفينما ندخلو مع شي دريبة يخرج ليك بعلوك.. عمي عطيني درهم.
 وصلنا لواحد لبراكة غير الشوفة فيها كتزرع فيك الرعب وملي دخلنا لقينا بزاف ديال العيالات ها لي باغا تزوج ها لي باغا ثقف مهم متبقاوش ثيقو في المسطاشات.
33 د سوايع و حنا كنتسناو في نوبتنا عاد وصلات دخلنا لبيت وحنا نلقاو واحد الشارف داير بحال جاك سبارو والبيت عندو كلو مجامر ودخان. قاليا جلس أ زهير. انا تعجبت وقلت ليه باش عرفتي سميتي؟ قاليا ريح وبلا متبقا تسول انا عارفكم لاش جيتو. منكذبش عليكم كنت على بونت ونخرى في سروالي حاشاكم وحتا رشيد براسو تخلع. او كفاش داك خونا حتا عارف علينا كولشي؟
 مهم قلت ليه ودابا اسي لفقيه تقدر تقولينا اشنو وقع؟ قاليا نتوما حضرتو جنية وماشي اي جنية را الملكة ديال واحد لقبيلة لي حضرتو ونبشرك غير ملي مازال باقي عندك لعقل ومازال حي راك مرضي.
قلت ليه واش كين شي حل؟ عطاني واحد الحجاب قاليا علقو في عنقك هاد لحجاب غدي يبعدها عليك 33 ايام وفهاد المدة خاصك تمشي عند واحد الفقيه في الصخيرات ولكن الطريق غتكون صعيبة حيت هاد ملكة الجن غتصيفت ليك الجنون لي معاها باش ميخليوكمش توصلو على خير.
وقاليا بلي السيد لي في الصخيرات غالي وغتخصك شي 40000 درهم باش يفكك. مهم خديت داك الحجاب وعطيتو 100 درهم وشدينا طريق فحالنا. فاش علقت داك الحجاب حسيت براسي شوية و مرتاح. ولكن عندي غير 3ايام وخاصنا نمشيو لصخيرات بكري. وفاش كنا راجعين صونات ليا الواليدة.. الو زهير لاباس؟ كنت بغيت نقوليها مالاباس والو أميمتي جي را تقادري تلقاي ولدك نتاحر و لا هبل جي نشوفك أخر مرة جي نشم ريحتك أميمتي مي شديت فراسي وقلت ليها كيداير الجو عندكم تما؟ قالت ليا والله اوليدي ممرتاحة من جيهتك قلت ليها ماتخافي والو راني بيخير ها رشيد معايا سوليه. مهم قالت ليا بلي غدين يزيدو شي يامات تما. مهم ساليت معاها لهضرة.

يتبع...

قصتي مع الجن -الجزء 1 - (قصة واقعية)

غدي نبدا ليكم قصتي بلا مقدمة ؤلا مؤخرة.
 من بعد ما كملت القرايا في الليسي شدينا العطلة وكما كتعرفو العطلة في المغرب كتجي مع وقيت الصيف

مكين غير تبحرات والنعاس والتفرويح والتيتيز وداك شي مي هاد الصيف مغديش ادوز كما كنت معول.
 فكل عطلة ديال الصيف كتجمع العائلة في الدار عندنا حيت حنا كنا ساكنين مع جدي داك الشي علاش لي كين فشي قنت كيجي لدار جدي وكندوزو العطلة مجموعين وكل مرا وفين وكان كيعجبني هاد الجو بزاف. خصوصا ملي كيجي واحد ولد عمي كنتشابه انا وياه فبزاف ديال لحوايج وكنا حنا هما لمساخيط ديال العائلة فينما كانت شي مصيبة تلقانا فيها هههههه مي هوزايد عليا نغزة حيت كان مامن بالجن بزاف وكان كقرا على ماوراء الطبيعة وتحضير الارواح وملي جا وهو فارع ليا مخي بهاد شي وبلي يقدر يحضر الجنون مهم فاش قالها ليا خريت عليه بالضحك قلت ليه اشمن جنون ؤلا ثبي ولكن غدي نهجرو في اللخر.
لغد فقنا فطرنا مع الدار و من بعد لبسنا الشورطات و مشينا لبحر مع ديك 10 مدخلنا لدار حتال 88 جينا عيانين وميتين بالجوع دوشنا وخشينا فوجهنا من بعد دار خرجو يدورو وحنا مع العيا بقينا في دار وقلبناها بلاي بقينا مقصرين شوية وهو يقوليا اش بان ليك نخرجو شي جن فهاد الليل ؟ وانا نقوليه ملي جيتي ونتا فارع ليا راسي فهاد شي حطيت المنيطة وانا نقوليه يلاه اسي لفقيه بين ليا نشوف. وكون غير سديت فمي وسكت ولكن زعامة خيبا. قاليا تسنا مشا جاب الشمع من لحانوت وشد واحد الورقة بدا كزمم فيها من بعد جاب زلافة حطها فوقها وحط الشمع وطفا الضو وقاليا الى شفت شي حاجة منتخلعش ومندير حتا شي حركة وانا كنضحك عليه فخاطري وكنقول فراسي واش هاد لولد لعبد من نيتو؟
 من بعد بدا الطقوس ديالو وشي شوية سمعت بحال الصوت ديال لباب كتحل مي مثقتش قلت غير لبرد لي حلو ؤلا غير كنتخايل ولكن حسيت بواحد الاحساس غريب الزغب ديال ايدي وقف مي مبينتش رشيد باش منبانش خايف. ماحد الوقت كيدوز ورشيد كيقول شي هضرة فشكل مافهمت والو بقيت شحال كنسمع وكنتصنت اش كيقول وانا نفهم بلي كيقرا القران بالمقلوب شي شوية بنت ليا زلافة كتحرك ناري مي. وبديت كنحس بلي شي حاجة ماشي نورمال شوية و هو ينطق رشيد وقال بين ليا راك هنا.. هدي هي كلمتو لي قال من بعد وهي تقلب زلافة والشمع طفا فهاد اللحظة بديت كنحس بلرض كدور بيا وقلت الى بقيت هنا غدي نموت بقوة ديك الخلعة لي حسيت بيها وكانت اول مرة جمعت الجريا ودرت داك شي لي قال يا رشيد منديروش هربت تما بدا الضو كيشعل ويطفا شوية كنحس براسي بحالا ضربني شي كاميو وتلاحيت من شي جرف وبقيت كنتركب اخر حاجة عقلت عليها هي صوت ولد عمي اناس اناس فيق من بعد غيبت وملي فقت صباح لقيت رشيد حدا راسي هو والواليدة عينيهاحمرين بالبكا شفت في ولد عمي وهو يغمزني باش منقول والو حيت فاش جاو الدار ولقاوني مغيب قاليهم مشا يجيب مناكلو وهو يطيح وغيب.
 قلت لواليدة متخافيش را غير مع لعيا وصافي وقلت ليها فيا الجوع بغيتها تمشي باش نبقا غير انا ورشيد حيت فاش فقت الصباح لقيت جنبي زرغ وعاطيني صداع بزاف. مشات لواليدة وانا نسولو اش وقع لبارح؟ وجهو ولا صفر لون مقطوع فيه قلت ليه مالك اثبي دخلاتك لموت؟ قوليا اشنو وقع ليا؟ قاليا داك شي لي وقع ليك لبارح غير شوية من بزاف. قلت ليه كفاش غير شوية من بزاف؟قاليا لبارح فاش هربتي راك بحالا تحديت داك الجن لي خرج ودابا مغديش اتفرق منك وعندك جوج حوايج يا اما غتنتاحر ؤلا غتصطا. ملي سمعت هاد لهضرة برد ليا لما في الركابي مابقيت عارف اش نقول ؤلا اش ندير. شوية وهي تعيط علينا لواليدة باش نفطرو مشينا انا معنديش منين ادوز ليا وبقيت جالس وساكت وكولشي جاتو عجب حيت موالف ديما ناشط مي هضرت رشيد زرعات فيا الرعب.
من بعد نضت ومشيت ندوش طلقت السخون وبديت كنغسل  شوية غمضت عينيا وترخيت ومني بغيت نحلهم والو مبغاوش اتحلو ليا عينيا ومبقيتش قادر حتا نتحرك شي 5 دقايق وانا مكوانسي شوية بدا كشعل ليا الضو في عينيا بديت كنحل فعينيا بزز مع حليتهم وانا نشوف واحد المنظر لي متمناهش ليهودي. شفت واحد لمرا لابسة البيض وشعرها مشعكك وملي ضربت ليها على رجليها لقيتهم بحال ديال الماعز. مع شفت داك الديكور محسيتش براسي حتا لقيت راسي في بيتي حتا الدار مفهمو والو دزت من قدامهم كي زواق. بقيت متكي في بلاصتي وانا نسمع لواليد كيقول لواليدة نوضي شوفيه مالو. وهو يقوليها رشيد غير خليك انا غنطل عليه. جا عندي وانا نعاود ليه على المشهد لي شفت. وهو يقوليا شناوا؟ وكفا شحتا باقي بعقلك؟ كون كان شي حد فبلاصتك تصطا. وهو يقوليا انا هو السباب غير سمح ليا والله كون كنت عارف هاد شي غيوقع والله ما نديرو. قلت ليه صافي اثبي بلا متقلبها دراما دابا واش كين شي حل لهاد لمصيبة ؤلا نمشي نهضر مع الدار؟ قاليا صبر واحد سيمانة.

يتبع...

بيض و كحل (الحلقة 17 و الأخيرة)

 تنشوف فلواليدة مزال شادالي فيدي وتتدعي قلت ليها لواليدة

واهيا رجولة لعمالة سبتي سبتي سبتي وليتي تخرجي من لمغرب بلا شواري تتضحك قالت ليا ولدي لحمد لله لي رجعك خلعتينا عليك تنشوف فيها فين هيا مريم ؟ قالت ليا راه فدار ختك لكبيرة غادي تبقى عندها قلت ليها وخا صافي هادشي لي وقع قالت ليا أه كلشي تيسول عليك إمتى غادي تفيق لينا على رجليك قلت ليها لله يخليك ليا دعاويك لي مخليني معاكم وهيا تدخل لفرملية قالت ليهم راه خاصو يرتاح خرجو بقيت مع ديك لفرملية قلت ليه علاش متنقدرش نتحرك عادي قالت ليا راه أثار لبنج فدمك و لعملية كانت صعيبة مزال معرفناش شنو لأثار لجانبية غدا نحيدو هادشي لي فراسك ولكن موحال تخرج هاد شهر قلت ليها وخا خلاتني بوحدي بزز باش جاني نعاس تنحس براسي خفيف ولاد ناس غيكونو حيدو ليا شي طرف مليح هههه لمخ راه تيجي بنين مع مطيشة شرمولة ناري خاصني نسولهم عليه , لغد ليه فيقوني بركت بزز تنحس بيدي مكينينش ولكن تنحرك صباعي بزز حيدولي داكشي لي فوجهي وهو يباليا داك طبيب لي دارلي لعملية قلت ليه شكرا قاليا شكرا لك نتا لي عطيتيني لفرصة قلت ليه مرحبا ضارتي لمصران زايد غنحتاجك تحيدو أصلا هو غير زايد خونا مضحكش مفهمهاش جا واحد طبيب أخر قلت ليه علاش منقدرش نتحرك عادي قاليا بشويا بشويا غادي ترجع تحرك متخافش غير شويا ديال ترويض بقينا داوين وهيا تدخل لاورا ومعاها لمحامي قاليا واش بصح فقتي فلعملية قلت ليه أه عاقل على شي حوايج لبرد و ضو فوق راسي شي 5 لبولات وهو يشوف فيها قاليا غيكون بصح فاق فلعملية سولاتو شنو نقدرو نديرو قاليها كلشي نقدرو نرفعو دعوة على لمستشفى و ... قالت ليه دير هادشي تنشوف فيها مكين لاش صافي لحمد لله خاص غير نرجع نتحرك قالتلي نتا معارف والو خاص لابدة ندويو على هادشي باش ميعاودش يوقع قلت ليها لي باليك فين هيا لواليدة قالتلي خليتها فدار مسكينة 3 ايام منعساتش فحال ناس تتنعس فوق لكرسي خفت عليها أنا ولله وحتى نتى خلعتينا علك ومفقتيش بزربا قلت ليها سمحولي وهيا تشدلي فيدي غير فيق أولد ناس بقيت فداك صبيطار شويا و حولوني لواحد أخر حيت لاورا رفعات عليهم دعوة مجاتش نبقى تما مشيت لواحد قريب شويا لدارنا بشويا بشويا تنرجع تنتحرك يديا لخياطة لي فيهم تجمعات ولكن مزال بينا خططني ولد لحرام وجهي ويديا ودبا راسي خاص نربي لحية وشعر لمهم رجعت تنحرك يديا ماشي كيف لول ولكن شويا لواليدة كل صباح وعشيا تتجي عندي هيا و لاورا قالولي رجليك صعيب يرطعو كيف كانو دبا خاصك لوقت وترويض خرجوني رجعت لدار فلكرسي خاص لي يقابلني لواليدة مكتفارقنيش بقينا هكدا بشويا بشويا تنرجع كيف كنت بداو لجلسات ديال ديك لقضية لي رفعنا على داك صبيطار %100 رابحينها حيت داكشي لي قلت ليهم هو لي كان وطلقتها عليهم فلجلسة حتى أنا قلت ليهم تخلق ليا مشكل فحياتي بسباب ديك دقيقة لي فقتها تنحلم بداكشي تفيق وتلقا شي واحد حال ليك لبواطة ديال رايك وتيلعب ليك بدماغك بديت تندمع ديك لقاضية دموعها سالو كانت غتكتب ليا داك صبيطار تعويض عندي موهبة ديال تمتيل هو راه مكين والو من هادشي غير حليت عينيا وسديتهم , لاورا فشهرها 8 مبقى والو تافقنا بلي غادي تولد غنزلو كاملين لمغرب هاد لمرة غادين نبقاو تما نبقاو نجيو نشوفو لخدمة وكدا شحال مقودة تولد وأنا فوق كرسي منقدر نديها لصبيطار منقدر ندير والو رجليا ولعكاز وبزز باش بديت تنوقف شويا أما يديا فصال ديال فترويض تنهز بيهم تقل ديال بصح صافي رجعو كيف كانو وحسن خالعني غير داكشي* عندي أخويا نولي هامل لماطريال هو لول تنسول تيضحكو عليا متخافش دبا ترجع تحكم فكلشي عادي شعر بدا تيكبر تاني وصل نهار لي غادي تولد فيه معرفتش علاش عزيز عليهم يولدو فليل و فدوك لأوقات ديال 1 ولفوق معندي مندير ليها تنعيط على لواليدة جات للبيت تتدوي معاها قالتلي غتولد صافي تنقول ليها شنو غنديرو وهيا تشوف فلكرسي لواليدة حربية أخويا هزاتها مع لعلم لاورا من داك نوع لوازن وعاد لكرش تنقوليها لواليدة صبيطار فلخر ديال شارع بقاي معاها قالت ليا وخا خرجاتها تنقلب على لعكاز لقيتو تحت ناموسية ولكن والو بزز باش خرجت بيه قدام دار واحد سيد شافني غادي غير بزز وحوايج ديال دار قاليا مالك قلت ليه خاصني نوصل لصبيطار وهو يحطلي يدي على كتفو عاوني وصلني لتما بنادم عندو صحتو وحاسدك شي حاجة بسيطة وتيحسابلك عادية ولكن فاش تتمشي عاد تتعرف قيمتها بحالا قلتي شي بنادم ديما معاك تيجيك عادي فلان حتى تيمشي ولا تتوقعلو شي حاجة عاد تتعرف بقيمتو فحال هكدا وقعلي مع رجليا ويديا تقريبا كامل بزز باش وصلني داك سيد لبيت لي فيه لواليدة و لاورا قاليا غنمشي قلتلو شكرا وخرج بقيت تنعيط على لواليدة وهيا تخرج قالت ليا صبر شويا بقى بارك هنا رتاح كلشي بيخير.  بقيت بارك قدام لباب ديال ديك لغرفة حتى خرجات لواليدة تاني قالت ليا مبروك ولد فحال لبيضة لمنقية عاوناتني ندخل شعور فشكل فاش شديتو عرفتي بحالاش اطط نشرح ليك دبا فاش تتجي شي حاجة من دمك شي حاجة غتزيد تقربك من داك بنادم لي قررتي أنك تكمل حياتك معاه😍😍 تنشوف فيها بنت ناس دري  متيشبهش ليا شكون باه صدمتها هههه قالتلي آرا لولد دبا طيحو جابولي لكرسي ديالي معمري شفت لواليدة فرحانة هكدا قلت ليها ماشي أول مرة يتزاد عندك حفيد قالت ليا لا نتا حالة خاصة عنقتها بقى خاص غير لواليد فهاد نهار لله يرحمو صافي غادين نسميوه على إسم لواليد مصطفى , لغد ليه رجعنا لدار جاو عائلة لاورا وخالتها وبنادم لي خدام معانا لغد ليه تيعيط ليا لمحامي قاليا راه لقاضي خرج ليك تعويض مبروك واااااع دري جاي برزقو بعد شي سيمانة غير قادين لوريقات و لعاقة طلعنا لمغرب غادي راجع فكرسي وصلنا لقينا يحيى تيتسنانى طلعها عليا لكرسي دلمرض بازليهم لي ديما فيه وصلنا لدار مع نزلنا من طونوبيل ديالو تتباليا لبرهوشة ديال مريم جايا تتجري عنقتني قلت ليها لبرهوشة وليتي عمة وهيا تتشوف فمصطفى دخلنا لدار بركوني فوق واحد لفوطاي فصالون باركين تيلعبو مع لبرهوش صغير تنشوف فيحيى ..
_مالك حاضيني ؟
_ساط واش مكتموتش فحال لقط ب 9 رواح أصاحبي
_ههههههه مغادي نموت حتى ناكل سكسو فجنازتك متخافش
 وهيا تجي لبرهشة ديال ختي بركات حدانا تينعتلها بصبعو باش تسكت قلت ليها دوي نتي شنو كين قالت ليا راه داك لولد تعرضلي قدام ليسي وضربني , كيفاش ولد **** غنمشي ليهم دبا تنشوف فيحيى نوضني أثبي قاليا غير رتاح قالتلي غير ريح راه جا يحيى و ضربو حتى قلنا غيموت دخل على ودو لحبس تنشوف فيه دموع سالو أساط بصح هادشي ؟ قاليا وشنو راها خت خويا وموصيني عليها دموع دموع تشهيتو نبوسو فديك ساعة بقات لواليدة تترضي عليه بقينا باركين خاصني ندير ترويض باغي نوقف على رجليا قالتلي لواليدة غنديك عندك واحد سيدة يديها فحالا من لجنة وتفكرني قلت ليها وخا جاو خواتاتي يحيى شاف لقدية فيها لحريم قاليا خويا محمد نمشي أنا غدا نشوفك خرج بقيت تندور هادشي لي دارو معايا فدماغي و حتى داكشي لي كان دار شحال هادي سبحان مغير لأحوال لواليدة و خواتاتي تيدويو على شنو غيديرو لغد ليه دارو رفيسة وداكشي بعدها داني يحيى و لواليدة عند ديك سيدة فحال رحمة ربي داكشي لي تيديرو بنادم بصرف ديال بصح وجميل دارتو هيا غير بضحك و 20 درهم , بشويا بشويا لمطريال رجع كيف كان😢😂 خويا كان خالعني هههه  لمهم غير وقفت على رجليا دبحنا لمصطفى وسميناه ... قررت أنا و سارة (ف فرنسا سميتها لاورا فلمغرب سارة😂) لمهم تافقنا بلي غنبقاو نزلو لفرنسا كل شهرين تشوف خدمتها و أنا راه ضامن مستقبل لبرهوش د ولدي لله يسمحلي من جهة داك صبيطار نكحتهم بسباب دوك تواني لي حليت عينيا فيهم😂😂 عايشين فدار  والديا ميكن لاش نتحولو أصلا دار كبيرة و لواليدة مغاديش تخلينا نخرجو وحتى سارة ولفات لجو مع مريم و لواليدة تيعاونوها على مصطفى , يحيى كل نهار مبرزطلي راسي نخرجو نديرو قهوة نلعبو شي بياسة فلبلاي فحال شحال هادي ... نديرو شي طاجين راس فراس وليت شاك فيه ثامل وتيبغيني😂 سيد زاد فيه أويلي .  مرة مرة تيجي شي قمقوم من عائلة سارة قالوليك مبقاتش زوينة و الله أعلم أصلا لجو ديال لمغرب متيخلي حتى واحد زوين😂 ولكن فعينيا غتبقى ديما كيفما شفتها نهار لول ويمكن حتى هيا تتشوف فيا بنفس نظرة  أصلا مزال ممتيقاش بلي بقيت حي بعد كاع دوك لي ماتو قبل مني تراني شريف أشريف آه واحد نهار مشيت نشوف دراري ولبنات لي كنت ساكن معاهم وديت سارة و ولدنا ومن زهري معامن تلاقيت مع بات هناء دموعي سالو أصاحبي شرحتلو بلي أنا مليا والو فداكشي لي وقع ليها وريتو يديا وضربة لي فوجهي مخبيها غير بلحية هادشي دارو لي قتلها حيت أنا كنت تنقلب عليه وبسبابي تشد قاليا وخا هكداك أنا خليتها تمشي حيت نتا غادي يعني أمانة عندك بنتي هاديك لي ماتت معمرها ترجع ... معقلتش على داك نهار كيفاش داز مع دوك ناس لمكتاب هو هدا باش عرفتها غتموت وهيا ديجا غادا على حساب خونا معندي مندار لله يرحمها , رجعنا لدارنا لقديمة فدرب لقديم لي ساكن فيه يحيى ودبا مبقاش تيتفرق عليا دبصح كل نهار جاي لعندي . تنمشي أنا و سارة و مصطفى لديك لبلاد كل شهرين تيليفوني متيسكتش تيسولو عليا نغبر غير يوماين تيندموني عليهم ولكن زوينة تكون عندك عائلة يسولو عليك ويخافو عليك و صحاب غير هو خاصك تعرف معامن صعيب تلقا داك بنادم لي يقدر يدير معاك وعلك أي حاجة وغالبا متيقولش لك هادشي فوجهك يقدر يسبك فوجهك وميخليش لي يسبك فضهرك لمهم نخليكم دبا نمشي نتعشا (النهاية)

بيض و كحل (الحلقة 16)

 مبقيتش عارف شنو نقول خرجنا من تمت لاورا تتسول فيا واش هيا واش هيا

مقدرتش ندوي شنو غادي نقول لباها شكون دار ليها هكدا وعلاش شكلها قبيلا معمرو يتنسالي بنادم لي تيعرفني تيموت انا هو لايت ياجامي مشينا لدار دخلت ندوش خارجت بركنا قلت ليها لبنت ماتت مقتولا وهيا تصدم لا هيا متتعرف حتى واحد قلت ليها يمكن شي واحد بغى يكريسيها ولكن دبا لواليد ديالها موصيني عليها نتي معارفاش شحال عزيزا عليه وشنو يدير على ودها حتى هيا بسبابي ماتت كان خاصني نقابلها كيما واعدتو كيفاش غادي نقولها ليه دبا منقدرش قالت ليا صافي لبوليس غادين يقولوها ليه قلت ليها يلاه لدارها نشوفو نمرة باها مشينا بزوج دخلنا لداك لبيت لقينا تيليفونها قالتلي لاورا متمسوش غتولي فشي مشاكل عيطات على لبوليس وريناهم لبيت ديالها و حوايجها تيقلبو فداكشي وريتهم نمرة باها و خديتها مشيت مشينا معاهم قيدو لإفادة ديالنا داك لبوليسي عطا نمرة لواحد خونا مقابل تما عيط عليه تنتخايل باش غادي يحس فاش غادي يعرف بلي نتو ماتت تنسمع خونا تيصبر فيه قاليه واش عندها شي أعداء ولا شي نزاع مع شي واحد بقاو داوين شويا وهو يقطع منعرف شنو قال لداك لبوليسي جا لعندي قاليا واش نتا هو محمد قلت ليه أه قاليا نتا هو لمتهم لول لي كين لاورا وهيا تشد فيا كيفاش علاش قاليها باها قال بلي كانو عندها مشاكل فاش جات هنا معاه قالت ليه لا لا أنا وراجلي كنا مسافرين لمغرب قبل ميوقع هادشي خليناها خدامة و ناس لي خدامين عندنا شاهدين و وراقي طيارة وتصاور قاليها سيري جيبيهم و إلا كان محامي غيكون حسن أنا مزال مفاهم والو باغين يبركوني على لقرعة ديال شمبانيا دخلوني لواحد لبيت بارك معرفتش نتقلق على لبنت لي ماتت صغيرة ولا عليا لي غنمشي مضلوم ولكن مطولوش بزاف باش طلقوني جا لمحامي ناس لي خدامين معانا لوراق ديال طيارة و زيد وزيد طلقونا خرجنا من تما مشينا لدار ضرتني خاطري أصحبي شكون دار ليها هكدا هيا أصلا مهازاش فلوس وعلاش تخرج من دار وهيا حتى تيليفونها مخلياه فدار و تمشي لبلاصة فحال هاديك لاورا تتقوليا محمد صافي هادشي لي وقع ماشي بسبابك نتا عندك عملية ركز فيها وفيا وفولدك وعائلتك فليل مجانيش نعاس تنتفكر ختنى وديك ضربة فعنقها بين عينيا بقيت سهران مشيت للكوزينة حليت واحد لقرعة لكاس لول تاني لقيت راسي ضارب نصها معقلتش كيفاش رجعت لبيت ونعست لغد ليه تتفيق فيا ويلي شارب واش نتا مريض مخاصكش تشرب هاد لأيام أنا فايق مبوق تنبرد فيها صافي صافي غير لبارح غادي نحيدو كاع داكشي من دار قالت ليا لا خليه غير لضيفان نتا لي تحكم فراسك شويا... بصح فرشتها لبارح مناش مجاش شي دخان ولا شي حاجة ففمي خرجنا بزوجنا توصلني لترويض وتمشي للخدمة دخلت وهادشي لي درت كملت ومشيت لحقت عليها لمطعم تتقوليا ريح رتاح شويا قلت ليها والو غير خليني نتحرك نخدم دخلت للبيت نبدل حوايجي تتباليا طابلية ديالها جيب فيه شي ورقة بزربا جبدتها تنشوف فيها شي عنوان فلول قاليا راسي نديه لبوليس ولكن لا أنا باغي نعرف شنو وقع ولا غيبقى ضارني راسي خارج من تما تتسول فيا ياك قلتي باغي تخدم شنو وقعليك مجاوبتهاش هزيت سوارتها ديال طونوبيل وغادي لداك لعنوان وصلت ليه دار فواحد لبلاصة زوينة تندق وهيا تحل واحد شيبانية سلام سلام قلت ليها نقدر نسولك قالتلي أه مرحبا جبدت تصويرة ديال هناء وريتها ليها قالت ليا ولدي معمري شفتها قلت ليها تأكدي مزيان راه لقيت عنوان دارك فجيبها هاد لبنت ماتت ومبغيتش ندي لورقة لبوليس قالت ليا دويت معاك معمري شفتها جبدت كارطة فيها نمرة تيليفوني قلت ليها إلا عقلتي على شي حاجة ها نمرتي غدا غادي ندي هاد لورقة للبوليس قالت ليا اه صافي إلا كان شي جديد أنا غاديا نعيطليك خليتها ورجعت للخدمة صيفطت لاورا لدار حاملا خاصها ترتاح أنا غنبقى حتال لعشيا بارك شاد تيليفوني داوي مع لبرهوشة ديال ختي و لواليدة حتال ليل تنوري فيهم ديك لبلاصة فين خدامين وبلي مبقى والو للعملية وغادي نرجع بارك فليل حاط قدامي لعاقة تنحسب فيها ملقيت ميدار وهيا تصوني ليا لاورا قالت ليا شي واحد تيدور بدار من قبيلا وتيشوف فيها قلت ليها عيطي على لبوليس خرجت طيارة دار غير قريبة معقلتش كيفاش تنجري لتما تنتفكر شيبانية لكارطة لي عطيتها فيها لعنوان ديال دار ولمطعم وصلت تيباليا لباب محلول باش دخلت تيباليا واحد خونا شاد موس وهيا واقفة عند لحيط تنقوليا شكون نتا وهو يقصدني تيباليا غير لفاز لي حدا لباب صيفطتو ليه ولله ما قصحو قاصدني كان باغي يضربني لعنقي معرفتش كيفاش خويت جاتني لوجهي شديت لموس بيديا صباعي غادين يتقطعو وهيا تنزل عليه لاورا بواحد لقرعة ديال شراب طاح دودة تنشوف فيدي محلولة تتقوليا ريح حطاتلي شي حاجة على وجهي وهوما يدخلو لبوليس بزربا شدو خونا عيكو على AMBULANCE وضرباا هيا فوجهي ويديا تنسول غير على مراتي و لي فكرشها تتقوليا ممسنيش متخافش ولكن نتا شوف شنو وقع ليك تتبكي ؟! لمهم مشينا خيطولي شي 12 غرزة فوجهي ويديا بزوج شي 32 , جاو لبوليس نعتليهم دار ديك شيبانية , بقيت انا فداك صبيطار لاورا متفرقاتش عليا من بعد عرفنا بلي ديك شيبانية ماماه و %100 هو لي قتل هناء وسمعوني لهضرة على ديك لورقة بسبابي وفهاماتي زايدين كان يمكن توقع شي حاجة خيبة ل لاورا ولولدنا كون ما حفظهم لله أما أنا عندي هانية رجعني لوحة فنية خططني ولد لحرام  يا لعداااب عندي عملية قريبة ودبا هاد ضربات من حيث لا أدري بقيت انا فداك صبيطار لاورا متفرقاتش عليا من بعد عرفنا بلي ديك شيبانية ماماه و %100 هو لي قتل هناء وسمعوني لهضرة على ديك لورقة بسبابي وفهاماتي زايدين كان يمكن توقع شي حاجة خيبة ل لاورا ولولدنا كون ما حفظهم لله أما أنا عندي هانية تندور ونسولها ياك بعدا تتحسي برايك بيخير ودري عادي تتقوليا يا لمسخوط شوف غير فوجهك ويديك قلت ليها يوقعلي لي وقع أنا أصلا موحال نعيش لمهم نتي ولولد بقيت تما واحد ليوماين داك خونا هو لي قتل هناء كان تيعرفها من فاش كانت مزال فلمغرب حولها قلبات عليا فاش جينا دبا صورة بدات كتوضاح قدامي كانت دايراني غير طريق باش تجي هيا ديجا معولا غتلاقا بخونا هنا قالو بلي وقع بيناتهم شي مشكل وكانو غيتفارقو داك خونا ديجا عندو مشاكل فدماغو حمق مصبرش عيط عليها زعما باش يتوادعو وضربها بموس هو دبا فصبيطار دلحماق ومو فلحبس شيبانية مسويهلاش بزربا عطات للحمق ديال ولدها لخبار سخونة كون وقعات لولدي ولا لاورا شي حاجة ناري لحرب لعالمية 3 غتنوض قبل من لوقت😅 خرجت من نهار تضربت وهيا تتوكلني بيديها لحمام حريرتو حريرة تنفضل منعاودش ليكم😂😂😂 كتبولي واحد لبوماضا ساوية تراه  جلدي بزربا تجمع عاد بديت فتانية تتخبي لأثر رجعت لترويض مكتفرقش عليا ليل ونهار ولات هيا يديا غادي ندخل للعملية هكدا بقاو شي 3 يام تندويو مع دار لواليدة تتبكي قلت ليها لله غيدير لي فيها لخير إلا مرجعتش هانتوما تتشوفو فبعضكم هيا غتجي لتما بغيت ولدي يتربى تما... بقينا كل نهار تندويو معاهم هناء ولا قول لي بقى منها صيفطوه لمغرب يمكن حتى أنا نرجع هكداك فصندوق ولا نتدفن هنا وصلت ليلة لي قبل من لعملية مشينا دخلوني بقاو تيقراو عليا فديك لخبرة ديالهم لاورا خرجات مخلاوهاش تبقى معايا لوقت دايز فحال دكاكة تقيييييل وصاوني باش ننعس مزيان ولكن مجانيش تراه ملابس والو هاد شرويطة يجي شي ولد لعبد هارب ليه يولي متقرب مني وأنا ناعس😂 وصل نهار لي تنتسناوه دخلات واحد لممرضة تنسولها على لاورا  قالت ليا متقدرش تشوفها دبا صبر قلت ليها وخا عطاتني واحد لبرى قالتلي باش لجسد ديالك يترخى ويستعد واحد شويا وهيا تجي تاني هاد لمرة جايبا ماكينة ديال لحسانة قرعاتلي أخويا ضرباتني ل 1 وليت فحال هداك لي على بالك وي تندوي على جوني غير أنا سمر وزوين عليه بنسبة لناس لي معرفوهش مبروك لجنة من دبا لمهم دخلات لاورا هيا و واحد خونا هاز واحد لوراق تتشوف فيا وتتضحك على راسي ولا فحال دلاحة تنشوف فيها من نيتك خرجو ديلمها متنعرفهاش بنت لعبد راه غادي نموت وهيا تقلبها بكى واع حال وعقل هاد خيتي وليت تنقول ليها صافي سمحيلي وسكتي تتقوليا عنداك مترجعش خاصك ترجع تتقولها ليا بدارجة بنادم مفاهم والو خرجوها تيشوف فيا داك طبيب قاليا بلي لعملية صعيبة خاص نسني ليه على ديك شهادة بلي هو معليه والو إلا وقعاتلي شي حاجة سنيتها قلت ليه حياتي وحياة عائلتي بين يديك قاليا متخلعنيش راه أول عملية ليا مخلوع أصلا تنشوف فيه شنو شنو ولاد طيييط جايبينك تتعلم فيا وقفت ولله ما نديرها تيقوليا لا لا مكانش خاص نقولها ليك غادي تخرج عليا حياتي كاملا تنستاعد لهاد نهار تنشوف فيه خونا باينا فيه صيونص ماط تنشوف فيه على لله غير تكون تتعرف شنو تدير قاليا متخافش راني يلاه راجع من أمريكا درت عملية ونجحات قلت ليه مزيان وعلاش تتقوليا أول مرة قاليا أول بنادم زعما راه كنت تنطلق يدي فلحيوانات ههههه جايبين ليا طبيب بيطري أولاد طييط كان تيجرب فلقرودة قاليا متخافش يمكن متلقاش بحالي متخصص فهاد لمنطقة من دماغ ونتا أول واحد ندير ليه عملية مبغيتش أخطاء قلت ليه وخا حياتي بين يديك سلم عليا بيدو قاليا نشوفك بعد لعملية وخرج دخلو شي فرمليات شهوة منهم صافي زربو عليا بشي برة معقلتش على راسي تنتفكر بلي شفت شي ضو فوق راسي وحسيت بشي حاجة فشكل فراسي بعد هادشي لمهم عرفتي باش تحل عينيك تباليك لواليدة ديالك ولي يحساب ليك فبلاد أخرى وحداها داكض بنادم لي تتبغيه بغيت ندور راسي مقدرتش فلول يحسابلي وليت مشلل واحد 3 دقايق عاد تنفهم شنو داير بيا ليل هدا لواليدة فكرسي من جهة و لاورا من جهة دايرين ليا شي حاجة شادالي راسي متبتاه وممحطوطش على لمخدة تنحس بلفاصمة فوق وجهي دايرين ليا فحال شي مومياء مقدرتش ندوي حتى فلحركة بزز باش تنحرك صباعي شحال صعيبة فحالا شدك شي واحد ودارك فصندوق صغير متقدرش تحرك وجاتك لحكة فضهرك من لتحت زعما ههههه وخا تكون يهودي ميوقعش ليك هاد لبلان بقيت هكدا حتى فاقت لواليدة تتشوف فيا حال هينيا وهيا تطيح من فوق لكرسي تخلعات وقفات تتقول محمد تتفيق فلاورا خرجت تتجري بزز باش تندوي تنقول ليها لواليدة كيفاش جيتي ولا أنا لي جيت درت لعملية ؟ شادالي فيدي تتبوس فيها وتتقول شي أدعية شعلو ضو جا واحد طبيب تيدير ليا ضو فعينيا عماني و ففمي قلت ليه بقاتليك غير طرمتي لواليدة و لاورا تيضحكو قلتها بدارجة لأخرين مفاهمين والو تنشوف فيهم ولاد ناس درت لعملية؟ قاليا أه ونجحات مبروك لفرحة دموع دموع قاليا واش تتعرف هاد ناس زعما تيجرب داكرة قلت ليه أه هادي لواليدة وهادي لمدام قاليا شنو أخر حاجة تتفكرها قلت ليه شي ضو فوق راسي و شي واحد تيلعب ليا حدا جهة ودني شعور فكل وهو يبقى تيشوف قاليا شنو تتقول لا ميمكنش تتشوف فيه لاورا كيفاش واش فاق وسط لعملية ؟؟ لا هادشي مخاصوش يوقع قاليا راك أيام ونتا فاقد لوعي ودرتي شحال من عملية حتى يفوتك مفعول المخدر و ندويو لاورا كتحيح عليهم قالت ليا ولله حتى نشوهوهم غير صبر عرفتي شحال واخدين وتفيق وسط لعملية وخا يكونو دايرينها ليك من جيبهم لمهم دبا لحمد لله مني كلشي سالا ونتا بيخير عنداك تحرك راسك وكيف جاتك لمفاجئة جبتلك لحاجة تنشوف فلواليدة مزال شادالي فيدي وتتدعي قلت ليها لواليدة واهيا رجولة لعمالة سبتي سبتي سبتي وليتي تخرجي من لمغرب بلا شواري تتضحك قالت ليا ولدي لحمد لله لي رجعك خلعتينا عليك تنشوف فيها فين هيا مريم ؟ يتبع.....

بيض و كحل (الحلقة 15)

 مغاديش نديها معايا أصلا مغاديش نتعطل غادي نوصل نعيط على ختنى

بغات تشوفني مرحبا مبغاتش غادي نرجع صافي سارة معندها علاش تعرف , لمهم بنادم كلا جمعنا داكشي يحيى مشى لدارو دخلت لدار خليتهم تيجمعو فدار وطلعت لبيتي نعست لغد ليه جمعنا داكشي رجعناه لماليه راجعين لدار أنا ويحيى قاليا لقيت لبنت لي تدير داكشي لي دوينا فيه لبارح قلت ليه من نيتك ؟قالي ولله حتى فكرة زوينة عندك وغادي تعرف شنو تحت دماغو قلت ليه وخا شكون هاد لبنت وهو يعيطليها مشينا لدربهم تنتسناو وهيا تخرج تنشوف فيه من نيتك لبنت صغيرة تنسولها شحال عندك من عام قالتلي 17 خويا ولاو تيكبرو بزربا تنشوف فيه من نيتك باغي تصيفط مي للحبس قاليا تراه شيطانة هادي أنا لي عارفها ولله حتى تديك للواد وترجعك عطشان قلت ليه وخا أولد ناس تنشوف فيها لمهم بنت ناس ختي خطبها واحد لبرهوش معرفتش شنو تحت راسو محملتوش وبغيتك تعرفي لينا ولا على لأقل شي وضعية ماشي حتال لهيه صورة وحدا غادي نوريه لخوادرية باش دير عقلها قالت ليا واه صافي مرحبا عندو فيسبوك ؟ جبد ليها يحيى لمعلومات عندو نمرة خونا و كونطات كاملين سيد غير ضايع فهاد لبلاد بلاصتو فل FBI عطيتها نمرتي و 200 درهم نزلات مشيت أنا و يحيى لدار باركين جات سارة حتى هيا بركات حدانا تحاماو عليا تيقولولي باش نرجع نبدا لعلاج ولا ندير لعملية قلت ليهم غير تهناو ديجا فدماغي غنبقى حتى نشوف ولدي عاد غادي نمشي وخا تلاقا سما مع لأرض مغاديش نديرها دبا لمهم دوزنا داك نهار غير صداع ودير لعملية لا دير لعلاج لا دبا لا غدا ضروني فراسي ... لغد ليه هزيت ديك طونوبيل وشاد طريق لديك لمدينة لمزيكا و لقص فطريق تنتفكر أول مرة فاش كنت غادي فلكار وفراس مالي 3000 درهم ومضاية دنيا تتقلب بزربا وصلت تنسول على ديك لبلاصة لي نعتلي وسط واحد لفيلات وأنا نصوني على ديك نمرة مجاوباتنيش تنسول فبنادم دار فلانة نعتوها ليا مشيت ليها نزلت غادي للباب معارفش شنو نقول تندق وهيا تحل لباب واحد سيدة قالت ليا سلام وعليكم سلام ولدي كين شي ما نقضيو قلت ليها تنسول على فلانة ؟ قالتلي أه أنا ماماها هيا خدامة دبا قلت ليها أنا جاي من ... وبغيت نشوفها معرفة قديمة قالتلي دخل تسناها شويا تدخل لدار هادشي لي درت دخلنا لدار باركين بزوج جابتلي قهوة تتسول فيا منين تتعرفها خويا متنعرفش نكدب قلت ليها شنو كين من لول فاش كنت مع بنتها وقالتلي نجي نعاونها كلشي كلشي بقات تتقوليا سمح لينا وكدا صافي شويا دخل باها وبقينا تنعاودو ليه حتى هو شي ساعة عاد تتدق ختنى فلباب حلو ليها جات تتشوف فيه شكون هدا قلت ليها محمد بقات تتشوف قلت ليها محمد عشير يحيى ... وجها تبدل بركات حدايا تتشوف فيها فين كنتي سمعنا بلي خرجتي من داركم شنو وقعليك تنشوف فيها مفيا لي يعاود تاني قلت ليها بلي دبا مزوج ومراتي قريبة تولد و ... قالتلي كل واحد تياخد على قد نيتو حتى أنا كنت تنسول عليك سمحلي على كلشي ولله معرفتش شنو كان تيقوليا راسي فديك لوقت ... لمهم بقيت عندهم شويا حتى طاح ضلام معياو معايا بقا ليلا عندنا قلت ليهم لا أصلا غير واحد ساعة ونص ونوصل لدار خرجت شاد طريق دماغي رتاح أصاحبي غادي راجع فليل طريق خاوية طالق لمزيكا وتنغني تتعيطلي لاورا مزال مبدلتش ليها سميتها فتيليفوني جاوبتها ألو أنا كانت عندي شي خدمة وجاي راجع واحد شويا نوصل قالت ليا مشيتي عند ديك سيدة ياك مديتينيش معاك ومسولتينيش قلت ليها بنت ناس واش خاصني نبقى نسولك قبل ما نخرج صافي أنا راجع وصلت لدار تاني مرة غادي نتناقشو بزوج هكدا لواليدة تتبرد هيا و لخوادرية قالت ليا من نهار جينا لهنا تبدلتي و... قلت ليها راه ممشيتش ننعس معاها غير دوينا عادي ورجعت تتقولي إوا مني مشيتي غير تدوي معاها علاش مديتينيش بقينا شي ساعة وحنا داوين وليت غير تنبرد هاد زبلا حاملا غنوليو فشي طاب وشي ما طاب بردنا لقدية جابولي عشايا تعشيت وطلعنا للبيت تيباليا مبقى عندي ميدار فهاد لبلاد من غير ختي و لواليدة هوما لي شاديني يمكن نخلي هادشي ونطلع ندير لعملية ونرجع ولكن إلا مرجعتش داك ولد ناس غادي يدير لي بغى فختي تندوي مع يحيى قلت ليه بلي يمكن نرجع منين جيت ندير لعملية قدما زربنا فيها حسن قاليا كون هاني من ناحية لواليدة ديالك وختك راهم فعينيا , قلتها ل لاورا بنت ناس وجدي وراقيك و.. غادين نرجعو هاد سيمانة ندير لعملية فرحات بارك شاد تيليفون تنةصي ف يحيى حتى تيوصلوني شي أديوهات من نمرة معمري شفتها دخلت لأديو لول عادي طلقتو هادي غير ديك لبنت قالت ليا فين سفا لمهم راه دويت مع داك لولد فلايسبوك وتلاقينا قبيلا ودبا دوينا فواتساب قلت ليه بلي سمعت بلي خاطب اطط نوريك شنو قاليا تنزل لدوك لأديوهات خونا داكشي لي فهمتو من هضرتو بلي باغي لخوادرية غير حيت عارف لواليد مخلي ليها شي رزيق وتتبقى تعطيه فلوس قلت ليدك لبنت ديري معاه غدا وقولي ليا لبلاصة قالتلي وخا ولكن بلاما تشريلي صداع معاه يولي دايرلي شي حاجة نتا مكتعرفنيش قلت ليها وخا غدا قولي ليا لبلاصة قالتلي وخا غدا نعيط ليك .
 فديك ساعة مشيت لبيت مريم تندق نااعسا بقيت تندق وهيا تفيق لواليدة جات حتى هيا شنو واقع مريم حلاتلي لباب قلت ليها باغي ندوي معاك دخلت للبيت وسديت لباب تنشوف فيها أري ليزيات عطاتهم ليا درتهم وعطيتها تسمع بقات غير كتدور فعينيها قالت ليا كان عندك لحق من لول سمحلي تتقوليا وتتبكي قلت ليها واش أنا غنكدب عليك أبنت ناس شنو عندي من رباح من لول قلت ليك ديري عقلك لمهم دبا مديريش فبالك غدا غنمشي نتفاهم معاه ونتي بلاما نوصيك نلقاك تتدوي معاه من بعد غادي نتفاهم معاك أه وفاش منكونش وقعاتليك شي حاجة ولا دوا معاك قوليها ليحيى حيت غنمشي ندير عملية ويمكن نتعطل وهيا تعنقني قلت ليها نعسي نعسي دبا غنبقى غير عايش ليكم أنا قلت لواليدة تنعس صافي سالينا من دوك ناس رجعنا أنا وسارة لبيت قالت ليا بلي غتدوي مع طبيب يوجد غدير للعملية قلت ليها وخا بقينا داوين شويا نعسنا لغد ليه فايق بكري فطرنا مشينا تنقادو فشي وريقات باش غنرجعو و دينا طونوبيل لماليها عيطت ليحيى رجعنا لدار وهيا تصوني ليا ديك لينت نعتاتلي واحد لقهوة مشيتلو أنا ويحيى درنا براسنا باغين غير نتقهواو وقفنا عليه مضربناه ما والو قلت ليه نشوفك مع ختي ولا قريب منها مكينش لي غادي يوقف بيناتنا ولله حتى ندخل على ولدي للحبس نتا مزال معارفنيش شنو نقدر ندير على ود عائلتي خونا ولا غير تيبرد قاليا صافي أخويا خليناه واجعين لدار تنوصي فيحيى على لخوادرية و لواليدة وخا معاطيانيش خاطري نمشي ونخليهم معرفتش علاش... راجعين لدار انا ويحيى تنوصي فيه على لخوادرية و لواليدة خاصني نمشي وخا معاطيانيش خاطري نمشي ونخليهم معرفتش علاش لمهم وصلني لدار باغي ننزل قاليا تسناني نزلنا وهو يعنقي قاليا سمح ليا على أي حاجة درتها ليك أخويا قلتلو هاد لهضرة تاني قالي خويا وخا نبقى نقولها حتى نموت نحمد لله ملي عطاني فرصة نطلب منك سماح ونشوفك مكينش فحالك ولله تسمح للي ضيعليك 3 سنين من حياتك وبعدك على والديك قلت ليه يحيى نسامحك هيا إلا درتي ختي و لواليدة فحال عائلتك خويا أنا راه ممسوقش ليهم قاليا كون هاني نتا غترجع أنا حاس بهادشي خليتو ودخلت لدار لقيت سارة تتجمع حوايجنا قالتلي غدا فليل غنمشيو لواليدة تتبكي ولدي يلاه جيتي تنعنق فيها وتنبوسلها يديها ميمتي خاصني نمشي ندير لعملية ونرجع متنساينيش بدعاء و إلا وقعاتلي شي حاجة غادي نوصيها باش تربي ولدنا هنا متنساينيش بدعاء وهيا تحط يدها على حنكي مسحاتلي دمعة محسيتش بيها أنا قالتلي غادي تربي ولدك وغادي تحضر لجنازتي متخافش بقينا داوين مشيت لعند لخوادرية تندق فلبيت حلاتي لباب دخلت بارك تنشوف فيها بنت ناس سدينا لموضوع ديال داك لولد ياك غادي نوصي بنادم يشوفوك معاه غادي يعيطولي ولله حتى نرجع لتقاشر مك نعطيك شي صلخة مضايراش وهيا تعنقني قالت ليا متخافش غير متعطلش علينا معندناش من غيرك قلت ليها غادي نرجع إن شاء الله و إلا مقدرتش نرجع غادي تجي سارة ولد خوك غتولي عمة بغيتط تهلاي فيه قالتلي غادي تجي إن شاء الله خليتها وخرجت لعند سارة تتجمع فحوايجنا قلت ليها نفس لهضرة إلا مرجعناش بزوج ترجع بوحدها بغيت ولدي يكبر مع لواليدة بقيت معاها حتى حلفاتلي لبست صندالة ديال صبع فرجلي وشورط وغادي لبحر أنا وهيا على رجلينا أصلا قريب كرشها كبرات وصلنا باركين فواحد لقهوة لواحد هو لي يتعنب على حلالو قبل ما يموت دوزنا أخر نهار طوب دبصح رجعنا لدار دوشنا لوقت لي باقي لينا تيطير غادي نبعد على عائلتي تاني قلتها ليحيى جاب مراتو وجاو يتعشاو عندنا باركين خالقين سعادة غير بلقهوة و لحلوة حطو لعشا بارك تنتفلسف عليهم فداكشي ديال لكوزينة حتى تيرجعلي حريق راس تاني مدويتش بزربا طلعت لبيت تنقلب فدوايا لقيت حبة لي باقيا شربتها بقيت بارك حتى عطى مفعولو عاد نزلت لواليد لله يسمحلي منو كان صابر على هادشي كامل ومحسسنا بوالو حتى دا مول لأمانة أمانتو داك شهر لي غبرو من لواليدة يحسابلي هو ماشي تيسركل وهو ماشي يتعالج داك سيد مكينش فحالو مشى يحيى ومراتو بقيت تنوصي فلواليدة على مريم ولعكس لغد ليه فقنا بكري مشيت لقبر لواليد بقيت تندوي معاه نقدر نلحق عليه قريب غير هو كان راجل مزيان وكلشي تيشهد ليه بيها و أنا كاري بيت انا و أبو لهب فجهنم بلاصتنا فوق شواية , غير لله يستر خايف من شي حوايج درتهم فحياتي رجعنا لدار لقيت يحيى قدام لباب دخل معانا لدار جاو خواتاتي حتى هوما جايبين لمسمن أخويا أخر حاجة ناكلها فهاد لبلاد لمهم كلينا ضحكنا وفاش بغيت نخرج بداو تيبكيو كاملين من طرف لطرف خواتاتي و لواليدة حتى من لاورا/سارة عاداوها ولات تتبكي بحالهم سيدة أنوثتها ضاعت فهاد تسافيرة😂 لعيب ماشي  فلبنات لعيب فلجو ديال لمغرب فيه شي سحور ده إحنا معمولنا عمل يا جماعة لي جابها من شي قنة يخليها تما وياك وتجيبها لهنا .
 ضروني فخاطري ب بكاهم غادين ومحاملش نمشي إلا وقعاتلي شي حاجة منعرف شنو غادي يديرو سفة و لمرقة ولا كسكسو , وصلنا يحيى للمطار دخلنا تيعنق فيا مرضني بديك سمحلي عقدني فحياتي ديال بصح مشى بقيت أنا و سارة تما باركين مقابلين ديك لكرش عندها شاك فيها توام ولا شي ولد عملاق من داك نوع لي تيلبس 44 فرجلو تيعيطو على رحلة ديالنا مسخيتش أساط طلعنا فديك طيارة غادين أنا وهيا تتقوليا هانتا غتدير ترويض هنا و لعملية هنا طبيب فلاني مشهور مضمونة تنشوف فيها تتضحكي عليا واش هو غادي يحيد ليا طرف مني تينيسة من راسي ونتي تتقولي ليا غتبقى بيخير يمكن كلشي يتبدل بعد لعلملية نقدر نولي حمق ولا ننسى كلشي شداتلي فيدي قالتلي غير نسى كلشي وبقى غير حي وااع فرحاتني قلت ليها لهاد درجة تتبغي هاد لعبد لله لي قدامك قالت ليا نسى كلشي باش نعاود نربيك على يديا😂😈 ههههه إن كيدهن لعضيم بقينا  خالقينها داها نعاس بقيت غير تنشوف فيها حتى وصلنا لقينا خالتها تتسنانا نسينا مجبنالهم والو شوهة دبصح لمهم ديك ليلا غير نعاس عينا أخويا لغد ليه مشينا لعند طبيب قاليا بلي خاص ندير شي فحوصات وشي ترويض حيت عملية صعيبة وطبيب لي غادي يديرها فأمريكا يلاه غادي يجي قلت ليه وخا خرجنا من عندو مشينا لمطعم متتبانش ليا هناء تنسول داك تونسي قاليا راه مجاتش سيمانة هادي تنسول بنادم بصح سيمانة باش مجاتش مشيت انا و سارة لدار فين تتسكن ملقيناهاش و جيران تيقولو حتى هوما بلي سيمانة مجاتش تخلعت ديال بصح تنعيط على باها لا تكون رجعات قاليا لا ومدواتش معانا شي سيمانة وايلي فين مشات هاد بنت ناس حتى فلوسها مزال فدار تكون زعما تزوجات داك نهار تنسولو وتنقلبو ملقينا والو نهار تاني علمنا لبوليس عطيناهم صورتها منقدرش ندخل للعملية وانا معارفش هيا فين باها موصيني عليها تنقلبو ليل ونهار ولبوليس وباها تشوش تيعيطلي 11020033 مرة فنهار دازو 3 يام عاد تيعيط لينا بوليسي قالينا يمكن لقيناها مشينا لعندو أنا و سارة قالينا بلي شي وحدة فلمشرحة تتشبه للي فصورة قلت ليه لا ميمكنش تكون هيا هاد لبنت مكينش لي يأديها قاليا يلاه تشوفو واش هيا مشينا لاورا مقدراتش تدخل واحد ريحة خيبة وهيا حاملا دخلت أنا تلاقينا بطبيب دانا لواحد تلاجة ديال لموتى وهو يحل واحد لباب جبدها مع تيحيد داك ليزار تتباليا هيا معرفتش شنو نقول رجليا فشلو مضروبة فعنقها ولا قول مدبوحة من عنها تيقوليا لبوليسي وقف شد فراسك سدو داك لباب قلت ليه هيا شكون دار ليها هكدا ؟؟ قاليا معرفناش لقيناها فواحد زنقة لا وراق لا والو دبا عرفناها بلفضل ديالكم واش عندها عائلة يديوها تنتفكر باها شاد من راسي قاليا تقدر تمشي حتال من بعد ودوز لعندنا خرجت لاورا تتسول فيا واش هيا واش هيا مقدرتش ندوي شنو غادي نقول لباها شكون دار ليها هكدا وعلاش شكلها قبيلا معمرو يتنسالي بنادم لي تيعرفي تيموت وليت فحال Death Note يتبع ....

بيض و كحل (الجزء 14)

 خاصني نبدا نصلي و ندخلو هاد بنت ناس لإسلام و نرجع شي فلوس تيتسالوها ليا شي ناس و شي أيام فرمضان و نشوف ناس لي عرفتهم هنا و نشوف يحيى ونطلب منو لمسامحة 

وخا معاقلش شنو درت ولكن 100% درتلو شي حاجة باش دار معايا داك لفلاش , بمهم رجعنا لدارنا صف على دوش بركنا تنعاود ليهم على لمغامرات فحال ديما خرجت أنا و لاورا تنسركلو تنوريها لبلايص لي كنت خدام فيهم و لصال لقديم و... مشينا لبحر قلت ليها إلا وقعاتلي شي حاجة بغيت لولد يكبر هنا قالتلي مغادي يوقع والو غنرجعو سيمانة لماجيا وغادي دير لعملية ولا لعلاج... لي قاليك طبيب غادي ديرها وغادي تنوض حسن من لول قلت ليها وخا نمشيو ولكن ماشي سمانة لماجيا بغيت نشوف لولد بعدا و نشبع من عائلتي ونبدل حياتي قالت ليا لا وراه قد ما زربنا حسن مسكينة تتخوي لما فرملا رجعنا لدار ليلا جاو خوتي درنا عشا مجموعين كلشي تجمع بضحك بحال يامات لواليد كلشي كبر كلشي ولات عندو عائلة وبراهش تيلعبو ليه فوق راسو لوقت بزربا كتطير خرجت أنا وخويا لواحد لقهوة بركنا مدلي غارو رجعتو ليه معقلتش إمتى قطعت ولكن شحال من نهار دبا مجاش ففمي يمكن مع هاد دوايات لي تنشرب لمهم باركين قاليا محمد خويا مزيان ملي رجعتي تنشوف فيه بنص عين ولد ناس من نيتك خليتي لواليدة و لبرهوشة دمريم بوحدهم ضراتني خاطري ولله زعما نتا لكبير وخاصك تقابل لبنت حتى تكبر ولواليدة لي قالتها ليها تيقها ومتقدرش تمشي معاها كل نهار قاليا راه وقت أخر هادي شنو خاصهم لواليد مخلي ليهم باش يعيشو مخيرين معرفتش شنو نقوليه بقيت تندوي معاه ب أه لا أه لا ورجعت لدار غدا خاصني نحيد عليا بزاااف ديال لحوايج رجعت لدار قلبت على نمرة تنعيط على حمزة ودراري لي كنت ساكن معاهم بدلو نوامر يمكن صافي غدا نمشي لغد ليه فصباح فطرنا خلاتني لواليدة نخرج انا و لاورا غير بزز مشينا وصلنا مريم لليسي دخلات نيشان صافي دويت معاها غادين لديك دار لي كنت ساكن فيها وصلنا غادين طالعين فلعمارة بزوج تندق تنسمع ديك شكون صوت كريم هدا قلت ليه داك لي تقرب منك أولد لعبد خونا حل شافني بزربا عنقني عرفني سلم على لاورا قلت ليه هادي راه لمدام قاليا وايلي بزربا كيدرتي ليها وهيا تجاوبو قالت ليه سحر ليا خونا تصدم تيشوف فيا وعلمتيها من لفوق سمحولي خليتكم عند لباب دخلو دخلو دخلنا تنشوف فدار مزالا كيما هيا متبدل والو تتباليا أحلام ناعسا فنفس لبلاصة ولمانطة تيليفون و باكية ديال ماربورو حداها ونفس سداري ديلمو طاب داك سداري لهربة لواحد هو لي يبقى فصباغتو تنفيق فيها وا بنت ناس واهيا حلات عينيها شافتني وهيا ترجع تنعس قلت ليها وا بنت ناس قولي غير سلام هههههه يحساب ليها تتحلم عنقاتني ولد ناس معيطتي ما والو خلعتينا علك قلت ليها ختي راه تزوجت لمدام حاكماني شافت فيا ولد لعبد درتيها زعما كنت تنتسنى فيك عرفتي شحال ديال لخطاب رجعتهم تنضحك قلت ليها سكتينا دبا يحساب ليها بصح سلمات عليها تتخرج نرمين من داك لبيت فحال ديما سلمات علينا حتى حاجة متبدلات تنسول على حمزة وداك لولد لأخر قالو ليا بلي تحولو شحال هادي لمهم بركنا عندهم واحد شويا تنعاود ليهم حتى هوما قلت ليهم بلي مريض ندموني حتى من كريم لي لحيتو كتشطب لأرض تيدمع قلت ليهم صافي أولاد ناس جاي لعندكم ننسى ماشي تزيدو عليا لمهم بقينا تنتفكرو دوك لأيام ضحكنا شويا , خليناهم وخرجنا غادين راجعين لدار دايزين من حدا درب لقديم صافي ولله حتى غادي نمشي لعند يحيى لمهم وقفت قدام دارهم تنشوف فلاورا قلت ليها تعقلي على داك لولد صاحبي لي قلت ليك عليه تزوج بديك لبنت لي كنت معاها قالت ليا أه مالو وريتها دارهم قالت ليا شنو عندك ما دير بيه غنشوفو غادي ندفل على تقاشر مو قلت ليها بنت ناس لا أنا باغي نصلح علاقتي مع كاع بنادم لي تنعرف قبل منرجعو قالتلي على خاطرك لي بغيتي أنا منمشيش معاك منشوفش بحال هاد ناس قلت ليها وخا بقاي هنا غنمشي ونجي نزلت غادي لدارهم وهو يصوني تيليفوني تنشوف نمرة متنعرفهاش جاوبتو قاليا سلام خويا معاك جمال دري لي وقع ليك معاه داك لبلان قدام ليسي قلت ليه منين جاتك نمرتي بعدا قاليا راه ختك عطاتها ليا بغيت ندوي معاك قلتها لدار وغادين نجيو سيمانة لماجيا قلت ليه وخا مرحبا دار راك تتعرفها دبا عندي ميدار قاليا لله يعاونك اخويا وقطعت عليه محاملش هاد خونا من عند لله مدخلش ليا لخاطري منخليش يتزوج بيها شحال عندي منها , غادي للباب تندق أويلي شنو جابني هنا شنو غادي نقول و إلا حلاتلي ديك خيتي لباب يلاه تنفكر وهو يحل لباب خونا تبدل بزاااف ولا لوين دبصح ودار موستاج مقال والو عرفني حتى أنا مقدرتش ندوي كاع داكشي لي كنت تنفكر فيه مشالي من دماغي حيت تفكرت شنو دوزنا مع بعضياتنا وشنو دار خونا وهو يعنقني تيبكي ليا على كتفي راجل موستاجو يشحر زوج برارد تيبكي فحال شي ولد راه 13 عام ديال لعشرة دوزناها قبل ميوقع داكشي معرفتش شنو نقول  بقينا واقفين مقدرتش ندوي كاع داكشي لي كنت تنفكر فيه مشالي من دماغي حيت تفكرت شنو دوزنا مع بعضياتنا وشنو دار خونا وهو يعنقني تيبكي ليا على كتفي راجل موستاجو يشحر زوج برارد تيبكي فحال شي ولد راه 13 عام ديال لعشرة دوزناها قبل ميوقع داكشي معرفتش شنو نقول تيقوليا سمحلي سمحلي قلت ليه مسامحك أصاحبي صافي مقادرش يشوفلي فعينيا تنقول ليه صافي يحيى صافي أصحبي قاليا أجي ندخلو قلتلو مراتي معايا منقدرش تيشوف فطوموبيل قصدها حل لباب قلت ليها لاورا أجي لمهم نزلات دخلنا لدارهم تبدلات بزاف تنشوف تنتسنى ختنى تخرج من شي بيت وهو يجي برك حدايا قاليا محمد خويا عينا منقلبو عليك عامين وصرف ولا قريب ل 3 سنين دبا باباك مات و والديا لله يرحمهم مكانش يحسابلي غادي نعاود نشوفك قلت ليه يحيى خويا صافي متبقاش تقول سمحلي سمحلي صافي 3 سنين لله يجعل لبركة هادشي علاش جيت ليوم ... لاورا وهيا تنطق قالت ليه علاش درتي هكداك معرفش باش يجاوب قاليا خويا لمراهقة و معرفتش شيطان معرفتش كيفاش عطاتني خاطري وديك سيدة راه طلقتها شي عام دبا وعاود تزوجت تيعيط على شي وحدة سميتها عائشة وهيا تخرج سلمات علينا بقينا باركين باغي نقول ل لاورا تبقى ساكتا متقولش بلي أنا مريض ولكين ختنى متتسكتش والو قالت ليهم بلي خاصنا نرجعو باش ندير علاش و بقات تتعاود خونا عاد زاد فيه كرهوني فحياتي هاد ناس . مخلاناش نخرجو تيعاودلي على ختنى لي وقع لينا هادشي بسبابها سولتو على لبلاصة فين ساكنا عطاني نمرتها قاليا بلي رجعات لمدينتها ساكنا مع والديها تما قالي بلاما تمشي عندها متستاهلش تدوي معاها قلت ليه بلي باغي نقاد أموري هنا قبل منرجع لفرنسا ونبدا لعلاج , بقينا معاهم داك نهار كامل حتى لعشيا تيدور وتيقوليا سمحلي تنقولو صافي مسامحك غير هنينا أصحبي تيقولي لا مسامحتينيش ضربني عير دير شي حاجة غتكون مزال معمر عليا طيرني ولكن من واحد ناحية كنت باغي نصلخ تقاشر مو واحد مولاتي مسمنة حطيتها ليه يلاه دبا أنا مسامحك هنينا راجع أنا و لاورا لدار تتشوف فيا قالتلي معول مغاديش ترجع ولا كيفاش شفتك وليتي لي تلاقيناه كتوادع معاه قلت ليها كيف نبقى عايش ولا نموت خاصني نكون زوين مع بنادم معرفتي شكون يسبق أنا ولا هوما وصلنا لدار داك لولد عيط على لواليدة قاليه بلي سيمانة لماجيا غادي يجي لعندنا معرفتش شنو داير للبنت لمهم تتحلم بيه شحال ديال لعصى كلاتها لمصخوطة يمكن أنا لي غالط يمكن يكون ضريف مجاتش نحكم على لكتاب من غلافو خليها فيد لله نشوفو لوقت شنو غتجيب رونها تقاد بوحدها , لغد ليه مشيت تنقلب على نماري ديال دراري لي خدمت معاهم شحال هادي نمرة رضوان بدلها ولا منعرف مخداماش مشيت فين كنا خدامين لقيت نمرة شاف لي كنا خدامين معاه دوينا وهو يعرفني عطاني نماري رضوان وشيباني ودراري تنعيط على رضوان متيقش بلي أنا قلت ليه بغيت نطلع عندكم ولكن خوك عندو بزااااف ميدار من بعد ونشوفك لمهم غادي توصلك شي فلوس تتسالها ليا قاليا لا ولله ما نشدهم عيييت معاه حلف ما يشدهم من عندي قاليا لحمد لله لوضعية حسن دبا ونتا خونا عطيناك ماشي سلفناك بغينا غير نشوفوك فرحان و عايش بيخير بقينا داوين شويا دوزلي دراري لهربة توحشت دوك لأيام , بارك مع دار تيقادو فلحلوى ومنعرف قاليك داك لولد غيجي ختي لي بقات غادي تخطب محملتهاش تزوج ولكن حياتها هادي تعيشها كيف بغات بركنا بزوج شكون هاد لولد شنو تيدير فحياتو بلا كدوب قالت ليا وخا خونا متيدير والو فحياتو عايش مع والديه تيصرفو عليه موطور تيسركل قدام ليسي تنشوف فيها شنو غادي نقول محملتش هاد لولد أنا خاصني نسول عليه كتر , لغد ليه جمعة دينا لاورا بغيت نقول سارة لجامع معانا صافي سلمات بديت تنصلي هاد لمرة مغاديش نقطع بشويا بشويا لقدية تتقاد غادي يجي هاد لولد و عائلتو ندير صدقة على لواليد ومنها نخرج فلوس دوك لأيام د رمضان وبعد هادشي غادي نهز سارة وغنمشيو نشوفو ديك خيتي معرفتش علاش تندير هكدا ولكن واحد راس تيقوليا متخلي حتى واحد هاز من جهتك يمكن لموت هادي معرفتش أنا براسي مفاهمش راسي فهاد لأيام , يحيى مبقاش تيفرقني كل نهار خاصني نشوفو عاودتلو على داك لولد لي غادي يخطب مريم ختي قاليا خليني أنا غنجيب ليك شنو تحت راسو أنا عارف يحيى من صغرنا بلاصتو فل FBI غير ضايع فهاد لبلاد لمهم وصل نهار لخطبة خويا لكبير قالك عندو خدمة مجاش دار فايقين بكري بحالا غيجي يخطبها منعرف شكون لمهم وصلو بركنا فصالون والديه تيبانو ضريفين ولكن لولد مدخلش ليا لخاطري درنا معاهم صواب باغين يزوجوه فهاد صيف دويت قلت ليهم بلي خاصها تكمل قرايتها بعدا يعني واحد لعامين ولا كتر لبرهوشة موصيا لواليدة قالت ليهم يتزوجو ولكن تكمل قرايتها مبغيتش نبان فشي موقع خيب صافي بقيت ساد فمي مشاو عاونتهم جمعو دار باركين أنا و لواليدة تتقوليا لولد مدخلش ليا لخاطري قلت ليها هادشي لي لقيتيني باغي نقول حتى أنا ولكن بنتك مكتسمعش خليها لي علينا درناه قالت ليا ولا سول عليه نتا زعما نتا مول دار دبا إلا معجبكش نعيط عليه دبا نقوليهم لله يعاون قلتلها متزربيش خليني نسول عليه مزيان دبا خاص نديرو شي صدقة للواليد و بصراحة مزال ليا شي 3 يام فرمضان خاصني نخرجهم قالتلي واخا أولدي ها شحال خاصك جيب دجاج جيب جيب و ... قلت ليها صافي غدا إن شاء الله وهادشي لي درنا لغد ليه عيطت على يحيى كرينا واحد لقاعة جبنا شي دراري ركبوها مشينا جبنا داكشي لأخر خونا ولا ضريف كتر من لول مزيانة يكون عندك فحياتك داك بنادم لي تقوليه نديرو يقولك بسم الله لمهم نهار واحد قادينا داكشي فليل باركين طيابة فدار سارة باركة معاها😂 كتستافد من لخبرة ديالها  لمهم بارك أنا و يحيى سولتو على داك لولد قاليا أه لمهم باه كان خدام فلعسكر شي حاجة كبيرة و ماماه طبيبة باركين دبا هو لي عندهم مفششينو ديجا دخل للحبس دار كسيدة بطونوبيل ديال باه وقتل شي بنت و دبا لا قرايا لا خدمة والديه عندهم باش يصرفو عليه بقيت تنشوف فيه ولد لعبد عرف لون ديال لكالصو لي تيلبس لولد خلعني😂 قاليا عطيني غير شي سيمانة نقولك علاش باغي يتزوج بختك واش معقول ولا باغي يتفلى قلت ليه  محاملش نشوف كمارتو شباليك نشوفو شي بنت زين ولطاي تمشي عندو نضربو ليه شي تصاور نوريهم للبرهوشة عندنا باش تدير عقلها , بقى تيضحك عليا خرجو عليا لأفلام😂 قاليا دبا نشوف راه معندي ميدار  شاد كونجي هاد شهر على ودك غادي نقابلو ليك أجي بعدا واش من نيتك غادي تطلع عند ختنى (لي كان مزوج بيها) أه غادي نمشي كيما جيت عندك خاصني نمشي عندها نتا عارف لي كين بغيت غير ندوي معاها ونرجع + غندي معايا سارة شباليك نتا نديها معايا ولا بلاش قاليا لي بغيتي كون غير ممشيتيش كاع أصحبي عند ديك ليهودية و بنسبة لمراتك إلا كنتي غتمشي متديتيهاش هيا راه حاملا و طريق وشمس ديال هاد لوقت و... قلت ليه صافي مغاديش نديها أصلا مغاديش نتعطل غادي نوصل نعيط ليها بغات تشوفني مرحبا مبغاتش غادي نرجع يتبع....

بيض و كحل (الجزء 13)

 لواليدة شافت دوايا عرفاتو يمكن كان عند لواليد بحالو عنقتها لواليدة مبغيتش ندوي على هادشي لله يخلي ليك لي عزيز عليك قالت ليا....

هو نتا مكينش ما عز منك قالتها وهيا تعطيها للبكى خواتاتي خاصاهم غير سبا طلقوها لتنواح مشاكيل جاي باش ننسى زادو على مي دبصح حتى من لاورا صافي تناكت على تقاشر مي بقيت بارك تيعنقو فيا بحال شي سيد تيتبركو منو وا ولاد ناس يهديكم لله قالتلي لواليدة نديك عند طبيب لي مشا عندو باباك نتا مزال صغير وغادي تعالج إن شاء الله قلت ليها لواليدة غير بردي راه مشينا عند طبيب تما ف فرنسا ودوينا غادي نضيع لوقت لي خاص نبرك معاكم فيه وهيا تنقز لاورا لا سمح ليا واعدتيني بلي غادي نشوفو داركم وغادي دير لعلاج قلت ليها وخا وخا يلاه هنينا دبا بارك تنسكت فلواليدة ويهديك لله أنا لي غادي نموت ومتنبكيش صافي لله غيدير غير لي فيها لخير تنشوف فخواتاتي لمزوجين سكتونا كل واحد يقوليا شنو تيدير بيمن تزوجتي بقاو وليت عم و خال لبراهش عمرو دار واحد لبرهوش ولد ختي لي تيشبه ليا دبصح فوطوكوبي عييت معاه والو ديك خالي حالفا ما تخرج من فمو خليتهم تياخدو داكشي لي جبتلهم لاورا باركا معاهم طلعت لبيت لواليد محلول دخلت حليت لماريو تتباليا ديك جلابة لي عزيزا عليه مع جريتها تتطيح منها ورقة تنشوف فيها هيا لي خليتلو داك نهار لحمد لله قراها بعدا ضربتها فجيبي بارك تنقلب لقيت ساعة ديالو ضربتها فيدي دخلات لواليدة عنقاتني قالت ليا ولدي ممتيقاش بلي جيتي قلت ليها رجعت معطل شويا سمحيلي ميمتي قالتلي لا أولدي نتا باش عرفتي إمتى ترجع وإمتى مترجعش كلشي بالمكتاب وجيتي فوقتك أنا وختك غير بوحدنا قلت ليها اه علاش خويا تحول مالو ميبقاش معاكم هنا مخليكم بوحدكم قالتلي وراه مراتو معجبهاش لحال معانا تتبقى دابز مع ختك وهوما يتحولو من هنا بقينا داوين لواليدة قالتلي شنو وقع من نهار مشيت تتشوف فيا ولدي ضعافيتي فين لحية لي كانت فين ديك لفورمة وزيد وزيد أجي عاودلي على هاد لبنت لي جايب معاك قلت ليها صبري حليت لباب لاورا أجي طلعات دخلنا للبيت ب 3 سلمات على لواليدة تاني قالت ليا واش مسلمة ؟ قلت ليها موافقة باش تدخل لل إسلام قلنا غير نجيو هنا و نتي تعرفي حسن مني فهادشي تنعاودو ليها كيفاش تلاقينا معاودتش ليها بلي ختنى لي تزوج بيها تيموت لواليدة تقدر تشير بتقاشر مها من شرجم😂 لمهم قالت ليها مرحبا بنتي خلاتنا ونزلات للكوزينة تنوري فيها تصاور لقدام ديالي وديال  لواليد نزلنا عند ولاد لعبد ديال خوتي مطايفين على داكشي ولاد ناس وي لمهم خويا مشا عندو خدمة قاليا من بعد ونتشاوفو بقيت مع خواتاتي كل وحدة وكيفاش تسلات من دار خوتي ولاو بعائلاتهم وديورهم ميقدروش يبقاو تعطلت بزااف يمكن ولكن مزال معايا لواليدة و لبرهوشة ديال لخوادرية طلقتها عليها بلفرونسي بقات غير تتدور فعينيها قالتلي دبا واش باغي تشوهني مع لواليدة راك عارف لمستوى ضعيف قلت ليها غدا نمشي مع مك لهاد ليسي نسول عليك هانا رجعتليك بقات تتضحك ورجعتي تاني الله ياربي غادي يحرم عليا عيشتي بارك تنعقد فيها وهيا تجي لواليدة قالتلي بعد من ختك ونتي حتارمي خوك لكبير باركين تنعاود ليهم على لمغامرات دياولي😂 شحال ديال بنادم تيتسالني فلوس خاصني نرجع ليهم فلوسهم وزيد وزيد قالتلي لواليدة اه  أولدي فكرتيني نصيبك من داكشي لي مخليه باباك فلحفظ قلت ليها معندي مندير بيه غير إلا وقعاتلي شي حاجة منوصيكش على مراتي و ولدي قالتلي لا لا معندك فين غتمشي غادي تحضر لغنازتي وتدفني تنشوف فيها قلبو قلبو لموضوع ولينا داوين غير على لموت مسخيتش بيهم دخلت انا و لاورا للكوزينة طبعا لخبرة و مخليتهمش ينعسو فليل درتلهم لحريق دراس لخوادرية قاريا مع 8 مشات تنعس بقيت أنا و لواليدة و لاورا خاصنا نشوفو ليها إسم صافي غادي نبداو نعيطو ليها سارة عجباتها ديك ليلة منعسناش تقريبا خويا عامين ديال لغبور على لواليدة لغد ليه فطرنا قالتلي لواليدة خرج مراتك تشوف لجو كيفاش داير قلت ليها وخا ولكن تمشي معانا خرجنا تنسركلو فواحد سويقة ختنى لي شافتها تتبغي تدوق منها قالت ليا لواليدة راه تتوحم ههههه هي راه من نهار عرفتها كتوحم حتى من لعطرية تتدوقها غتقتل داكشي لي فكرشها مسخوطة وغادي نقتل ديلمها حتى أنا ضربات 12 مشينا لقدام ليسي لي تتقرى فيه لبرهوشة ديال ختي تندوي مع لواليدة عليها زيري شويا على لبنت راه كانو ساكنين معايا وتنشوف شنو تيديرو قالت ليا نتا راجل دار أوليدي ونتا لي تعرف مع خرجات تنعيط عليها مريم أجي أجي طلعي وصلنا لدار حطينا تقدية فلكوزينة ودخلت ندوش عندي بزاااف مندير فهاد لبلاد وبزاف ديال ناس لابدة ندوي معاهم لقدية يلاه غادي تبدا وطرح يلاه غيبدا يسخن أعمو لمغرب زوين  رجعنا لدار حطينا تقدية فلكوزينة قلت للبرهوشة دمريم متمشيش عشيا ليسي غادين نخرجو ودخلت ندوش عندي بزاااف مندير فهاد لبلاد وبزاف ديال ناس لابدة ندوي معاهم لقدية يلاه غادي تبدا وطرح يلاه غيبدا يسخن خرجت لقيتهم تيطيبو لغدا قلت ليهم ديرو فبالكم غنتغداو برى خرجت لبرى طلعت غادي لشركة لي كراتلي طونوبيل باش نسني على شي وراق بيدي قالك لابدة غادي وطالق شاب مامي تزعزع خاطري فنص ليل هههه تضرك خاطرك أساط عرفتي ديك 9 دقايق لي خدام فيها ديسك دازتلي حياتي كاملا قدام عينيا بنادم كامل لي دار معايا لمزيان ولي دار معايا لخايب لمهم وصلت لشركة دخلت درت داكشي لي قالو ليا وغادي راجع قلت ندوز لدرب لقديم مشيت لدار لقديمة مزال كارينها تنتفكر مول لحانوت مشيت لعندو لقيت ولدو بزربا عنقني عرفني خويا بيخير بيخير قلت ليه كين عمي حسن بقى تيشوف فيا قاليا راه مات شي 6 شهر دبا أخويا أنا لي مقابل لمحال قلتلو ياك نتا كنتي تتقرى أساط يحسابلي غنلقاك شي محامي ولا طبيب ... بدا تيضحك قاليا ساط قالو لينل قراة قرينا لخدمة نتا وزهرك قلت ليه نتا مزال صغير دبا يدير لله تاويل ديال لخير قاليا أنتم السابقون ونحن لاحقون خليت لحديدة حداه وغادي تنسركل فدرب لي دايز تيوقف معايا شي نص ساعة وصلاتهم بلي تزوجت بغاورية وحاملا وعارفين حتى دري شحال عندو من شهر تقول بايتين معانا فلبيت لبارح تراه لمغاربة بزااااف لهربة ديرهت غير زوينة معاهم قربت لدار يحيى نسيتوه تنشوف شحال هادي ممشيتش لتما مقدرتش نمشي لتما سولت واحد خونا قاليا راه والديه ماتو فكسيدة ساكن هو ومراتو تما مقدرتش نمشي فديك ساعة ولكن من بعد لابدة نمشي لعندو لمهم رجعت لمشقوفتي رجعت لدار دخلت مع حطيت سوارت تتباليا غير لواليدة و سارة(لاورا) لمهم تنسول لواليدة فين هي مريم ختي قالت ليا راه مشات لليسي قالت ليك عندها متحان قلت ليها امممم واخا وخا طلعت لبيتها مسورتاه ضوبل عند لواليدة عطاتو ليا غير بزز هههه خويا راجع نحرر عليها عيشتها قبل ما نموت حاس بالواليد كان باغي يوصيني عليها قبل ما يموت لمهم أسيدي حليت لبيت تيباليا لبيسي نيشان لمزيكا لبنت تتسمع لسماتي و حليوا و ... غير هوما لبنت ضاعت ضاعت عاد تنمشي لتصاور تتصور مع واحد خونا معرفتش تقاشر مو شكون ولكن وجهو خاااسر ومصورين فوق T-Max لبنت ضاعت صافي مكملتش تقلاب فلبيت سديتو درت سوارت فجيبي قلت ليهم أنا هنا وغادي نجي قالولي لا راه لغدا موجود ,لا لا غنجي دبا وجدو راسكم نشيان لداك ليسي يلاه 1:50 وقفت تما نزلت تنشوف تتباليا واقفا مع خونا لي عندو داك طاي ماكس ,واش انا يهودي ختي تطلع منهم وكيما قالها خونا كلهم فحال فحال يعشقو فلماتريال غادي لتما معرفاتش باش تبلات قلت ليها سبتي سبتي يا لكلبة زيدي هنا خونا معارفنيش خوها باغي يضربني تيسمعها تتقول ديك خويا باغي يقول شي حاجة ولكن معامن واحد لخمسة شابعا بالا وتمارة حطيتها ليه فوجهو بحال طابع بنادم بزربا تيتجمع لبراهش ديال ليسي خاصهم غير علاش قلت ليها زيدي قدامي واحد مولاتي تصرفيقة هاي هاي معندنا رجال فالعائلة مع طلعنا وهو يوقف قدامي بداك لموطور وأنا ننزل لتقاشر مو تاني خونا حالتو كلها وشام ولكن باش عجبني يدو مهزهاش قاليا صاحبي ضرب ولكن باغي ندوي معاك قلت ليه فاش غادي ندويو قاليا صاحبي نجي نخطبها من دار لي بغيتي ولكن مديرش لينا هكدا قدام بنادم شوهتينا قلت ليها بقاي تما فطوموبيل واقف أنا وهو تيسب ليا فبنادم مشى قاليا على سلامتك بعدا مني رجعتي قلت ليه طلق شنو باغي تقول قاليا خويا محمد كنت باغي نجيب لواليدة لدار إلا قبلتو عليا قلت ليه وسير حتى تجيب مك و تخطبها وتزوج بيها عاد خرج نتا وهيا ولكن دبا تباليا طالعا وراك تما غادي نحبس عليها هاد لحزاق خليتو ومشيت راجعين لدار نزلات سديت طوموبيل بزربا تنصرفق فمها لقات لحرية سابت لواليدة خارجا تتحبس فيا دخلاتها بزربا سارة تتبرد فيا تتقوليا مالك قلت ليها شنو واقع وبلي هادشي ممقبولش منها فهاد لعمر وفهاد ضروف ... لمهم دخلنا بقاو تيبردو فيا مبغاتش تمشي قلت ليهم يلاه خليها غادين أنا و لواليدة وسارة(لاورا) غادين لواليدة تتقوليا ولدي ختك مزال صغيرة و ... تراه لمغرب تبدل بزااف فهاد لوقت لي دوزتها تمارا و لغربة وصلتهم لبحر خليتهم راجع باش نجيبها غير لواليدة بقات تتطلب فيا منقدرش نرجعها ليها فوجها وصلت لدار تندق حلاتلي يلاه راه تيتسناونا تتقوليا لا عيت معاها والو مسخوطة لحمها تياكلها لعصا مجايباش معاها قلت ليها يلاه باغي ندوي معاك خرجتها لبرى بزز طلعات غادين تنشوف فيها قلت ليها مريم هاد لي داوي معاك راه مبقى ليه والو رجل هنا ورجل فلقبر تنفكر فك نتي معارفاش بنادم كيفاش داير و داك لوجه لي تيضحك عليك بيه ماشي هو لي غادي يبينو ليك فاش يوصل فين باغي ومعمرك تقولي عرفت بنادم أنا عشيري 13 عام وحنا مع بعضياتنا 24 ساعة على 24 وفلخر بدلني بوحدة فكري مزيان كون ما ديك سيدة لي تتشوفيه كون راه مزال تنقي فبطاطا وتنغسل فطباصل فشي مطعم وكون راه مت وأنا خدام متشوفوش وجهي عرفت قبل منها شحااال وكل وحدة تنقول هيا هادي لخرى ليا سو ديري فدماغك بلي لي مكتابة ليك غتجي حتال عندك خاصك غير تقابلي قرايتك هادشي تنقولو ليك حيت غدا ولا بعدو مغاديش نكون باش نعاودو ليك تفكريه حفريه فداك دماغ عندك... طلقتها عليها دبصح صافي ولات تتبكي تتقوليا صافي لي بغيتيها هيا لي تكون أخويا وصلنا لفين مخلي لواليدة و سارة كملنا طريقنا لغابة باركين تنتغداو بقى خاصنا غير لواليد لله يرحمو مات وخلى ختي صغيرة معارفة والو تتكدب على لواليدة تتيقها لفلوس لي بغاتها تتاخدها ملقاتش لي ينصحها خويا لي معولين عليه تابع مراتو بنادم مقود مراتو حسن من لي ولداتو وكبراتو ومن ختو لحمو ودمو بنادم مقود ولله تغدينا بقينا تما ضحكنا لعبنا باش تلعب كورة مع لواليدة وتبيضها مع لعلم لابسة جلابة خاصك داكشي ديال رونالدينيو هههه وخا لخبرة مشات ولكن مزال لمسة حاضرة مرجعنا لدار حتى ضرونا رجلينا دبصح رجعنا لدار نهار جمعة قرب خاصني نبدا نصلي و ندخلو هاد بنت ناس لإسلام و نرجع شي فلوس تيتسالوها ليا شي ناس و شي أيام فرمضان و نشوف ناس لي عرفتهم هنا و نشوف يحيى ونطلب منو لمسامحة وخا معاقلش شنو درت ولكن %100 درتلو شي حاجة باش دار معايا داك لفلاش يتبع...

بيض و كحل (اجزء 12)

 بقات تتطلب فيا باش ندير لعملية ولا لعلاج قلت ليها...

واخا صافي نمشيو لدارنا و عندي شي حاجة نديرها فلمغرب وفاش نرجعو ندير لعملية ولا لعلاج ولكن تواعديني إلا وقعاتلي شي حاجة مديري والو هاد لي فكرشك حسبيه ولا حسبها هو أنا صافي غادين نزلو للمغرب هاد ليوماين تخايلت راسي نموت بسباب بزااف دلحوايج وعلى يد بزااف دناس ولكن هادي أخر طريقة طيحلي فدماغي ختنى تتبكي قلت ليها صافي قادي لوراق ديالنا ياك كنتي باغا تشوفي عائلتي قالتلي بغيت نشوف عائلتك على ودك ندير أي حاجة على ودك فاش غتمشي نتا شنو غنبقى ندير شفت فيها 
_ديري اي حاجة ؟
_أي حاجة أي حاجة غير قول
_بغيتك تبدلي ديانة ديالك على لأقل حتى نموت وديري لي بغيتي
_محمد كيفاش ياك قلنا بلي غتخليني حتى نقتانع
_نن دبا تبدل كلشي عتابريها أخر أمنية عندي
 _لا لا نتا غادي تعيش صافي غادي نبدلها تنواعدك إلا بقيتي عايش غادي نبقى فيها حتال أخر نهار فحياتي و إلا متي غادي نتبعك
 سيدة تتدوي بصح بقيت تندوي معاها أنا أول واحد يطول معاها هكذا وهيا أصلا مريضة فعقليتها من لي سبقو تديرها وتقد بيها . خليتها تتدوي مع لمحامي دخلت للبيت هزيت دوى شربت منو ودرتو فجيبي خرجت قالت ليا فلخر ديال سيمانة نقدرو نزلو قلت ليها وخا يلاه نمشيو لخدمة قالتلي لا قلت ليها خاصني ندير شي حاجة قالت ليا وخا مشينا لتما تتباليا هناء مشيت لعندها و لاورا فلكوزينة معانا تتشوف فينا قالتلي هناء مالك ؟ 
_هناء سمحيلي
_علاش؟
_معرفتش يمكن درت معاك شي حاجة خيبا باش تصرفتي هكداك لمهم سمحيلي
_هههه واش تتضحك ياكما غادي تموت
_بحال داكشي و أنا غادي ننزل للمغرب بغيتي شي حاجة ؟
_علاش غادي تنزل دبا شنو واقع أمحمد
_فاش نرجع من لبلاد وتعرفي
 خرجنا رجعنا لعند طبيب هاد لمرة على ود لحمل ديالها قلت ليه موضوعي أجلو دبا قاليا مغاديش نأجلو غنشوفو أنسب طريقة باش تعالج لمهم قاليها بلي لي فكرشها بيخير عطاها شي دوى باش ميأترش هادشي لي تنعيشوه عليها عطاني حتى انا دوى أخر قاليا نص حبة هدا غادي يخفف ديك لحمى وحيد داك لي كنت كتبتلك قلتلو وخا ورجعنا لدار باركين فلبيت باركا قدامي ساكتين تتقوليا مغادي يوقع والو ياك قلت ليها متخافيش خاصني غير نرجع ونطلب سماحة من والديا ولكن إلا وقعاتلي شي حاجة منعاودش نوصيك قالت ليا دوينا دبا أجي شنو نلبس قلت ليها نجمعو حوايجنا دبا وريتها لحوايج لي غتدي فكراتني فشنو غنديو ليهم من هنا , لغد ليه مشينا تقدينا خديت للواليد واحد لمغانة مقااودة لخوادري تيليفون خواتاتي كدالك كل واحد وشنو خديتلو وعاد داكشي لي خداتو لاورا رجعنا لدار صافي بعد غدا غادين نمشيو قالتها لدارهم عيطت أنا على واحد شركة ديال كراء سيارات قلت ليه بلي غادي نعاود نعيطلو بغيت طوموبيل قدام لمطار تكون مزيانة من بعد ونعيط نقوليه لوقت بضبط قاليا مرحبا ولكن خاصك تخلص واحد لمبلغ و ... لمهم صيفطتلو داكشي لي باغي قاليا مرحبا صافي لوراق تقادو لاورا تتوصي بنادم وخالتها على لخدمة صافي غنمشيو عرفنا طيارة إمتى غادي تخرج قلتها لداك خونا لي غيجيبلي طونوبيلا فهاد لمدة راسي عطاني راحة شويا مع داك دوى لاورا مكتفرقش عليا دبا كتر والو عينيا فعينيها نهار كامل قلت ليها كيفاش تعامل مع دار بالأخص لواليد و لواليدة مخاصهمش يعرفو بلي أنا مريض , إن شاء الله غادي نقاد كلشي فهاد نزلا نرجع لأيام لي عليا فرمضان و نرجع لفلوس لدراري لي سلفوني و نعوضهم و حتى بنادم لي غلط معايا خاصني نقاد أموري معاه عرفتي فاش تتسمع بلي تقدر تموت فأي دقيقة شوفا ديالك لحياتك ولبنادم تتبدل أصلا لفلوس مغادي ندي معايا منها والو ومغادي يتدفن معايا حتى واحد غادي يدفنوني بوحدي وديك ساعة منك لأفعالك شحال مقودة تدوز حياتك فجهنم(ديك لبلاد لي على بالكم) وفاش تموت تلقى جهنم أخرى تتسناك من نار لنار لحشية دبصح هيا هادي صافي وصل نهار لي غادين نمشيو فقنا بكري دوشنا لبسنا خوكم تقاد مزيان خويا راه لعائلة هاديك مخلوع دبصح لمهم سدينا دار مزيان شدينا طاكسي وصلنا شويا تيعيطو على رحلة ديالنا مشينا لمهم غادين فطيارة تنزيد ليها شي كلمات فلقاموس ديالها بس علمتها دارجة دبصح تقدر تتساب ليا مع بنادم تما يغلطو فيها واش غاورية لمهم وصلنا هزينا صيكان وغادين خاريجن وهو يباليا واحد خونا هاز ورقة فيها سميتي شفت فيها قلت ليها فاش فكرك بقات تتضحك هيا لي كانت تلقاتلي نهار مشيت لفرنسا وكانت هازا ورقة فيها سميتي لمهم سلام سلام قاليا أنا من طرف شركة لي خلصتي ليها طوموبيل قلت ليه شكرا خرجنا عطاني سوارتها بقى طالقها عليا قاليا خاص تجي باش تسني شي وراق قلت ليه راه صيفطتلو فوطوكوبي ديال وراقيا ولكن حتاجيتو شي حاجة دبا ندوز ولكن ماشي دبا عندي ميدار قاليا واخا غير متعطلش وصافي بقى على تصال مع شركة عطاني لوراق درنا حوايجنا فيها غادين أنا عارف هاد لمطار قريب لدار واحد 20 دقيقة غنكون فدار لي تحولو ليها مخلوع دبصح يديا عرقانين ديال بصح غابر عليهم عامين وراجع دبا مزوج ومراتي حاملا ومزال مسلماتش ومريض و تبدلت فوجهي وفكلشي غادي وتنفكر فهادشي حتى وصلنا ناري هو هدا درب تنشوف فيها بنت ناس غادي يسكتلي لقلب تيضرب دبصح متنسايش شنو علمتك و أنا ممريضش عنداك يزل ليك لسانك قدام والديا   خارج من دار مبلي ومعندي حتى درهم فجيبي وراجع مزوج ومراتي حاملا ومزال مسلماتش و تبدلت فوجهي وفكلشي وفوضعيتي غادي وتنفكر فهادشي حتى وصلنا ناري هو هدا درب تنشوف فيها بنت ناس غادي يسكتلي لقلب تيضرب دبصح متنسايش شنو علمتك و أنا ممريضش عنداك يزل ليك لسانك قدام والديا قالت ليا محمد شوف فيا تنفس عادي دخل من لأنف وخرج من فمك صافي برد مغادي يوقع والو غادي بشويا خويا دماغي راه مرفوع دخلت لداك درب لي تحولو ليه تنشوف فيها صافي دايرا زيف تتبان معقولا وقفت قدام دار شراجم محلولين واقف مقادرش ننزل ناري لواليد شنو غادي يقوليا غادي يسكتلي لقلب لاورا تتزعم فيا نزلنا سديت طونوبيل بنادم تيشوف باغي يعرش شكون هدا وديك لغاورية لي معاه شداتلي فيدي يلاه نمشيو قاصدين لباب حتى تتباليا لواليدة خارجا تتجري تبدلات بزاف تلاحت عليا ماشي عنقاتني حتى طحت فالأرض معنقها فالأرض لاورا زربات عليا شادا تيلي صوراتنا تخايل معايا لواليدة ديالك تغبر غليها عامين وصرف لا خبار لا والو كبراات بزااف وتبدلات متحسش براسك واش تتبكي ولا فرحان وقفتها تنبوس ليها فراسها تتبوسلي فيديا تتباليا واحد لبنت شادا تيلي كتصور فينا و تتبكي تتشبه لخوادرية واااع لبرهوشة كبرات دبصح مديتلها يدي جات تتجري معنقهم قالت ليا لواليدة يلاه ندخلو خرجاتها غير بزز من فمها تتبكي غادين داخلين مشاتلي لاورا من بالي عاد تفكرتها تنطل لقيتها واقفا عند لباب ههههه ولله ما دخلات قلت ليها أدخلي أبنت ناس لمهم شي نص ساعة مدويناش نعنق ختي نعتق لواليدة نرجع لختي ندوز لواليدة تتشوف فلاورا قلت ليها مرات ولدك وهيا تشوف فيا تدوي بصح ؟ قلت ليها راه حاملا بحفيدك الواليدة وهيا تجي عندها لاورا باستلها راسها وهيا تعنقها لواليدة شافت فيا معلمها يا ولد لعبد تدوي هيا ولخوادرية تنشوف فلواليدة ممتيقش بلي بارك معاها بارك حدا رجليها لواليدة سمحيلي تتقوليا مسامحاك أولدي قبل ما تجي فين غبرتي علينا هاد لعامين فين قلت ليها ميمتي قصة طويلة فين هوما خوتي و فين لواليد قالت ليا ختك لكبيرة تزوجات شحال هادي و لأخرى حتى هيا وخوك ولاو عندو زوج ولاد و تحول لدار لقديمة ديالنا قلت ليها وبابا فين هو فلقهوة فحال ديما إنى وحدة نمشي عندو قالت ليا ولدي لحاج لله يرحمو شحال هادي صافي دنيا كحالتلي فعينيا عنقتها وتنبكي أنا سبابو مات وهو ساخط عليا قالتلي ولدي صافي جات ساعتو نتا معندك ما درتي ليه بالعكس كان باغي يشوفك ويطلب منك لمسامحة قبل ما يموت ومات وهو تيرضي عليك راه راجلي عشت معاه 30 عام وزيادة وأنا لي عارفاه قلت ليها دبا ديوني لفين تدفن قالتلي لا اويلي عاد وصلتي مراتك حاملا قلت ليها لا دبا نمشي قلت ل لاورا تدينا باركا حداها ختي تتنعتلها وأنا لور حدا لواليدة تتقوليا ولدي باك راه أصلا كان مرض تعقل على فاش تصالحنا وغبرنا واحد لمدة راه كنا مسافرين يدير لعلاج ومنجحش ليه فاش رجعنا وقع لمشكل وخرجتي بلاما تعرف تنشوف فلاورا فهمات شنو تتقول لواليدة يمكن هادشي جاني من لواليد يلاه تتفكر وهيا تقوليا لواليدة ولدي راه خاصك دير تحاليل كاع خوتك داروهم مفيهم والو لحمد لله تنشوف فيها ميمتي مفيا والو متخافيش لاورا تتشوف فيا بنص عين وصلنا لمقبرة بقينا داخلين لتما وراتني لقبر بارك حداه تنشوف فيه أعز ما عندي تحت تراب لواليدة تتخوي عليه لما زهر تنشوف فلاورا قريب غيوقع لينا نفس لبلان قلت ليهم خليوني بوحدي شويا وهوما يمشيو لطوموبيل بارك تنشوف فلقبر غيكون تيسمعني أصلا بابا صلاتو كانت فلوقت و معمرو خلا شي واحد محتاج بوحدو وكلشي تيقولها عليه زوينة منعرف شنو دار باش يعطيه الله شيطان فحالي تنشوف فيه لواليد سمحلي على كلشي ولدك رجع راجل جبتليك معايا شي حاجة ولكن شنو غدير بيها دبا أنا قريب نلحق عليك شفتي مراتي حاملا بحفيدك ولد لحاج مصطفى تنعيط على لاورا وهيا تجي قلت ليها سلمي على بابا بقات تتشوف فيا أويلي مال هدا هرب ليه لفريخ بقيت تنشوف فيها وهيا تديرلي خاطري شداتلي فيدي قالتلي يلاه نمشيو عائلتك تيتسناو فينا غادين خارجين دبا هاد ناس كاملين لي مدفونين هنا كانو عندهم بلانات فدماغهم وكين لي مسكين كان تيقول غدا نصلي وغدا نحبس شي حاجة وغدا نتصالح مع شي واحد وكلهم عندهم عائلات ولاد بنات والدين حتى واحد متيعرف ساعتو انا لي سايق بيهم طلعلي دم ديال بصح دموع تسالاو لواليدة باركا لور تتدوي مع لاورا ختي حدايا تنشوف فيها وهيا تبوسني قالت ليا ممتيقاش واش رجعتي قلت ليها أه رجعت ومغادي نمشي لحتى بلاصة وصلنا بانو ليا شي ناس قدام دارنا نزلت عاد عرفتهم غير خوتي مشيت تنعنق فخويا لكبير مدواش ومعنقنيش شي تعنيقة ماشي بحال خواتاتي تتعنقك حتى تنقول عينيا غادين يخرجو مدخلين حوايجنا باركين قتلوني ب فين كنتي فين مشيتي أنا مفيا لي يدوي لواليدة طلعات لاورا لبيت ديالها هيا و لواليد بارك تنسول فيهم شنو درتو شكون تزوج وبشكون تنشوف فخويا مقدرتش نسولو علاش خليتي لواليدة وختنا صغيرة بوحدهم فدار حتى تتباليا لواليدة نازلا وشادا فيديها دوايا سولتها منين جبتيه قالت ليا من صاك نتا فيك بحال داكشي لي مات بيه باك علاش كدبتي عنقتها لواليدة مبغيتش ندوي على هادشي لله يخلي ليك لي عزيز عليك قالت ليا هو نتا قالتها وهيا تعطيها للبكى خواتاتي خاصاهم غير سبا طلقوها لتنواح مشاكيل جاي باش ننسى زادو عليا لالى زينة وزادها نور لحمام يتبع..